ابنى مش عايز يسيب حقه ؟؟؟

[ذهبية]

ابنى محمد لسه داخل المدرسة السنة دى يعنى فى سنة اولى ابتدائى بحالهم

الاستاذ محمد ابنى العزيز فية خصلة مش عارفة هى صح و لا غلط و اعمل معاها ايه بالضبط

انه مش بيحب يسيب حقه ابدااااااااا

طالع زى امه على راى ابوه

لو حد ما اصحابه ضربه... راسه و الف شبشب لا لازم ياخد حقه و فعلا يا خد حقه

امبارح راجع من المدرسة بيعيط من على السلم تحت .. سامعة عياطه من اول سلمة و الله .. و احنا فى الدور الخامس افتكرت ان الدنيا اتهدت و لا وقع و لا اتعور و لا حصل ايه

جريت عليه.. مالك فى ايه قالى و احد صاحب صلاح اخوه الكبير بيهزر معاه راح ضربه هزار و من ساعتها عياطططط

عايز حقىىىىى لازم اضربه زى ما ضربنى ... اقوله دة كبير عليك يقوللى لازم اخد حقى

قايم صاحى نايم مش بيفكر الا فى الموضوع ده

ازاى ياخد حقه و يقولى لازم تجيبه اضربه افهمه ان ده هزار مفيش فايدة يقولى انا كمان هاهزر معاه و اضربه

ياترى دة صح و لا غلط الللى ابنى فيه ده

اقول صح علشان محدش يضحك عليه و ارجع اقول غلط لو معرفش ياخد حقه فى اى موقف تانى ممكن يمرض و يسبب عقدةة

ياترى الصح ايه لو غلط اتعامل مع الموقف ده ازاى ؟؟؟؟

[se_ Elsyed]

طب دي حاجه كويسه على فكره .. بدل ما يطلع توتو ويتاخد الحق منه على طول وبدل ما يبقى له هدف .. يبقى هو هدف للاخرين

بس لازم توجهيه صح بقى ... وتفهميه إن في مواقف لازم ياخد حقه بإيده .. وفوري ... زي لو حد ضربه في المدرسة أو في النادي أو الشارع .... بس المدرسة يُستحسن إنه ما يكونش في الفصل .. وفهميه إنه يقول للتيتشر الأول .. وبعد كده لو حقه ما جاش واللي ضربه إتعاقب .. يبقى ما فيش غير الدراع

وفي مواقف بتبقى السياسة فيها مطلوبة ... بس لسه شويه عالسياسة مش هايفهم هو كده دلوقت

اهم شيء عشان ما يطلعش عدواني ... إنه يتعلم إزاي يدافع عن نفسه .. لكن لا يبدأ هو بالهجوم ..

بأشوف عيال مؤذيه منه فيه كده ويمشي يلطش في الناس ... وده غلط لأنه ممكن يطلع مش كويس ..

لكن العيل المخربش اللي يعرف يعيش في المجتمع لازم يبقى له شخصية في وسط الناس ويبقى له هيبه ...

والله صحيح ... يعني ما يبقاش هفأ وينضرب على قفاه

أنا عندي 3 عيال سِم بصراحة

عُمر بلطجي رسمي وماحدش بيقدر يهوب ناحيته ... لكنه مؤدب لا يستخدام ألفاظ خارجه إحنا ما نعرفش كده أساساً .. ولا يبدأ بالإعتداء على أحد - قليل يعني لما بيعمل كده :lol: - لكن .. لو حد قرب له بيهبش فيه .....

علي .. طالع غلبان وفاقع مرارتي وباعلمه دلوقت يعرف ياخد حقه وحتى ما يسكتش للولا الجزمه عُمر لو ضربه ... وابتدى دلوقت يبقى ديفندر ويطرقع للي يقرب له .. بس أداءه لسه مش عاجبني ..

عبد الرحمن .. لسه سنتين وعُمر متبنيه لأنهم شكل بعض وشخصيتهم زي بعض وتقريباً بجد عُمر دلوقت اللي بيربيه ورايح جاي معاه .. فطالع زيه شرير وماحدش يقدر يسم له بهايم أو يعتدى على على حزمة برسيم في أرضه ...

ربنا يخليهولك يا جولد .... ولو غلبتي فيه إبعتيه دورة تدريبية لمدة شهر هنا في الرياض .. وهايرجع لك ولا اللمبي في زمانه ..

[nightmare]

خصلة رائعة من وجهة نظري ولابد أن تنميها فيه ولكن مع شيء من التقويم الإيجابي عندما يشتد عوده قليلاً , فدورك أن تعلميه أن ليس كل حق يؤخذ باليد, فهناك حقوق تؤخذ بالقانون وهناك حقوق تؤخذ بجلسات المصالحة وبالود والإحترام , وهناك حقوق تؤخذ بالعقل والحكمة, وهناك حقوق بالفعل تؤخذ بالقوة وبالسلاح أيضاً , وتعطيه أمثلة على ذلك حتي يقتنع.

مع تحياتي

تم تعديل 28 أكتوبر 2010 بواسطة nightmare

[عبيد الله]

أختنا الكريمة ذهبية

أولاً: أسأل الله أن يبارك في ولدك.. وأن يجعله مطيعاً لربه، باراً بوالديه، حنوناً على أهله، محباً لفعل الخيرات..

ثانياً: أنصحك باستشارة طبيب نفسي متخصص ليشير عليك بأنجع الطرق في التعامل مع الطفل العنيد أو ذو الطبع الحاد، أو الذي لا ينسى الإساءة.. العلم هنا هو الحل وخصوصاً مع الأطفال في هذه المرحلة العمرية الصعبة..

تجنبي نصائح البعض بضرب الطفل، أو تركه بدون عقاب، أو التهليل له لأنه رجل ويحب أن يأخذ حقه!..

بقي أن أقول لك إن إتباع نصائح الطبيب لن يغير من شخصية ولدك كما تريدي بالضبط، لكن على الأقل سيهذب سلوكه، ويهدأ أعصابه، ويكسبه حسن التصرف بأقل ضرر

[Howayda Ismail]

لابد حضرتك تعرفيه ان فى شئ اسمه تسامح واختارى له نماذج مبسطة على قدر

فهمه وسنه لانه لو تعود على السلوك ده مش حيكون له صدقات فى المستقبل

وربما الان يتبع نفس الشئ مع اخوته

يعنى مثلا لو حضرتك بتضربيه على كل صغيرة وكبيرة او والده بيعمل معاه كده

غيروا اسلوب العقاب مرة تهديد ومرة تنفيذ ومرة تحفيز لو معملش الحاجة الغلط

تانى ولو هو حاسس بشئ من الاضطهاد فى البيت حتى ولو من اخوه الكبير ده بينعكس

على سلوكه مع الاخرين وده سلوك مش طبيعى لانه بيبقى فى شئ من العداء وليس بطولى

كما نتصور انه بيعرف ياخد حقه وله مردوده بعد كده على الاسرة كلها

ليس معنى كلامى ان نعلمه الخنوع ولكن نعلمه ببساطة ان القصاص درجات

والعفو افضل عند مقدرة الانسان انه ياخد حقه لكنه يتركه لوجه الله

عرفيه ان رد الاعتداء يكون بنفس المقدار يعنى مش نضربه على خطا صغير بدر منه

ونحسسه انه عمل جرم لايغتفر عرفيه انه غلط بس حتسامحيه المرة دى ولو كرره فى

عقاب تتخذيه لكن متعرفوش مقدار العقاب ده ايه

ونفس الشئ يعمله مع من ضربه فهميه يديه فرصة يسامحه اول مرة من غير ضعف

ولو اللى ضربه كرر الموضوع عرفيه انه من حقه المرة دى يرد العدوان ويدافع عن نفسه

اظن سنه كويس انك تبدى تعالجى سلوكه لو شايفة انه فى شئ من العداء للاخرين

حتى لو احتاج الامر عرضه على اخصائى نفسى عشان المشكلة ماتكبرش فى المستقبل

وربنا يفرحك به

[masraweya]

إضافة صغيرة .. أختي العزيزة

جميل أن يأخذ حقه .. لكن.. الموضوع قد يزيد و تستحوذ عليه فكرة الانتقام

أعتقد أنه يحتاج أن يفهم أهمية و مواضع التسامح و التغافل .. بقصص صغيرة او مواقف لتعليمه

مهم أيضا معرفة السبب الذي يدفعه لهذا (كلام بيسمعه او مضايقة مستمرة من شخص معين

المهم اتكلمي معاه بهدوء و امدحي فيه حرصه على حقه و عرفيه ان في وسائل كتير لكده مش معناها ضعف .. بالعكس

[Om Zayd]

موضوع مهم جدا.. ازاي نخلي فيه توازن عند أولادنا

جزاكم الله خيرا جميعا

[Alshiekh]

السلام عليكم

موقف صغير حدث مع ابنى وهو صغير( سنتين )

إبن عمته ضربه ، فقامت أختى بضرب ابنها كى ترضى ابنى ، ولكن ابنى اصر على ان يضربه بنفسه وفى نفس المكان الذى ضربه فيه ( على عظمة الخد الأيسر )

خلاص يا ابنى عمتك ضربته ، رأسه والف سيف لازم يأخذ حقه بأيده وطبعا فى سنه هذا لم يكن يعرف " العين بالعين والسن وبالسن ".

المهم أعتقد انه يجب نشجع فى ابناؤنا عدم السكوت على حقوقهم ولكن بالشكل الصحيح ، فمثلا لو كانوا فى المدرسة ، نعلمهم ان يلجأوا للمدرس او المدرسة او المشرف ، بعدها لو لم يأخذ حقه يفكر فى ان يأخذه بيده ، ايضا يجب ان نعلمهم ان يفرقوا بين المقصود والغير مقصود.

ايضا يجب ان نشجعهم على عدم التفريط فى حقوقهم السياسية ، وحقوقهم المعرفية بمعنى الا يسلموا عقولهم لغيرهم.

وربنا يبارك لكم فى اولادكم وبناتكم جميعا.

[عبير يونس]

الموضوع مهم فعلا يا ذهبية

و انا فعلا بأعاني من الصراع ده مع ولادي

ازاي اوصلهم للتوازن؟؟؟

ازاي ياخدوا حقهم بالقوة في الوقت المناسب

و ازاي يتسامحوا و هم قادرين و ليس عن جبن أو ضعف؟؟

باباهم نفسه متسامح زيادة عن اللزوم

و لانه مش قادر يغير طبيعته و تم استغلاله مئات المرات بسبب هذا التسامح

يالاقيه احيانا من خوفه ع الولاد بيشجعهم ياخدوا حقهم بايديهم

الكبير عندي فعلا مش متوازن

يجي ياخد حقه المدرسين يشتكوا لباباه و باباه يقول له مش عايز مشاكل

يسكت عن حقه باباه يقوله بتسكت ليه

احنا عايزينه يوصل للتوازن

بس بجد مش عارفين ازاي

انا عن نفسي وصلت له بعد عشرات التجارب المؤلمة

نفسي ولادي ما يمروش بيها

الصغير عندي 4 سنوات في كي جي ا

مبيسيبش حقه

و طايح في الولاد في المدرسة

و بدأ سلوكه يتغير معايا

و بقى يشتمني و يطلع لي لسانه و يفضل يستفزني و عايزني اضربه

انا فعلا مشوشة ومش عارفة اتصرف معاه

اول واحد في ولادي يتعامل معايا كده

مع انه اكتر واحد اتعاملت معاه بحكمة و قضيت معاه أطول وقت

كنت متفرغة له تماما

اعتقد ان ده تأثير المدرسة لأن السلوكيات دي جديدة عليه تماما

اخوه معاه في كي جي 2

لاحظت ان مدرسته دايما تديليه هدايا

و ابني الصغير مدرسته مبتديلوش

يمكن ده واحد من الأسباب؟؟؟

بس هو مبسوط من المدرسة و كان بيجي يحكي لي عن اصحابه و صاحباته

و بيقول اناشيد الحضانة

مش عارفة والله محتارة

[Rock]

لو سمحتي يا مدام ذهبية...ياريت تقولي لمحمد في واحد اسمة روك علي المحاورات بيبعتلك تحياتة و بيشد علي ايديك :)

محمد بيعمل اللي انا ماقدرش اعملة كل الوقت wst:: و النتيجة حق كتير مهدور بين ما يضيع بسيف الحياء او خوف من تعليقات الناس او تكبير الدماغ -_-

انا مع قالة الاخوة هنا....انة لابد من التقنيين و اعتقد دة هيجي مع الوقت زي العفو عند المقدرة و عدم تضييع مجهوداتنا علي كل شيء لاسترداد حق غير مهم لانة مع كل يوم بنكبر بنعرف المثل القائل

pick up your fights

بمعني انة محدش يقدر يحارب علي كل شيء و لازم احيانا نتغاضي

اعتقد اكبر صفة تحسن الطبع دة هو تعليم التسامح كما اقر البعض هنا

تحياتي

[ذهبية]

طب دي حاجه كويسه على فكره .. بدل ما يطلع توتو ويتاخد الحق منه على طول وبدل ما يبقى له هدف .. يبقى هو هدف للاخرين

بس لازم توجهيه صح بقى ... وتفهميه إن في مواقف لازم ياخد حقه بإيده .. وفوري ... زي لو حد ضربه في المدرسة أو في النادي أو الشارع .... بس المدرسة يُستحسن إنه ما يكونش في الفصل .. وفهميه إنه يقول للتيتشر الأول .. وبعد كده لو حقه ما جاش واللي ضربه إتعاقب .. يبقى ما فيش غير الدراع

وفي مواقف بتبقى السياسة فيها مطلوبة ... بس لسه شويه عالسياسة مش هايفهم هو كده دلوقت

اهم شيء عشان ما يطلعش عدواني ... إنه يتعلم إزاي يدافع عن نفسه .. لكن لا يبدأ هو بالهجوم ..

بأشوف عيال مؤذيه منه فيه كده ويمشي يلطش في الناس ... وده غلط لأنه ممكن يطلع مش كويس ..

لكن العيل المخربش اللي يعرف يعيش في المجتمع لازم يبقى له شخصية في وسط الناس ويبقى له هيبه ...

والله صحيح ... يعني ما يبقاش هفأ وينضرب على قفاه

أنا عندي 3 عيال سِم بصراحة

عُمر بلطجي رسمي وماحدش بيقدر يهوب ناحيته ... لكنه مؤدب لا يستخدام ألفاظ خارجه إحنا ما نعرفش كده أساساً .. ولا يبدأ بالإعتداء على أحد - قليل يعني لما بيعمل كده :lol: - لكن .. لو حد قرب له بيهبش فيه .....

علي .. طالع غلبان وفاقع مرارتي وباعلمه دلوقت يعرف ياخد حقه وحتى ما يسكتش للولا الجزمه عُمر لو ضربه ... وابتدى دلوقت يبقى ديفندر ويطرقع للي يقرب له .. بس أداءه لسه مش عاجبني ..

عبد الرحمن .. لسه سنتين وعُمر متبنيه لأنهم شكل بعض وشخصيتهم زي بعض وتقريباً بجد عُمر دلوقت اللي بيربيه ورايح جاي معاه .. فطالع زيه شرير وماحدش يقدر يسم له بهايم أو يعتدى على على حزمة برسيم في أرضه ...

ربنا يخليهولك يا جولد .... ولو غلبتي فيه إبعتيه دورة تدريبية لمدة شهر هنا في الرياض .. وهايرجع لك ولا اللمبي في زمانه ..

سيدى السيد نورت موضوعى ربنا يارب يخلي لك عيالك انا عندى تلات ولاد برضة و احمد الله انى مجبتش بنات علشان كانت هتبقى الضحية فى البيت

و الله يا سى السيد ساعات باحس انى قاعدة غريبة فى البيت دةةة

حضرتك قسمت ولادك اكنك كنت شايف اولادى بالضبطط الكبير زى ما بتوصفة عندى النسخو االتانية منة و اللى متبنى محمد الضغير و بيربية و اللى فى النص معرفش دة بقى طبيعى ان كلهم بيطلعوا غلابة و لا اية بس ابشرك هو فى طريقة الى تقليد وسام محدش يقربلى هاتعبة

المشكلة يا سيى السيد ان شعار البيت كلة بحكم الشقاوة كلمة اخد حقى

و بسسب هذة الكلمة السحرية اصبح البيت مصارعة ثيران و حرب شرسة مين فيهم ياخد حقة من التانى

كانها وسام الرجولة و الى ميخدش حقة يبقى اصابة عارررر و يستحق العقاب و الفضيحةةة

امووضع التيتشر دةةة خيال لان التيتشر مش بترد على اى حد اساسا و لو حصل اى حاجة الاتنين بتعاقبة المظلوم و الظالم

[ذهبية]

خصلة رائعة من وجهة نظري ولابد أن تنميها فيه ولكن مع شيء من التقويم الإيجابي عندما يشتد عوده قليلاً , فدورك أن تعلميه أن ليس كل حق يؤخذ باليد, فهناك حقوق تؤخذ بالقانون وهناك حقوق تؤخذ بجلسات المصالحة وبالود والإحترام , وهناك حقوق تؤخذ بالعقل والحكمة, وهناك حقوق بالفعل تؤخذ بالقوة وبالسلاح أيضاً , وتعطيه أمثلة على ذلك حتي يقتنع.

مع تحياتي

نايت مير و الله ما انا عارفة دى حاجة كويسة و لا لا هو المشكلة انة لو مخدتش حقة بنفس الطريقة الىل اتاخدت حقة بيها بيقعد يعيط و بيقلب البيت نكد و بيحلم بالموقف و يصحى نايم قايم مش بيجيب اا فى سيرة ان حدضربة و معرفش ياخد حقة

افهمة فى السن دة ازاى مووضع العقل و الحكمة دة لو عندك افكار قولى عليها ازاى اعرف اوازن بين انة ميطلعش جبان و بين انة يحكم عقلة

و اشكرك على المرور

[ذهبية]

أختنا الكريمة ذهبية

أولاً: أسأل الله أن يبارك في ولدك.. وأن يجعله مطيعاً لربه، باراً بوالديه، حنوناً على أهله، محباً لفعل الخيرات..

ثانياً: أنصحك باستشارة طبيب نفسي متخصص ليشير عليك بأنجع الطرق في التعامل مع الطفل العنيد أو ذو الطبع الحاد، أو الذي لا ينسى الإساءة.. العلم هنا هو الحل وخصوصاً مع الأطفال في هذه المرحلة العمرية الصعبة..

تجنبي نصائح البعض بضرب الطفل، أو تركه بدون عقاب، أو التهليل له لأنه رجل ويحب أن يأخذ حقه!..

بقي أن أقول لك إن إتباع نصائح الطبيب لن يغير من شخصية ولدك كما تريدي بالضبط، لكن على الأقل سيهذب سلوكه، ويهدأ أعصابه، ويكسبه حسن التصرف بأقل ضرر

اولا اشكر حضتك على الدعوة الجميلة جداااا يارب اولادنا جميعااا

مووضع استشارة الدكتور هو مش عنيد ابدااااو لا عصبىى بالعكس ساعات باحس ان ماش اء الله عقليتة اكبر من سنة

الفكرة فى مبدا السن بالسن و بالبادى اظلم

هو عمرة ابدااا ما بدا بالشر او تعدى على اى حد بالعكس و مؤدب جدااا مع المؤدب الفكرة انة بيزعل جدااا لو حد تهجم علية او ضربة دة هو بالذات الىل عمرى ما مديت ايدى علية او ضربتة علشان كدة لو انضرب من برةةة بيكون موقف صعب علية جداااا

المشكلة انة بيضرب من اولاد اكبر منة فى المدرسة فى البريك بتاع المدرسة

لو مخدتش حقةةة ممكن يمرض و ميرضاش يتكلم معانا و يفضل يعيط لتانى يوم لو قولت لة روح اضرب الى اكبر منك ممكن ينفرم تحت رجلهم

ومش مقتنع بفكرة انة بيهزر او بيلعب معاك او اى كلام من بتاع العيال دة مش مقتنع بية

[ذهبية]

لابد حضرتك تعرفيه ان فى شئ اسمه تسامح واختارى له نماذج مبسطة على قدر

فهمه وسنه لانه لو تعود على السلوك ده مش حيكون له صدقات فى المستقبل

وربما الان يتبع نفس الشئ مع اخوته

يعنى مثلا لو حضرتك بتضربيه على كل صغيرة وكبيرة او والده بيعمل معاه كده

غيروا اسلوب العقاب مرة تهديد ومرة تنفيذ ومرة تحفيز لو معملش الحاجة الغلط

تانى ولو هو حاسس بشئ من الاضطهاد فى البيت حتى ولو من اخوه الكبير ده بينعكس

على سلوكه مع الاخرين وده سلوك مش طبيعى لانه بيبقى فى شئ من العداء وليس بطولى

كما نتصور انه بيعرف ياخد حقه وله مردوده بعد كده على الاسرة كلها

ليس معنى كلامى ان نعلمه الخنوع ولكن نعلمه ببساطة ان القصاص درجات

والعفو افضل عند مقدرة الانسان انه ياخد حقه لكنه يتركه لوجه الله

عرفيه ان رد الاعتداء يكون بنفس المقدار يعنى مش نضربه على خطا صغير بدر منه

ونحسسه انه عمل جرم لايغتفر عرفيه انه غلط بس حتسامحيه المرة دى ولو كرره فى

عقاب تتخذيه لكن متعرفوش مقدار العقاب ده ايه

ونفس الشئ يعمله مع من ضربه فهميه يديه فرصة يسامحه اول مرة من غير ضعف

ولو اللى ضربه كرر الموضوع عرفيه انه من حقه المرة دى يرد العدوان ويدافع عن نفسه

اظن سنه كويس انك تبدى تعالجى سلوكه لو شايفة انه فى شئ من العداء للاخرين

حتى لو احتاج الامر عرضه على اخصائى نفسى عشان المشكلة ماتكبرش فى المستقبل

وربنا يفرحك به

هند اشكرك على مرورك

بجد رايك جميل جداااا و انا استفدتة منة جدااا

[ذهبية]

إضافة صغيرة .. أختي العزيزة

جميل أن يأخذ حقه .. لكن.. الموضوع قد يزيد و تستحوذ عليه فكرة الانتقام

أعتقد أنه يحتاج أن يفهم أهمية و مواضع التسامح و التغافل .. بقصص صغيرة او مواقف لتعليمه

مهم أيضا معرفة السبب الذي يدفعه لهذا (كلام بيسمعه او مضايقة مستمرة من شخص معين

المهم اتكلمي معاه بهدوء و امدحي فيه حرصه على حقه و عرفيه ان في وسائل كتير لكده مش معناها ضعف .. بالعكس

مصرية اشكرك على المرور

و هاحاول اتكلم معاة بالرغم انى صعب انة يفهم الكلام الكبير دة بس فعلا موضع القصص دى ممكن تكون فكرة كويسة داااا

[ذهبية]

السلام عليكم

موقف صغير حدث مع ابنى وهو صغير( سنتين )

إبن عمته ضربه ، فقامت أختى بضرب ابنها كى ترضى ابنى ، ولكن ابنى اصر على ان يضربه بنفسه وفى نفس المكان الذى ضربه فيه ( على عظمة الخد الأيسر )

خلاص يا ابنى عمتك ضربته ، رأسه والف سيف لازم يأخذ حقه بأيده وطبعا فى سنه هذا لم يكن يعرف " العين بالعين والسن وبالسن ".

المهم أعتقد انه يجب نشجع فى ابناؤنا عدم السكوت على حقوقهم ولكن بالشكل الصحيح ، فمثلا لو كانوا فى المدرسة ، نعلمهم ان يلجأوا للمدرس او المدرسة او المشرف ، بعدها لو لم يأخذ حقه يفكر فى ان يأخذه بيده ، ايضا يجب ان نعلمهم ان يفرقوا بين المقصود والغير مقصود.

ايضا يجب ان نشجعهم على عدم التفريط فى حقوقهم السياسية ، وحقوقهم المعرفية بمعنى الا يسلموا عقولهم لغيرهم.

وربنا يبارك لكم فى اولادكم وبناتكم جميعا.

حضرتك معاك حق فى ان الانسان لا يتركة حقة و انا مع دة جدااا بس لدرجة انة ممكن يمرض لو مخدتش حقة هى دى اللفكرة لحسن لو كدة كانت زمان البلد كلها عيانة و بتتعالج عند اطباء تفسين لان اللبلد كلها مش واخدة حقها و الظلم فى المجتمع كلة

انا خايفة علية من المموضع انة يكبر معاة و تبقى عقدة و تتحول لشعور بالاضطهاد و يبدا يحس نة مظلوم على طول الخط

حضرتك عارف كويس ان المدرسة عنصر سلبى مش ايجابى ابدااا ما هو اللى حصل لة دة من المدرسة مش من البيت المشرفين ساسيبن الاولاد يضربوا فى بعض بلا رقابة و البريك بتاع الاولاد الضغرين مع الكبار اللى بيكون نتيجتها ان الالولاد الضغيرين بيقعوا فريسة سهلة جدا للكبار فى الضرب و الحوادث الى بقصد و بدون قصد

ربنا يستر عليهم

[ذهبية]

الموضوع مهم فعلا يا ذهبية

و انا فعلا بأعاني من الصراع ده مع ولادي

ازاي اوصلهم للتوازن؟؟؟

ازاي ياخدوا حقهم بالقوة في الوقت المناسب

و ازاي يتسامحوا و هم قادرين و ليس عن جبن أو ضعف؟؟

باباهم نفسه متسامح زيادة عن اللزوم

و لانه مش قادر يغير طبيعته و تم استغلاله مئات المرات بسبب هذا التسامح

يالاقيه احيانا من خوفه ع الولاد بيشجعهم ياخدوا حقهم بايديهم

الكبير عندي فعلا مش متوازن

يجي ياخد حقه المدرسين يشتكوا لباباه و باباه يقول له مش عايز مشاكل

يسكت عن حقه باباه يقوله بتسكت ليه

احنا عايزينه يوصل للتوازن

بس بجد مش عارفين ازاي

انا عن نفسي وصلت له بعد عشرات التجارب المؤلمة

نفسي ولادي ما يمروش بيها

الصغير عندي 4 سنوات في كي جي ا

مبيسيبش حقه

و طايح في الولاد في المدرسة

و بدأ سلوكه يتغير معايا

و بقى يشتمني و يطلع لي لسانه و يفضل يستفزني و عايزني اضربه

انا فعلا مشوشة ومش عارفة اتصرف معاه

اول واحد في ولادي يتعامل معايا كده

مع انه اكتر واحد اتعاملت معاه بحكمة و قضيت معاه أطول وقت

كنت متفرغة له تماما

اعتقد ان ده تأثير المدرسة لأن السلوكيات دي جديدة عليه تماما

اخوه معاه في كي جي 2

لاحظت ان مدرسته دايما تديليه هدايا

و ابني الصغير مدرسته مبتديلوش

يمكن ده واحد من الأسباب؟؟؟

بس هو مبسوط من المدرسة و كان بيجي يحكي لي عن اصحابه و صاحباته

و بيقول اناشيد الحضانة

مش عارفة والله محتارة

حيرتك دى اللى انا فيها يا مغتربة لا عارفة اشجعة على التصرف دة و لا عارفة اقلل فية النقطة دى يطلع سلبى و جبان

الفكرة اللى كمان ظهرت جديدة بسبب الشعور دة فى البيت اصبح ساحة قتال بسبب احساس كل واحد من الاولاد انة لازم ياخد حقة طيب احساس الحب بينهم كاخوات فين ؟؟؟

دة اللى مخوفنى بقى

عايزاهم يكونوا حنين على بعض و يراعوا شعور بعض و يحسوا ببعض دة عمرة ما هيكون موجود و وجواهم الاحسا س دة و احنا كاباء لو ما زرعنا دة فى فى اولادنا محدش غيرنا هيزرعوة و هما مش هيعملوا لنفسهم

وفية مشكلة تانية خالص يا مغتربةة

الافلام الاجنى اللى كانت السبب فى دة كلة لو اتفرجتى على الافلام الاجنبى و طبعا بحكم ان اولادى فى اللغات و مش بيحبوا العربى قوى و متجهبن جداا للاجنبى

تلاقى الفيلم كلة تلات ساعات ازاى البطل بينتقم من اللى ضربة و بيموتة و بيقتلة

يفضل الاولاد شايفين فكرة الانتصار و ازاى البطل مش سايب حقة و بيدور عليى طول الفيلم

تفتكرى بعد ما يخلص الفيلم اية اللى هترسب جواهم

الا ان البطل بجد اللى ينقم لنفسة و يموت الاعداء

و يطلع علينا احنا بقىىى

[ذهبية]

لو سمحتي يا مدام ذهبية...ياريت تقولي لمحمد في واحد اسمة روك علي المحاورات بيبعتلك تحياتة و بيشد علي ايديك :)

محمد بيعمل اللي انا ماقدرش اعملة كل الوقت wst:: و النتيجة حق كتير مهدور بين ما يضيع بسيف الحياء او خوف من تعليقات الناس او تكبير الدماغ -_-

انا مع قالة الاخوة هنا....انة لابد من التقنيين و اعتقد دة هيجي مع الوقت زي العفو عند المقدرة و عدم تضييع مجهوداتنا علي كل شيء لاسترداد حق غير مهم لانة مع كل يوم بنكبر بنعرف المثل القائل

pick up your fights

بمعني انة محدش يقدر يحارب علي كل شيء و لازم احيانا نتغاضي

اعتقد اكبر صفة تحسن الطبع دة هو تعليم التسامح كما اقر البعض هنا

تحياتي

حاضر يا روك هاوصلة السلام و اقولة انت بتحقق احلام روك

قكرة التسامح دى بقى مش هتيجى الا لما يكبر شوية بس تفتكر انت ب اللى بتربى ولادك

والمدرسة و الشارع و التليفويون و الاصحاب

لو بصيت على كل دول صدقنى هتلافى كمية عنف اكبر بكتيرررررررر من كلمة تسامح

[Rock]

لو سمحتي يا مدام ذهبية...ياريت تقولي لمحمد في واحد اسمة روك علي المحاورات بيبعتلك تحياتة و بيشد علي ايديك :)

محمد بيعمل اللي انا ماقدرش اعملة كل الوقت wst:: و النتيجة حق كتير مهدور بين ما يضيع بسيف الحياء او خوف من تعليقات الناس او تكبير الدماغ -_-

انا مع قالة الاخوة هنا....انة لابد من التقنيين و اعتقد دة هيجي مع الوقت زي العفو عند المقدرة و عدم تضييع مجهوداتنا علي كل شيء لاسترداد حق غير مهم لانة مع كل يوم بنكبر بنعرف المثل القائل

pick up your fights

بمعني انة محدش يقدر يحارب علي كل شيء و لازم احيانا نتغاضي

اعتقد اكبر صفة تحسن الطبع دة هو تعليم التسامح كما اقر البعض هنا

تحياتي

حاضر يا روك هاوصلة السلام و اقولة انت بتحقق احلام روك

قكرة التسامح دى بقى مش هتيجى الا لما يكبر شوية بس تفتكر انت ب اللى بتربى ولادك

والمدرسة و الشارع و التليفويون و الاصحاب

لو بصيت على كل دول صدقنى هتلافى كمية عنف اكبر بكتيرررررررر من كلمة تسامح

صدقيني الرحمة تسبق التسامح و العطف يسبق التسامح....يعني لو علمتية الرحمة و العطف يبقي اكيد هيتعلم التسامح

طيب تعلمية الرحمة و التسامح ازاي.....اقولك....روحي انتي و هو و اشتريلة زرع و نباتات و خلية يسقيها كل يوم....خدية يوم في الشهر و روحي ملجأ و خلية يدي علبة شيكولاتة للاطفال الايتام بنفسة و خلي يعيش احساس الرحمة و المودة و العطف و هو اكيد هيتعلم حتي و لو كان طفل

اطيب امنياتي

[Om Zayd]

صدقيني الرحمة تسبق التسامح و العطف يسبق التسامح....يعني لو علمتية الرحمة و العطف يبقي اكيد هيتعلم التسامح

طيب تعلمية الرحمة و التسامح ازاي.....اقولك....روحي انتي و هو و اشتريلة زرع و نباتات و خلية يسقيها كل يوم....خدية يوم في الشهر و روحي ملجأ و خلية يدي علبة شيكولاتة للاطفال الايتام بنفسة و خلي يعيش احساس الرحمة و المودة و العطف و هو اكيد هيتعلم حتي و لو كان طفل

اطيب امنياتي

للأسف نفد رصيدي

bv:-

زي ما حضرتك قلتي يا أستاذة .. التليفزيون مشكلة كبيرة جدا.. يا ريت تركزي عليها.. حاولي بدل ما يقضوا وقتهم قدامه هو و الكمبيوتر تشجعيهم يلعبوا في النادي مثلا .. و ياريت تكون العاب تشجعهم على التعاون مع بعض .. قربيهم من بعض على قد ما تقدري