ابنى مش عايز يسيب حقه ؟؟؟

[لماضة مصرية جدا]

لو سمحتي يا مدام ذهبية...ياريت تقولي لمحمد في واحد اسمة روك علي المحاورات بيبعتلك تحياتة و بيشد علي ايديك :)

محمد بيعمل اللي انا ماقدرش اعملة كل الوقت wst:: و النتيجة حق كتير مهدور بين ما يضيع بسيف الحياء او خوف من تعليقات الناس او تكبير الدماغ -_-

انا مع قالة الاخوة هنا....انة لابد من التقنيين و اعتقد دة هيجي مع الوقت زي العفو عند المقدرة و عدم تضييع مجهوداتنا علي كل شيء لاسترداد حق غير مهم لانة مع كل يوم بنكبر بنعرف المثل القائل

pick up your fightsبمعني انة محدش يقدر يحارب علي كل شيء و لازم احيانا نتغاضي

اعتقد اكبر صفة تحسن الطبع دة هو تعليم التسامح كما اقر البعض هنا

تحياتي

السلام عليكم و رحمة الله و بركاته

يعني استاذي انا واقفة اديلي 10 دقايق ...بقلب في الجملة اللي حضرتك كاتبها دي...من فوق لتحت....و من تحت لفوق

اصل احنا مش كبار كده....و عاقلين (المفروض)....و ناس بتشتغل يعني...بس لغاية دلوقتي بجد.....ممكن منكونشي بنعرف نعملها

بس هي جملة رااااااااااائعة

تحياتي لحضرتك

[لماضة مصرية جدا]

السلام عليكم و رحمة الله و بركاته

هو انا ممكن افكر في حتتين كده....مع اني ماليش في المرحلة دي تماما

1- انتي ربطتي موضوع العنف ده بالمدرسة....لكن الواضح انه اكيد كان عنده من قبل المدرسة...و اللي بيلفت نظري في الموضوع هو انه يرد علي الاساءة بعنف....لان بعد كده لو مثلا انتي زعقتيله في البيت....هو ممكن تلاقيه جه ضربك

مش فيه ولاد كده....بيبقي رد فعلهم عنيف....حتي في اللعب...العادي جدا؟؟؟

2- مهم اوي انك انتي و باباه يبقي رد فعلكم واحد....يعني انا بابا مثلا مرة حكيتله علي ولد بيضايقني في المدرسة....قالي اضربيه...(مع اني اصلا جبانة....يعني تركيبتي متجبشي اني اضرب...انا ممكن ازق و اطلع اجري)...و ماما تلاقيها بتقول....اكيد انتي اللي ضايقتيه....مينفعشي تضربي ولد

يعني انتي و باباه لازم تتفقوا علي رد واحد مش انتي تبقي في ناحية و بابا في ناحية...و الولد غالبا هيروح في ناحية تالتة...(زي ما انا عملت)

3- هو ليه الموضوع ده بيبان في الطفل التاني...مش الاول....عندنا نفس الحكاية؟؟؟

4- فيها ايه لو نفهم الولاد دول يعني ايه "حقه اصلا"...يفكر بس شوية قبل ما دراعه تبقي سابقاه...مش يمكن هو اللي غلط في اللي قدامه الاول و اللي قدامه شايف برضه انه بياخد حقه

بجد ربنا يعينكم....و يقدركم انكم تشوفوا الولاد دول احلي حد في الكون بحاله

ربنا يقويكي