ماوحشتونيش - قصة .. من واقعي الإفتراضي

[عبد الله غريب]

أستاذ محمد يوسف،

بصراحة إحساس عالي قوي ... أحييك عليه،

كلام من القلب و لازم يوصل للقلب،

[Folana]

عصام كتب:

ربنا يبارك فيكى ويديلك على أد نيتك

طب دى حاجة حلوة ولا حاجة وحشة ؟ :P

إلهى وانت جاهى ... :blink:

بس ..خلالالاص..ماتبسطهاش أكتر من كده...قصدى ماتدعيش اكتر من كده....اللهى وانت جاهى ايه ؟..ماتحدد واكمل السطر علشان بس الدعوة تبقى واضحة :)

كل سنة وانت طيب يا ايسو...ويارب نشوف كتاباتك منورة المكان ....

[Folana]

السنونو والحلزونة إنتاج حضرتك يا أستاذة

على فكرة .. المعاني كبيرة .. الحلزونة .. الحلزونة ..

دوخيني يا لامونة ..

أحيكي يا أستاذة .. بس هو حضرتك بتنشري زيي في شبرا برضه؟

ولا تخصص حضرتك هناك تقطيف ملوخية وبس؟

أنا باهدي النفوس مش أكتر ..

لحاد مانشوف المنشور هيتفك كربه إمتى عشان يستلم طرطوره ..

ودوخيني ..

يا لامونة ..

واجري بيَّ ..

يا حلازونة ..

السلام عليكم ورحمة الله...

هو أنا أقدر أقرب من شبرا وأساطين شبرا يا محمد باشا....رحم الله إمرؤ عرف قدر نفسه..أنا يادوب بألقط رزقى فى كشك كده محندق أخدته من المحافظة....

ثم انت عندك شك فى ان السنونو والحلزونة وأبيع نفسى من انتاجى؟..بقى ده كلام..!

طب ليكن فى معلوميات سيادتك بقى حأقولك على سر حصرى فى موضوعك ده...بالك انت عصيدة أبيع نفسى دى...كانت فى الأصل اسمها أبيع شَعرى ( بالفاتحة على الشين )..واتكتبت إبان تجربة مريرة مع تساقط الشعر وكانت فى الأصل ايه بقى ..

أبيع شَعرى لأول مفترٍ آت...أبيع توّكى وبنساتى ..ليسقط الشعر ولتنهار خصلاتى..الشَعر شَعرى والمأساة مأسأتى... أممكن ؟ :closedeyes:

وكل سنة وحضرتك طيب ...وأدى عيديتك كمان ..

ودى من أيام "يونيو" ربنا يديله الصحة...

[MaYousof]

أستاذ محمد يوسف،

[...]

أستاذ عبد الله غريب,

------------------------

Folana' timestamp='1289292442' post='656095']

أبيع شَعرى لأول مفترٍ آت...أبيع توّكى وبنساتى ..ليسقط الشعر ولتنهار خصلاتى..الشَعر شَعرى والمأساة مأسأتى... أممكن ؟ :closedeyes:

رباعية أبيع شَعري رائعة بحق يا أستاذة ..

وقفت أتأملها لحظات .. تحولت إلى دقائق عديدة نشأت من مقدار الرهبة المتجسدة في المعاني

بس يا أستاذة حاسس إن البيت التاني محتاج كلمة رابعة فيه ..

يعني نقول .. أبيع توكي وأطواقي وبناستي .. أو مثلا .. أبيع توكي وربطاتي وبناستي .. ياه يا أستاذة .. إيدي بتترعش وانا بكتب .. الكلمات قوية جدا

طب والله رباعية جامدة جدا يا أستاذة

------------------------

يا ايسو

أنت لسه مش واحشني

------------------------

طيب يا جماعة أنا نازل الشواربي دلوقي .. حد يحب ييجي معايا؟

أصلي لسه ماسك حتة بخمسة من أيام عم يونيو فقلت مابدهاش .. لازم أنزل الصرفلي منهم إتنين جنيه لبس عيد وشتوي وكده .. آه .. أنا عايز العيد ده امنجه نفسي على الآخر وابقى على سنجة عشرة .. ربنا يبارك فيكي يا أستاذة فلانة يا رب ويسعدك دايما .. أنا بجد مابقاش عندي حجة لو ماجبتش هدوم عيد السنادي تليق بالعيدية العظيمة دي بالمناسبة دي ..

-----------------------

كل سنة وانتم كلكم طيبين

[أبو محمد]

مش معقول .. أنا مش مصدق

عصام جريندايزر ، وأحمد محمود ابن مصر منورين المحاورات من تانى ؟ .. كده برضه ياولاد ؟

دى ما كاتش عشرة إنذارات وتقفيل مواضيع

على فكرة .. عهدتكم ناقصة الأوفرول الازرق .. أنا باقول نحلها ودى أحسن .. ترجعوا الأفرولات ومفيش داعى ندخل بينا محضرين وحجز وبروتستو وكدهوت

بالعند فى محمد يوسف .. إنتوا وحشتونى جدا جدا جدا .. اتفضلوا كل واحد يستلم وردته عهدة برضه :WelEgTks:

[Diab]

ماشي يا عم يوسف

سايبك انا تشكر وتتغزل في اصحابك وانا قول يا واد سيبه

هو من نفسه هيقولك اسمه دلوقتي ولا هو هنااااااااااااااا :closedeyes:

[MaYousof]

ماشي يا عم يوسف

سايبك انا تشكر وتتغزل في اصحابك وانا قول يا واد سيبه

هو من نفسه هيقولك اسمه دلوقتي ولا هو هنااااااااااااااا :closedeyes:

يا دياب إنت تاريخ كبير .. وقيمة لا تحتاج للتحدث عنها .. اغطسلك أنت بس شهرين كده وانا أعمل موضوع كامل بعنوان "دياب بالذاات ماوحشنييش "

[مغتربة]

استاذ محمد ميرسى على الموضوع الرائع دا

و اروع ما فيه انه اقنع ناس جميله جدا كانت بعدت عننا شويه و شتقنا ليهم جداجدا

اقنعهم انهم يدخلوا يشاركوا حتى و لو بكلام قليل لكن طمنا عليهم

علشان كدا بقولك يا رب تقدر تقنع كل واحد ليه بصمه فى المحاورات و لو مشاركه واحده ابتعد عنا لظرف او لاخر

انه يدخل يطمنا عليه

تحياتى