بيبو

[Mr MAGED]

الله عليك يا خطيب

مش الكواحيل اللي رجليهم بتخبط في بعضها

لما يلاقوا نفسهم انفراد بالمرمي

http://www.youtube.com/watch?v=X2UqCQXqdIc&feature=player_embedded

صباح الفل

[nightmare]

بامانة يا Investor يا أخويا بالرغم من انى زملكاوي , بس الجيل ده من النادي الأهلي كنت بعشقه جداً , سواء الخطيب , طاهر ابو زيد , ربيع ياسين , بدر رجب , علاء ميهوب , أيمن شوقي.

ناس كانت بتلعب للمتعة , وكان فيه إنتماء للنادي وللفانلة اللى لبسنها, ولا حد فيهم كان بيفكر هاخد كام مليون وهو أساسا ما يستهلش الف جنيه على بعض , والله الواحد لما بيشوف لعيبة دلوقتى بيتحسر على نفسه , ده الواحد كان ظفره برقبتهم, كفاية ان الواحد كان بيعلب بدماغه قبل رجله , انما دول لا دماغ ولا رجل حتى, لعيبة تجيب شلل الأطفال وكل أمراض الدنيا, أرزاق بقي.

المشكلة انهم بيتنططوا وفاكرين نفسهم نجوم , والاعلام المنافق مصورلهم كده.

مع تحياتي

تم تعديل 30 أكتوبر 2010 بواسطة nightmare

[mekkawy]

يا سلام يا عم انفستور

أدب و أخلاق و فن و ذكاء و حسن تصرف .. عشان كدة كان لعيب في الملاعب و دلوقتي لعيب برة الملاعب

أخوه خالد كان طيار زميل والدي في الشغل و والدي راح عندهم البيت زمان بيقولي بيت محترم و ملتزم و ناس هادية زي شكله كدة مهو هادي و دمهم زي العسل .. يا ريت نشوف النموذج ده في كل شئ خاصة في الملاعب اللي اصبحت اشبه بحلقات المصارعة الحرة.

مكاوى

[se_ Elsyed]

, ولا حد فيهم كان بيفكر هاخد كام مليون وهو أساسا ما يستهلش الف جنيه على بعض , مع تحياتي

كام مليون ؟؟؟؟؟

ده كان الواحد فيهم لو شاف خمسة جنيه بيغم عليه

فعلاً الجيل ده إتظلم من الظروف اللي حواليه

[Mr MAGED]

بامانة يا Investor يا أخويا بالرغم من انى زملكاوي , بس الجيل ده من النادي الأهلي كنت بعشقه جداً , سواء الخطيب , طاهر ابو زيد , ربيع ياسين , بدر رجب , علاء ميهوب , أيمن شوقي.

مع تحياتي

هيا دي الروح الرياضية ... طبعا الناس دي محدش يختلف عليها يا نايت يا خويا لا أهلاوي ولا زملكاوي .. الناس دي كانت بتلعب لانها بتحب الكورة .. عشان كده كانوا بيستمتعوا ويمتعونا .. مش البعدا بتوع اليومين دول

يا سلام يا عم انفستور

أدب و أخلاق و فن و ذكاء و حسن تصرف .. عشان كدة كان لعيب في الملاعب و دلوقتي لعيب برة الملاعب

يا ميكو الخطيب اعظم لاعب في تاريخ مصر بغض النظر عن النتائج والبطولات .... ع الاقل هو احرف واحد لعب كورة في مصر

, ولا حد فيهم كان بيفكر هاخد كام مليون وهو أساسا ما يستهلش الف جنيه على بعض , مع تحياتي

كام مليون ؟؟؟؟؟

ده كان الواحد فيهم لو شاف خمسة جنيه بيغم عليه

فعلاً الجيل ده إتظلم من الظروف اللي حواليه

زي ما قلت يا بو السيد الناس دي كانت بتلعب عشان بتحب الكورة مش عشان الفلوس ... وكفاية حب الناس ليهم لحد الوقت

مساء الفل يا رجالة

[Mr MAGED]

كل سنة وأنت طيب يا بيبو

رابط الخبر

تقرير - احمد التيمومي:

محمود الخطيب .. اسم لا يٌنسي في تاريخ كرة القدم المصرية في الأخلاق والموهبة,وعلامة مضيئة في تاريخ الرياضة العربية والإفريقية.

في الثلاثين من أكتوبر عام 1954 ولد النجم الكبير الذي أعطي بسخاء وحب لناديه ومنتخب بلده لأكثر من خمسة عشر عاماً كان خلالها مثالاً يُحتذي به في الأخلاق والسلوك خارج الملعب بشكل لا يقل إطلاقاً عن الموهبة الفذة التي نادراً ما تتكرر في الملاعب المصرية داخل المستطيل الأخضر.

20 بطولة مع ناديه العملاق و لقب لكأس الأمم الإفريقية مع منتخب بلده الرائد وتأهل للأولمبياد مرتين متتاليتين في موسكو 1980 ولوس أنجلوس 1984 و108 هدف في الدوري المصري وضعته جنباً إلي جنب مع عمالقة الهدافين في المسابقة العريقة بالإضافة إلي 37 هدفاً في المسابقات الإفريقية للأندية منحته القمة بين كل نجوم قارة المواهب طوال تاريخها.

"بيبو" الذي أحرز لقب أحسن لاعب في مصر 5 مرات وتوج بلقب هداف الدوري المصري مرتين رفض العديد من عروض الاحتراف في سانت إتيان الفرنسي وجلادباخ الألماني في أوج تألقه في السبعينات والثمانينات وكان النجم الوحيد في مصر الذي تلقي عرضاً للاحتراف في نيوشاتيل السويسري بعد اعتزاله كرة القدم. هو أيضاً النجم المصري الوحيد الذي أحرز جائزة الكرة الذهبية في استفتاء مجلة الفرانس فوتبول الفرنسية عام 1983.

"الأسطورة الفرعونية" واصل عطاءه في المجال الإداري بعد مهرجان اعتزال غير عادي يليق به شهده ملعب القاهرة الدولي في 21 ديسمبر عام 1988 وتدرج في المناصب الإدارية في الأهلي حتى وصل لمنصب نائب رئيس النادي وهو دائماً صاحب أعلي الأصوات في كل الانتخابات التي يخوضها في قلعة الجزيرة الشامخة التي كانت ولا زالت وستظل بالخطيب وكل أبناءها المخلصين وجماهيرها الكبيرة الكيان الرياضي الأكبر والأعظم في مصر و إفريقيا والوطن العربي.

وما بين اللقاء الأول الذي خاضه الخطيب ضد منتخب السويس في الدوري المصري بداية السبعينات وهو في سن السابعة عشرة وحتى ربع الساعة "الإبداعي" الذي ختم به مشواره أمام الهلال السوداني في نهائي بطولة إفريقيا أبطال الدوري عام 1987 قدم هذا النجم الكبير أداء فني أبهر كل المتابعين وسجل أهدافاً لا تٌنسي جعلاه محبوب الجماهير الأول رغم مرور 22 عاماً علي اعتزاله.

وأخير نقول إذا كانت البرازيل تفخر بجوهرتها السوداء بيليه الذي ولد في الثالث والعشرين من أكتوبر 1940 وجارتها الأرجنتين تعتز بموهبتها الكبيرة مارادونا الذي ولد في الثلاثين من ذات الشهر قبل خمسين عاماً فإننا في مصر لابد أن نفخر ونعتز بنجمنا الكبير"بيبو" أحد العلامات البارزة والفريدة في تاريخ الرياضة المصرية بصفة عامة وكرة القدم بصفة خاصة.

[se_ Elsyed]

زي ما قلت يا بو السيد الناس دي كانت بتلعب عشان بتحب الكورة مش عشان الفلوس ... وكفاية حب الناس ليهم لحد الوقت

بيقول له الله يرحمه مات من الجوع

قال له هو كان لقى أكل وما أكلش

هو كان في فلوس ولا دراهم يا معلم

ده الحالة بشكل عام كانت ضنك

فاكر لبطولة الأفريقية اللي صالح سليم أنسحب منها واتوقعت عقوبة على النادي الاهلي 5 سنين ؟

كان في أخر البطولة حتى لو الأهلي كسبها كان بيطلع خسران وبيصرف من جيبه ... لأن حتى دي ما كانش بيندفع فيها فلوس