أنا فرحان عشان عُمر أفندي رجع لمصر

[se_ Elsyed]

دائماً أؤمن إن زي ما في علاقة حب بتنشأ بين الأشخاص .. فهناك أيضاً علاقة حب يُمكن أن تنشأ بين الإنسان والمكان .. وده أكيد

وبالرغم من إن التتار الجدد هبطوا علينا بكل أنواع الفساد وباعوا ممتلكات كثيرة للدولة برخص التراب تحت شعار " الخصخصة " .. إلا إن صفقة عُمر أفندي بالذات كانت ذات شجون خاصة لدي شخصياً .. لإن هذا الصرح يُُمثل جزء من كيان كل مصري .. حيث أنه قديم جداً قبل تواجد وانتشار نظام المولات والأسواق الضخمة

ومين فينا لم يذهب لشراء منتجات وملابس قطنية عالية الجودة منه

او عروسة إتجهزت وأشترت أغراضها من هناك

ولما يترمي برخص التراب ويتخرب بطريقة متعمده .. فده بيسبب حزن وحالة غير طبيعية لكل مصري

لكن أخيراً جاء الفرج بعد أن قامت الشركة العربية للإستثمار وهي شركة مصرية يتم تداول أسهمها في البورصة بشراء 85 % من حصة شركة انوال السعودية التي أشترت عمر أفندي من الحكومة سنة 2006 ... وهناك 10 % ملك للحكومة و 5 % ملك للعاملين بعمر أفندي

وهافكركم إن خلال شهور قليلة سيعود هذا الصرح العملاق اللي تم بلغت قيمة اصوله فقط حوالي 6 مليار جنيه وأكثر حسب تقييم سنة 2006 وتم رميه بمنتهى البجاحة والفساد بمبلغ 800 مليون جنيه .... أخص إخص عليكم أيها اللصوص

اتوقع ان يعود أفضل مما كان خصوصاً أن فروعه تغطي كل أنحاء الجمهورية ولا أعتقد أن هناك صرح منتشر هذا الأنتشار وفي اماكن أكثر من مميزة كمان من إسكندرية إلى اسوان

الف الف مبروك للمصريين ...

[Howayda Ismail]

دائماً أؤمن إن زي ما في علاقة حب بتنشأ بين الأشخاص .. فهناك أيضاً علاقة حب يُمكن أن تنشأ بين الإنسان والمكان .. وده أكيد

وبالرغم من إن التتار الجدد هبطوا علينا بكل أنواع الفساد وباعوا ممتلكات كثيرة للدولة برخص التراب تحت شعار " الخصخصة " .. إلا إن صفقة عُمر أفندي بالذات كانت ذات شجون خاصة لدي شخصياً .. لإن هذا الصرح يُُمثل جزء من كيان كل مصري .. حيث أنه قديم جداً قبل تواجد وانتشار نظام المولات والأسواق الضخمة

ومين فينا لم يذهب لشراء منتجات وملابس قطنية عالية الجودة منه

او عروسة إتجهزت وأشترت أغراضها من هناك

ولما يترمي برخص التراب ويتخرب بطريقة متعمده .. فده بيسبب حزن وحالة غير طبيعية لكل مصري

لكن أخيراً جاء الفرج بعد أن قامت الشركة العربية للإستثمار وهي شركة مصرية يتم تداول أسهمها في البورصة بشراء 85 % من حصة شركة انوال السعودية التي أشترت عمر أفندي من الحكومة سنة 2006 ... وهناك 10 % ملك للحكومة و 5 % ملك للعاملين بعمر أفندي

وهافكركم إن خلال شهور قليلة سيعود هذا الصرح العملاق اللي تم بلغت قيمة اصوله فقط حوالي 6 مليار جنيه وأكثر حسب تقييم سنة 2006 وتم رميه بمنتهى البجاحة والفساد بمبلغ 800 مليون جنيه .... أخص إخص عليكم أيها اللصوص

اتوقع ان يعود أفضل مما كان خصوصاً أن فروعه تغطي كل أنحاء الجمهورية ولا أعتقد أن هناك صرح منتشر هذا الأنتشار وفي اماكن أكثر من مميزة كمان من إسكندرية إلى اسوان

الف الف مبروك للمصريين ...

للاسف ده اللى حصل بالضبط مع شركتى اسمنت الاسكندرية واسمنت العامرية

واصول هذه الشركات اعلى بكتير من قيمة بيعهم حسبنا الله ونعمة الوكيل

عقبال باقى الشركات والمصانع لما تعود تباعا ملكا للمصريين

[Ahmed Anwer]

ماشي

بس يا تري أنوال كسبت أد ايه من عملية السمسرة الظريفة دي ؟؟

[nightmare]

بصراحة يا سي السيد انا الخبر بالنسبة لى كان عادي في الأول , لانى حاسس بمرارة بيع هذا الصرح من الأول لأننى عندي ثقة كاملة انه لا يخسر ابداً وقيمة المنشئات الخاصة به وفقط تتعدي المبلغ الذي بيعت به ب5 او 6 أضعاف على الأقل.

لكن لما قرأت الخبر ده على الصبح كده وهو منقول على لسان المالك الجديد, حسيت بالفرحة فعلاً , بس يارب يكون كلام حقيقي مش مجرد كلام استهلاكي لجذب تعاطف العمال في الفترة الحالية وخلاص.

المالك الجديد لـ"عمر أفندى": مرتبات العمال لا تناسب أسعار الطماطم

قال محمد متولى المالك الجديد لـ85% من شركة عمر أفندى، إن الشركة ثروة قومية هائلة، واصفا إياها "بالمكنة الجاهزة اللى بتطلع فلوس"، مشيرا إلى نيته فى عدم تغيير الإدارة الحالية للشركة قائلا: "مفيش حد عنده خبرة يدير عمر أفندى" غير مديريها.

وقال متولى خلال لقائه مع اللجنة النقابية للشركة فى النقابة العامة للعاملين بالتجارة إنه اتفق مع شركة "أنوال السعودية" على سداد قيمة الصفقة بعد 8 أسابيع من توقيع، بالإضافة إلى مصالحة الشركة مع الحكومة المصرية.

وأشار متولى إلى أنه سيعقد اجتماعا مع اللجنة النقابية للشركة ومديريى الإدارات لوضع خطة عمل مستقبلية، من خلال الاهتمام بالعمال، وتطوير حوافزهم وأجورهم وتدريبهم بأحدث الطرق الممكنة، قائلا:" تطوير دخول العمال حتى تتناسب مع أسعار الطماطم،مشيرا إلى تركيزه سينصب على فتح أسواق خارجية فى الدول الإفريقية أكثر من العربية.

وقال متولى حول البلاغ المقدم من النائب مصطفى بكرى بشأن الصفقة للنائب العام أن بكرى نائب محترم يفعل ذلك من اجل الصالح العام ولكنه نسى أن الشركة عادت للمصريين.

وأضاف العضو المنتدب لشركة العربية للاستثمارات،أن الشركة لها أكثر من ربع قرن فى السوق المصرية، ويشارك فيها أكثر من 40 ألف مساهم، جميعهم مصريين ،مشيرا إلى امتلاك الشركة لـ51% من الشركة القابضة للتشيد والتى تحقق أرباح تصل لعشرات الملايين سنويا،وأضاف متولى أنه يشجع الاستثمارات الأجنبية إلا أنه وصف الدول ذات الاستثمارات الأجنبية العالية بضعف اقتصادها، مشيرا إلى أن قطاع التجارة الداخلية فى مصر يوازى 17% من نسبة التجارة الداخلية فى اوروبا.

من ناحية أخرى، قال محمد وهب الله رئيس النقابة العامة للعاملين بالتجارة، إننا كقيادات نقابية عانينا منذ 2007 من عدم تطوير الشركة وضعف دخول العاملين بها بالإضافة إلى تلف كم كبير من البضائع بها.

وأشار وهبالله إلى أن الخطوة التى اتخذها متولى بالمبشرة بالخير وذلك لإصرار على الجلوس مع العمال منذ البداية على الرغم من مرور 48 ساعة فقط من شرائه الشركة.

بس السؤال هنا برضه , لما هي ماكينة جاهزة بتطلع فلوس , يبقي اللى باعها ده لازم يتحول الى محاكمة عاجلة لإهدار المال العام , ولما انتوا كمستثمرين مصريين موجودين ما دخلتوش في الصفقة ليه من الأول "كنتوا فين "؟؟؟؟

مع تحياتي

تم تعديل 31 أكتوبر 2010 بواسطة nightmare

[se_ Elsyed]

بس السؤال هنا برضه , لما هي ماكينة جاهزة بتطلع فلوس , يبقي اللى باعها ده لازم يتحول الى محاكمة عاجلة لإهدار المال العام , ولما انتوا كمستثمرين مصريين موجودين ما دخلتوش في الصفقة ليه من الأول "كنتوا فين "؟؟؟؟

أقول لك أنا

منذ إنشأ ُعُمر أفندي هذا الصرح العملاق سنة 1856

فمثلما هانت عليهم مصر كلها ... فعُمر أفندي مش هايبقى غالي بالنسبة لهم

قبل ما أكلمك عن أسرار الصفقة يا نايت ... عاوزك تشم رائحة عبق التاريخ في هذه النبذة المختصرة ... أنا باتكلم جد مش تهريج

تأسست سلسلة متاجر "عمر أفندي" عام 1856 في القاهرة تحت اسم "أوروزدي باك"(Orosdi Back)، في مكانه الذي ما زال قائماً في شارع عبد العزيز بالقاهرة لتلبية احتياجات العملاء من المصريين والأجانب. وبدايةً من عام 1900 قامت الشركة بكثير من التحولات وافتتحت أكثر من ستين فرعاً في مختلف أنحاء مصر. ويرجع إنشاء هذه السلسلة من المتاجر إلى أودلف أوروزدى الذي كان ضابطاً بالجيش المجري افتتح أول محل له لبيع الملابس بمدينة جالاتا عام 1855. ولقد بدأ أوروزدى وأبناؤه وهم من عائلة باك ذات الأصول النمساوية المجرية بإنشاء معارض شبيهة في أماكن متعددة بما فيها بغداد وإسطنبول وبيروت.

لقد صمم المعماري راؤول براندن (1878 – 1941) هذا المتجر المكون من ستة طوابق على طراز الروكوكو عام 1905 – 1906.

وهيمنت لفترة طويلة على سوق البيع بالتجزئة وتميزت بالجودة واعتدال الأسعار وانتشرت فروعها علي كل مدينة وبلدة كبرى في مصر ثم بيعت من قبل مالكيها الأصليين في 1920 [بحاجة لمصدر] إلى ثري مصري يهودي وخضعت لتغيير الاسم الذي أصبح "عمر أفندي" وهو الاسم الذي ظل حتى الآن كما كان أحد أوائل العلامات التجارية في مصر والشرق الأوسط كما أنه أول كيان للبيع بالتجزئة في المنطقة كلها.

قامت الحكومة المصرية الاشتراكية التوجه في ذلك الوقت برئاسة جمال عبد الناصر بتأميم سلسلة "عمر أفندي" في العام1957.

في أواخر القرن العشرين ففقدت المتاجر بعض بريقها نتيجة لتدني مستوى البنية التحتية والتي كان وجوب تحديثها محورياً لتحقيق المنافسة مع المتاجر الكبيرة الأخرى التي ظهرت حديثاً في السوق، واستمر هذا الوضع إلى أن تمت خصخصة عمر أفندي عام 2007 وشراءه من قبل المستثمر السعودي جمال القنيبط مع خطة عمل الحكومة المصرية للتطوير بعد أن تمعم تقيم بواسطة استشاري خارجى وتمت مراجعته واعتماده بواسطة لجنة التحقق من التقييم وهى اللجنة الوحيدة المنصوص عليها في قانون قطاع الأعمال العام، ويرأسها أحد نواب رئيس مجلس الدولة وتتضمن في عضويتها ممثل أعلى جهة رقابة مالية وهى الجهاز المركزى للمحاسبات.

قدرت هذه اللجنة قيمة الشركة بحوالى 564 مليون جنيه، وبيعت حصة 90% منها في النهاية بقيمة 589.5 مليون جنيه، أى أن ثمن بيع 90% جاء أعلى من التقييم الوحيد المعتمد لهذه الشركة بالكامل.

عقدت لجنة مشتركة في مجلس الشعب برئاسة أحمد عز ومصطفى السعيد أوصت بتحرير الصفقة لأن الدولة ستحصل بالإضافة لثمن البيع المباشر على عائد سنوى 122 مليون جنيه ما بين العائد على حصيلة البيع والضرائب على الدخل وعلى المبيعات بخلاف المكاسب العمالية التي تتمثل في تحسن أوضاع العمال وتدريبهم مع إمكانية خلق فرص عمل جديدة، هذا وقد ظهرت بعض الخلافات بين المستثمر في وقت لاحق لعملية البيع وبين الشركة القابضة وهى محل تحكيم. ان طرح شركة عمر أفندى بدأ عام 1998 وكانت هناك عدة محاولات بيع لمستثمر رئيسى حتى عام 2005 وكلها باءت بالفشل نظرا لتدنى العروض المقدمة التي كان أفضلها لا يتعدى 50% من العرض المقدم من مجموعة أنوال.

و يبلغ عدد فروع سلسلة متاجر التجزئة "عمر أفندي" 82 فرعا و 68 مخزنا وقد قامت الشركة القابضة للتجارة (شركة حكومية) ببيع شركة عمر أفندي في صفقة أثارت الجدل العام 2006 م. الي شركة سعودية وهي شركة "أ نوال " بمبلغ قيمته 5ر589 مليون جنيه حيث بيع 90 % من أسهمها مع إشتراط عدم تصرف الشركة الشارية بأي شكل من الأشكال في مبنيي المتجر الرئيسي لعمر أفندي في القاهرة والمتجر الرئيس في الأسكندرية.

احتفلت في 2006 بمرور 150 عاما علي إنشائها.

[Mr MAGED]

ماشي

بس يا تري أنوال كسبت أد ايه من عملية السمسرة الظريفة دي ؟؟

والله اللي انا سمعته وقريته بس مش فاكر فين الصراحة انه اشتري ب 800 مليون

وهيبيع ب 2 مليار .... شفت سهلة اللعبة ازاي

بس ع العموم مصطفي بكري وقفله فيها وقدم بلاغ للنائب العام لعدم مشروعية البيع

رابط الخبر

بلاغ يطالب النائب العام بإيقاف صفقة «عمر أفندى» الثانية

كتب أحمد شلبى وأشرف فكرى ومنصور كامل ومحمد عبدالعاطى ٣١/ ١٠/ ٢٠١٠

محمود

تلقى المستشار الدكتور عبدالمجيد محمود، النائب العام، بلاغاً من مصطفى بكرى، عضو مجلس الشعب، يطالب فيه بإيقاف صفقة بيع «عمر أفندى» إلى الشركة العربية للاستثمارات والتنمية، وأحال النائب العام البلاغ إلى النيابة المختصة، وطالبها بموافاته بنتائج التحقيقات بشكل عاجل.

وأوضح بكرى فى بلاغه أن البيع يخالف شروط العقد الموقع بين «القابضة للتجارة» و«أنوال السعودية» خلال ٢٠٠٦، ولفت البلاغ إلى احتمال صدور حكم خلال ديسمبر المقبل ضد تجاوزات «جميل القنبيط»، المستثمر الرئيسى، مالك ٨٥٪ من «عمر أفندى»، واستند البلاغ إلى مخالفة «القنبيط» البنود رقم ١١ و١٢ و١٣ و١٤ من العقد الموقع مع الحكومة، وتحميل «القابضة للتشييد» ١٠٪ من خسائر الشركة، التى بلغت نصف مليار جنيه، وهو ما اعتبره بكرى إهداراً للمال العام.

وأضاف أن البيع يخالف قرار النائب العام الصادر فى ٢١ مارس ٢٠٠٦ فى القضية رقم ٦٨ لسنة ٢٠٠٦، حصر تحقيق استئناف القاهرة، الذى اشترط على الحكومة خلال بيع «عمر أفندى» لمستثمر رئيسى، المحافظة على أصول الشركة والعمال وحقوقهم، وعدم التصرف فى الفروع والأراضى والمخازن والاستراحات، إضافة إلى المحافظة على استمرار النشاط.

[se_ Elsyed]

نكمل

منذ إنشاء الصرح ده من أكثر من 150 سنة وهو يحقق أرباح معقولة جداً .... لكن التتار اللي ما يعرفوش ربنا ولا يتقوه ألتفتت إليه أعينهم سبوبة يعني .. ولهفوا عمولة محترمة من المستثمر السعودي بكل تأكيد ... لإن في نفس الوقت .. تقدم أحد المصريين المقيميين في السعودية برضوا بعرض شراء لعُمر أفندي بمبلغ 2 مليار جنيه ... فضحكوا عليه وقالوا ده مقشف وما حلتوش حاجه .... نظام فرارجية وبياعين فاكهه وناس عاوزه تكلفت البيعه قوام قوام وكأن ما فيش حاجه إسمها خطاب ضمان مثلاً حتى إتمام الصفقة

في نفس الوقت الشركة القابضة للتجارة والصناعة والمهلبية اللي رئيسها هادي فهمي أخو سامح فهمي وزير البترول عملت لجنة من الخبراء لتقييم الأصول ... وأعضاء اللجنة كلوا وسكتوا إلا واحد ... صرخ وقال يا ظلمه ياللي ما تعرفوش ربنا ... عاوزين تبيعوا 6 مليار بـ 500 مليون ؟...

فكافئوه وعزلوه من منصبة ...

وطلع محمود محي الدين يقول لك أيوه هانبعيه كده لانها شركة خاسرة .. ومش هانقيم الأصول والأرض لإننا مش بنبيع قطعة أرض

وقام ناضورجية من أتباع رؤساء العصابة أحمد عز وأعوانه بإرسال مصوراتية لعدة فروع من عمر أفندي لتصوير أوضاعه وعرضها على أعضاء مجلس الشعب

كلنا عارفين إن عُمر أفندي كان بيشتغل ورديتين وبينهم فترة راحة ... وفعلاً الموظفين اللي فيه غلابة وممكن تلاقي موظف جاي من الأقاليم شغال فيه وبييجي من بلدهم في المواصلات كل يوم ... فبالتأكيد مش هايقدر يروح بيتهم بين الورديتين .. وبيضطر يمكث هناك والفرع مغلق ... ومش هايقعد 4 ساعات وهو لابس قميص وكرافته أو لابس رسمي .. كذلك الستات العاملات .. فسوري يعني ممكن يلبس شبشب أو يفك الكرافته ويجيبوا أكل على قدهم وياكلوا زي أي بني أدم .. كده يعني .. خصوصاً إن الفرع قافل وما فيش زباين ... فصوروا الأوضاع دي كلها على إنها تسيب واهمال وصل له فروع عمر فندي الخاوية من الزبائن تماماً ... ...

فبسرعه بسرعة كلفتوا الصفقة وباعوها بدراهم معدودة

ومن ساعتها والمستثمر بيحرجم عشان يبيع الفروع بلأرض اللي عليها

خصوصاً مخازن الشركة بعباس العقاد ومدينة نصر اللي تسوى مليارررررررررررررررات

ولما ما عرفش قال لك أخلع بجلدي وأخد إن شالله راس مالي

شوفت اللعب ؟

[اغابي]

هو عمر افندى اتغير شوية لما اشترته الشركة السعودية

معلش هو فى الاول كان كل الشكل واخد الديكور المصري العتيق القديم بهيئته المعهودة - وكمان الفاترينات متربة جدا

:D

بس كنت لما ادخله احس انى فى مصر وبحب منظر الموظفين كنت بحس بشكلهم كدا من يجي 30 سنة ما غيروش موديلات اللبس - كنت بحس المكان عتيق زى ما كانت اى مشاهد من فلام الابيض واسود يصورو مثلا مشهدين لبطلة الفلم وهى بتشتغل بياعة فى عمر افندى

ويطب عليها فجاه ابن الباشا وهى المفروض كانت مفهماه انها بنت باشا زيه - زى فلم نعيمة عاكف ومحمد فوزى

كنت دايما اشوف الموظفين بنفس اللبس وبنفس ترتيب الارفف وتسريحات شعرهم ولما كنت اخرج من عمر افندى احس ان العالم اللى بره المحلات حاجة والموظفين دول من مكان تانى بهيئتهم - حقيقي كان ينفع مزار سياحى وتراث عمر افندى مش نبيعه

فعلا يا استاذ س س عندك حق - داه جزء عزيز من مصر لينا فعلا ذكرياتنا هناك

تحياتى

اغابي

[سكر]

تأسست سلسلة متاجر "عمر أفندي" عام 1856 في القاهرة تحت اسم "أوروزدي باك"(Orosdi Back)

1856 دة فى دول ماكنتش لسه انكتب اسمها على الخريطة

[mekkawy]

هو ايه المانع لما عمر أفندي باشا يكون مثلاً زي المولات الكبيرة اللي هي مش عارف سنتر و ستارز و الحاجات دي .. و ايه المانع لما يكون في نضافة حاجات سنتر بوينت و سبلاش مثلاً و بسعر على قدنا بردو .. بيقولك سنتر بوينت فتح في اسكندرية و الحاجات فيه ضعف التمن بس بالمصري يعني ابو 70 ريال بـ 140 جنيه ده يرضي مين بس!!

مكاوى

[وطني حر]

هو ايه المانع لما عمر أفندي باشا يكون مثلاً زي المولات الكبيرة اللي هي مش عارف سنتر و ستارز و الحاجات دي .. و ايه المانع لما يكون في نضافة حاجات سنتر بوينت و سبلاش مثلاً و بسعر على قدنا بردو .. بيقولك سنتر بوينت فتح في اسكندرية و الحاجات فيه ضعف التمن بس بالمصري يعني ابو 70 ريال بـ 140 جنيه ده يرضي مين بس!!

مكاوى

عمر افندي مات من بعد ما تم تخصيصه . بعد كدا اصبح شركه من شركات القطاع الخاص

لو قفل عمر افندي . هيحصل ايه . هتفتح اسواق جديده مولات كبيره ,

لو عمر افندي خسر زباينه الزباين دي هتروح فين . طبعا هتروح مولاته تانيه يبقي العمليه لا اعتقد انها تستحق كل هذه الضجه الكبيره بعد خصخصته .

بكره لو كارفورد اتباع ولا رجل الاعمال الكويتي باع ستار ستي هيحصل ايه . ستنتقل ملكيتها الي اشخاص اخرين وممكن يطوروها وممكن يفلسو . لو فلسو ايه الي هيحصل . طبعا اسواق جديده ستقوم علي انقاضها كما يحصل في كل الحضارات تقوم علي انقاض اخري

انا يهمني ايه من عمر افندي .؟؟ تباع ولا له .؟؟

لما متجر هارودزالل ف لندن باعه المستثمر المصري الفايد على مستثمر قطري حصل ايه هل قامت الدنيا في لندن ..

مصر عشان تبقي عالميه لازم كل العالم تستثمر فيها . والاستثمار الاجنبي هو الي بيحمي الاستثمار المحلي من التلاعب

ومدينتي اكبر دليل على ذلك

تم تعديل 31 أكتوبر 2010 بواسطة وطني حر

[nightmare]

انا يهمني ايه من عمر افندي .؟؟ تباع ولا له .؟؟

مصر عشان تبقي عالميه لازم كل العالم تستثمر فيها . والاستثمار الاجنبي هو الي بيحمي الاستثمار المحلي من التلاعب

مش المشكلة يتباع والا لأ , واحنا بنشجع الإستثمار , لكن لا نشجع الفساد والخسارة وإهدار المال العام, شاهد الفيديو التالي وستعرف حقيقة البيع وكيف تمت ؟؟

http://www.youtube.com/watch?v=sQSFJejAYlU&feature=player_embedded#!

مع تحياتي

[aimen]

رسميا .. العربية للاستثمارات تنسحب من صفقتها مع القنبيط لشراء عمرو أفندي

http://dostor.org/economy/news/10/december/16/33378

قالت الشركة العربية للاستثمارات والتنمية (ايه.اي.سي سابقا) المصرية اليوم الخميس أنها لن تمضي قدما في صفقة شراء شركة عمر أفندي لمتاجر التجزئة من المستثمر السعودي جميل القنبيط رئيس مجلس إدارة شركة أنوال السعودية, وأعلنت في بيان لإدارة البورصة المصرية أن النتائج التي انتهت إليها التقارير الخاصة بالفحص النافي للجهالة غير مرضية.

وقالت الشركة بالبيان أن مجلس إدارتها وافق على عدم الاستمرار في صفقة شراء عمر أفندي المملوكة حاليا لشركة أنوال, والعقد السابق التوقيع عليه والمشروط بالفحص النافي للجهالة كأنه لم يكن.

كانت الحكومة المصرية قد باعت 85 % من شركة عمر أفندي لشركة أنوال السعودية في صفقة بلغت قيمتها أكثر من 500 مليون جنيه عام 2006 في إطار الخصخصة في صفقة أثارت جدلا لتأكيد كثيرون أن السعر الذي اشترت به أنوال أقل من القيمة العادلة.