التحرشات الجنسية بين الطلاب في المدارس .. من المسؤول ؟؟

[الغريب]

تفاجأت من زميلي حينما كان يكلمني عن أبنه (عمر) وحاله في المدرسة

قال لي : "أنا مفهمه كل حاجة وقولتلوا لو حد من الطلبة الكبار قالك تعالى نروح نشرب من الحمام متروحش معاه"

فهمت بعدها أنه ينصحه بذلك لأنه يخشى عليه من أن يتحرش به جنسيا الطالب الأكبر في السن ..

بصراحة .. أغتميت لما عرفت كدة بس قولت أكيد الموضوع ده منتشر هنا في الكويت ، وعزمت بيني وبين نفسي أن أولادي لن يدخلوا مدارس بالكويت حتى لو أقتضى الأمر نزولي لمصر ..

ولكني فهمت بعد ذلك أن هذا الأمر منتشر أيضا بمصر ، وزلزلني مرة أخرى الخبر المتواتر على جريدة "المصري اليوم" لمدة يومين متتابعين عن إغتصاب طالب بواسطة أصدقائه في مدرسة بمصر الجديدة

المصدر

الأمر لا يخلوا من مسؤولية إجتماعية ، بل قل مسؤولية إعلامية في المقام الأول ، رسخت في الأطفال مفهوم الجنس

الأمر أولا وأخيرا مسؤولية تنشئة أسرية للطالب الغاصب والمغتصب

[ozoozo]

والله كنت عايز ادخل -ابني 3 سنوات- حضانه ولا روضه ولا اي حاجه السنه دي بس بيني وبينك اكتر حاجه خايف منها هو اللي بتتكلم فيه ده لدرجه قولت خلينا السنه الجايه يكون كبر شويه واحاول افهمه

اظن انتشار النت والدش دون مراقبه علمت الاولاد حاجات كثير

بس في المقابل انت عندك خياريين يابنك يكون كده ياما يكون قليل الادب

فحاول تطلع ابنك بلطجي عشان مايتعملش فيه كده

فعلا علمه يكون قليل الادب وبجح عشان محدش يستهون بيه

واظن ده اللي حصل للتلميذ ىالمذكور في الخبر انه كان من الولاد الغلبانه اللي في حالها

اظن كلنا كان عندنا النموذج ده واحنا صغيرين -الطالب المؤدب الدحيح الغلبان اللي فارق شعره من الجنب-

[se_ Elsyed]

كلام غريب من شباب مثقف ...!!!!!!!!!!!!!!

ولكني فهمت بعد ذلك أن هذا الأمر منتشر أيضا بمصر

طب إيه هو معيا الإنتشار ؟

يعني قرأت أو عرفت كام حادثة من هذا النوع خلال سنة او 6 شهور أو شهر مثلاً يا غريب ؟

والله كنت عايز ادخل -ابني 3 سنوات- حضانه ولا روضه ولا اي حاجه السنه دي بس بيني وبينك اكتر حاجه خايف منها هو اللي بتتكلم فيه ده لدرجه قولت خلينا السنه الجايه يكون كبر شويه واحاول افهمه

على كده كل واحد يحبس ولاده في البيت او يضعهم جوه قمقم ويقفل عليهم وبلاها تدريس !!!!!!!!!!

يا يا أفاضل

فرق كبير أن نتحدث عن ظهرة منتشرة والناس بتبهدل بعضها في المدارس والشوارع

وبين حادثة فردية تحدث كل عدة سنوات .. يقوم بعض الناس يُصيبهم الرعب ويخلقوا منها مشكلة وظاهرة منتشرة ...

التوعية ضد التحرشات الجنسية مطلوبة مما لا شك فيها

لكن الهيستريا وعمل الحب قبه غير مطلوبة بالمره

[الغريب]

كلام غريب من شباب مثقف ...!!!!!!!!!!!!!!

ولكني فهمت بعد ذلك أن هذا الأمر منتشر أيضا بمصر

طب إيه هو معيا الإنتشار ؟

يعني قرأت أو عرفت كام حادثة من هذا النوع خلال سنة او 6 شهور أو شهر مثلاً يا غريب ؟

والله كنت عايز ادخل -ابني 3 سنوات- حضانه ولا روضه ولا اي حاجه السنه دي بس بيني وبينك اكتر حاجه خايف منها هو اللي بتتكلم فيه ده لدرجه قولت خلينا السنه الجايه يكون كبر شويه واحاول افهمه

على كده كل واحد يحبس ولاده في البيت او يضعهم جوه قمقم ويقفل عليهم وبلاها تدريس !!!!!!!!!!

يا يا أفاضل

فرق كبير أن نتحدث عن ظهرة منتشرة والناس بتبهدل بعضها في المدارس والشوارع

وبين حادثة فردية تحدث كل عدة سنوات .. يقوم بعض الناس يُصيبهم الرعب ويخلقوا منها مشكلة وظاهرة منتشرة ...

التوعية ضد التحرشات الجنسية مطلوبة مما لا شك فيها

لكن الهيستريا وعمل الحب قبه غير مطلوبة بالمره

لأ يا س س

الموضوع مش عمل هوليلة وخلاص لأ

أنا ضد تدريس التربية الجنسية بالمدراس وضد كشف أمور تقدر تطلق عليها مصطلح "متلازمات الحياء والستر" ، يعني الأمور اللي حتى لو موجودة مش المفروض أننا نبرزها بحجة عدم دفن الرؤوس في الرمال كما تدعي دوما المخرجة الأنيسة..

ولكن الأمر ده موجود بالفعل ومنقدرش ننكره لأن مبرراته ظاهرة على الساحة بمنتهي الوضوح ، فالإعلام الفج ، والتحرشات في شوارع القاهرة ليست بمعزل عن هؤلاء الطلبة..

كل ماهنالك حتى أكون إيجابي أني أردت التنبيه على أهمية التربية في البيت وتأسيس القيم الدينية والرجولية في الأولاد منذ الصغر ، لأني ليس من دعاة إظهار الوجه القبيح لمجتمعنا وإنما أنا أعلم أن الغالبية هنا في المحاورات هم أرباب أسر

نسأل الله السلامة والتوفيق للجميع

والله كنت عايز ادخل -ابني 3 سنوات- حضانه ولا روضه ولا اي حاجه السنه دي بس بيني وبينك اكتر حاجه خايف منها هو اللي بتتكلم فيه ده لدرجه قولت خلينا السنه الجايه يكون كبر شويه واحاول افهمه

اظن انتشار النت والدش دون مراقبه علمت الاولاد حاجات كثير

بس في المقابل انت عندك خياريين يابنك يكون كده ياما يكون قليل الادب

فحاول تطلع ابنك بلطجي عشان مايتعملش فيه كده

فعلا علمه يكون قليل الادب وبجح عشان محدش يستهون بيه

واظن ده اللي حصل للتلميذ ىالمذكور في الخبر انه كان من الولاد الغلبانه اللي في حالها

اظن كلنا كان عندنا النموذج ده واحنا صغيرين -الطالب المؤدب الدحيح الغلبان اللي فارق شعره من الجنب-

يا أوزوزو الإسراف في الكلام اللي أنت قولته ده يخلي الطفل على الطرف الثاني وهو الذي يقوم بالفعل ، الأمر وسط والتربية تحتاج لحكمة وكما قولت محتاجين تأسيس للأخلاق الدينية والرجولية.

[se_ Elsyed]

بس إحنا مش بنناقش خالص موضوع تدريس التربية الجنسية في المدارس يا غريب ؟؟؟

[الغريب]

بس إحنا مش بنناقش خالص موضوع تدريس التربية الجنسية في المدارس يا غريب ؟؟؟

مش قصدي أنا بس أستعنت بالنقطة دي كمثال أني لا أحب إظهار مثل هذه الأمور وتكبيرها في المجتمع، ولكن هذه الظاهرة نوع خاص.. وكان هذا ردا على كلامك

لكن الهيستريا وعمل الحب قبه غير مطلوبة بالمره

[nightmare]

التحرش الجنسي ظاهرة موجودة لكن نسبية من دولة إلي دولة ومن مكان الى مكان , ونحمد الله اننا في مصر هذه الظاهرة غير منتشرة ولا نسمع عنها الا على فترات كبيرة ربما في العام مرة او مرتين.

المسئول الأول عن وجود هذه الظاهرة هي "الأسرة" وغياب دور الأب والأم , غياب الوازع الدينى في الاسرة كلها , وكلنا يعلم ان مشاغل الحياة صرفت الآباء عن مراقبة ابنائهم وعن مراقبة سلوكهم , صرفت الآباء عن مصاحبة ابنائهم وتوجيههم وتوعيتهم.

لكن كل هذا لا يدفعنا للتفكير في عدم ذهاب الطالب للمدرسة او نقله من مدرسة الى أخري, لكن يدعونا لأن نعيد التفكير فيما هو مطلوب منا كأب او ام ( اسرة ) للقضاء على هذه الظاهرة وكيف يتجنب ابنائنا الوقوع فيها, ومن وجهة نظري هناك اشياء افترض انها طبيعية منها.

- أن نغرس في أبنائنا من صغرهم العقيدة الدينية الصحيحة.

- أن نكون قدوة لأبنائنا فلا يرونا الا على طاعة , ولا يرون منا فعل المنكرات او الكذب.

- محاولة ابعادهم عن مشاهدة اى قنوات او برامج تخدش الحياء.

- الجلوس معهم ومناقشتهم فيما حدث خلال اليوم وتوجيههم فيما اخطأوا فيه والثناء عليهم فيما احسنوا التصرف فيه.

- المراقبة المستمرة لهم بدون تضييق , مراقبة ملابسهم ( والإعتراض على الضيق منها او ما يظهر عوراتهم وخاصة للبنات وطلب تغييرها), ومراقبة سلوكهم ولا يمنع من عمل زيارات الى المدرسة ولو كل شهر مرة.

- توجيههم في عدم الثقة الزائدة في اى شخص واخذ الحذر من الأغراب وعدم التحدث معهم او الذهاب معهم في اى مكان.

- محاولة ابعادهم عن اى فرد نشك في سلوكه سواء من العائلة او الجيران.

مع تحياتي

[الغريب]

أهتمام يشكر عليه وزير التربية والتعليم في مثل هذه المواقف ، أسأل الله أن يوفقه لما فيه صلاح التربية والتعليم بمصر

بدر يزور مدرسة مصر الجديدة صاحبة واقعة الاغتصاب ويطيح بعدد من المعلمينبتاريخ : الاثنين ‏01 ‏نوفمبر, ‏2010 05:48:00 م

بدر يزور مدرسة مصر الجديدة صاحبة واقعة الاغتصاب ويطيح بعدد من المعلمين

Share | اسماعيلية اونلاين :قام الدكتور أحمد زكى بدر وزير التربية والتعليم بزيارة مفاجئة،صباح اليوم لمدرسة مصر الجديدة بالقاهرة، والتى اتهم ولى أمر أحد طلابها 3 تلاميذ فيها باغتصاب ابنه وهتك عرضه داخل دورة مياه بها، وقرر الوزير تعيين مدير مدرسة جديد بدلاً من المدير القديم، والموقوف عن العمل لحين انتهاء التحقيقات القانونية، كما قرر نقل 9 مدرسين، كانوا مسئولين عن الإشراف يوم وقوع الحادثة، إلى خارج المدرسة.

وقال مدحت مسعد، مدير مديرية التعليم بالقاهرة، إن الوزير أجرى اتصالا هاتفيا به صباح اليوم وطلب منه الحضور إلى المدرسة لتواجده هناك، وأضاف "مسعد" أن الوزير بدا غاضباً من معدلات الانضباط داخل المدرسة وشدد على ضرورة عودة الالتزام للمعلمين والطلاب مع معاقبة المخالفين بشكل فورى.

وترجع الواقعة حين استدرج ثلاثة تلاميذ بالاعدادية تلميذا بالصف الثاني الاعدادي إلى بدروم يقع أسفل المدرسة وتناوبوا إغتصابه بالاكراه ... داخل المدرسة !!!

حرر ولي أمر طالب فى الصف الثاني الإعدادى، بمدرسة مصر الجديدة الإعدادية بنين، محضراً برقم 17421 جنح مصر الجديدة، يؤكد فيه تعرض نجله لهتك عرض من جانب 3 طلاب بالصف الثالث الإعدادي ، وقال فى المحضر إن الطلاب الثلاثة استدرجوا نجله إلى بدروم المدرسة وتناوبوا الاعتداء الجنسي عليه بالإكراه.

وأحال اللواء «إسماعيل الشاعر» مساعد أول وزير الداخلية، المحضر إلى النيابة العامة التي أخلت سبيل الطلاب الثلاثة، وأمرت بعرض الضحية على الطب الشرعي.

وقرر أحمد زكي بدر وزير التربية والتعليم إيقاف مدير المدرسة عن العمل، وفصل الطلاب المتهمين لحين الانتهاء من التحقيقات التي تجريها الشؤون القانونية والنيابة العامة في الواقعة المؤسفة التي جرت تفاصيلها داخل أسوار المدرسة.

[جويرية]

مفروض اصلا منوصلش لمشكلة زي دي

لأن احنا سكتنا عن ما هوه اخطر

اختلاف الثقافات بين الطلبة في الفصل الواحد

يعني واحد بيربي ابنه بطريقة ، و الطالب اللي في الكرسي اللي جنبه بيقولوه عكس الكلام ده تماما

ده معناه ان ابو صاحب ابني هوه اللي بيربي ابني

المدرسة ممكن فيها 1000 طالب ، مختلف الثقافات و البيئات

و الأب ميعرفش مين اللي بيتعامل مع ابنه كويس ولا وحش ، شيطان و لا طيب

انا رأيي يرجع التعليم زي الكٌتاب زمان ، بيبقي تعليم لطلبة من منطقة واحدة او قرايب ، كدة الواحد يبقي عارف شخصيا ابنه بيتعامل مع مين

[nightmare]

مفروض اصلا منوصلش لمشكلة زي دي

لأن احنا سكتنا عن ما هوه اخطر

اختلاف الثقافات بين الطلبة في الفصل الواحد

يعني واحد بيربي ابنه بطريقة ، و الطالب اللي في الكرسي اللي جنبه بيقولوه عكس الكلام ده تماما

ده معناه ان ابو صاحب ابني هوه اللي بيربي ابني

المدرسة ممكن فيها 1000 طالب ، مختلف الثقافات و البيئات

و الأب ميعرفش مين اللي بيتعامل مع ابنه كويس ولا وحش ، شيطان و لا طيب

انا رأيي يرجع التعليم زي الكٌتاب زمان ، بيبقي تعليم لطلبة من منطقة واحدة او قرايب ، كدة الواحد يبقي عارف شخصيا ابنه بيتعامل مع مين

نعم

ايه المفهوم الغريب ده , انا اول مرة اسمع عن حاجة زي كده , والمفهوم ده بقي بيطبق في اى دولة , يعني نقعد ننقي بقي ونحط كل اطفال عائلة واحدة في فصل واحد والا ايه.

ونرجع الكٌتاب, طيب , فكرتينى بالمواطن اللى كان مرشح لانتخابات الرئاسة سنة 2005 واول حاجة في برنامجه انه يرجع الطربوش, وهنجيب المشايخ من اين طيب؟؟ , والا ايه رايك كل عائلة تشترك مع بعضها ويبنوا مدرسة لوحدهم , زي مدارس عاشور كده.

طب ما نعطي للتعليم الدينى مكانه ومساحته الطبيعية , طب ما نعلى مفهوم الاسرة وكل فرد فيها يتحمل مسئوليته ويبقي فيه مراقبة وتوجيه , طب ما نعيد هيبة المعلم , طب ما نعيد هيبة الكتاب المدرسي.

مع تحياتي

تم تعديل 2 نوفمبر 2010 بواسطة nightmare

[جويرية]

للتعليم الدينى مكانه ومساحته الطبيعية , طب ما نعلى مفهوم الاسرة وكل فرد فيها يتحمل مسئوليته ويبقي فيه مراقبة وتوجيه , طب ما نعيد هيبة المعلم , طب ما نعيد هيبة الكتاب المدرسي.

نعلي مفهوم الأسرة ازاي

اذا كان طالب ابوه مهندس و قاعد جنبه طالب ابوه صاحب ملهي ليلي

و الطالب اللي وراهم ابوه محاسب و اللي جنبه ابوه تاجر مخدرات

الكوكتيل الغريب ده يندمج مع بعضه ازاي

نحط البيض كله في سلةة واحدة السليم علي اللي مش سليم

المدارس اللي بتدعي المحافظة علي الأخلاق بتقبل اي حد قادر علي دفع المصاريف ،

[se_ Elsyed]

جويريه

انا

انا

إتشليت ومش قادر أتكلم

حد يلحقني بمعجون السنان بسررررررررررررعه

[جويرية]

بالمواطن اللى كان مرشح لانتخابات الرئاسة سنة 2005 واول حاجة في برنامجه انه يرجع الطربوش, وهنجيب المشايخ من اين طيب؟؟ , والا ايه رايك كل عائلة تشترك مع بعضها ويبنوا مدرسة لوحدهم , زي مدارس عاشور كده.

ايوة فكرة ان كل عيلة تعمل مدرسة دي فكرة كويسة

ده عشان نضمن ان الطفل حيبقي متربي زي ما اهله عايزين ، اما كون الطفل بيتعامل مع الغرباء من صغره ، فبيخرج شخص اخر غير ما اهله عايزين

[nightmare]

نعلي مفهوم الأسرة ازاي

اذا كان طالب ابوه مهندس و قاعد جنبه طالب ابوه صاحب ملهي ليلي

و الطالب اللي وراهم ابوه محاسب و اللي جنبه ابوه تاجر مخدرات

الكوكتيل الغريب ده يندمج مع بعضه ازاي

نحط البيض كله في سلةة واحدة السليم علي اللي مش سليم

المدارس اللي بتدعي المحافظة علي الأخلاق بتقبل اي حد قادر علي دفع المصاريف ،

بالله عليكي يا أختى انا راجع من الشغل ضغطي عالى ومش ناقص , اخونا سي السيد لسه شايفله موضوع اسمه الأراء الشاذة , وبصراحة رايك ده اول مرة اسمعه في حياتى وبعتبره اكثر راي شاذ سمعته في الفترة الأخيرة.

يعني انتى عاوزانا نعمل ايه , لما ييجي واحد يقدم لابنه في مدرسة نقوله انت مهندس روح المدرسة الفلانية , وانت راجل صنايعي روح المدرسة الفلانية, والطالب اليتيم نوديه فين, نعمل مدارس للايتام بقي علشان نزيد معاناتهم معاناة اخري , طب مش كده عنصرية وتمييز .

ثم ان هتعرفيها ازاى يعني , هو الحرامي بيقولك انا حرامى والا تاجر المخدرات مكتوب في بطاقته تاجر مخدرات , واحد جاى لابس بدلة وشيك وراكب عربية احدث موديل ومكتوب في بطاقته رجل اعمال وهو من الباطن شغال تاجر مخدرات , والا هنشغل وراء كل واحد مخبر ونعمل عنه تحريات.

وهل معني اني مهندس مثلاً ان ابنى بالضرورة هيبقي محترم وابن ناس , ما ممكن يطلع ابن تيييييييييييييييت , والعكس صحيح ممكن واحد عامل باليومية وأولاده ما شاء الله عليهم كلهم تعليم عالى ومنهم الدكاترة والمهندسين, والأمثلة على كده كثيرة ولا تعد ولا تحصي.

وليه ناخد الطفل بحسنات او سيئات ابوه , ذنبه ايه والا ابن المهندس لازم يبقي مهندس وابن تاجر المخدرات لازم يطلع تاجر مخدرات.

ايوة فكرة ان كل عيلة تعمل مدرسة دي فكرة كويسة

ده عشان نضمن ان الطفل حيبقي متربي زي ما اهله عايزين ، اما كون الطفل بيتعامل مع الغرباء من صغره ، فبيخرج شخص اخر غير ما اهله عايزين

نضمن ان الطفل هيتربي زي ما اهله عاوزين , يا نفوخي اللى هيفرقع , هو مين يا اختى اللى بيربي ويوجه ويتابع ويصحح السلوكيات , الاسرة والبيت والا المدرسة , لو الموضوع كده بقي انا كمهندس هحط رجل على رجل واشرب الشيشية واقول المدرسة هتربيلى العيال , طب ما ايه رايك نقعده في البيت بلا مدرسة بلا وجع قلب ونربيه زي ما احنا عاوزين في البيت ونمنعه من الخروج من باب الشقة , ونوفر فلوس الدروس ووجع القلب ده ولما يكبر نجوزه بيهم ونستته بقي وخلاص, والا اقولك احنا نخلف ليه اصلا والا نتجوز ليه طالما مش هنقدر نربي.

مع تحياتي

تم تعديل 2 نوفمبر 2010 بواسطة nightmare

[ozoozo]

بالمواطن اللى كان مرشح لانتخابات الرئاسة سنة 2005 واول حاجة في برنامجه انه يرجع الطربوش, وهنجيب المشايخ من اين طيب؟؟ , والا ايه رايك كل عائلة تشترك مع بعضها ويبنوا مدرسة لوحدهم , زي مدارس عاشور كده.

ايوة فكرة ان كل عيلة تعمل مدرسة دي فكرة كويسة

ده عشان نضمن ان الطفل حيبقي متربي زي ما اهله عايزين ، اما كون الطفل بيتعامل مع الغرباء من صغره ، فبيخرج شخص اخر غير ما اهله عايزين

انا بعد الكلام ده خلاص

هاطلع ابني

ميكانيكي

علي الاقل اربط العفشه ببلاش

[masraweya]

السلام عليكم

ترددت كثيرا قبل الكتابة في هذا الموضوع الذي آلمني بشدة .. هذا الطفل الضحية كيف سيتعاملوا معه؟

الأسرة تفضلتم مشكورين بالتأكيد على دورها المهم

المدرسة أيضا عليها دور لا يقل أهمية

الرقابة و المتابعة

التعرف على التفاحة الفاسدة و علاجها

لأننا لا نستطيع ضمان ان كل الأسر قامت بواجبها في تربية أولادها

أمر آخر .. اولادنا المفروض ألاّ ينشئوا في "كبسولة" معزولين عن المجتمع المحيط بهم بسبب خوفنا عليهم

نظلمهم كثيرا و نحد من نضوجهم و تطورهم و خبراتهم بفصلهم عن مجتمعهم

هو جهد أكبر علينا كأسر أن نساعدهم في دمج هذه الخبرات بصورة صحيحة .. أن يميزوا الغث من الثمين .. أن يكون هناك حوار دائم بيننا و بينهم

الإعلام أيضا مسئول .. ما هي النماذج و القدوة التي يقدمها؟

كيف يتناول هذه الموضوعات؟ بل الأدهى كيف يقدم النماذج الشاذة باستمرار في أعمال يشاهدها الكل؟

الإعلام يمكن أن يكون أداة جيدة للتوعية .. لكن نادر جدا ان يهتم برسالته في هذا المجال

و إذا حدث .. تكون جهودفردية غير مستمرة .. البعد التربوي غائب إلى حد كبير عن "الخطة الإعلامية

[جويرية]

ما هوه سوق العمل مش محتاج كل الخريجين دول ، لو قفلوا الكليات 10 سنين قدام مش حيحصل عجز في اي مهنة

يعني لو الدراسة تبقي خاصة و بعد كدة كل واحد يشتغل في مهنة ده افضل

و بعدين الطفل بيقعد مع زمايلاه في المدرسة اكتر ما بيقعد مع اهله

ولازم حيتطبع بطبعهم ، و حيلاقي الأب ان في ناس تانية شركاء في تربية ابنه

طيب ايه حل المشكلة دي

دكتور نفسي قال نحذر الطفل ، هل سن الطفل يسمح بتقبل هذا التحذير ، ولا كدة هوه دخل في مخاوف مفروض ميتعرضش ليها ،

حماية الطفل انه ميغيبش عن بصر ابويه او قرايبه ، من باب اولي عشان ميتعرضش لأي حوادث او اصابات

[لونا]

حماية الطفل انه ميغيبش عن بصر ابويه او قرايبه ، من باب اولي عشان ميتعرضش لأي حوادث او اصابات

mfb:

أي طفل لو حبسناه في رعاية الأسرة و الأقارب

لازم حييجي يوم .. بعد سنة أو عشرة .. و يحتاج إنه يتعامل مع الدنيالوحده

لو لم يتدرب على ذلك و هو صغير .. و يخطئ و يتعلم من الخطأ

فلن يستطيع أن يجاري أقرانه ممن سبقوه .. و تعلموا أن يواجهوا مشاكل المعاملة مع الآخرين من سن صغيرة

[جويرية]

موضوع التعليم وعيال السباك اللي بيتجرأوا ويقعدوا في نفس الكلاس مع ولاد الباشمهندس وإنتي تعرفي أنا قصدي إيه ...

والحمد لله لا هو إسقاط ولا شخصنه .. أنا كتبت الموضوع ده قبل ما أقرأ أراء حضرتك الإنشطارية دي

ورجعتي كملتيها بإننا لازم نجيب ضرف الجامعات 10 سنين عشان سوق العمل متشبع

طب يا رب يا جويرية ييجي حظك في العشر سنين العجاف دول .. وورينا هاتعملي إيه ؟

مقصدش الفروق بين الطبقات

بس كل ناس و ليها عاداتها في التربية ، و العادي و المألوف عند ناس مش مقبول عند ناس تانية

الأصحاب في الكبر بيأثروا في شخصية بعض ، فما بالنا بالأطفال ، اللي ممكن يتطبعوا بطبع اسر تانية بعيدة تماما عن أسرته

اما عن التعليم

فده رحلو يومية شاقة ل 17 مليون طالب ، زحموا المرور و فلسوا ابائهم ، وهما نفسهم تعبوا و ارهقوا من المواد الدراسية

وفي النهاية ، الولد بعد المؤهل الجامعي حيسوق التاكسي بتاع ابوه اللي جنب البيت ، او حيشتغل في المحل اللي

في نفس الحارة اللي هوه ساكن فيها

نفس الوظايف اللي دلوقتي بتشترط تعليم جامعي زمان كانوا بيشتغلوها بثانوية عامة و قبلها كانوا بيشتغلوها بأعدادية

تم تعديل 3 نوفمبر 2010 بواسطة جويرية

[جويرية]

أي طفل لو حبسناه في رعاية الأسرة و الأقارب

لازم حييجي يوم .. بعد سنة أو عشرة .. و يحتاج إنه يتعامل مع الدنيالوحده

لو لم يتدرب على ذلك و هو صغير .. و يخطئ و يتعلم من الخطأ

فلن يستطيع أن يجاري أقرانه ممن سبقوه .. و تعلموا أن يواجهوا مشاكل المعاملة مع الآخرين من سن صغيرة

ما في الأقارب دول في اولاد من سنه ممكن يلعبوا معاه و يبقوا اصحاب

بس ميزة الأقارب او المعارف او الجيران ان هما مش مختلفين كتير عن جو الأسرة اللي عايش فيها الطقل

طبعا المعارف او الجيران اللي بيختار الأب و الأم ان هما يتعاملوا معاهم

لغاية زي ما بيقولوه الطفل يشتد عوده ، و يعرف يتعامل مع الأغراب ازاي وياخد حقه ازاي

تم تعديل 3 نوفمبر 2010 بواسطة جويرية