استفسار مهم ولا خاب من استشار

[eljokar]

بسم الله الرحمن الرحيم

اخوكم عبداللطيف محاسب كنت شغال فى السعودية قعدت سنتين ورجعت عودة وكنت عازم النية ان ما ارجعش لظروف كتيرة وحشة فى الشغل المهم ان كسرت التاشيرة واقامتى انتهت .

بدور دلوقتى على فرصة جديدة للسفر ومعظم اللى بلاقيه بيكون فى السعودية رايكم اقول فى المقابلات ان ليا خبرة سابقة فى السعودية واستفاد من الافضلية ده ولا ماقولش وامسح من تاريخى ان كنت هناك ولو قولت اقول ان فعلا كنت راجع عودة ولا اكدب واقول كنت نهائى .

ياريت اسمع رايكم

[eljokar]

ايه مافيش حد ليه راى فى الكلام ده

[nightmare]

مش فاهم حضرتك عاوز راي في ايه

يعني تفتكر ان فيه حد من اعضاء المنتدي المحترمين, هيقولك لأ خبي واكذب وما تقولش انك كنت شغال هناك

"الصدق أقصر طرق النجاة " , وانت مش محتاج تكذب , وازى ترضي على نفسك تبدأ شغل جديد بالكذب والخداع والتضليل

قول الحقيقة كاملة لو سألت عليها , ولو ليك نصيب في الشغل ده وليك رزق فيه فربنا هيوفقك وييسر امورك

وعليك بالدعاء والزم الاستغفار, مع تمنياتي الشخصية لك بالتوفيق.

مع تحياتي

تم تعديل 1 نوفمبر 2010 بواسطة nightmare

[eljokar]

يعنى اكتب فى ال cv ان كنت فى السعودية ولا ما اكتبش خوفا لا فى المقابلات يقولوا مرجعتش ليه كان فى مشاكل وكلام من ده فهمنتنى دلوقتى

[nightmare]

أخي الفاضل

ردي عليك كان من منطلق ما كتبت في مشاركتك الأولي , ففي اخر سطر بها كتبت بالنص

ولو قولت اقول ان فعلا كنت راجع عودة ولا اكدب واقول كنت نهائى

فبالتأكيد مفيش حد هيقولك اكذب , هو حد هيحرضك على المعصية , وبرضه انا شايف ان اقصر الطرق هو "الصدق" يعني تكتبها في ال C.V , ممكن تكون نقطة ايجابية في صالحك وتعتبر كخبرة في دول الخليج ونظامها , ولو اتسألت عن سبب عدم عودتك قول الحقيقة مش شرط كلها بالتفاصيل المملة لكن خلاصتها , انك ما كنتش مستريح في الشغل, واخدت قرارى النهائي في أجازتى انى مش هقدر اكمل معاهم وخلصنا.

انما لو ما كتبتهاش واتسألت كنت فين في السنتين دول هتقول ايه, هتضطر تكذب كذبة كمان , وهكذا وليه ده كله.

مع تمنياتي لك بالتوفيق , تحياتي

تم تعديل 2 نوفمبر 2010 بواسطة nightmare

[capitshino]

الكذب سيكون فى حالة واحدة فقط ان سئلك انت اشتغلت فى السعودية ولا لا ؟ وجاوبت انى مااشتغلتش فى السعودية قبل كده

اما انك تكتب فى السى فى او لا تكتب انك اشتغلت فده مالوش علاقة بالكذب .. وعموما لو كتبت احسن "بالنسبة لى "

[eljokar]

شكرا لردودكم المفيدة

[mohamed abd el hamid]

انا شايف انك تكتبها فى ال C.V. بتاعك