لو جوزك اتجوز عليكي حتعملى ايه - انتقــااااام امـرآة

[اغابي]

اه صحيح بمناسبة الحنية اللى شغالة فى المحاورات قررت اعرض عليكم موضوع خطيررررر

لو جوزك اتجوز عليكي ولا صاحب واحدة تانية - وكله جايز ما تقوليش لاء

من الاخر استغفلك يعنى لموأخذة - حتعملوا ايه يا ستات يا حلويات

بس ياريت الصراحة راحة - الصراحة مطلوبة الله يخليكم

مين فينا بيظلم التانى - بصراحة الواحد احتار مين اكتر بيظلم التانى

هل الستات ظالمين ومفتريين ولا الرجاااالة

طب ليه دايما يقولوا ان الست ضعيفة وما حيلتهاش غير دمعتها

ويرجعو يقولوا - لا لا - داه الست لعبتها الراجل

واحيانا يقولوا الراجالة مفتريين وظالمين اوى للستات وعينيهم زايغة

طب تعالو شوفو الخبرين دووول

يا قدارين يا نسوان - جبابرة بجد

يوم المرأة.. الدموي

mc:

كويتية تحرق زوجها انتقاما لزواجه عليها

وأخرى تشي به: يحتسي الخمر مع عشيقته

محمد الشرهان

تمكن رجال مباحث محافظة الاحمدي بقيادة مديرهم العقيد عادل الحمدان من ضبط مواطنة في العقد الثالث من عمرها صباح امس، بتهمة الشروع في القتل، حيث سكبت «ماء النار» على زوجها المواطن اثناء نومه في منزل الاسرة بمنطقة الرقة، انتقاما منه لزواجه من اخرى، مما احدث به حروقا شديدة نقل على اثرها الى العناية المركزة في مستشفى البابطين للحروق.

وفي التفاصيل التي رواها مصدر امني لـ القبس ان رجال مباحث محافظة الاحمدي تلقوا امرا صادرا من النيابة العامة يقضي بضبط واحضار مواطنة اقدمت على محاولة حرق زوجها وقتله بسبب اقدامه على الزواج من امرأة اخرى، مشيرا الى ان والد الزوج واشقاءه تقدموا بشكوى الى مخفر شرطة الرقة صباح امس الاول واتهموا زوجة شقيقهم بمحاولة قتله وأحيلت القضية الى النيابة العامة.

وأضاف المصدر ان رجال المباحث طاردوا الزوجة لمدة 24 ساعة كانت تتنقل فيها بين منازل اقربائها حتى تم رصدها صباح امس في منزل احدى صديقاتها بمنطقة الرقة، حيث تم القاء القبض عليها واحالتها الى مكتب التحقيق، لافتا الى انها اعترفت بمحاولة حرق زوجها عن طريق استخدام «ماء النار» الذي سكبته على جسده وركزت على وجهه اثناء نومه ومن ثم لاذت بالفرار.

وأشار المصدر الى ان المواطنة اعترفت ايضا بانها اقدمت على هذه الفعلة بسبب جحود ونكران زوجها لتضحياتها وقراره بالزواج من اخرى، الامر الذي دفعها للتفكير في قتله والتخلص منه او تشويه وجهه وجسده حتى تفسد عليه الزيجة الثانية، موضحا ان المواطنة اعترفت ايضا بانها اشترت علبة «ماء النار» من احد محلات البنشر في المنطقة واخفتها في غرفة النوم ومن ثم استخدمتها بمجرد ان لاحظت ان زوجها غط في نوم عميق.

وذكر المصدر ان رجال المباحث تحفظوا على الزوجة واحالوها الى النيابة العامة كما تمكنوا من تحريز علبة «ماء النار» التي استخدمتها في حرق زوجها واحالتها الى الادارة العامة للادلة الجنائية لاعداد تقرير فني بالمادة المستخدمة في الحادثة.

انتقام أخرى

من جانب آخر وفي قضية منفصلة، انتقمت مواطنة من زوجها وعشيقته بطريقة ذكية جدا عندما رصدتهما جالسين في احد المقاهي العامة في محافظة العاصمة خلال عطلة نهاية الاسبوع وتأكدت ان زوجها في حالة سكر بيّن، حيث ذهبت الى مدير المقهى وبادرته بسؤال: هل تقدمون الخمر في هذا المقهى؟ الامر الذي اثار حفيظة مدير المقهى واجاب بالنفي واستشاط غضبا في وجه الزوجة التي هدأت من روعه واشارت الى زوجها وعشيقته، وقالت انهما يحتسيان الخمر ويخفيانه داخل علب المشروبات الغازية.

وقال مصدر امني لـ القبس ان مدير المطعم اقترب اكثر من الزوج وعشيقته بينما كانت الزوجة تراقب الحدث من بعد، وتأكد انهما يحتسيان الخمر فتوجه فورا الى هاتف المقهى وابلغ غرفة عمليات وزارة الداخلية، حيث حضر على الفور رجال الامن في مخفر شرق والقوا القبض على الزوج وعشيقته، وعثر بحوزتهما بالفعل على زجاجة خمر بالاضافة الى كميات من الخمر معبأة في علب المشروبات الغازية، حيث احيلا الى مخفر شرطة شرق فيما كانت الزوجة تراقب الوضع حتى تأكدت من ان رجال الامن تحفظا على زوجها وعشيقته، لتتوجه الى مدير المقهى وتخبره بأن السكران زوجها وانتقمت منه بكل حرفية.

اى خدمة

ولسة الجاى اكتر بكتيرررررر

gra:-

تم تعديل 1 نوفمبر 2010 بواسطة اغابي

[pink rose]

الزوجة الاولى دي مجنونة رسمي

خسرت دنيتها و الله اعلم ممكن اخرتها كمان

هو ما عملش حاجه حرام عشان تقتله

لا حول و لا قوة الا بالله

اما الزوجة التانية دي دماغ بصراحة

عجبني اللي عملته و استمخيت منه اوي

اهو دا فعلا كيد النسا bv:- bv:-

[ozoozo]

اطلب من الاداره غلق هذا الموضوع لخرقه الماده رقم دشليون وتلتميت الف من قانون المحاورات

يمنع منعا باتا التحريض علي الارهاب والعمليات الارهابيه واضتهاد الاخر والتشهير به وعمل اي حاجه ضد الرجاله

[جويرية]

أنتو بقي يا اغابي محظوظين

الجواز تأبيدة ، البضاعة المباعة لا ترد ولا تستبدل

عندنا لما يدعو لحد يقولوه يا رب تبقي جوازتك جوازة نصاري

[تامر مصطفى]

انا اقولك يا اغابي يا اختي

من واقع مجموعة من التجارب التي حدثت أمامي وتعايشتها على مدى سنوات عدة

معلومة جانبية

المرأة في القصة دي تستحق بجدارة لقب نسرة كما يقول عنها الكويتيين

يعني ولية قوية ومفترية

المهم ان زوجها اتجوز عليها

وقلبت الدنيا وزعقت وهللت واتخانقت ورفعت قضية

وفي النهاية تأقلمت مع الوضع

وتعايشت تماما

لدرجة ان زوجها كررها بعدها 3 مرات تاني وفي كل مرة تقلب الدنيا وفي الاخر تهدا وكل شيء يروح لحاله

اللي مش هتصدقيه بقى ايه؟؟؟

ان اتنين من الزوجات حاليا ساكنين في بيت واحد بس كل واحده في دور مستقل ولها مدخل منفصل

مما سبق نستدل على ان اي امرأة جوزها يتجوز عليها هتعمل عاصفة وبعدها تعيش بسلااااااااااام

ومن هنا وبهذه المناسبة

اتوجه بدعوة لجميع رجال المنتدى لخوض تجربة الزواج التاني والتالت

وطبعا مفيش احلى من انك تلاقي اتنين او تلاته بيحاربو بعض علشان كل واحده تنال رضاك

بس اوعى يتفقوا عليك التلاته

[Howayda Ismail]

رأى ان الزوجتين فى الحالتين غلطانين

لان بساطة كل واحد ينام على الجنب اللى يريحه

ونادرا مارجل يلتفت لاخرى او يفكر يتزوجها الا من شعوره بخلل كبير وعدم راحة بينه وبين زوجته

وعشان كده ربنا حلل للرجل يتزوج اتنين وتلاتة وكمان اعطى حق للمراة فى الطلاق والخلع لو مش مرتاحة

من الاخر( عشرة بمعروف او تسريح باحسان)

[Simba]

عارفة يا اغابي

موضوع الزواج التاني ده له عشرات من المواضيع من بداية تدشين المنتدي ده ولحد دلوقتي وفيه منها مواضيع صفحاتها تجاوزت 150 صفحة تقريبا بين مؤيد ومعارض

وعن نفسي علي قناعة كبيرة جدا ان الرجل واي رجل مزواج مذواق وهي دي فطرته حتي لو ملايين خالفتني الرأي لكن هي دي قناعتي الشخصية وعلي قناعة برضه ان المرأة تقدر تطلب الطلاق في اي مرحلة من المراحل ان كانت حاسة باهانة وكرامتها اتداست عليها زي ما الاعلام المضلل بيصور لها ومن غير انتقام يا ستي ولا حاجة

والرجل مش محتاج اي مبرر ولا عذر علشان يتجوز تاني وتالت ورابع ان كان مقتدر وراغب في كده[/font]

[pink rose]

أنتو بقي يا اغابي محظوظين

الجواز تأبيدة ، البضاعة المباعة لا ترد ولا تستبدل

عندنا لما يدعو لحد يقولوه يا رب تبقي جوازتك جوازة نصاري

و ايه الفايدة لو الجوازة تأبيدة مع راجل عينه زايغة

دي بالنسبالها هاتبقى جهنم الحمرا نفسها

تخيلي واحدة جوزها و العياذ بالله كل يوم مع واحدة شكل و المسكينة مراته عارفه و مش قادرة تفلفص من الراجل الندل دا و لا تثبت عليه خيانته ليها ( و الخيانة هنا مش شرط توصل للزنا عشان تقدر تطلب التفريق)ممكن تكون الخيانة بانه بيخرج كل يوم مع واحدة مصاحبة يعني فقط

تفتكري هايبقى شعورها ايه

يا اما هاتسكت بس في قلبها نار الله الموقدة و دي مش هاتبقى عيشة ابدا

يا اما هايجيلها لحظة تولع فيه زي صاحبتنا في الحكاية الاولى لما روقته بمايا النار

[pink rose]

رأى ان الزوجتين فى الحالتين غلطانين

لان بساطة كل واحد ينام على الجنب اللى يريحه

ونادرا مارجل يلتفت لاخرى او يفكر يتزوجها الا من شعوره بخلل كبير وعدم راحة بينه وبين زوجته

وعشان كده ربنا حلل للرجل يتزوج اتنين وتلاتة وكمان اعطى حق للمراة فى الطلاق والخلع لو مش مرتاحة

من الاخر( عشرة بمعروف او تسريح باحسان)

و الله يا مدام هند مش شرط في رجالة و العياذ بالله عينها زايغة منها لنفسها كده

يعني تبقى الست قايدة صوابعها العشرة شمع لكن هو ما يملاش عينه الا التراب

يعني و الله هاحكيلك حاجه من واقع معرفه مباشرة

عمتي الله يرحمها في شبابها كانت احلى من ليلى فوزي بجد و لحد ما ماتت كانت زي القمر و الله

مش باقول كده تحيز عشان عمتي لكن ربنا يشهد ان دي الحقيقة قمرة بمعنى الكلمة و طيبة بلا حدود و من الناس النضيفة في بيتها و في نفسها

يقوم جوزها الله يرحمه هو كمان ما يجوزش على الاموات الا الرحمة يروح يتجوز واحدة معاه في الشغل اقسم بالله عكس عمتي تمام

فاكرين مسرحية ريا وسكينة عارفين الست اللي كانوا بيقابلوها في السوق اللي بيقولوا عليها زعرور الدش و الله كانت شكلها كده ربنا يرحمها هي كمان بقى

و اتجوزها و ساب عمتي و هي في عز شبابها ما طلقهاش سابها كده متعلقة وساب عياله خااااااااااااااالص

لمدة 18 سنة كاملين

عارفه جه ربنا يعافينا اتشل في ايده و رجله الست التانية قالتله معلش انا تعبانة مش قادرة على خدمتك و بقت تسيبه بالايام و تروح تقعد عند اختها

قام رجع لبيت عمتي عشان تخدمه في تعبه و قعد فيه لحد ما هي ماتت الله يرحمهاو بعدها ما فيش كام شهر هو كمان حصلها

الله يرحم امواتنا

و الله حكاية عمتي دي تنفع فيلم عربي

قوليلي بقى الراجل دا كان ايه اللي جبره يسيب مراته و عياله

غير انه عينه زايغة

و اول ما وقع افتكر الست اللي سابها طول عمرها بس رجع لانه عارف انها اصلية و هاتشيله هي و ولادها

و والله دا هو اللي حصل

تم تعديل 2 نوفمبر 2010 بواسطة remo

[اغابي]

اللى مستغرباله فى الموضوع

الرجالة اللى داخلين برجليهم ولا خايفين ولا اى حاجة طب تعالولى بقى استفتح بيكم على اول الصبح

bsh:) bsh:)

تم تعديل 2 نوفمبر 2010 بواسطة اغابي

[اغابي]

اطلب من الاداره غلق هذا الموضوع لخرقه الماده رقم دشليون وتلتميت الف من قانون المحاورات

يمنع منعا باتا التحريض علي الارهاب والعمليات الارهابيه واضتهاد الاخر والتشهير به وعمل اي حاجه ضد الرجاله

انت بتحرض الادارة علينا يا محمد باستخدامك المادة دشليون

وان كان هدفك الحقيقي هو هدم الموضوع كنوع من التعسف ضد المراة - علشان الست ما تفتحش عيونها على الحقيقية المرة وتشوف حل

لان الموضوع داه وارد جدا لاى بيت فى اى لحظة

اصل انا بعتبر الجوازة التانية زى الموت بتيجيى فجأه

[عنبو]

المفروض الست تزعل فقط لو زوجها خانها او عمل علاقه غير شرعيه مع واحده

اما لو الموضوع زواج على سنة الله ورسوله فلاما تعيش او تطلب الطلاق

لكن تقتله والكلام ده فليس من حقها

كان فيه عندنا اتنين فى المنطقه

واحد مسكوا مع حالة زنا مع واحده والاخر عرفوا انه تزوج على مراته

كل الناس سابت الزنا ولاموا الراجل اللى تزوج على مراته

وكان اغلب اللى اتقال انها نزوه وراحت لحالها ام ده فزواج ومشاركه فى الحياه

قولت سبحان الله يبغضوا الحلال ويستحبون الحرام

انا لو ربنا اقدرنى انى اشيل مسؤلية بيت تانى وتالت ورابع هعملها وليه لاء

تحياتى

عنبو

[اغابي]

يا ستات ايه رد فعلكم لو جالك جوزك

وقالك انا يا حبيبتى يا مراتى يا حياتي يا ابتساماتى

وحياه اولادنا انا مش قصدى اجرحك

لكن انا قررت اتجوز تانى

او مثلا انك داخلة قهوة تيشتي مع واحدة صاحبتك ويدوب حتشدى اول نفس شيشة

وهوب لاقيتي فى الترابيزة من بعييييييد جوزك معاه واحدة وماسك ايديها وبيوصفلها

القمر وجماله فى عز الضهر

حتعملى ايه وقتها هو داه السؤال

يا ستات يا حلويات

؟؟؟؟

تم تعديل 2 نوفمبر 2010 بواسطة اغابي

[اغابي]

انا اقولك يا اغابي يا اختي

من واقع مجموعة من التجارب التي حدثت أمامي وتعايشتها على مدى سنوات عدة

معلومة جانبية

المرأة في القصة دي تستحق بجدارة لقب نسرة كما يقول عنها الكويتيين

يعني ولية قوية ومفترية

المهم ان زوجها اتجوز عليها

وقلبت الدنيا وزعقت وهللت واتخانقت ورفعت قضية

وفي النهاية تأقلمت مع الوضع

وتعايشت تماما

لدرجة ان زوجها كررها بعدها 3 مرات تاني وفي كل مرة تقلب الدنيا وفي الاخر تهدا وكل شيء يروح لحاله

اللي مش هتصدقيه بقى ايه؟؟؟

ان اتنين من الزوجات حاليا ساكنين في بيت واحد بس كل واحده في دور مستقل ولها مدخل منفصل

مما سبق نستدل على ان اي امرأة جوزها يتجوز عليها هتعمل عاصفة وبعدها تعيش بسلااااااااااام

ومن هنا وبهذه المناسبة

اتوجه بدعوة لجميع رجال المنتدى لخوض تجربة الزواج التاني والتالت

وطبعا مفيش احلى من انك تلاقي اتنين او تلاته بيحاربو بعض علشان كل واحده تنال رضاك

بس اوعى يتفقوا عليك التلاته

حراااام عليك يا تامر

بالبساطة دى - ما هو لازم الرجالة حيقولوا ايه يعنى غير انهم يتكلموا ببساطة

انا متوقعة حاجة زى كدا منكم ما اتصدمتش اوى ولو انضم جوزى ليكم كانت القعدة حتحلوا اوى

اش عرفكم باحساس الست وانها مولعة صوابعها العشرة شمع ليه ولاولاده

وفى الاخر يعرف واحدة تانية سواء صديقة او زوجة كله بيجرح احساس الست

وانت الموضوع واخده ببساطة خالص ولا كانى فى حاجة

[اغابي]

عارفة يا اغابي

وعن نفسي علي قناعة كبيرة جدا ان الرجل واي رجل مزواج مذواق[/font]

يعنى كدا يا سمبا الراجل اللى متجوز واحدة بس ما عندهوش زووووووووق

ومش مزووووواق

منطق غريب - اوى لانك قولت كلمة اغرب مما نتوقعها

انت بتقول على الراجل اللى بيحافظ على العشرة وبيحب مراته وبيحافظ على بيته

انه ما عندهوش زووق

[اغابي]

المفروض الست تزعل فقط لو زوجها خانها او عمل علاقه غير شرعيه مع واحده

اما لو الموضوع زواج على سنة الله ورسوله فلاما تعيش او تطلب الطلاق

الاتنين بيجرحو احساس الست وكرامتها

يا رجالة الستات احساسهم عالى اوى ومش عارفة اوصفهولكم ازاى

ان قولتلك يا عنبو انى مرة قريت عن حالات لسيدات خليجيات بيفضلوا ان جوزها يصاحب واحدة

لكن ما يتجوزش عليها واحدة تانية

وفى منهم بيبقو عارفين كدا وراضيين لكن اهون بكتررر من انه يتجوز عليها

اعتقد الحالتين صعبين اوى على احساس الست ومشاعرها

[pocy]

اهلا بالجميع

أغابي موضوع جميل يا قمر كالعاده

لماذا احرم ما حلله الله للرجل مثنى وتلات ورباع

ما سبق كان استهلالا لابد منه

الست اكيد هتزعل وتزعل بشده يعنى انا لو حصل كده هنهار لان بحب جوزى قوى وممكن اتجنن بس زى ما قالت هند عشرة بمعروف او تسريح باحسانوالحل فى ايديها وعندها حلين

1- تكمل مع جوزها وهو متزوج عليها وتقبل بالوضع الموجود وان لم يعدل تحتسب اجرها عند الله عز وجل

2- انها تطلب الطلاق ولو انه ابغض الحلال بس يمكن يكون بالنسبه لها افضل من الاستمرار

وبالنسبه لرأى جويريه انا لا اتفق معكى ياقمر وده لاساب كثيره وحتى القضايا المثاره الان تثبت كلامى

ماذا اذا كان الزوج لا يطاق في بخله او عصبيته او لا يغض بصره ويجاهر بالمعصيه او ............ حاجات كثيره لا تحتملها الزوجه ماذا سيكون الحل

الطلاق ولكنه غير متوافر الا بشروط قاسيه جدا والزواج الثانى بعد الطلاق اصعب من الاول وكان الله فى عونهم

[pocy]

أغابي ياقمر انتى حاطه الموضوع فى موضوعات خفيفه انا اسفه جدا والله اخدته جد معلش هههههههههههههه

لو فى الموضوعات الخفيفه فالرد هيختلف

فى ناس كتير هتشبشب لجوزها اكيد وريله مقامه جدا ومش قدام عياله قدام المنطقه كلها وهتنزل تنفضه بالمنفضه كمان بس الستات اللى ممكن تعمل كده دى ستات غير متعلمه وجاهله بامكانيتها وبعد كده هتقول فى الاخر خليه يغور يروحلها ايش ياخد المشط من الاقرع ههههههههههههههه او حاجه كده باين ايش ياخد الريح من بلاط ههههههههههههههه والله مش فاكرهالامثله

لكن معظم المتعلمات هتلاقي رد فعلهم غير زى اللى حصل مع التانيه بلغت عن زوجها وازته بدون ما تتدخل بنفسهاوانتقمت ولكن بالعقل

وربنا يعافينا يارب ويبعد عننا كل الحاجات دى ويكرمنا بحسن التصرف ان شاء الله

[Simba]

يعنى كدا يا سمبا الراجل اللى متجوز واحدة بس ما عندهوش زووووووووق

ومش مزووووواق

منطق غريب - اوى لانك قولت كلمة اغرب مما نتوقعها

انت بتقول على الراجل اللى بيحافظ على العشرة وبيحب مراته وبيحافظ على بيته

انه ما عندهوش زووق

:protest:

اولا هي ذوق مش زوق بالضاد مش بالزال والضاد من الضراير

ومثلنا المصري قال ايه بقي

قال مركب الضراير سارت ومركب السلايف غرقت

ومعروف ان قدمائنا مؤسسي الامثال الشعبية مكانوش بيقلوا حاجة من فراغ الا عن خبرة وتجارب تفوق الدراسات الاكاديمية البحتة

ثانيا انت شقلبتي كلامي خالص انا مقولتش اللي متجوزة واحدة معندوش ذوق لاني ببساطة من فئة المتجوزين واحدة ومفيش نية للجواز التاني حتي لو عقلي زقزق لكن انا بتكلم انها بشكل عام حرية مطلقة للرجل بدون اي قيود وهي لها حرية انها تكمل او تسيبه اما بقي الظالم اللي بيتجوز واحدة علشان يبهدل واحدة ولا يسيبها متعلقة في المحاكم فدي فئة شاذة وحسابها عند ربنا

وعلي جنب كده وبمناسبة ذكر المحاكم انا اكتر حاجة بستغرب لها بجد قضايا الطلاق والمحاكم اللي بتاخد سنين مش متخيل اصلا ان فيه حد يعيش مع حد مش بيحبه او الموضوع بعد عشرة اي كانت قصيرة ولا كبيرة تبقي حرب في المحاكم .. ما علينا مش موضوعنا

اغلب الظن ان زمان مكانش فيه الجدال ده كله والامور كلها واضحة والبركة في جمعيات المرأة المفترسة واعلامنا العربي

[moory]

السلام عليكم،

سبحان الله من عدله و حكمته انو شرع للراجل انو يقدر يتجوز اربعة لانه بطبيعته يقدر يغلب العقل على العاطفة، فيقدر يعدل على قد ما يقدر بين زوجاته، بعكس الست الي العاطفة عندها دايما مغلبة على العقل.

وفى زمنا الي احنا فيه ده، الراجل الي يتجوز مرة، لو فكر انو يتجوز تاني يبقى اكيد صابه الشديد القوي - اي والله -، لان الراجل طوول ماهو حاسس ان مراته فيها كل الي هوا نفسو فيه و بتديله كل الي هوا عايزه، يبقى هيبص بره لييييييييييه؟!!!

وفي فكرة واخدها البنات و الستات اليومين دول عموما عن الرجالة ان عينيهم زايغة - مش عارف بتجيبو الافكار دي منين -

طب زي ماقلتلكو هوا عينو مستحيل تزووغ برة طوول ما هوا عارف و متأكد من جواه ان مراته دي احلى ست فى الدنيا وان الصورة الي هوا راسمها لمراته مش هايشوف واحدة تانية زيها، ممكن يقارن بس دايما عارف ان المقارنة فى صالح مراته.

بس هوا الراجل ممكن يبص لبرا حتى لو كل ده حصل؟!!

انا شايف ان الست هيا بنسبة كبيرة بتبقى سبب سعادة او كئابة البيت، وهيا الي فى ايديها تحافظ على جوزها او تطفشو منها.