لو جوزك اتجوز عليكي حتعملى ايه - انتقــااااام امـرآة

[اغابي]

يعنى كدا يا سمبا الراجل اللى متجوز واحدة بس ما عندهوش زووووووووق

ومش مزووووواق

منطق غريب - اوى لانك قولت كلمة اغرب مما نتوقعها

انت بتقول على الراجل اللى بيحافظ على العشرة وبيحب مراته وبيحافظ على بيته

انه ما عندهوش زووق

:protest:

اولا هي ذوق مش زوق بالضاد مش بالزال والضاد من الضراير

ومثلنا المصري قال ايه بقي

قال مركب الضراير سارت ومركب السلايف غرقت

ومعروف ان قدمائنا مؤسسي الامثال الشعبية مكانوش بيقلوا حاجة من فراغ الا عن خبرة وتجارب تفوق الدراسات الاكاديمية البحتة

ثانيا انت شقلبتي كلامي خالص انا مقولتش اللي متجوزة واحدة معندوش ذوق لاني ببساطة من فئة المتجوزين واحدة ومفيش نية للجواز التاني حتي لو عقلي زقزق لكن انا بتكلم انها بشكل عام حرية مطلقة للرجل بدون اي قيود وهي لها حرية انها تكمل او تسيبه اما بقي الظالم اللي بيتجوز واحدة علشان يبهدل واحدة ولا يسيبها متعلقة في المحاكم فدي فئة شاذة وحسابها عند ربنا

وعلي جنب كده وبمناسبة ذكر المحاكم انا اكتر حاجة بستغرب لها بجد قضايا الطلاق والمحاكم اللي بتاخد سنين مش متخيل اصلا ان فيه حد يعيش مع حد مش بيحبه او الموضوع بعد عشرة اي كانت قصيرة ولا كبيرة تبقي حرب في المحاكم .. ما علينا مش موضوعنا

اغلب الظن ان زمان مكانش فيه الجدال ده كله والامور كلها واضحة والبركة في جمعيات المرأة المفترسة واعلامنا العربي

:lol:

ضحكتنى يا سمبا وانا فى الشوووغل

خلاص انا اسفة انى غلطت فى الضاض والصاد والسلايف والضراير

هو فعلا زمان مفيش فيها الكلام داه

لكن حاليا لازم قضايا الطلاق تتاخر شوية لان الاطفال هما اللى بيتظلموا فى النص يا حبة عيني

واغلب المشاكل النفسية والجسدية اللى بيقعوا فيها الاطفال بسبب الزواج الثاني للاب

وبكرر الاب هو راس البيت وهو المسؤل الاول امام الله عن اهل بيته

بمجرد ما اللى تنشك فى قلبها الست التانية وتدخل عقله وتخطفه من مراته وولاده

فى لحظة هوب تلاقي الاسرة بعيد عننا كلنا يارب اتشقلب حالهم

خلوا بالكم يا رجالة انتم السبب الاول

الستات دول ملايكة بجد باتكلم - يعنى كل ست في الدنيا همها الاول والاخير مصلحة بيتها وجوزها

لكن المشكلة فى الرجالة المتنمردين اللى ما يعجبهمش العجب ولا السيام فى رجب

معلش لو الصاد بقت سين

:coffeenews:

تم تعديل 2 نوفمبر 2010 بواسطة اغابي

[اغابي]

أغابي ياقمر انتى حاطه الموضوع فى موضوعات خفيفه انا اسفه جدا والله اخدته جد معلش هههههههههههههه

لو فى الموضوعات الخفيفه فالرد هيختلف

فى ناس كتير هتشبشب لجوزها اكيد وريله مقامه جدا ومش قدام عياله قدام المنطقه كلها وهتنزل تنفضه بالمنفضه كمان بس الستات اللى ممكن تعمل كده دى ستات غير متعلمه وجاهله بامكانيتها وبعد كده هتقول فى الاخر خليه يغور يروحلها ايش ياخد المشط من الاقرع ههههههههههههههه او حاجه كده باين ايش ياخد الريح من بلاط ههههههههههههههه والله مش فاكرهالامثله

لكن معظم المتعلمات هتلاقي رد فعلهم غير زى اللى حصل مع التانيه بلغت عن زوجها وازته بدون ما تتدخل بنفسهاوانتقمت ولكن بالعقل

وربنا يعافينا يارب ويبعد عننا كل الحاجات دى ويكرمنا بحسن التصرف ان شاء الله

اهو كدا ما انا حاطاه فى موضوعات خفيفة علشان نفضفض يا نسوان و ما ناخدش الامور كلها حامى على قلبنا

يا ستات يا حلوات هو احنا حتقطع نفسنا يعنى

اهو كدا انا عن نفسي لو شفت جوزى مع واحدة فى مطعم بالصدفة يعنى ولا فى كافيه

وديني وديني ما اروقهم غير بازازاة مية ناااااااااااااااار

اشوه الاتنين واروح اسلم نفسيتي بنفسيتي للنيابة

والعيال تتشرد مفيش مشكلة

;) ;)

تم تعديل 2 نوفمبر 2010 بواسطة اغابي

[اغابي]

الزوجة الاولى دي مجنونة رسمي

خسرت دنيتها و الله اعلم ممكن اخرتها كمان

هو ما عملش حاجه حرام عشان تقتله

لا حول و لا قوة الا بالله

اما الزوجة التانية دي دماغ بصراحة

عجبني اللي عملته و استمخيت منه اوي

اهو دا فعلا كيد النسا bv:- bv:-

ميرسي يا ريمووو

كلامك قاسي اوى عن الزوجة الاولى

ليه تظلميها بس يا ريمو والتانية اللى بتفكر بعقل هو وقتها حيبقى فى عقل اصلا للتفكير

انا بصراحة بفكر زى الاولى بالظبط وانضم للمدرسة اللى هى منتمية ليها

لانى داه اللى بفكر فيه

bv:- bv:-

انا بانصح كل ست انها تخبى فى دولابها بدل ازازاة بارفيوم

ازازة مية نار وتكون مستورد مش اى نوع يعنى علشان تصبح على جوزها ييه

bsh:)

[mekkawy]

سلام عليكم

:)

مكاوى

[جويرية]

أنتو بقي يا اغابي محظوظين

الجواز تأبيدة ، البضاعة المباعة لا ترد ولا تستبدل

عندنا لما يدعو لحد يقولوه يا رب تبقي جوازتك جوازة نصاري

و ايه الفايدة لو الجوازة تأبيدة مع راجل عينه زايغة

دي بالنسبالها هاتبقى جهنم الحمرا نفسها

تخيلي واحدة جوزها و العياذ بالله كل يوم مع واحدة شكل و المسكينة مراته عارفه و مش قادرة تفلفص من الراجل الندل دا و لا تثبت عليه خيانته ليها ( و الخيانة هنا مش شرط توصل للزنا عشان تقدر تطلب التفريق)ممكن تكون الخيانة بانه بيخرج كل يوم مع واحدة مصاحبة يعني فقط

تفتكري هايبقى شعورها ايه

يا اما هاتسكت بس في قلبها نار الله الموقدة و دي مش هاتبقى عيشة ابدا

يا اما هايجيلها لحظة تولع فيه زي صاحبتنا في الحكاية الاولى لما روقته بمايا النار

مشكلة اكيد ، كانوا فترة بيتكلموا في الموضوع ده، بس يبدو ان ملوش حل

[pink rose]

الزوجة الاولى دي مجنونة رسمي

خسرت دنيتها و الله اعلم ممكن اخرتها كمان

هو ما عملش حاجه حرام عشان تقتله

لا حول و لا قوة الا بالله

اما الزوجة التانية دي دماغ بصراحة

عجبني اللي عملته و استمخيت منه اوي

اهو دا فعلا كيد النسا bv:- bv:-

ميرسي يا ريمووو

كلامك قاسي اوى عن الزوجة الاولى

ليه تظلميها بس يا ريمو والتانية اللى بتفكر بعقل هو وقتها حيبقى فى عقل اصلا للتفكير

انا بصراحة بفكر زى الاولى بالظبط وانضم للمدرسة اللى هى منتمية ليها

لانى داه اللى بفكر فيه

bv:- bv:-

انا بانصح كل ست انها تخبى فى دولابها بدل ازازاة بارفيوم

ازازة مية نار وتكون مستورد مش اى نوع يعنى علشان تصبح على جوزها ييه

bsh:)

يعني يا اغابي

كل شوية تقولي جوزي حليوة زي احمد عز و ترجعي تقولي اعمل زي الزوجة الاولى و اشيل مايا نار في الدولاب

دا كلام برضو

بمناسبة احمد عز واحدة صاحبتي تقمصت شخصية ماري منيب و قالتلي احمد عز دا خرطه الخراط و اتمدد مات

يعني مالوش زي :happy: :closedeyes:

[pink rose]

سلام عليكم

:)

مكاوى

و عليكم السلام و الرحمة

ايوة كده يا مكاوي عملت طيب انك رميت السلام من بعيد لبعيد و مشيت

ابعد عن اغابي بقى لحسن انت عارف مايا النار صعبة

و ممكن اغابي تكلم ام سلمى و تلعب في دماغها

و سلمى محتاجالك

[اغابي]

السلام عليكم،

سبحان الله من عدله و حكمته انو شرع للراجل انو يقدر يتجوز اربعة لانه بطبيعته يقدر يغلب العقل على العاطفة، فيقدر يعدل على قد ما يقدر بين زوجاته، بعكس الست الي العاطفة عندها دايما مغلبة على العقل.

وفى زمنا الي احنا فيه ده، الراجل الي يتجوز مرة، لو فكر انو يتجوز تاني يبقى اكيد صابه الشديد القوي - اي والله -، لان الراجل طوول ماهو حاسس ان مراته فيها كل الي هوا نفسو فيه و بتديله كل الي هوا عايزه، يبقى هيبص بره لييييييييييه؟!!!

وفي فكرة واخدها البنات و الستات اليومين دول عموما عن الرجالة ان عينيهم زايغة - مش عارف بتجيبو الافكار دي منين -

طب زي ماقلتلكو هوا عينو مستحيل تزووغ برة طوول ما هوا عارف و متأكد من جواه ان مراته دي احلى ست فى الدنيا وان الصورة الي هوا راسمها لمراته مش هايشوف واحدة تانية زيها، ممكن يقارن بس دايما عارف ان المقارنة فى صالح مراته.

بس هوا الراجل ممكن يبص لبرا حتى لو كل ده حصل؟!!

انا شايف ان الست هيا بنسبة كبيرة بتبقى سبب سعادة او كئابة البيت، وهيا الي فى ايديها تحافظ على جوزها او تطفشو منها.

ما هو انا مش باظلم كل الرجالة فى رجالة دوغرى ومستقيمة

وفى رجالة عينها زايغة - صدقنى مهما تعمل الست مهما تكون زى الملاك فى البيت برضوه المشكلة في الراجل -انا فاتحة الموضوع داه مخصوص

علشان القى الضوء على تعسف الراجل وظلمه للست - الستات ما يغلطوش ابدا انا عارفة وحافظة كل ست بتفكر ازاى واد ايه بتحب بيتها

وجوزها وهو كل حياتها

- فى رجالة بتقدر الست وبتحترم تعبها مع اولادها ورعايتها وفى رجالة

ودى نوعية انتشرت جدا وهما المشكلة الكبيرة فعلا طول القعدة مع الضيوف ما يبطلش تذمر على مراته ويكلمها بطريقة الاوف والانااا كل شوية

اوف انا مش قولتلك اوف انت مش عارفة ايه اوف ... وبمجرد الست ما تبعد شوية يفضل باصصلها بقرف ولاوى

بوز شيبرين قال يعنى عمايلها معاه سودا

تصدق بايه نوعية الرجالة دى بابقى عاوزة اقوم ادور على اى مفك واضربهوله فى كرشه

لانى بابقى عارفة يا حبة عيني هى مسكينة اد ايه

ويدوووب يدوب من الكوافير للبيت ومن البيت للكوافير

وبرضوه وحياتك علشان ترضيه وتبقى شيك وامورة وحلوة كدا

تم تعديل 2 نوفمبر 2010 بواسطة اغابي

[ذهبية]

و الله يااغابى الموضع بسيط جداااا واحد زائد واحد اتنين

اولا وارد جداا جدا اى اى رجل يتعرض لفترة من حياتة الى الضغف و الاحساس من الملل و حبة لللتغير و دة لا فيها شطارة بقى و لا نقص من الزوجة دة حسب شخصية كل راجل و الست مهما عملت بيكون تركيبة كدةةة ملهاش حل

و الله لو جة جوزى قال كلمة زى دى ومالة حرية شخصية

انا كمان من حقى انى ارفض وضع ى دة و اقولة زى ما انت اخترت حياتك من حقى اختار حياتى و ارفض الوضع اللى هتجبرة عليا

من حقى اطلب الطلاق للضرر لانى مش حاسة انى غلطت فى حاجة علشان ادفع ضريبة انة يعيش سعيد

ومش لازم لما تعيش سعيد انك تتعس غيرك

انا كمان من حقى اشوف نصيبى مع حد يحترمنى اكتر منك و يحبنى اكتر منك و يعملنى اللى انت مقدرتش علية

على فكرة الراجلة اللى بتقول ان الستات بتزعل و بعد كدة عادىىى و بتتقبل دى نوعية معينة من الستات فية نوعيات تانية ممكن تمرض و ممكن بجد تتقهر دى نويعات برضة زى ما الرجالة نوعيات

تجربة حقيقة شوفتها و انا شجعت الست اللى عملت كدة

عرفت ان جوزها اتجوز عليها

كل الى عملتة راحت اشترت بوكية ورد كبير و حضرت شنطة ولادها الاربعة و و بعتت ولادها ببوكية الورد و قالت لة الف مبروك يا عريس

مش عروستك عارفة انك متجوز و ليك عيال اتفضل خليهم تربيهم لك و بالرفاء و البنين

[doha]

انتي عاوزه الرأي الصريح ولا النموذجي ؟

لو عاوزه الصراحة فاقولها لك بثقة .. الراجل الي يقولك عمري مافكرت ولا هفكر في ست تانية غير مراتي حاجة من اثنين .. ياكذاب .. يامش راجل اصلا ..

مفش حاجه اسمها رجل يكتفي بواحده ( بمزاجه ) .. ممكن ايوه انه يكون قانع بزوجته ( كزوجة ) وميفكرش يتجوز واحده تانية عليها او يخاف من ربنا فميصاحبش برضه لكن ده لاينفي انه اكيد( بيعجب) واكيد ( بيتمنى ) واكيد لومفيش ضغوط عليه وفي امكانية ممكن جدا ( يتزوج )..

من غير الانصاف وضع المصاحبة والزواج الثاني في كفة واحده .. الزوج الي ( يصاحب ) وحده .. وهو المسمى الشيك لعلاقة قذرة .. النوع ده من الرجال يعامل من مبدأ فداحة فعله وخساسته لا من منطلق الغيرة النسائية او ( العشم ) الي ممكن يكون الدافع وراء تصرف امرأة عرفت بزواج زوجها من اخرى .

الزواج الثاني مؤلم بكل تأكيد لكنه لا يقارن ابدا أ و يوضع في كفة واحدة مع الزنا والخطيئة .. المقدم على الاولى شخص لا يراعي الابعاد الاجتماعية وغلبته رغبته على الاصول.. اما الثاني فمجرم لا يخشى الله ولا يتقيه في الاعراض فكيف نساوي في رد الفعل لكلاهما ؟؟

اما المقوله الي بترددها بعض النساء من انها تقبل ان زوجها يتعرض ( لنزوه ) ولا انه يتزوج عليها فليس لدي عليها تعليق سوى ان بنت الاصول المتربية لايمكن بحال تقبل من زوجها علاقة ( غير شرعية ) باخرى .. حتى لو كان البديل هو الزواج الثاني يظل في الاول والآخر تصرف مقبول من اولاد الناس بعكس الآخر لا يقدم عليه الا شخص ( ......... ) ..

على كل ال وكتعليق على الخبر فالزوج الي تزوج على زوجته ولم يعمل على ارضائها راجل ( معندوش دم ) اما هي وكونها تخلصت منه بالشكل البشع ده فمجرمه تستحق الي حصلها وبيني وبينكم الي يكون عندها القدرة الاجرامية دي وعدم الخوف من ربنا بهذا الشكل مش بس جوزها يتزوج عليها انما من الغرابة انها لسه على ذمته لوقت الحادث ..

[moory]

أغابي،

انت شديد قوي مع الموظفين بتوعك D:

بخصوص العين الزايغة بتاعة الرجالة، الموضوع ده عامل لبس عند الستات و البنات،

و انا هنا من موقفي هذا، احب اوضح و ابين و افصح عن فحوى هذا الموضوع الي عامل بلبلة فى الاوساط الزوجية و العائلية، (كلام على ابوه)

لازم الستات تفهم طبيعة الراجل، الراجل بطبيعته بصري، يعني يحب يشوف الجمال و زواق ليه، يشوفوه فى كل حاجة،

فى منظر طبيعي، لوحة فنية.. او حتى واحدة ست، فا مش معنى انو بص على واحدة حلوة يبقى كده هوا هايتجوزها او يصاحبها، هوا بيتأمل بس.

اما الستات فطبيعتهم حسية، يعني الحساسيية عندهم عالية، كائنات رقيقة بتتأثر بسرعة من بعض الحاجات الي ممكن الراجل ما ياخدش بالو منها بسبب طبيعته.

فنصيحتي لكل راجل، خليك بصري، بس بعيد عن مراتك،

وللست، شوفي جوزك بيعجبو ايييه و اعمليهولو، خليكي ذكية

[raouf]

يا ستات ايه رد فعلكم لو جالك جوزك

وقالك انا يا حبيبتى يا مراتى يا حياتي يا ابتساماتى

وحياه اولادنا انا مش قصدى اجرحك

لكن انا قررت اتجوز تانى

او مثلا انك داخلة قهوة تيشتي مع واحدة صاحبتك ويدوب حتشدى اول نفس شيشة

وهوب لاقيتي فى الترابيزة من بعييييييد جوزك معاه واحدة وماسك ايديها وبيوصفلها

القمر وجماله فى عز الضهر

حتعملى ايه وقتها هو داه السؤال

يا ستات يا حلويات

؟؟؟؟

طيب يا اغابى خلينى اسال السيدات الفضليات اللى معانا

تقبلى ان جوزك يخونك مع واحدة او اكثر ولا يتجوز عليكى بمعنى تقبلى ان الناس تكون عارفة ان جوزك راجل مش كويس وبيخونك ولا اتجوز عليكى ؟

طبعا انا مش عايز اعرف الاسباب او ان الراجل مش محترم او غيره لا ايه الافضل للست الخيانة ولا يتزوج عليها جوزها ؟

خلوا بالكم اجابتكم هتفرق مع ناس كثير :P:P:P:P

[اغابي]

و الله يااغابى الموضع بسيط جداااا واحد زائد واحد اتنين

اولا وارد جداا جدا اى اى رجل يتعرض لفترة من حياتة الى الضغف و الاحساس من الملل و حبة لللتغير و دة لا فيها شطارة بقى و لا نقص من الزوجة دة حسب شخصية كل راجل و الست مهما عملت بيكون تركيبة كدةةة ملهاش حل

و الله لو جة جوزى قال كلمة زى دى ومالة حرية شخصية

انا كمان من حقى انى ارفض وضع ى دة و اقولة زى ما انت اخترت حياتك من حقى اختار حياتى و ارفض الوضع اللى هتجبرة عليا

من حقى اطلب الطلاق للضرر لانى مش حاسة انى غلطت فى حاجة علشان ادفع ضريبة انة يعيش سعيد

ومش لازم لما تعيش سعيد انك تتعس غيرك

انا كمان من حقى اشوف نصيبى مع حد يحترمنى اكتر منك و يحبنى اكتر منك و يعملنى اللى انت مقدرتش علية

على فكرة الراجلة اللى بتقول ان الستات بتزعل و بعد كدة عادىىى و بتتقبل دى نوعية معينة من الستات فية نوعيات تانية ممكن تمرض و ممكن بجد تتقهر دى نويعات برضة زى ما الرجالة نوعيات

تجربة حقيقة شوفتها و انا شجعت الست اللى عملت كدة

عرفت ان جوزها اتجوز عليها

كل الى عملتة راحت اشترت بوكية ورد كبير و حضرت شنطة ولادها الاربعة و و بعتت ولادها ببوكية الورد و قالت لة الف مبروك يا عريس

مش عروستك عارفة انك متجوز و ليك عيال اتفضل خليهم تربيهم لك و بالرفاء و البنين

يا ســـــــــــــــــلام - بوكيه ورد - داه اللى ناقص - لا تروح ترقصله فى فرحه احسن - يبقى ما كنتش بتحبو يا ذهبية

لان اللى بيحب اوى بينجرح اوى

وبعدين مين قالك ان كل واحدة مش بتوافق بالزوجة التانية

ما هو علشان العيال مين يصرف عليهم ويشيل المسؤلية معاها اهو اسمه فى الاخر ليهم اب وخلاص او يعنى ضل راجل ولا ضل حيطة

صدقيني الاغلب اما بتتعلم الغل جواها وبتضطر تستحمل علشان خاطر تربي العيال

واما بتعمل مصيبة فى جوزها وبتلبدله فى الدرة

[cup cake]

بصراحه يا اغابى موضوعك وجعلى قلبى و كركبلى بطنى

بصراحه مقدرتش اقرا كل المداخلات لانى كنت مستعجله و عايزة اقول راى فى الموضوع ده الى ياما ناقشته مع ناس كتير حصل معاهم الموقف ده او خايفين يحصل معاهم الموضوع مش سهل الرجاله و بما انهم رجاله شايفين انه من حقهم انهم يبصوا و يبحلقوا و يتجوزوا و ناسيين حديث الرسول عليه الصلاه و السلام ان العين تزنى و زناها النظر فاى راجل حرام عليه يبص على حلال غيره فمفيش حد يقولى انها طبيعه الرجاله لانها حتى لو طبيعته ففى حاجه اسمها تربية و دين تنهانا عن حتى النظر

و ثانيا الجواز التانى و التالت و الرابع حلال مقلناش حاجه لكن له شروطه و اسبابه يعنى الى يتجوز و يخبى على مراته كده يبقى خاين لان شرط الجواز التانى انه يعلم الاولى و يسيب لها حريه الاختيار تكمل معاه ولا لا

لكن الراجل الى بيتجوز من ورا مراته فده راجل جبان و طماع مش عايز يخسر مراته الاولى لانه طماع و عايز يحطها قدام امر و اقع و مش عايز يواجهها لانه جبان

انا عن نفسى احترم الراجل الى يعوز يتجوز او مش مرتاح مع مراته انه يعرفها مش يقابل واحده و يرتبط بيها و يظبط نفسه و يتفق معاها على الجواز و بعد ما يرتب امورة و كله تمام فى الاخر يعرف مراته يا حلاوة و ده كله ميعتبرش خيانه لما استغفلها (مراته الاولى)وخرج و اتعرف وقابل واحده تانيه و هى (مراته الاولى) نايمه على ودانها و عماله تخدمه و الباشا هايص و فى الاخر يجى يقولها انا هتجوز و شوفى انتى حالك يعنى بعد ما ضمن واحده تانيه قام رماها لكن طول ما هو محتاج الخدامه هيفضل مخليها لحد ما يجيب واحده جديده

معلش يا جماعه بس انا مبحبش الظلم و الى الرجاله بيعملوه اليومين دول بحجه الدين او طبيعه الراجل بيضايقنى جدا

اما انا بقى لو جوزى قالى انه عايز يتجوز فهو حر و هو الى هيخسر الى حبنا حبناه و صار متاعنا متاعه والا كرهنا كرهناه يحرم علينا اجتماعه لان الانسان الى يبيع عشره سنين ميتبكيش عليه و ميستاهلش بالعكس ده الواحد يفرح انه ربنا خلصنا منه

اما بقى لو خانى و ده عمرة ما هيحصل لانى اختارت انسان يعرف ربنا فجزائه عند من لا يغفل ولا ينام

[ذهبية]

ســـــــــــــــــلام - بوكيه ورد - داه اللى ناقص - لا تروح ترقصله فى فرحه احسن - يبقى ما كنتش بتحبو يا ذهبية

و هو يعنى ي اغابى هو اللى بيحبها طبعا مش هتبحبة با اغابى و هو بيحبها مكنش اتجوز عليها

لو بتحبة و جرحها كدةةةة صدقينى هتكرهة

و عايل اية اللى يكسروا كرامتها

معلش بقى بكرة العيال تكبر و كل واحد يشوف سكتة و هى اللى تفضل تندم على السنين الللى ضاعت بعد ما الكل سابها

[مغتربة]

يا ستات ايه رد فعلكم لو جالك جوزك

وقالك انا يا حبيبتى يا مراتى يا حياتي يا ابتساماتى

وحياه اولادنا انا مش قصدى اجرحك

لكن انا قررت اتجوز تانى

او مثلا انك داخلة قهوة تيشتي مع واحدة صاحبتك ويدوب حتشدى اول نفس شيشة

وهوب لاقيتي فى الترابيزة من بعييييييد جوزك معاه واحدة وماسك ايديها وبيوصفلها

القمر وجماله فى عز الضهر

حتعملى ايه وقتها هو داه السؤال

يا ستات يا حلويات

؟؟؟؟

طيب يا اغابى خلينى اسال السيدات الفضليات اللى معانا

تقبلى ان جوزك يخونك مع واحدة او اكثر ولا يتجوز عليكى بمعنى تقبلى ان الناس تكون عارفة ان جوزك راجل مش كويس وبيخونك ولا اتجوز عليكى ؟

طبعا انا مش عايز اعرف الاسباب او ان الراجل مش محترم او غيره لا ايه الافضل للست الخيانة ولا يتزوج عليها جوزها ؟

خلوا بالكم اجابتكم هتفرق مع ناس كثير :P:P:P:P

من الاخر لا اقبل دا و لا دا

و برضه من الاخر فى الموضوع و دا قناعه شخصيه عندى

ان كل حاله و ليها ظروفها و ممكن فى حالات يكون الراجل ظالم و حالات مظلوم و حالات الزوج و زوجته الاتنين ضحايا

مينفعش التعميم و الى يناسبنى ميناسيبش غيرى

علشان كدا فى موضوع زى دا ممكن ادى راى فى كل حاله غير التانيه

لكن بالنسبه ليا انا و بس و لظروفى انا و نمطى انا و احتياجاتى انا

لا لا لا bsh:) bsh:) bsh:)

لا لا اقبل دا و لا دا

[رضوي]

السلام عليكم ورحمة الله وبركاته

أغاااابي

ليه بس تهدية النفوس دة

ياقوي يارب

بصي ياجميل .......... ماينفعش مقارنة علي الاطلاق بين ان جوزي يتزوج بأخري عليا وانه يعرف واحدة تانية في اطار العلاقات الغير شرعية لاسمح الله ............ لأنه في الحالة التانية هيكون ارتكب كبيرة من الكبائر ( يعني حاجة مش سهلة )

مش معنى كدة ان ممكن اسمح لحسب الله جوزي انه يتجوز عليا ............. يادي المصيبة ..........

يتجوز علي ريا ؟؟؟؟؟؟؟؟

بجد فعلاً : طيب لو الزوجة مابتقصرش في جوزها ولا رعايته ولا اهتمامها بنفسها .............الخ الخ

ليه بقي سيادته يروح يتجوز عليها ؟؟؟ دة مجرد سؤال ؟؟

طيب هي مطلوب منها ايه اكتر من كدة علشان تعمله ..................... وليه دايما اللوم بيبقى عليها ............. ويتقال اصلها هي السبب قصرت في تأدية واجبها ؟؟؟

طيب هي قامت بكل اللي اقدر تعمله ؟؟؟؟؟؟؟؟ هتعمل ايه تاني ؟؟؟؟؟؟؟؟

وبعدين سيادته رايح يجرحها ويهين كبريائها وكرامتها وبمعني ادق يدبحها بسكينة باردة من غير ما يعمل حسابها

صحيح الشارع الكريم سمحلة بتعدد الزوجات بس بشروط وحدود .................. بشرط العدل بين الزوجات ........... وعمر ما فيه بني ادم هيقدر يعدل ابدااً

وفيه شروط تانية انها تكون مقصرة فيه او مريضة او او او او او .................... الخ

فاصل وهرجع نتكلم ونواصل

[جويرية]

يا جماعة متتعبوش نفسكم في مناقشة التعدد

مع الغلا و كيلو الطماطم اللي وصل 10 جنيه ، مين يقدر يدبس نفسه في بيت جديد و مصاريف تانية

[مصري أصيل]

الظاهر ان الكويتيات دمهم حامي و اشهر حادثة انتقام حصلت من سنه تقريبا و هي ان واحده ولعت في خيمة الفرح اثناء زواج زوجها من اخري

و الموضوع ده وصل عدد المتوفين اكتر من خمسين غير الاصابات.

علي فكره ام كريم فضلت تفكر في طريقة انتقام تشفي غليلها مني لو فكرت اتجوز او اعرف واحده تانيه لغاية ما قرءت مره عن واحده خدرت جوزها

و حطته في البانيو وملت البانيو صودا كاويه لغاية ما لحمه و عضمه داب و نزل في المجاري اعزكم الله ... و محدش عرف الراجل الغلبان ده راح فين و إعتبروه مفقود أو متغيب لأنه ملوش أثر .. إلا لما زوجته نفسها بعد خمس سنوات من الجريمه في جلسه مع جارتها في ليله مفترجه فضفضت للجاره بالموضوع و الجاره هي اللي أبلغت عنها

و من ساعتها و أم كريم ارتاحت لأنها لقيت اخيرا الموته اللي ممكن تشفي غليلها مني في حالة لو عرفت واحده تانيه

استرها علينا يا رب

[اغابي]

الظاهر ان الكويتيات دمهم حامي و اشهر حادثة انتقام حصلت من سنه تقريبا و هي ان واحده ولعت في خيمة الفرح اثناء زواج زوجها من اخري

و الموضوع ده وصل عدد المتوفين اكتر من خمسين غير الاصابات.

علي فكره ام كريم فضلت تفكر في طريقة انتقام تشفي غليلها مني لو فكرت اتجوز او اعرف واحده تانيه لغاية ما قرءت مره عن واحده خدرت جوزها

و حطته في البانيو وملت البانيو صودا كاويه لغاية ما لحمه و عضمه داب و نزل في المجاري اعزكم الله ... و محدش عرف الراجل الغلبان ده راح فين و إعتبروه مفقود أو متغيب لأنه ملوش أثر .. إلا لما زوجته نفسها بعد خمس سنوات من الجريمه في جلسه مع جارتها في ليله مفترجه فضفضت للجاره بالموضوع و الجاره هي اللي أبلغت عنها

و من ساعتها و أم كريم ارتاحت لأنها لقيت اخيرا الموته اللي ممكن تشفي غليلها مني في حالة لو عرفت واحده تانيه

استرها علينا يا رب

اى ست يا ابو كريم سواء كويتية او مصرية او من اى مكان فى الدنيا

فى الموقف داه حتبقى دمها حامى بيغلى - وبعدين ما الست اللى حرقت الخيمة صعبت عليا برضوه برغم كل الناس كانو ضدها لكن هى تعمل ايه هى مش قصدها تموت الناس هى عاوزة تبوظ الفرح بتاع جوزها- يعنى نيتها كويسة وبعدين ما هو اللى غلطان يروح يسيبها حامل فى الشهر التالت ويروح يتجوز تانى

بقولك ايه يا ابو كريم قول لام كريم انا فرحانة بيها جدا

يا ريتها تنضم لجمعية الستات المتوحشات جدا اوى خالص

والجمعية دى انا حابدأ فى انشائها انشالله سنة 2013 علشان رقم 13 يبقى نحس على كل الرجالة

وقول لام كريم ان ام ديفيد - اغابي يعنى - فرحانة بيها جدا

لانى تعبت و نفضت ايدي من حنية ورقة كل الستات اللى على المحاورات

لان كان رد فعلهم هادى جدا وعاقل جدا وواخدين الامور ببساطة

ومستعدين يسيبوا اجوزهم يعيشو حياه سعيدة مع اللى خطفته منهم

وانا ارفض رد الفعل داه يا ابو كريم

خالص تحياتي

ام ديفيد

تم تعديل 2 نوفمبر 2010 بواسطة اغابي