كمــال الشاذلـــي , هل تتذكروه.

[nightmare]

كمال الشاذلي.

ما دفعني لكتابة هذا الموضوع , عندما كنت اطالع بعض الجرائد وجدت خبراً عنوانه "أول ظهور جماهيري لكمال الشاذلي بعد شفائه " فتذكرت هذا الرجل ذو الجسم السمين والصوت الجهوري الذي ظل عقوداً وسنيناً طويلة من حياته تحت قبة مجلس الشعب والفضائيات وفي الإعلام مدافعاً عن النظام والحكومة

تذكرت هذا الرجل الضخم صاحب السلطة المطلقة يأمر هذا فينفذ وينهي هذا فيفعل بدون تفكير , وكان يخاف منه القاصي والداني لقربه الشديد من رأس السلطة , فهو الرجل المخلص الأمين الذي طالما وقف سداً منيعاً في مواجهة خصوم النظام ومحاربتهم.

اختفي الرجل فجأة بدون مقدمات بعد ان تم التخلص من الحرس القديم للنظام وهو على راسهم , ولم نتذكره طويلة هذه السنوات الى ان قرأت عنوان هذا الخبر في الجريدة , ففتحت الخبر لكي أقرأه كاملاً هزتني تلك الصورة التى في بداية الخبر.

هزتني بالفعل وقلت في نفسي "سبحان الله الذي يبدل ولا يتبدل" , هل هذا هو كمال الشاذلي الذي نعرفه , فقلت لنفسي نحن لا نشمت في المرض ودعوت له ولمرضي المسلمين بالشفاء , ثم اكملت الخبر فنزلت على رأسي الصاعقة من اول سطر فيه يقول

أكد كمال الشاذلى أن مقعده الذى احتفظ به لمدة 46 عاماً لن يذهب إلى أى دخيل أو غريب على أهل دائرة الباجور، وسيقف جميع أبناء الباجور صفاً واحداً للدفاع عن هذا المقعد يوم الثامن والعشرين من نوفمبر ليقولوا بصوت واحد "نعم لكمال الشاذلى وعاطف الحلال".

فوجدتني اقول وبعلو صوتي لا اله الا الله , ايها الرجل المريض الذي بلغت من العمر أرزله ألم تتعظ من المرض , أما آن الأوان أن تفيق من غفوتك , وهل ستاخذ هذا الكرسي في قبرك , الم تكتفي ب 46 عاما مدافعا عن الفساد والمفسدين , اما آن الأوان ان تستغفر ربك على ما قدمت يداك طوال هذه المدة.

ودار في راسي هذا السؤال واتمنى ان اسمع آرائكم فيه

هل بالفعل السلطة ادمان , ولماذا عندنا في مصر خاصة وفي الدول العربية عامة يظل المسئول متمسكاً بكرسيه حتى اخر رمق في حياته ؟؟

الخبر كاملاً

مع تحياتي

تم تعديل 1 نوفمبر 2010 بواسطة nightmare

[Om Zayd]

السلام عليكم و رحمة الله و بركاته

طبعا إدمان و هل من مزيد .. السلطة و الجبروت و المال.. لا يحسون لأنفسهم قيمة من دونهم

تصحيح المسار شجاعة لا تتوفر لكثيرين

التوبة تحتاج الندم .. لا أعرف كيف يقنعون انفسهم انهم على "حق" و لا أعرف ما الذي يحسون به إذا تذكروا الموت .. او وقفوا ليصلوا

ربنا يهدي

[se_ Elsyed]

يتعظ أو يتوب إزاي ؟

إذا كان هو عنده حاجتين مغميين عينيه :

1- من كتر الظلم ربنا بيطع على قلبهم وخلاص ما بيبقاش في إحساس

2- المنافقين والمطبلتيه اللي عاملين زي الدود اللي بيتغذى على جسم الحيوان بيصوروا له إنه زي الفل وإنه اعدل اهل الأرض .... وإرجع للفقرة رقم واحد مع الفقرة إتنين هاتلاقي كوكتيل عجيب وشخص غرقان في الدوامة

[Dreamwithme]

طبعا السلطة إدمان وحب السلطة والمنصب شهوة موجودة داخل الانسان بتكبر وتزيد مع الغفلة ولو الواحد مابيفكرش في ربنا عمره مايفكر يجاهد نفسه ويتغلب علي شهوته أما بالنسبة لموضوع إن المرض مخلهوش يتعظ فسبحان الله الاتعاظ ده نعمة كبيرة من ربنا وياما ناس بيحصلها حاجات كبيرة ولا تتعظ مثلا في شغلي مرة دكتورة كبيرة توفت في اجتماع رسمي وهي قاعدة علي الكرسي .....المفروض بقه إن الناس اللي كانوا حاضرين يتعظوا إن السلطة مش دايمة والكراسي مش هياخدوها معاهم وهم ماشيين ولكن :closedeyes: ولا كأن حاجة حصلت ورجعت ريما لعادتها القديمة والمشاكل والخناقات بين بعض والتنافس علي السلطة mf-:

ربنا يعافينا يارب من أمراض القلوب ويرزقنا الاتعاظ وفهم الرسائل الربانية وربنا يهدي الجميع.

[شريف مان]

لا اله الا الله ... والله ما مصدق

انا دخلت على رابط الخبر عشان اتأكد من الصورة وبردوا مش مصدق لحد ماوجدت اسمه مكتوب امامه

بجد صعب عليا جدا

ربنا يشفيه ويغفرله

[م تيمور المراغي]

الله يهديه ويشفيه

الناس دي حيفتكروا اخرتهم امتى بس ؟

[herohero]

ربنا يشفيه ب اظن ان الي من المنوفيه عارفين ماهو كمال الشاذلي

وانا مش عاوز اقول الكلمة اللي كانت بتتقال ع تشبيه موقف كمال الشاذلي ف المجلس

ناسيي طلع ف رجب حميده ازاي

عموما كمال الشاذلي او سكرتيره بالاخص عارفين نظام الليستة بتاعت الشرطة والنيابة ومصر الطيران والبترول

الكل فاهمني

واللي من المنوفيه يقولي ايه فايده الكوبري اللي عمله ف الباجور وسابه معلق واتعملف وسط ميدان

يعني ربنا يشفي كل مريض لكن الظلم والافترا وحش

ليس اكثر

[الغريب]

يااااااااااااااااااه

الصورة دي صعبه قوي

سبحان من يغير ولا يتغير ، سبحان من لا يعجزه شئ في الأرض ولا في السماء

نسأل الله السلامة والهداية لجميع المسلمين

[doha]

الي فهمته من اخبار قديمه انه عامل جراحه في الجهاز الهضمي الله اعلم طبيعة الجراحة دي ايه هل هي بغرض الشفاء من مرض عضال ولا عاملها قصدا لتخفيض وزنه .. الله اعلم .. الخلاصة ان طبيعي يكون شكله كده بعد المده دي كلها . .

ومع ذلك اعترف .. صعقتني الصورة .. ربنا يشفي كل مريض يارب ..

وده خبر قديم ..

نجل كمال الشاذلي:خروج والدى من المستشفي مسأله وقت

السبت 13 فبراير 2010 6:24:36 م

البشاير - دينا الحسيني :

يواصل النائب البرلماني كمال الشاذلي رئيس المجالس القوميه المتخصصه أستئناف رحلته العلاجيه بمستشفي كليفلاند في الولايات المتحده الامريكيه حيث تم نقله من الغرفه رقم 2125 بعد خروجه من غرفه العنايه المركزه التي ظل يرقد داخلها لعده ايام

واكد الكاتب الصحفي معتز الشاذلي ان والده بحاله جيده وتماثل للشفاء وانه قد سافر لامريكا بصحبة افراد عائلته لاجرء عمليه جراحيه له في الجهاز الهضمي وان احتجازه بغرفه العنايه المركزه بالمستشفي بعد العمليه كان بسبب الاشتباه في وجود مياه مجمعه علي الرئه اليمني وااضف معتز ان والده يقضي فتره نقاهه حالياً بالمستشفي وان خروجه منها مسألة وقت وأكد ان الاشذلي سيعود للقاهره منتصف شهر مارس القادم

تم تعديل 2 نوفمبر 2010 بواسطة doha

[م تيمور المراغي]

نجل كمال الشاذلي:خروج والدى من المستشفي مسأله وقت !!

فعلا يا نجل الشاذلي مسالة وقت ,, ويخرج من المستشفى مصحوبا بالسلامه و محمولا على الاعناق الى مثواه الاخير ان شاء الله ,,

ناقصين تناكة اهلك احنا ,,

[se_ Elsyed]

نجل كمال الشاذلي:خروج والدى من المستشفي مسأله وقت !!

فعلا يا نجل الشاذلي مسالة وقت ,, ويخرج من المستشفى مصحوبا بالسلامه و محمولا على الاعناق الى مثواه الاخير ان شاء الله ,,

ناقصين تناكة اهلك احنا ,,

محمولاً على الأعناق

هو فعلاً بقى محمولاً على الأعناق لإنه ما بقاش يقدر يمشي ... واللي يشوفه وهما مسفرينه أمريكا من حوالي شهرين يتأكد لإنه كان متشال على سرير متنقل مش كرسي كمان

وإبنه أعتقد إسمه إيهاب هو اللي بيدير مكتب الرشاوي في الباجور حتى الان .. وكل حاجه بتسعيره

[Diab]

بسم الله الرحمن الرحيم

(اليوم ننجيك ببدنك لتكون لمن خلفك ايه)

صدق الله العظيم

أنا كنت بدرس في المنوفية 5 سنين

كان معايا زمايلي من الباجور وما حولها وكنت بسمع كلام عن الراجل ده تشيب

[akramgroup]

فعلا بجد حاجه غريبه

فعلا ربنا بيعمى بصيرة بعض الناس عن الحق

يعنى الخبر ده اول لما قريته اتذكرت موقف لواحد قريبى كان سنه فى حدود 50 سنه وبيشرب سجاير بصورة مريبه

لحد مابقى عنده ربنا يحفظنا سرطان فى الرئه

ومش دى المشكله . المشكله انه بقى فى وضع محرج والدكاترة قالوا انه فاضله مش كتير والاعمار بيد الله طبعا

روحت زورت الراجل ده وهو طول عمرة كان قمه فى الذوق والاخلاق ومحبوب من الناس كلها بصراحه لا نزكى على الله احدا بس كان شبه مثالى ماعدا حاجه واحده بس وهيا انى اعرف عنه انه مقصر فى العبادات

روحت ازور الراجل فى البيت وعندى فضول اشوف احساس واحد عارف ان نهايته قربت ولما زرته لقيه عايش عادى جدا ونفس الابتسامه الصافيه بس للاسف نفس حاله ونفس تقصيرة فى عباداته لله

وكنت مستغرب جدا انه مش قاعد ليل نهار بيصلى ويستغفر ربنا على تقصيرة وظل على هذا الحال لحد ماسمعت عن خبر وفاته وانا فى السعوديه بعد كام شهر

واللهى دعيتله ان ربنا يكون بدل حاله للاحسن قبل وفاته

بس السؤال بقى ازاى واحد ميفكرش فى اخرته كده حتى وهو عارف النهايه انها قربت؟

[samehmagdy]

سبحان الله

اللهم لا شماته اللهم لا شماته

ظلم ناس كتير اوووووووى

ولسه عاوز يظلم وياكل حقوق ناس اكتر

بس سبحان الله زى ما يكون ربنا عمل فيه كده علشان يبقى عبره للناس بس من غير ما يكون هو عبره لنفسه ويفضل على حاله كده لحد ما يقابل ربنا باعماله كامله

بسم الله الرحمن الرحيم

{ إنك لا تهدي من أحببت ولكن الله يهدي من يشاء }

صدق الله العظيم

[م تيمور المراغي]

وَلَوْ رُدُّوا لَعَادُوا لِمَا نُهُوا عَنْهُ

صدق الله العظيم

[الأنعام:28]

ويمكن يكون فيه عمار بين الانسان وخالقه يخفى علينا ,, ربنا الهادي ,,

[shiko]

يالله ...

انا فعدت والله بتاع نص ساعة موش مصدقة واقلب فى الصور يمين وشمال

والله انا قلت اكيد طبعا الخبر موش هو ..

وده اللواء سعد الدين الشاذلى موش كمال بس لما دققت فى الصور انهرت والله ...

ودموعى نزلت خوفا من ربنا ...

بوما اذا يتذكر الانسان وان له الذكرى ....

زعلنى اكتر انه بعد المحنة دى كلها ...خرج يتبؤ مقعده من المجلس ...

[م تيمور المراغي]

المهم بس انه يقدر يتبوأ ,,

سبحان الله فرج عليك خلقه

[م تيمور المراغي]

استغفر الله العظيم اللهم لا شماته في المرض

نسال الله لنا وله الهدايه ,, محدش معصوم فينا

[Diab]

بس السؤال بقى ازاى واحد ميفكرش فى اخرته كده حتى وهو عارف النهايه انها قربت؟

الإجابة

الحديث:

تعرض الفتن على القلوب كالحصير عوداً عوداً، فأيما قلب أشربها نكتت فيه نكتة سوداء، وأيما قلب رفضها نكتت فيه نكتة بيضاء، حتى تصبح القلوب على قلبين: قلب أبيض خالصاً، وقلب أسود مرباداً كالكوز مجخياً، لا يعرف معروفاً ولا ينكر منكراً) صحيح مسلم

[nightmare]

مش شماته والله يا architect , بس الواحد مش قادر يصدق ان فيه ناس كده , مرض موت وربنا عز وجل شفاك واداك فرصة انك تكفر عن سيئاتك وتصلح ما افسدته طوال حياتك من رشاوي ومحسوبيات واكراميات ودفاع عن نظام فاسد , تقوم وفي اول رد فعل ليك بعد ده كله تقول الكرسي وانا مش هسيبه لحد ومش هيخرج من الباجور

بالفعل صدق الله عز وجل في كتابه الكريم "فَإِنَّهَا لاَ تَعْمَى الأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُور"

مع تحياتي