أيها المصريون .. فلنتحد جميعاً ضد خفافيش الظلام ( القاعدة )

[لونا]

إيه يا " لونا " إنتي طلعتي من القاعدة وما عجبكيش الموضوع روحتي مقيماه بالسالب ؟

طب إنتي قاعده معانا شويه ولا ماشية ؟

طب قولي طيب .. بجد إنتي عملتي كده ليه ؟

قصدي قيمي بالسالب مافيش مشكلة .. لكن سمعينا وجهة نظرك يمكن نستفيد

أيوة .. أيوة .. أنا طلعت من القاعدة العريضة من الشعب

اللي بترفض الألفاظ الغير لائقة في هذا المنتدى المحترم

و خاصة لما تخرج من مشرف محترم زي حضرتك

و كان المفروض إن الألفاظ دي تحذف من الموضوع

هذه الألفاظ آذتني بحق .. و أكيد آذت غيري :protest:

أما عن محتوى الموضوع .. فأنا تهت يا جماعة

المفروض إن بداية الموضوع عن تهديد القاعدة للكنائس المصرية

تم فتح مواضيع جانبية كثيرة .. حتى لو كان لها صلة بالموضوع الأصلي .. فهي تشتيت للقارئ

و حتى بعض المحاورين كتبوا عن هذه المواضيع الجانبية .. بدون أن يكتبوا لنا عن رأيهم في هذا التهديد

مداخلتي في هذا الموضوع

1) أنا من ( القاعدة ) العريضة من الشعب المصري ..التي ترفض أي مساس بالمواطنين المصريين المسيحين

لأنهم جزء منا .. من القاعدة العريضة.. و ما يمسهم يمس بالضرورة .. الكيان المصري..

حاسة إني بأكتب كلام بديهي .. و لا يجب أن أكتبه.

2) على الرغم من أنه يجب ان نتخذ الحيطة من هذه التهديدات .. و لكني أشعر أنها في حقيقتها لا تبدو كما هي ..

أو أنها لا تأتي من القاعدة .. نظرية المؤامرة يعني .. :closedeyes:

كلام غير منطقي أن العملية الإرهابية تبدأ بسرقة في العراق .. ثم تتحول إلى تهديد لمصر ..

غريبة!!!

تم تعديل 2 نوفمبر 2010 بواسطة لونا

[se_ Elsyed]

أيوة .. أيوة .. أنا طلعت من القاعدة العريضة من الشعب

اللي بترفض الألفاظ الغير لائقة في هذا المنتدى المحترم

و خاصة لما تخرج من مشرف محترم زي حضرتك

و كان المفروض إن الألفاظ دي تحذف من الموضوع

هذه الألفاظ آذتني بحق .. و أكيد آذت غيري :protest:

ما فيش مشكلة وأنا مش زعلان منك يا لونا ... قلبي وربي راضيين عنك يا لونا

بس أصلي زعلت لانك عامله كإنك ماشية في الشارع وبعدين لقيته واحد جاي من بعيد روحتي مدياله بالبوكس في مناخيره ... طب مش تفهميه ليه ؟ هههههههههههههه

[بحار الغربة]

يا استاذ سى السيد

مين قالك ان اللى ارسل التهديد ده هو تنظيم القاعدة ؟؟؟

مش يمكن البابا شنودة عاوز يكسب ميزات جديدة على ارض مصر فبعت شوية فلوس لاى مرتزقة وعملوا الفيلم ده

يا استاذ سى السيد

هل يوجد اصلا تنظيم قاعدة

ارجع بذاكرتك لورا وافتكر امتى ظهر تنظيم القاعدة

ظهر ايام حرب افغانستان وكان مصطلح اخترعته امريكا علشان تبرر لنا ضرب بلاد المسلمين

ومن بعدها قناة الجزيرة تداولت المصطلح وبدأ يظهر ناس فى شرايط يقولوا اننا قاعدة

قناعتى ان تنظيم القاعدة ده اختراع امريكى لتشويه صورة المسلمين فياريت بلاش ناخد كل حاجة منهم بصدق كده

اى شريط سهل يتفبرك

سهل اجيب فيديو لاسامة بن لادن واسجل عليه تهديد ، سهل اجيب لك انت فيديو يا سى السيد وانسبك للقاعدة

اذا جاءكم فاسق بنبأ فتبينوا أن تصيبوا قوما بجهالة

اما كاميليا واختها فلهم الله ، ولكن ياريت نفكر لو كاميليا دى اختك او امك كان هايبقى ده رأيك ؟؟؟

ليه لما تبقى قضية فى صالحنا نطلع نمد ايدينا بالسلام والخنوع واحنا اللى معانا الحق ونتنازل عن حقوقنا كمسلمين من اجل قلة مسيحيية محتجزة اتنين وبتضرب بكل قوانين السماء والارض والديموقراطية عرض الحائط

ليه بتقول انهم مش هما اللى هايحرروا الاقصى ولا هايزيدوا المسلمين

احنا مش عاوزينهم يزيدوا المسلمين

احنا بنطالب بحق انسان فى الحياة وحرية الاعتقاد

ليه بنبادر بالخنوع واحنا اللى مظلومين؟؟

عاوزين نثبت للمسيحيين اننا جنتلة وحلوين وحبايب وهما مش مقدرين كل ده ومتحديين 75 مليون مسلم على ارضهم

مش عاوز تعليق على كلامى ده قد ما انا عاوز اننا نفكر بجد

احنا المظلومين مش هما

[se_ Elsyed]

هاحاول أخلي الإدارة ما تحذفش ردك على أساس يرى الجميع بأنفسهم الحالة اللي إحنا وصلنا لها

مش يمكن البابا شنودة عاوز يكسب ميزات جديدة على ارض مصر فبعت شوية فلوس لاى مرتزقة وعملوا الفيلم ده

--------------

نيابة عن إدارة المنتدى المحترم .. أتقدم بإعتذار علني لجميع أخوتنا المسيحيين وأكيد إن رأي الزميل الفاضل يُعبر عن نفسه وقناعاته فقط ... وأرجو من الجميع عدم الأنسياق وراء جدل ورد لن يفيد ...

[Scorpion]

الفاضل بحار الغربة ...

ليتك عملت بتوقيعك المكتوب في آخر مداخلتك العظيمة ...

بقي البابا شنودة هو اللي بعت يفجر كنيسة سيدة البشارة ..

طيب ..

خد دي و روق دمك يا راجل يا طيب ...

:WelEgTks:

[أسد]

مفيش فايده

يوم عن يوم ... أشعر أكثر بإنه مفيش فايده

أصاب بالإحباط عند كل مناقشة تناقش علاقة المسلمين والمسيحيين في مصر

مش قادر أفهم من المستفيد من هذا الموضوع

[se_ Elsyed]

مش قادر أفهم من المستفيد من هذا الموضوع

معروفين يا اسد ... المستفيدون هم الباحثون عن بطولات وهميه وفاكر إن كده جهاد وإنتصار للدين وسايب الأخلاق والمعاملات بل والسياسة وكأن الحياة بتمسي بالدفع الذاتي ..

يعني بُص على هؤلاء المجاهدين ... كام مره بيتكلم عن محاربة الفساد أو المشاركة الإيجابية في الحياة السياسية ...

[بحار الغربة]

السلام عليكم

لم اتوقع تعليقات اقل حدة من هذه فهذا بالضبط ما توقعته

ولكنى ما احزننى ان الاستاذ سي السيد قام بقص جملة من كلامى وبنى عليها حكما بالتخلف وانحدار مستوى المشاركات وجاء من بعده وعلقوا على نفس الجملة وكأننى قلتها بصيغة الجزم

يا جماعة

انا قلت .... مش يمكن البابا شنودة ....... الخ

كنت اقصد ان اضع احتمالات لاثبات ان دليلك غير قطعى

مثال

لما اكون قاعد فى امان الله وتيجى تتهمنى انى كسرت قزاز عربيتك

فارد عليك واقولك وما هو دليلك ؟؟؟ مش يمكن انت اللى كسرتها وجاى ترمى بلاك عليا

اقصد يا جماعة الدليل المقنع

مش معنى ان فيه شريط تهديد تبقى القاعدة اللى عاملاه

ممكن مخابرات اجنبيه بترسم لشىء ابعد من كده

ليه كل ما يجى واحد يقول انا قاعدة وهافجر نصدقه على طول وننسب الكلام للجماعات الاسلامية

ليهالما البابا شنودة وقف ضد المحكمة الدستورية العليا فى تنفيذ قانون الاحوال الشخصية على المسيحيين ما اتكلمتوش وقلتوا حقه

مع انه يخالف حقوق الانسان فى الطلاق ..... ليه لما رفض واتحدى جهاز الامن والمصريين كلهم انه يخرج البنت المحتبسه ما اتكلمتوش

وساعة ما ييجى شيخ يقول رأي احنا مش متقبلينه تلاقى الجلد والضرب والسلخ فى لحم الشيخ

لو افترضنا ان شريط التهديد ده صحيح فمن الاولى اننا نراجع البابا شنودة فى موقفه لانه هو اللى اثار الازمة دى بعناده واصراره على احتجاز امرأتين غيروا دينهم لدين اخر ( مهما كان ) مقتنعين بيه

لو هاتحاسبوا المتشددين على ارائهم المتشددة يبقى لازم بردوا تحاسبوا شنودة على عدم احترامه لحقوق الانسان

ما ينفعش اننا نحاسب طرف والطرف التانى ماحدش بيعرف يكح قدامه

[se_ Elsyed]

والله باخاف دلوقت أتكلم عن أي مشكلة حتى لو كانت " مشكلة إنقطاع التيار الكهربائي " لأني بأتوقع إنك إنت بالذات يا أبو عمر هاتتكلم عن بيشوي وشنوده والكنيسة اللي بتستهلك كهربا كتيره في الإضاءة واللمبات اللي معليقنها على الأسوار وعشان كده الكهربا بتقطع في مناطق تانية ....

يا أبو عمر ده أنت بتنام تحلم بيهم دلوقت

و كنت اتمنى ان يكون نفس هذا الحماس و الخوف على مصر و امنها و سلامتها منك و من الغيورين على مصر

يبقى أنت لم تقرا الموضوع حينها ولم ترى ردود الجميع هناك

فلماذا لم نجد تلك ..الاتفوهات .. على من تطاول على دينك و قرأنك

فرق كبيررررررررررررررر كالذي بين السماء والأرض بين تحاوري مع عدو خارجي يريد الاعتداء على ابناء بلدي ويغدر بهم .. فهذا ليس له عندي إلا الحذاء والبصق على وجهه .

وبين إبن من أبناء مصر أخطأ - في لفظ - أياً كان مركزه .. فهذا نتحاور معه ونبين له خطأه وكله بالقانون .... وإلا تحولت مصر إلى ساحة للحرب الأهليه لو وقفنا لبعض على الكلمة ...

أصل كلام في سرك .... العين التي لا ترى إلا ما يعجبها فقط ... تبقى عين عوره ومش سليمه ورؤيتها خاطئة تماماً

على سبيل المثال إنت أبو عُمر لو كنت مكان أي مسيحي وبتصلي العيد وخارج من المسجد فرحان ولقيت واحد مسيحي - مختل عقلياً - ماسك رشاش وقتل المصليين وغرق المسجد دم وكان من بين المصليين أولادك وأخواتك ووالدك ...

ما كانش هايبقى رد فعلك بهذا الهدوء والتجاهل .... ودي حادثة فردية .. والمسامح كريم .. ومجنون وغلط ... إلى ما هنالك من تبريرات ساذجه

صح ولا أنا غلطان ؟

يعني الخطأ من الجانبين .. والتجاوز من الجانبين ؟

ولكنى ما احزننى ان الاستاذ سي السيد قام بقص جملة من كلامى وبنى عليها حكما بالتخلف وانحدار مستوى المشاركات وجاء من بعده وعلقوا على نفس الجملة وكأننى قلتها بصيغة الجزم

يا جماعة

انا قلت .... مش يمكن البابا شنودة ....... الخ

طب يا بحار

مش يمكن التهديدات دي من تدبير شيخ الأزهر ....؟

أيوه .. هو في فرنسا دلوقت بيركب قسطرة للقلب ربنا يشفية

فممكن يكون عمل كده عشان يلفت نظر الناس وما حدش يحاسبة ويقول له روحت تتعالج على نفقة الدولة ليه ؟ وليه ما عملتهاش في مستشفى الدمرداش ؟

----------------------------------

أيها السادة .. قليلاً من الحكمة

أيها السادة مبروك علينا الموضوع اللي دخل في سكة " الجمل سفينة الصحراء وهو حيوان صبور ويستخدمه أعضاء تنظيم القاعدة في التنقل في المناطق الوعرة .. وأيضاً يستخدمه رهبان الكنائس المصرية الموجودة في وادي النطرون حيث أن لبن الناقة مفيد ومُغذي جداً .. لكن بشوي وشنوده لا يقولون شيء مفيد وبالتالي الجمل ولحومه والبانه مفيده اكثر من كلامها "

كل سنة وإنتم متحاورين

[الغريب]

فرق كبيررررررررررررررر كالذي بين السماء والأرض بين تحاوري مع عدو خارجي يريد الاعتداء على ابناء بلدي ويغدر بهم .. فهذا ليس له عندي إلا الحذاء والبصق على وجهه .

وبين إبن من أبناء مصر أخطأ - في لفظ - أياً كان مركزه .. فهذا نتحاور معه ونبين له خطأه وكله بالقانون .... وإلا تحولت مصر إلى ساحة للحرب الأهليه لو وقفنا لبعض على الكلمة ...

هو خلاص مفيش غير رابط الوطن ، مفيش عندنا حاجة أسمها رابط الدين ، إلتماس العذر بقى لأبن الوطن وأبن الدين لأ

لا سامح الله هذه المواطنة التي تريدون

[Alshiekh]

أنا أرفض تهديدات امريكا ومن ورائهم زعيمى القاعدة البابا شنودة والانبا بيشوى ضد اقباط مصر وضد كنائس مصر

ولتعلم امريكا وليعلم زعيمى القاعدة البابا شنودة والانبا بيشوى ان مصر ليست العراق ، وسنقوم نحن المصريين جميعا مسلمين ومسيحيين بالدفاع عن كنائسنا كما مساجدنا وعن أقباطنا كما مسلمينا ، وليهتم زعيمى القاعدة البابا شنودة والأنبا بيشوى بالعراق أولا وليقاوموا الاحتلال الامريكى وليتركوا مصر فى حالها وعلى امريكا ان تهتم اكثر بمشاكلها الداخلية.

عفوا ، لم اجد الوقت الكافى لقراءة المداخلة الأولى ولكننى قرأت معظم المداخلات التالية ، وسوف اكتب ردا مفصلا بعد قراءة المداخلة رقم "1"

[maramero]

استاذناالفاضل المشرفففففف العام ما هذا الهراء !!!!!!!!!

ساترك التعليق للاعضاء راجع من فضلك تصريحات الدكتور زقوق اليوم ومن قبله الشيخ الفاضل المتحدث باسم الازهر وانا اهلى ربونى على احترام الكبير ولو فيه اختلاف اناقشه باحترام وليس بالسب ويا ريت تنزل بلدنا وتعيش واقعنا يمكن تعرف تتحاور باحترام يا ابن بلدنا المشرفف العااااااام اخيرا اجمل وردة لس السيد والاخت الفاضلة مغتربة

[عادل أبوزيد]

هذا التهديد من القاعدة ... رب ضارة نافعة قد أظهر معدن هذا الشعب و فعلا كل من قابلتهم يضعون رؤوسهم على أكفهم دفاعا عن أصغر كنيسة فى أصغر حارة فى مصر.

ما سبق كان إستهلالا لابد منه

أسوق لكم خبرا من ال CNN يتحدث عن توحد المصريين جميعا ضد هذا التهديد:

http://arabic.cnn.com/2010/middle_east/11/2/qaeda.egypt/index.html

[psychologyteacher]

كالعادة تحول الموضوع من تهديدات تستهدف أمن مصر الى كاميليا ووفاء و ( بيشوى وشنودة )

واللى بيسب واللى بيشتم واللى بينسب زعامة القاعدة للبابا وبيشوى وبيتهم البابا باتهام يضحك وشر البلية ما يضحك ، واللى مش مهتم اصلا بالتهديد وبيطالب بحاجات تانية غريبة ملهاش علاقة بالموضوع الاصلى وبيحاول ايجاد الاعذار للقاعدة على قفا امريكا، كان القاعدة دى ناوية توزع شندوشتات حلاوة بالاشطة على المصرييين ولا اقول المسيحيين ، واللى تقله يا عم الحج القاعدة بتهدد امن اخوانك فى الوطن يرد عليك بكل برود ويقلك يستاهلوا هما السبب ، واللى زعلان من كلام ( بيشوى ) اللى كلنا قلنا انه غلط وأدناه ومجابش سيرة تطاول اى حد على المسيحية من عقوووووووووووووووووووود واللى مكنش نفر واحد يوحد الله يطلع يدينه ولا يقول انه غلط ، وطبعا انا مقصدش وحدة بوحدة لكن مينفعش اننا ننادى بمبدأ المساواة فى الظلم عدل وفى نفس الوقت نطبقه فى مواقف ومواقف تانية لأ

واللى بيستشهد بالاية الكريمة ( واذا جاءكم فاسق بنبأ ) ويقصد التاكد من مصدر التهديدات ، وفى نفس التعليق يقلك كاميليا ووفاء على اساس ان ده نبأ مؤكد ولا يحتاج الى تبيان

انا قرأت كل التعليقات ومسبتش منها حرف واحد وللامانة مكنتش عايز اعلق لأن هناك بعض الاصوات مصرة تؤكد دائما ان مفيش فايدةةةةةةةة

تعبنا من معاملتنا بذنب الامريكا

ومن دلوقتى شكلنا كدة هنتعامل بذنب القاعدة !!!

ريح نفسك يا استاذ سى السيد انت وباقى الاخوة اللى همهم مصر وبس لأن الموضوع خلاص مبقاش موضوع تهديد والحرص على امن مصر ولا حتى على امن الجزائر !!!

ونصيحة من اخوك الصغير كمل فى موضوع كاميليا شحاتة ووفاء قسطنطين

:egyflag:

بلادى بلادى

لك حبى وفؤادى

لك تقطيع الأيادى

وبناء الأضرحة

بلادى

ب ل ا د ى

جف النشيد على لسانى

وانفرطت على الطريق

كحبات المسبحة

!!!!!!

تحياتى

[MaYousof]

والله قلبي ينفطر الآن في قهري على جحود أبناء من المسلمين للشرع الذي ألزمه الله بهم ..

والله أبكي .. لا على وطني .. لا على أبنائه ..

أبكي من خوفي من الله ..

والله أبكي الآن من رهبتي من قدر الغضب الذي قد يحله الله على مسلمين هذه البلد عندما يتداعى منهم قوم على ألا يخفروا حدود الله .. ثم لا نتكالب في الأخذ على أيديهم ..

اللهم إني بريء ممن لا يخفر بحدودك وحدود رسولك ..

اللهم إني بريء ممن لا يخفر بحدودك وحدود رسولك ..

اللهم أرحمني برحمتك واخسف الأرض بكل من خرج عن حكمك ..

اللهم أجرني يا رب .. اللهم أجرني ..

[Alshiekh]

أنا أرفض تهديدات امريكا ومن ورائهم زعيمى القاعدة البابا شنودة والانبا بيشوى ضد اقباط مصر وضد كنائس مصر

ولتعلم امريكا وليعلم زعيمى القاعدة البابا شنودة والانبا بيشوى ان مصر ليست العراق ، وسنقوم نحن المصريين جميعا مسلمين ومسيحيين بالدفاع عن كنائسنا كما مساجدنا وعن أقباطنا كما مسلمينا ، وليهتم زعيمى القاعدة البابا شنودة والأنبا بيشوى بالعراق أولا وليقاوموا الاحتلال الامريكى وليتركوا مصر فى حالها وعلى امريكا ان تهتم اكثر بمشاكلها الداخلية.

عفوا ، لم اجد الوقت الكافى لقراءة المداخلة الأولى ولكننى قرأت معظم المداخلات التالية ، وسوف اكتب ردا مفصلا بعد قراءة المداخلة رقم "1"

صدقونى لو قلت إنى زعلان أن البعض لم يقرأ مابين السطور.

عموما كما قلت سوف أكتب تعليقا على الموضوع بعد قرائتى للمداخلة رقم ( 1 )

[Alshiekh]

أنا أرفض تهديدات امريكا ومن ورائهم زعيمى القاعدة البابا شنودة والانبا بيشوى ضد اقباط مصر وضد كنائس مصر

ولتعلم امريكا وليعلم زعيمى القاعدة البابا شنودة والانبا بيشوى ان مصر ليست العراق ، وسنقوم نحن المصريين جميعا مسلمين ومسيحيين بالدفاع عن كنائسنا كما مساجدنا وعن أقباطنا كما مسلمينا ، وليهتم زعيمى القاعدة البابا شنودة والأنبا بيشوى بالعراق أولا وليقاوموا الاحتلال الامريكى وليتركوا مصر فى حالها وعلى امريكا ان تهتم اكثر بمشاكلها الداخلية.

عفوا ، لم اجد الوقت الكافى لقراءة المداخلة الأولى ولكننى قرأت معظم المداخلات التالية ، وسوف اكتب ردا مفصلا بعد قراءة المداخلة رقم "1"

مذكرة توضيحية لكشف الغموض وإزالة الإلتباس الغير مقصود

تفسير السطر رقم واحد:

عندما ذكرت أمريكا واسمى البابا شنودة والانبا بيشوى مقرونا بالتهديد لأقباط مصر فقد كنت أتهكم على تحول الموضوع من رفضنا لتهديدات القاعدة لمصر الى اللف والدوران حول قضية كاميليا ووفاء وذكر اسماء البابا والانبا فى الموضوع وكأنما هما من قاما بتهديد مصر .

تجدون ذلك فى الفقرة التالية عندما طالبت البابا والانبا بأن يبقيا فى بلدهم " العراق " ويتركوا مصر فى حالها متوعدا بأننا كمصريين سوف ندافع عن مصر بما تحويه من مساجد وكنائس ومسيحيين ومسلمين.

وفى أخر فقرة من مداخلتى بينت اننى لم أقرأ المداخلة الأولى والتى هى أصل الموضوع ، ووعدت بأننى سوف أكتب ردا علي الموضوع بعد قراءة المداخلة الأولى ، تعبيرا عن رفضى لتحويل الموضوع عن مساره الاصلى ( رفض تهديد القاعدة لمصر والمصريين ).

أرجو أن تكون وجهة نظرى الساخرة قد إتضحت ، على وعد بأن أراعى فى المستقبل ان اضع كتالوج يشرح النكتة بتاعتى.

ومن موقعى هذا أتوجه بالشكر لكل من أعطانى تقييما سالبا على هذه المداخلة الغامضة

[ozoozo]

انا عندي فكره

ايه رايكم ندبح بعض

بجد يعني كل مسلم يشوفله اتنيين مسيحيين مبقلظين كده ويدبحهم والمسيحي بعمل نفس الشئ وينزل يدبحله اتنين مسلمين

هاه تمام كده .....طيب ايه رايكم ناحل الدبح ده بعد عشره او عشرين سنه

ومايتمش الدبح غير بشرط ان مصر تنهض ونبقي زي ماليزيا مثلا

وكل واحد فينا يبقي عنده الحافز انه يطور بلده لتحقيق الشرط اللي هايبتدي بيه يدبح الطرف التاني وينهيه خالص

نيجي بعد عشرين سنه ......بقينا زي ماليزيا

خلاص دلوقتي كل واحد يقدر يدبح التاني عادي من غير مشاكل

يالا يا محمد ادبح جرجس

محمد هايبتدي يتردد عشان جرجس هو اللي بيسوق العربيات اللي بينتجها مصنع محمد

يالا يامينا ادبح احمد

مينا ها يتردد وهايرفض عشان احمد هو اللي بيعمل السوفتوير لاجهزه الموبايلات اللي بيصنعها مينا في مصنعه

الخلاصه ياساده سبب الفتنه هو الفقر

وعدم وجود مصالح مشتركه بين المسلميين والمسيحيين في مصر

اذا وجدت المصالح المشتركه كل واحد هايخاف علي التاني

[se_ Elsyed]

سيتم غلق الموضوع تمهيداً لعرضه على الإدارة وتنقيته مما شابه من تغيير لمجرى الحوار من بعض الزملاء .

[ozoozo]

مش فاهم يعني نتكلم هنا ولا هناك:huh: