مبارك يقبل دعوة شاب سوهاجي لتناول كوب شاي صعيدي

[se_ Elsyed]

نتكلم جد

الأخ مالك مستشفى دار الفؤاد الشهير بحاتم الجبلي ... وقف يتكلم ويتنطط قدام الريس ويكلمه عن الإنجازات الطبية في عهد سيادته وأهم تلك الأنجازات رفع الحد الادنى لراتب الطبيب إلى 400 ج .. روبع ميت جنيه مصري ... يااااااااااااااااه

وده كلف الدولة يا ريس مليارات .. أيو والله مليارات ولا لك عليه يمين وكله من إيدين الناس ..

كل ده عشان الطبيب يزجطط ويتبسط ويعرف يكشف عالناس كويس .. وأخريت النهار يقدر يروح وهو شايل كيس فاكهة لعيالة الاطباء برضوا .... وينام قرير العين منشكح السريرة مرفوه الهامه بكبرياء وإباء وكدهوت .....

وطبعاً اللي هايفيض من الراتب ممكن يحوشه ويفتح به مستشفى إستثماري في أحد المناطق السياحية

[شريف مان]

طيبما يمكن صورة تعبيريه .. تدل على حب الرئيس لشعبه

[se_ Elsyed]

ده جولي في ملعبي ... ده أنا هافضل أضحك كده لحد الإنتخابت الجايه .. أو لحد ما أتحبس هههههههههههه

- لأ بجد ... هو كل مره ميليخية ميليخيه ... فيش مره حلة محشي .. صينية كينافه

يعني كل إنتخابات شاي شاي .. ما فيش مره مواطن شريف - الله يصبحك بالخير يا مزاهيري - فيش مواطن يعزم الريس على " ميلك تشيك " ... " نسكافية " .... " سحلب " حتى ؟

[Dreamwithme]

لكل داء دواء إلا الحماقة أعيت من يداويها .............

الناس دي لسه عايش في زمن غير الزمن وبعدين هم متخيليين إن لسه في حد بيصدق الكلام ده mfb:

شئ مستفز جدا إن واحد كداب يكدب كدبة وهو عينه في عينك وهو عارف كويس إن إنت متأكد أنه كداب :angry:

- لأ بجد ... هو كل مره ميليخية ميليخيه ... فيش مره حلة محشي .. صينية كينافه

يعني كل إنتخابات شاي شاي .. ما فيش مره مواطن شريف - الله يصبحك بالخير يا مزاهيري - فيش مواطن يعزم الريس على " ميلك تشيك " ... " نسكافية " .... " سحلب " حتى ؟

شريف واخد أجازة وسافر فمش موجود غير مواطن صالح ha) وصالح محلتوش غير الشاي mft:

[شريف مان]

هوا أحلى حاجة فى الصورة .. ان السيد الرئيس بيهزر مع البنت الصغيرة

وهيا منفضالة

تم تعديل 4 نوفمبر 2010 بواسطة شريف مان

[se_ Elsyed]

على هامش المؤتمر ..

خلال زياراته الاخيرة ...

هل لاحظ أحد إن هناك أي لقطه بتُُذاع للريس وهو بيمشي زيينا ويروح وييجي ؟

اتحددددددددددددددددددددى

----------------

طب ممكن نتخيل سيناريو وحوار للي حصل

- يعني ... المواطن الشريف ده كان ماشي في الشارع فلقى موكب الرئيس معدي راح رامي نفسه تحت الدوبل بتاع التريله وحلف بالطلاق إن الريس لازم ييجي يضرب شاي معاه ؟

- ولا نفس المواطن الشريف بعث طلب لرياسة الجمهورية يعزم الريس على شاي تومين ؟

- ولا الريس قال لمساعديه : أختاروا لي أي وغد لأحتسي معه الفايف أكلوك تي ؟

تلك هذ التساؤلات التي تدور في ذهن أي مصري شريف

[الغريب]

والبنت كانت متسرحة وعاملة الضفاير وعلى سنجة عشرة بالصدفة

فعلاً ... الموضوع كله كان مفاجأة ..

ده حتى أنا إتفاجأت ...

المشكلة أن المفروض أن البنت كانت نايمة ، أزاي بقى تقوم من النوم متسرحة وعاملة ضفاير وشكلها حلو كدة ، علشان محدش يسأل ليه الفيلم ما أخدش جوايز في المهرجانات :)

[Diab]

[se_ Elsyed]

والبنت كانت متسرحة وعاملة الضفاير وعلى سنجة عشرة بالصدفة

فعلاً ... الموضوع كله كان مفاجأة ..

ده حتى أنا إتفاجأت ...

المشكلة أن المفروض أن البنت كانت نايمة ، أزاي بقى تقوم من النوم متسرحة وعاملة ضفاير وشكلها حلو كدة ، علشان محدش يسأل ليه الفيلم ما أخدش جوايز في المهرجانات :)

وهو الريس سخص عادي زي أي الأسخاص ؟

ده ولي وله كرامات ...

يعني مجرد ما قال : هاتوا لي البت الصغيرة من التلاجه عشان اشوفها ؟

سبحان الله .. بيقول لك أمها دخلت تصحي البت لقت المعجزة حصلت .. لقت طشت جنب السرير والبت مستحميه فيه .. ولقيت طقم العيد اللي شاريينه من الموسكي خرج من الدولاب ... والبت اللهم صلي عالنبي بقت على سنجة عشرة ومضفره شعرها كمان .. سوري . قصدي عامله زعارير - جمع زعروره على رأي لماضه .. هي بتحب المصطلحات دي - و

كل ده ليه ؟

عشان الريس طلب يشوفها

----------------

ياااااااااااااااااااه

يارب الريس يطلب يشوف المرحوم ابويا .. اصله وحشني قوي

لأ يا عم .. أحسن يعمل العكس ويبعتني أحصله ونشوف بعض هناك .. فوووووووووووووق فووووووووق

[capitshino]

مش الراجل ده بتاع الانتخابات اللي فاتت؟؟؟؟

لا التانى كان ابوه .

[ابو محمد بن مصطفي]

المفروض انه يغير كل مرة شاي شاي

فيها ايه لو كان ضرب اتنين كشري

[م تيمور المراغي]

المفروض انه يغير كل مرة شاي شاي

فيها ايه لو كان ضرب اتنين كشري

الكشري بيبقى فيه شطه

وانت عارف مقولة طلعت زكريا في مساوئ الاكثار من الشطه

[ابو محمد بن مصطفي]

المفروض انه يغير كل مرة شاي شاي

فيها ايه لو كان ضرب اتنين كشري

الكشري بيبقى فيه شطه

وانت عارف مقولة طلعت زكريا في مساوئ الاكثار من الشطه

لا ياعم انت تلاميحاتك سياسية

بلاها كشري

يضرب اتنين فول ... اظن طلعت باشا مقلش حاجة عليه

[م تيمور المراغي]

ههههههه

طيب على قولتك ,, بلاش تلميحات السياسه الداخليه دي وخلينا مع الشاي

ده مقطع حصري ,, بثته القناه المحليه لمدينة " الاحايوه شرق "

ويظهر فيه كيف قام المواطن بتقديم الشاي لفخامة الرئيس

اترككم مع البث الحصري والمباشر من الاحايوه

http://www.youtube.com/watch?v=NFBFGqmg-MM

تم تعديل 4 نوفمبر 2010 بواسطة architect

[ابو محمد بن مصطفي]

مابين شاي اليوم .... وشاي الامس

يثبت ذلك ان القرع قد امتدت جزوره من الدلتا الي اقاصي الصعيد

وانه نبات مصري اصيل ... يظهر معدنه اثناء الانتخابات

وانه الطبق الرئيسي للمرشحين سواء مرشحي الرئاسة او مجلس الشعب

وعمار يا مصر

[mamdowh]

مش الراجل ده بتاع الانتخابات اللي فاتت؟؟؟؟

قصدك مين الراجل اللى على اليمين والا الشمال lo::

ملعوبه يا ممدوح ,,

حتوحشنا والله ,,

ومجهز كيلو حلاوه طحينيه من الرشيدي ما تشيلش هم خالص :happy:

معلش بلاش حلاوه أحسن عندى سكر خليها فول وطعميه

[جسار]

بمناسبة أننى راجل فى عز شبابه والحمد لله ، فلقد عاصرت الرؤساء الثلاثة

الاول : عبد الناصر والفقراء كانوا بيحبوه جدا ويلتفوا حوله ولا حراسه ولاغيره

وحملوه بسيارته فى دمشق ايام الوحدة مع سوريا ، وأى واحد غلبان كان يجرى

جنب الموكب ويسلمه عرضحال به شكوى او طلب ولاكان فيه حواجز ولاأمن يمنع الناس

أنها تعلن حبها لزعيمها ، والجميع بدون أستثناء كانوا ينتظرون خطاباته الملتهبة

ويناقشوها فى الايام التالية

الثانى : السادات كان له كاراكتر غريب شويه ولكننا كنا نحب نسمع خطاباته يمكن علشان

بعضنا كان بيتريق أو يتهكم على طريقة كلامه الفخيمه ، ولكن الأمن كان موجود اكتر

شويه من عبد الناصر بس كان فى الحدود العادية

الثالث : الرئيس الوحيد اللى بيتعمله مونتاج لخطاباته ولقاءاته بمعنى أنك ممكن تسمع

أو ترى تسجيلا يذاع فى وقت لاحق للزيارة الفلانية والتى تمت فى الظهيرة من نفس

اليوم تجد أجزاء أو عبارات محذوفة من اللقاء وذلك لان السيد الرئيس عندما يرتجل

بحرية تكون طامة كبرى على وزير الاعلام لانه لاينفع على الاطلاق أذاعة ذلك الشئ مرة

أخرى وبه كل هذه الهفوات والغلطات التى صدرت من الرئيس

مرة بيزور مصنع بشكل مفاجئ - معروفة المفاجأة قبلها بشهر كامل - وأخذ يحيي العمال

والمهندسين وجاء عند احدهم يقف فى مكان مرتفع وساله انت بتشتغل ايه فأرتبك الرجل وقال

بصوت خفيض : أمن ، أيه انت بتقول أيه على صوتك أمن ياريس عندها تحول عنه الرئيس

ومرة اخرى تضاحك وتبسط مع أحدى العاملات فى مصنع نسيج وسالها أظن بيدوك مرتب كويس هنا

فردت قائلة بيدونى 300 جنيه ولكنه لم يستوعب ردها فأعاد السؤال بصيغة اخرى طبعا ده غير

البدلات والارباح والحوافز فردت العاملة الغبية لا ياريس هما 300 جنيه بس ، فاشاح وجهه عنها

وهو عابس ،

وفى أحد زيارات توشكى فى الظهيرة وقف يتسائل عن كومة من التراب متروكة فى وسط مجرى الترعة

وقال : أمال سايبين الخازوق ده ليه ؟ وطبعا حذفت فيما بعد فى المونتاج

وكان بيفتتح مجمع سكنى وعمارات ومعاه كل الوزراء وتفذلك مع وزير الاسكان- وكانت بعد

حادثة انهيار سبع عمارات من مجمع الشيخ زايد فى الأسماعيلية او السويس - وقال له

لازم الأساسات تكون متينة وتتاكدوا منها مش نلاقيها تقع بعد كده وملزقينها بتفافة !!

ومرة عاشرة كان بيفتتح عمارات صقر قريش وبعد الأنتهاء من تفقد الوحدات السكنية

وقبل ما يركب سيارته نظر الى الشارع اللى بين البلوكات وقال الشارع عاملينه

أربعة متر وضيق كده ليه أبقوا وسعوه شويه . وطبعا وزير الاسكان رد بسرعة حاضر ياريس

أما عن احوال البشر الذين يتحفهم الرئيس بزيارته الكريمه فالحكاوى كتيرة جدا

منها واحدة على الماشى : أيام ماكان بيصلى العيد مع ابناؤه الضباط والجنود

فى مقر الجيش الثانى .....ماحدش بيروح الحمام من الساعة 12 بالليل !!!!!

[م تيمور المراغي]

مشاركه ثريه اوي يا جسار اشكرك عليها

[aimen]

للأسف دا رئيسنا الظريف اللطيف الخفيف

اللى اول مرة يتكلم عن العبارات التى غرقت

يتكلم عليها بسخرية و دون ادنى مراعاة للناس اللى ماتت

حسبى الله ونعم الوكيل فيك ياراجل

http://www.youtube.com/watch?v=eoxAp6iwDGM&feature=player_embedded

اللهم ارنا فيه عجائب قدرتك يارب

[mamdowh]

فعلا مش هاييجى على مصر عصر فيه كوارث أكتر من هذا العصر الذى نعيش فيه وسيذكر فى التاريخ أنه عصر ( حسنى كوارث )

تم تعديل 5 نوفمبر 2010 بواسطة mamdowh