مبارك يقبل دعوة شاب سوهاجي لتناول كوب شاي صعيدي

[م تيمور المراغي]

فاجأ الرئيس مبارك أحد الشباب المستفيدين من الوحدات السكنية بمشروع "الأحايوه شرق" الجديدة بإخميم، وزاره في وحدته السكنية،و دعا صاحب الوحدة الرئيس مبارك لتناول كوب "شاي صعيدي"، وفوجئ الشاب بالرئيس يقول له لا مانع بشرط أن يكون كوب شاي صعيدي تقيل من بتوع زمان.

وبالفعل دخل الرئيس إلى الوحدة ولم يصدق الشاب صاحب الوحدة أن الرئيس قبل دعوته إلى كوب شاي، وجلس معه الرئيس وسأله عن حياته..وجاءت زوجة الشاب بكوب الشاي وقدمته للرئيس..وأثناء اللقاء، استيقظت ابنة الشاب من النوم ، وجاءت لتفاجأ بالرئيس يجلس مع والديها، فانضمت إليهم، وجلست على حجر والدها.

حدث ذلك أثناء قيام الرئيس محمد حسني مبارك الأربعاء، بافتتاح عددا من المشروعات التنموية ومشروعات الخدمة الصحية بمحافظة سوهاج في إطار حرصه على متابعة تنفيذ الحكومة لمشروعات التنمية وتحسين مستوى الخدمات للمواطنين الواردة ضمن برنامج الرئيس الانتخابي ، وبخاصة حرصه على متابعة تنفيذ هذه المشروعات في جنوب مصر.

وجاء في مقدمة المشروعات التي افتتحها مبارك محطة معالجة الصرف الصحي والرفع العملاقة بجرجا والتي وصلت تكلفتها إلى حوالي 270 مليون جنيه، وضمت قائمة المشروعات قرية "الأحايوه شرق" الجديدة بإخميم كأحدث قرى الظهير الصحراوي ..وسلم الرئيس عقود تمليك الوحدات السكنية لعدد من المستفيدين من هذا المشروع.

كما افتتح الرئيس مبارك المبنى الجديد لمعهد علاج الأورام بمستشفى مبارك بسوهاج والذي تكلف 80 مليون جنيه ويضم 160 سريرا تضاف إلى 90 سريرا موجودة بالفعل

[ozoozo]

مش الراجل ده بتاع الانتخابات اللي فاتت؟؟؟؟

[م تيمور المراغي]

مش الراجل ده بتاع الانتخابات اللي فاتت؟؟؟؟

لا التاني كان عجوز شويه وقاعد على المصطبه عل الترعه

ده واحد تاني يا اوزو بلاش افترا حرام عليك ههههههه

[nightmare]

الراجل الثاني فعلا كان عجوز , وكانوا قاعدين في عشة داخل ارض زراعية

ولما الصحفيين راحوا بعدها بيومين , لا لقوا العشة ولا لقوا الراجل , وطلعت الأرض ملك الدولة باين

أكيد الشاب ده بقي يبقي ابن الراجل العجوز والطفلة دي تبقي حفيدته , وبكره برضه الصحفيين يروحوا لا يلاقوه ولا يلاقوا الوحدة ولا يلاقوا اصلا فيه مشروع بالاسم ده

وسلملى على الشاي الصعيدي , هو يقدر عليه اصلا ده يموت فيها لو شربه , انا مش عارف هو لسه متخيل ان الناس بالسذاجة دي وهيصدقوا التمثيليات اللى انقرضت وعفا عليها الزمن , حد يقوله يا رجالة احنا داخلين على 2011 جلالتك مش لسه سنة 1920.

مع تحياتي

تم تعديل 3 نوفمبر 2010 بواسطة nightmare

[م تيمور المراغي]

ياعم هيا البلد اللي اسمها كده انا مالي !!!!

ياعم بتزعق لي ليه ؟ ,, شوف مصدر الخبر وانت تصدقني

بتتشطروا عليا ؟

ماتتشطروا على اللي اختار البلد دي دونا عن سواها عشان يزورها سنسن

بعدين انت مالكش زعيق عليا اساشا

[Alshiekh]

لماذا يبدو اصغر سنا من الصورة التالية ( مأخوذة فى مارس 2010 )

[م تيمور المراغي]

ده سيلكون حضرتك وشفط وبولليكه كبيره كده لزوم الإشي

[mamdowh]

مش الراجل ده بتاع الانتخابات اللي فاتت؟؟؟؟

قصدك مين الراجل اللى على اليمين والا الشمال lo::

[م تيمور المراغي]

مش الراجل ده بتاع الانتخابات اللي فاتت؟؟؟؟

قصدك مين الراجل اللى على اليمين والا الشمال lo::

ملعوبه يا ممدوح ,,

حتوحشنا والله ,,

ومجهز كيلو حلاوه طحينيه من الرشيدي ما تشيلش هم خالص :happy:

[اغابي]

:closedeyes:

ياســلام على الحنــية - يا ســــلام على الانسانيــة

[م تيمور المراغي]

:closedeyes:

ياســلام على الحنــية - يا ســــلام على الانسانيــة

هههههه

والله يا اغابي كنت عارف ومستنيكي انك تقوليها :happy:

كل سنه وانتي طيبه

[أسد]

الناس دي مابتتعلمش

المرة اللي فاتت الراجل طلع مخبر من الداخلية

لما نشوف المرة دي حيطلع مين ؟؟؟؟

لكن واضح إن الموضوع كله كان مفاجأة ..

الكاميرات كانت جوه البيت علشان يصوروا الرئيس وهو داخل ..

والمدام اللي جابت الشاي كانت لابسه ومتشيكة بالصدفة

والبنت كانت متسرحة وعاملة الضفاير وعلى سنجة عشرة بالصدفة

فعلاً ... الموضوع كله كان مفاجأة ..

ده حتى أنا إتفاجأت ...

[Diab]

في فيلم طباخ الريس

الراجل بتاع الخص

طلع ممثل في المسرح القومي

[م تيمور المراغي]

لما قابلتك مره صدفه

المهم الشاي ده كان بالنعناع او النعنع على رأي اخواننا الشاميين ولا بالياسمين ؟

حنعرف اجابة السؤال ,, بعد الفاصل التالي

http://www.youtube.com/watch?v=FOX08cWd7Bo

[اغابي]

فعلاً ... الموضوع كله كان مفاجأة ..

ده حتى أنا إتفاجأت ...

:lol: :lol: :lol:

معلش ما تتفاجاش يا استاذ اسد

ولا اقولك انا كمان اتفاجات زيك بالظبط

بس المفاجاه انه حيطلع الموضوع مسلسل وله مخخرج ومنتج بعد فترة حنكتشف انه كل شيء مترتب

هو يعنى الرئيس حيطب على ناس فى بيتهم فجاه و اول ما يفتحوا الباب يقولهم - بـخخخخخ انا جيت يا حلوين يا قطاقيط

بصراحة يا استاذ اسد حاجة توجع المرارة

[ذهبية]

و الله اللقطة فكرتنى بفيلم عادل امام و هو بيشيل جميل راتب و لد فلاح عريان بيقول بوسة بوسة

فى فليم طيور الظلام و هو بيعمل لة دعاي انتخابية

ياااة اتارى الافلام بتكون واقعية قوى

[sarmar]

فعلاً ... الموضوع كله كان مفاجأة ..

ده حتى أنا إتفاجأت ...

:lol: :lol: :lol:

معلش ما تتفاجاش يا استاذ اسد

ولا اقولك انا كمان اتفاجات زيك بالظبط

يادتة اللى مرارتة اتفأعت منك ومن امثالك مش كفاية الراجل شايل همنا على كاهلة يعنى انا قصدى اقول حرام عليكم هوا الراجل هايشيل امراض الكهولة اللى عندة لغاية ماجبنالة المرارة ومش عاجبكم

شوفوا بقى كلكم يامصريين انا طبعا مصرى زييكم اللى مش عاجبة ان يكون رئيسنا حسنى مبارك حتى الرمق الاخير يدور لة على بلد تانية وسلملى على الربنامج الانتخابى وجميع البرامج المستفة والمتظبطة بكوباية شاى صعيدى شحط محط دة حتى الراجل ماخدش من الكوباية الا شفطة واحدة حسب المخرج ماقال

بس المفاجاه انه حيطلع الموضوع مسلسل وله مخخرج ومنتج بعد فترة حنكتشف انه كل شيء مترتب

هو يعنى الرئيس حيطب على ناس فى بيتهم فجاه و اول ما يفتحوا الباب يقولهم - بـخخخخخ انا جيت يا حلوين يا قطاقيط

بصراحة يا استاذ اسد حاجة توجع المرارة

[se_ Elsyed]

وبعد إفتتاح السيد الرئيس لمستشفى سمالوط العام .. إنطلق سيادته وسط صويت الجماهير وترحيبها له لتضامنه معهم وإصراراه على زيادة المعاناة على المواطن المصري ..

هذا وقد تفضل السيد الرئيس بزيارة أسرة مصرية لأحد الفلاحين وزوجته وتناول معهم كوباً من الشاي أبو حليب وكانت الجلسه ودية تماماً

هنا الكاهرة

http://www.youtube.com/watch?v=yBGyl3LuGWY&feature=related

[se_ Elsyed]

مش ملاحظين حاجه يا ولاد ؟

وهو إن السيد الرئيس ما بيشربش الشاي وأشرب أزوزه أنا إلا قبل كل إنتخابات رئاسية مباشرةً ؟

يعني 6 دورات رئاسية .. بستة شاي على بوسطه ..... وكله عالطباشيرة

حسابك تِقل قوي يا ريس

[se_ Elsyed]

لماذا يبدو اصغر سنا من الصورة التالية ( مأخوذة فى مارس 2010 )

إنت ما بتتفرجش على برامج الست أمينة شلباية ؟

الريس بيسلكن يا محمد ....

شوف كده جسمه إتدور إزاي ؟