أخيراً تحققت كل امنياتي وامنياتكم ...

[Modest]

14- مشرفة الحضانة : ست أمينة ( ودي خدمه عاملينها للأبلوات الامهات اللي معاهم عيال صغيرة وعاملين لهم حضانه يخلوها فيها عيالهم لحد ما يخلصوا الحصص.. وما فيش أحن من ست امينة تاخد بالها من الأطفال )

20 - أستاذ رن الجرس : موديست ( مش عارف ليه عينته كده .. يمكن عشان عنده إهتمامات بالميديا والحاجات اللي بتعمل صوت )

علشان خاطري يا س س خلِّي الوظيفة مدير رن الجرس .. أو أستاذ كرسي مادة رن الجرس .. انت عارف الألقاب مهمة قد ايه في بلدنا :rolleyes:

و في وسط الحصص أبقى أروح أقعد عند ست أمينة في الحضانة اسمع حواديت

[se_ Elsyed]

و إيش عرفك إن هو ده بسسسسس المبلغ اللى كسبه؟؟؟

مادام أعلن الموضوع ده يبقى أكيد كسب عشر أضعافه و بيقوللنا بس عشان يخزى العين...  :rolleyes:

ياااااااااااا بختتتتتتتتتتتتك ياااااااااااا قاااااااااااااسم...!!!!

بقى كده يا كليو ... صحيح خير تعمل شر تلقى .. وانا اللي عمال أتكلم عن بعثات إستكشافية والإسكندر والفرافرة والصعايدة .. تقومي تيجي تنوقي فيها ...

طب إيه رأيك بقى إن إنتي بالذات اخرك مع التاريخ هو رحلة للهرم في أتوبيس 717 اللي بيطلع من التحرير قدام المجمع وتروحي تاخدي لفه بالجمل بـ 5 ج وترجعي تاني ..

يالله بقى عليه وعلى اعدائي .

[فــيــروز]

أنا عاوزاك تفتح لى منتدى قطاع خاص :D

لا لا لا باهرج lo::

انا عاوزااا :rolleyes:

عاوزااا tot::

عاوزاااا mfb:

اييييييييييه .. mf-:

اييييييوه افتكرت ده حلمى من زمان من ساعة ما جيت اشتغل فى الزمالك mf(

عاوزه كشك جرايد tv_:

على النيل :D

[se_ Elsyed]

عاوزه كشك جرايد 

على النيل  :rolleyes:

غالي والطلب رخيص ...

تليفون صغير لسموره يورد لك أجدع مخزون من إصدارت مؤسسة الجمهورية للأخبار والمهلبية ..... بس ماليش دعوة ترخيص الكشك والرشاوي والحاجات دي تتصافي إنت بقى والمحافظة ...

أنا اللي عليه أجيب نجار إبن حلال ومعاه لوحين أبلكاش ويظبطلك كشك على أي رصيف تختارية وممكن نسمية " كشك الثقافة والحظوظ لصاحبته المعلمة فيروز " ونجيب بقى ثلاجة حاجة ساقعة على كام كرتونة شيبسي وكاراتية ونفرش الرصيف كله جرانين وحركات .

ولما ربنا يكرمنا قدام شوية والبلية تمشي معانا نعمل إعلان نطلب فيه مندوبين مبيعات من الجنسين معاهم بكالوريوس تجارة قسم لغة إنجليزية - جامعة عين شمس - ونسرح كل واحد بجردل حاجة ساقعة على الكورنيش ويغلس على الحبيبة اللي هناك ونديله نسبة من المبيعات ... ده بالنسبة للشباب ، أمام البنات فشغلانة الجردل دي مرهقة بالنسبة لهم فرأفة مننا ممكن نسرحهم بفل مجوز في الإشارات ...

أظن بقى أفكار برلنت وممكن أي حد عنده مكتب دراسات إقتصادية يسطو عليها وينفذها .

[Farah]

س س انا زعلانه منك مفتكرتش اي حلاوه لي اي حاجه حتي ولو كانت زي الحلاوه اللي ادتها اختك لساعي البريد دا برده جبر الخواتر علي الله

عموما الف مبروك وعقبال المره الجايه بس متنسنيش انا وعائلتي

[se_ Elsyed]

س س انا زعلانه منك مفتكرتش اي حلاوه لي اي حاجه حتي ولو كانت زي الحلاوه اللي ادتها اختك لساعي البريد دا برده جبر الخواتر علي الله

عموما الف مبروك وعقبال المره الجايه بس متنسنيش انا وعائلتي

يا فرح مانا قلت كل واحد يقولي هو عايز إيه .. فشوفي حضرتك نفسك تعملي مشروع إيه .. مشغل ... مصنع .. مسمط .. أي حاجة الفلوس كتير والـ 100 جنية دي جبس وبأستك كل ما أصرف منها حاجة ترجعلي تاني .

[Farah]

بما ان القناعه كنز لا يفني فمشروع المسمط كويس

[فــيــروز]

بس ماليش دعوة ترخيص الكشك والرشاوي والحاجات دي تتصافي إنت بقى والمحافظة ...

يا سلام يا فالح tot::

ما هى لو على عضم الكشك "الخشب و الجرايد يعنى" ماكانش حد غلب :rolleyes:

لكن سمعت ان اقامة مشروع ثقافى رائد مثل هذا فى الزمالك محتاج اذن من امن الدوله lo:: :D

وانا ماليش معارف هناك و قلت عمى س.س. يعرف الصول مجاهد او الشاويش عب مولى ودول بردو كلمتهم مسموعه و هيخدمنى فى مشروع العمر tv_:

انا نفسى فعلا اما اتقاعد يبقى عندى كشك جرايد على النيل فى الزمالك mfb: .. حد يساعدنى احقق الامنيه دى mf-:

[Modest]

فاعل الخير س س المحترم

تحية طيبة و بعد ،،،،

أنا عايز .... ممممممممممممممم ... أنا عايز ... ممممممممممممم

أقول لك .. هات خمسين جنيه و انا هاتصرَّف.

[Cleo]

وتروحي تاخدي لفه بالجمل بـ 5 ج وترجعي تاني ..

ده على طريقة ركوب الجمل خمسة جنيه

نزول من عالجمل 25 جنيه؟؟ :blink: