حلمك يا سي علام

[Simba]

لسه صاحي من النوم حالا بالا وحلمت حلم عجيب

وعلشان نبقي متفقين من اولها كنت نايم ومتغطي كويس وقايم حاسس ان الجو حر كمان

الحلم كالاتي :blush2:

واحدة ست في الاربعينات تقريبا كده لابسة عباية سودا واقفة ورا باب مفتوح منه فتحة بيبان منها وشها وشعرها وماسكة قدام وشها سكينة من بتوع المطبخ بايد سودا

جت واحدة تانية وكانها توأمها ومعاها سكينة خرجت اللي ورا الباب وقتلت اللي جاية

بعدين جت واحدة ست في حوالي 60 سنة كده ومعاها واحد شاب لابس بدلة كأنه رايح الأوبرا وكل واحد شايل في ايده سكينة والاتنين ناويين علي الشر

وفجأة ومعرفش ازاي بيظهر سيادتي ومعايا نفس السكينة وبعدين بغرس السكينة في رقبة الست دي اللي كانت ورا الباب وسمعت الست الكبيرة بتقول ليه كده حرام عليك وتصرخ وتعيط قمت شلت السكينة من رقبتها وضربتها في بطنها للمرة التانية

بصراحة قمت م النوم مفزوع واول شئ جه علي بالي قصة الجندي الامريكي اللي قتل عراقي مدني لا حول له ولا قوة لمجرد انه عايز يحس لما تقتل الانسان هيحس بايه وهو مش حس باي حاجة خالص وراح في ساعتها اكل بيتزا انا قولت في نفسي لو كان قتله بسكينة اكيد كان هيحس ويمكن يتعذب

حلم عجيب اوي اقتل وانا بحس اني طول عمري مسالم اوي وفي حالي وماشي جنب الحيط وكمان طعنتين مش طعنه واحدة :blink:

انا برجع ده غالبا لاني كنت بشوف فيلم عن الحرب العالمية التانية حلقة العالم يشتعل وشفت لقطة سريعة لدفن نساء احياء وقعدت ارجع اللقطة اكتر من مرة علشان اتأكد دول نساء فعلا ولا ايه

وعملت فيه طيب واحتقرت العالم ونمت زي الملاك :closedeyes:

من طرائف الاحلام

واحد مرة زوجته حلمت انه بيقتل فار وقالت لجوزها قعد معاها في امان الله يدور علي تفسير الحلم في جوجل اكتشفوا الاتنين سوا ان الزوجة لو شافت زوجها بيقتل فار او بيطارده ييبقي بيخونها

بس الحمدلله الزوجة كانت عاقلة وواعية زي كل الزوجات وواثقة في زوجها لدرجة انها صدقت حلمها وكذبته هو ;)

انتم بقي بتصدقوا في الاحلام ولا ايه ؟؟؟؟

[doha]

بطل تشوف توب موفي وانت هتبقى عال العال ..

[nightmare]

انتم بقي بتصدقوا في الاحلام ولا ايه ؟؟؟؟

انا مش بتاع احلام .. انا شغال كوابيس وبس , واقوم مفزوع اقول "خير اللهم اجعله خير يا نايتى" , نام وان شاء الله الكابوس الجاي يكون أخف شوية.:D

مع تحياتي

[الغريب]

تقريبا كدة المرأة في المنام يعني الدنيا ولو أنت بتقتل الدنيا بطعنتين يبقى خير أن شاء الله،، هذا والله أعلم :)

[نورالعين]

يا ترى ايه اخبار الحلم يا سيمبا بعد مرور سنة عليه

اتفسر ولا لأ

انا كنت داخلة كمان اسأل نفس سؤالك

احيانا تفسر احلامي بحذافيرها

يعنى لا تحتاج حتى لمعاني مجازية

بس ما هو مؤكد بالنسبة لي

ان الرؤيا تختلف عن الحلم الذي لا يفسر

في انك تتذكرها تماما عند الاستيقاظ

على عكس الحلم الذي يكون ضبابي غير واضح في مجمله