الشرطة المصرية ورعاية البلطجية.

[nightmare]

زمان عندما كنت تسأل مجموعة من الأطفال عن أحلامهم وماذا يتمنوا ان يصبحوا في المستقبل

بكل تأكيد كنت ستجد عدد كبير منهم يقول لك وبكل فخر نفسي اطلع "ضابط شرطة"

فضباط الشرطة هدفهم الأساسي هو اقرار العدل وتنفيذ القانون وحماية المواطنين والمحافظة على الأمن والنظام

وكان شعارها الدائم

"الشرطة في خدمة الشعب"

أن تكون هناك عناصر فاسدة في هذه المؤسسة فهذا شيء وارد , ان يكون هناك بعض الخروج عن القانون

من بعض أفرادها فهذا جائز في كل الدنيا

لكن

أن تصبح هي نفسها راعية البلطجية والخارجين عن القانون , فهذا لم أراه مطلقاً في اى بلد أخري

أن تصبح هي نفسها من تخطط لهم ادوارهم في كيفية الإعتداء على المواطنيين وترويعهم

أن تستخدمهم في تكميم الافواه وضرب الطلاب وأساتذة الجامعات والناخبين

أن تكون هي سند المجرمين والسفاحين وارباب السوابق والمدمنيين

هذا ما لا اتخيله ولا يستطيع عقلى ان يستوعبه

كيف للشرطة وجهازها ان يتحول عن هدفه الأساسي من حماية المواطنيين وأمنهم وملاحقة الخارجين عن القانون

الى حماية النظام والفاسدين وايضاً البلطجية والمدمنيين

ما حدث أمس من الإعتداء على طلاب جامعة عين شمس وما حدث قبلها العام الماضي في نفس الجامعة

وما حدث في انتخابات 2005 , هو استمرار لهذا المسلسل المؤسف والبغيض

متي تعود الشرطة الى سابق عهدها والى دورها الرئيسي ومتى تعود ثقتنا في افرادها ؟؟

متي تعود الشرطة مستقلة غير خاضعة لنظام بل خاضعة ومنفذة للدستور والقانون وفقط ؟؟

متي تلتزم الشرطة بشعارها "الشرطة في خدمة الشعب" ؟؟

متي نعود ليحلم أطفالنا مرة أخري أن يكونوا "ضباط شرطة" ؟؟

بلطجية انتخابات 2005 ينزلون من عربة الشرطة

http://www.youtube.com/watch?v=qH1dpH49chw

بلطجية جامعة عين شمس

http://www.youtube.com/watch?v=hzd4LVT4S_s&feature=player_embedded

مع تحياتي

تم تعديل 7 نوفمبر 2010 بواسطة nightmare

[ابو محمد بن مصطفي]

زمان عندما كنت تسأل مجموعة من الأطفال عن أحلامهم وماذا يتمنوا ان يصبحوا في المستقبل

بكل تأكيد كنت ستجد عدد كبير منهم يقول لك وبكل فخر نفسي اطلع "ضابط شرطة"

استاذ كابوس تحياتي

بس ده كان زمان ... دلوقتي المعايير اختلفت لما تلاقي الواد نايم في الفصل و الشكوي تيجي من المدرسة بانه نايم في الفصل علي طول

ماتخفش الواد ده اكيد عنده ميول برلمانية وانه في المستقبل يبقي عضو مجلس شعب

اما بقي احداث جامعة عين شمس ...

اشمعنا يعني جامعة عين شمس لان الجامعة دي بسبب رئاسة احمد زكي بدر ليها اصبحت ترسانه للمخبرين

الموظفين بقيت جواسيس ...

وتحت امر الشرطة في تنفيذ الخطط وطبعا حكم المحكمة بخروج الشرطة من الجامعات لازم يظهر هذا النموذج للمطالبة بعدم تنفيذ الحكم

نظام قديم طحن لعدم تنفيذ الحكم القضائي

[Howayda Ismail]

ده الطبيعى دلوقت لان المرشد اللى بيستعين به الضابط وبيكون عينه خارج القسم ماهو الا خريج سوابق ممن يقضون

فترة مراقبة بعد خروجهم من السجن ومعظمهم مسجلين خطر وبيكون همزة الوصل بينهم المخبر

والبلطجى ده بيستغل صلته بالقسم للتمادى ورفض سطوته على اهل المنطقة ومفيش مانع تجارة مخدرات فى امان

طالما الامن فى المنطقة دى مستتب ومفيش مشاكل ولا وجع دماغ للضباط بفضل البلطجى

ده غير الاستعانة بيهم فى موضوع الانتخابات و نجاحهم فى منع دخول الناخبين الى اللجان او وصولهم للصناديق

والاكثر شراسة استخدامهم اثناء المظاهرات فى ضرب المتظاهرين وسحلهم وتفريقهم خصوصا انتشارهم بلبسهم المدنى

بين المتظاهرين ولايقتصر البلطجة على الرجال ولكن هناك ايضا نساء سوابق وبلطجيات ودول اسوا لانهم بيتعرضوا

للفتيات والنساء تصل لخدش الحياء فى الشارع للمتظاهرات ربنا يعافينا ويرحمنا والبلد تنظف زى الاول

ويرجع شعار الشرطة فى خدمة الشعب بدل الشعار الجديد الشرطة والمواطن فى خدمة الوطن

[nightmare]

الموظفين بقيت جواسيس ...

ضحكتني يا ابو محمد والله بخصوص الأطفال اللى عندهم ميول برلمانية دول.

ده الطبيعى دلوقت لان المرشد اللى بيستعين به الضابط وبيكون عينه خارج القسم ماهو الا خريج سوابق ممن يقضون

انا معنديش مانع يا أ.هند انهم يبقوا جواسيس او مرشدين , لكن ان يستخدموا الأسلحة البيضاء والسنج والمطاوي لضرب الطلاب والمتظاهرين تحت سمع وبصر الشرطة وحمايتها , يبقي لأ وألف لأ طبعا

البلطجي اللى في الصورة ده لو الأمور زادت وضرب طالب بالمطواة اللى في ايديه دي , هيكون ذنب الطالب في رقبة مين, مين اللى دخل دول الجامعة وواقف يتفرج عليهم.

الجامعات طول عمرها منارة للعلم ومكان لإبداء الرأي والحرية مش مكان للعنف والبلطجية.

مع تحياتي

[المهندسه]

اتفرجت على العاشره مساءا امبارح و استغربت جدااا من الحصل..ايه البلطجه دى وطبعا لو واحد ضاع فى الرجلين هيبقى عادى قضاء وقدر ..احنا مالناش سعر خااالص

وبخصوص البلطجه فى الانتخابات ...تخيلوا حمايا بقاله 4 سنين يروح علشان يطلع بطاقه انتخابيه ..مايرضوش و يقولو عدى علينا بكره

على فكره يا نايت مين قالك ان الاطفال لسه مش بتحلم يكونوا ضباط شرطه؟؟؟؟زمان كان فى سلام فأحلامهم انهم يكونوا ضباط علشان يحموا اهلهم وبلدهم لكن

دلوقتى العيال بقيت شايفه ان الحق فى البلد مابيجيش غير بوسطه وكوسه من اصحاب النفوذ..فالواد يقولك انا اطلع ضابط علشان السلطه والنفوذ وماحدش

يفتح بقه معايا واكون ضهر لاهلى و حبايبى و اخلصلهم مصالحهم بالكوسه...

يعنى العيال لسه بتحلم يكونوا ضباط شرطه لكن اختلفت الغايه والهدف لكده.

[masraweya]

لا زلت عند رأيي أن هذا الجهاز لا بد من حله و إعادة بنائه بطريقة سليمة

يعرف فيها العاملون به طبيعة دورهم "الحقيقي".. و أنهم ليسوا فوق القانون

[engmido]

طيب !!!!

[Howayda Ismail]

http://www.youtube.com/watch?v=VJeOeGQjIQc&feature=player_embedded#!

[Howayda Ismail]

مقارنة بين محرر اليوم السابع والطالب الذى اتهمه بالاعتداء عليه

الأحد، 7 نوفمبر 2010 - 18:19

مقارنة بين محرر اليوم السابع والطالب الموالى للجامعة الذى اتهمه بالاعتداء عليه

تصوير محمود حفناوى

رغم أن الله خلقه معاقا، إلا أن الخالق أعطاه بنية جسمانية قوية استطاع به الحصول على لقب "بلطجى" بجدارة، فهو من الشخصيات المعروفة لدى بعض الأجهزة الأمنية، ومعروف عنه أيضا أنه "مأجور"، رغم أنه ما زال طالبا بالجامعة التى بث فى قلوب طلابها وأساتذتها الرعب والفزع.

صورة "غ . م" التى التقطتها عدسات المصورين بأحداث "البلطجة" التى وقعت بجامعة عين شمس تعتبر تكراراً لسيناريو وقع بنفس الجامعة عام 2007، حيث جاء الطالب الذى يبلغ من العمر حاليا "32 عاماً" حاملا نفس السلاح الأبيض الذى تعدى به على المدرسين والطلاب والصحفيين المتابعين للواقعة التى ظن رئيس الجامعة أنها ستمر مرور الكرام.

ولأن الزميل محمد البديوى واحد من الصحفيين المتابعين للأحداث "المؤسفة"، وأحد الشهود العيان لها فقد أراد "غ . م" أن يضع حدودا لمتابعته بعد أن رأى الزميل يحمل فى يديه كاميرا، فقرر أن يمارس مهامه المكلف بها، فتعدى عليه بالضرب غير مبال لما قد يحدث، بل كلفه حرس الجامعة بضرورة الذهاب إلى قسم شرطة الوايلى لتحرير محضر اتهم فيه البديوى بالتعدى عليه، رغم أن الصورة لا تكذب فى شيئين هامين، أولهما أن الزميل البديوى لا يحمل فى يديه سوى سلاحه المعتاد "القلم والكاميرا الفيديو" فيما يظهر فى يد "غ" سلاح أبيض، أما الأمر الثانى فهو أن الزميل البديوى ضعيف البنيان ولا يزيد طوله على160 سم، بالمقارنة بـ "غ " الذى يفوقه بسطة فى الجسم والإجرام.

البديوى حسب التقرير الطبى متهم بخلع كتف الطالب وكسر ذراعه وإصابته بشرخ فى القدم، وكدمات فى أنحاء الجسد

[nightmare]

وزراء لا يمتلكون اى حكمة سياسية , ونظام يمشي بمبدأ اما معنا او ضدنا, لا يوجد عندهم مبدأ إختلاف الرأي واحترام آراء الناس.

وبكره هنشوف محمود سعد وهو بره التليفزيون نهائياً, كيف يتجرأ ويقول نعم انا معارض.

وحلوة حتة الصحفي دي كمان

طب بالزمة الغلبان ده اللى وزنه ما يزدش عن 60 كيلو يكسر ذراع الترلة ده ازاي يعني , ده عاوز دبابة تعدي على ايده علشان تكسرها , وهيضربه ازاى وهو ماسك مطواة وعمال يشوح بيها في وش اى واحد قدامه

برضه سياسة عقيمة وفاشلة , سياسة محضر قدام محضر واتنازل وانا اتنازل , مهزلة بكل المقاييس.

على رأي سعد زغلول "مفيش فايدة"

مع تحياتي