استجواب ...... استجواب .... بجد مش هرد عليها تانى

[لماضة مصرية جدا]

السلام عليكم و رحمة الله و بركاته

مش عارفة انا بقيت اقرا الردود و مرة اتفق و شوية ااقول يمكن انا شريرة

بس الحقيقة انا من الناس اللي بؤمن جدا بفكرة "الخصوصية"....يعني مش كل العلاقات تبقي متدخلة في بعضها لدرجة تدوب كل الخطوط الحمرا

و ده برضه مش معناه اني اكون انسانة وحشة....بالعكس انا بوصل رسالة للي قدامي ان فيه دايرة في حياتي مينفعشي انك تقتحمها

المشكلة النموذج ده لازم الواحد بيشوفه في الغربة و بيتحول اي حوار انساني الي محاولة لجمع اكبر قدر ممكن من المعلومات عن الطرف الاخر

مبحبش العلاقات المتداخلة دي اوي في بعضها لانها فعلا بتجيب مشاكل....كل ما حد يعرف عنك و عن بيتك اكتر كل ما الكلام يكتر و يبقي سخيف

و بعدين لما اصلا فيه خصوصية جوه البيت الواحد.....يبقي اجي انا بقي و اهد كل الحيطان و افتح الشقق علي بعضها

لو مكانك

اوضح لها بشكل غير مباشر ان اللي بتعمله ده غلط.....يعني اخترع شخصية تالتة فيها كل العبر اللي انتي مبقوقة منها و اخد راي جارتي دي فيها

لو فهمت الرسالة خير و بركة ....لو مفهمتشي....يبقي تنصحيها برضه بشكل مباشر

لو لا دي و لا دي.....يبقي يا بنتي دليها علي اي مدرسة قرآن تحفظ فيها....يا اماكده هتاكل دماغك و يبقي برضه كسبتي ثواب

الشابة عندها طااااااااقة بس مش عارفة توديها فين....و للاسف هي دي الحاجة الوحيدة اللي بتعرف تعملها....ساعديها انها تفضي الطاقة دي في حاجة كويسة

لو حسيتي انها ابتدت تاثر عليكي انتي.....و انتي مش اد المووضع ده....يبقي الاختصار رحمة

و بيتك اولي

و خصوصية حياتك ابدي

و دي وجهة نظر

[عبير يونس]

عتاب رقيق ليكي مدام بوسي على انك كسرت بخاطرها بالشكل ده ,,

دي شكلها غشيمه وغلبانه ,,

المشكله في الناس الزوق اللي زي حضرتك انهم بيصبروا يصبروا بعدين ينفجروا

ولولا ان ضميرك بيأنبك مكنتيش فتحتي الموضوع ده وحكيتيلنا عليه عشان تجدي في ردود اخواني ما يبرر صدك للبنت دي

اكرر اعتذاري لو ردي زعلك ,, بس صديقك من صدقك واظن اننا هنا كلنا اخوان واصدقاء

كسر الخواطر - حتى لو الحق عندك - من اصعب الامور

احكيلك القصه دي

كان سيدنا ابراهيم عليه السلام يستقبل عابري السبيل كل ليله في خيمته ,,

يوقد نارا ,, ويدعوهم للدخول حتى يرتاحوا من السفر ويؤيهم ويقدم لهم الطعام ,,

وذات ليله دخل عليه شيخ كبير يبيت في خيمته وياكل من طعامه

وبعدما فرغ من الطعام ,, قام الى النار الموقده داخل الخيمه ,, وسجد لها

فغضب ابراهيم لربه غضبا شديدا وقام يجر الرجل والقاه خارج الخيمه ,, يقول : ايسجد لغير الله في خيمتي !!!

فرحل الرجل ,,

فنزل جبريل عليه السلام و قال لابراهيم ان الله عز وجل يقول لك:

"يا ابراهيم لم تتحمله ساعة و انا تحملته ستون عاما على ارضي ,, ياكل من طعامي ويعبد سواي !!!

فجرى ابراهيم خلف الشيخ و قال لة:هلم الى الطعام

فقال:لم؟؟؟

فقال ابراهيم: عاتبنى ربى فيك.

فقال الشيخ :اله رحيم لابد ان يعبد

و أسلم الرجل

أهلا أهلا

ده زوجي له زمايل هنا اهو

واضح إن حضرتك انسان طيب زي زوجي و بتحبوا الخير

و ده مش عيب فيكم أبدا

و لا كمان بوسي غلطانة انها طيبة و بتحب الخير و بتحاول تساعد الست دي

بس اسمح لي يا فندم

الأحمق ( الغشيم) أكثر ضررا من الشرير المجرم

و الغلبان ده نساعده أكيد ...

نقدم له الطعام ...نساعده بقرشين

مش ندخله حياتنا

و نحكيله اسرارنا

و نسمح له يسأل عن خصوصياتنا!!!

خصوصا ان احنا في غربة

و في ناس ممكن تخرب بيوت عن طريق الصداقة المزعومة دي

الغلبانة الغشيمة دي ممكن تخرب بيت بوسي الله يعافيها

بنقلها للأسرار اللي خدتها من بوسي بمنتهى حسن النية :blink:

يبقى ايه اللي استفدناه من كونها غلبانة و غشيمة

و زي ما قال سين سين

الطريق إلى جهنم مفروش بالنوايا الطيبة

[م تيمور المراغي]

كلكوا عليا هههههههه :happy:

محدش يقول طبعا ان الخصوصيات وااسرار تكون متاحه على الملأ بادق التفاصيل خصوصا دي حرمات بيوت ,,

بس خفيف خفيف كده نرفق بيها بهدوء وكل ماتفتح موضوع خاص نقول الكلمه السحريه " معلش فلانه اعفيني "

لو اصرت على سؤالها نقول الكلمه رقم تو " عندي اسباب خاصه " ,,

وخلاص بكل محبه وهدوء محدش ماسكلنا العصايه ,,

انما ارجع تاني واقول ان الرفق بالناس هو اكرم الخلق ,,

وسلامي لزوج حضرتك الكريم

[pocy]

يا بشمهندس محدش عليك ولا حاجه واكيد هم معاك وانا كمان بس اللى بيتلسعفى الشربه بينفخ فى الزبادى وانا اتلسعت انا مع مغتربه ولماضه وسين سين والغريب وهند وووووو كل من شارك هنا ان لازم يكون فى خط احمر وهو عند خصوصيات البيت ومن تدخل فيما لا يعنيه سمع ما لا يرضيه ولا ايه ؟؟؟؟

وانا عملت وهعمل كده فعلا انا عمرى ما كنت بحرج حد وعمرى ما كنت بحرج نفسي باسئله انا مليش فيها ومش بتاعتى انا اخرى الاطمئنان على الجميع بالصحه والسلامه وخلاص وده الاسلم على فكره انا بسأل وبعمل كل الواجبات اللى على من انى ازور المريض واسال عن الجار بكامل حقوقه واساعد باللى اقدر عليه واهادى لان الرسول قال تهادوا تحابوا والحمد لله لا انتظر المقابل طب تعرف يا اخى الفاضل انا لما كنت فى المستشفي وكنت تعبانه جدا واختى كانت مسافره ومحدش من اللى اعرفهم موجدين وهى عارفه انى فى المستشفي وقعدت خمس ايام هناك ومجتش عبرتنى ولما هى ولدت رحت وكنت بطبخ واكنس وامسح مع الفارق انى قيصري وتعبه بيستمر لحد اسبوعين بعد الولاده بينما هى طبيعي واخره تعب يومين وبس وظللت اروحلها اسبوعين وانا معايا ابنى ولى بيتى ومع ذلك مش زعلت وقلت كل واحد عارف بظروفه ومش مهم

فالخطوط الحمرا واجبه وده اللى استقريت عليه وانا صدتها بارق الكلمات اللى لقتها على لسانى لان كان فى كلام افظع ممكن يخرج بس الحمد لله

ولك منى كل التحيه

[م تيمور المراغي]

لك كل الاحترام مدام بوسي والله ,, والف سلامه ليكي ,,,

[Simba]

من قديم اقوال العرب

تحسبها حمقاء وهي باخس

بمعني انها ظالمة للناس رغم طيبتها التي تصل للحمق

ده صنف الست اللي بتتعاملي معاها دي يا مدام بوسي باين عليه قديم اووووي وطول عمره تاعب الناس

[ذهبية]

بصى يا بوسى انا مع ان العلاقات الانسانية لازم تكون على قد مستوى بعض يعنى مينفعش ابدا انا اكون على قدر معين من التعليم و اصاحب حد امى او جاهل دة مثال للتوضيح

انتى مختلفة عنها نهائى فى تفكيرك و طباعك يبقى اساس الصداقة مبنى على اية

انتى لو استمريتى بالمعادلة دى هتكون لود جامد جدا على صجتك النفسية و العقلية بعد فترة من الزمن

انا مش بناقش انها طيبة او شريرة او فضولية او نقالة للكلام دة طبع شخصية انسان انتى عرفتية وعارفة كويس ان الطبع مش بيتغير

يبقى انتى ليكى مطلق الحرية انك تختارى تكملى مع الطبع دة او لا

انا مع ان اى علاقة انسانية لازم احس معاها بالراحة النفسية علشان اسمح بالانسان دة يقرب لحياتى مش يكون عامل نكد و نرفزة و عصبية و الحياة مش محتاجة ضغط على ضغط

مش انا اللى هاغير شخصيتها بعد العمر دة

و انها تتغير او لا دى حاجة متهمنيش ااساس تهم اللى عايشين معاها

يبقى من الاولى انى اوفر اعصابى و مجهودى ووقتى و صحتى لحاجة مفيدة تفيدنى و تفيد جوزى و بيتى

[لماضة مصرية جدا]

السلام عليكم و رحمة الله و بركاته

لا زلنا اعزائي المستمعين و ربات البيوت مع الحلقة المثيرة من برنامج بوسي او ابلة نظيرة

استجواب..استجواب...اوسكتي بقي يا هقفل الباب

هو سؤال اعزائي المستمعين بينط دايما في دماغي

هي الناس بتجيب الجرأة دي منين؟؟؟

يعني هل هي حبوب ببتاع في الصيدليات و بتتاخد قبل الاكل و بعده و مش ممكن تتهضم و لا تطلع في البيبي....لانها بتستقر جواهم بشكل غريب

هل هي صفة مثلا بنلاقيها من و هم صغيرين....يعني حد طفي عليهم النور و هما في الحمام...فاصبحت عقدة متاصلة

هل هي قلة إيمان و الله اعلم (وش الشيخ سيد بتاع تفسير الاحلام)

هل و هل و هل

بس السؤال

الناس بتجيب التباتة دي منين انها تسالني و في اول مرة لقاء لينا "انتي مرتبك كام....طب شقتك كام اوضة؟؟؟"

اعزائي المستمعين....مستنين اجابتكم....و هنسمع دلوقتي اغنية

"خليك في حالك"

للفنانة الصاعدة الواعدة....بطاطا خصوصية

صباحكم ملبن....محشي مكسرات...(بس مش هقدر اكله...انا هعزم عليكم بيه بس....و هتبقي عيني طالعة عليه)

[م تيمور المراغي]

يا عيني عليكي يا بنتي يا اللي تغربتي ومش لا قيه حد جنبك والكل بيتخلى عنك

يعني مافييش حل وسط ,,

يا اما نحكي ادق تفاصيل حياتنا يا اما قطيعه كامله ,,

[se_ Elsyed]

ميزة الصداقة إنها بتبقى غير مفروضة على الإنسان ..

انا اتحدث عن الصداقة الحقيقية

وفي حالات كثيرة بتبقى الصداقة أقوى من الأخوة ..

لإن الأخوة وصلة الدم مفروضة على الإنسان وعليه أن يقبل أصحابها بخيرهم وشرهم ..

لكن الصداقة أنا من أصنعها وأختارها بنفسي ولا يُمكن ان أقبل إنسان به كل تلك المساويء كصديق

ممكن يكون جاري .. أو زميلي في العمل او الدراسة ... لكن صديق أرتاح له .. فهذا صعب ومستحيل كمان

يكفي أن نشعر باختنا أم عُمر ومدى معاناتها من تلك الصفات الغير طيبة .... يبقى صداقة إيه دي اللي تجيب المرض ؟

ما حدش بيقول إنها تقاطعها أو تتجاهلها .... لكن تكون معرفتها بحدود .. وحدود كبيره كمان ...

[م تيمور المراغي]

تمام كده جدا يبقى اتفقنا

لا قطيعه ,,

والكلام بحدود بعيدا عن التفاصيل الشخصيه

والنصيحه بلا حدود ,, ولا يكلف الله نفسا الا وسعها ,,

وربنا يهدينا للخير دايما ومساعدة المحتاجين والمساكين

[لماضة مصرية جدا]

يا عيني عليكي يا بنتي يا اللي تغربتي ومش لا قيه حد جنبك والكل بيتخلى عنك

يعني مافييش حل وسط ,,

يا اما نحكي ادق تفاصيل حياتنا يا اما قطيعه كامله ,,

السلام عليكم و رحمة الله و بركاته

طب و حياة النعمة دي.....(ماسكة حتة عيش عليها حاجة خضرا....يا اما خيار يا ما العيش قرب يبوظ...بس هاكله برض)

صورة الشابة اللي حضرتك حاططها دي.....تقول انها رغاية...أو بتحشر مناخيرها....أو...اصلا مصيرة و في الغربة

اه يا معاميعي يااااااااااااااانا

لو تسمحلي بس حضرتك.....احنا ممكن نعمل علاقات هايلة جدا....بس حتي في العلاقات دي لازم يكون فيه حدود و فواصل....زي الفواصل الجغرافية كده بتاعت الدول......هي وهمية ع الخريطة بس كل واحدة فينا عارفة امتي تسافر لدولة صاحبتها و امتي دخولها الدولة دي يبقي احتلال

و ده برضه مش معناه قطيعة....لكن تقنين العلاقات...الصراحة مبحبش العلاقات المفتحة ع البحري اوي دي

و لا يكونشي عشان حضرتك باشمهندز و كده يعني....بتحب انك تشيل حيطة الصالون و نفتحها علي الصالة ....!!!

الغربة ممكن تخلينا نكتشف شخصيات ثرية جدا.....بتضيف لحياتنا و بتضيف لخبرة السفر في حد ذاتها....لكن لو حسيت انها علي حساب اسرتي....او حساب راحة بالي انا الشخصية.....

ساعتها مبتكسفشي اني اقول لا الوحدة احسن...و الحقيقة مبحسش باي تانيب ضمير.....لاني بكون وصلت اللي رسالتي للصديقة دي و عرفتها طبعي كده ع بلاطة

و منين ما تحتاجني لو اتقبض عليها في القسم مثلا (ما هو اكيد...في يوم حد هيطبق ايده و يرزعها بغطا الحلة و مستبعدشي تكون بوسي علي فكرة).....هكون اول واحد تشهد عليها....قصدي تضمنها و تطلعها من القسم

بس خلاص

صبااااح حضرتك.....براااااااااح......انساني جدا

[م تيمور المراغي]

......................

و منين ما تحتاجني لو اتقبض عليها في القسم مثلا (ما هو اكيد...في يوم حد هيطبق ايده و يرزعها بغطا الحلة و مستبعدشي تكون بوسي علي فكرة).....هكون اول واحد تشهد عليها....قصدي تضمنها و تطلعها من القسم

....................

هههههه :happy:

دمك زي السكر يا لماضه ربنا يحميكي :happy:

كده الواحد يدخل اقسام وهو مطمن خلاص ,,

يبقى اتفقنا ان العلاقه تستمر بكل حب في الله ولكن بحدوود زي ما تفضلتي وقلتي

عشان من كان في حاجة الناس ,, كان الله في حاجته ,,

[doha]

بصي يابوسي ياعزيزتي..

الصنف الحشري بتاع الاستجواب ده نوعين .. يااما نوع من الي بنقول عليه في مصر ناصح ( ومدقدق ) وبيعرف يتصرف حلو اوي وتلاقيه في كل مكالمه معاكي يسألك عن اخبارك واخبار جيرانك وجيران جيرانك كمان .. ومهما تحااولي تلفي وتدوري منه يكرر سؤاله لغايه مايعرف الي هو عاوز يعرفه . . وفي نفس الوقت ودي اهم حته انك لو جيتي سالتيه عن حاجه تخصه هو شخصيا يتهرب منك او يصدك برد قاطع لا يحتمل الاسترسال ..

النوع ده من الناس الي بيبقى عاوز يعرف اخبار الدنيا كلها وهو اخباره يكتم عليها ميقولهاش لحد وفي نفس الوقت بيحسن التصرف في امور كتير تانية وواعي لنفسه .. ده ممكن جدا تعملي معاه كل الي قلتيه فوق من انك تقطعي علاقتك بيه تدريجيا او بمعنى ادق تحطيه بلاك ليست .. النوع ده مينفعش يصنف ابدا على انه ( اصدقاء ) ..

بس على فكره مظنش ان صاحبتك الي بتحكي عليها دي من النوع السابق .. عارفه .. اظنها من النوع الثاني الي هقولك عليه دلوقت ..

نوع ضعيف الشخصية .. متقدرش تاخذ قرار هام بمفردها .. تعودت طول عمرها انها ( تحفظ ) مش ( تفهم ) .. وبطبيعه الحال ولان النوع ده متعود انه يفتح باترون جاهز ياخذ منه المنهج السليم الي مفروض يمشي عليه في كل خطوة في حياته ولان مثل هذا الباترون بكل اسف مش موجود على ارض الواقع .. فهم بيعملوا ايه .. بيشوفوا شخص او شخصية قريبه منهم في الظروف ويبداوا يشوفوا ايه الي بيعملوا ويعملوه بالمسطرة .. ممكن توصل ان حتى بتشتري لبس ايه تلاقيها بتجيب زيك في اللبس بل الافظع .. تشوف مصطلحاتك وكلماتك الي بتستخدميها في حوارك العادي وتبقى هي دي كلماتها وجملها الي بتعبر بيها ..

ارجح ان صاحبتك من النوع ده وبرجح برضه ان مش من الشهامه تخليك عنها وقطع علاقتك بيها .. ايوه متضريش نفسك وتقولي لها اخبارك كلها لكن خلاص انتي عرفتي مشكلتها فين وانها محتاجه ( توجيه ) يبقى وجهيها ولو بشكل مباشر .. تقولي لها انتي محتاجه تتغيري في كذا او عندك مشكلة في الحته الفلانية وهي لانها بتسمع كلامك هتصغي لك جدا وبكده بجد هتكوني كسبتي فيها ثواب .. حاولي تعملي لها زي مابيقولوا ( تنمية ذاتية ) بحيث انك تطلعي احسن مافيها وتعرفيها المباديء السليمة الي تمشي عليها عشان تكون ست بيت وزوجه ناجحة .. اخترعي مواضيع كتير تتكلموا فيها فمتبقيش مضطرة ان الحوار يجنح للحديث عن حياتك انتي الخاصة .. دائما في حديثك معاها لما تسألك انتي كده ولا مش كده رددي بسرعه ان مش مهم انا او متفرقش وكملي كلامك وتجاهلي سؤالها .. مع الوقت هتتعود ان الموضوع لا يتعلق بيكي وانما بالصح الي لازم يتعمل بغض النظر مين الي عمله .. مهم برضه لو بتنصحيها بحاجه انك متقوليش انا عن نفسي كذا وانما قولي لها غالبا الستات كذا او وحده اعرفها كذا ..

وطبعا مهم اوي انك تحددي ساعات اتصالكم وان ميكونش اتصالها بيكي وتواصلها معاكي ( عاده يوميه ) بحيث يبقى عبء عليكي وفي نفس الوقت متقدريش تبطليه لانك تعودتي ان هي بتكلمك كل يوم وانما خليه في مناسبات ولو مرة اسبوعيا او لما يكون في داعي.. ومهم جدا برضه انك مترهقيش نفسك في مساعدتها والوقوف جنبها في المواقف المختلفة لان النوع ده غالبا بياخذ ولا يديش .. يعني لو عملتي فيها جميل فاعملية وانتي عارفه انه لوجه الله يبقى متزعليش ابدا لو هي مردتهوش لانها مش هترد ..

اعملي كل ماسبق عشان تكسبي فيها ثواب وطالما انك قادرة تكوني ( كرريتيف ) وشخصية مؤثرة يبقى افضل توظيف للميزه دي انك تغيري حياة شخص محتاج الى الافضل ..

اما لو فعلا مش قادرة تتعاملي معاها خلاص فهقولك حكمه سمعتها زمان وعجبتني جدا وماشية عليها لغايه دلوقت ..

مع الناس الي وجودهم في حياتك بيسبب لك متاعب او مشاكل .. متقطعيش علاقات وانما خففي تعاملات ..

متخسريش حد .. بس حافظي على نفسك ..

[م تيمور المراغي]

..............................

ارجح ان صاحبتك من النوع ده وبرجح برضه ان مش من الشهامه تخليك عنها وقطع علاقتك بيها .. ايوه متضريش نفسك وتقولي لها اخبارك كلها لكن خلاص انتي عرفتي مشكلتها فين وانها محتاجه ( توجيه ) يبقى وجهيها ولو بشكل مباشر ..

...................

تسلم ايديكي ضحى ,,

[لونا]

شوفي يا بوسي يا حبيبتي .. أنا لا أحب أبدًا أن أقطع علاقتي بأحد.. إذا كان بينناأشياء مشتركة نقول كدة في حدود 50%

ولكن دايمًا أحب أصنف علاقاتي بالناس

بمعنى إن مش كل معارفي أصحابي .. و لا كل أصحابي يبقوا أصدقائي..

كل حاجة من اللي فاتت دي مرتبة في مراتب العلاقات الإنسانية

و أعذريني لو كلامي ضايقك ..

يبدو إنك لم تصنفي هذه الشخصية تصنيفًا صحيحًا يحدد درجتها و أهميتها عندك

فلو كانت فيها صفات كتير لا تعجبك .. أو كنت لا ترتاحي في الكلام معها

و في نفس الوقت تشعرين أنك تفيديها .. على أساس عروسة جديدة و الغربة و كدة

فهي مجرد معرفة ..

و كان يجب عليك من البداية أن تحددي المواضيع التي تتكلمي فيها معها بحرية

و المواضيع التي لا تسمحي لها بالكلام عنهاأبدًا

و لكن على ما يبدو أنك تساهلت معها .. و سمحت للعلاقة بينكما أن تأخذ شكل الصداقة

أو على الأقل هي تصورت ذلك .. و أنت تحاملت على نفسك .. و أظهرت لها الود الذي لا تكنينه لها في الحقيقة

و دخل الموضوع في دائرة مفرغة

إنت عندك حل من إتنين

الأول : لو إنت أصلًا مش حباها .. و يهون عليك قطع علاقتك بيها .. و إذا كان قطع علاقتك بها لن يضرك

أو حاسة إن علاقتك بيها ممكن تؤذيك .. زي ما قالت مصرية متغربة

فخلاص إنتهى ..إقطعي علاقتك بها نهائيًا

التاني : لو بتحبيها و في بينكم عشرة حلوة على الرغم من عيوبها

حاولي تقنني العلاقة بينكم من أول و جديد

يعني كلميها عادي

و أول ما تيجي عند الخطوط الحمرا ..STOPPP !!!! زي ما ARCHITECT قال.. (إعفيني يا فلانة) ..

أو لو عندك موهبة إنك تردي عليها رد لا تفهم منه أي شيء ..

أو تغيري الموضوع بلباقة ..

و عمومًا يجب أن تجعلي بينك و بين الآخرين حدود لا تسمحي لهم بتجاوزها

بيتك و أسرتك .. خط أحمر .. أنت التي تحدديه ..

و إنت المطالبة بحمايته

تم تعديل 9 نوفمبر 2010 بواسطة لونا

[مسافر]

النوع ده غالبا بياخذ ولا يديش .. يعني لو عملتي فيها جميل فاعملية وانتي عارفه انه لوجه الله يبقى متزعليش ابدا لو هي مردتهوش لانها مش هترد ..

اعملي كل ماسبق عشان تكسبي فيها ثواب

الخلاصة اننا عندما نساعد هذا الصنف من الناس

لن نستفيد من وراءه إلا حسنات في الميزان يوم القيامة

فنساعده بالمعروف دون انتظار الرد

[ذهبية]

بصي يابوسي ياعزيزتي..

الصنف الحشري بتاع الاستجواب ده نوعين .. يااما نوع من الي بنقول عليه في مصر ناصح ( ومدقدق ) وبيعرف يتصرف حلو اوي وتلاقيه في كل مكالمه معاكي يسألك عن اخبارك واخبار جيرانك وجيران جيرانك كمان .. ومهما تحااولي تلفي وتدوري منه يكرر سؤاله لغايه مايعرف الي هو عاوز يعرفه . . وفي نفس الوقت ودي اهم حته انك لو جيتي سالتيه عن حاجه تخصه هو شخصيا يتهرب منك او يصدك برد قاطع لا يحتمل الاسترسال ..

النوع ده من الناس الي بيبقى عاوز يعرف اخبار الدنيا كلها وهو اخباره يكتم عليها ميقولهاش لحد وفي نفس الوقت بيحسن التصرف في امور كتير تانية وواعي لنفسه .. ده ممكن جدا تعملي معاه كل الي قلتيه فوق من انك تقطعي علاقتك بيه تدريجيا او بمعنى ادق تحطيه بلاك ليست .. النوع ده مينفعش يصنف ابدا على انه ( اصدقاء ) ..

بس على فكره مظنش ان صاحبتك الي بتحكي عليها دي من النوع السابق .. عارفه .. اظنها من النوع الثاني الي هقولك عليه دلوقت ..

نوع ضعيف الشخصية .. متقدرش تاخذ قرار هام بمفردها .. تعودت طول عمرها انها ( تحفظ ) مش ( تفهم ) .. وبطبيعه الحال ولان النوع ده متعود انه يفتح باترون جاهز ياخذ منه المنهج السليم الي مفروض يمشي عليه في كل خطوة في حياته ولان مثل هذا الباترون بكل اسف مش موجود على ارض الواقع .. فهم بيعملوا ايه .. بيشوفوا شخص او شخصية قريبه منهم في الظروف ويبداوا يشوفوا ايه الي بيعملوا ويعملوه بالمسطرة .. ممكن توصل ان حتى بتشتري لبس ايه تلاقيها بتجيب زيك في اللبس بل الافظع .. تشوف مصطلحاتك وكلماتك الي بتستخدميها في حوارك العادي وتبقى هي دي كلماتها وجملها الي بتعبر بيها ..

ارجح ان صاحبتك من النوع ده وبرجح برضه ان مش من الشهامه تخليك عنها وقطع علاقتك بيها .. ايوه متضريش نفسك وتقولي لها اخبارك كلها لكن خلاص انتي عرفتي مشكلتها فين وانها محتاجه ( توجيه ) يبقى وجهيها ولو بشكل مباشر .. تقولي لها انتي محتاجه تتغيري في كذا او عندك مشكلة في الحته الفلانية وهي لانها بتسمع كلامك هتصغي لك جدا وبكده بجد هتكوني كسبتي فيها ثواب .. حاولي تعملي لها زي مابيقولوا ( تنمية ذاتية ) بحيث انك تطلعي احسن مافيها وتعرفيها المباديء السليمة الي تمشي عليها عشان تكون ست بيت وزوجه ناجحة .. اخترعي مواضيع كتير تتكلموا فيها فمتبقيش مضطرة ان الحوار يجنح للحديث عن حياتك انتي الخاصة .. دائما في حديثك معاها لما تسألك انتي كده ولا مش كده رددي بسرعه ان مش مهم انا او متفرقش وكملي كلامك وتجاهلي سؤالها .. مع الوقت هتتعود ان الموضوع لا يتعلق بيكي وانما بالصح الي لازم يتعمل بغض النظر مين الي عمله .. مهم برضه لو بتنصحيها بحاجه انك متقوليش انا عن نفسي كذا وانما قولي لها غالبا الستات كذا او وحده اعرفها كذا ..

وطبعا مهم اوي انك تحددي ساعات اتصالكم وان ميكونش اتصالها بيكي وتواصلها معاكي ( عاده يوميه ) بحيث يبقى عبء عليكي وفي نفس الوقت متقدريش تبطليه لانك تعودتي ان هي بتكلمك كل يوم وانما خليه في مناسبات ولو مرة اسبوعيا او لما يكون في داعي.. ومهم جدا برضه انك مترهقيش نفسك في مساعدتها والوقوف جنبها في المواقف المختلفة لان النوع ده غالبا بياخذ ولا يديش .. يعني لو عملتي فيها جميل فاعملية وانتي عارفه انه لوجه الله يبقى متزعليش ابدا لو هي مردتهوش لانها مش هترد ..

اعملي كل ماسبق عشان تكسبي فيها ثواب وطالما انك قادرة تكوني ( كرريتيف ) وشخصية مؤثرة يبقى افضل توظيف للميزه دي انك تغيري حياة شخص محتاج الى الافضل ..

اما لو فعلا مش قادرة تتعاملي معاها خلاص فهقولك حكمه سمعتها زمان وعجبتني جدا وماشية عليها لغايه دلوقت ..

مع الناس الي وجودهم في حياتك بيسبب لك متاعب او مشاكل .. متقطعيش علاقات وانما خففي تعاملات ..

متخسريش حد .. بس حافظي على نفسك ..

انا معاكى جدا فى تحليلك لشخصيتها بس فية مشكلة بوسى قالت لها انها لمجرد اى معلومة بتقولها بترد علية رد بديهى جدا بتقولها يا بختك ياعنى فية نقطة الحسد موجودة يعنى شخصية دى فاضية من جوة و معندهاش قدرة لا تفك رو لا تاخد قرار فى حياتها و بوسى لو قامت بالدور بحسن نية

ابسط شىء هتعملة انها تحسدها على تفكيرها و حسن تصرفها و دة واضح جدا من ردها عليها

مع طبعااا انها بتحكى على جوزها على كل كبية و ضغيرة بتحصل بينها و بين بوسى يبقى كدة الصورة قاتمة جداااا

يعنى الراجل هيسمع تصرفات نابة من ست عاقلة و مراتة نفسها مبهورة بيها و بتنفذ الى بتقول عليها انتى مش شايفة ان كدة المواضيع هتمشى فى سكة غلط

اعتقد انها مش انها عديمة الخبرة او فاضية لا هى لا تملك حسن البديهة و لا الذكاء الكافى الى تعرف تحكم بية اية اللى تيقال و اية لا

واعتقد انها هتضر مش هتفيد

[رضوي]

يااااااااااااااااه هو لسة الموضوع دة موجود ؟؟؟؟

بسبوسة انتي فين ؟؟؟؟

بصراحة انا شايفة ان معظم الآراء اجمعت علي وضع فواصل وحدود مع استمرار علاقة الود والاخوة والصداقة بينكما

ماااااااااشي

طبعاً مدام ضحى بجد قدرت تحللك شخصية صاحبتك ........ بضم صوتي لصوتها

بس انتي من حقك مساحة من الخصوصية لازم تحافظي عليها وماحدش يتدخل في مساحتك دي

عندنا واحدة صاحبتنا طيبة ........ بس عيبها الحشرية ......... بتحب تعرف التفاصيل ....... لدرجة اننا مسمينها الرهيب ........... دة بجد فعلاً ...... ولأننا بنحبها ماحدش بيحب يكسفها يعني واصحابي بيجاوبا علي اسئلتها وخلاص ........ لاننا طبعاً واثقين فيها

بس انا عندي مساحتي الخاصة جداً واللي ماحبش حد يقرب نحيتها

لما جت تدخل وسألتني ......... فأول مرة ضحكت وغيرت الموضوع

تاني مرة بصيت لها باستغراب وماجاوبتش

تالت مرة قلتلها ببساطة شديدة ........ احنا اصحاب وبنحب بعض ...... لكن خصوصياتي دي ملكي لوحدي وانا عمري ماسألتك عن شىء لايعنيني واعتقد انك برده مش هتسأليني عن خصوصياتي ...... قلت الكلمتين وانا مبتسمة وف الاخر اكدتلها اننا اصحاب

طبعاً الكلام دة كان بيني وبينها مش ادام باقي الشلة

من ساعتها واحنا فعلاً اصحاب من غير تدخل في خصوصيات

بصراحة هي اضطرتني اني اقولها الكلام دة لانها مش ذكية وفهمتني م الاول ........ بس انا ماقطعتش علاقتي بيها

لأني مابقاطعش حد

كل الللي عايزة اقوله ......... حاولي تفهميها بلباقة ......... لو هي ماقدرتش تفهم كلميها بصراحة وببساطة مع ابتسامة جميلة وتأكيد انك بتحبيها وفرحانة بصداقتها بس فيه حدود لازم تاخد بالها منها

بس خلاص

يلا بقي فين موضوعك التاني اللي عايزة تتكلمي فيه ؟؟؟؟؟؟