عبد الحليم حافظ سعودي الأصل وعائلته تنتمي لبني تميم

[الســـاري]

عم عنبو .. لا تقولي لا دينا ولا فيفي .. احنا ناس حقانيين .. عايزين اللي يخصنا بس :closedeyes:

وخالد يوسف لا يا عم .. خلينا بطاش ما طاش ونبوس ايدنا وش وضهر

جسار .. يا عمي راح زمن الناقة ام خط سير بغداد - قاهرة .. احنا بزمن الوحوش دلوقتي ..

بس برضه عبد الحليم حافظ سعودي .. يا تقتنع من قلبك .. يا يجيك مسافر زاده الخيال يعطيك دوش لغوي

وانت يا عم مسافر .. كان خليتنا نفرح شوية .. على طول نازل تشجب وتنفي

بيني وبينك .. من اول ما عرفت انه تميمي وبنفس الوقت من الاشراف عرفت ان الحكاية دي مضروبة

بالمناسبة .. مصر سميت بارض الكنانة لانها استوطنتها اربع قبائل كلها تدعى كنانة ( كنانة مضر ، وكنانة قيس عيلان وغيرها وكلهم من الجزيرة العربية مع الاقباط

يعني لسه احتمال السعودة قائم .. ولا انت ضد السعودة ؟

[م تيمور المراغي]

مشاركتك دمها زي السكر يا ساري خصوصا لما توعدت جسااااار انه لو ما هداش اللعب حتجيبله مسافر يهريه لغه عربيه فصحى ههههههههه :happy:

بس خلليني اعقب على موضوع سبب تسمية مصر بارض الكنانه ,,

فقد جاء في الحديث الشريف

(مصر كنانة الله في ارضه ما طلبها عدو الا كبه الله على وجهه )

وكنانة السهم جعبة من جلد لاخشب فيها

هذا هو سبب تمسيتها بارض الكنانه ,,

[ozoozo]

حاسب هاتكهربنا ياعم

mf(

[م تيمور المراغي]

حاسب هاتكهربنا ياعم

mf(

دي صوره تعبيريه يا محمد زي بتاعت الاهرام اياها بالظبط هههههه

المصدر واحد ,, وان اختلفت الفروع ,,

[مسافر زاده الخيال]

اهلا بالاخوة والاخوات مرة اخرى

سبب تعقيبي الاخير (ليس نفي) جذور عبدالحليم شبانة للجزيرة العربية بل (نفي انتسابه ﻵل البيت) اعتمادا على احد ابناء ال البيت...........

ومرة اخرى

اقول ان البشر ((مثل النهر الجاري))........ينتمى لعدة اماكن في ازمنة مختلفه (وهذه بالبديهة) فاصول (عرب السعودية مثلا) اما لعرب (عدنان) الذي ينتهي نسبهم الى ابراهيم الخليل عليه السلام المولود (باور) بالعراق....او (قحطان) النازحة من اليمن بعد هدم سد مأرب ((ولا يعني ذلك انهم غير اصليين ))

و سكان مصر كذلك هم مزيج من شتى اجناس الارض عبر الاف السنين ((وحتى الكثير من سلالات الحكام الفراعنة قدمت من خارج مصر اساسا)) وهذا طبيعي جدا

ففي اوروبا (ملكة انقلترا) المانية وابنها الامير تشارلز من اب يوناني.....

و ملك السويد من اصل فرنسي

و ملكة هولندا المانية

ورئيس فرنسا مجري

و جمال عبدالناصر من (بني مر) قبيلة لها امتدادات بالجزيرة العربية مثل قطر (قبيلة المري)

و محمد انور السادات من اصل (شامي) ولا زالت محلة السادات (بسوريا) الى الان

و محمدعبدالوهاب المطرب ينحدر من الولي الصالح الشعراني (المهاجر من المغرب) مثله مثل المدرب محمود الجوهري ذو الاصل المغربي

واسرة (الشاذلي التونسية) الاصل

واخيرا ((مسافر زاده الخيال)) الذي له اصول مغربية و سودانية ..(لكن هاجر اجدادي قبل نشوء الدولة السعودية وعليه فنحن سعوديون بالتأسيس اي لم تكن لنا جنسية الا السعودية)

.........

اذن لو بحث كل منا عن شجرة انسابه لوجد ان اجداده استوطنوا و هاجروا بقاع كثيرة من الارض

لذا فان التعريف الاكثر (منطقية) هو انتماء الانسان لبلد (المولد) مع بعض الاستثناءات في بعض البلدان

[أبو محمد]

ورئيس فرنسا مجري

مجرى ولاَّ مقرى ؟! :P

[م تيمور المراغي]

ماترسولكوا على حل بقى ,,

انا لساني ضرب خلاص

الجيم عملت لي هس هس في دماغي وانا لسه في عز شبابي wlch::

[أمل حياتي]

و مما سبق علينا ان نعي ان (جميع البشر اخوة ولهم جذور مشتركة لكن قد تطول او تقصر تتشابك او تتباعد)

انا مع مسافر زاده الخيال

شي غير مستغرب عبر التاريخ ان الأصول ترجع لبلدان اخرى

لكن ذلك طبعا ليس له علاقه بمدى انتماءه لمصر

[اغابي]

نعم لنا كل الحق فيه :closedeyes:

ومن اليوم ورايح ح نعتبره عبدالحليم بن حافظ التميمي .. سعودي قح .. باصله وفصله وسلاطاتو و بابا غنوجو :closedeyes:

بالمرة يا اغابي شوفي لنا اصل ام كلثوم .. عندي احساس انها من قبيلة جهينة

حاضر من عنيي الاتنين -

==================

انا راى ان الجنسية حاليا او الاصول سابقا تختلف عن انتماء الشخص

لان انتماء عبد الحليم كان لمصر قلبا وقالبا حتى لو اصوله سعودي

عبد الحليم حب مصر وغنى اصعب الاغاني الوطنية وكان معاهم بقلبه وكيانه

عبد الحليم لمصر - وهنا المفروض افتح توبيك جديد بجد نسال فيه عن الفارق بين الجنسية والانتماء

يعنى اولادى اللى مولودين بالكويت لما كل شويه يغنوا وطنى الكويت سلمت للمجد

يبقى ايه المشكلة ما هو شيء طبيعى انهم ما يغنوش لمصر غير بعد ما يحضرو اى ماتش كورة يغنو ما شربتش من نيلها جربت تغنيلها

غير كدا ايه علاقتهم بمصر - ما هما سافرو بلاد كتير - لكن ايه علاقتهم بمصر

يبقى ما فيش غير الاغاني والاناشيد الوطنية الكويتية اللى هما حافظينها

داه شيء طبيعى

وانتماؤهم للكويت لانهم ما يعرفوش غيرها وانا متوقعة كدا طبعا

تم تعديل 10 نوفمبر 2010 بواسطة اغابي

[م تيمور المراغي]

مسافر حيفضل يكبر لكم في القاف لحد ماتبلع لكم الشاشه انتوا حورين

[doha]

اييه .. الموضوع ده فكرني بايام زمااااااان .. فترة المراهقة ـ بس مكنتش اعرف وقتها اني مراهقة ـ لما كانت اهم قراءاتي في كنوز المعرفة من امثال مجلة ( سيدتي ) و ( النهضة ) .. لما كان خبر زي بوسي طلعت اخت نورا .. ولا طلع اسمها الحقيقي شوقية واحنا كنا فاكرينها اعتدال .. زمان بقى قبل مااكبر وتتغير اهتماماتي لحاجات تانية .. اقل اهمية ..

معليش ياجماعه متزعلوش مني ـ ولو اني عارفه البعض هيزعل ـ بس ممكن اعرف ايه الي هيعود علينا من معرفة اصل عبد الحليم سعودي ولا يمني ولا نيجيري حتى ؟؟ الراجل مات الله يرحمه .. بل وشبع موت كمان .. هتفرق معانا ايه طلع سعودي ولا مش سعودي ؟ هنضمن يعني انه هيخش الجنة بدون تاشيرة ومش محتاج لدخولها موافقة كفيل ؟؟

ثلاث صفحات من المشاركات والي بعترف اني قرأتها واحده واحده ظنا مني ان اكيد طالما تعدى الموضوع العدد ده من الصفحات يبقى ممكن الاقي فيه شيء يستحق .. تقومو تخيبوا ظني بالشكل ده ..

على كل حال اذكر نفسي واياكم .. قد افلح المؤمنون .. الي هم ايه ؟ عن اللهو معرضون ..

موضوع زي ده كان مفروض يمر مرور الكرام .. فان تم التعليق عليه فكبيره تعليق ساخر او اثنين .. لكن ثلاث صفحات ومعظمها مشاركات ( جادة ) بتناقش الموضوع وكأن مصير وحدة السودان متعلق عليه .. فاسمحوا لي .. كده كتير .. كتير بجد ..

[م تيمور المراغي]

كده يا ضحى دخلتي ترمي كرسي في الكلوب ضلمتيها خالص ,,

كلمه زياده وشرفي حجيبلك مسافر زاده الخيال بحروف القاف اللي ماليه جيوبه دي وانتي عارفه بقى اللي فيها

[أبو محمد]

أما صحيح احنا طلعنا شوية عيال هايفين ..

فعلا يا اولاد .. مفروض نفضها سيرة وندخل ننام .. أحسن أمنا الغولة تاكلنا .. أو الأبلة تحبسنا فى أوضة الفيران :sofa:

[م تيمور المراغي]

...........ق.ق

..........ق...ق

...........ق.ق

...........ق...........ق

............ق.........ق

.............ق.ق.ق.ق

[مسافر زاده الخيال]

بلا قافية

القاهره

[جسار]

مبسوط كده ياعم مسافر ، أنا نزلت تحت السرير علشان أجيب

كتاب لسان العرب واشوف آخرتها معاك ايه ، قام ظهرى أنحنى

ومش قادر أعدله زى الاول منها لله القاف اللى حنتلى ظهرى .

[أبو محمد]

حتى يكون للتقييم معنى .. فقد أعطيت تقييما سالبا للأخت الفاضلة "ضحى" على مداخلتها التى كانت بمثابة "دش بارد" على دماغ المتحاورين فى هذا الموضوع

الموضوع أساسا فى باب الفنون .. والمشاركون فيه (باستثنائى) هم أعضاء محترمون .. مشاركاتهم فى مواضيع الأبواب الأخرى تشع فكرا راقيا وثقافة عالية ..

لقد جانبك التوفيق يا أخت ضحى .. ولكل جواد كبوة .. وصديقك من صدَقك لا من صدَّقك

أخى .. مسافر زاده الخيال

أنا مستمتع بمشاركاتك

[عبير يونس]

تم نقل جميع المشاركات التي تتحدث عن اللهجات

إلى موضوع الفاضلة ريمو

كلمات عجيبة و غريبة

http://www.egyptiantalks.org/invb/index.php?showtopic=112619&st=45

شكرا لتفهمكم

الإدارة