كيف تنجو من عملية اختطاف؟

[عبير يونس]

جاءني عبر الايميل

نصائح في كيفية التصرف حتى لا نتعرض للاختطاف

(( كيف تنجو من عملية الاختطاف ؟؟ ))

هام إلى كل النساء والأطفال

إن عمليات الاختطاف تكررت للكثيرين خاصة في البلاد الأوروبية والأمريكية ...

فيمكنك أن تتزود بهذه النصائح الضرورية حيث يمكنك القيام بها في حالة تعرضك للخطر ... ويمكنك أن تعرضها على زوجتك ... أطفالك ... أو أي شخص تعرفه ...

1 - إذا تعرضت لخطر الإختطاف وحاول الجاني أن يمسكك بقوة، تذكر أن عضمة الكوع في جسمك هي من أقوى العظام يمكنك أن تستخدمها إذا كان الجاني قريباً منك.

2 - إذا طلب منك أحدهم محفظتك أو شنطة اليد التي بها أموالك وكان مسلحاً ... اقذفها بعيداً عنك ثم اركض كالمجنون في الإتجاه الآخر ... لأن الجاني أو الخاطف يهمه محفظة نقودك أو شنطة يدك وسيركض ورائها ولن يركض ورائك ... هذا سيحفظ حياتك من القتل.

3 - إذا وضعك الخاطف في صندوق السيارة الخلفي يمكنك أن تسحب الأضواء الجانبية للسيارة وتزيلها ثم تحرك يديك خارج فتحة الأضواء الجانبية ... لن يستطيع الخاطف أن يشاهد يديك ولكن جميع سائقي المركبات الأخرى ستشاهد المنظر وينقذونك، هذه الحركة أنقذت حياة الكثيرين.

4 - بعض النساء يركبن السيارة بعد التسوق ويبدأن بتناول بعض المأكولات أو يقمن بفتح المحفظة وعد النقود بداخلها أو مراجعة بعض فواتير الشراء أو أداء أي عمل ... لا تفعل هذا أبداً ...لأن الخاطف يراقبك من بعيد بدون أن تلاحظه وهذه فرصة رائعة له للدخول إلى السيارة من الباب الجانبي ووضع مسدس على رأسك ويطلب منك أن تذهب إلى مكان ما. بمجرد أن تدخل السيارة اغلق الأبواب واترك المكان فوراً.

5 - إذا شعرت أن أحد ما بداخل السيارة فلا توقف المحرك ... أكرر... لا توقف المحرك ... بل يجب عليك أن تدير المحرك وتقود السيارة بأقصى سرعة وترتطم بأي شيء ... لأن وسائد السلامة ستحميك من الإرتطام ... أما الجاني فلو كان يجلس بالمقعد الخلفي فسوف يتضرر وبهذا يكون لديك الفرصة لتغادر السيارة فوراً وتركض بأقصى سرعة.

6 - قبل أن تركب سيارتك المتوقفة في مواقف السيارات يجب عليك أن تتذكر ما يلي:

أ - انظر حولك، إلق نظرة على أرض السيارة من الداخل وكذلك الكراسي الخلفية، ربما دخلها أحدهم قبلك.

ب - إذا كانت سيارتك متوقفة بالقرب من سيارة كبيرة وزجاجها مخفي وبجانب باب السائق، ادخل سيارتك من الباب الجانبي للسائق وليس من باب السائق، ثم اقفل الأبواب وغادر المكان فوراً، لأن الكثير من المختطفين استطاعوا الحصول على الضحية عن طريق جرها إلى داخل السيارة الكبيرة ذات الزجاج المخفي وذلك خلال محاولة الضحية الدخول إلى السيارة من باب السائق.

جـ - انظر إلى السيارة المتوقفة بجانب سيارتك، إذا رأيت شخص ما يجلس وحيداً بالسيارة المجاورة لسيارتك فإرجع إلى المكان الذي خرجت منه فوراً واطلب أحد حراس الأمن مرافقتك لسيارتك. (من الأفضل أن تكون حريصاً على أن تكون مجني عليه... ومن الأفضل أن تكون خائفاً في نظر الناس على أن تكون الضحية).

7 - دائماً استخدم المصعد بدلاً من الدرج، لأن الدرج مكان مرعب وهو أفضل مكان لأداء الجريمة، هذا صحيح خاصة وقت الليل.

8 - إذا كان الجاني يحمل سلاحاً وانت لست تحت سيطرته فيجب عليك أن تركض بأقصى سرعة ولكن بشكل متعرج (zig-zag)، هنا يكون احتمال أن يصيبك الجاني بطلقة نارية هو 4% فقط ولن تصيبك في أماكن قاتلة بإذن الله.

9 - النساء دائماً يكون لديهم مشاعر التعاطف مع الآخرين، يجب أن نتوقف عن التعاطف في بعض الأحيان لأن هذا يؤدي أحياناً إلى الاغتصاب أو القتل. يوجد قاتل معروف بأمريكا اسمه (تيد بوندي) ارتكب عدة جرائم وكان مظهره جميلاً ومتعلم ومثقف وكان دائماً يلعب على الجانب العاطفي للنساء من ضحاياه حيث كان يمشي على عكاز وكان يطلب المساعدة للدخول إلى سيارته ويسارع لإختطاف الضحية بمجرد أن تستجيب له.

10- الاحتيال بصوت بكاء طفل!

بعض الخاطفين ابتدعوا طريقة جديدة لخطف الضحايا خاصة من النساء:

إحدى صديقاتي اخبرتني أنها سمعت صوت بكاء طفل عند سيارتها في وقت متأخر من الليل وكأن أحدهم ترك طفلاً رضيعاً عند السيارة، وقامت فوراً بإخبار الشرطة قبل أن تفتح الباب. الشرطة أخبرتها أن لا تفتح باب البيت مهما كان السبب، ثم سمعت الصوت يقترب من النافذة وهنا ظنت أن الرضيع بدأ يحبوا ووصل إلى النافذة وربما يقع عن الدرج الذي أمام البيت فبدأت بالقلق على الرضيع. فأخبرها الضابط بأنه أرسل لها دورية للتحقق من الأمر ويجب عليها أن لا تفتح الباب أبداً حتى تصلها دورية الشرطة... وأخبرها الضابط بأنه يعتقد أن هناك قاتل معروف لديهم يستخدم مسجلاً به صوت بكاء طفل وكان يستدرج ضحاياه بهذه الطريقة لفتح الباب.

11 - احتيال الماء!

إذا استقضت في منتصف الليل وسمعت صوت الماء يتدفق من الصنبور الذي بالحديقة أو من أي مكان خارج البيت، فلا تفتح باب البيت أبداً ولا تخرج لتتفحص الأمر، ربما يكون الجاني هو الذي فتح الصنبور ليستدرجك خارج البيت ثم يهاجمك. إبق يقضاً واجلس بأمان في بيتك وحاول أن تستعين بجيرانك!

[اغابي]

شكرا يا مغتربة مصرية الموضوع داه مهم جدا

وربنا يستر لان اى واحدة معرضة لحاجة زى كدا ربنا يسترها علينا

وخاصة انا لان اغلب المشاوير على دماغى وجوزى مسافر دايما واحيانا

الظروف بتضطرنى فعلا اخرج من البيت وقت متاخر اشترى حاجات تكون ضرورية

ربنا يسترها علينا كلنا ويبعد عننا شر الاقدار

[عبير يونس]

اللهم آمين

ربنا يحفظنا و يحفظ أولادنا و أزواجنا

[nightmare]

الف شكر يا أ.مصرية مغتربة على النصائح الغالية دي , اللى خلت شعري يقف وانا بقرأها.

ربنا يديم على البلاد العربية أمنها , لان الحاجات دي اعتقد ولله الحمد انها مش موجودة عندنا بكثرة ولا بالصور القاسية اللى بتوصل للقتل والكلام ده وان وجدت فهي نادرة.

جزاك الله خيراً

مع تحياتي

[علي الشاعر]

المعلومات مهمة جدا

أشكرك على نقلها ... جزاك الله خيرا

استفدت منها انا شخصياً

بس أعتقد أنه مهم خاصة للسيدات

البعد عن أي مكان ممكن يكون فيه أي خطورة

يعني لازم يكون فيه رايحة وجاية بمعنى أصح

لأن سبحان الله ساعات بيبقى الوضع خطير جدا

ربنا يكفينا شرهم

[Howayda Ismail]

يعنى لازم يامصرية تجيبى الموضوع ده دلوقت

كركبتى بطنى زيادة لان الوسواس مسكنى الايام دى وباخاف لما الاولاد بينزلوا لمدارسهم او دروسهم بالليل

انا متعودة ابص على اولادى وهم رايحين المدرسة لاخر الشارع لحد مايختفوا عن عينى

والنهاردة بالصدفة وانا باتابع عبد الرحمن رابعة ابتدائى ومنبهة عليه يمشى على الرصيف عشان طريق مواصلات رئيسى

وباقدر اشوفه لاقرب مكان للمدرسة لما مشى شوية كده لاقيت ولدين كبار تقريبا اعدادى بنفس لبس المدرسة استنوه ومشى

معاهم بس قلت يمكن يعرفهم عشان المدرسة فيها اولاد كتير من حوالينا هو يعرفهم وبلاش وسوسة وقلق وسبتها على ربنا

شوية وايات نزلت بتروح مع صحبتها بس فؤجئت بصحبتها بتتصل عشان تنزلها بس هى كانت نزلت فعلا وافتكرت البنت انها

مستنياها فى مدخل العمارة زى كل مرة وانا افتكرت برضه كده بس لاقيت صحبتها طلعت لوحدها من العمارة قلقت واتصلت

بها بالمحمول مرتين مردتش قلقت اكتر بس قلت يمكن صحبتها اتأخرت عليها مشيت عشان تلحق ميعاد المدرسة وبرضه انا

عارفة انها عاملة المحمول سيلنت عشان ممنوع وجوده فى المدرسة

عمالة اصبر فى نفسى خصوصا باقولهم لازم اول ماتطلعوا من الشقة تقولوا بسم الله توكلت على الله ولا حول ولاقوة الا بالله

ورغم ان منطقتنا والحمد لله امان بس اللى بنسمعه ونقراه يخوف بلد

ابص الاقيك جايبة الموضوع ده بالذات رجعت افكر تانى وشكلى حانزل اسال عليهم وصلوا مدارسهم ولا لأ

[شيدوان]

شكرا على الاهتمام بنشر هذا البريد ، فهى نصائح مفيده جدا للجميع .. للنساء والاطفال وايضا الرجال الذين رغم قوتهم الا انهم

. ضعفاء مثل النساء والاطفال امام خاطف مسلح ولو بقرن غزال

وقد اعجبت جدا بالنصيحه الثالثة التى تقول

3 - إذا وضعك الخاطف في صندوق السيارة الخلفي يمكنك أن تسحب الأضواء الجانبية للسيارة وتزيلها ثم تحرك يديك خارج فتحة الأضواء الجانبية ... لن يستطيع الخاطف أن يشاهد يديك ولكن جميع سائقي المركبات الأخرى ستشاهد المنظر وينقذونك، هذه الحركة أنقذت حياة الكثيرين.

لاننى شاهدت الكثير من الافلام والمسلسلات الاجنبيه التى توضع الضحية فيها داحل صندوق السياره وسواء كانت امراه او رجلا او طفلا،ولم يحدث ابدا اننى رايت احدا يعمل بهذه النصيحه ، حتى اننى اعتقدت انه لا خلاص للضحيه ولن يرى النور مرة اخرى الا اذا فتح له المختطف بنفسه صندوق السياره

تحياتى

[samehmagdy]

بجد معلومات قيمه جدا ومفيده لاى حد لان انا واحد من الناس كان ممكن يبقى ليه تصرف تانى على اساس ان افضل وسيله للدفاع الهجوم

ودى غلط بصراحه وبالذات لو كان الشخص التانى مسلح :hunter:

بس الظاهر ان الحيله هى اسلم الطرق

وزى ما بيقولو الجرى نص الجدعنه :scooter:

[مهندس ابو يوسف]

شكرا اختى الفاضله

فعلا نصائح مهمه لابد من معرفتها وربنا ينجينا جميعا

تحياتي

المهندس ابو يوسف

[لماضة مصرية جدا]

السلام عليكم و رحمة الله و بركاته

يعني انا اغيب عن المصطبة هبابة...ارجع الاقي اختطافات...و حركات و حبشتكانات

الكلام اللي انتي قولتيه يا مصرية يا متشحططة مهم جدا...جدا...جدا

بس اللي بيفرق ان الست ازاي انها نتصيبهاش حالة التتنيح....و التجمد لحظة الهجوم و كده يعني

يعني هو المجرم وش الاجرام....(وش حد مخبوط بشلة فوق عينه اليمين)...بيعتمد علي عنصر المفاجاة في الوقت....يعني اللحظة اللي انتي مش متوقعاها خالص و بالتالي ده بيتطلب من الضحية انها تتصرف بسرعة جدا جدا و تاخد موقف دفاعي...(انا بقول تصوت و تجري في نفس الوقت....)

عارفة السؤال الاهم...ازاي تتجنبي اصلا الاختطاف....(انا شخصيا صعبان عليا اي مجرم ممكن يفكر يخطفني....عملها حد فيا و انا في عمر الخامسة و تقريبا من كتر رغيي قام مرجعني لاهلي و سلم نفسه للبوليس :closedeyes: )

و اواي تتصرفي بسرعة في المواقف اللي هي اصلا محتاجة جزء من الثانية

ليه افتركت نفسي زمان لما اختي اللي اصغر مني مرة نصحتني اشيل مطواة...."السكينة السويسري ديت" و بعدين لاني اخت مطيعة جدا روحت دفعت دم قلبي و اشترتها....و اتحطت في موقف سخيف جدا في الشارع....اضرب ايدي في الشنطة.....اضرب ايدي في الشنطة....الف يمين الف شمال....اني الاقيها......ما علينا....(وش سنية.....كانت معايا...كانت معايا في الشنطة)

انا شخصيا بعتمد علي الجري.....و لو ممكن الوش بقي....قلم كده يفرقع يعني ميضرش....(عملتها مرة واحدة و معرفشي جاتلي الجراة منين)

ربنا يحافظ علينا

احسن احنا غلااااااااابة اوي

حدش يوديني عند امي يا جدعان و يكسب فيا ثواب

مساااااااااكم......أمان باذن الله

[لماضة مصرية جدا]

7 - دائماً استخدم المصعد بدلاً من الدرج، لأن الدرج مكان مرعب وهو أفضل مكان لأداء الجريمة، هذا صحيح خاصة وقت الليل.

8 - إذا كان الجاني يحمل سلاحاً وانت لست تحت سيطرته فيجب عليك أن تركض بأقصى سرعة ولكن بشكل متعرج (zig-zag)، هنا يكون احتمال أن يصيبك الجاني بطلقة نارية هو 4% فقط ولن تصيبك في أماكن قاتلة بإذن الله.

السلام عليكم و رحمة الله و بركاته

عجبتني انا حتة بتاعت اجري زيج زاااااااج

طب مش لما يبقي الواحد فيه حيل اصلا يلم مفاصله اللي سابت

ممكن احكي حاجة علي هامش الاختطاف لو سمحت

المدينة اللي انا فيها هايلة جدا...و امااااااان جدا جدا

امبارح بقي قولت انا اتمشي شوية و خصوصا ان الجو كويس....ده كان من المغرب للعشا

و ماشية و خلاص بقي الرياضة واخدة حقها معايا

الاقي فيه خطوات ورايا.....

قولت يا واااااد تطنش خاااااااالص...اكيد رفيق من رفقاء الكفاح و الرياضة للجميع و كده يعني

و بعدين بقيت اخد حارات....احس بنفس الخطوات.....

و بعدين لقيت الظل بيقرب عليا بزيادة.....

و اسمع كلمات..(و اللي تاعبني انه بيقولها بلغة مش عارفاها...اه يا معاميعي ياااااانا)

اني احس علي دمي....و اصرخ....او اعمل ايه حاجة

معرفشي ليه تنحت

او يمكن مكونتش عايزة احسسه اني خايفة مثلا.....مع اني من جوه بايظ خالص

و هداني تفكيري العبقري اني امد بقي في الخطوة

قووووووووم ايه لاجل البخت....رجلي اليمين تشد عليا

و اخينا ورايا

اني الفح الموبايل و اتصل بالشرطة.....اعمل اي حاجة...ابدا.....(ضحية لوقطة صح)

المهم معرفشي ايه اللي حصل و كان فيه فاصل بين الممر اللي بنمشي فيه و الشارع الرئيسي شوية شجر صغير كده بس دول بيدخلوني علي ناحية تانية خالص

قووووووووم ايه في حركة لوذعية...و لا فشر محاسن الحلو في السيرك القومي....انط علي الشجر....و اغير مساري خالص

و حتي مبصتشي ورايا....بس وقفت اول تاكسي و نطيت فيه...و ع البيت عدل

يمكن متصرفتش صح...بس فعلا احساس الواحد في اللحظة مختلف خااااااالص

بيتجمد....تماما

ابوس القدم

حاولوا بقي متتجمدوش......و حاولوا تفكروا اسرع

نطوا...صرخوا......حتي لو هو طلع حسن لية...قصدي حسن نية...برضه يبقي اديكم سلكتم الاحبال الصوتية

ربنا يعافيكم.....و يحرسكم بعينه التي لا تنام

نسالكم صالح الدعوات

كان معكم

لماضة

سوااااااااااابق

[masraweya]

\

امبارح بقي قولت انا اتمشي شوية و خصوصا ان الجو كويس....ده كان من المغرب للعشا

و ماشية و خلاص بقي الرياضة واخدة حقها معايا

الاقي فيه خطوات ورايا.....

قولت يا واااااد تطنش خاااااااالص...اكيد رفيق من رفقاء الكفاح و الرياضة للجميع و كده يعني

و بعدين بقيت اخد حارات....احس بنفس الخطوات.....

و بعدين لقيت الظل بيقرب عليا بزيادة.....

و اسمع كلمات..(و اللي تاعبني انه بيقولها بلغة مش عارفاها...اه يا معاميعي ياااااانا)

اني احس علي دمي....و اصرخ....او اعمل ايه حاجة

معرفشي ليه تنحت

او يمكن مكونتش عايزة احسسه اني خايفة مثلا.....مع اني من جوه بايظ خالص

و هداني تفكيري العبقري اني امد بقي في الخطوة

قووووووووم ايه لاجل البخت....رجلي اليمين تشد عليا

و اخينا ورايا

اني الفح الموبايل و اتصل بالشرطة.....اعمل اي حاجة...ابدا.....(ضحية لوقطة صح)

المهم معرفشي ايه اللي حصل و كان فيه فاصل بين الممر اللي بنمشي فيه و الشارع الرئيسي شوية شجر صغير كده بس دول بيدخلوني علي ناحية تانية خالص

قووووووووم ايه في حركة لوذعية...و لا فشر محاسن الحلو في السيرك القومي....انط علي الشجر....و اغير مساري خالص

و حتي مبصتشي ورايا....بس وقفت اول تاكسي و نطيت فيه...و ع البيت عدل

يمكن متصرفتش صح...بس فعلا احساس الواحد في اللحظة مختلف خااااااالص

بيتجمد....تماما

قلبتِ عليّ المواجع

أنا من هواة الطرق المختصرة

نازلة من عربية في الموقف و همشي لحد محطة القطر

و برضه المغربية

نفس الموقف .. خطوات تلاحقني .. تتسارع .. تتسارع

قلبي كان هينط برة .. خايفة أجري .. عاملة نفسي مش خايفة

الحتة اللي جاية ضللللمة

بدأ ينادي .. استعبطت .. الحل الوحيد

اني أعدي الناحية التانية من الشارع و ارجع من مطرح ما جيت

منها أبعد عنه و عن الضلمة و فرصة أشوف مين اللي ورايا

أول ما عديت .. ببص ورايا .. لقيت

واحد واقف و في إيده السلسلة بتاعتي و بينادي .. يا آنسة .. يا آنسة

السلسلة بتاعتك وقعت .. اتفضلي

[لماضة مصرية جدا]

واحد واقف و في إيده السلسلة بتاعتي و بينادي .. يا آنسة .. يا آنسة

السلسلة بتاعتك وقعت .. اتفضلي

السلام عليكم و رحمة الله و بركاته

اه يا ااااااااقلبي ياااااااااانا

هو انا ليه كده افتكرت فيلم "ليلة القبض علي بكيزة و زغلول"....

هو المفروض كان ينادي علي حضرتك و يقولك...."انا مش مجنم....(صوت مرجم اخنف)....انا الناجل بتاع السنسنة"

أتصدقي حضرتك.....الخوف فعلا بيخلينا نتصرف يا بحذر شديد...زيادة عن اللزوم....يا بيجمدنا مكاننا...و بنبقي ضاربين اخماس في اسداس

انا بقول مؤقتا

نمتنع عن الرياضة و علي الاسرة الكريمة تحمل زيادة الوزن

هذا و بالله التوفيق

كان معكم

لماضة

مراسل.....الشوارع الخلفية.....(و ايه اللي يمشيكي هناك اصلا....و ده صوت شخيط بسمعه دايما عندي في البيت )

[مغتربة]

نصائح مهمه جدا و انا نفسى استفد منها ميرسى با مصريه

احكيلك على موقف حصل معايا قبل كده

كنت فى اخر سنه فى الجامعه قرب الامتحانات فكنت قاعده الصبح اذاكر و مفيش حد معايا فى البيت لان ماما ساعتها كانت فى الشغل

رن جرس الباب ففتحت عادى لقيت ست عمرها حوالى خمسين سنه و قالتلى ماما موجوده

معرفش ليه جالى احساس ان لا اقولها اه و لا لا سالتها مين حضرتك

قالتلى نديها بس ناديها

شكوكى اتاكدت اكتر كررت لها سؤالى تانى ايوه مين يعن حضرتك

هى فى الوقت دا كانت بقرب من الباب شويه بشويه و انا واقفه مواربه الباب و عماله برضه اقفله حبه حبه

علشان مطولش عليكى هى تقريبا بقت فى الاخر بتزق من بره و انا عماله اقفل فى الباب بكل عزمى لغايه ما قفلته و انا بقفله عملت نفسى بندهه على حد جوه علشان متحسش انى لوحدى

و اول ما قفلت الباب ربنا هدانى و على طول تربست بالترباسين الى فى الباب

و فضلت واقفه ورا الباب اسمع هى بتعمل ايه

حاولت تحط مفتاح فى الباب علشان تفتح لكن بشويش لكنها يمكن خافت تقاوح اكتر من كدا لحسن ازعق او اكون لحقت اتصلت بحد فمشيت بسرعه مطولتش

يالله ربنا ستر

لكن الغريبه بقى ان ماما لما جت مجبتلهاش سيره ابدا بالى حصل

اصل ساعتها كنت الى بفكلار فيه انى لو قولتلها هتخنوقنى بقى بحرصا و مش بعيد تقعد معايا و تاخد اجازة و انا بصراحه كنت مستمتعه بقعود لوحدى الصبح و مكنتش عايزه فى الموضوع دا عكننه او مشاركه ;) ;) :P

[اغابي]

واحد واقف و في إيده السلسلة بتاعتي و بينادي .. يا آنسة .. يا آنسة

السلسلة بتاعتك وقعت .. اتفضلي

السلام عليكم و رحمة الله و بركاته

اه يا ااااااااقلبي ياااااااااانا

هو انا ليه كده افتكرت فيلم "ليلة القبض علي بكيزة و زغلول"....

هو المفروض كان ينادي علي حضرتك و يقولك...."انا مش مجنم....(صوت مرجم اخنف)....انا الناجل بتاع السنسنة"

أتصدقي حضرتك.....الخوف فعلا بيخلينا نتصرف يا بحذر شديد...زيادة عن اللزوم....يا بيجمدنا مكاننا...و بنبقي ضاربين اخماس في اسداس

انا بقول مؤقتا

ت )

اهو انا بقى من النوع داه يا لماضة

لما بخاااف باتجمد مكانى ومش بس كداه وحركتى بتتشل كمان

وعقلى عن التفكير بيتشل بحس انى مش عارفة افكر

انا صحيح عودت نفسي انى ما اخافش لانى بقيت اتحط فى مواقف كتير ياما - لكن لما اخاف

خلاص انسي انى اعمل اى حاجة غير انى اتنح

افضل مبرقة عنيه وساكته خالص ولا بأعرف اعمل حاجة

والنوع داه هو اصعب نوع - نوعية الناس اللى تتجمد مكانها من الخوف

دول مشكلة كبيرة الله يسترها علينا يارب

وبعدين الباركن اللى بحط فيه عربيتي ضلمة جدا - حرام عليكم الرعب داه

:cry1:

تم تعديل 9 نوفمبر 2010 بواسطة اغابي

[عبير يونس]

يا جماعة انا مش قصدي اخوفكم و لا أسبب لكم رعب والله

دي نصائح بانقلها مع دعائي و رجائي من المولى عز وجل اننا ما نحتاجهاش أبدا

يارب ما تحوجنا للنصائح دي ابدا يارب

و نعيش عمرنا في تبات و نبات

و تخلفوا انتوا بقى صبيان و بنات

انا الحمد لله خلصت :closedeyes: