امراه تتزوج نفسها - هو داه جنون ولا عقل ؟؟؟

[اغابي]

هى مجنونة انها اتجوزت نفسها ولا عاقلة ؟؟

هل المطلوب اننا نحب نفسنا ونقبلها قبل ما نفكر بقبول الاخر

؟؟

امرأة تتزوج نفسها

أعلنت امرأة تايوانية أمس أنها «تزوجت» نفسها من خلال إقامة مأدبة زفاف.

وكانت شين وي يي (30 عاما) قد أثارت ضجة كبيرة على شبكة الانترنت

منذ إعلانها عن خطط «زفافها» الشهر الماضي. ومساء السبت أقامت الاحتفال بفندق

في تايبي بحضور ثلاثين من أقربائها وأصدقائها.

وقالت شين «زواجي من نفسي هو طريقتي في إظهار أنني واثقة من نفسي وسعيدة وأنني اتقبل نفسي»، مضيفة «علينا أن نحب أنفسنا قبل أن نحب الآخرين. علي أن اتزوج نفسي قبل أن اتزوج ذلك الشخص المميز».

وقد رحب مؤيدو شين بالفكرة باعتبارها «مبتكرة» واقترح البعض اقامة زفاف جماعي للذين

يريدون «الزواج» من أنفسهم، حسبما جاء على صفحتها على موقع فيسبوك.

وكانت السلطات التايوانية صرحت ان الكثير من النساء يخترن الزواج في سن متأخرة أو البقاء عازبات، ما أدى الى تراجع معدلات الولادة على الجزيرة بحيث أصبحت من بين ادنى المعدلات في العالم.

أ ف ب

والدة شين وي يي تلبسها خاتم الزواج

تم تعديل 8 نوفمبر 2010 بواسطة اغابي

[Simba]

اللي يعيش ياما يشوف ويسمع

[علي الشاعر]

السلام عليكم يا كل المحاوراتية

الخبر غريب والأغرب انهم بيلاقوا اللي يقتنع بأفكارهم ويؤيدهم كمان

والناس بتطلع تقاليع

وكل تقليعة انقح من اللي قبلها

فكرتني بمسرحية العيال كبرت

لما سعيد صالح قال لأبوه

أنه راح المدرسة وفتحها ورن الجرس

وقعد في الفصل وشرح لنفسه وما فهمش حاجة

وفي الآخر فصل نفسه أسبوع

دي بقى اتجوزت نفسها

طبعا مش هأتكلم ع الأولاد لأنها مش فارقة معاهم

ولما تزهق هتتخانق مع نفسها؟

وتهزء نفسها؟ ولا تهدي الجو وتعتذر لنفسها؟

ولو العيشة مستحيلة

هاتتطلق من نفسها؟

وبعدين....

هايبقى ليها وش ازاي تتجوز حد تاني وهي مااتحملتش نفسها؟

فعلا اللي يعيش يا ما يشوف

[اغابي]

السلام عليكم يا كل المحاوراتية

الخبر غريب والأغرب انهم بيلاقوا اللي يقتنع بأفكارهم ويؤيدهم كمان

والناس بتطلع تقاليع

وكل تقليعة انقح من اللي قبلها

فكرتني بمسرحية العيال كبرت

لما سعيد صالح قال لأبوه

أنه راح المدرسة وفتحها ورن الجرس

وقعد في الفصل وشرح لنفسه وما فهمش حاجة

وفي الآخر فصل نفسه أسبوع

دي بقى اتجوزت نفسها

طبعا مش هأتكلم ع الأولاد لأنها مش فارقة معاهم

ولما تزهق هتتخانق مع نفسها؟

وتهزء نفسها؟ ولا تهدي الجو وتعتذر لنفسها؟

ولو العيشة مستحيلة

هاتتطلق من نفسها؟

وبعدين....

هايبقى ليها وش ازاي تتجوز حد تاني وهي مااتحملتش نفسها؟

فعلا اللي يعيش يا ما يشوف

رايك جدير بالاحترام يا استاذ على وشكرا لمشاركتك

هى يمكن استخدمت الاسلوب الغلط اللى عاوزة تعبر بيه عن فكرة معينة

بس الفكرة نفسها كان ممكن تناقش برضوه على الفيس بوك بشكل افضل من الدوشة اللى هى عملتها

مفيش مشكلة ان كل واحد فينا يتقبل نفسه اولا ويحب نفسه لان من النقطة دي حيبدأ فهم كل الناس اللى حواليه

شكرا جزيلا

اغابي

[اغابي]

اللي يعيش ياما يشوف ويسمع

طيب هى كفكرة يا سمبا غريبة انا معاك فعلا

برغم انها بتقصد انها تتقبل نفسها الاول وتحب نفسها اخدت بالك

؟؟

[Howayda Ismail]

ده اسمه عبط على هبل

يعنى تفسير كلمة زوج او جوز او زواج او جواز معناها اتنين مش واحد

اعتقد انا الناس دى غاوية شهرة خصوصا بنشر الحاجات على شبكة النت

طيب ماكنت اتنيلت اتجوزت نفسها من سكات من غير هيسة وظيطة وزمبليطة على راى مارى منيب

[moory]

دي اكييد بتشجع فكرة التكاثر الذاتي،،

لو علا كانت تعرف الموضوع ده، كانت عملتو فى عايزة أتجوز

الناس خلاص، تعبببت ومش عارفة تعمل اييه

[اغابي]

ده اسمه عبط على هبل

يعنى تفسير كلمة زوج او جوز او زواج او جواز معناها اتنين مش واحد

اعتقد انا الناس دى غاوية شهرة خصوصا بنشر الحاجات على شبكة النت

طيب ماكنت اتنيلت اتجوزت نفسها من سكات من غير هيسة وظيطة وزمبليطة على راى مارى منيب

فكرة انها عاوزة تفهم الناس ان الانسان بيتقبل ويحب ذاته الاول اوك - ما اختلفناش عليها

ولو نيتها سليمة مش عاوزة شوشرة بلدى - كانت نزلت حملة على الفيس بوك مثلا او عملت موضوع الكل يساهم فى التصويت ليه

لكن الفكرة دى هبلة اوى ومجنونة بدرجة 100 فى المية

[شريف مان]

دا لا هبل و لا حاجة

هى عايزة تتشهر .. وقد كان

[جسار]

ايه رايكم انها فكرة حلوة جدا ، وياسلام لو تتنقل عندنا

وتفك أزمة تسعة مليون عازبيته ولا انتظار لعريس الغفلة

اللى عمره ما حييجى ...جرام الذهب عدى 230 جنيه !!!

[تامر مصطفى]

المصيبة بقى لو الرجالة فكروا يتجوزوا نفسهم

هتبقى مشكلة كبيرة

lo:: clp:: hpc:!:

[اغابي]

على فكرة لان الموضوع عاوزة استشارات نفسية

انا حطيته فى موضوع استشارات نفسية وطبية

انتم مش ملاحظين كدا

[م تيمور المراغي]

طيب هيا وعابيته ,,

ماماتها الهبله فرحانه وابتسامتها من الودن الليمين للودن الشمال ليه ؟ :happy:

[الســـاري]

صدقيني يا اغابي .. ليس بالموضوع مشكلة نفسية بقدر ماهو حب للشهرة ..

لا اعتقد انها تريد ايصال فكرة معينة .. كل ما تريده هو ان يتحدث عنها القاصي والداني .. وقد تحقق لها ذلك كما هو واضح

بالمناسبة هي ليست اول من يعمل هذا العبط

اتذكر قبل عدة سنوات قيام فتاة هولندية بفعل نفس الشيء

وسانقل لكم نص الموضوع :

فتاة هولندية عمرها 19 عاماً اسمها " جينفر هويس " تزوجت نفسها لكي تري الناس مدى عشقها للنواحي

المختلفة من شخصيتها..

أقامت مراسم زفاف كاملة بما فيها فستان الزفاف وشهادة الزواج من نفسها التي تعشقها،

وقالت : ( لقد اردت إشراك الآخرين في فرحتي بالزواج من نفسي والانفراد بها إلى الأبد حتى لايطمع

طامع في منافستي على نفسي التي أغار عليها حتى من نفسي)!!

وتقول إنها تعتبر هذا الزفاف مكافأة للسنوات التي قضتها في صراع بين الجوانب العاطفية والاجتماعية

والعملية من شخصيتها وتقول أيضاً لقد استطعت مؤخراً توحيد النواحي المتأخرة من شخصيتي بعد أن

اكتشفت أن الزواج من نفسي هو أفضل وأنسب وسيلة منطقية للمحافظة على تماسك تلك الأجزاء

المتصارعة !!

وقد وافق حاكم المدينة على تمثيل دور المأذون رغم أن هذا الزواج لم يتم تسجيله رسمياً في السجلات

الحكومية.

وقالت أنها لاتعتزم الزواج من غير نفسها في مقبل أيامها.

أضافت(لن أطلق نفسي مهما حدث منها، ولا أريد من أحد التدخل بيني وبين نفسي لفض النزاعات

العائلية، فقد آليت على نفسي أن أكون مطيعة لها وأن أعمل على إرضائها بكل السبل والأحوال

!!!!!!!

[Simba]

طيب هى كفكرة يا سمبا غريبة انا معاك فعلا

برغم انها بتقصد انها تتقبل نفسها الاول وتحب نفسها اخدت بالك

؟؟

طبعا واخد بالي من مضمون الفكرة وعلي فكرة انا قريت الخبر من كام يوم

انتم بتيجوا لكم جرايدة بايتة في الشغل ولا ايه :P

لكن يا اغابي طريقة عرض الفكرة وتنفيذها ده الجنون بعينه وانت ست العارفين بقدسية الزواج فما ينفعش اني اخد المسمي ده واكيفه علي هوايا بطريقة شاذة

[لماضة مصرية جدا]

صباح الزغاريط

لا مش فاهمة انا بقي الجملة دي "يعني ايه تتجوز نفسها؟"

يعني اجيب الماذون حسب النبي و يخش عليا لابس الجبة و القفطان و يقولي يا بت يا لمضمض هل قبلتي الزواج من البت لمضمض برضه

قووووووم ايه....ابقي قاعدة علي الكورسي اليمين....انط اقعد ع الكوسي الشمال

و ااقوله...."ايون يا ريس قبلت"

زغرطي يا امي....و بعدين غطيني و صوتي عليا

مع اني بحب استقلالية البنت جدا يكون ليها افكارها و طموحاتها و شغلها و انها متوقفشي حياتها علي سبع الرجال يعني

بس مش للدرجة دي

برضه الاستاذ سبع وجوده مهم جدا في حياة الست

يعني مهم جدا يكون فيه راجل عشان يغير انبوبة البوتجاز او السخان (ده ع اعتبار لسه مركبناش الغاز الطبيعي)...لو هي خلصت في نص الليل

مهم جدا وجود الراجل عشان لما حوض المطبخ يضرب...لان البيه بيكب تفل الشاي في الحوض و لساني انبري و انا ااقول كده غلط....لازم يتصرف بدل ما ندخل سباك يفتي في الليلة

مهم جدا وجود الراجل....عشان نلاقي حد نقرطف شنباته لو احنا مضايقين مثلا او مخنوقين...و لو كان من غير ذوي الشنبات يبقي عليكي بشعر ايده

مهم جدا وجود الراجل عشان لما العربية تبوظ مني يبقي هو زي الشطور كده يروح التوكيل من غير برطمة (سمعااااااااك).....و يصلح ما افسدته سواقة الستات

و دي كانت الحلقة الاخيرة من برنامج

"يا سبع الرجالة.....حياتنا من غيرك استحالة"

هذا و بالله التوفيق

كان معكم

لماضة

مراسل وزارة الاسرة و السكان- مؤسسة التوعية النسوية بفاقوس الجبل

صباحكم رضا

[خالد شحاته]

صباح الزغاريط

لا مش فاهمة انا بقي الجملة دي "يعني ايه تتجوز نفسها؟"

يعني اجيب الماذون حسب النبي و يخش عليا لابس الجبة و القفطان و يقولي يا بت يا لمضمض هل قبلتي الزواج من البت لمضمض برضه

قووووووم ايه....ابقي قاعدة علي الكورسي اليمين....انط اقعد ع الكوسي الشمال

و ااقوله...."ايون يا ريس قبلت"

زغرطي يا امي....و بعدين غطيني و صوتي عليا

مع اني بحب استقلالية البنت جدا يكون ليها افكارها و طموحاتها و شغلها و انها متوقفشي حياتها علي سبع الرجال يعني

بس مش للدرجة دي

برضه الاستاذ سبع وجوده مهم جدا في حياة الست

يعني مهم جدا يكون فيه راجل عشان يغير انبوبة البوتجاز او السخان (ده ع اعتبار لسه مركبناش الغاز الطبيعي)...لو هي خلصت في نص الليل

مهم جدا وجود الراجل عشان لما حوض المطبخ يضرب...لان البيه بيكب تفل الشاي في الحوض و لساني انبري و انا ااقول كده غلط....لازم يتصرف بدل ما ندخل سباك يفتي في الليلة

مهم جدا وجود الراجل....عشان نلاقي حد نقرطف شنباته لو احنا مضايقين مثلا او مخنوقين...و لو كان من غير ذوي الشنبات يبقي عليكي بشعر ايده

مهم جدا وجود الراجل عشان لما العربية تبوظ مني يبقي هو زي الشطور كده يروح التوكيل من غير برطمة (سمعااااااااك).....و يصلح ما افسدته سواقة الستات

و دي كانت الحلقة الاخيرة من برنامج

"يا سبع الرجالة.....حياتنا من غيرك استحالة"

هذا و بالله التوفيق

كان معكم

لماضة

مراسل وزارة الاسرة و السكان- مؤسسة التوعية النسوية بفاقوس الجبل

صباحكم رضا

يعني الراجل يا لماضه علشان الاشياء دي بس انبوبه وسياره وحوض ومعرفش ايه والله الراجل مظلوم معكم وطلما البنت جوزت نفسها بكدا البنات مش عايز رجاله خلاص كفاتيه عليها حفله وبعد ما تخلص الحفله تروح بيتها تصوت لانها اول مادخلت مكنتش عمله حسابها ان الانبوبه جديده ومش متركبه وكمان المعازيم من كتر الغسيل سكرو الحض ياحرام هتعمل كل ده وهي عروسه وبفستان الفرح

تم تعديل 9 نوفمبر 2010 بواسطة خالد شحاته

[لماضة مصرية جدا]

صباح الزغاريط

لا مش فاهمة انا بقي الجملة دي "يعني ايه تتجوز نفسها؟"

يعني اجيب الماذون حسب النبي و يخش عليا لابس الجبة و القفطان و يقولي يا بت يا لمضمض هل قبلتي الزواج من البت لمضمض برضه

قووووووم ايه....ابقي قاعدة علي الكورسي اليمين....انط اقعد ع الكوسي الشمال

و ااقوله...."ايون يا ريس قبلت"

زغرطي يا امي....و بعدين غطيني و صوتي عليا

مع اني بحب استقلالية البنت جدا يكون ليها افكارها و طموحاتها و شغلها و انها متوقفشي حياتها علي سبع الرجال يعني

بس مش للدرجة دي

برضه الاستاذ سبع وجوده مهم جدا في حياة الست

يعني مهم جدا يكون فيه راجل عشان يغير انبوبة البوتجاز او السخان (ده ع اعتبار لسه مركبناش الغاز الطبيعي)...لو هي خلصت في نص الليل

مهم جدا وجود الراجل عشان لما حوض المطبخ يضرب...لان البيه بيكب تفل الشاي في الحوض و لساني انبري و انا ااقول كده غلط....لازم يتصرف بدل ما ندخل سباك يفتي في الليلة

مهم جدا وجود الراجل....عشان نلاقي حد نقرطف شنباته لو احنا مضايقين مثلا او مخنوقين...و لو كان من غير ذوي الشنبات يبقي عليكي بشعر ايده

مهم جدا وجود الراجل عشان لما العربية تبوظ مني يبقي هو زي الشطور كده يروح التوكيل من غير برطمة (سمعااااااااك).....و يصلح ما افسدته سواقة الستات

و دي كانت الحلقة الاخيرة من برنامج

"يا سبع الرجالة.....حياتنا من غيرك استحالة"

هذا و بالله التوفيق

كان معكم

لماضة

مراسل وزارة الاسرة و السكان- مؤسسة التوعية النسوية بفاقوس الجبل

صباحكم رضا

يعني الراجل يا لماضه علشان الاشياء دي بس انبوبه وسياره وحوض ومعرفش ايه والله الراجل مظلوم معكم وطلما البنت جوزت نفسها بكدا البنات مش عايز رجاله خلاص كفاتيه عليها حفله وبعد ما تخلص الحفله تروح بيتها تصوت لانها اول مادخلت مكنتش عمله حسابها ان الانبوبه جديده ومش متركبه وكمان المعازيم من كتر الغسيل سكرو الحض ياحرام هتعمل كل ده وهي عروسه وبفستان الفرح

السلام عليكم و رحمة الله و بركاته

اه يااااااااااني

يعني نقول ان حياتنا من غير سبع الرجالة...استحااااااااالة

تقولي لا

يعني المفروض نجول ايه بجي (وش حد فكيك من الصعيد موووووت)

ما هو يا استاذي الفاضل ممكن نقول انه نص التفاحة اللي بتكمل بيها الجنة علي الارض

و ممكن نقول انه الايد اللي بتطبط علي البني آدماية لما بتتعب من الدنيا

و ممكن نقول انه الضهر اللي بيشيل عني كل غبار الحياة و كل قسوتها

و ممكن نقول حاجات كتير

بس الحقيقة مش هنقول

مش عشان ميتنفخشي و يفرقع و الكلام ده

بس عشان فيه حاجات متتقالشي......

فيه حاجات تتاخد كده من غير

لا اسئلة

و لا اجوبة

و لا تفكير

صح و لا لديك اقوال اخري

امضي بقي ع المحضر و انت طالع

صبااااااااحك.....انساني جدا.....عشان ربنا قال كده "و خلقنا لكم من انفسكم ازواجا"

يعني النفس و الروح و حالة شبه الاكتمال...هو و انا......في محطة الدنيا...و باذن الله في الاخرة