الأكاديمية العربية للعلوم والتكنولوجيا والنقل البحرى

[msrawya]

ممكن حد يقولى اذا كان معترف بيها من المجلس الأعلى للجامعات ولا لأ

واذا كان معترف بيها هل كل التخصصات معترف بيها ؟

انا اتصلت بالمجلس الأعلى للجامعات وسالتهم فعلا بس قالى انها زيها زى اى جامعة خاصة بحتاج بعدها اعمل معادلة

وانا حسيت انى مش فاهمة حاجة

وكمان كلام النت مختلف فى ناس تقولك معترف بيها وناس تقولك الاعتراف اتلغى وانا محتارة

[nightmare]

اللى أعرفه انها أكاديمية عريقة , ولها ثقلها وكل الجامعات الخاصة يتم معادلة شهاداتها مفيهاش مشكلة دي.

طب حضرتك جربتى تتصلي بيهم , ممكن تجربي وتشوفي هيقولولك ايه.

موقع الأكاديمية

طرق الإتصال بهم

بالتوفيق ومع تحياتي

[الغريب]

الأكاديمية البحرية تعتبر هي الأولى في الجامعات الخاصة ولها دعم الجامعة العربية

توازي الجامعة الامريكية وربما تسبقها

[alex fox]

نقلا عن احد المعيدين بالأكاديمية:

"معظم تخصصات الدرسات العليا فى الأكاديمية بتحتاج معادلة سواء ماجستير أو دكتوراه"

اعتقد ان اللى مش بيحتاج معادلة هى الدرسات العليا فى الهندسة البحرية بس...

لو عايزة تتأكدى روحى اسألى فى المجلس الأعلى للجامعات بنفسك...مش تتصلى...لأ روحى بنفسك او ابعتى حد يسألك...

بس اسألى مسؤول كبير هناك لأن معظم الموظفين مايعرفوش أى حاجة عن اى حاجة...

ولما تيجى تسألى اسألى عن التخصص اللى انتى ناوية تدرسيه لأن زى ما قلتلك مش كل التخصصات محتاجة معادلة...

تم تعديل 9 نوفمبر 2010 بواسطة alex fox

[لماضة مصرية جدا]

اللى أعرفه انها أكاديمية عريقة , ولها ثقلها وكل الجامعات الخاصة يتم معادلة شهاداتها مفيهاش مشكلة دي.

طب حضرتك جربتى تتصلي بيهم , ممكن تجربي وتشوفي هيقولولك ايه.

موقع الأكاديمية

طرق الإتصال بهم

بالتوفيق ومع تحياتي

السلام عليكم و رحمة الله و بركاته

هو بس تعديل صغير

هو اختنا الفاضلة المفروض تسال وزارة التعليم العالي في مصر او بيسموه المجلس الاعلي للجامعات عن الاعتماد للاكاديمية و نوع البرامج المعتمدة

المشكلة في الجامعات الخاصة ان مش كل البرامج اللي فيها بتبقي معتمدة

و الاهم انها تعرف اعتماد البرنامج من سنة كام لسنة كام....لانه ممكن بيتلغي او بيتغير

الافضل انها تسال بعيد عن الاكاديمية نفسها....لان الخدمات اللي موجودة بالاكاديمية هيبقي ليها طابع تسويقي اكتر

بالتوفيق استاذتنا

[msrawya]

شكرا للناس اللى ردت علية

وانا فعلا اتصلت بالمجلس الأعلى للجامعات

بس اللى رد علية شخص غير مهتم يقولى اة بتيجى تعملى معادلة

ويقولى مفيش حاجة اسمها معتمدة

وكل الجماعات الخاصة بتعملى بعدها معادلة

ولما قولتلة انا سمعت انها كان معترف والاعتراف اتلغى يقولى استنى اتاكد من حد

وانا سمعتة على التليفون وهو بيسأل زمايلة وكلهم طبعا مش فاضيين للشغل وسمعتة بيقولهم كلكم حاطين هيد فونز فى ودانكوا

وبعدين رجع يقولى بس انا متاكد انها معتمدة

للأسف دة الشعب المصرى

يعنى لما انا مش عارفة اوصل للمعلومة من مصدرها هوصلها منين

[shiko]

...بصى انا مسجلة فى الاكاديمية

وزيك برضه محتارة ...

لان الاكاديمية قدمتلى قرار اعتمادها من سنة 2006 سارى لمدة 3 سنوات ...

طب يا جماعة احنا دلوقتى فى 2010

طبعا بعت اسأل فى التعليم العالى ...وبالاخص فى المجلس الاعلى للجامعات الخاصة

وكان الرد ان الترخيص بتاع معادلة الدراسات العليا ده 3 سنوات والاكاديمية فى الوقت الحالى ..بتجدد المعادلة بتاعتها وفهمت يعنى ايه معادلة

وموش هاتحتاجى تروحى تعملى انتى معادلة الا لو حضرتك الترخيص انتهى ولسة ماتجددش ...

ده تقريبا الللى فهمتوه

وانا اول ما اعرف حاجة ..هاقولك

==============================

على جنب بقى علشان انتى كدة كدة هاتدفعى فلوس ...شوفى الجامعة الالمانية اتهيألى انها بنفس السعر والخدمة احسن

تم تعديل 10 نوفمبر 2010 بواسطة shiko

[لماضة مصرية جدا]

...بصى انا مسجلة فى الاكاديمية

وزيك برضه محتارة ...

لان الاكاديمية قدمتلى قرار اعتمادها من سنة 2006 سارى لمدة 3 سنوات ...

طب يا جماعة احنا دلوقتى فى 2010 ماحدش بيرد ....

طبعا بعت اسأل فى التعليم العالى ولسة ماجاليش رد ...وبالاخص فى المجلس الاعلى للجامعات الخاصة

موضوع المعادلة ده جديد اول مرة اسمع معادلة ...انا عارفة انه علشان تكملى دكتوراة بتدرسى سنة للرسالة ...ماحدش جاب سيرة معادلة ...!!

بس هو المنطقى انها تاخد تصريح لمدة 3 سنوات ..وبعدة كده تقف ؟؟لا طبعا...

وانا اول ما اعرف حاجة ..هاقولك

==============================

على جنب بقى علشان انتى كدة كدة هاتدفعى فلوس ...شوفى الجامعة الالمانية احسن

السلام عليكم و رحمة الله و بركاته

طب بصوا يا جماعة الخير

موضوع الاعتماد بتاع البرامج التعليمية بيكون في البداية بعدد سنين حوالي 3 و دي بتكون فترة تجريبية للبرنامج و بعد كده لو حقق المعايير المحطوطة بياخد اعتماد تاني لمد 5 سنين

الحقيقة دي معلوماتي اللي ماشيين بيها هنا في الامارات معرفشي مصر هل بيسري عليها نفس النظام و لا لا

بس المهم حضراتكم تسالوا عن اعتماد البرنامج و تاخدوا اي صورة من وثيقة رسمية بذلك و ده برضه هيكون في المجلس الاعلي للجامعات...(اختنا مصراوية....مش هينفع الموضوع ده يتم بالتليفون خالص لان غالبا حضرتك كنتي بتكلمي عامل السويتش)

بالنسبة لموضوع المعادلة....اللي افهمه برضه في حدود معلوماتي ان المعادلة قد تكون يا بتاخدي كورسات زيادة عشان توازي نفس الدرجة العلمية في الجامعة الحكومية....يا حضرتك بتدفعي لوكشة فلوس علي شوية اختام و شوية طوابع بتجبيهم من المجلس الاعلي للجامعات...(و في حالتي كانت السفارات ووزارات الخارجية)

صباحك سكر زيادة

بس انتوا ابتديتوا خطوة كويسة معلشي في البداية هتبقي متعبة بس ربنا هيوفقكم

ع جنب بقي

ايه اللي مقعدكم ع النت.....قوووووووووومووووووا ذااااااكروا (كان نفسي اقولها لحد بدل ما هي عمالة تتقالي)

[msrawya]

...بصى انا مسجلة فى الاكاديمية

وزيك برضه محتارة ...

لان الاكاديمية قدمتلى قرار اعتمادها من سنة 2006 سارى لمدة 3 سنوات ...

طب يا جماعة احنا دلوقتى فى 2010

طبعا بعت اسأل فى التعليم العالى ...وبالاخص فى المجلس الاعلى للجامعات الخاصة

وكان الرد ان الترخيص بتاع معادلة الدراسات العليا ده 3 سنوات والاكاديمية فى الوقت الحالى ..بتجدد المعادلة بتاعتها وفهمت يعنى ايه معادلة

وموش هاتحتاجى تروحى تعملى انتى معادلة الا لو حضرتك الترخيص انتهى ولسة ماتجددش ...

ده تقريبا الللى فهمتوه

وانا اول ما اعرف حاجة ..هاقولك

==============================

على جنب بقى علشان انتى كدة كدة هاتدفعى فلوس ...شوفى الجامعة الالمانية اتهيألى انها بنفس السعر والخدمة احسن

هو حضرتك مسجلة فى برنامج اية لأن مش كل البرامج بتبقى معتمدة

وبالنسبة للجامعة الألمانية انا مفكرتش فيها قبل كدا بس انا قلبت فى السايت بتاعهم لقيت انها بتقدم بكالوريوس بس و

MBA

[shiko]

...بصى انا مسجلة فى الاكاديمية

وزيك برضه محتارة ...

لان الاكاديمية قدمتلى قرار اعتمادها من سنة 2006 سارى لمدة 3 سنوات ...

طب يا جماعة احنا دلوقتى فى 2010

طبعا بعت اسأل فى التعليم العالى ...وبالاخص فى المجلس الاعلى للجامعات الخاصة

وكان الرد ان الترخيص بتاع معادلة الدراسات العليا ده 3 سنوات والاكاديمية فى الوقت الحالى ..بتجدد المعادلة بتاعتها وفهمت يعنى ايه معادلة

وموش هاتحتاجى تروحى تعملى انتى معادلة الا لو حضرتك الترخيص انتهى ولسة ماتجددش ...

ده تقريبا الللى فهمتوه

وانا اول ما اعرف حاجة ..هاقولك

==============================

على جنب بقى علشان انتى كدة كدة هاتدفعى فلوس ...شوفى الجامعة الالمانية اتهيألى انها بنفس السعر والخدمة احسن

هو حضرتك مسجلة فى برنامج اية لأن مش كل البرامج بتبقى معتمدة

وبالنسبة للجامعة الألمانية انا مفكرتش فيها قبل كدا بس انا قلبت فى السايت بتاعهم لقيت انها بتقدم بكالوريوس بس و

MBA

MBA ...تخصص تسويق

[abdulmuttaleb]

أنا خريج الأكاديمية هندسة اتصالات والكترونيات سنة 2006م وماجستير إدارة أعمال 2009م والاثنان معترف بهما

وبعدين حسب تصوري مفيش حاجة اسمها معادلة، المعادلة دي تعملها الجهة التعليمية مش حضرتك، لكن لعلك تقصدين ختم من وزارة التعليم العالي على شهادة الجهة، وهذا طلب لشهادة ماجستير لأحد زملاءي منذ عام لأنه أحب التقديم للدكتوراه في جامعة حكومية والجامعة دي طلبت منه ده. نرجع للمعادلة ودي قرار بيتم تجديده دوريا فقط.

الأكاديمية العربية والجامعة الأمريكية رغم أنهما الوحيدتان المستقلتان عن النظام التعليمي المصري الرسمي (الأكاديمية ومنشآتها تعامل معاملة السفارات باعتبارها منظمة تعليمية تابعة لجامعة الدول العربية ورئيسها بدرجة أمين عام مساعد للسيد عمرو موسى بصفته)

وبالمناسبة شهاداتنا لا تحتاج ختم من وزارة التعليم العالي في العديد من الجهات الحكومية، وأنا شخصيا في التجنيد سنة 2006م اترشحت ضابط ولم نقدم إلا شهادة تخرج الأكاديمية (وكذلك الأمر في وزارة الخارجية لإصدار جوازات السفر) رغم أن الكليات الخاصة الأخرى كان لازم يروح بالشهادة بتاعته لوزارة التعليم العالي يعمل معادلة للبكالوريوس. وقد يكون ذلك بسبب مركزية إصدار الشهادات لدى الأكاديمية ووجود نظام تأمين خاص وعلامات مائية للشهادات بالإضافة ربما للعلاقات العامة:)

لو حضرتك بتسألي عشان الشغل فمفيش شركة منذ 2006م شفناها بيسأل عن المعادلة دي ولا عمرنا احتفظنا بنسخة من قرار المعادلة ده، كنا بس نشوفه ساعات في لوحات إعلانية داخل الكلية لما بيتجدد القرار من وزارة التعليم العالي.

الشركات دلوقتي بتدور مثلا على خبرة في حاجة معينة وشخصية وخلاص ومعرفة أكاديمية مبدئية، وأصبح اسم الجامعة ليس فيصلا كبيرا في الحكم

أحد أساتذتنا الجامعيين الأفاضل اسمه ضمن أوائل هندسة الإسكندرية الآن تفرغ للأكاديمية وأصبح مساعدا لعميد كلية الهندسة بالأكاديمية في أبوقير، فأنا عايز أقول لحضرتك موضة الاعتماد دي خلاص مبقاش حد يهتم بيها حقيقي خصوصا لما تكون جهة أساتذتها محترمين ولديها إمكانات تعليمية ممتازة ومجتمع رائع.

بالنسبة لتعقيب أ.لماضة مصرية بخصوص الطابع التسويقي (المحتمل) عند سؤال الأكاديمية، في الحقيقة لا أتصور أنهم مهتمون بهذا التسويق فالأكاديمية تكتفي مع كل فصل دراسي بإعلان عادي في الأهرام عمودين عن بدء التسجيل دون أي حديث عن مزايا أو خلافه. حاليا يتم التشديد في صعوبة امتحانات القبول من كثرة الإقبال على الأكاديمية عشان حريصين على اختيار نخبة الطلاب.

مش عارف حاسس إني ممكن أشتغل متحدث رسمي في يوم الأيام:)

(بالمناسبة أنا شغال في شركة تسويق رقمي وتقنيات ويب وتطبيقات موبايل، ولم أزر أساتذتي أو زملاءي المعيدين هنالك منذ عدة أشهر) يعني لا علاقة رسمية لي بالأكاديمية

موضوع نشرته قبيل تخرجي عن الأكاديمية العربية:

http://www.egyptiantalks.org/invb/index.php?showtopic=22383

تم تعديل 12 نوفمبر 2010 بواسطة abdulmuttaleb

[msrawya]

أنا خريج الأكاديمية هندسة اتصالات والكترونيات سنة 2006م وماجستير إدارة أعمال 2009م والاثنان معترف بهما

وبعدين حسب تصوري مفيش حاجة اسمها معادلة، المعادلة دي تعملها الجهة التعليمية مش حضرتك، لكن لعلك تقصدين ختم من وزارة التعليم العالي على شهادة الجهة، وهذا طلب لشهادة ماجستير لأحد زملاءي منذ عام لأنه أحب التقديم للدكتوراه في جامعة حكومية والجامعة دي طلبت منه ده. نرجع للمعادلة ودي قرار بيتم تجديده دوريا فقط.

الأكاديمية العربية والجامعة الأمريكية رغم أنهما الوحيدتان المستقلتان عن النظام التعليمي المصري الرسمي (الأكاديمية ومنشآتها تعامل معاملة السفارات باعتبارها منظمة تعليمية تابعة لجامعة الدول العربية ورئيسها بدرجة أمين عام مساعد للسيد عمرو موسى بصفته)

وبالمناسبة شهاداتنا لا تحتاج ختم من وزارة التعليم العالي في العديد من الجهات الحكومية، وأنا شخصيا في التجنيد سنة 2006م اترشحت ضابط ولم نقدم إلا شهادة تخرج الأكاديمية (وكذلك الأمر في وزارة الخارجية لإصدار جوازات السفر) رغم أن الكليات الخاصة الأخرى كان لازم يروح بالشهادة بتاعته لوزارة التعليم العالي يعمل معادلة للبكالوريوس. وقد يكون ذلك بسبب مركزية إصدار الشهادات لدى الأكاديمية ووجود نظام تأمين خاص وعلامات مائية للشهادات بالإضافة ربما للعلاقات العامة:)

لو حضرتك بتسألي عشان الشغل فمفيش شركة منذ 2006م شفناها بيسأل عن المعادلة دي ولا عمرنا احتفظنا بنسخة من قرار المعادلة ده، كنا بس نشوفه ساعات في لوحات إعلانية داخل الكلية لما بيتجدد القرار من وزارة التعليم العالي.

الشركات دلوقتي بتدور مثلا على خبرة في حاجة معينة وشخصية وخلاص ومعرفة أكاديمية مبدئية، وأصبح اسم الجامعة ليس فيصلا كبيرا في الحكم

أحد أساتذتنا الجامعيين الأفاضل اسمه ضمن أوائل هندسة الإسكندرية الآن تفرغ للأكاديمية وأصبح مساعدا لعميد كلية الهندسة بالأكاديمية في أبوقير، فأنا عايز أقول لحضرتك موضة الاعتماد دي خلاص مبقاش حد يهتم بيها حقيقي خصوصا لما تكون جهة أساتذتها محترمين ولديها إمكانات تعليمية ممتازة ومجتمع رائع.

بالنسبة لتعقيب أ.لماضة مصرية بخصوص الطابع التسويقي (المحتمل) عند سؤال الأكاديمية، في الحقيقة لا أتصور أنهم مهتمون بهذا التسويق فالأكاديمية تكتفي مع كل فصل دراسي بإعلان عادي في الأهرام عمودين عن بدء التسجيل دون أي حديث عن مزايا أو خلافه. حاليا يتم التشديد في صعوبة امتحانات القبول من كثرة الإقبال على الأكاديمية عشان حريصين على اختيار نخبة الطلاب.

مش عارف حاسس إني ممكن أشتغل متحدث رسمي في يوم الأيام:)

(بالمناسبة أنا شغال في شركة تسويق رقمي وتقنيات ويب وتطبيقات موبايل، ولم أزر أساتذتي أو زملاءي المعيدين هنالك منذ عدة أشهر) يعني لا علاقة رسمية لي بالأكاديمية

موضوع نشرته قبيل تخرجي عن الأكاديمية العربية:

http://www.egyptiantalks.org/invb/index.php?showtopic=22383

شكرا على رد حضرتك

يا ريت لو اى حد عندة معلومات تانية يبقى يقولنا