خليك إيجابي وأقترح معانا شعار جديد للحزب الوطني

[se_ Elsyed]

بيقولك يا سيدي الريس هايعلن بعد بُكره الأربعاء عن شعار الحزب الوطني في الإنتخابات البرلمانية التي ستُجرى بعد أيام

فمساهمة منا ... وعشان نثبت إن إحنا شعب رجالة وبنقف وقفة رجالة ... عاوزين نقترح شوية شعارات رٍوشة .. ونفاجيء بيها الريس قبل ما يطلع ويتحفنا بالشعار اللي إختاروه

لإن بيقول لك إن اللي هايكسب في المسابقة والشعار بتاعه هو اللي هايقع عليه الإختيار .. هايكسب شقة أوضة وصالة في مساكن صقر قريش .. ومعاها مروحه سقف من ام روحين .. يعني اللي منها مروحه ومنها نجفه تشد الحبل تقوم منوره في الضلمة .. يبقى تتكيف .. وتنور في وقت واحد ... منور يا حج

شدوا حيلكوا يا شباب .. أنا هالم الشعارات اللي هاتختاروها وهاروح أسلمها بنفسي للريس على قهوة الرؤساء اللي ورا محطة البنزين اللي في عابدين

بسم الله نبدأ وعلى بركة الله نتوكل

أنا هافتكس شوية شعارات ويارب تعجبكم

أول شعار " حمرا ... يا قوطه "

وده مش شعار قليل الأدب أو مستفز للناس اللي مش لاقيه الأوطه .... لكن انا قصدت به إن اللون الاحمر يُعبر عن المرحلة الثورية التي شهدت العديد من التضحيات ... والأوطة طبعاً ترمز إلى كل ما هو غالي في حياتنا ... فالأوطه بقت أغلى من الروح دلوقت

الشعار الثاني " قاعدين على قلبكو ... لطالون "

ده موجه لاعداء الوطن اللي عاوزيننا نسيب البلد ونسيب الحكم .. يا أخي ..... ديهدا

الشعار الثالث " معاً من أجل مصر الجديدة "

طب والله روش الشعار ده وممكن يجتذب فئة عريضة من الشباب الروش اللي ياما شهدت شوارع روكسي وخصوصاً شارع الكوربة مراحل الصياعه المتعددة له في ملطع شبابه .. ياااااااه الشعار ده رجعني 25 سنة ...

هاروح أنام لي ساعتين عشان ارجع أكثر نشاطاً وأفتكاساً للشعارات الرنانة ..

يارب أكسب بقى المره دي .. أحسن أنا نشفت وأتذليت في مسابقات بم بم والشمعدان وما كسبتش باكو بسكوت حمضان حتى

[nightmare]

أجمل الشعارات الجديدة اللى شفتها

الأول

الحزب الوطني : فخ جديد

لا للسياسات واهلا بالسندوتشات

من أكلك أنت

الثاني

الحزب الوطني .. شيلنى وأشيلك.

الثالث

الحزب الوطني .. مصلحتنا أولاً.

مع تحياتي

[اغابي]

ما تقولش الوطنى اخد مننا ايه .... لكن قول ..... احنا حنديله ايه

تم تعديل 9 نوفمبر 2010 بواسطة اغابي

[raouf]

اعتقد والله اعلم ان احست شعار ويتقارب مع الشعار الماضى هو

من اجلنااحنا واولادنا

نحن طبعا قادة الحزب

وادى شوية من عندى علشان عيونك يا عم سين سين

" وراكم ......وراكم

بمزاجكم او غصب عنكم معاكم

خليكم فى اللى تعرفوه احسن من اللى ماتعرفهوش

مش هتلاقى غيرنا قدامك

فيه حاجات اكتر بس عيب اكتبها :protest:

[raouf]

ما تقولش الوطنى اخد مننا ايه .... لكن قول ..... احنا حنديله ايه

يا شعاراتك يا اغابى

انتى شكلك كنتى شغالة معاهم قبل كده

على العموم انا ممكن اجيبلك عقد احتراف بره مصر

بمهنة تصميم وكتابة شعارات مع الحزب بمميزات ولا فى الاحلام

bv:-

[raouf]

أجمل الشعارات الجديدة اللى شفتها

الأول

الحزب الوطني : فخ جديد

لا للسياسات واهلا بالسندوتشات

من أكلك أنت

الثاني

الحزب الوطني .. شيلنى وأشيلك.

الثالث

الحزب الوطني .. مصلحتنا أولاً.

مع تحياتي

شكل الاستاد نايت مير كان مجهز الشعارات وبيحلم بيها من امبارح

يادوبك الموضوع اتفتح وراح رازعهم

كل ده من اكلك انت ههههههههههههههه

[اغابي]

اعتقد والله اعلم ان احست شعار ويتقارب مع الشعار الماضى هو

من اجلنااحنا واولادنا

نحن طبعا قادة الحزب

وادى شوية من عندى علشان عيونك يا عم سين سين

" وراكم ......وراكم

بمزاجكم او غصب عنكم معاكم

خليكم فى اللى تعرفوه احسن من اللى ماتعرفهوش

مش هتلاقى غيرنا قدامك

فيه حاجات اكتر بس عيب اكتبها :protest:

جامدة دى يا رؤوف تديك شوية ياس واحباط ما حصلوش قبل كدا

حاجة كدا شبه الشعار

تمشــي شــرق - تمشــي غــرب

برضـوه قصـادك - نفـس الحـزب

تم تعديل 9 نوفمبر 2010 بواسطة اغابي

[moory]

السلام عليكم،

والله فكرة جامدة يا سي السيد،

وبما ان المرحلة الي جاية..ضلمة ضلمة،

فانا بقترح شعاار: يا وابوور قولي رايح على فيين

[MOOOM]

بصراحة فكرة ممتازة من المعلم [ سي السيد ] بس أنا خايف عليك لحسن تيجي نازل إجازة يوقفوك في المطار [ أمن ومتانة ] حلني بقه لغاية لما يثبت العكس ..

وإلى قائمة الشعارات ..

بالطول بالعرض .. هنجيب مراخيركم الأرض [ طبعاً للشعب مش للحزب ]

الوطني مش بتاع شعارات . الوطني بتاع ساندوتشات

رغيف عيش لكل مؤيد وسيخ عز لكل معارض

الوطني مصلحتك .. أحسنلك

بمزاجك أو غصبن عنك .. طبعاً طبعاً قاعدين على قلبك

لو مكنتش وطني .. يبقى أكيد انتا صيني

تم تعديل 9 نوفمبر 2010 بواسطة MOOOM

[ذهبية]

معاااااااااا لسنة 2090

[se_ Elsyed]

لأ يا جماعة .. ما ينفعش أستخدم شعارات صادمه ... يعني نبعد عن الشعارات المستفزة للشعب لو سمحتم

حتى الأن وضعت في جعبتي عدة شعارات منتقاة . ومنها :

الحزب الوطني : فخ جديد

ما تقولش الوطنى اخد مننا ايه .... لكن قول ..... احنا حنديله ايه

الوطني مش بتاع شعارات . الوطني بتاع ساندوتشات

والله جوعتنا يا مؤمن .. قصدي يا موم

شدوا حيلكم .. أنا شامم ريحة المروحة قربت أكثر مما تتخيلوا ...

توزيع الجوايز على فكره هايبقى في إحتفال مهيبببببببببببببببببببببب ... بالياء مش الباء

[لماضة مصرية جدا]

السلام عليكم و رحمة الله و بركاته

انا بعترض...(علي ايه مش عارفة)

بس يا جماعة إزاي عايزين الحزب الوطني يغير و لا يتغير لا سمح الله

هو مش كان الشعار بتاع

الحزب الوطني.......لمصلحتك

و كنت دايما بحس ان فيه حد واقف ورا الكاميرات و بيشاور علينا احنا الشعب الساذج و بيقوله...لمصلحتك يا اما و ديني و ما اعبد لاوريك اللي عمرك ما شفته

بس لو تغيير يعني

ممكن ندخل شوية مؤثرات صوتية مع صور انيميشن كده

يعني

الحزب الوطني

لمصلحتك

و الخلفية صورة مواطنين شبهي....

بس حد بينضرب علي قفاه (و هنا نعمل صوت طرقعة)..

.و حد بيتسحل...(صور بقي و حركات و هتلاقوها مغرقة اليوتيوب)...

و حد خريج جامعة واقف علي الكوبري بيشاور عقله انط و انتحر بس يا تري هنزل ع جنبي اليمين و لا جنبي الشمال

طبعا نفس الباشمهندزين اللي فبركوا الصورة بتاعت الريس في الصحيفة اياها ممكن يظبطولنا حتة كده في الحملة الجديدة

و يجعله عامر

(وش فلاح كفر الهنادوة و هو بيقول......الحزب الوطني.....مش هتقدر تغمض عينيك)

[shiko]

....

البحر من خلفك والحزب من امامك

الحزب موش بتاع اعلانات الحزب بتاع سندوتشات

لا تقولى برادعى ولا نور ...الوطنى لوحده على السور

لا تقولى برادعى ولا زويل ....الوطنى هو اللى هايقطع الحيل ...

لا تقولى صينى ولا تايوانى ....زى الوطنى موش هاتلاقى تانى ....

حزب بلا حدود ...بلا وطن ....بلاانتخابات ...بلا لعب عيال

اه يانى... يانى ...يانى ....الوطنى ....هايرجع تانى

فى الاول جرجرتك من خيبتك خدرتك ....الوطنى

الوطنى يدعم ...ابن الارندلى ...

الوطنى ابن اللذينا ...هايعملك بنزينة

تم تعديل 9 نوفمبر 2010 بواسطة shiko

[nightmare]

رغيف عيش لكل مؤيد وسيخ عز لكل معارض

حلوة دي يا MoooM , وانت ياعم Raouf خد عندك

معاً من أجل جمـــال مصر.

معاً من أجل مصر المفروسة.

مصر بتتدرج بينا.

الأمن والليل واللواءات تعرفني , والسيف والرمح والمطواة والسنج

بلطجية تحت الطلب

من أجل نظرة أبعد للمستقبل

مع تحياتي

[shiko]

http://www.youtube.com/watch?v=3CJbOfq3Jhc

باقترح تكون الاغنية دى هى شعار الوطنى خلال الفترة القادمة ....ويبقى الشعار

الوطنى هو الحبل ...

[عنبو]

كده كده بايظه احنا اولى

معاً من اجل حشيش متوفر للجميع

الحزب الوطنى مش هتقدر تغير

اللى بيته من ازاز ميحدفش الجزب الوطنى بالطوب

اللى يجى علينا نيجى عليه وتراعينا قراط اراعيك قراطين

احنا مش بتوع كلام ولا بتوع افعال احناكده كويسين

[لماضة مصرية جدا]

اه يانى... يانى ...يانى ....الوطنى ....هايرجع تانى

فى الاول جرجرتك من خيبتك خدرتك ....الوطنى

السلام عليكم و رحمة الله و بركاته

من حكمدار العاصمة الي شيكو لوز

عجبني انا اوي اخر اتنين

السلوجان الموسيقي بتاع....أه يااااااااني ياااااااااااني......احب انا الايقاع الراقص...استمري يا بنتي ربنا يوفقك....(حطي اللمبة علي الحزب تنور....علي راسه تنور....علي كتفه تنور.....وش اي عالمة في مولد سيدي الطشطشوي)

و عجبني البتاع بتاع نهيتك ما انتهيت و الطبع فيك غالب....قصدي بتاع "جرجرتك...و خيبتك"...برضه بيفكرني بامثال فقيدة الساحات الشعبية....خالتي حموقة...قبل ما تموت محروقة

هاااااااااااااااايل يا شيكوز

استمري بقي

صبااااااااااااحك......افتكاسة

ع جنب بقي

عازماكي علي قهوة....هنضربها فين.....(وش اتنين موظفات ساحبين الشنط و هيزوغوا من الشغل)

[شريف مان]

الحزب الوطنى .. حشيشك عندنا

[aimen]

عن نفسى افضل دى تكون شعار المرحلة

http://www.youtube.com/watch?v=7BU00UBEloo

[raouf]

لأ يا جماعة .. ما ينفعش أستخدم شعارات صادمه ... يعني نبعد عن الشعارات المستفزة للشعب لو سمحتم

حتى الأن وضعت في جعبتي عدة شعارات منتقاة . ومنها :

الحزب الوطني : فخ جديد

ما تقولش الوطنى اخد مننا ايه .... لكن قول ..... احنا حنديله ايه

الوطني مش بتاع شعارات . الوطني بتاع ساندوتشات

والله جوعتنا يا مؤمن .. قصدي يا موم

شدوا حيلكم .. أنا شامم ريحة المروحة قربت أكثر مما تتخيلوا ...

توزيع الجوايز على فكره هايبقى في إحتفال مهيبببببببببببببببببببببب ... بالياء مش الباء

والله يا خوفى ان مش انت تدى الجوايز يا ابو السيد

احساسى ان حد ثانى هيدينا الجايزة وشكلك هتاخد الجائزة الكبرى ههههههههههه

:P:P:P:P:P:P:P