خليك إيجابي وأقترح معانا شعار جديد للحزب الوطني

[لماضة مصرية جدا]

السلام عليكم و رحمة الله و بركاته

صوت ماراشات عسكرية.....و قرآن

ورد الينا في بيان عاجل

تمكنت قوات الامن المصرية من احباط محاولة ارهابية استهدفت زرع قنابل كلامية ملغومة في حملة الحزب الوطني الجديدة

و في بيان من وزارة التقلية صرح مصدر امني رفنتوع جدا أن زعيم الخلية و المدعو "سين أه يا عيني"....قد تزعم تلك الخلية و عمد الي اثارة الفتن و القلاقل مما ابطيء مسيرة التنمية في بلدنا الغالي.....و التي اصبحت مكسحة...بسبب تلك المحاولات الغاشمة

و تهيب وزارة التقلية....نفس المصدر الرفنتوع اعلاه...بالسادة المحاوراتية الشرفاء ان يقوموا بالابلاغ عن اي محاولة اشتباه في تدمير دعائم هذا الحزبونطي المجيد...راعاه الله...

او النيل من مرشحه....طويل العمر يطول عمره و يزهزه عرشه و ينصره علي مين يعاديه....هاي هيء...(وش فؤاد المهندس في فيلم مش فاكرينه دلوقتي...و محدش يسالني ده مش موضوعنا)

وبقية افراد التشكيل الارهابي....فسيتم ملاحقتهم نفر نفر...(وش الضحية في مسرحية ريا و سكينة)....و سيتم الضرب بيد من حديد علي كل من تسول له نفسه المساااااااااااااس بهذا الوطن

و لا مساس...لا مساس

دمتم في رعاية الله و امنه

.................

تششششششششششششششششششششش

من وراء الكواليس

أصوات متضاربة....

تقريبا نايت مير....بيقول انا بريء....

عنبو....بيقول.....انا لسه عريس....انا ماليش دعوة.....و شيكوبتقول...باردون....انا عايزة المحامي بتاعي.....و دي كانت اخر كلمة قالتها و بعدين حد طفي النور

[ابو محمد بن مصطفي]

صوتك امانة ...... بيعه بتمن حشيش

صوتك امانة ...... بيعه بكيلو ضاني

بيع قلبك .... بيع صوتك ..... شوف الشاري مين

صوتك أمانة ........... اخررررررص

الانتخابات عندنا ....... محدش قدنا

[محمد عبدالعزيز]

كده مية لون وكده مية لون والوطنى حيكسب البرلمون.

وده بمناسبة إن الحزب الوطنى افتكس افتكاسة جديدة السنة دى, وهى إنه منزل أكثر من مرشح على نفس المقعد.

ونمشيها البرلمون عشان مانكسرش القافية, وعشان تعرفوا إن مفيش حاجة تستعصى على الحزب الوطنى وأى حاجة ممكن تتكسر علشان خاطر عيونه.

ويا سلام بقى لو الخلفية تكون مقطع فيديو بيصور حد من الحزب الوطنى -أى حد أنا ماليش دعوة- بيرقص شبه هانى رمزى وهو فى فيلم عايز حقى.

تم تعديل 9 نوفمبر 2010 بواسطة محمد عبدالعزيز

[se_ Elsyed]

طب إيه رأيكم في الشعار ده ... تعبت بجد لحد ما وصلت له

" حط فيشه على فيشه ... الحزب الوطني زيه .. ما فيشه "

[MOOOM]

صوتك امانة ...... بيعه بتمن حشيش

بصراحة تعليق كنت هفطس م الضحك عليه ..

بس هوه حد لاقي حشيش دلوقتي .. لو المسألة كدة أنا أول واحد هدي صوتي

وبعد إذن الجميع أنا ليا اقتراح .. وبما أننا رجالة البيوت وبنصرف عليها .. يبقى ممكن نخلي حريمنا تاخد الحلل والسكاكين ويطلعو على مقر الحزب الوطني ويكسروه ويكسرو إلي فيه ..

بكدة نكون ضربنا شوية عصافير بحجر واحد .. منه عمل وطني جليل .. ومنو أخلص من مراتي :P

أنا طبعاً كان نفسي أطلع معاها .. بس مين هيربي العيال ؟؟؟

[nightmare]

تقريبا نايت مير....بيقول انا بريء....

بريء يا بيه .. بريء يا بيه , لما بيجوا يقفشوا يا لماضة بياخدوا الراس الكبيرة صاحب الموضوع ( الزعيم وقائد التنظيم ) , راح فيها سي السيد , كان بدري عليك يا غالي:D

خدي عندك

المصري اللي على حق ما يقلش للحزب لأ.

صوتك للوطني أمانة مع إنه مش فارق معانا.

الحزب الوطني مش هتقدر تضم رجليك.

الحزب الوثني الديمقراطي .. مستعبدينك مستعبدينك.

طوبة على طوبة .. هتفضل البلد منهوبة.

يقولوا تبديل , يقولوا تغيير .. الحزب الوثني ما لوش مثيل.

مع تحياتي

تم تعديل 9 نوفمبر 2010 بواسطة nightmare

[جسار]

طنش تعيش

تطلب مافيش

واحمد ربك

وقضيها عيش

[المهندسه]

هتيجى هنا هتروح هناك.. ايد الوطنى على قفاك

عاجبك او مش عاجبك هو الوطنى على قلبك

ال يعوزه الحزب يحرم على الشعب

دوسوا الارض الماتنداس ..وبوسوا الايد الماتتباس ...لا هتاخده دهب ولا نحاس

تم تعديل 9 نوفمبر 2010 بواسطة المهندسه

[herohero]

http://www.youtube.com/watch?v=sL2JTKn7DMo

[se_ Elsyed]

الله عليكم .. قومي شوفي ولادك يا مصر .... يا مصر سامعاننننننننننننننننني ؟

أستمروا يا ولاد .. أنا مستمتع بحماسكم منقطع النظير .... فعلاً أي واحد فيكم لازم يبقى عضو في لجنة الامانات ( اللي هي الشنط والحاجات الثمينة )

نايت مير ....امين التصقيف ..

لماضة .... أمينة المرأة والطفل

رؤوف... أمين شرطة

المهندسة .. أمينة المخازن

شيكو .. امينة المكتبة ..

سي السيد .. أمين الهنيدي

أغابي ... أمينة بتاعت فيلم سي السيد ( دي غلبانه ومش حمل قلم مخبرين )

دهبية .. قالت شعار واحد ولمت الدور وقالت أنا ماليش في المشاكل ... تبقى دي امينة جداً

وهكذا ومازال النيل يجري

[محمد عبدالعزيز]

أبوها راضى وأنا راضى... مالك إنت ومالنا يا قاضى

وزى مانتوا شايفين ياولاد... كانت هى دى فلسفة الحزب الوطنى لما اقترح إلغاء الاشراف القضائى على الانتخابات.

وبالتالى حيكون ده شعارنا طوال فترة الانتخابات.

[اغابي]

الله عليكم .. قومي شوفي ولادك يا مصر .... يا مصر سامعاننننننننننننننننني ؟

أستمروا يا ولاد .. أنا مستمتع بحماسكم منقطع النظير .... فعلاً أي واحد فيكم لازم يبقى عضو في لجنة الامانات ( اللي هي الشنط والحاجات الثمينة )

أغابي ... أمينة بتاعت فيلم سي السيد ( دي غلبانه ومش حمل قلم مخبرين )

وهكذا ومازال النيل يجري

بسم الله الرحمن الرحيم ومن منطلق المكان اللى انا فيه هنا

ومش عارف اقولك ايه يا استاذ س س

انا حاعقم على كلمتين

احرجتنا وداه اقل واجب نقدمه للحرب الوطنى بتاعنا ودى امانة حنتحاسب عليها بانهم حيخطفو مننا اولادنا

ولازم يعنى نمشي جنب الحيط ونبقى فى حالنا اكتر من كدا

ابسولوتلى

واقتبس كلمتين قالهم حكمة اللمبي

http://www.youtube.com/watch?v=3AGUMeXg9iQ&feature=related

تم تعديل 9 نوفمبر 2010 بواسطة اغابي

[se_ Elsyed]

بسم الله الرحمن الرحيم

أنا موت على نفسي من الضحك من بدايتك المبشرة

اغابي أعترفت من أول قلم يا رجاله وباعت القضية وقالت تركب الموجه .. وإن كان الحزب الوطني لُقمه .. يبقى غمس وأدعي لي يا فرج الله ... يا باشا أنا ما اسميش أغابي أصلاً .. أنا أسمي سيده عبد الستار وساكنه في بين السرايات وباحب عمرو موسى وبأشجع صالح سليم ...

كده ضمنتي موقع أمينة التستيف في منطقة بولاق

كل دورك هايبقى إن الفلوس اللي تتنهب من امانة الحزب .. تستفيها أنتي بنظام .. الميات لوحدها .. والخمسميات لوحدها ... وكدهوت .. ومش بعيد بكره تبقي مكان عيشة عبد الهادي وكل عقود العمل تبقى تحت إيدكي وتختاري لنفسك عقد في الكويتش مش أقل من 670 دينار غير البدلات .. مع شقة اوضتين وديوانية في الفروانية ..

[MOOOM]

الله عليكم .. قومي شوفي ولادك يا مصر .... يا مصر سامعاننننننننننننننننني ؟

أستمروا يا ولاد .. أنا مستمتع بحماسكم منقطع النظير .... فعلاً أي واحد فيكم لازم يبقى عضو في لجنة الامانات ( اللي هي الشنط والحاجات الثمينة )

نايت مير ....امين التصقيف ..

لماضة .... أمينة المرأة والطفل

رؤوف... أمين شرطة

المهندسة .. أمينة المخازن

شيكو .. امينة المكتبة ..

سي السيد .. أمين الهنيدي

أغابي ... أمينة بتاعت فيلم سي السيد ( دي غلبانه ومش حمل قلم مخبرين )

دهبية .. قالت شعار واحد ولمت الدور وقالت أنا ماليش في المشاكل ... تبقى دي امينة جداً

وهكذا ومازال النيل يجري

يعني ياسي السيد كل المشاركات دي وتنساني .. ده انا بعمل كل ده علشان أخمس معاك الجائزة

خليني حتى بتاع لجنة الشاي لأي واحد منهم .. دي أهم وظيفة في مصر [ الشاااااااي ]

تم تعديل 9 نوفمبر 2010 بواسطة MOOOM

[اغابي]

بسم الله الرحمن الرحيم

أنا موت على نفسي من الضحك من بدايتك المبشرة

..

cr((: cr((: cr((:

اهم حاجة انا مش مع العيال دووول يا بيه - وخاصة س س هو المحرض الاول وهو اللى لم العيال دى كلها - وانا ولا اعرفهم اساسا

cr((:

وطلعونى من التخشيبة دى

:hang:

كمان يا باشا الحزب داه احسن احزاب الناحية دى كليتها

وانا اصلا واسمى الحقيقي ابا عن جد

اغابي السيد محمدين

خدامتك يا بيه

;)

الجبن سيد الاخلاق

بضم الجيممممم

[ابو محمد بن مصطفي]

ترشيحكم تكليف وخدمتكم تشريف ..... امنحونا الثقة نمنحكم الحشيش

ترشيحنا هو الحل حتى لو خلناها خل

[shiko]

حط البوصة على البوصة ....الوطنى خارب المحروسة ....

موش هانسلم ولا هانطاطى وابقوا شوفلكم بلد ديمقراطى ....

يا خرابها وجنبك فاضى اخربها كمان وانا راضى......

سالمة يا سلامة الوطنى خاربها بالسلامة

[م تيمور المراغي]

دي اغنيه غناها عبد الحليم بن حافظ التميمي لامين لجنة السياسات بالحزن الوطني السيد جمال مبارك

http://www.youtube.com/watch?v=PmJvCs5j89Q&p=3CDF79CAF7EAB404&playnext=1&index=34

[المهندسه]

المهندسة .. أمينة المخازن

الله يا حالولى حلوه اوى امينه مخازن دى..ده انا هروقكوا رز و سكر و علب صلصه و تونه يا ولاد ..ماتقلقوش

دى السرقه هتبقى على ودنه ...هو انت مش مسكتلى المخازن يا استاذ س س..يشربوا بقه الهعمله فيهم.

[عمرو ياسين]

اهم حاجه لو كسبت مين اللي هيسلمني المروحه.بص ياسيدي شعار الحزب الوطني .ان وطني وطني وبطنطن وبرنامج الحزب في المرحله الجايه هو شكاره رز لكل مواطن وكارت شحن.

تم تعديل 9 نوفمبر 2010 بواسطة عمرو ياسين