خليك إيجابي وأقترح معانا شعار جديد للحزب الوطني

[م تيمور المراغي]

آنسات وسيدات المحاورات في طريقهم لتحرير س س

[م تيمور المراغي]

واللي بتعصر في رقبة العسكري المسكين دي لماضه مصريه سخنت واتفزعت لنجدة س س ههههههه :happy:

[se_ Elsyed]

الريس : بتقول حاجه يا سين سين ؟

سين : لأ يا ريس .. أنا بس بيتهيألي حاجات غريبة وعندي النهاردة هلاوس سمعيه وبصرية .. وحتى جسدية والله ... وكل شوية أحس إن في إيد هاتنزل على قفايا تطرقع ..

الريس : بُص يا سين .. أنا لما كلمتك عشان تختار شعارات

سين : بس حضرتك ما كلمتنيش .. لكن إديتني ميسد وأنا اللي كلمت حضرتك ..

الريس : مش مهم مين كلم مين ... وبعدين إنت عارف انا كرت مش خط

سين : ربنا يفتحها عليك يا ريس وتركب خط بفاتورة إن شاء الله .. تحب أكلم لحضرتك ساويرس يجيب لك خط بيزنس ؟

الريس : بُص يا سين ... أنا كان غرضي إننا نختار شعار يدي امل للناس .. حتى لو أمل خادع .. أنا بأبيع كلام يا بني . وماحدش بيحاسب حد ... وبعدين يعني هو حد كان حاسبنا على مصلحتك أولاً ولا فكر جديد ولا اللي يحب النبي يزوق حتى ؟

سين : صح يا ريس .. يسلم فُمك .. والله أنا باتعلم من سيادتك وكأني طفل في حضانه ....

الريس : طب إوعى تعمل بيبي هنا وتبهدل لنا الدنيا ههههههههههههههههه وانطلقت ضحكات الريس ومن حوله ما عدا زكريا عزمي الذي ظل يزغر لي بعينيه بكل شر ويكور قبضت يده على شكل لوكامية أستعداداً للهبوط

الريس : بُص يا سين ... الولاد في الحزب عملوا شغل هايل الأيام اللي فاتت .. ولجنة التثقيف بقيادة الأسطى علي الدين زيرو .. ومجدي الدقاق الشهير بنقار الخشب ... عرضوا عليه شوية شعارات ... من الأخر ... روشه طحن .. وانا بمنتهى الديمقراطية إخترت الشعار ده "علشان تتطمن على مستقبل ولادك" إيه رأيك في البوء ده ؟

سين : الله عليك يا حبيب واليديك ... وكتاب الله أنا قربت أعيط - وانا أساسا كنت هاعيط من الضرب اللي كلته - ... بس هو حضرتك هاتفضل معانا لحد الجيل الرابع .. ولادنا يعني لما يكبروا وكده ؟

الريس : بتقول حاجه يابني ؟

سين : بأقول يا باشا ربنا يخليك لينا ويديك طولة العمر لحد ما تشوف ولادنا وولاد ولادنا وأعز من الولد ولد الولد ... عن إذنك يا ريس خمسه كده

الريس : رايح فين ؟

سين : هاروح اجيب عيالي أدبحهم تحت رجلك هناهو ويبقوا خدامينك وخدامين الحزب والله يخرب بيت .. تيتتتتتتتتتتتتتتتت .. اللي يزعلكو

تمت

إبقوا أسألوا عليه من وقت للتاني ..

[م تيمور المراغي]

..................................

إبقوا أسألوا عليه من وقت للتاني ..

wst::

wst::

[nightmare]

"علشان تتطمن على مستقبل ولادك"

من أجل مستقبل أفضل لأولادنا لابد أن نشجع الحزب بقي ودي اقل هدية نقدمهاله .

http://www.youtube.com/watch?v=Ba4H5mLsUlQ

مع تحياتي

تم تعديل 10 نوفمبر 2010 بواسطة nightmare

[ذهبية]

يا نهار اسود هو دة الشعار علشان تتطمن على مستقبل ولادك يعنى مفيش اى امل للتغير ياعنى قاعدين الى ولادنا وولاد ولادنا

ومستقبلنا احنا نظامة اية ؟؟؟

ولا البقية فى حياتنا ملناش مستقبل

ولا احنا شوفنا مستقبلنا و اتهنينا و خلى الجيل الجديد بقى يسعد شوية حاكم احنا طامعين قوى هناخد زمنا و زمن غيرنا

هى الناس دى بتستهبل و لا اية

دة اية الامل والتفائل الى الناس دى معيشة نفسهم فية النصيبة انهم مصدقين روحهم كمان

ياة على السعادة اللى انا فيها دة هاورث ولادى من بعدى الحزب الوطنى ياااااااة

و نعم و الله و ياترى بقى اسيب وصية لاولادى اقولهم اوع يا ولادى تطلعوا من عباية الحزب اوع حد فيكم يقول تغير

الحزب الوطنى يا حبيبى هو دة الميراث اللى انا سيباة ليكم تحطوة فى عينكم و بعدة ولادكم وولاد ولادكم دة اللى شوفت على ايدة احلى ايام حياتى و من حبى فيكم سيبتة لكم علشان تفرحوا زى ما فرحت

يا حبيباى احنا بلد الفراعنة اى حاجة بتيجى عندنا بتبقى تراث يا حبيبى

التراث دة بيجى جيل ورا جيل لازم يحافظ علية

و الحزب الوطنى يا حبيبى من ضمن التراث بتاع البلد اوع تفرط فية و اللى يفرط فى حزبة يفرط فى اى حاجة

سامعين يا ولادى يا حبيايبى

بس امانة عليكم

ما تدعوا عليا بعد ما اموت

[م تيمور المراغي]

الإخوان المسلمين : شعار (علشان تطمن على مستقبل ولادك) أجوف ومخادع

أكد النائب الدكتور محمد سعد الكتاتني رئيس الكتلة البرلمانية للإخوان المسلمين أن الحزب الوطني لا يحقق أي برنامج انتخابي يعلنه ويكذب علي الجماهير بل يخدع الشعب المصري بشعارات وبرامج انتخابية لا تغيرالواقع السيء الذي يعيشه المصريون.

واشار الكتاتني الى شعار "علشان تطمن على مستقبل ولادك" من ضمن الشعارات السابقة للحزب وهي شعارات جوفاء وليست بجديدة وتأتي بعد شعاري "من أجلك انت" و"مصر بتتقدم بينا" اللذين لم يقدما شيئا ملموسًا للشعب المصري.

وتهكم رئيس الكتلة البرلمانية للإخوان على الشعار متسائلا:"هل الحزب أنهى من تطبيق شعار "من أجلك أنت" حتى يهتم بأولاد الشعب ومستقبلهم"؟، مستغربا إرفاق الحزب الوطني شعار "علشان تطمن على مستقبل ولادك" بجملة "صوتك لمن يملك برنامجا انتخابيا حقيقيا وينفذه".

وأضاف: الحزب الوطني لا يحقق إلا كل فشل وما يمكن أن يحسبه نجاحاً له ونرفضه هو نجاحه في السيطرة البوليسية على كل مؤسسات الدولة بما ساعد على استمرار الاستبداد منذ ان جاء الحزب للحكم والدليل ازدياد معدلات الفقر والبطالة والعنوسة وانهيار التعليم

[ابو محمد بن مصطفي]

خلونا نتكلم عن الايجابيات وبلاش السلبيات ... لازم نشوف نص الشفشق المليان مش الفاضي

شوفتوا صفوت سيلكون قصدي الشريف

والسيلكون مكنش في الوش بس ده كان في حتت تانية....

ولا الصبغة ياروحي علي لون شعره فحلؤي بجد شاب ولا في العشرين

ملاحظة تانية شوفتوا الريس لما قام يلقي البؤيين بتوعة الكاميرا مجتش عليه خالص

وده مش العادة بتعته لانه بيخطف الاضواء من اللي حواليه

دول ملاحظتين علي التهريج بتاع امبارح

اما شعار علشان تطمن علي مستقبل ولادك

ابشركم بان الحزب عمل صفقة بزازات وبامبرز وسيرلاك وريري تكفي السوق المحلي لعشرين سنة قدام

[المهندسه]

انهارده مع خيرى رمضان فى مصر انهارده ..هيستضيف الاستاذ الفاضل الكبير اوى ابن ابوه نانوس عينه جمال مبارك بتاع الحزب .

[م تيمور المراغي]

انهارده مع خيرى رمضان فى مصر انهارده ..هيستضيف الاستاذ الفاضل الكبير اوى ابن ابوه نانوس عينه جمال مبارك بتاع الحزب .

ميرسي يا زمل على التنويه المهم ده ,,,

[م تيمور المراغي]

انهارده مع خيرى رمضان فى مصر انهارده ..هيستضيف الاستاذ الفاضل الكبير اوى ابن ابوه نانوس عينه جمال مبارك بتاع الحزب .

http://www.youtube.com/watch?v=1Q7aT5P62Dg

[م تيمور المراغي]

جمال مبارك: (علشان تطمن على مستقبل ولادك) وعد الحزب الوطني لشعب مصر

قال جمال مبارك الأمين العام المساعد أمين السياسات بالحزب الوطنى الديمقراطي ان شعار "علشان تطمن على مستقبل ولادك" شعار الوطنى فى الانتخابات البرلمانية ليس مجرد شعار وجاهى أو كلامى، وانما هو وعد وبرنامج حزبى مسئول عن تنفيذه كما عمل على تنفيذ البرنامج الانتخابى فى 2005.

وأكد فى لقاءه ببرنامج "مصر النهاردة" بالتلفزيون المصري الخميس أن المواطن المصري البسيط هو هدفنا فى برنامج الحزب الوطنى فى الفترة القادمة ، وأشار إلى أن التصويت للحزب هو تصويت للوسطية والاعتدال .

وأشار إلى أن الحزب الوطنى يخاطب المجتمع ببرنامج محدد يتطرق للسياسة الخارجية والمعاشات والتعليم والصحة وغيرها، وليس شعارات كما يفعل البعض، مشددا على اهتمام الحزب الوطنى بمنظومة الزراعة والتعامل مع المشكلات التى يواجههاالفلاح المصرى.

وأكد أن الفلاح المصرى ورعايته عنصر أساي فى البرنامج الانتخابي للحزب الوطنى ، وقال إننا ننظر بشكل استراتيجي لتطوير المنظومة الزراعية باعتبار أن الزراعة تمثل قطاعا حيويا لمصر.

وردا على سؤال حول مكافحة الفساد ، شدد السيد جمال مبارك على أن الاجهزة

وعن دخوله الحياة السياسية، قال جمال مبارك انه كان مهتما منذ صغره بمتابعة الحياة السياسية، ومنذ 2002 كان يستمتع بالحوار السياسى وشعر بضرورة العمل السياسى رغم المخاوف من عدم تحقيق الوعود فى البداية.

وأوضح أنه لا يبحث عن هدف أو تفكير شخصى، ولكنه اعتاد على العمل المؤسسى، وأنه يهدف فى حالة استمراره بموقعه داخل الحزب أن يكمل مابدأه من العمل، مؤكدا أنه لازال أمام الحزب الكثير ليقوم به لتطوير مصر.

ودعا جمال مبارك المواطنين إلى المشاركة فى الانتخابات..وقال إننا نخاطب أكبر فئة ممكنة من المجتمع ببرنامج محدد اقتصاديا واجتماعيا وسياسيا.

وحول ضمانات نزاهة الانتخابات القادمة، قال جمال مبارك إن ضمان تحقيق انتخابات نزيهة هو توجه أكبر عدد من المواطنين للمشاركة فى العملية السياسية، مشيرا إلى أن الحزب قام بتفعيل قانون مباشرة الحقوق السياسية وصلاحيات اللجنة العليا للانتخابات كما ركز على دور الإعلام وضبط العملية الأمنية ومنع البلطجة والتسهيل على الناس للادلاء بأصواتهم لضمان نزاهة الانتخابات.

وأكد أن المسئولية مشتركة بين الحكومة واللجنة العليا للانتخابات والإعلام والأحزاب خاصة الحزب الوطنى لضمان نزاهة الانتخابات، معربا عن أمله فى أن تسير العملية الانتخابية بشكل أفضل من الماضى حتى يتمكن أكبر عدد من المواطنين من الإدلاء بأصواتهم.

وقال أمين السياسات بالحزب الوطنى إنه لا يوجد ما يمنع من محاسبة أى مسئول عن قضايا فساد سواء كان بالسلطة أو خارج السلطة، وقال إن أى مرشح يلجأ للعنف أو ارتكاب أى تجاوز فى المعركة الانتخابية سيكون حسابه عسير .

وأوضح جمال مبارك أن كل الترشيحات للوزراء اعتمدت على التقييم واستطلاعات الرأى، وهم جميعا سمعتهم طيبة ولهم شعبية، ويستطيعون المنافسة، ولا يوجد فى الدستور ما يمنع من ترشيح الوزراء، وهناك العديد من الدول الأصل فيها أنه لا يأتى الوزير الا اذا كان عضوا فى البرلمان، ولن نسمح لأى وزير من استخدام منصبه فى الانتخابات، وهذا سيكون واضحا بشكل كبير.

وعن اختيار أكثر من مرشح لبعض الدوائر عن الحزب الوطنى، قال الأمين العام المساعد أمين السياسات بالحزب أن ذلك جاء بسبب تقارب بعض المرشحين من مستوى التقييم فى استطلاعات الرأى، وكلهم مرشحون عن الحزب، وليسوا بعيدين عنه.

وأكد جمال مبارك أن الحزب يخوض انتخابات مجلس الشعب 2010 ببرنامج انتخابي محدد، أولوياته أن يخاطب هموم المواطن المصري في حياته وتحدياته.

وأضاف جمال مبارك، إن العمل داخل الحزب الوطني يحكمه نظام أساسي أقره المؤتمر العام للحزب عامي 2002 و2007، وليس عملاً فردياً كما تصر بعض الدوائر الإعلامية على "شخصنة" الأمر، ولكنه عمل حزبى مؤسسى ،موضحا أن الحزب الوطني يعمل كمؤسسة، وأن هناك قواعد تفصيلية ستحدد اختيار مرشح الحزب في الانتخابات الرئاسية عام 2011، وأن تلك القواعد تم تطبيقها في اختيار مرشحي الحزب للانتخابات البرلمانية العام الحالي.

وأوضح جمال مبارك ان هناك بعض القضايا لم يستطع الحزب أن يرتفع بها إلى معدل الإنجاز".

وقال جمال مبارك أنه عندما ينزل ويتجول بالقرى والأقاليم ويلتقى بالأهالى وكبار العائلات ونماذج من المرأة العاملة أنه يشعر أننا يجب أن نبذل جهد كبير ومضاعف لاعطاء الناس الأمل فى مستقبلهم وطمأنة الأسر الفقيرة التى تحتاج الحماية والامل فى امكانية خروجها من دائرة الفقر.

وأضاف الأمين العام المساعد أمين السياسات بالحزب ان "مصر لديها طاقات كامنة لم تستغل، وهذا أضاع عليها فرص كثيرة لاخراج أعداد كبيرة من المواطنين من دائرة الفقر."