حد فاهم حاجة ؟

[raouf]

بعد ما تشوفوا الفيديو ده ممكن حد يرد عليا ويقولى احنا فين من الناس د ى ؟بجد الفرق بينا اصبح مليون سنة ضوئية على راى احمد عيد فى فيلم ليلة سقوط بغداد

http://www.youtube.com/watch?v=Ckl7ZaURUu0&feature=player_embedded#!

فى رد قادم هاقولكم احنا ايه اللى بيهمنا واحنا فين

تم تعديل 14 نوفمبر 2010 بواسطة MaYousof

[أبوعمار]

بصراحة أفكار رائعة

ناس بتفكر بصحيح

حاسس ان كل الخيال العلمي اللي بنشوفه في الأفلام

بتحقق يوم بعد يوم

شتان بيننا وبين الناس دي

شتان بين دول تقدس العلم والعمل

ودول تانية في سبات عميق

مازلنا نبحث عن رئيس جمهورية نختاره بأنفسنا

أو انتخابات نزيهة

شكرا يارؤوف

ومستنيك تتحفني بالقادم

اتحفنا

[aimen]

مذهل

[محمد عبدالعزيز]

عشان نقرب من المستوى ده, محتاجين المبدعين يفكروا إزاى يبدعوا وبس.

إنما تشوف المبدع دلوقتى بيقضى معظم وقته بيفكر فى إيه؟

بيفكر إزاى يوفر حياة كريمة لنفسه ولأسرته لو كان رب أسرة.

أو بيفكر إزاى يكون نفسه عشان يقدر يتزوج ويكون عنده أسرة.

بيفكر هل المياه اللى بيشربها صالحة للشرب ولا لأ.

بيفكر هل الأكل اللى بياكله - أياً كان نوعه - صالح للاستهلاك الآدمى أو لأ.

لو عنده مشكلة فى الشقة -سباكة أو كهربا أو غيره- هل يقدر يصلحها بسهولة وبإتقان ومن غير ما صنايعى يطلع عينه ويسرق فلوسه من غير ما يصلح المشكلة؟

لو عنده عربية, لو عنده أولاد فى الدراسة, لو مريض وعاوز يتعالج, لو عنده أى معاملة حكومية محتاج يخلصها... إلخ

كل ده ممكن يتعمل بسهولة ومن غير ما نستنفذ طاقة المبدع فى أشياء أخرى ممكن لا تتعلق بالإبداع, ولكن لو كان هناك نظام دولة يقدر الإبداع والمبدعين ويحترم العلم والعمل.

[raouf]

بصراحة أفكار رائعة

ناس بتفكر بصحيح

حاسس ان كل الخيال العلمي اللي بنشوفه في الأفلام

بتحقق يوم بعد يوم

شتان بيننا وبين الناس دي

شتان بين دول تقدس العلم والعمل

ودول تانية في سبات عميق

مازلنا نبحث عن رئيس جمهورية نختاره بأنفسنا

أو انتخابات نزيهة

شكرا يارؤوف

ومستنيك تتحفني بالقادم

اتحفنا

شكرا لردك اخى ابو عمار

ولكل اللى اهتموا بالموضوع انا الغرض منه هاحاول اعرض الجديد فى التكنولوجيا التى نستخدمها يوميا

المهم شوفوا بقى الاختراع الجديد ده

ان شاء الله هاكون من اول الحاجزين له فى المملكة الشهر القادم

وانا انصح الكل بيه لان ده فعلا اللى هيظبط جسمنا وينفع اطفالنا مش الالعاب وهم جالسين

واكيد لازم اغابى تشوف الموضوع ده لانه هيحل ليها مشكله كبيرة :P:P:P:P

http://www.youtube.com/watch?v=Mf44bWQr3jc

[raouf]

http://www.youtube.com/watch?v=0Ch7soAo4Hc&feature=related

http://www.youtube.com/watch?v=iU1k8DCxN8g&feature=related

تم تعديل 10 نوفمبر 2010 بواسطة raouf

[raouf]

http://www.youtube.com/watch?v=REnYXw-Fbq4&feature=related

بصراحة انصح كل البيوت اللى بيها شباب او اطفال بيها

[مغتربة]

مذهله جدا استاذ رؤوف

شكرا لمشاركتنا بها

[لماضة مصرية جدا]

شكرا لردك اخى ابو عمار

ولكل اللى اهتموا بالموضوع انا الغرض منه هاحاول اعرض الجديد فى التكنولوجيا التى نستخدمها يوميا

المهم شوفوا بقى الاختراع الجديد ده

ان شاء الله هاكون من اول الحاجزين له فى المملكة الشهر القادم

وانا انصح الكل بيه لان ده فعلا اللى هيظبط جسمنا وينفع اطفالنا مش الالعاب وهم جالسين

واكيد لازم اغابى تشوف الموضوع ده لانه هيحل ليها مشكله كبيرة :P:P:P:P

http://www.youtube.com/watch?v=Mf44bWQr3jc

بجد انا هعيط...لا انا عيطت خلاص

يا استاذ رءوف الحاجات دي مش حلوة خالص.....و خصوصا علي الناس اللي لسه طالعة من ماتش بياض شقة و توابعه....ليه بتفتح عينينا علي الحاجات دي...ما احنا قاعدين و ساكتين ع الكامبيوتر بتاع صخر.....حد يوعي عليه دوت

بجد بقي

حاجة كده فوق الخيال......اللي قطع فيا من جوه.....البيت كله علي بعضه مش طبيعي.....يعني مساحات واسعة....الاثاث نفسه فيه خيال....ليه بقي مستغربين ان حياتهم....حتي لعبهم ميبقاش فيه خيال

عيني علي ولادنا لو الطفل اتخيل.....نهبده علي دماغه و نقوله يا ابني ده بره المقرر

تسلم ايدك استاذي

كمل بقي

و اوجعلي قلبي.....و دوووووس

اديني هنعيشها في العالم الافتراضي....ايشي خيال يا ناس....(وش سنبل)

تم تعديل 10 نوفمبر 2010 بواسطة لماضة مصرية جدا

[Om Zayd]

شكرا جزيلا على الموضوع

جميل نشوف تطبيقات الحاسة السادسة

كان وصلني العرض اللي قدمه المخترع بنفسه في الجامعة .. في آخره سألوه .. هل هيسمح باحتكاره؟

بمنتهى الثقة قال لا.. هخليه

open source

بحيث الناس تشارك و تطوره

بالنسبة للألعاب .. ما ينفعش تبقى بديل عن الرياضة الفعلية

كانوا عملوا دراسة و لقوا ان ممارسة الرياضة "فعليا" مختلف تماما عن ممارستها "افتراضيا" ..

هي لذيذة جدا في سباقات العربيات و لو انهم لقوا ان مستوى هرمونات التوتر بيعلى جدا بعدها

كانت واحدة صاحبتي بتلعب تنس على ال

Wii fit

جت تاني يوم دراعها بتوجعها أكتر من لما كانت بتلعب تنس بجد

!!!!!!

بالنسبة للبيوت يا لماضة .. بيحبوا المساحات المفتوحة .. و المكان الواحد له اكثر من استخدام

عادة المساحات صغيرة فدايما يحاولوا يبينوها أوسع

الأثاث بسيط و عملي جدا.. و مريح

في البيوت العادية ما افتكرش اني شفت نيش او اتنين صالون غير الانتريه زي عندنا

بس لاحظي ان اللي في الاعلانات دي مش بيوت حقيقية

it's show homes

raouf

آسفة جدا اذا كنت خرجت حبتين تلاتة اربعة عن الموضوع

متابعة باهتمام

تحياتي

[أبوعمار]

http://www.youtube.com/watch?v=0Ch7soAo4Hc&feature=related

http://www.youtube.com/watch?v=iU1k8DCxN8g&feature=related

ايه يا عم رؤوف

دي مؤامرة ولا ايه؟

وكتاب الله المجيد مؤامرة

كل شوية تقعد تذل فينا كده

ينفع الكلام ده؟!!!

خايف من الاختراعات اللي جاية .....

ممكن تكون ايه يعني؟

كبسولات للمشاعر والاحاسيس مثلا

تغنيك عن البني ادمين وتعمل لك شوية تهيؤات انك عايش معاهم؟

ولا برضو من الواقع الافتراضي

تبني لك بيت على مزاجك في المكان اللي على مزاجك ... وتعيش بقى

بدل الغربة ووجع القلب ده.

مفيش اختراع يريحنا من المذاكرة للعيال والمناهدة معاهم يا أخويا ليل نهار

كل شوية : اسكت يا واد عيب يا واد ... أصوّت يا واد

الله يسترك شوف لنا اختراع يظبط أحوالنا شوية

ويخللي الناس المفترية تتهد وتخاف من ربنا بقى

تم تعديل 10 نوفمبر 2010 بواسطة أبوعمار

[masraweya]

السلام عليكم

أخر جملة في اول فيلم عن الحاسة السادسة بتتكلم عن

implant

كنت قريت من فترة ان الأبحاث اللي بجد ممكن تعمل فرق كبيييييييييييييير بين اللي معاهم فلوس و اللي معاهمش هي أبحاث تطوير و تحسين الوظائف العصبية

neurofunctions and interfaces

لأنها هتديهم قدرات "خارقة" .. زي الخيال العلمي

تحياتي على الموضوع الجميل

[raouf]

شكرا لكل من الردود المشجعة وان شاء الله ساستمر باتحافكم بالجديد وخصوصا اللى نقدر نستخدمه فى حياتنا لاضفاء مزيد من التشويق

[algnh]

شكرا لكل من الردود المشجعة وان شاء الله ساستمر باتحافكم بالجديد وخصوصا اللى نقدر نستخدمه فى حياتنا لاضفاء مزيد من التشويق

[

واااااااااو بجد مذهل

[raouf]

ده بقى ايه احد تطبيقات النانو اللى اخد عليها عمو زويل جازة نوبل

طبعا ده اختراع بيهم اللى غاويين سيارات زيى

شوفوا الحلاوة

انا سالت على سعره فى السعودية

باللتركيب لسيارتى بالصلاة على النبى 35000 ريال

وعرفت ان فيه 4 ركبوه هنا فى المملكة فاللى يشوفه فى الشارع ما يتخضش

http://www.youtube.com/watch?v=XN3-7odPDBg

http://www.youtube.com/watch?v=9RILsgH4RBY&feature=related

تم تعديل 11 نوفمبر 2010 بواسطة raouf

[masraweya]

ده بقى ايه احد تطبيقات النانو اللى اخد عليها عمو زويل جازة نوبل

طبعا ده اختراع بيهم اللى غاويين سيارات زيى

شوفوا الحلاوة

انا سالت على سعره فى السعودية

باللتركيب لسيارتى بالصلاة على النبى 35000 ريال

وعرفت ان فيه 4 ركبوه هنا فى المملكة فاللى يشوفه فى الشارع ما يتخضش

http://www.youtube.com/watch?v=XN3-7odPDBg

http://www.youtube.com/watch?v=9RILsgH4RBY&feature=related

ده يا سيدي موجود للشبابيك و البلكونات كمان .. الأسعار بشعة

بيعتمد باختصار على تغير خواص المادة عند توصيلها بالكهرباء

[أبوعمار]

خدوا بقى الحتة دي

اشي خيال يا ناس

باختصار ومن غير فزلكة .... ولا سحر ولا شعوذة

http://www.youtube.com/watch?v=ewTCvDTxve4&feature=fvw

تم تعديل 12 نوفمبر 2010 بواسطة أبوعمار

[عبد الله غريب]

عشان نقرب من المستوى ده, محتاجين المبدعين يفكروا إزاى يبدعوا وبس.إنما تشوف المبدع دلوقتى بيقضى معظم وقته بيفكر فى إيه؟بيفكر إزاى يوفر حياة كريمة لنفسه ولأسرته لو كان رب أسرة.أو بيفكر إزاى يكون نفسه عشان يقدر يتزوج ويكون عنده أسرة.بيفكر هل المياه اللى بيشربها صالحة للشرب ولا لأ.بيفكر هل الأكل اللى بياكله - أياً كان نوعه - صالح للاستهلاك الآدمى أو لأ.لو عنده مشكلة فى الشقة -سباكة أو كهربا أو غيره- هل يقدر يصلحها بسهولة وبإتقان ومن غير ما صنايعى يطلع عينه ويسرق فلوسه من غير ما يصلح المشكلة؟لو عنده عربية, لو عنده أولاد فى الدراسة, لو مريض وعاوز يتعالج, لو عنده أى معاملة حكومية محتاج يخلصها... إلخكل ده ممكن يتعمل بسهولة ومن غير ما نستنفذ طاقة المبدع فى أشياء أخرى ممكن لا تتعلق بالإبداع, ولكن لو كان هناك نظام دولة يقدر الإبداع والمبدعين ويحترم العلم والعمل.

بعد ما تشوفوا الفيديو ده ممكن حد يرد عليا ويقولى احنا فين من الناس د ى ؟بجد الفرق بينا اصبح مليون سنة ضوئية على راى احمد عيد فى فيلم ليلة سقوط بغداد

http://www.youtube.com/watch?v=Ckl7ZaURUu0&feature=player_embedded#!

فى رد قادم هاقولكم احنا ايه اللى بيهمنا واحنا فين

شكراً على الموضوع الرائع، لكن....

الفرق بينا و بينهم مش مليون سنة ضوئية ولا حاجة بالمرة ...لا .. الفرق بينا و بينهم بسيط جداً و هو بالضبط زي ما ورد في مداخلة الأستاذ محمد عبد العزيز.

و فكرة الجهاز الجديد مش جديدة لكن هم وجدوا فرصة يبدعوا لأن متوفر لهم المناخ الذي يرعى الإبداع.

من غير تقليل لمجهودهم...هو دا الفرق الوحيد بينا و بينهم، و احنا ممكن نتفوق عليهم عادي خالص و حصلت كتير و بتحصل، الجهاز الجديد فكرته في مخيلة كثير من الناس عندنا و عندهم لكن هما وجدوا فرصة التنفيذ علشان المناخ مساعد، لكن عندنا بقى ... أقول إيه؟ ..... أحيلك لرد الأستاذ محمد عبد العزيز مرة أخرى.

لكن أحسن حاجة عجبتني إن المبرمج اللي كتب البرامج دي ناوي ينزلها و بكده التطوير حيكون اسرع و على مستوى العالم يعني مبرمجين من كل أنحاء العالم ممكن يشاركوا في تطوير النسخة الأولية اللي حتنزل من النظام. و أعتقد إن السبب وراء إن البرنامج حينزل بمصدر مفتوح هو إن المبرمج نفسه ربما استخدم برامج ذات مصدر مفتوح في تطويره للنظام، و لذلك لازم ينزله تاني بمصدر مفتوح.

و تقبل شكري مرة أخرى على موضوعك القيم.

[عبد الله غريب]

خدوا بقى الحتة دي

اشي خيال يا ناس

باختصار ومن غير فزلكة .... ولا سحر ولا شعوذة

http://www.youtube.com/watch?v=ewTCvDTxve4&feature=fvw

مع كل التقدير لمداخلتك لكن النظام الجديد أحسن من الـ Microsoft Table لأن النظام الجديد حيمكنك إنك تعمل كل النشاطات دي و أكتر "أون ذا جو" أثناء التجوال يعني ما نتاش مضطر للجلوس في مكانك على الترابيزة الإلكترونية دي، بل ممكن تستخدم أي مسطح قريب منك لعرض الصور، و ممكن تستخدم كف أيدك لو ما فيش قدامك اي مسطح، لا لا لا فرق شــــاسع، بالضبط زي الفرق بين ده phn: و دا mob:).

و لاحظ التصفيق اللي في الفيديو من المشاهدين clp:: لما مقدمته أشارت إلى هذه النقطة في الدقيقة رقم 04:06.

ممكن ميكروسوفت تطور نظامها و يبقى زي ده لكن ... ما تنساش المصدر المفتوح يعني متاح للجميع تطويره، و ما يترتب على ذلك من رخص سعره المتوقع ألا يزيد عن سعر الموبايل.

مش زي ما طبعاً ميكروسوفت حتنزله مصدر مقفول عليها و على مبرمجينها mc: ،

و ما حدش حيقدر يطلع على كود البرنامج إلا شركة ميكروسوفت علشان تبقى أسير لها n2&( .

طبعاً النظام في مرحلة التطوير، و زي ما قالت الأستاذة أو الدكتورة اللي قدمت الفيديو إن أحد طلابها هو صاحب الفكرة وراءه، و أن النظام سيحتاج لبعض الوقت (هي قالت 10 سنين) للوصول به لمرحلة النضوج التي يمكن بعدها الاستفادة الحقيقية منه،

يعني لو نزلت النسخة الأولى من كود البرنامج كمصدر مفتوح فالمتوقع أن تتلقفها ايدي المبرمجين في جميع أنحاء العالم ليدلي كا منهم بدلوه في تطويرها، و طبعاً دا حيسرع و حيحسن في مستواها بحيث تصل للنضوج للاستفادة العملية من النظام في زمن أقصر بكتير مقارنة لو شركة واحدة زي ميكروسوفت احتكرت الكود و منعت بقية المبرمجين في العالم على تنوع خبراتهم و سعة تجاربهم و اختلاف ظروفهم من المشاركة في التطوير و هي دي فائدة المصدر المفتوح. و تجربة Linus Torvalds في Linux خير شاهد.

تقبل تقديري و احترامي :hi:.

[nightmare]

الناس دي فعلا سبقونا ب 100 سنة ضوئية , الناس وصلت لكل كده واحنا لسه شعارنا رغيف خبز لكل مواطن, شوفوا دول كمان وقولولي بقي رايكم اتعملوا ازاى , حاجة تعقدhypr:

http://www.youtube.com/watch?v=l6PsnCs07aw

http://www.youtube.com/watch?v=_hqbdFq9M8g&feature=related

مع تحياتي

تم تعديل 13 نوفمبر 2010 بواسطة nightmare