عيب عليك يا زمالك ده انت نادى كبير

[المهندسه]

هو كله شتيمه للزمالك من زمان ...اول مره نباركله من يجى كده خمناشر تمناشر قرن

مبروك للزمالك وربنا ما يجعلها اخر افراحه وترجع ريما لعادتها القديمه

:Ahly: هو الاصل برضه

[nightmare]

هو كله شتيمه للزمالك من زمان ...اول مره نباركله من يجى كده خمناشر تمناشر قرن

مبروك للزمالك وربنا ما يجعلها اخر افراحه وترجع ريما لعادتها القديمه

هو الاصل برضه

انتى تانى i*: , ماشي يا هندسة هي بقت كده , الزمالك ده حب وعشق لا ينتهي , ولو فيه استقرار بس وابنائه بيخافوا عليه بجد وعنده وكالة واعلام زي اندية ثانية , مفيش حد هيقدر يقف قدامه:cardyellow:

وابعدنى عندي في موضوع الزمالك ده بقي انا الضغط بيعلى وممكن اقلبها ضرب نار

مع تحياتي

[akramgroup]

:Ahly: :Ahly: :Ahly:

: :waving: :waving:

معلش يااخوانا انا مش عارف اقول ايه بس بصراحه

انا معتمد اعتماد كلى على شخص سايبهلكم هو اللى

يرد عليكم ويظبت المسائل وانا واثق فيه فى الحته دى

اللى هو : سى السيد

انا بس داخل اشجع واهدى النفوس :lol: :lol:

[المهندسه]

نستغل بقه عدم وجود الزملكاوى الصميم الاخ nightmare ربنا يرجعه بالسلامه ونكتب براحتنا عن الزمالك

انا زملكاوى والزمالك عندى .. دم ماشى فى وريد

لـــكن بعــد اللى حصـــلو .. لازم يكون فى تجديــــد

ايــــدينا فى ايد بعضينا .. ونشجع بنى عبيـــــــــــد

سامحنى يا اهلى يا عمى .. غلطت فى حــــقك اكيد

وان قالو جاسوس او خاين ... مبخفش من التهديد

عاملينلى ملوك الكوره .. ولا حصلـــــتوا حتى عبيد

ال ايـــه المره الجايه .. ال ايــــــــه لاعيبه حديـــــد

اهو فى الملعب غسلونـــا .. ونزلوا فينــــــا تنفيض

انا من دلوقتى هــغير .. لفريق مش غاوى تقليـــد

ومن بكره هغنى وازئطط .. واعيش فى حياتى سعيد

او انــــــــى اشنق نفسى .. مهو جايز يقولوا شهيــد

وهاجى علــى شاهد قبرى .. واكتب ببنط عريـــــض

زملكاوى مات مفروس .. على قبرى وزيد

تم تعديل 18 نوفمبر 2010 بواسطة المهندسه

[se_ Elsyed]

يا باشمهندسه يا جامده قوي

ده احلى تعييد .. على أي زملكاوي عنيد اللي لازم يعيد تفكيره من أول وجديد

[شريف مان]

:P

:P

[se_ Elsyed]

ليه كده يا شريف ؟؟؟؟

عامةً

مش هاننزل للمستوى ده وهانكمل الموضوع بشكل ضاحك وليس مُهين

[شريف مان]

والراجل اللى مادد ايده مش مهينة

وتغيير نجوم النادى الخمسة بجنيهات مش مهينة

وهدومك القديمة مش مهينة

أكرم لنادى الزمالك انه يجمع تبرعات من ( جماهيره )

عن ان مسئوليه يسرقوا فلوس المؤسسات الاعلانية .. ويشروا اللاعبين بالاعلانات الملاكى لنادى الشياطين ويتسولوا من رجال الاعمال مقابل تسهيلات فى الاعلانات

كل سنة وانتوا طيبين

تم تعديل 18 نوفمبر 2010 بواسطة شريف مان

[المهندسه]

يا باشمهندسه يا جامده قوي

ده احلى تعييد .. على أي زملكاوي عنيد اللي لازم يعيد تفكيره من أول وجديد

اى خدمه يا استاذ س س.

وطالما جامده مزرفتنيش ليه واحده خضرا بدل ما انا بالمجموع ده هعيد الثانويه من تانى و هيسحبوا منى عضويه النقابه

كل سنه وانت طيب والاهلى فوق الجميع للابد(بس من غير حسام البدرى يارب)

تم تعديل 18 نوفمبر 2010 بواسطة المهندسه

[المهندسه]

والراجل اللى مادد ايده مش مهينة

وتغيير نجوم النادى الخمسة بجنيهات مش مهينة

وهدومك القديمة مش مهينة

أكرم لنادى الزمالك انه يجمع تبرعات من ( جماهيره )

عن ان مسئوليه يسرقوا فلوس المؤسسات الاعلانية .. ويشروا اللاعبين بالاعلانات الملاكى لنادى الشياطين ويتسولوا من رجال الاعمال مقابل تسهيلات فى الاعلانات

كل سنة وانتوا طيبين

ليه بس كده يا شريف

هو انا استغل عدم وجود nightmare تطلعلى انت

شكرا على تحليلك للصوره

...ده المفروض يا راجل بالفلوس ال هيلموها من التبرع النادى يبنى مستشفى لجماهير الزمالك يتعالجوا فيها من الضغط ال بيجيلهم بعد كل مباراه.

اوعى تزعل ده الوضوع كله تهريج

مساك جولين للزمالك ...قول امين

تم تعديل 18 نوفمبر 2010 بواسطة المهندسه

[شريف مان]

ليه بس كده يا شريف

هو انا استغل عدم وجود nightmare تطلعلى انت

أصل nightmare حبيبى من أيام الجيزة

شكرا على تحليلك للصوره

على فكرة انا شايف ان الصورة عادية وكمان الصورة اللى رفعتها عادية ولو سى السيد شايف ان فيها اهانة يبقى الصورتين فيهم اهانة .. والموضوع كله هزار فى هزار

...ده المفروض يا راجل بالفلوس ال هيلموها من التبرع النادى يبنى مستشفى لجماهير الزمالك يتعالجوا فيها من الضغط ال بيجيلهم بعد كل مباراه.

لا متقلقيش الفلوس مش هتكفى :lol: .. على فكرة الزمالك أول الدورى حاليا

مساك جولين للزمالك ...قول امين

آمين .. بس يكونوا فى الاهلى :waving:

:clappingrose:

[المهندسه]

مساك جولين للزمالك ...قول امين

آمين .. بس يكونوا فى الاهلى

:clappingrose:

ااااااه يا مين يعيش...احفادنا بقه وعليك خير

تم تعديل 18 نوفمبر 2010 بواسطة المهندسه

[nightmare]

يعني انا اسيبكم كام يوم , ارجع الاقيكم مقطعين فروة الزمالك للدرجة دي

ماشي يا سين سين انت والمهندسة , تصدقوا بقي الدعوتين اللى دعيتهم ليكوا هرجع فيهم تانى :D

حبيبي يا شريف , طمنتنى انى سايب ورايا رجالة قدها وقدود

علشان انا لسه راجع طازة ومش عاوز الحج يروح هدر , اكمل يا ابنى وانا يومين كده وهكون معاك

مع تحياتي

[ابو محمود]

العيب اننا كل مؤسسات البلد تتحول لاقتصاد حر والتسعيرة تتلغى واللحمة تبقى ب70 ج والاندية تابعة للدولة اما نحن عميان او مجانيين ههههههههههههههههههههههههههههههههه

الزمالك كنادى عريق يغرق ومن بعدة الاهلى مهما طالت المدة الاسعار ترتفع والدولة تشحت ويتم تهريب اموالها الى الخارج فيها آية يعنى لو تحولت الاندية الى مؤسسات خاصة حرة يكون الجماهير هى صاحبة الامتياز بها (أسهم ) والكل يعمل على الارتقاء بنادية حسب شعبيتة مع المحاسبة والتدقيق بدل السرقة الحالية ورجال اعمال ينهبون من الداخل ويرسلون ما نهبو الى الخارج يا سادة كل من يهين الزمالك اليوم سوف يكون مخطيء غدآ عندما يتم افلاس الكثير من الاندية الجماهيرية بسبب السياسات الخاطئة للدولة دى دولة حررت السوق وتضع يدها على مؤسسات تعلم جيدآ انها لابد من تحريرها ايضآ والسر لا يعرفة الا هم وانى كأهلاوى اشجع ان يكون الجمهور هو من يبنى نادية وليس الدولة عن طريق المساهمة وطرح اسهم النادى فى البورصة وعمل مؤسسة شاملة تستفيد من كل ذرة بالنادى من اول الفانلة الى اعلانات والعاب يتفوق بها هذا النادى او ذاك وعندها لن تحتاج الاندية للتسول من الدولة وكفانا بقى نظرة ضيقة وقصيرة الأهلى كبير بجماهيرة مثل الزمالك تمامآ وكلآ حسب اجتهادة وشطارة اداراتة لكن ان نجعل من نادى مثل الزمالك قلعة عريقة وصرح رياضى هو الثانى بالترتيب بمصر فهذا معيب لنا نحن جماهير مصر والادى الاهلى لأن الزمالك هو شريك رئيسى فى بطولات مصر لكرة القدم متساويآ مع الاهلى ولو كانت نسبتة غير نسبة الاهلى فهو يعتبر نسبة لا تقل عنة لانة يعمل من اجل امداد منتخبات مصر بلاعبين اكفاء مثلة مثل الاهلى ومن هنا اهنيء تلك الادارة على تفكيرها وحماسها على حماية ناديها من الافلاس بأن تشجع الجماهير على التعرف على انها هى المخلص الوحيد من بلاوى رجال الاعمال والدولة ممثلة فى الشباب والرياضة بأن علمت الجماهير كيفية الوقوف بجانب انديتها

على فكرة سيحدث قريبآ السماح لكل الاندية بجعل الجماهير تقف بجانب انديتها والزمالك سيكون الرائد للمرة الاولى فى تاريخة باخراج الاندية من تحت عباءة الدولة مبروك للزمالك المبادرة

ولكل زملكاوى اعلن اتعذارى لة عن التريقة من بعض محبى وعشاق الاهلى وهذة مبادرة من اهلاوى قديم

لتحية كل اصدقائنا الزمالكاوية فالزمالك دائمآ اخآ لنا نحن مشجعى وعشاق النادى الاهلى تحيى لكم جميعآ وكل عام وحضراتكم بخير ... محمود مصطفى اهلاوى وعاشق لكرة القدم والاهلى

[Ahmed Anwer]

الزمالك فضحنا فضيحة تانية !!!!

راح يطلب من قطر فلوس مقابل إنهم يسيبوا حسين ياسر يلعب في بطولة خليجي !!!!

عايزين يطلبوا فلوس مقابل إن واحد يلعب مع منتخب بلاده

صحيح بطولة مش تبع الفيفا

بس هما مش عارفين إن البطولة دي بالنسبة للخليجين أهم من كأس العالم

الناس دي بتبص تحت رجلها علي الاخر

و خلوا الشحاتة دولية