ما تيجو نعمر كوكب المريخ

[اغابي]

لو جاتلكم فرصة يا جماعة تهاجرو كوكب المريخ

smk:

انا شايفاها فرصة بصراحة يعنى من 40 سنة اللى كان يقول لاهالينا هاجرو امريكا ولا كندا كانوا يرفضوا طبعا

لكن تمر السنين والناس بتسعى جديا فى الهجرة لكندا او امريكا

يمكن يجي اليوم اللى الناس تتطلع فيه للهجرة الى كوكب المريخ

وحيجي اليوم - احساس ما يكذبش ابدا على الاقل الحياه بكر هناك ومفهاش قلبت دماغ - اعندى احساس ان احفادى حياخدو الجنسية المريخية مش عارفة ليه

حقائق عن المريخ

- بالرغم من تسميته بالكوكب الاحمر فإن لون المريخ يميل الى البرتقالي الداكن.

- المريخ يضم اعلى جبل معروف في النظام الشمسي وهو جبل اولمبس البالغ ارتفاعه 34 كليو مترا اي ثلاث مرات ارتفاع ايفرست.

- حجم المريخ نصف حجم الارض وبه منطقتان قطبيتان يغطيهما الجليد، كما ان به مواسم تشبه مواسم كوكبنا الارضي. واليوم المريخي اطول بـ41 دقيقة من اليوم في الارض.

- ان ثبوت وجود حياة على كوكب المريخ سوف يتم الاعلان عنه هذا العام، وذلك بعد تحليل قطع من الكوكب جلبت الى الارض.

تم تعديل 11 نوفمبر 2010 بواسطة اغابي

[اغابي]

الرحلة إلى المريخ

اتجاه واحد وإقامة دائمة من دون عودة

رحلة مهمة جريئة يذهب فيها المسافر إلى ارض لم تطأها قدم البشر. إنها الرحلة إلى كوكب المريخ. غير أن هناك نقطة مهمة وهي ان المسافر لن يعود منها البتة، أي أنها تذكرة سفر من دون عودة.

فوكالة الفضاء الأميركية (ناسا) تجري أبحاثا حول امكانية ان يقيم الانسان مستعمرة في عوالم اخرى مثل المريخ، وذلك ضمن مشروع طموح اطلقت عليه «سفينة رحلة المائة عام».

الإمدادات الأساسية لمستوطني الكوكب سترسل طبعا من الأرض، لكن سيكون على المستوطنين الأوائل تحقيق اعتماد ذاتي في أقرب وقت ممكن بعد وصولهم إلى المريخ وهم سيذهبون إليه، وقد تم تنبيههم إلى أن اعادتهم ستكون مكلفة للغاية، ويصعب القيام بها.

بيت وردن مدير مركز ايمس للأبحاث التابع لناسا صرح بأن المركز تلقى تمويلا بمبلغ مليون جنيه استرليني للشروع في العمل في المشروع. كما تلقى فريق البحث مبلغ مائة ألف دولار اضافي من ناسا، وحث أيضا بعض المليارديرات لإقامة صندوق لدعم «سفينة رحلة المائة عام».

البرنامج يهدف إلى استيطان العوالم الأخرى، وهي الفكرة التي لو بدرت من أحد قبل عشرين عاما لطرد من عمله، حسب تعبير وردن الذي قال انه ناقش تقديرات تكلفة رحلة في اتجاه واحد إلى المريخ مع لاري بيدج احد مؤسسي شركة غوغل، وأبلغه ان مثل تلك المهمة يمكن انجازها بميزانية تبلغ 10 مليارات دولار.

وأضاف «إن استجابته كانت بخفض المبلغ إلى مليار أو ملياري دولار»، والآن بدأنا بالدخول في نقاش وجدل حول التكلفة.

يبعد المريخ عن الأرض بين 70 مليونا إلى 500 مليون كلم. وآخر مهمة كانت لمركبة من غير رواد فضاء اطلقت في اغسطس عام 2007، وهبطت في القطب الشمالي للكوكب في مايو من العام التالي.

ويقول العلماء ان صاروخا مزودا بوقود نووي قد يقلل من مدة الرحلة إلى حوالي أربعة أشهر.

ومن بين جميع الكواكب في النظام الشمسي يعد المريخ اكثر احتمالا في ما يتعلق بوجود كميات كافية من الماء. مما يجعله الاكثر قابلية لعيش الانسان، الا انه تصعب الاقامة فيه، وذلك لان درجات الحرارة قد تنخفض الى ما تحت نقطة التجمد في بعض مناطقه.

كما ان الغلاف الجوي الرقيق قد يمثل مشكلة لانه يتكون في اغلبه من ثاني اوكسيد الكربون، وبالتالي لا بد من الحصول على امدادات الاوكسجين.

ويرى وردن ان هنالك بعض التقنيات الجديدة مثل البيولوجيا التركيبية، والتغيرات في الخريطة الجينية للانسان يمكن النظر فيها قبل الشروع في تلك الرحلة الى كوكب المريخ.

وفي بحث نشر في مجلة علوم الفلك، ذكر العالمان ديريك شولز - ماكوخ وبول ديفيز ان هنالك تصورا يقوم على ارسال اربعة متطوعين من رواد الفضاء في اول رحلة لاستيطان المريخ الى الابد. وجاء في البحث «ان رحلة بشرية لاتجاه واحد الى المريخ لن تكون مشروعا ذا فترة زمنية محددة، كما كان الحال بالنسبة لبرنامج ابولو. ولكن ان تصبح خطوة اولى نحو اقامة وجود بشري دائم فوق ذلك الكوكب».

اما عن اهمية استيطان الانسان لكوكب المريخ، رغم هذه التكلفة العالية، يقول العلماء ان هناك اسبابا علمية وسياسية، فاستراتيجية القيام برحلة في اتجاه واحد تجعل تحقيق ذلك الهدف ممكنا تكنولوجيا وماليا.

واضافا «ومع ذلك فان تحقيق هذا الهدف لا يتطلب فقط تعاونا دوليا واسعا بل انه سيعتمد على العودة الى روح الاستكشافات وركوب المخاطر التي تميزت بها مرحلة الاستكشافات الكبرى للكرة الارضية على يد بعض المكتشفين الكبار مثل كريستوفر كولومبوس».

مركبات فضائية صممتها {ناسا} لتحمل الانسان الى المريخ لاستيطان الكوكب الاحمر (صورة تعبيرية)

تم تعديل 11 نوفمبر 2010 بواسطة اغابي

[مغتربة]

لا بلاش بجد

هنخربوا زى ما خربنا الارض

[اغابي]

طب تصدقى انا مستعدة اروح المريخ بس بشرط ما يكونش فيه اى اسلحة من اى نوع

لان الرصاص معناه الافتراس

[مغتربة]

طب تصدقى انا مستعدة اروح المريخ بس بشرط ما يكونش فيه اى اسلحة من اى نوع

لان الرصاص معناه الافتراس

ههههههههههههههههه

حتى لو مفيش هيخترعوه مش هيغلبوا

احنا المشكله مش المكان

الانسان هو اداه التدمير الاولى بلا منازع

[تامر مصطفى]

ازيك يا اغابي

المشكلة انك ممكن تهربي من الارض وتهاجري على المريخ واول ما تنزلي هناك تلاقي واحد لابس عفريتة صفرا وماسك كيس اسود كبير وبيقولك

ماما ما يبي يغسل صاروخ؟؟؟

:Head:

ولو رفضتي

هيقولك ماما انا 3 شهر مافي معاش مافي أكل

بابا داخل بلاد في موت باتشا في مريض

;) :P

[Dreamwithme]

العلم نور برضه :o .....

أتاري الأستاذ مدحت صالح لما غني "رفضك يازماني يامكاني يا أواني أنا عايز أعيش في كوكب تاني " كان عنده بعد نظر i*:

بس أنا معنديش روح المخاطرة اللي الأستاذ العالم بيقول عليها فهاستني هما يروحوا الأول وأما يحلوا مشكلة الأكسجين ممكن أحصلهم. ;)

[اغابي]

ازيك يا اغابي

المشكلة انك ممكن تهربي من الارض وتهاجري على المريخ واول ما تنزلي هناك تلاقي واحد لابس عفريتة صفرا وماسك كيس اسود كبير وبيقولك

ماما ما يبي يغسل صاروخ؟؟؟

:Head:

ولو رفضتي

هيقولك ماما انا 3 شهر مافي معاش مافي أكل

بابا داخل بلاد في موت باتشا في مريض

:hysterical:

ما انا حاساله انت يا ابني اتزقيت فى اى رحلة - وحاطلب السفارة الماريخية تسفرو لكوكب الارض تانى

وممنوع استقدام الهنود ولا البنجلاديش

احنا عاوزين المريخ يبقى كدا على مزاجنا

احنا ننضف الصورايخ لنفسنا والسفن الفضائية بمساعدة بعض ولا الحوجة للهنود ابدا

اسكت يا تامر

دانا الخدامة بتاعتى علشان تسافر موتت مامتها 3 مرات

كل مرة يجيلها تلفون من الهند - تعيط وتقولى ماما مووت ماما موووت

كل مرة اسالها امال مين اللى ماتت من 6 شهور دى

انتى ليكي كام ام يا بنتى فهميني

تم تعديل 11 نوفمبر 2010 بواسطة اغابي

[اغابي]

العلم نور برضه :o .....

أتاري الأستاذ مدحت صالح لما غني "رفضك يازماني يامكاني يا أواني أنا عايز أعيش في كوكب تاني " كان عنده بعد نظر i*:

بس أنا معنديش روح المخاطرة اللي الأستاذ العالم بيقول عليها فهاستني هما يروحوا الأول وأما يحلوا مشكلة الأكسجين ممكن أحصلهم. ;)

تصدقى لسة كنت حاقولها -

الراجل مدحت صالح داه صح الصح - وعنده نظرة مبعدية - يعنى

كانت رؤية وقربت تتحقق يا مدحت يا صالح

بالنسبة للاوكسجين اللى خلاهم يخترعوا المكيفات واجهزة تنقية الهواء وتعقيم الهواء مش حيقدرو على دى

اكيد حيخترعولها حل - هما طبعا مش احنا احنا مش بتوع اختراعات

البركة فيهم يشدو حيلهم شوية

على فكرة - شكرا لمرورك - نورتى التوبيك

[Dreamwithme]

على فكرة - شكرا لمرورك - نورتى التوبيك

شكرا لك إنت يا أغابي علي المواضيع الجميلة اللي بتعمليها وده نورك يا أفندم

بالنسبة لموضوع المريخ مع مغتربة وتامر إنك مهما تعملي ومهما تروحي المشكلة في البني آدم يعني لو فعلا عايز يعمر ما يصلح اللي عمله في كوكب الأرض

[masraweya]

السلام عليكم

http://en.wikipedia.org/wiki/Colonization_of_Mars

كان فيه فيلم وثائقي تحفة عن استيطان المريخ .. الرهايمر اشتغل و مش عارفة اجيبه

بس فاكرة انهم بيتوقعوا ان البشر اللي يستوكنوا هناك هينفصلوا تماما عن الأرض و مش بعيد يعتبروا نفسهم جنس تاني و يرفضوا تدخل "الأرضيين" في شئونهم

تحياتي