كلمات عجيبة غريبة و ساعات بتبقى مصيبة

[pink rose]

صباح الخير عليكم تاني

امبارح صحيت فتحت ما لقيتش موضوعي

النهاردة صحيت لقيته تاني

يبقى الغلط كان مني

ما كانش المفروض اصحى امبارح

صح؟

ميرسي يا جماعة على مجهودكم

[م تيمور المراغي]

لا امبارح ده كان حلم

اسمك موجود من البدايه خالص يا ريمو ,,

بعدين هو اكل وبحلقه هههه

دلوقتي مايوسف يجيلك صاحي من النوم ربنا يستر :happy:

[pink rose]

عندنا في اسكندرية بيقولواعلى الميكروباص

مشروع

بصراحة مش فاهمة ليه

عموما انا ما باركبش البتاع دا خالص لاني ما باحبش ابقى قاعدة و حد يزغدني في كتفي عشان اوصله الاجرة للسواق

انا باركب تاكسي :closedeyes:

[م تيمور المراغي]

هنا برضوا في جده بيسموا التاكسي ليموزين ,,

طيب ماهوا اسمو في كل حته في النيله الدنيا تاكسي

ناقصين خنقه احنا هههههههه

[م تيمور المراغي]

المقاوحه برضوا اللي في طبع المصريين اتاريها وراثه قديمه من جدود الجدوود :happy:

شوفوا والنبي مدبولي يقوله عاوزها بني

يقوم قايله طيب ماتجرب السودا ؟

!!!!

ههههه

اسيبكم تحكموا بنفسكم

,,,

http://www.youtube.com/watch?v=XmDKOC4_RuM&feature=related

[Om Zayd]

عندنا في اسكندرية بيقولواعلى الميكروباص

مشروع

بصراحة مش فاهمة ليه

تصدقي اني كنت هسأل على الموضوع ده

واحدة صاحبتي اسكندرانية بسألها على مكان .. قالتلي "خدي المشروع" .. طبعا تنحت

:unsure:

المهم لما سألتها .. قالتلي الميكروباس .. ما كان من الاول

:blink:

[Scorpion]

شخصيآ ما عنديش تجارب لغوية كتيرة حصلت منها مشاكل .. بخلاف طبعآ الطلياني اللي فيه شوية كلمات معناها بالمصري الرقابة بتحذفه أول بأول فمش حيبقي مجال السرد دلوقتي ..

انا اللي حتكلم عنه هي اللهجة اللبنانية اللي شخصيآ بأستمتع بيها و بموت فيها جدآ جدآ جدآ ... و أعز اهل لبنان بنفس الدرجة .. كفاية انها بلد فيروز ...

فيروز بقي كانت اول واحدة تخليني اتنح و انا بسمع كلمات لبنانية ...

مين ما يعرفش أغنية شادي .. كنت "وما زلت " أحبها جدآ "" لكن زمان كنت أسمعها باستمتاع كلها لغاية ما تيجي الحتة اللي قامت فيها الحريقة و شادي راح يتفرج عليها و هوبا الاقيها بتقول :

و الدني دني ... نظام المعفن معفن او الحمار حبفضل حمار و كده يعني ..

و انا اقول ايه اللي دخل الدناوة في الحريقة ..

و كل مرة اسمع الأغنية دي اضحك علي دناوة شادي اللي ودته في داهية ..

كلمة تانية اول مرة سمعتها في حياتي لما مدام صايغ مرة قالتلي "تقبرني يا سكوب " قمت انا علي طول قلتلها .. ربنا يديكي طولة العمر يا ست الكل ليه بس التفويل علي نفسك ....

كفاية الأتنين دول دلوقتي

[عادل أبو عمر]

هو موقف حصل بسبب اختلاف اللغة من سنين في مكتب الاستقبال في شركة قاعد موظف الاستقبال شاب صغير و منتظر أمامه واحد أجنبي و بعدين الأجنبي عمال يكلمه و الولد يا عيني يضحك :) و مفيش غير كلمة واحدة في الانجليزي يفهمها عمال يقولهاله : " سانك يو "

وبعدين دخل واحد من الموظفين معدي بالصدفة و بعدين سمع جزء من الحوار فسأل موظف الاستقبال قاله إنت فاهم بيقولك إيه ؟؟

قاله لأ ... بس هو عمال على كدة من يجي lمن عشر دقايق ...

فصاحبنا اللي معدي ده قال للأجنبي please come with me و خده معاه و قاله : .......

Toilet from here

[pink rose]

هو موقف حصل بسبب اختلاف اللغة من سنين في مكتب الاستقبال في شركة قاعد موظف الاستقبال شاب صغير و منتظر أمامه واحد أجنبي و بعدين الأجنبي عمال يكلمه و الولد يا عيني يضحك :) و مفيش غير كلمة واحدة في الانجليزي يفهمها عمال يقولهاله : " سانك يو "

وبعدين دخل واحد من الموظفين معدي بالصدفة و بعدين سمع جزء من الحوار فسأل موظف الاستقبال قاله إنت فاهم بيقولك إيه ؟؟

قاله لأ ... بس هو عمال على كدة من يجي lمن عشر دقايق ...

فصاحبنا اللي معدي ده قال للأجنبي please come with me و خده معاه و قاله : .......

Toilet from here

جامدة دي و الله

الراجل خلاص تلاقيه هايعمل على نفسه يا عيني و صاحبنا و لا على باله و شغال تشكرات

فكرني الموقف دا بموقف مريم عملته عند الدكتور

هي كانت ودنها السمع قل فيها بدرجة ملحوظة قبل ما نعملها اللوز الحمدلله و رجعتلها الذاكرة قصدي السمع

المهم كنا عند دكتور بريطاني و بعد ما كشف و خلص فا الراجل حب يتكلم معاها يعني

فا بيقولها how are you?

فا انا قولتلها قولي للدكتور im fine thank you

قامت بنتي بكل علياء و من طرطوفة مناخيرها قالتله

كل سنة و انت طيب :closedeyes:

طبعا الدكتور و لا فهم اي حاجه و بقيت انا و باباها هانفطس من الضحك و كاتمين في قلبنا عشان ما نحرجش الدكتور

[Howayda Ismail]

عندنا في اسكندرية بيقولواعلى الميكروباص

مشروع

بصراحة مش فاهمة ليه

تصدقي اني كنت هسأل على الموضوع ده

واحدة صاحبتي اسكندرانية بسألها على مكان .. قالتلي "خدي المشروع" .. طبعا تنحت

:unsure:

المهم لما سألتها .. قالتلي الميكروباس .. ما كان من الاول

:blink:

امال لو قالتك اركبى توناية كنتى عملتى ايه

دى اللغة الدارجة بتاعة الاسكندرانية وكلهم فاهمينها

التوناية اصلا تطلق على صفيحة السمن الصغيرة عبوة 2 كيلو

ودلوقت تطلق ايضا على الميكروباس صغير الحجم (7 راكب )والمشروع ميكروباس (14 راكب )

اما لو شفتى الاشارات اللى بيشوروا بيها للسواق عشان يروح المنطقة اللى عاوزها من غير مايتكلم

كل منطقة لها اشارة على حسب

احنا بنحب نبسط الامور

[Om Zayd]

امال لو قالتك اركبى توناية كنتى عملتى ايه

دى اللغة الدارجة بتاعة الاسكندرانية وكلهم فاهمينها

التوناية اصلا تطلق على صفيحة السمن الصغيرة عبوة 2 كيلو

ودلوقت تطلق ايضا على الميكروباس صغير الحجم (7 راكب )والمشروع ميكروباس (14 راكب )

اما لو شفتى الاشارات اللى بيشوروا بيها للسواق عشان يروح المنطقة اللى عاوزها من غير مايتكلم

كل منطقة لها اشارة على حسب

احنا بنحب نبسط الامور

أيوة كده .. المصطلح بالشرح

منكم نستفيد يا فندم

بس إيه موضوع الإشارات ده كمان؟؟؟؟

:unsure:

[م تيمور المراغي]

اضيف على موضوع مقالب اللهجات موقف حصل معايا شخصيا من حوالي 12 سنه وانا في مصر ,,

قاعد مع عميل اردني كبير ,, قريب للملك ,,

و القعده مافيش اروع من كده عرضت التصميم على الراجل وهو بيبدي اعجابه والقاشيه معدن :happy:

فاضل بس يعتمد التصاميم عشان نبدأ التنفيذ على الفور ,,

لقيت الراجل بيقول لي بكل فخامه : " احنا كده نبلش " !!

انا قلت في بالي " ليه الوش الغدر ده ماكنا كويسين !!,,

قمت قايم لميت لوحاتي بكل هدوء وقلت له :

خلاص مافيش نصيب ,, بلاش بلاش

الرجل فهم على طول قام قايل لي : نبلش يا باشمهندس يعني نبدأ مش يعني بلاش عندكوا

هههههههه :happy:

[م تيمور المراغي]

وده تصميم الفيلا يارب تعجبكم ,

حقوق الملكيه الفكريه متاحه للجميع

[Alshiekh]

عندنا في اسكندرية بيقولواعلى الميكروباص

مشروع

بصراحة مش فاهمة ليه

تصدقي اني كنت هسأل على الموضوع ده

واحدة صاحبتي اسكندرانية بسألها على مكان .. قالتلي "خدي المشروع" .. طبعا تنحت

:unsure:

المهم لما سألتها .. قالتلي الميكروباس .. ما كان من الاول

:blink:

إسمحوا لى اوضح النقطة دى

فى بدايات السبعينيات من القرن الماضى ، قامت محافظة الاسكندرية بالترخيص بـ " مشروع نقل الركاب بالفرد" للقطاع الخاص بالتوازى مع خدمة التاكسى ( العداد )بالاضافة طبعا للنقل العام ، وبالطبع فى ذلك الوقت لم يكن الميكروباس قد عرف طريقه لخدمة نقل الركاب بالفرد حيث كانت السيارات المستخدمة فى هذا المشروع هى البيجو 7 راكب ، ولأن المواطن السكندرى يستخدم بعض الاختصارات فى التعبير عن الاشياء المعروفة ، فقد تم اطلاق لفظة " مشروع " على أى سيارة تتبع " مشروع نقل الركاب بالفرد " وكانت هذا هو سر " المشروع "

[م تيمور المراغي]

ده مش تبرير يا محمد على الاسم الفلكي ده

كان اي حد من عندهم كلف خاطره ونزل مصر سال يا جماعه البتاع ده بتسموه ايه

انما نفتكس اسماء كده وخلاص وننام وضميرنا مرتاح يبقى لا والف لأ ,,

[الســـاري]

كان فيه مدرس مصري وانا صغير .. كنت لما اقرأ يقول لي : بالراحة يا بني خد نفس

فكنت اوقف القراية عشان اخد نفس يقوم يزعق ويقول : وقفت ليه ..

بصراحة حيرني معاه .. وكنت اتنفس بصوت عالي قال يعني عشان يتاكد اني باخد نفس

فكان يزعق ويقول : ايه اللي بتعمله ده .. يا تقرا يا تسكت ؟ وبتتنفس كده ليه

المهم وقتها منعني اني اشارك بالاذاعة وانا حاقد وقتها واقول هو عايز ايه بالضبط ؟

بالاخير عرفت انه يقصد بخد نفس يعني اقرا بالراحة

كلام كتير كان مسبب مشكلة بيني وبين المدرسين المصريين الله يذكرهم بالخير

زي كلمة ما تبئاش زي اللقمة بالزور ياض

كان منى عيني وقتها اعرف ايه معنى الزور

ولا لما يقولوا اصطبح ع الصبح

كنت اقول كيف اصطبح يعني ؟

الصبح وعرفناه بس كيف الناس تصطبح ع الصبح دي ؟

وكانوا يطلبوا مننا كراريس للمواد

احنا هنا نقول كراسة على كراسة الرسم بس

اما الكراريس بتاعت مصر دي نقول عليها دفاتر

اما كلمة غوووور دي حكاية

طب ما كانوا يقولوا انقلع احسن :P

[م تيمور المراغي]

كان فيه مدرس مصري وانا صغير .. كنت لما اقرأ يقول لي : بالراحة يا بني خد نفس

فكنت اوقف القراية عشان اخد نفس يقوم يزعق ويقول : وقفت ليه ..

بصراحة حيرني معاه .. وكنت اتنفس بصوت عالي قال يعني عشان يتاكد اني باخد نفس

فكان يزعق ويقول : ايه اللي بتعمله ده .. يا تقرا يا تسكت ؟ وبتتنفس كده ليه

المهم وقتها منعني اني اشارك بالاذاعة وانا حاقد وقتها واقول هو عايز ايه بالضبط ؟

بالاخير عرفت انه يقصد بخد نفس يعني اقرا بالراحة

كلام كتير كان مسبب مشكلة بيني وبين المدرسين المصريين الله يذكرهم بالخير

زي كلمة ما تبئاش زي اللقمة بالزور ياض

كان منى عيني وقتها اعرف ايه معنى الزور

ولا لما يقولوا اصطبح ع الصبح

كنت اقول كيف اصطبح يعني ؟

الصبح وعرفناه بس كيف الناس تصطبح ع الصبح دي ؟

وكانوا يطلبوا مننا كراريس للمواد

احنا هنا نقول كراسة على كراسة الرسم بس

اما الكراريس بتاعت مصر دي نقول عليها دفاتر

اما كلمة غوووور دي حكاية

طب ما كانوا يقولوا انقلع احسن :P

هههههه

شكلك كنت مطلع عين المدرسين وانت صغير يا ساري الله يهديك ,,

بس متخيل منظرك والمدرس بيقول لك انت ساكت ليه ؟ ,, انت بتتنفس بصوت ليه كده ؟؟ هههههه

بالحق يا ساري ليا عندك طلب وللاخوان يارب حد يفيدني فيه

وانا طفل من 30 سنه ,,

كنت هنا في جده مع بابا وماما في مدرسه ابتدائي في منطقه اسمها النزله الشرقيه

المدرسه اسمها خالد بن الوليد الابتدائيه

المهم قلبت عليها الدنيا على جوجل ايرث ماعرفتش اوصل لها

نزلت مخصوص مع سواق باكستاني قعدنا ساعتين نلف النزله الشرقيه الدنيا اتطورت الوشوارع اتغيرت وكل ما نسال حد برضوا مش عارفها

بس جه على بالي اسالك لما فكرتني بزمان اصلها كانت ايام غاليه عليا اوي اوي

[الســـاري]

والله كان على عيني يا باشمهندس افيدك ..

بس يمكن الاخوان بجدة يقدروا يفيدوك اكتر

اللي اعرفه ان حي النزلة هو مهد اللعيبة وان نص اللعيبة بالمملكة من الحي ده

بس انا من سكان المدينة المنورة

بس اوعدك اسئل ناس اعرفهم بجدة واذا عرفت اقولك ان شاء الله

[م تيمور المراغي]

والله كان على عيني يا باشمهندس افيدك ..

بس يمكن الاخوان بجدة يقدروا يفيدوك اكتر

اللي اعرفه ان حي النزلة هو مهد اللعيبة وان نص اللعيبة بالمملكة من الحي ده

بس انا من سكان المدينة المنورة

بس اوعدك اسئل ناس اعرفهم بجدة واذا عرفت اقولك ان شاء الله

حي الله اهل المدينه المنوره ,, احب الناس وارق الناس طباعا

كفيت ووفيت يا ساري ومامنك قصور ,,

[Howayda Ismail]

امال لو قالتك اركبى توناية كنتى عملتى ايه

دى اللغة الدارجة بتاعة الاسكندرانية وكلهم فاهمينها

التوناية اصلا تطلق على صفيحة السمن الصغيرة عبوة 2 كيلو

ودلوقت تطلق ايضا على الميكروباس صغير الحجم (7 راكب )والمشروع ميكروباس (14 راكب )

اما لو شفتى الاشارات اللى بيشوروا بيها للسواق عشان يروح المنطقة اللى عاوزها من غير مايتكلم

كل منطقة لها اشارة على حسب

احنا بنحب نبسط الامور

أيوة كده .. المصطلح بالشرح

منكم نستفيد يا فندم

بس إيه موضوع الإشارات ده كمان؟؟؟؟

:unsure:

سواق الميكروباس وهو جى من بعيد يشاور للناس اللى واقفة بعلامة يفهموا منها هو رايح فين

يعنى مثلا شاور يمين يبقى رايح محطة مصر لو شمال يبقى رايح المنشية ولفوق يبقى الموقف للى مسافر

وبكده يفهم الراكب وجهة العربية لفين من غير مايعطل السواق ويعرف كمان فى مكان فاضى ولا لأ

شفتى الحياة سهلة ازاى و فى مصر بيشورا على الدقى بعلامة دق الهون هههههههههه