كلمات عجيبة غريبة و ساعات بتبقى مصيبة

[MaYousof]

البتاعة اللي لونها احمر المجنونة دي اسمها في اللغة العربية طماطم

دي حتي بالانجليزي يا مؤمن اسمها tomato

ايه اللي خلاها بقت اوطة يا خلق هووووووووووووووووو

واسمها بالسعودي بندورة

وبالطالياني بمدورو

شفت بقى إن الطلاينة أصولهم سعودية .. في الغالب من بني تميم برضه

[مسافر زاده الخيال]

لا نطلق على الطماطم بندورة مطلقا.........بل طماطم و في المنطقه الغربية -خاصة في الماضي-(قوطه) تأثرا بالمصريين والغريب ان البعض كان يطلق عليها ((باذنجان احمر))او ((بدنجان احمر)) حسب النطق المحلي!!!!!!!!!!!!!!!!!!!!!!

اما بندورا في تحريف شامي للفظة بومادور الايطالية والتي بدورها حرفت من الكلمة الفرنسية بما معناه ((تفاحة الحب)) فعلا مقنونه بنت المقنونه

[عبير يونس]

موضوع ممتع و شيق....اختلاف اللهجات

وبالنسبة للاخت (مصرية مغتربة) اكاد اشك في انها (مكاوية 100%) يعني من يستمع اليها لا يكاد يشك بانها سعودية (فهل ولدت و نشأت بمكه؟؟؟؟؟؟)

هلا و غلا

هلا والله

فينك يا بويا من زمان

الهرجة صارت فلة

و اشتهيناك معانا

بس الله يستر عليك راعينا شوية

ترى ساري قهرنا

أصحك تسوي زيه

جا يطل غلب الكل

هههههههههه

يا سلام على مكة و أهل مكة

انا اتولدت و نشأت بالقاهرة في بيت مصري تركي

و والديّ الله يرحمهم كانوا يعشقون تراب مصر

و بيتنا مصري صميم ذو لهجة مصرية قح

و قضيت نصف عمري بالمملكة بين الرياض و المدينة المنورة

و جيت مع زوجي مكة من حوالي 8 سنوات فقط

بحب المملكة جدا و باعتبرها فعلا بلدي الثاني

و لا أنكر أبدا على رأي والدتي الله يرحمها ان لحم اكتافي من خيرها

تحياتي

و كل سنة وحضرتك طيب

[Scorpion]

اما بندورا في تحريف شامي للفظة بومادور الايطالية والتي بدورها حرفت من الكلمة الفرنسية بما معناه ((تفاحة الحب)) فعلا مقنونه بنت المقنونه

معلش يا استاذ مسافر .. برضه النقطة دي في حتتي

بالأيطالي بتتنطق بومودورو ... POMODORO ... و هو لا يعني تفاحة الحب و الا كان اسمها سيكون بوموداموري Pomodamore ... و لكنها تعني حرفيآ "التفاحة الذهبية " و هذا يرجع لأنها عندما وصلت لأول مرة ايطاليا من أمريكا كان لونها يميل الي الأصفر الذهبي .. لذا تم تسميتها هكذا .. و مع الوقت و لمناخ ايطالي الأدفأ من أمريكا تحول لونها رويدآ رويدآ الي اللون الأحمر و لكن بقي اسمها كما هو .. و مثلما ذكرت تحور في في لهجة أهل الشام الي كلمة بنادورا ...

نهارك سعيد أوي خالص

[أبو محمد]

الحنفية

أو صنبور الماء

أصل الكلمة مذهبى (أنا مش عاوز الموضوع يقلب نكد والله) .. لما دخلت الصنابير .. إنبرى المشايخ - كالعادة - للتحليل والتحريم .. قالوا انها مخالفة للسنة .. لأن السنة هى الوضوء من وعاء .. عرضوا الأمر على مشايخ المذاهب الأربعة .. حرَّمها السادة المالكية والسادة الشافعية والسادة الحنابلة .. وحللها السادة الأحناف .. بس قالوا ممكن استعمالها ولكن لملء الوعاء والوضوء منه .. وعشان كده سموها "الحنفية" وشوية شوية أصبح لا مانع من الوضوء منها مباشرة

وحذاالسادة مشايخ المذاهب الثلاثة حذو إخوانهم السادة الأحناف

[أبو محمد]

لا نطلق على الطماطم بندورة مطلقا.........بل طماطم و في المنطقه الغربية -خاصة في الماضي-(قوطه) تأثرا بالمصريين والغريب ان البعض كان يطلق عليها ((باذنجان احمر))او ((بدنجان احمر)) حسب النطق المحلي!!!!!!!!!!!!!!!!!!!!!!

اما بندورا في تحريف شامي للفظة بومادور الايطالية والتي بدورها حرفت من الكلمة الفرنسية بما معناه ((تفاحة الحب)) فعلا مقنونه بنت المقنونه

وفى الكويت "طماط" وتُنطق "طوماط"

مش عارف .. هى حبكت يعنى على الميم الأخيرة ؟ .. حد يعرف شالوها ليه ؟

[م تيمور المراغي]

سبع البرمبه ,,

كلمه مصريه شعبيه بتتقال على الرجل للدلاله على قوته واحيانا للسخريه اذا كانت فتونته شكليه فقط ,,

لكن اصلها له حكايه

في ايام الاحتلال الانجليزي لمصر ,, اتخذ احد الفدائيين المصريين من جبل البرمبه الواقع بالقرب من حلوان نقطة انطلاق لشن هجماته بالاسلحه البيضاء على الجنود الانجليز المدججين بالسلاح ,,

و لا يمر يوم او يومين الا ويجدو جثث الجنود ممزقه والدماء تملأ المكان ,,

فتيقن الانجليز من وجود اسد او مجموعه من الذئاب في بطن الجبل تهبط منه على حين غره و تفتك بهم ,,

فاعدوا حمله مجهزة واحاطوا بالجبل وصعدوا حتى القوا القبض على الفدائي المصري وتمت محاكمته واعدامه ,,

فاطلق المصريين على الرجل لقب " سبع البرمبه "

[أبو محمد]

عندنا ال Safety valve إسمه "سكس بلف" .. وال Gear box إسمه "درابوكس"

فى السعودية والخليج ،السائق Driver تحول إلى "دريور" وأحيانا "دريول" والسير للخلف Reverse تحول إلى "ريويس"

أخونا السارى كان مستعجب من كلمة "الزور" اللى احنا بنقولها .. طيب مش فيه عندهم فى الشرقية "مينا الزور" اللى جنب "السفانية" ؟؟ ..

الزور .. حد ما يعرفش الزور ؟ .. الزور اللى فى الرقبة ..

بمناسبة الرقبة .. كان وزير النفط الكويتى (الله يرحمه) إسمه حمود الرقبة .. كانوا بينطقوها "ليرجوبا" !!

[م تيمور المراغي]

طيب خدوا بقى المفأجه دي

انا لسه واصل طارزه من مصر وعندي اخر الاخبار

الطماطم او القوطه وات ايفر

بقى بيسموها

تشا-ما-تشيم

الناس خلاص لسانها بقى كده ,, ولا حول ولا قوة الا بالله

كلو يستخبى دلوقتي

واللي بيفكر يرجع يأجل سفره حبتين لغاية مانشوف ايه الحكايه :happy:

[الســـاري]

كل عام وانتم بخير

استاذ ابو عمر ... حياكم الله على المقلط اولا .. المقلط مش احسن واسهل من اوضة السفرة .. اوووضة

اوووووضة يا راااجل

ومالها الطرمبة او بلح الشام .. بس .. مش احسن من رز بلبن ؟

طب بالذمة فيه حلا بالدنيا اسمه رز بلبن .. اول ما سمعته قلت ده ممكن يكون اي اكلة برز وزبادي .. لكن حلا ؟

كل العرب بتقول على الحليب حليب .. وعلى اللبن لبن .. الا اخواننا بمصر .. الحليب عندهم لبن .. واللبن عندهم زبادي

عموما حياك .. خذ فنجال وعلوم رجال .. واقلطوا يالرجاجيل .. عشوة كدة على ما قسم

قال ايه .. قال مفتاح انجليزي .. يا عمي نسيت مسمار قلاووظ ؟؟ قلاوووظ يا راجل :closedeyes:

ده مسمار لولبي

وفينه بس مستر زهيري .. تيجي نميل عليه بالمرة بربطة المعلم ونتعشى عنده ؟ .. منها ترتاح من المقلط و الطرمبة ومنها تعرف كل اللي انت عايزه من تونس .. يعني نضرب عصافير بحجر .. زمان اللحم عنده تتبل اخر حاجة ومش ناقص غير ان نفتح البوء وناكل مما رزقه الله حلالا طيبا ..

ويبقى وقتها يشرح لنا بالراحة وعلى اقل من مهلو حكاية الطحين وكل المصطلحات التونسية .. عن نفسي ما وراييش حاجة

.. :closedeyes:

مسافر زاده الخيال ..

حياك الله يا ولد ديرتي .. ولو انك تركتني وحدي ..بس مش بالذمة طلعت جدع ؟

الا جدع دي هم اخترعوها من فين ؟ اللي اعرفه باللغة العربية ان الجدع = قطع الانف ..

وعلى سيرة الجدعنة .. سمعت سعد الصغير وهو بيقول النهارضة فرحي يا جدعان

لماظة مصرية بالحيل ..

مادام ثقافتك المغربية قوية للدرجة دي .. خدي بقى الامثال الجزائرية دي

شرشوحة صار للشر شوحة

قاعد على القبة ويحكم على الغاشي

اهي دي شوية امثال يبقى تتسلي فيها لحد ما يبان لك صاحب

لو عرفتيها اهديكي قاموس مسافر زاده الخيال انكليزي - عربي

عادي امون عليه :closedeyes:

عندنا ال Safety valve إسمه "سكس بلف" .. وال Gear box إسمه "درابوكس"

فى السعودية والخليج ،السائق Driver تحول إلى "دريور" وأحيانا "دريول" والسير للخلف Reverse تحول إلى "ريويس"

أخونا السارى كان مستعجب من كلمة "الزور" اللى احنا بنقولها .. طيب مش فيه عندهم فى الشرقية "مينا الزور" اللى جنب "السفانية" ؟؟ ..

الزور .. حد ما يعرفش الزور ؟ .. الزور اللى فى الرقبة ..

بمناسبة الرقبة .. كان وزير النفط الكويتى (الله يرحمه) إسمه حمود الرقبة .. كانوا بينطقوها "ليرجوبا" !!

يا استاذي الفاضل .. انا وقتها عمري سبع سنين .. ح اعرف مينا الزور منين بس .. دي اول مرة اصلا اسمع عنه

اكيد المعنى المحلي يختلف عن معنى الزور بمصر

وكمان جنب السفانية ؟؟ يا عمي مصر اقرب لي والله .. smk:

architect المهندس

اجل بقت تشا - ما - تشيم

شكلك واصل طازة من كوريا الجنوبية يا باشا مش من مصر

او شكلك سمعتها من لماظة شخصيا .. بالحالة دي تبقى معذور .. يا عمي خلي الاتة بالكسرولة وريح بالك

[م تيمور المراغي]

قلبك جامد وتقدر تتحمل المفاجآت :happy:

طيب خذ غريندايزر دي يا ساري وقول لي رأيك ايه هههههههه

http://www.youtube.com/watch?v=oOva1-NMVtw

[عبير يونس]

يا نهارك ابيض يا اركتيكت

عمالة اكتم في الضحك للولاد يصحوا

و همة لسة نايمين من ساعة كده :closedeyes:

و لسه المفعوصة الصغيورة عمالة تبحلق لي و تقول ماما اتجننت

يللا انت حر بقى

يا ترى ساري حيجيب لنا ايه ردا على الكليب ده

i*:

[م تيمور المراغي]

ههههه ,, اضحك الله سنك مصريه ,,

ساري بقاله 34 دقيقه غطسان عامل اجتماع قمه مع مسافر زاده الخيال ربنا يستر شكله محضر قنبله هههه :happy:

لو عاوز مساعده يا ساري قول احنا اخوان :wub:

[الســـاري]

على غراندايزر يا مازنجر :closedeyes:

انا غبت فعلا 34 دقيقة .. لقيت الرد باربع دقايق بس .. وتلاتين دقيقة ضحك :P

استلم يا سيدي

http://www.youtube.com/watch?v=zHeAONkCxpY

[م تيمور المراغي]

ههههههههه ,, :happy:

تحفه يا ساري دمك زي السكر جبتها منين دي

ربنا يجمعنا في الجنه كلنا كده زي ما قسم لنا اننا نجتمع في المنتدى هنا ,,

انه قريب مجيب ,,,

[عبير يونس]

صعايدة ؟؟؟!!!

:blink:

استلقى وعدك من لماضة يا ساري

نصيحة ما تمشيش في المنتدى من غير حرس اليومين دول

و الا اقولك اختفي شوية كده لحد الموضوع ما يهدى

يا خسارتك يا ساري

كان طيب

اييييييييه دنيا

:closedeyes:

[مسافر زاده الخيال]

اما بندورا في تحريف شامي للفظة بومادور الايطالية والتي بدورها حرفت من الكلمة الفرنسية بما معناه ((تفاحة الحب)) فعلا مقنونه بنت المقنونه

معلش يا استاذ مسافر .. برضه النقطة دي في حتتي

بالأيطالي بتتنطق بومودورو ... POMODORO ... و هو لا يعني تفاحة الحب و الا كان اسمها سيكون بوموداموري Pomodamore ... و لكنها تعني حرفيآ "التفاحة الذهبية " و هذا يرجع لأنها عندما وصلت لأول مرة ايطاليا من أمريكا كان لونها يميل الي الأصفر الذهبي .. لذا تم تسميتها هكذا .. و مع الوقت و لمناخ ايطالي الأدفأ من أمريكا تحول لونها رويدآ رويدآ الي اللون الأحمر و لكن بقي اسمها كما هو .. و مثلما ذكرت تحور في في لهجة أهل الشام الي كلمة بنادورا ...

نهارك سعيد أوي خالص

اهلا و سهلا بك والمعذرة ان كنت غير دقيق في النقل لكن هذه المعلومة نقلت الينا في درس اللغة الفرنسية و علاقة اللغات ذات الجذور الاتينية وما كتبته بومادور او ما كتبته انت بومودورو لا فرق بينهما سوى انني اعتبرت حركات التشكيل الضمة و الفتحة و ما اعتبرته من وضع حرف الواو بدلا عنها

عموما توجد كثيرا من تعليلات و تفسيرات لاسماء او تعبيرات تاريخية قد لا يتفق عليها تماما مثال كلمة OK

و شكرا مرة اخرى لتعقيبك

[مسافر زاده الخيال]

وهذه مقالة انقليزية عما يسمى Love Apple or tomato قد تؤيد وجهة النظر التي ترد اصل الكلمة الى تفاحة الحب لامانة لم اقرا سوى العنوان

http://www.suite101.com/article.cfm/org_vegetable_garden/106600

[se_ Elsyed]

و اتفق مع الاخ الساري (في ان حرف الضاد يقلب دالا احيانا في اللهجة المصرية).....فقد سمعناها من عبدالحليم (المصري السعودي) عندما قال (((دحك ولعب و قد و حب))

طب وهو ذنب عبد الحليم إنك سمعته غلط ؟

يا مسافر .... ضحك = ههههههههههههه هأ هأ وكده

لعب = حركات وكرة قدم وكده يعني

جد = جديه ... وبنقول فلان ده جد في حياته أو جد في عمله

مش قد يا ريس

حب = اللي هو حب وكده يعني بلاش نفسر بقى

ها .. عرفتها بقى ؟

[مسافر زاده الخيال]

و اتفق مع الاخ الساري (في ان حرف الضاد يقلب دالا احيانا في اللهجة المصرية).....فقد سمعناها من عبدالحليم (المصري السعودي) عندما قال (((دحك ولعب و قد و حب))

طب وهو ذنب عبد الحليم إنك سمعته غلط ؟

يا مسافر .... ضحك = ههههههههههههه هأ هأ وكده

لعب = حركات وكرة قدم وكده يعني

جد = جديه ... وبنقول فلان ده جد في حياته أو جد في عمله

مش قد يا ريس

حب = اللي هو حب وكده يعني بلاش نفسر بقى

ها .. عرفتها بقى ؟

اهلا يا باشا...........

دنا سامع الاغنية من شوية و تأكدت انه ((بيئولها)) دحك ولعب و قد وحب.....................و قد اللى هيا مذكر ((قدّه)) اللى بنسميها جدّه Jeddah و الفرنساويه Djeddah مش الطلاينه Gidda

والاعنيه دي بز-زات (بالذات) ليها زكريات (ذكريات) معايا ايام السنوي (الثانوي) بس مش من عبحليم لكن من ((حنان)) مع اغنية ادحك بئى وافرقها يعم

وللامانة بعض اهل جده ينطقون الكلمات سالفة الذكر بنفس طريقة المصريين