كلمات عجيبة غريبة و ساعات بتبقى مصيبة

[م تيمور المراغي]

والاعنيه دي بز-زات (بالذات) ليها زكريات (ذكريات) معايا ايام السنوي (الثانوي) بس مش من عبحليم لكن من ((حنان)) مع اغنية ادحك بئى وافرقها يعم

وللامانة بعض اهل جده ينطقون الكلمات سالفة الذكر بنفس طريقة المصريين

ماهي جده دي بتاعتنا من زمان من ايام ماكان الحجاج المصريين يجوا يحجوا بعدين يحبوا القرب من بيت الله ويكسلوا يرجعوا ,,

بعدين يا مسافر اغنية حنان بتقول ادحك بقى وافردها ياعم مش افرقها ياعم لووول

والا لازم القاف بتاعتك دي ترزعها في كل كلمه والسلام كده غصب واقتدار كككك :happy:

صاااادوه

[م تيمور المراغي]

وآدي المرجع آهوه ,,

:happy:

http://www.youtube.com/watch?v=DycVY0STazs

[الغريب]

الأخ الساري المشكلة أنكم تقولون القاف جيم غير معطشة يعني تقول "جال" بدل من "قال" علشان كدة لما نقول أحنا "جد" بالجيم الغير معطشة تصير عند الأخ الساري "قاف"

رمتني بدائها وانسلت :)

وللعلم أهل سوريا النابلسيون يقلبون الجيم زاي فيقولون "ززر" بدل من "جزر"

أما بالنسبة لكلمة "ولا الظالين " والتي أثارت حفيظة الأخ محمد يوسف فمخرج حرف الضاد لا يزال مدار بحث بين أهل العربية وتم التصنيف والتأليف فيه للتفريق بين الضاد الأعجمية وهي التي تظهر في نطق الخليجيين والضاد العربية التي تظر في نطق المصريين، ولعل الراجح بين علماء اللغة والتجويد أن المخرج المصري لحرف الضاد هو الأقرب صحة لقراءة حفص

دمتم بخير جميعا :)

تم تعديل 17 نوفمبر 2010 بواسطة الغريب

[مسافر زاده الخيال]

والاعنيه دي بز-زات (بالذات) ليها زكريات (ذكريات) معايا ايام السنوي (الثانوي) بس مش من عبحليم لكن من ((حنان)) مع اغنية ادحك بئى وافرقها يعم

وللامانة بعض اهل جده ينطقون الكلمات سالفة الذكر بنفس طريقة المصريين

ماهي جده دي بتاعتنا من زمان من ايام ماكان الحجاج المصريين يجوا يحجوا بعدين يحبوا القرب من بيت الله ويكسلوا يرجعوا ,,

بعدين يا مسافر اغنية حنان بتقول ادحك بقى وافردها ياعم مش افرقها ياعم لووول

والا لازم القاف بتاعتك دي ترزعها في كل كلمه والسلام كده غصب واقتدار كككك :happy:

صاااادوه

باين حنسّمي العربية لغة القاف و الضاد

[م تيمور المراغي]

باين حنسّمي العربية لغة القاف و الضاد

اسمها السياره يا مسافر

العربيه دي تقولها في مصر عندكم

ههههههه :happy:

ناوي اشتري العربيه دي ان شاء الله

ايه رايك فيها ؟

http://www.youtube.com/watch?v=usIq0DsKpzA

[عبير يونس]

باين حنسّمي العربية لغة القاف و الضاد

القوز الخيل و العربية

http://www.youtube.com/watch?v=o8bqFbYpn9k

:closedeyes:

[se_ Elsyed]

مع اغنية ادحك بئى وافرقها يعم

أنا عاوز أفتح لك توبيك مخصوص .. بجد والله .. على الكلمات اللي بتسمعها يا مسافر في الأغاني ولها معاني تاني

يا عم إسمها أضحك بقى وأفردها يا عم

أفردها = ده مصطلح مصري دليل على الإبتسام .... الواحد يفرد وشه يعني يبتسم غير اللي بيكشر وبيقطب جبينه دليلاً على الحزن

شوفت بقى

يعني ظلمت عبحليم .. وقبله عبد الوهاب بتاع مسافر زاده الخيال .. فاكره ؟

وبعد كده البنت الغلبانه حنان

بالمناسبة

ساري بيتتريق على المصريين إنهم بيقولوا على الحليب = لبن

طب اعمل سيرش يا ساري في المصحف .. وفي الأحاديث الشريفة .. وشوف الحليب بيتقال عليه إيه ...

والاهم بقى ... بقى الرز بلبن مش عاجبك ؟.

يا سلام ... طب إنت تذوقته ؟

[أبو محمد]

طيب يا اهل السعودية الكرام .. إيه حكاية "المطازيز" ؟

أنا سمعتها فى مسرحية "باى باى لندن" ..

إنتو خدتوا بالكم "لندن" بتتنطق ازاى ؟؟ .. وقال بيعايبوا على دحك بتاعة عبد الحليم التميمى :happy:

[م تيمور المراغي]

انتوا بتتكلموا بجد والله !!!

فيه حاجه اسمها كده ؟ ,,

:happy:

[se_ Elsyed]

طيب يا اهل السعودية الكرام .. إيه حكاية "المطازيز" ؟

أنا سمعتها فى مسرحية "باى باى لندن" ..

إنتو خدتوا بالكم "لندن" بتتنطق ازاى ؟؟ .. وقال بيعايبوا على دحك بتاعة عبد الحليم التميمى :happy:

بأشوفها في السوبر ماركت ..

حاجه عاملة زي الشيبسي .... دائرية كده .. وإن كنت أعتقد إنها زي الرقاق عندنا بتتعمل بالشوربة أو الطبيخ

صورتها أهي

-----------

بالمناسبة بقى ... حرف الجيم في دول الخليج متبهدل وزي ما يكون مالهوش اهل يسألوا عنه .. فيا عيني كل اللي رايح واللي جاي بيلطش فيه

بُصوا بيتنطق ويتبدل كام مره :

جوجل = كوكو .. قصدي قوقل .... ادي قاف أهي والعهده على مسافر زاده الخيال هههههههه

أنجليزي = أنكليزي .... ومره كاف أهو

جاليري = غاليري ... أمبارح عُمر أتصطدم لما قرا اليافطة بتاعت محل " باريس غاليري " أه والله

رجال = ريال ... أنظر الكتاب صفحة أمل حياتي ... يعني الفروانية وعفاريت السالمية

والان أترككم مع المطربة الصاعدة الواعده أمل حياتي .. تشدو بأحدى روائع الشيخ سيد درويش

صبح الصباح .. فتاح يا عليم .. والجيب ما فيهش ولا مليم

هنا تدخل المجاميع وترد وتقول " يا حلولي "

والديش بيدن شوشو شوشو في الفيرية ...

هنا تدخل المجاميع مره اخرى وتقول " يا لهوي "

PS >>>>>> من فضلك بدل الشين مكان الكاف .. عشان تبقى والديك بيدن كوكو كوكو ... ومن ثم بدل الياء مكان الجيم .. عشان نقول في الفجرية

إن ما وريتك يا أمل حياتي

[مسافر زاده الخيال]

مع اغنية ادحك بئى وافرقها يعم

أنا عاوز أفتح لك توبيك مخصوص .. بجد والله .. على الكلمات اللي بتسمعها يا مسافر في الأغاني ولها معاني تاني

يا عم إسمها أضحك بقى وأفردها يا عم

أفردها = ده مصطلح مصري دليل على الإبتسام .... الواحد يفرد وشه يعني يبتسم غير اللي بيكشر وبيقطب جبينه دليلاً على الحزن

شوفت بقى

يعني ظلمت عبحليم .. وقبله عبد الوهاب بتاع مسافر زاده الخيال .. فاكره ؟

وبعد كده البنت الغلبانه حنان

بالمناسبة

ساري بيتتريق على المصريين إنهم بيقولوا على الحليب = لبن

طب اعمل سيرش يا ساري في المصحف .. وفي الأحاديث الشريفة .. وشوف الحليب بيتقال عليه إيه ...

والاهم بقى ... بقى الرز بلبن مش عاجبك ؟.

يا سلام ... طب إنت تذوقته ؟

بص يا باش مهندس

معروف عن العرب السابقين (بالدقة حتى في الاشياء المتشابهة) يعني هناك فرق بين الحجرة والغرفة والجميلة والمليحة و الراية والعلم والخيل والحصان والكباب والكفته ال....خ ومن ضمن ذلك اللبن والحليب رغم اصلهما المشترك (يعني اللغة العربية تتقبل استخدام كلمة مكان الاخرى في حال اردنا الوصف المستقل اما في حضورهما معا فهناك فرق شاسع) وهناك تعبيرا اسمعه في الافلام المصرية القديمة ((يا صباح اللبن الحليب)) واخر ((صافي -مش سليم -يا لبن و يكون الرد حليب يا اشطه-قشطه-او بالنحوي قشده))

اما حكاية الرز باللبن وهي اكله لذيذة (لزيزة) وكانها رز بالمهلبية لكن لماذا اختص بعض المصريين الملائكة باكلها؟؟؟؟؟؟؟؟

[الســـاري]

مع اغنية ادحك بئى وافرقها يعم

ساري بيتتريق على المصريين إنهم بيقولوا على الحليب = لبن

طب اعمل سيرش يا ساري في المصحف .. وفي الأحاديث الشريفة .. وشوف الحليب بيتقال عليه إيه ...

والاهم بقى ... بقى الرز بلبن مش عاجبك ؟.

يا سلام ... طب إنت تذوقته ؟

ايوة تذوقته بالاسكندرية .. كنت نازل عند قهوة بميامي الصبحية سالته عن فطار قال مافيش غير رز بلبن ... افتكرت وقتها عادل امام بطيور الظلام لما كان الاخوان بياكلوا رز بلبن وهو عمال يدعي .. قلت هات لما نشوف

والواقع ان الاكلة لذيذة بصراحة .. حاجة عاملة زي المهلبية كده ّ.. بس مظلومة باسمها

الحليب غير اللبن يا استاذ .. اعمل سيرشنق باي سوبر ماركت وتشوف الحليب و اللبن والزبادي وكل حاجة مختلفة عن الاخر

مسافر زاده الخيال .. العرب فرقوا بين الغرفة والحجرة .. طيب الاووووضة دي طالعة لنا منين ؟

[عبير يونس]

ايوة تذوقته بالاسكندرية .. كنت نازل عند قهوة بميامي الصبحية سالته عن فطار قال مافيش غير رز بلبن ... افتكرت وقتها عادل امام بطيور الظلام لما كان الاخوان بياكلوا رز بلبن وهو عمال يدعي .. قلت هات لما نشوف

والواقع ان الاكلة لذيذة بصراحة .. حاجة عاملة زي المهلبية كده ّ.. بس مظلومة باسمها

الحليب غير اللبن يا استاذ .. اعمل سيرشنق باي سوبر ماركت وتشوف الحليب و اللبن والزبادي وكل حاجة مختلفة عن الاخر

مسافر زاده الخيال .. العرب فرقوا بين الغرفة والحجرة .. طيب الاووووضة دي طالعة لنا منين ؟

هي الغرفة يا فندم

بس بالتركي

و طبعا بالدال مش الضاد

اودا

:closedeyes:

[مسافر زاده الخيال]

الاخت المغتربة اجابت بان الاوضة (اودا) كلمة تركية مثل كلمة كوبري و فراندا و ضومضام (بتاع الفنكوش)

لكن لم يتم الجواب ((ما حكاية الملايكه اللي بتاكل رز بلبن)؟؟؟؟؟؟؟؟؟؟؟؟؟؟؟؟؟؟؟

[م تيمور المراغي]

انا حقول لك الاصل تاريخيا لموضوع ان فلان بياكل رز بلبن مع الملائكه ,,

كان فيه احد الحجاج المصريين يعني وصل جده عشان يؤدي مناسك الحج

وكان على طول بيقرأ القرآن الكريم في منزله ,,

فالمكان كان مليئ بالروحانيات والسكينه والهدوء ,,

الراجل فجأه شعر بجوع شديد ,, فقام خرج من الغرفه وفتح الثلاجه لم يجد فيها الا نوعين من الطعام

الرف الفوقاني كان محطوط عليه طبق رز بلبن متغطي بالقشطه والمكسرات والزبيب

والرف التاني كان عليه طبق ( مطازيز ) اكرمكم الله

فطبعا لقى ان الطبق اللي فوق متماشي حتى لفظيا مع الجو الروحاني والسمو الذي يستشعره

دخل الغرفه والطبق في يده امام الجميع ,,

شويه وزوجته بتسأل طفلها ,, فين بابا يا كريم ؟؟

قالها بابا جوه الاوده

بياكل رز بلبن مع الملايكه ,, :happy:

فجرت مثلا ,,

[م تيمور المراغي]

VS

[se_ Elsyed]

الاخت المغتربة اجابت بان الاوضة (اودا) كلمة تركية مثل كلمة كوبري و فراندا و ضومضام (بتاع الفنكوش)

لكن لم يتم الجواب ((ما حكاية الملايكه اللي بتاكل رز بلبن)؟؟؟؟؟؟؟؟؟؟؟؟؟؟؟؟؟؟؟

لأ يا مسافر ... الله يخليك شوف لك حل في ودانك دي ههههههههه

يا عم إسمه " فُنضام "

بس دي حلوه قديمه قوي وخلاص ما بقتش موجودة .... اعتقد إنها كلمة تركي برضوا

حكاية رز مع الملايكة .. دي كناية يعني على إن فلان نايم وبيحلم أجلام سعيدة ...

وبعدين هو أنتم لما بتقولوا " فلان اكل هوا " يبقى فعلاً جاب ساندوتش هوا وأكله ؟

بالمناسبة .. العيال بتوع شرق أسيا مجانين اكل أرز .. لدرجة بيطحنوه زي الدقيق ويعملوا منه كيك وحلويات ... مره واحد منهم حب يعمل معايا واجب ( هوم وورك يعني ) ولقيته جايب لي في الشغل حاجه كده زي الكيك بس شكله مدي على مهلبية ... وقال لي دي كيكة الأرز مراتي عاملاه لك مخصوص .. ولاني أتهيب كل غريب وعجيب ... فقلت له طيب يا سيدي تسلم إيد المدام .. خلي المخلوق ده على جنب وأنا هاكله في البيت .. الواد راسه والف جزمه إني ادوق حته منه .. ووافقته .. وقد كان .. والله العظيم قعدت 3 أيام أعاني من تلبك معوي وحالتي كانت زبالة

[se_ Elsyed]

VS

أرش

ده أنا كمان كنت جايب لك صورة الـ raw material

شوف بقى المادة الخام لما تنطبخ

أوعى وششششششششششك

وخد كمان

[مسافر زاده الخيال]

الاخت المغتربة اجابت بان الاوضة (اودا) كلمة تركية مثل كلمة كوبري و فراندا و ضومضام (بتاع الفنكوش)

لكن لم يتم الجواب ((ما حكاية الملايكه اللي بتاكل رز بلبن)؟؟؟؟؟؟؟؟؟؟؟؟؟؟؟؟؟؟؟

لأ يا مسافر ... الله يخليك شوف لك حل في ودانك دي ههههههههه

يا عم إسمه " فُنضام "

بس دي حلوه قديمه قوي وخلاص ما بقتش موجودة .... اعتقد إنها كلمة تركي برضوا

حكاية رز مع الملايكة .. دي كناية يعني على إن فلان نايم وبيحلم أجلام سعيدة ...

وبعدين هو أنتم لما بتقولوا " فلان اكل هوا " يبقى فعلاً جاب ساندوتش هوا وأكله ؟

بالمناسبة .. العيال بتوع شرق أسيا مجانين اكل أرز .. لدرجة بيطحنوه زي الدقيق ويعملوا منه كيك وحلويات ... مره واحد منهم حب يعمل معايا واجب ( هوم وورك يعني ) ولقيته جايب لي في الشغل حاجه كده زي الكيك بس شكله مدي على مهلبية ... وقال لي دي كيكة الأرز مراتي عاملاه لك مخصوص .. ولاني أتهيب كل غريب وعجيب ... فقلت له طيب يا سيدي تسلم إيد المدام .. خلي المخلوق ده على جنب وأنا هاكله في البيت .. الواد راسه والف جزمه إني ادوق حته منه .. ووافقته .. وقد كان .. والله العظيم قعدت 3 أيام أعاني من تلبك معوي وحالتي كانت زبالة

معلش اصلي في اللغه التركية مييح بس بخصوص الاسيويين اهل بنقلادش يحبوا يفطروا ((دجاج=فراخ))فهل ده منطقي؟؟؟؟؟؟؟؟؟

[أبو محمد]

الموضوع ده عامل "أزعرينة"

حد فكَّر إن كلمة "أزعرينة" (يعنى دوشة ، وهيصة ، وزمليطة) ممكن يكون أصلها شامى (سورى أو لبنانى) يعنى ممكن تكون مشتقة من كلمة "أزعر" بمعنى مهياصجى أو صايع أو بلطجى ؟

وعلى ذكر النهاية Suffix "جى" فمعناها بالتركى "صاحب" أو بتعبير الخليج "راعى" .. يعنى "بلطجى" معناها صاحب أو راعى البلطة (أبو بلطة) مثل عربجى ، قوهجى ، جزمجى أو كونترجى ، حلوجى ، أجزجى ..........

والأجزجى هو من يعمل فى أجزاخانة .. "أجزا" يعنى دواء بالفارسى أو التركى .. "خانة" ، وتنطق "خانيه" ومعناها دار أو محل .. قيسوا عليها بقى عربخانة .. شفاخانة .. سلخانة