ايه الحل ؟؟؟

[Salwa]

صباح الخير .

ياجماعة الخير فيه موضوع كان شاغلنى من زمان وكنت عاوزة اكلمكم فيه ..ومع مرور الايام نسيته .ومرة تانية بلاقى نفسى فى نفس الموقف .....

كل ما حد من هنا يروح مصر سياحة عن طريق شركات سياحية ييجى يقول ان ف برنامج الزيارة فيه زيارة لمدينة الموتى ....

يعنى قصدهم المدافن التى يعيش فيها الآف من المصريين ..!!

وانهاردة بالذات كان فاضل شوية واصاب بالشلل ....من الغيظ وقلة الحيلة وغيره وغيره .....وانا ارى ابناء مصر فى الصور فى حالة يرثى لها ...

لعنت الجميع هنا وقلت لهم كل شئ ......ابتداء من وانتم كنتم حفاة الى آخر ...ومازلتم غجر......

انا ما يهمنيش رأى الناس فينا .....؟؟ ...احنا احسن منهم مليون مرة ....انا مش مكسوفة من اللى بيحصل ...لأنى ببساطة مليش دخل كمصرية فى المهزلة دى ....يمكن فقط احاسب / بضم الألف/ ..على الصمت امام الظالمين ..والخوف من الجهر بالحقائق.....يمكن ده فقط ..

عرفت من مصدر موثوق منه ان فيه شركة سياحة وهى اللى بتقول عن نفسها انها رقم واحد فى مصر واسمها كليوباترا ...وفيه شركات سياحة كتير هنا تتعامل معها منها شركة اسمها فياتيم .......ومن ضمن برنامج الزيارة ...زيارة المدافن .....والمصيبة الأعظم انهم بيقوموا بدخول مساكن بعض الناس ....

والناس الطيبين طبعا بيوافقوا انهم يسيبوهم يتفرجوا ......!!!

ويرجع السياح يقولك ازاى عندهم دش وعندهم كل حاجة وناس تانية مش لاقية تاكل وبتبحث فى ال... وازاى فيه الكونتراست ده ؟؟؟

بصراحة انا قهرانة على وضع الناس دى .......وقهرانة اكتر ان كل الأجانب الغير آدميين واصحاب شركات السياحة الغير منتمين مصر .......يفرجوا علينا العالم بالشكل المقزز ده ؟؟؟؟

عارفة انكم حاتقولوا ....بدل ما تزعلى حاولى مع غيرك تصلحى الوضع ......

وانا ارد واقول لكم .....لو كنت كمسلمة اخرج خمس دخلى .......وازيد .

ولدى ابناء شباب ......

ما الذى بامكانى فعله اكثر من هذا ؟؟؟؟؟؟

لست مليارديرة حتى اقيم مدينة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليتنى استطيع !!!!!!!!!!!

معرفش يمكن كلامى غير منتظم لكن لو رأيتوا 700 صورة وريبورتاج كامل ......لازم تتساءلوا ؟؟؟

فين الناس المسئولة ؟؟؟؟؟؟

وازاى الناس السياح دول قدروا يعملوا كل ده ؟؟؟ وسكان المقابر بيضحكوا فى سعادة .......الفقراء والاغنياء ..؟؟

بصراحة .........

حاسة انى حاموت من الغيظ .....وانهاردة اتأكدت اكتر انى سكت كتير ....لازم نواجه حرامية البلد لازم حلول ....

قليل من الرقابة على شركات السياحة مطلوب ...

انظروا لفقراء مصر .....حرام اللى بيحصل ده ......

هى الناس المسئولة دى ملهاش رب ؟؟؟

ارحموا موتانا .....حتى لو مقدرتوش ترحموا الأحياء ......

احترموا قدسية الأموات .....وانقلوا الأحياء لمكان تانى ....

فى رأيى الشخصى ان ما يحدث فى هذا العصر ........لعنة .

والله العظيم لعنة .......واصابتنا جميعا..

كله غلط كل حاجة غلط غلط ....حاسة ان احنا بينضحك علينا وعارفين وساكتين .....بس ليه ساكتين ؟؟؟

هو مفيش حل لأى مشكلة فى بلدنا ؟؟؟

ولحد امتى ؟؟؟

[Cleo]

أعرف كثر من المرشدين السياحيين و العاملين فى مجال السياحة...

شركة كليوباترا معروفة لدى جميع العاملين فى مجال السياحة إنها صاحبة سمعة سيئة جدا و حتى فى معاملاتها المالية مع الفنادق و مع المرشدين...

عموما... دعينى أسأل على حكاية البرامج السياحية اللى بتخش الترب دى... أنا لى أصدقاء كثيرين مرشدين لغة أسبانية..

[فــيــروز]

ما أعتقد انه حل فعال وممكن بالنسبة لنا ان نرسل رساله الى صفحة السياحه باهرام يوم الخميس و رساله موازيه الى بريد الاهرام ونذكر اسم الشركه فيها حتى لا يكون هناك حجه لوزارة السياحه فى عدم ايقاف تصاريح تلك الشركه !! :lol:

اعتقد ان هذا ابسط حقوقنا فى الدفاع عن مورد هام لمصر و هو السياحه .. يعنى نحن لا نحاول ان نكذب او نتجمل لكن من حقنا حيث ان النوايا الخبيثه ظاهره لدى البعض ان ندافع عن مواردنا :D

[Cleo]

لسة قافلة حالا مع مرشد أسبانى...

قالى كل الشكرات بتعمل كدة... مش بس كليوباترا...

و ده لأن فيه زباين كتير بتطلب تشوف "الوجه الأخر للقاهرة"..

و بيدخلوا البيوت يشربوا حاجة و يدفعوا لصاحب البيت 5 جنيه عالراس..!!!!

طول عمرى أعرف إن البيوت عورات.... و من البديهى إن عورات الناس بقت تجارة.. :lol:

بس قاللى شرطة السياحة لما عرفت بالظاهرة دى منعت البرنامج ده و حطت عليه عقوبة..

ده حكالى على أدهى من كدة..

مرشد تانى حب ينصب عالسواح... قاللهم ده فيه حفلة قرآن ممكن تروحوا و تشربوا قهوة مجانى و تسمعوا القرآن "لايف"..

و قام واخدهم على عزا فى عمر مكرم..!!!

حتى الموت بدل ما كان عظة و عبرة... بقى تجارة..!!!

[White heart]

ايه رأيكم ينفع الحل دة: مدافن مسلمين مميزة ....مش معقول؟؟؟؟؟

[Salwa]

يعنى معنى الكلام ده ان الناس دى اصحاب شركات السياحة فى سبيل المكسب مش مهم ...لا الكرامة ولا الانتماء ولا الحرمات ولا حاجة ابدا ؟؟؟

عارفة ياكليو انا عمالة ابحث عن كلمة بالعربى تعبر عن اللى بيحصل ده ومش لا قية ...

ده morbo macabro........

زى مثلا واحد يحب يشوف صور القتلى رغم ما بها من قسوة ..

بصراحة شئ شاذ.....بالنسبة للى بيعرض على الناس زيارة الاماكن دى وبالنسبة للى بيروح مخصوص يتفرج ؟؟

والشئ اللى يغيظ .ان حتى لما بيقولوا عاوزين نشوف حلول .يقولك علشان وجه مصر الحضارى ؟؟؟؟؟

طيب ..يعنى مش علشان الناس دى ؟؟؟ المصريين الغلابة دول ؟؟؟ ولا علشان الأموات ؟؟؟؟

ثم فعلا شئ آخر فى منتهى السخرية ....

عروض لمدافن سوبر لوكس ...........!!!

هل هذه ايضا سيكون مصيرها السكنى العشوائية من المعذبون فى مصر ؟؟؟

حكاية عزومة السياح على قهوة فى عزاء ........دى جديدة قوى ....قوى...

تعرفوا ياجماعة ...انا بيتهيألى ان مصر بقت عاملة زى دار سينما فيها حفلات عرض مستمر وفيها افلام كوميدى كتير حتى التراجيدى اللى فيها يضحك .....

تعرض فيها مهازل بصفة دورية منتظمة .......!!!!

وعمار يابلدنا ..........

وبلدنا على الترعة بتغسل شعرها ......اصل المية مقطوعة فى الديار ....!!!!

[ragab2]

أختلف

مع رأى الأشقاء والشقيقات

ولا مانع من نشر غسيلنا أمام العالم برغبتنا بدلا من المداراة ونفاجأ بالتصوير من وراء ظهورنا لأنه لا شيئ يمكن اخفائه فى هذا الزمن

أتذكر أنه فى شبابنا كنا نستنكر تصوير الأجنبى لماسح الأحذية وبياع العرقسوس لمجرد غيرتنا على مصر والمصريين

ولكن الظروف تغيرت وصار العالم قرية صغيرة يسمع فيه دبيب النملة فى أى مكان على البسيطة

والعيب ليس فى الشعب ولكنه فى السلطات التى تحكم الشعب وفشلت فى علاج الفقر والجهل والبؤس والمرض

دعوهم ينبهونا لمواطن الفشل وأماكن البؤس اذا لم نتنبه لها بنفسنا

ونحاول انتشال هذه العائلات مما هم فيه

[ggamal]

الغريبة ان الاجانب بيتفرجوا على الفقراء المصريين الى عايشيين فى المقابر و بيستعجبوا

ليه مش عارف مع ان عندهم الشحاتين الغربيين البض بيشحتوا و بيناموا فى الشارع فى وسط الزبالة و الغريب ان فيهم شباب قادر على العمل و الاغرب انه مش لاقى يأكل نفسه و كمان معاه كلب بيشحت بيه

طب حد شاق الغجر ده بأه حكاية اخرى

دلوقت كل نا اشوس واحد اجنبى يقول ان فيه فقراء و شحاتين فى مصر اقول له و ايه يعنى مانا شفت عندكم فقراء شحلتين و نايمين فى الشارع يقوم يسكت على طول

[Salwa]

المشكلة مش فى اللى بيقولوه .....

احنا مايهمناش رأيهم .......واما حكاية ان هم كمان عندهم ناس بتشحت وبتنام فى الشوارع ....لألألأ.ده عندهم اكتر من كدة ...

وياريت جت على الغجر وبس .........؟؟؟

بس هم مش بيضعوا برنامج ...مخصوص .....للسياح علشان يتفرجوا عليهم ؟؟؟؟؟

يعنى ايه الخيبة اللى شركات السياحة فى مصر فيها دى ؟؟؟؟؟

وايه الخيبة اللى مسئولى السياحة فى مصر فيها دى ؟؟؟؟؟؟؟؟

وايه الجهل اللى فيه بعض الناس سكان المقابر دول وقلة الحيا ده ؟؟..ليه يدخلوا الناس دى بيوتهم ؟؟

ايه نظام التسول المنتظم ده ؟؟؟

بدل الاحتفالات .والزينات ...والمتاهات العبيطة اللى بيعملوها معرفش باسم مين ؟؟؟؟؟...بالتأكيد مش باسم الشعب ...

يشوفوا احوال الناس دى ........

يعملوا خطة خمسية ......من ضمن الخطط الخمسية اياها وينقلوا الناس دى لمكان يصلح لمعيشة الآدميين ...

انا من يوم ما اتولدت وانا بسمع عن الخطة الخمسية ....؟؟؟

يمكن قصدهم الخطة الخمسمائة ....؟؟؟

للمرة المليون ......احنا مش مكسوفين من السياح ..احنا مكسوفين من نفسنا .....ومن المسئولين ..وقهرانين ...للسلبية اللى احنا فيها .

وعلى فكرة اغلب السياح دول عمال وناس عادية يعنى ..........

مفيش مليونير بيروح مصر عن طريق شركة سياحة .

عاوزة اقول برضه دول ناس .....عادية ......بس عايشين وحكوماتهم بتعاملهم كآدميين .........

[Mohammad Abouzied]

تقصدي انهم بيتاجرو بألام الشعب المصري

دا صحيح

وهنا دور وزارة السياحة يجب ان توقف مثل هذه النوعية من السياحة خاصة ان كل بلد من حقها منع انواع من السياحة قد تؤثر على مجتمعها وكذلك شرطة السياحة

فلم نسمع ابدا ان فيه سياحة للتدخين المخدرات في بعض الدول الاوربية كما سياحة مستعمرات العري غير مسموح به في أغلب دول العالم

وبخطاب صغير الى وزير السياحة وصورة منه لمكتب رئيس الجمهورية ووزير الداخلية ممكن تتحل المشكلة

[Mohammad Abouzied]

دبي تلقي القبض على أول متسول أمريكي في الشرق الأوسط

دبي: باسم علي

يمكن اعتبار المتسول الأمريكي الذي تم إلقاء القبض عليه في دبي منذ أيام أول متسول في الشرق الأوسط يحمل الجنسية الأمريكية . وتأتي عملية القبض في ظل جهود السلطات الإماراتية في دبي لتنظيف الإمارة من المتسولين والنشالين بعدما أصبحوا ظاهرة مزعجة في الأعوام الماضية.

وتفيد سجلات بلدية دبي بأن السلطات استطاعت في النصف الأول من العام الحالي القبض على 1224 نشالاً و 488 متسولاً. وبين شهري يوليو وأغسطس تم القبض على 373 نشالاً و 147 متسولاً بينهم واحد أمريكي الجنسية.

وأفاد مصدر مسؤول في البلدية بأنه بين شهري أبريل وأغسطس تمت مصادرة حوالي ستة آلاف قطعة من أيدي النشالين، من بينها أجهزة كهربائية صغيرة ومواد تجميل وأحذية.

" الوطن " السعودية عدد 13 / 9 / 2003

http://members.lycos.co.uk/alajayeb/SENDARTICLE.htm

[White heart]

Salwa كتبت:

المشكلة مش فى اللى بيقولوه .....

احنا مايهمناش رأيهم .......

صح !

انا من بداية الموضوع، و تركيزي منصب على الوضع نفسه ....

لا يهمني تصرف شركة السياحة، و لا من يسعى الى سلعتهم من الطرف الأخر، الوضع الشاذ ليس فيمن يشتري و يروج للسلعة ....

الوضع الشاذ هو فى وجود هذه السلعة أساسا... نستطيع حث الجهات المعنية على التدخل، و هذا تصرف إيجابي، و جميل - و لكن هل سيحل هذا المشكلة؟؟!!

بالطبع لا، نفس الشئ حيال الكثير من الأمور فى حياتنا - إكنس السجادة، و بعدين إرفع طرفها و اكنس تحتيها اللى كنسته!!! و كأن الضيف اللى هاييجي يزورك ما فيش أى ظرف، أو حادثة ممكن تكشف ان بالغرفة ما هو غير نظيف!!!!

الوضع الشاذ هو فى تدني ذوق، و تلبد شعور، نسبة ليست قليلة - و مع الأسف أخذة فى الإزدياد، من شعبنا، تفشى سلوكيات "العشوائية" و اللا مبالاه فى حياتهم، هو من يسمعنا بين الحين و الأخر عن مثل تلك الأمثلة وغيرها كثير، عفوا مع إحترامي لأرائكم اللا اننى لا ألقى (بالدرجة الأولى) اللوم على أى جهة حكومية أو إدارية، بل القيه على أباء و امهات لا يفكروا بالمرة فى مستقبل أطفالهم من قبل أن يأتوا بهم الى هذه الدنيا ..... الحكومة لم تطلب من شابين أن ينجبوا 4 او 5 أطفال بل و اكثر، دون أدنى تفكير فيما ينتظرهم فى المستقبل، و تدور عجلة الحياة، و نسمع مأسيها المعتادة فى مثل هذه الحالات، فعلاوة على الصعوبات و المعاناه - و الحياه الضنك، التى تحياها هذه الأسرة، فنرى هؤلاء الأطفال و قد كبروا، و النتيجة المتوقعة المنطقية فقد كبرت معهم مشاكلهم، فربما استقرت أحداهن مع والديها فى نفس الشقة، و هاجر الأخر، و لأنه ربما لم يحصلوا على القدر الكافي من أى شئ! فلا عجبأن نرى اخر و قد لجأ الى المقابر ليسكنها و يتكاثر فيها!!! و أخر و قد سلك طريق الإجرام - طبعا انا لا احاول هنا التعميم، و لكن احاول من وجهة نظري التقرب من إحدى "المفاهيم الخاطئة" لدى نسبة ليست قليلة من شعبنا، اذا ما كان هناك أى عتاب يجب أن اوجهه الى الحكومة فى مثل هذه الحالات، فهو "التهاون" و عدم التعامل بحزم فى بدايات أى فكرة - أو سلوك - أو عمل عشوائي، و من ناحية أخرى افه تدعى "الدعم"!!!

[Scorpion]

حكاية عزومة السياح على قهوة فى عزاء ........دى جديدة قوى ....قوى...

آسف يا مدام سلوي ... و لكن هذه الظاهرة تعود الي منتصف الثمانينات .. اتذكر ايامها كنت اعمل في مجال السياحة .. و كان لي عدد من الزملاء يقومون بها بها دائمآ ...

كانت زيارة Optional غير مدرجة في أي برنامج .. و لكنها كانت تتم بالأتفاق مع فراشي صيوان العزاء الذي يقام بعمر مكرم ...

ملحوظة : لم اوافق ابدآ علي عرض تلك الزيارة علي عملاء الشركة بالرغم من هامش الربح ... 5 دولار علي الفرد .. ( منتصف الثمانينات ) ... و بالرغم من دراية صاحب الشركة نفسه بهذه العملية الرخيصة و لكنه لم يعارض ابدآ ...

[Mohammad Abouzied]

Salwa كتبت:

المشكلة مش فى اللى بيقولوه .....

احنا مايهمناش رأيهم .......

صح !

انا من بداية الموضوع، و تركيزي منصب على الوضع نفسه ....

لا يهمني تصرف شركة السياحة، و لا من يسعى الى سلعتهم من الطرف الأخر، الوضع الشاذ ليس فيمن يشتري و يروج للسلعة ....

الوضع الشاذ هو فى وجود هذه السلعة أساسا... نستطيع حث الجهات المعنية على التدخل، و هذا تصرف إيجابي، و جميل - و لكن هل سيحل هذا المشكلة؟؟!!

بالطبع لا، نفس الشئ حيال الكثير من الأمور فى حياتنا - إكنس السجادة، و بعدين إرفع طرفها و اكنس تحتيها اللى كنسته!!! و كأن الضيف اللى هاييجي يزورك ما فيش أى ظرف، أو حادثة ممكن تكشف ان بالغرفة ما هو غير نظيف!!!!

الوضع الشاذ هو فى تدني ذوق، و تلبد شعور، نسبة ليست قليلة - و مع الأسف أخذة فى الإزدياد، من شعبنا، تفشى سلوكيات "العشوائية" و اللا مبالاه فى حياتهم، هو من يسمعنا بين الحين و الأخر عن مثل تلك الأمثلة وغيرها كثير، عفوا مع إحترامي لأرائكم اللا اننى لا ألقى (بالدرجة الأولى) اللوم على أى جهة حكومية أو إدارية، بل القيه على أباء و امهات لا يفكروا بالمرة فى مستقبل أطفالهم من قبل أن يأتوا بهم الى هذه الدنيا ..... الحكومة لم تطلب من شابين أن ينجبوا 4 او 5 أطفال بل و اكثر، دون أدنى تفكير فيما ينتظرهم فى المستقبل، و تدور عجلة الحياة، و نسمع مأسيها المعتادة فى مثل هذه الحالات، فعلاوة على الصعوبات و المعاناه - و الحياه الضنك، التى تحياها هذه الأسرة، فنرى هؤلاء الأطفال و قد كبروا، و النتيجة المتوقعة المنطقية فقد كبرت معهم مشاكلهم، فربما استقرت أحداهن مع والديها فى نفس الشقة، و هاجر الأخر، و لأنه ربما لم يحصلوا على القدر الكافي من أى شئ! فلا عجبأن نرى اخر و قد لجأ الى المقابر ليسكنها و يتكاثر فيها!!! و أخر و قد سلك طريق الإجرام - طبعا انا لا احاول هنا التعميم، و لكن احاول من وجهة نظري التقرب من إحدى "المفاهيم الخاطئة" لدى نسبة ليست قليلة من شعبنا، اذا ما كان هناك أى عتاب يجب أن اوجهه الى الحكومة فى مثل هذه الحالات، فهو "التهاون" و عدم التعامل بحزم فى بدايات أى فكرة - أو سلوك - أو عمل عشوائي، و من ناحية أخرى افه تدعى "الدعم"!!!

انت لا توفر اي فرصة تعلق فيها على ان السبب هو زيادة السكان

هو انت متفق مع حسني مبارك

طيب ايه رئيك في المتشردين في اوربا الى بيناموا في محطات مترو الانفاق

اوعوا تقول مفيش ازعل قوي

[White heart]

Salwa كتب:

تعرفوا ياجماعة ...انا بيتهيألى ان مصر بقت عاملة زى دار سينما فيها حفلات عرض مستمر وفيها افلام كوميدى كتير حتى التراجيدى اللى فيها يضحك .....

تعرض فيها مهازل بصفة دورية منتظمة .......!!!!

و السؤال هنا هل يعلم بهذا من يقومون بأدوار البطولة فى مثل تلك الأعمال؟

هل يتبادلوا الأدوار فيما بينهم، و يضحكون أيضا على بعضهم؟

[Mohammad Abouzied]

الي بنعتبرة مهازل هنا في مصر في امريكا اللاتينية يعتبر لا شئ

وبالنسبة لبعض الدول الافريقية يعتبر تفوق حضاري حيث يأكلون جثث الموتى هناك

كون مصر صاحبة مبادئ واخلاق فهي ملامة في تصرفاتها وأسلوب شعبها

والمطلوب منها ان تكون في صورة مثالية بعيدة عن اشكال اكواخ الهيبز وعشش السود في امريكا

ولكن الفرج قريب لو كل فرد بذل كل جهده في تعديل الاوضاع حتى لو بكلمة حق

[White heart]

ragab2 كتب:

أختلف

مع رأى الأشقاء والشقيقات

ولا مانع من نشر غسيلنا أمام العالم برغبتنا بدلا من المداراة ونفاجأ بالتصوير من وراء ظهورنا لأنه لا شيئ يمكن اخفائه فى هذا الزمن

أتذكر أنه فى شبابنا كنا نستنكر تصوير الأجنبى لماسح الأحذية وبياع العرقسوس لمجرد غيرتنا على مصر والمصريين

ولكن الظروف تغيرت وصار العالم قرية صغيرة يسمع فيه دبيب النملة فى أى مكان على البسيطة

و أنا أتفق معك تماما يا عزيزي....

و يا ليتنا نتعظ بالكثير من سلوكيات الغرب فى هذا الشق، و يصبح لدى المواطن لدينا ما لدى المواطن هناك من حس، و وعى - فمثلا لم نسمع عن مواطن لدينا يقوم بالإبلاغ بنفسه عن ضرر شاهده تسبب فيه مواطن أخر، و ليكن تعمد تشويه مكان عام سواء بالتخريب، أو بإلقاء القاذورات فى الشوارع الخ .. الخ ..، هذا سلوك إيجابي من قبل المواطن، و بالطبع تجاوب الجهات المعنية تجاه مثل هذه الأعمال .. الحل يكمن فى المواطن أولا - و الحكومة ثانيا.....

والعيب ليس فى الشعب ولكنه فى السلطات التى تحكم الشعب وفشلت فى علاج الفقر والجهل والبؤس والمرض

دعوهم ينبهونا لمواطن الفشل وأماكن البؤس اذا لم نتنبه لها بنفسنا

ونحاول انتشال هذه العائلات مما هم فيه

أخشى انه اذا اتبعنا هذا الطريق - فسنصطدم بالمعادلة الشهيرة " البيضة و الفرخة"، الشعب يقول أن الحكومة فاشلة لعدم استطاعتها حل جميع مشاكلنا، و الحكومة تقول لسنا نحن من تسببنا فى فقر الدولة، وضياع موراردها، بل لقد ورثناها فقيرة، و أنتم بتكاثركم اللا منطقي من تتسببون فى نسف، و تعطيل مجهوداتنا، و بالتالى ينتشر الفساد و العشوائيات فى كافة مناحى الحياة .... و دوخيني يا لمونة :angry:

و انا أتفهم كل طرف، و لكن لما العمل على إبطال حجة الحكومة، و لنرى بعدها، أنا متأكد الى أن هناك فرق سوف يحدث .....و لكن مع الأسف هناك من "المساكين" من يتعاملوا مع مثل تلك الأمور من منطلق فكري _متواضع_ فتختلط عليهم الأمور، فيندفعوا دفعا الى النقيض تماما (حتى و لو تعارض هذا مع مصلحتهم) فقط لتأثرهم العاطفي بمشاكل مختلفة، و تداخل المفاهيم لديهم....

يا عزيزي رجب2 شعبنا ليس بحاجة لمثل هذه البرامج السياحية حتى ينبهوه الى لمواطن الفشل وأماكن البؤس- فجميع الأطراف تعلمها حق معرفة، و ان لم تكن تعيشها، فهى تحتك بها قطعا بطريقة أو بأخرى، ليس هذا مع كل أسف هو الحل...

تم تعديل 7 يوليو 2004 بواسطة White heart

[سقراط المصري]

وايت يا ابن هارت

صباح الصباح

ولا مانع من نشر غسيلنا أمام العالم برغبتنا بدلا من المداراة ونفاجأ بالتصوير من وراء ظهورنا لأنه لا شيئ يمكن اخفائه فى هذا الزمن

و أنا أتفق معك تماما يا عزيزي....

و يا ليتنا نتعظ بالكثير من سلوكيات الغرب فى هذا الشق، و يصبح لدى المواطن لدينا ما لدى المواطن هناك من حس، و وعى

trch:

سقراط

[Seafood]

لقد قبلنا بفكرة السياحة على الطريقة الغربية , وقبلنا بكل عيوبها الأخرى , وغضينا الطرف عنها , لذلك يجب علينا أن نتقبل كل تبعاتها ..

وهذه هي النتيجة المتوقعة لتقلينا للغرب ...

فنحن لم نخلق أو نبدع سياحة إسلامية , بشروط إسلامية .. بل تتبعنا الغرب حتى في برامجه السياحية , ولم نفرض شروطنا على السياح , وعلى ضرورة إلتزامهم بتقاليد البلد وأعرافه .. ومقابل ثمن بخس تغاضينا عن كل الموبقات التي يرتكبونها ..

وهذه ليست بدعة مصرية , فمعظم الدول السياحية تسترزق على مثل هذه الأماكن , ونجد على جدول الزيارات زيارة للأحياء الفقيرة في كل بلد .. وحتى هناك بلاد كأيطاليا بها برامج لزيارة أماكن تجمعات الشواذ والمخنثين ومدمني المخدرات ...

الفكرة إذاً هي إقتصادية بالدرجة الأولى , الهدف منها الترويج للسياحة , والكسب على حساب المبادئ , والقيم والأعراف وما هو مقبول إجتماعياً ..

والثورة على مظهر سيئ واحد من جميع المظاهر السيئة للسياحة , لن يحل المشكلة , فقطاع السياحة من أوله يجب إعادة بنائه , وتقييمه , وتعديله , لينطلق من قاعدة إسلامية تثقيفية شرعية , وليس من قاعدة إقتصادية الهدف منها زيادة الدخل القومي الذي يذهب إلى جيوب الفاسدين في النهاية .. ولا يستفيد منها الشعب الغلبان ...