قبل الصندوق ولا بعد الصندوق؟ أنهي الأهم بالله عليكم؟

[Sherief AbdelWahab]

بعد كل سنة وانتم طيبين بمناسبة العيد .. فيه حاجة عايز أكلمكم فيها يمكن يكون دمها تقيل تقل الفيل..

ليه الاهتمام الرهيب دة بمراقبة الانتخابات؟ وليه بقى كل الهم في الكلام عليها على التزوير ومش التزوير؟

الانتخابات عمرها ما كانت هدف ، وفيه ناس عايزيننا نؤمن بإنها هدف ، مش وسيلة لتحقيق هدف...

هل تزوير الصندوق يفرق في نوعية النائب اللي بييجي؟ لأ وألف لأ.. أغلب النواب الحرامية اللي بيمارسوا الفساد الخدمي من تأشيرات بأنواعها وخلافه جم بأغلبيات كاسحة ، دون الحاجة لممارسة أهيف قدر من التزوير..

ليه ما انصرفش اهتمامنا ، وما ينصرفش لفترة الخمس سنين بحالها اللي بين كل انتخاب واللي وراه؟ ليه ما يبقاش فيه رقابة حقيقية على أداء النائب نفسه ، رقابة أنا شايفها أهم ألف مرة من صندوق راح وصندوق جه؟

خلص الكلام

[MaYousof]

مش ممكن ..

كلمتين في الجون جدا ..

مفيش عندي أي حاجة ممكن أقولها بعد الكلمتين دول ..

حقيقي يا أستاذ شريف .. ليه؟ .. خلص الكلام ..