آلامنا.. قنبلة مسيلة للضحك!

[بهية]

حين وضعت هذا المقطع على صفحتي بالـ(فيس بوك) نبهني احد الاصدقاء متعجبا...(ان اليوم عيد!!)

لذا أعتذر مقدما...اذ ربما يلقى هذا المقطع اليوتيوبي استهجانا(لأن الوقت مش مناسب)

لكن عندما تصبح آلامنا وأرواح المئات (قنابل) مسيلة لدعابات الكبار وضحكاتهم..فلا حق لنا ان نعجب -مجرد عجب- اذن ان كانت تبرئة الجناة هي ديدن النظام

مقطع من حوار للرئيس مبارك مع أحد المواطنين بسوهاج في برنامج مصر النهاردة حوى (إفيها) من الايفيهات المباركة التي يزدهر موسمها في تلك المناسبات دوما، لتنم عن فرد (البساط الأحمدي) مع عامة الشعب!

لكن هذه المرة كان (الافيه) ناكيء للجرح الى حد غير مسبوق

http://www.youtube.com/watch?v=NlYw3kaXNJM

[Dreamwithme]

السلام عليكم ورحمة الله وبركاته

الفاضلة بهية

بالرغم من إن فعلا جو العيد غير مناسب لهذا الفيديو

لكن أنا كنت شاهدته من قبل وزي ما حضرتك قولتي

"لكن هذه المرة كان (الافيه) ناكيء للجرح الى حد غير مسبوق"

بصراحة مش عارفة أقول إيه؟!

جمل كتير بتتسارع في ذهني

" لكل داء دواء إلا الحماقة أعيت من يداويها"

ولا أقول إيه الجبروت ده؟ ما إحنا بلد فراعنة صحيح

ولا أققول السن له حكمه فالراجل كبر ولا يدري ماذل يقول؟

عموما الشئ الأكيد إني عايزة أققول حسبي الله ونعم الوكيل.

[مصطفى يونس]

حسبى الله ونعم الوكيل

[MaYousof]

الصراحة .. الفيديو قديم ..

وكلنا شفناه قبل كده ..

ومع احترامي العميق للفاضلة بهية .. اللي أستاذ عادل أشاد شخصيا بمداخلاتها القليلة لكن عالية الجودة ..

إلا إني بشكل شخصي للأسف لم أر أي حكمة من إضافة فيديو قديم في العيد عن حادثة غير سارة ..

وتساءلت .. هل إن شاء الله العيد الجاي ممكن نضيف فيديو القطار المحروق؟

تحياتي للجميع ..

وكل سنة وانتم طيبين ..

[شريف مان]

أكيد لو حفيده كان مات فى العبارة مكنش قال كدة

متزعليش يا استاذة بهية فليس على مبارك حرج

رجل فقد حفيده وأصيب بالسرطان ولم يتعظ !!

لنا الله

لا تأسفنَّ على غدرِ الزمانِ لطالما....رقصت على جثثِ الأسودِ كلابا

لا تحسبن برقصها , تعلوا على أسيادها....تبقى الأسودُ أسوداً والكلابُ كِلابا

[بهية]

الصراحة .. الفيديو قديم ..

وكلنا شفناه قبل كده ..

ومع احترامي العميق للفاضلة بهية .. اللي أستاذ عادل أشاد شخصيا بمداخلاتها القليلة لكن عالية الجودة ..

إلا إني بشكل شخصي للأسف لم أر أي حكمة من إضافة فيديو قديم في العيد عن حادثة غير سارة ..

وتساءلت .. هل إن شاء الله العيد الجاي ممكن نضيف فيديو القطار المحروق؟

تحياتي للجميع ..

وكل سنة وانتم طيبين ..

معك حق يا استاذنا...لاحكمة من اضافته في (العيد)فعلا

لكن عفوا ..؛ للوهلة الأولى شككت -من واقع مداخلة حضرتك- في معلوماتي حول هذا الفيديو الذي وصفته (بالقديم)!

لا أدري مقياس القدم والحداثة الذي تعنيه...مع احترامي

فالحلقة على حد علمي من برنامج مصر النهاردة اذيعت في هذا الشهر لا من شهر مضى او سنة مثلا

على كل حال أعتذر مرة أخرى يا استاذي عن اشاعة جو من الكآبة الغير مقصودة هنا

وأطلب من مشرفي القسم -اذا سمحوا-بحذف الفيديو...حاولت حذفه اليوم فعلا ولم أستطع

ولا داعي للقلق مطلقا...فلن أنشر في أية (أعياد) قادمة فيديو لقطار محترق ولا لجثة خالد سعيد المشوهه ولا لانهيار صخرة الدويقة ولا فيديو عن بلطجة الانتخابات ولا آخر عن مصبي الزيت على نار الفتنة الطائفية ولا....

فهو عيد كما قلت وكما أجمع الجميع...وأبيت أنا

عيد. و من حق مصر علينا فعلا ان .....(تفرح)

خالص احترامي وتقديري وبالغ اعتذاري

تم تعديل 17 نوفمبر 2010 بواسطة بهية

[MaYousof]

مقياس القدم عندي هو إني شفت الفيديو من أسابيع مضت .. بل وأضيف هذا الفيديو هنا في المنتدى في أحد المواضيع التي تغلب علي مداخلاتها النواح والولولة .. أو كما يسميها الأستاذ عادل أبوزيد بإسلوبه الأرقى بكثير من طريقتي في الكلام .. مداخلات البكاء ..

ونعم أقر مع حضرتك ما ذكرتِ من إن مصر فعلا لازم تفرح .. حتى من غير عيد لازم تفرح .. مصر الحمد لله فيها خير .. وفيها قليل من أبنائها مستعد يرسم الفرحة دونما تباهي وظهور .. ودنما إضاعة وقته في البكاء على لبن مسكوب .. دونما إمساك لمعول السلبية يهدم به .. ولكن هؤلاء القلائل ببساطتهم يمسكون (قصعة) الإيجابة .. ويعملون دومنا ضوضاء .. لازم نفرح .. لإن فيه دايما وجه آخر للعملة .. لو ماكنتش أفرح بيه في العيد الكبير هافرح بيه إمتى ..

لازم أقر حضرتك فيما ذكرتِ .. مصر لازم (تفرح) .. لإن ممكن جدا مصر يكون فيها ألف مصيبة .. لكن فيها ألفين شيء مليء بالخير والفرحة .. والعيد أحلى مناسبة نفرح فيه بالوجه الآخر المضيء ..

أقر حضرتك يا أستاذة بهية .. مصر لازم في العيد (تفرح) ..

ربنا يعيد علينا كل عيد .. ونفرح كلنا .. دونما اختزال منا لوجه واحد من حال مصر .. فنحن أكثر موضوعية وإيجابية وحب لمصر من أن نعمل على اختزال الصورة ظنا منا أن في ذلك خير ..

ربنا يعيد علينا كل عيد .. ونفرح كلنا .. ومصر كلها (تفرح) ..

جل تقديري لحضرتك ..

وكل عام ومصر كلها فيها خير .. وفرح .. وسعادة .. وفيها ناس تعمل على زيادة كل ده ..

محمد

[shiko]

:protest:

....موش مزايدة على حب مصر ....

موش بكاء ولا نحيب

ولا هو صراخ فى يوم عيد .....

حبنا لمصر موش مرتبط بمواسم ولا أعياد

وإلا لو كان كده فاهقترح نشوف الفيديو ده فى الذكرى السنوية للحاكم بأمر الله المعز لدين الله الفاطمى حفظه الله ورعاه

منطق مرفوض ....

منطق بلاش نسمع الاه ...علشان منتألمش .....

منطق احنا فى عيد والعيد فرحة ....وبلاش تنكد علينا يا عم ...منطق موش مقبول ...

بلاش نخبى فرحتنا ....وبرضة مايصحش نكتم انين جراحنا

الفاضلة الاستاذ بهية ..

فضلا ...سيدتى

اناتك محمودة .

وما نقلتيه هو نقلا عن اعلامنا المصرى ...

نقلا عن انين فى شوارعنا ....فى مداخل بيوتنا ....

حتى لو كنا فى عيد موش هاننسى اننا بنحب مصر ....ونأن بجراحها

موش سياسة نواح ولا ولولة ....ولا عويل

ليس لها ان تليق بمكان محترم مثل صالوننا الراقى اللى عنوانه

شــئون مصر والمصريين ...

ولكنها دموع فى حب مصر

واذا كان فى الف دمعة تخر من عيناكى يا بلدى فملايين القلوب تشاركك اناتك

وملايين السواعد تمتد لتزيح عنك الدمع يا مصرى ....

=================================

على جنب بقى ...الغريبة ان الاخت لماضة فتحت توبيك كدهوت من كام اسبوع عن الاخبار الحلوة اللى مكن نقراها استنيت اشوف اى حد يهل علينا بخبر واحد حلو ....وااااسفاه ..ملقتش الا من رحم ربى اخونا عكاوى هو الوحيد الى جبلنا ايجابية واحدة رامها على باب التوبيك واختفى بعديها ....

محدش شاف مكاوى

تم تعديل 17 نوفمبر 2010 بواسطة shiko

[شريف مان]

والله يا شيكو انا دورت وحبيت اشارك فى موضوع لماضة ... بس للأسف ملقتش خبر يفتح النفس عشان اشارك بيه

مفيش غير خبر عن رجل اعمال مصرى اشترى نادى انجليزى وكان بادىء حياته فى انجلترا شيال

وحطيته فى انجازات المصريين

ومحدش شافه غيرى :D

[MaYousof]

لأ طبعا ولولة وعويل مع احترامي يا شيكو ..

امباح عمارة في الصين ولعت باللي فيها ..

وسبعين واحد ماتو ..

غير المتفحمين .. اللي راحتله إيد .. واللي راحتله ودن ..

ومن شهر .. 63 عربية لبسوا في بعض على الطريق السريع في البرتغال .. أقسم بالله 63 .. وفين .. دولة اتحاد أوروبي ..

لما واحد حط فيديو جميل عن مصر يا شيكو طلعتي تحتجي وتقولي الدويقة وكده .. ومن غير ما أجيب مداخلتك .. إحتجاجك كان عجيب .. واحد بيحط حاجة حلوة طلعتي تقولي إزاي إزاي!!

لم يستطع أستاذ أسد إنه يظل صامتا قدام الإصرار على اختزال الصورة واستهجن مداخلتك جامد ساعتها ..

لو عايزة مزايدة أنا ماعنديش مشاكل .. وممكن أعرف أجيب مليون حاجة أسكِت بيها من يزايد .. لكن مش ده الهدف .. الهدف إن لازم يكون فيه إنصاف .. رؤية لكلا النصفين من كوب الماء .. مع احترامي يا شيكو .. إنتي مش بس عايزة تشوفي النص الفاضي .. إنتي لما حد بيبص بصة على النص المليان ممكن تزعقيله! وعموما دي حرية شخصية .. لكن أنا من حقي أقول رأيي .. إني شايف - وممكن أكون غلطان في اللي أنا شايفه - بس شايف اللإسف إنك بتزعقي للّي بيبص على النص المليان ..

وده مش مخليني سعيد .. خصوصا إنه جاي منك إنتي يا شيكو وانتي عارفة إني أهتم إني أشوف منك إنتي بالذات من الصفات ما أراه إيجابيا وبناء

لكن في الآخر هاقول براحتك يا شيكو .. إنتي عايزة تلبسي نضارة بلون معين ده شيء يرجعلك .. لكن لبسك ليها لن يمنع إن مصر فيها خير وفيها اللي يفرح ..

وعموما يا شيكو لو إنتي شايفة إن العيد الكبير مناسبة جيدة لاجترار الحزن .. يبقى تفاعلي بإيجابية .. خليكي إنتي من يضيف فيديو القطار المحروق العيد الجاي

وكل سنة وكلكم طيبين

[shiko]

سيدى الاستاذ الفاضل /

محمد بك يوسوف

يسعدنى حوارك الهادىء ....

وموش هاعتبر تلميحات سعادتك ان حضرتك دخلت السلوك جوة بعضها ....

,ولن اتحدث عن اختلافى مع الاستاذ الفاضل اسد ...علشان انا رديت عليه سعتها ..واللى موش هايسعنى هنا الموضوع للرد على سعادتك

فقط يسعدنى مناقشتك فى المكان المناسب للموضوع محل النقاش

وموش هاجيب سيرة تنازل عن مصريتى ولا وطنيتى :egyflag: وليس هناك ادعى مزايدة ....

وان شاء الله هاتلاقينى اول المعزين فى ال63 عربية اللى وقعوا ....

قصدى اللى ولعوا ...

بس براحة كده وعلى جنب ايه نظام الاخبار الدولية السودوية اللى عمال تسمعها ...

وموش عاوزنا نسمع اخبارنا المحلية

بص يا سيدى ...

الموضوع ببساطة ..ان ده من شئون مصر والمصريين اللى هما احنا موش الصين ولا برتغال :malta:

المنتدى ده للشئون المصرية واكيد لو كتبنا عليه بوابة المنتدى الشئون البرتغالية هانتكلم عن الصين ودول الحوض كلها ...

المهم يا سيدى..صاحب رحلة الكفاح الطويل والعمر المديد

وعلشان مانخرجش عن موضوع الاستاذة بهية ...صاحبة القلم الراقى والاحساس الوطنى

بقدملك دعوة هادئة فى منتهى الهدؤ بس من غير عويل ولا نواح ولا غيره انك توارينا نصف الكوب المليان

وخلينا نستعمل اسلوب منهجى رداً على نص الكباية الفاضى بتلات تربع كوباية مليان

على فكرة بقى سعادة سموك ...

انتقدت سياسة البكاء والعويل والتعليق على الفيديو بسلبية

والبكاء على اللبن المسكوب بنفس الاسلوب

وماقدمتش اى حاجة ايجابية ترد بيها على الفيديو اللى موش عاجب حضرتك

حضرتك لبستنى نضارة سودا تانية بس نضارة دولية ...خلتنى اشوف الاخبار السودة برضه بس بتاعة الصين والبرتغال ...(يعنى بذمتك ماشفتش فى الصين ولا البرتغال اى ايجابية غير الاخبار السودة دى )

ولا زال السواد مستمر والنص الفاضى طلع فاضى برضك

على رأى العالم الجليل سيد ابو حفيظة تسى كم تسى بوى

=============================================

على جنب مبروك الاشراف ماعرفتكش افتكرتك متخفى !!

معلومة بقى بما انك مهتم فى الصين اخر تقري اقتصادى قريته صادر عن البنك الدولى ان مصر حققت نمو اقتصادى بنسبة 3% بينما حققت الصين نسبة نمو 12% ...

تم تعديل 17 نوفمبر 2010 بواسطة shiko

[MaYousof]

على فكرة يا شيكو ..

أنا تنازلت عن عروبتي مش مصريتي!

أنا تنازلت عن عروبتي تمسكا مني بمصريتي ..

لا يمكن لكائن من كان أن يزايد على تمسكي بل وقتالي حتى آخر رمق عن مصريتي ووطنيتي ..

لأني قمت بما لم يقم به أحد .. وهو إدراكي إن الدعوات العروبية أصبحت ضد كرامة مصر ..

لا أظن إن فيه حد مستعد يتنازل عن عروبيته في سبيل الحفاظ على كرامة مصر ..

بالعكس العكاس .. أظن إن ناس كتير ممكن تبيع مصريتها بمتين وخمسين جنيه بس ..

عموما .. أنا هأعتبر إنك ماكنتيش مركزة لما اتهمتني بـ:

موش هاجيب سيرة تنازل عن مصريتى ولا وطنيتى :egyflag:

شكرا

وكمان .. لو طلب صغير يا شيكو ..

بلاش تقوللي بك دي .. كلنا ولاد تسعة حضرتك سيادتك :)

[shiko]

على فكرة يا شيكو ..

أنا تنازلت عن عروبتي مش مصريتي!

أنا تنازلت عن عروبتي تمسكا مني بمصريتي ..

لا يمكن لكائن من كان أن يزايد عن تمسكي بل وقتالي حتى آخر رمق عن مصريتي ووطنيتي ..

لأني قمت بما لم يقم به أحد .. وهو إدراكي إن الدعوات العروبية أصبحت ضد كرامة مصر ..

لا أظن إن فيه حد مستعد يتنازل عن عروبيته في سبيل الحفاظ على كرامة مصر ..

بالعكس العكاس .. أظن إن ناس كتير ممكن تبيع مصريتها بمتين وخمسين جنيه بس ..

عموما .. أنا هأعتبر إنك ماكنتيش مركزة لما اتهمتني بـ:

موش هاجيب سيرة تنازل عن مصريتى ولا وطنيتى :egyflag:

شكرا

وكمان .. لو طلب صغير يا شيكو ..

بلاش تقوللي بك دي .. كلنا ولاد تسعة حضرتك سيادتك :)

:WelEgTks:

لا مركزة ماتقلقش ....عليا انا مابنساش ..زيك تمام (خيركم سابق يا فندم )

ليه بس كده يا استاذ يوسوف ؟؟؟

ليه حضرتك تلبس النضارة السوداء ...

ليه تقول على المصريين اخواتك وشركائك فى الوطن ...بل ويمكن يكونوا وطنيين اكتر منى ومن ناس كتير ...

بيبعوا كرامتهم بالمبلغ الزهيد ده ....

انا كمان هاعتبر حضرتك ماتقصدش المعنى ده بالضبط

...=======================

على جنب محمد بك ..علشان انت فعلا تستاهل الاحترام

وعلى فكرة احنا موش ولاد تسعة ...احنا ولاد مصر يافندم ...

تم تعديل 17 نوفمبر 2010 بواسطة shiko

[بهية]

لكنها دموع فى حب مصر

واذا كان فى الف دمعة تخر من عيناكى يا بلدى=(النصف الفارغ من الكوب)

فملايين القلوب تشاركك اناتك

وملايين السواعد تمتد لتزيح عنك الدمع يا مصرى =(النصف الملآن من الكوب)

تكفيني ان الرسالة من الموضوع وصلت بهذه الصورة يا شيكو ...

و يكفيني انك صغتيها في ثلاثة عبارات توجز مايمكن ان يفرد له صفحات

ثلاثة عبارات فقط حوت نصفي الكوب... (الملآن والفارغ)

خالص الاحترام والتقدير لكِ عزيزتي

[MaYousof]

الموضوع ببساطة ..ان ده من شئون مصر والمصريين اللى هما احنا موش الصين ولا برتغال :malta:

المنتدى ده للشئون المصرية واكيد لو كتبنا عليه بوابة المنتدى الشئون البرتغالية هانتكلم عن الصين ودول الحوض كلها ...

بخصوص إن المنتدى مش مسئول عن البرتغال والصين ..

مين قال إنه مسئول .. أنا لم أريد أن أذكر البرتغال والصين من البداية .. لكني دُفعت دفعا لذلك ..

هو إنتي شفتيني فتحت موضوع مخصوص عشانهم ..

بالعكس .. إحنا فتحنا موضوع .. بل موضوعات .. عن عمال منجم شيلي .. مع إن المنتدى مش مسئول عن شيلي!

لكن فتحنا كذا موضوع عنهم ..

عارفة ليه؟

عشان هنعرف نمسك سكينة ونشرح في كل شيء جميل في مصر لما نتكلم عن عمال منجم شيلي ..

وتصبح موضوعات عمال منجم شيلي زي العسل على القلب .. عشان هتعرف تخلينا نلبس النضارة السودة ..

ولما ييجي واحد غلبان يكتب مداخلة فيها إشارة لمصيبة في الصين ومصيبة في البرتغال .. نقوله إزززاي إزززاي .. المنتدى عن الشئون المصرية وبس :closedeyes:

بل وكمان نحطله الوجه بتاع إن كلامنا معاه مش أكتر من إننا بندّن في مالطا :malta:

:blink:

طيب!

-----------------

وبخصوص الجزئية دي:

وماقدمتش اى حاجة ايجابية ترد بيها على الفيديو اللى موش عاجب حضرتك

طب أقسملك بالله عندي بدل الحاجة اللي أرد بيها مليون حاجة ..

وقسم أهوه هاتحاسب عليه قدام ربنا ..

مليون .. يعني ألف ألف ..

بس لو كتبت منهم حاجة وسط ناس لابسين نضارة لونها قاتم ..

إيه اللي هايحصل ..

هيتقالي ..

إزززاي إزززاي :blink:

طب أنا أوجع راسي ليه ..

أنا أقول الكلمتين اللي في قلبي إن فيه حاجات كويسة ..

والله لاقيت الناس قالتلي طب ما يمكن عندك حق .. طب والله بكل إخلاص ونية غير مبيتة في الصياح في وجهك بل وتفاعل إيجابي مننا هيكون جميل إننا نبدأ نعدد الحاجات الكويسة ..

ساعتها أكيد هاتكلم ..

لكن دلوقتي مش مستعد إني كل اللي اسمعه هو "إزززاي إزززاي"

أنا ماسمعتش إزاي دي لما اتكلمنا عن شيلي .. سمعتها لما اتكلمنا عن البرتغال!

أنا آسف .. أنا غير مستعد إني أتفاعل إلا بحدود معينة عندما يكون من أتفاعل معه مرتديا نظارة قاتمة اللون ..

محمد .. من غير بك

--------------------

أنا كتبت الرد اللي فوق قبل مداخلتك الأخيرة يا شيكو ..

خليني أرد على مداخلتك الأخيرة الآن ..

لأ بقى .. من حقي أقول إن أي واحد يشوف إن العروبية تهين كرامة مصر ولا يتبرأ منها إنه إنسان غير وطني ..

وبالنسبة لمبلغ المتين وخسمين جنيه ..

أنا قلت: فيه كتير ممكن يبيعوا مصريتهم بالمبلغ ده .. فيه .. ألاف ..

في واقع الأمر المنتدى ده شهد ناس باعت مصريتها ببلاش خالص!

يعني أبو متين وخمسين يعتبر يعني باقي على مصر شوية .. أول ما هيقبض المتين وخمسين جنيه هيبيع .. لكن مش ببلاش خالص مستعد يبيع زي ناس جت هنا باعت ومشيت .. على فكرة مش بتكلم على حد من الأعضاء .. أنا بتكلم عن ناس بتسجل في المنتدى .. تدخل تبيع ببلاش .. وتمشي مترجعش .. دول مش أعضاء هنا .. لكن دول عينة من ناس بتبيع من غير حتى ما يمسك متين وخمسين جنيه ولا حتى كرت شحن بعشرة جنيه ..

وبالتالي .. أنا أقصد المعنى ..

وذاكرتي حديدية ..

وكلامي دايما بارجعه قبل ما أبعته .. لأني مسئول عليه أمام ربنا قبل ما أكون مسئول عليه أمام الأعضاء والزائرين ..

واحنا ولاد تسعة .. وانا ابن مصر وأفخر بكدة .. وعارف إن اللي ناوي يبيع بمتين وخمسين مشمئز مني دلوقتي عشان أنا بافخر إني ابن مصر الحمد لله ..

وبجد بلاش بك دي .. الاحترام يا شيكو هو احترام عقليتي وليس منحي لقب ..

وانا عارف إنك بتحترميني وانا بجد باحترمك .. عشان كده لازم بقى نحط النقاط على الحروف .. في الجزء التالي ..

-----------------------

جزء بعنوان "النقاط على الحروف"

1. الفاضلة بهية مداخلاتها القليلة جدا في المنتدى بكل صدق تحتوي على ما يستحق أكثر من التقدير .. ولو كان في يدي إني أرفع لها القبعة في حضور الجميع شخصيا لفعلت ..

لكني سأقوم بأضعف الإيمان .. وأرفع قبعة افتراضية لها :hi: عل هذا أن يوفيها جزء ضئيل من حقها .. ويعطيها قدرها بحق إشادة الأستاذ عادل أبوزيد بها وبمداخلاتها .. فهذا قدر لم يحظ به الكثير ممن لهم مئات المداخلات هنا .. وهو ما لا يدع أي مجال للشك في قدر الفاضلة بهية في هذا المنتدى ..

2. أنا كنت بين نارين .. أن لا أخاف لومة لائم في كلمة رأيت فيها الحق .. وبين أن تكون هذه الكلمة ذات مردود سلبي على تواجد الفاضلة بهية بيننا .. وهي قلم خسرنا كثيرا جدا لو خسرناه .. لكني بعد معاناة لم أتمكن من عدم الجهر بما رأيت إنه أصلح للبلد اللي أنا بحبها وأصلح لأبنائها .. وكلنا بشر .. فقد أكون أنا من كان عليه أن يسكت .. وقد تكون الفاضلة بهية هي من كان عليها ذلك .. في كلتا الحالتين لا ينكر النية الحسنة عن كلينا إلا حاقد علينا كاره لمصر ..

3. شيكو تدخلت قبل أي شيء لإدراكها مدى فداحة أن يكون ما حدث له من السلبية على حضور الفاضلة بهية بيننا .. وهو شيء محمود أشكرها عليه بكل صدق .. لأن التدخل ده كان نتيجته في الآخر هذه النقاط التي أرجو أن توضح الأمور للأطراف المعنية والمحطين بهم .. شكرا يا شيكوز

4. أنا أكرر شكري وتقديري للفاضلة بهية بوجه عام .. وإن كان شكري وتقديري لها لا يأتي شيئا بجوار التقدير الذي استحقته بشكر أستاذ عادل لها .. وأدعوها بكل إخلاص ورغبة في الحضور والتفاعل معنا بشكل أكبر .. فهدفنا جميعا في آخر المطاف هو خير البلد .. ألست محقا؟

تحياتي وخالص مودتي للجميع ..

وكل عام وأنتم بخير

[shiko]

الموضوع ببساطة ..ان ده من شئون مصر والمصريين اللى هما احنا موش الصين ولا برتغال :malta:

المنتدى ده للشئون المصرية واكيد لو كتبنا عليه بوابة المنتدى الشئون البرتغالية هانتكلم عن الصين ودول الحوض كلها ...

بخصوص إن المنتدى مش مسئول عن البرتغال والصين ..

مين قال إنه مسئول .. أنا لم أريد أن أذكر البرتغال والصين من البداية .. لكني دُفعت دفعا لذلك ..

هو إنتي شفتيني فتحت موضوع مخصوص عشانهم ..

بالعكس .. إحنا فتحنا موضوع .. بل موضوعات .. عن عمال منجم شيلي .. مع إن المنتدى مش مسئول عن شيلي!

لكن فتحنا كذا موضوع عنهم ..

عارفة ليه؟

عشان هنعرف نمسك سكينة ونشرح في كل شيء جميل في مصر لما نتكلم عن عمال منجم شيلي ..

وتصبح موضوعات عمال منجم شيلي زي العسل على القلب .. عشان هتعرف تخلينا نلبس النضارة السودة ..

ولما ييجي واحد غلبان يكتب مداخلة فيها إشارة لمصيبة في الصين ومصيبة في البرتغال .. نقوله إزززاي إزززاي .. المنتدى عن الشئون المصرية وبس :closedeyes:

بل وكمان نحطله الوجه بتاع إن كلامنا معاه مش أكتر من إننا بندّن في مالطا :malta:

:blink:

طيب!

-----------------

وبخصوص الجزئية دي:

وماقدمتش اى حاجة ايجابية ترد بيها على الفيديو اللى موش عاجب حضرتك

طب أقسملك بالله عندي بدل الحاجة اللي أرد بيها مليون حاجة ..

وقسم أهوه هاتحاسب عليه قدام ربنا ..

مليون .. يعني ألف ألف ..

بس لو كتبت منهم حاجة وسط ناس لابسين نضارة لونها قاتم ..

إيه اللي هايحصل ..

هيتقالي ..

إزززاي إزززاي :blink:

طب أنا أوجع راسي ليه ..

أنا أقول الكلمتين اللي في قلبي إن فيه حاجات كويسة ..

والله لاقيت الناس قالتلي طب ما يمكن عندك حق .. طب والله بكل إخلاص ونية غير مبية في الصياح في وجهك بل وتفاعل إيجابي مننا هيكون جميل إننا نبدأ نعدد الحاجات الكويسة ..

ساعتها أكيد هاتكلم ..

لكن دلوقتي مش مستعد إني كل اللي اسمعه هو "إزززاي إزززاي"

أنا ماسمعتش إزاي دي لما اتكلمنا عن شيلي .. سمعتها لما اتكلمنا عن البرتغال!

أنا آسف .. أنا غير مستعد إني أتفاعل إلا بحدود معينة عندما يكون من أتفاعل معه مرتديا نظارة قاتمة اللون ..

محمد .. من غير بك

--------------------

أنا كتبت الرد اللي فوق قبل مداخلتك الأخيرة يا شيكو ..

خليني أرد على مداخلتك الأخيرة الآن ..

لأ أقول إن أي واحد يشوف إن العروبية تهين كرامة مصر ولا يتبرأ منها فهو إنسان غير وطني ..

وبالنسبة لمبلغ المتين وخسمين جنيه ..

أنا قلت فيه كتير ممكن يبيعوا مصريتهم بالمبلغ ده .. فيه .. ألاف ..

في واقع الأمر المنتدى ده شهد ناس باعت مصريتها ببلاش خالص!

يعني أبو متين وخمسين يعتبر يعني باقي على مصر شوية .. أول ما هيقبض المتين وخمسين جنيه هيبيع .. لكن مش ببلاش خالص مستعد يبيع زي ناس جت هنا باعت ومشيت .. على فكرة مش بتكلم على حد من الأعضاء .. أنا بتكلم عن ناس بتسجل في المنتدى .. تدخل تبيع ببلاش .. وتمشي مترجعش .. دول مش أعضاء هنا .. لكن دول عينة من ناس بتبيع من غير حتى ما يمسك متين وخمسين جنيه ولا حتى كرت شحن بعشرة جنيه ..

وبالتالي .. أنا أقصد المعنى ..

وذاكرتي حديدية ..

وكلامي دايما بارجعه قبل ما أبعته .. لأني مسئول عليه أمام ربنا قبل ما أكون مسئول عليه أمام الأعضاء والزائرين ..

واحنا ولاد تسعة .. وانا ابن مصر وأفخر بكدة .. وعارف إن اللي ناوي يبيع بمتين وخمسين مشمئز مني دلوقتي عشان أنا بافخر إني ابن مصر الحمد لله ..

وبجد بلاش بك دي .. الاحترام يا شيكو هو احترام عقليتي وليس منحي لقب ..

وانا عارف إنك بتحترمني وانا بجد باحترمك .. عشان كده لازم بقى نحط النقاط على الحروف .. في الجزء التالي

-----------------------

جزء بعنوان "النقاط على الحروف"

1. الفاضلة بهية مداخلاتها القليلة جدا في المنتدى بكل صدق تحتوي على ما يستحق أكثر من التقدير .. ولو كان في يدي إني أرفع لها القبعة في حضور الجميع شخصيا لفعلت ..

لكني سأقوم بأضعف الإيمان .. وأرفع قبعة افتراضية لها :hi: عل هذا أن يوفيها جزء ضئيل من حقها .. ويعطيها قدرها بحق إشادة الأستاذ عادل أبوزيد بها وبمداخلاتها .. فهذا قدر لم يحظ به الكثير ممن لهم مئات المداخلات هنا .. وهو ما لا يدع أي مجال للشك في قدر الفاضلة بهية في هذا المنتدى ..

2. أنا كنت بين نارين .. أن لا أخاف لومة لائم في كلمة رأيت فيها الحق .. وبين أن تكون هذه الكلمة ذات مردود سلبي على تواجد الفاضلة بهية بيننا .. وهي قلم خسرنا كثيرا جدا لو خسرناه .. لكني بعد معاناة لم أتمكن من عدم الجهر بما رأيت إنه أصلح للبلد اللي أنا بحبها وأصلح لأبنائها .. وكلنا بشر .. فقد أكون أنا من كان عليه أن يسكت .. وقد تكون الفاضلة بهية هي من كان عليها ذلك .. في كلتا الحالتين لا ينكر النية الحسنة عن كلينا إلا حاقد علينا كاره لمصر ..

3. شيكو تدخلت قبل أي شيء لإدراكها مدى فداحة أن يكون ما حدث له من السلبية على حضور الفاضلة بهية بيننا .. وهو شيء محمود أشكرها عليه بكل صدق .. لأن التدخل ده كان نتيجته في الآخر هذه النقاط التي أرجو أن توضح الأمور للأطراف المعنية والمحطين بهم .. شكرا يا شيكوز

4. أنا أكرر شكري وتقديري للفاضلة بهية بوجه عام .. وإن كان شكري وتقديري لها لا يأتي شيئا بجوار التقدير الذي استحقته بشكر أستاذ عادل لها .. وأدعوها بكل إخلاص ورغبة في الحضور والتفاعل معنا بشكل أكبر .. فهدفنا جميعا في آخر المطاف هو خير البلد .. ألست محقا؟

تحياتي وخالص مودتي للجميع ..

وكل عام وأنتم بخير

:blush2: المواطن / محمد يوسوف

اعدت قرأة مداخلتك الثرية

أقسملك بالله ...انى موش فاهمة ولا سطر ...ومكسوفة منك والله

.يمكن ده لاعاقة ذهنية تتخللنى احيانا ,,,,

بس خليك معايا وواحدة واحدة ...معلهش

انا مقولتش ان المنتدى مسئول ...جبت منين كلمة مسئول ...؟؟

ننط بقى على

المقطع الاخير بتاع انى تدخلت لادراك فداحة ...وسلبية ....إلى اخر الجملة ....(الحقيقة دى ماكنتش نيتى اطلاقا والله اعلم ) ...انا نيتى انى حسيت الفيديو بالضبط زى صاحبة الموضوع واشاركها اوجاعها تماما ...

ويعلم الله انى لم ارى او اقرء اى مداخلة سابقة للاستاذة بهية (وده تقصير منى ) يعنى ماعرفش ان الاستاذ عادل شكر فى كتابتها ولا غيره ...انا فقط اتفق واختلف بمنتهى الموضوعية والحيادية

تخيل مثلا :

إنى معاقة لاقدر الله ...تقوم حضرتك وعلى الهواء مباشرة وعلى رؤس الاشهاد ...تتريق وتقولى نطى الحبلة يا عرجاء ؟؟ ده على السبيل التباسط والهزار ؟؟

بالذمة ده احساس؟؟

فاسمح لى ان اعيد على سعادتكم الدعوة فى عرض المزيد بل والالاف من الايجابيات لتفتح اعيينا على طاقة النور التى لم نراها ....بعد

=======================================================================

على جنب بقى كل سنة وانتم طيبين

الا ايه اخبار الخرفان البرتغالى ؟؟تعرفش بكام ؟؟

[MaYousof]

المنتدى ده للشئون المصرية واكيد لو كتبنا عليه بوابة المنتدى الشئون البرتغالية هانتكلم عن الصين ودول الحوض كلها

آسف بسبب إدعائي الكاذب بإنك قلتِ إن المنتدى مش مسئول عن الشئون البرتغالية ..

بسبب قصور في إدراكي تصورت إن استنكارك إن المنتدى مش مكتوبة على بوابته الشئون البرتغالية كان يعني بالتبعية إن المنتدى مش مسئول عن شئونهم .. ربما بوابة المنتدى مكتوب عليها الشئون الشيلية بينما لم أجيد القراءة ..

آسف مجددا على خطئي ..

اخر تقري اقتصادى قريته صادر عن البنك الدولى ان مصر حققت نمو اقتصادى بنسبة 3% بينما حققت الصين نسبة نمو 12% ...

يا ريت يا أستاذة شيكو تفيدينا بالرابط اللي بيقول إن النمو الاقتصادي المصري 3% .. فأنا فعلا مهتم ..

[بهية]

الحق أقول انني كتبت ردا مطولا جدا على مجمل مشاركات الأستاذ يوسف (أعترف انه كان يحوي كثيرا من اللّوم والتحفظات على أكثر من نقطة في حديثه)

الا انني مسحته تماما وعدلت عن نشره

وصدقا ليس بسبب ان ما كتبه في مداخلته الأخيرة يحوي اطراءا أربكني حقا،و لا أجد ما يفيه حقه من كلمات الشكر .....فضلا عن انني لا استحق ربعه :)

لكن بسبب انني صدقا لا اريد (للهوّة) ان تتسع أكثر

وأعني بالهوّة تلك الهوّة التي تعلن عن نفسها دوما بين من يعشقون الوطن بلغات مختلفة

بين من يرى ان الاصلاح (شعبا ووطنا) لابد ان ينحصر -وفقط- في التوجّه نحو الصور المشرقة (حتى مع ندرتهاالبالغة)واشاحة الوجه أحيانا عن المؤلم منها

وبين من يرى العكس ..ان الاصلاح لن يتأتى الا بنكأ كل الجراح حتى مع كم الألم الذي سيتسبب فيه هذا(مع كونه ضرورة)

وبين من يحاول ان يوازن بين الطريقين (وهم كُثُر)..

الحقيقةالتي أرجو الا ننساها ...ان لكل منّا لغته الخاصة في ممارسة عشق الوطن والتي قد يراها البعض -ولو لوهلة- أنها واهية و لا تؤتي أُكلها ،بل ومردودها عكسي و(سلبي)

ما أرجوه فقط أن يفسح كل منّا دوما مكانا -في وعيه- للمختلف عنه لغة واسلوبا...

وهذا طالما ان هدفنا (واحد) ...

والمنظور واحد وان تباينت زوايا الرؤى

خالص احترامي وتقديري للزميل الفاضل يوسف(برغم الاختلاف)

والزميلة العزيزة شيكو

وكل الزملاء المشاركين

شرف حقيقي لي ان أكون بينكم :give_rose:

تم تعديل 18 نوفمبر 2010 بواسطة بهية

[shiko]

بهية هانم

تماما هذا ما اعيه ....

ان كان الوطن يتألم ...فلما لا ...

عندما تشتد بنا الاه ننتحب ...ونتأوه ؟؟؟

ولماذا نظرية كتم الافواه ....وسد الشبابيك ....

هل بى ان ارفض شىء واحد ايجابى لوطنى الذى لا طالما اعشقه

حب الوطن ليس حكرا على احد ....

وانينى لوطنى انين محمود ليس عويل ولا خلافه ....

وليس لدى الكثير للحديث عن الهوة فى الخلاف ....

فالخلاف لاطالما فى عشق مصر فهو خلاف محمود

[بهية]

بهية هانم

تماما هذا ما اعيه ....

ان كان الوطن يتألم ...فلما لا ...

عندما تشتد بنا الاه ننتحب ...ونتأوه ؟؟؟

ولماذا نظرية كتم الافواه ....وسد الشبابيك ....

هل بى ان ارفض شىء واحد ايجابى لوطنى الذى لا طالما اعشقه

حب الوطن ليس حكرا على احد ....

وانينى لوطنى انين محمود ليس عويل ولا خلافه ....

وليس لدى الكثير للحديث عن الهوة فى الخلاف ....

فالخلاف لاطالما فى عشق مصر فهو خلاف محمود

زميلتي العزيزة شيكو

برغم حداثة عهدي بالمكان الا انني لاحظت ان مشاركاتك تحوي عبارات تلخص ما اريد قوله باختصار وعمق شديدين وهو أمر يسعدني جدا

اعذري تلك الحداثة التي كانت ايضا سببا في خشيتي في التسبب بأي ازعاج أو (توسعة للهوة) التي تحدثت عنها سلفا

أشاركك الرأي بشدة بأن (حب الوطن ليس حكرا على أحد) وأن (الأنين لأجل الوطن محمودا بل-وواجبا في رأيي-لا شك)

ملحوظة: صدقا لا ينسجم اسم بهية مع لقب (هانم)الأرستقراطي ...فهو اسم فلّاحي كادح :)

خالص الاحترام لكِ من زميلتك بهية (التي ليست هانما ولن تكون أبدا :) )

تم تعديل 18 نوفمبر 2010 بواسطة بهية