من يمول مهرجانات التهنئة و المبايعة

[se_ Elsyed]

وعندك واخد فاتورة على خساب صاخب المخل ..

الرئيس يشهد إحتفال في دار الاوبرا بمناسبة الثورة وأعياد الثورة واللي عملوا الثورة وقام بعرض الحفل .. خدوا عندكوا الحتة اللي جاية دي " 700 فنان " ما بين راقصين وراقصات ومطربين ومطربات ومغنيين ومغنيات ولموا كلوا بتوع الأوبرا وكورال الاطفال وكورال الأوبرا وكورال بيتش عشان يغنوا ويهيصا ويفرفشوا الريس ...

بالذمة ده مش إسراف وبذخ في دولة تُعاني الأمرين وترزخ تحت وطأة أزمات إقتصادية متعددة .. إمبارح بأكلم واحد صديقي وبأقوله تفتكر الحفلة التنكرية دي إتكلفت كام ؟ طبعاً مش أقل من أرنب مقفول .. طب الشعب الغلبان مش اولى بالفلوس دي ؟ ... وفيها إيه لما الريس يكتفي هذا العام بعرض فيلم " رد قلبي " وناصر 56 ويقول إنه هايوفر الفلوس دي كمثال لحرص الدولة على عدم الإنفاق في امور لا طائل ولا عائد من وراءها ... فقال لي ذلك الصديق يا عم هي جت على الكام مليون بتوع الحفلة دي .. يالله خلي الريس ينبسط هو والوزراء الجداد .

[linux]

...

ويقول إنه هايوفر الفلوس دي كمثال لحرص الدولة على عدم الإنفاق في امور لا طائل ولا عائد من وراءها ...

أنت بتنسي بسرعة و لا أيه؟ أنت فاكر لما الرئيس الغي زيارة لدولة أوروبية علشان كان مقر أقامته ها يكلف خزانة الدولة كذا الف دولار؟!! rs:

[se_ Elsyed]

...

ويقول إنه هايوفر الفلوس دي كمثال لحرص الدولة على عدم الإنفاق في امور لا طائل ولا عائد من وراءها ...

أنت بتنسي بسرعة و لا أيه؟ أنت فاكر لما الرئيس الغي زيارة لدولة أوروبية علشان كان مقر أقامته ها يكلف خزانة الدولة كذا الف دولار؟!! :blink:

أسف للأخ لينوكس ...

فحال س س من حال الشعوب الهوجاء الرعاع التي تأكل وتنسى ... بالفعل فقد نسيت بإن جلالة الرئيس حسني مبارك قد الغى العام الماضي زيارتة السنوية لحضور مؤتمر دافوس الإقتصادي والذي يُعقد سنوياً بسويسرا عندما اكتشف بإن تكلفة إقامته في فيلا هناك ستكلف الدولة 80 ألف دولار في ساعتين ( مش عارف ليه ؟ ده أحنا لو أجرنا قصر باكنجهام والملكة إليزابيث الثانية خدمت علينا مش هاتكلفنا المبلغ ده ) .. عشان كده إعتذر ... وبعث أبنه الصغير جيمي على رأس وفد روفيع المستوى ولم ينزلوا بفندق او فيلا أو حتى بيت شباب ولكن كل واحد أخد معاه منامة من بتاعت الجيش وفرشها على احدى النواصي وكان بيقضوا الليل على الحاله دي ... طب واحد هايسألني ويقولي طب يا كابتن س س هما كانوا بيعملوا زي الناس إزاي .. أقول له يا سيدي بسيطة كان بيدخلوا دورات المياه بتاعت أي جامع سويسري واللي يتأخر لبعد العشا وبعد الجامع ما يقفل يبقى ذنبه على جنبه بقى ويعيش مع نفسه .