كيف تشاهد التلفزيون مع أبنائك؟

[عبير يونس]

رغم أن معظم الأبحاث تفترض أن التلفزيون يقضي على التواصل الأسري

إلا أن ذكرياتي في مشاهدة التلفزيون مع ابي و أمي

ساهمت كثيرا في تكوين شخصيتي و مفاهيمي عن الحياة

فمع متعة مشاهدة برنامج ما أو اي مادة تثقيفية كانت أو ترفيهية

كان التعليقات البسيطة أثناء المشاهدة

ثم النقاشات المطولة بعد المشاهدة

من أمتع لحظات التواصل الأسري

و ذلك موصولا مع أبنائي

و الآن دعونا نعرف من حضراتكم

كيف تشاهد التلفزيون مع أبنائك؟

[AmiraT]

طريقتي أنا ، اني بقعد أتفرج وبحكي اللي بيحصل قدامي للأطفال بالقيم اللي أنا عايزاها تدخللهم

مثلا لو لقينا طفل بيكسر حاجة في المسلسل أو الفيلم ، علطول أقوللهم شوفو الولد دا مش حلو علشان بيكسر الحجات

طبعا دا مجرد مثال :)

[اغابي]

لازم الاحراج داه

هو سؤال الدرجات ولا ممكن استعين بصديق

:closedeyes: :closedeyes:

بصراحة اللى بتفرج عليه غير اللى هما بيتفرجو عليه

ومفيش حاجة من انا بتفرج عليها حيفهموها وخاصة الافلام الامريكية

المعقدة واللى فيها اشباح وعفاريت وجن وامراض نفسية

او افلام القتل اللذيذ زى مثال سلسلة افلام

SAW

ما اقدرش اسمح لاولادى يتفرجوا على مشهد واحد منه وهما شايفين البطل بيتفنن فى ذبح ضحاياه بالشكل داه

مع ان كنت حابة ابنى الكبير يشوف الابداع بتاع القاتل علشان مخه العبقري

انه قبل ما يقتل الضحية بيقوله لو عملت كذا حتموت او انك تنقذ

حياتك بانك تموت شخص من اعز اصدقاؤك او شخص عزيز و قريب ليك

الفلم تحفة قصدى سلسلة الافلام كلهم

http://www.youtube.com/watch?v=cDR9R6n_5WE&feature=related

فى النهاية يا اختى الفاضلة

مفيش مشاهدة مع بعضنا لان الزمن اتغير

مفيش برنامج العلم والايمان يجمع العيلة كلها

ولا فكر ثوانى واكسب دقايق

ولا طارق علام الرخم

:happy:

ولا برنامج عالم الحيوان

ولا نادى السينما

ولا بانوراما فرنسية

ولا فوازير رمضان والف ليلة وليلة - لنيلى وشريهان

على فكرة كل اللى ذكرتهم لكم دول من البرامج كان بابا وماما بيتفرجوا

معانا عليهم وتتجمع الاسرة كلها مع احلى كوباية شاى عند التلفزيون

لو فى برنامج بالشكل داه انا موافقة اولادى يستفيدو لكن برامج

اللى حاليا كلها لا تتناسب مع اولادى بالمرة وهما بقى ليهم قنوات غير اللى

انا بتفرج عليها هما ليهم تلفزيون فى اوضتهم

وانا ليا تلفزيون فى اوضتى

تم تعديل 23 نوفمبر 2010 بواسطة اغابي

[akramgroup]

فى النهاية يا اختى الفاضلة

مفيش مشاهدة مع بعضنا لان الزمن اتغير

مفيش برنامج العلم والايمان يجمع العيلة كلها

ولا فكر ثوانى واكسب دقايق

ولا طارق علام الرخم

:happy:

ولا برنامج عالم الحيوان

ولا نادى السينما

ولا بانوراما فرنسية

ولا فوازير رمضان والف ليلة وليلة - لنيلى وشريهان

ياااااااااااه يا أغابى

فكرتينى بالبرامج اللى الواحد كان بيستمتع وهو بيتفرج عليها وبيستناها فى الميعاد

مش عارف كان ليه بنحبها ويمكن عشان مكانش فى ايامها دش وكنا مجبرين نتفرج على كل دول بس كانوا حلوين

ولا يوم بتاع نادى السينما تقريبا على مااتذكر كان يوم الاربعاء حاجه كده

بس انتى جبتى من الاخر واللهى كانت احلى الذكريات وكل البيت كله قاعد يتفرج على د/ مصطفى محمود

فى العلم والايمان وقبلها بقى ماما نجوى والاستاذ بقلظ(سيد عزمى)

فين الايام دى

كان فعلا النقاش بعد الفيلم او البرنامج بيقرب الاسرة من بعض زى ماقالت الاخت مصريه مغتربه

انا فاكر لما كانت امى تترجملى وانا فى 3 ابتدائى عشان مبلحقش اقرا الترجمه smk: smk:

صباحكم نادى