أيام و عشناها .. في بلاد الضباب

[Om Zayd]

السلام عليكم و رحمة الله و بركاته

كنا في انجلترا للدراسة

شفنا و عشنا تجارب كتيييييييييييير

خايفة أنسى اتعلمت إيه هناك

خايفة أنسى التجربة دي غيرتني ازاي

و ترجع ريما ... و كأننا لا رحنا و لا جينا

و الأهم .. عايزة ما انساش الحاجات اللي حسستني بقيمة مصر و رجعتني تاني

و الحاجات اللي شفتها هناك و ممكن نطبقها في بلدنا عشان تبقى أحسن

يمكن...........

أعذروني .. مش بعرف أرغي و أسلوبي مش أدبي

بس أنا عايزة أنقل الخبرة دي .. يمكن ينتفع بها

الدعوة مفتوحة لكل من له تجربة مشابهة

الموضوع موضوعكم

[شريف مان]

الدعوة مفتوحة لكل من له تجربة مشابهة

واللى مالوش

ياريت حضرتك تحكى تجربتك الاول وبعدين الرجالة تسخن وتشارك معاكى

[Om Zayd]

الدعوة مفتوحة لكل من له تجربة مشابهة

واللى مالوش

ليه بس تخبط دماغك .. أنا قصدي ان الناس اللي كانت هناك ممكن تضيف حاجات اكون نسيتها أو خدت بالها من حاجات عدت عليا

اللي ما كانش هناك هما اللي بكتبلهم فطبعا مشاركتهم تسعدني جدا

دعواتكم

[MaYousof]

موضوع جميل يا أستاذة Om Zayd ..

أنا لي تجربة مشابهة في بلاد الضباب ..

واتعلمت من الناس هناك حاجات كتير ..

وواحدة من أكتر الحاجات اللي أنا اتعلمتها منهم .. احترام الناس لبعضهم البعض مهما كان شأنهم .. ماداموا سويا مواطنين .. الطبيب مش أحسن من الممرض .. إطلاقا .. ومدير البنك مش أحسن من سائق الأتوبيس .. كلهم سواء ..

مافيش عندهم عقدة الإحساس بالنقص والدونية التي تؤدي إلى رغبة في الاستعلاء لردء الفراغ العميق الذي تتركه هذه العقدة ..

لما أي شخص مهما كان مين .. يركب أتوبيس نقل عام هناك .. وتيجي محطة نزوله .. ويقوم عشان ينزل من الباب اللي قدام .. بدل ما يدي ضهره لسواق الأتوبيس وينزل .. لازم يلتفت .. وينظر للسواق .. ويقوله شكرا .. وبعدين ينزل .. ولو عشرة هينزلوا في المحطة .. واحد واحد يقف ويلتفت للسواق .. ويقوله شكرا .. وبعدين ينزل ..

لازم ألفت إلى نقطتين مهمين:

1. السواق لم يقم بأي خدمة مجانية للراكب .. بل كان يؤدي وظيفته التي يأخذ عليها أجر في مقابلها ..

2. ليس هناك أي إجبار لأي راكب للقيام بشكر السواق .. ممكن جدا ينزل دون أي اهتمام منه أو تكليف خاطر نفسه في شكر السواق .. خصوصا إن الناس دي بيحسبوا وقتهم بالثانية ..

الدافع الأساسي اللي بيجعل الركب مهما كانت مهنته أو شأنه إنه يشكر سواق الأتوبيس هو إن فيه نوعية معينة من الأخلاقيات التي تتّبعها الناس دي .. وهذه النوعية من الأخلاقيات هي المسئولة عن تفوقهم كمجتمع ودولة ..

دي كانت نقطة سريعة ..

كمان من أهم خصائصهم هو عدم خداعهم لأنفسهم وعيشهم حياة مزدوجة أو منفصمة في بعض الأحيان ..

فمن غير الممكن أبدا أن يستنكروا على الآخرين شيء يمارسونه بأنفسهم في كل لحظة .. وده موضوع ممكن أتكلم فيه بعدين ..

موضوع حضرتك جميل .. وأتمنى يفيد رواده وقارئيه ..

ولي عودة إن شاء الله .. وإن كانت قد تأتي متأخرة لإني لازم أنقطع عن المحاورات مدة 10 أيام كده ..

تحياتي .. ومنتظر المزيد من حضرتك

[Om Zayd]

مشاركة جميلة يا أ. محمد

ربنا يوفقك و ترجع المحاورات بالسلامة

ظروف نزولي انجلترا - هبقى أحكيها كمان شوية- خلتني احتك بانجليز من كل الطبقات

و ده كان من حسن حظي جدا

الطبقة المتوسطة و حتى فوق الأربعين العاملة في غالبها كما تفضلت .. كلمة شكرا أساسية .. الاحترام في التعامل حتى لو مش طايقك.. يساعدك قد ما يقدر حتى لو مش ملزم بده .. لو بيفتح الباب و لقاك داخل وراه او خارج لازم يمسك لك الباب لحد ما تعدي

و يا سلام لو زي حالاتي معاك طفل .. تحس انهم هيشيلوك من على الأرض شيل .. الولد يبكي او يصرخ محدش يتبرم .. ابتسامة لطيفة و كلمة تشجيع

لكن

شبابهم بالذات الطبقة العاملة في غالبهم مش متربيين كويس .. متمردين و مستهترين و ألفاظهم و تصرفاتهم صادمة

و يستنكرها الأكبر سنا دون أن يستطيع منعها او السيطرة عليهم

هما بيرجعوا ده ان دول تربية جيل التمانينات .. اللي ابتدت فيه قيم الأسرة تتراجع أمام المتعة الفردية

فاصل و نواصل بإذن الله

[لماضة مصرية جدا]

السلام عليكم و رحمة الله و بركاته

استاذتي..الجميلة جدا

بالع شكري ان حضرتك بتشاركينا الخبرة هنا.....خبرة حضرتك بداية من مرحلة "شهر العسل" في بلاد الغربة....يعني الفترة الاولانية اللي كل حاجة بتبان زي العسل...و مرورا بمرحلة.." المقارنة"....و مرحلة..."الاستهجان"....و نهاية بمرحلة "التأمل"

يمكن كل واحد يفنا راسم شكل حياة معين للغرب....و انا شخصيا بستقيه من الافلام الاجنبية

بس بشوف خبرة زي حضرتك هتكون ثرية جدا...عشان هتبقي بعين مصرية اوي....و روح رجعت لبلدها و عجبني اوي اللي حضرتك قولتيه....اللي ممكن نعمله في مصر...و كأننا بنسافر و بنشيل معانا جوه عيننا هدايا...و بنحاول نرجع بيها لمصر

متابعة مع حضرتك....و هستني لما تفتحي "شنطة الذكريات"....و نتأمل سوا

بالتوفيق

مساااكي.....رحلة....و اكيد هتنتهي بينا في مصر....مهما طالت الغيبة

[التونسى]

موضوع حضرتك ده يهمنى بشكل كبير .. لانى انا وبلاد الضباب بينا عشره طويله... واخذ وعطاء .. وحاجات ومحتاجات .. وخبرات وحكايات .. وانغماس ومعايشه ..وصلت لأوجهابشكل ممكن اتكلم عنه تفصيليا .. لاحقا.. لو اسعفنى وقتى الضيق والمملوء بالعمل

اسمحيلى بس فى الاول اتابع تجربتك وانطباعاتك .. ومن ثم تجارب وانطباعات الاخرين .. وبعد كده ممكن اتكلم لو لاقيت انى ممكن اضيف شئ فى نفس الصدد.. وبرده ممكن تلاقينى اعلق بعض التعليقات .. يعنى حضرتك اصبتى القول لحد كبير فر رايك حول الجيل الجديد من الانجليز وخصوصا الطبقه العامله ... والاستاذ محمد ايضا اصاب القول فى موضوع ان الجميع سواسيه والوزير زيه زى الغفير .. أمام القانون والمجتمع

على فكره انا كنت فى لندن الاتنين اللى فات ومطقتش اقعد فيها اكتر من يوم ..نفس شعورى وانا فى القاهره .. زحام .. صخب .. درجة نظافه الشوارع (نسبيا)) ليست على ما يرام ..درجة التلوث التلوث |((نسبيا ايضا))عاليه ..الظاهر انى اخدت على هدوء المدن الانجليزيه الصغيره اللى محلاتها بتقفل على الساعه سته مساء

[Om Zayd]

أول نزولنا هناك كان في الشتا .. و برغم الأجواء الاحتفالية المصاحبة لقرب الكريسماس و التسوق و الزينات .. حسيت بالغربة أوي

يمكن عشان النهار قصير جدا .. الشمس بتغرب الساعة 1600 .. و احنا مرتبطين بالنور ,, أول الدنيا ما تضلم تلاقينا عايزين نرجع البيت

الجو مختلف جدا .. متقلب جدا .. و احنا متعودين على الاستقرار

أول حاجة افتقدتها .. صوت الأذان و قرب المساجد

نعمة مش حاسين بيها في مصر

رغم انها محتاجة تنظيم حتى لا نشوه هذه الشعيرة بالتسابق في علو الصوت و تداخله

افتقدت كمان ونس الشوارع في مصر

بعد الساعة 5 كله في بيته و الشوارع هس لدرجة تخوف

إلى حد كبير فيه فصل بين أماكن السكن و الأماكن التجارية

لو مش ساكن جنب سوبرماركت يبقى لازم تخطط احتياجاتك كويس عشان ما تنزلش كل شوية تشتري حاجة ناقصاك

ميزة و عيب

حسيت اني بين نقيضين و نفسي في حاجة وسط

عبث التخطيط - بالأحرى اللاتخطيط- في مصر

وصرامته الشديدة في انجلترا

نفسي ألاقي منطقة الخدمات جنبها أوي بس مش تحت البيت و على ناصية الشارع

مسافة تتمشي توصل لشارع فيه كل اللي انت عاوزه

و ترجع بيتك تتمتع بالهدوء من غير ما حد يلعب كورة تحت البلكونة او القهوة صوت المشجعين فيها يصحيك من النوم

فيه يافطة متعلقة .. ممنوع لعب الكرة و بتحترم .. رغم ان المنطقة اللي سكنا فيها اول ما نزلنا كانت زي ما عرفنا بعدين زي مساكن المحافظة و الإيواء عندنا

council houses

المصريين اللي راسلناهم قبل ما ننزل كانوا عايشين في المنطقة دي.. معرفش كانوا يعرفوا حقيقتها و لاّ لأ بس هي كانت تجربة مفيدة لنا عشان مننبهرش أزيد من اللازم بالبلد

فاكرة كويس وصف زوجة واحد منهم للمنطقة في الإيميل .. و لا الشيخ زايد

فعلا متخططة كويس أوي ..

courts 3

أدوار الدور شقتين

مساحات خضرا

play grounds

لكن ما ارتحنلهاش من أول ما نزلنا .. حسينا ناسها غيراللي بنشوفهم في الجامعة

قلنا يمكن عشان احنا مش متعودين على سكن الشقق

سكان كل منطقة قوة مؤثرة جدا

ممكن يخاطبوا المجلس المحلي و يؤثروا على قراراته

مشاعر السكان تحترم جدا .. إذا مشروع او اصلاحات ستنفذ في منطقتهم يعلقوا أعلان و يبعتولهم على البيوت بطبيعة المشروع و حقهم في الاعتراض

مش هقولكم كل السكان إيجابيين

لكن بسهولة ممكن تشدهم للتجاوب

ليه سكان كل عمارة و شارع ما يقدروش ينظموا نفسهم و يدرسوا مشاكلهم و يحلوها؟

يمكن التربية لها دور مهم بس من اللي شفته وجود روح المبادرة عند بعض الأشخاص هو الحافز الأساسي

[مسافر زاده الخيال]

باذن الله ساكون في المملكة المتحدة -انقلترا-الاحد القادم لدورة تدريبية وهي ليست المرة الاولى التي ازور فيها لندن ولكنها المرة الاولى للعمل

اشعر ببعض القلق كون المحاضرات ستكون بلكنة الانقليز و لا اعلم كيف ستتم الامور لكن باذن الله سيكون الامر على ما يرام

و لا اعلم كيف اتمكن من اداء الصلوات في اوقاتها و معرفة القبلة وسيكون هذا تحديا امل ان ينجحني الله فيه

حقيقة كوني زرت لندن عدة مرات بصفتي سائحا اراها دوما مدينة مبهجة و فيها عراقة التاريخ وافضل مكان امارس فيه رياضة المشي وافضلها على باريس و روما -من وجهة نظر سائح قليل التكاليف-

ان شاء الله ساعود محملا بالفائدة القصوى من هذه الرحلة

[masraweya]

باذن الله ساكون في المملكة المتحدة -انقلترا-الاحد القادم لدورة تدريبية وهي ليست المرة الاولى التي ازور فيها لندن ولكنها المرة الاولى للعمل

اشعر ببعض القلق كون المحاضرات ستكون بلكنة الانقليز و لا اعلم كيف ستتم الامور لكن باذن الله سيكون الامر على ما يرام

و لا اعلم كيف اتمكن من اداء الصلوات في اوقاتها و معرفة القبلة وسيكون هذا تحديا امل ان ينجحني الله فيه

حقيقة كوني زرت لندن عدة مرات بصفتي سائحا اراها دوما مدينة مبهجة و فيها عراقة التاريخ وافضل مكان امارس فيه رياضة المشي وافضلها على باريس و روما -من وجهة نظر سائح قليل التكاليف-

ان شاء الله ساعود محملا بالفائدة القصوى من هذه الرحلة

أولا .. تسجيل متابعة للموضوع

ثانيا بالنسبة لمواعيد الصلوات .. برنامج بلال و أذان

http://www.BLOCKED77/file/K5S0qrnp/Azan.html

http://www.bilal-prayer.com/

يمكنك تحميله على الجوال

[مسافر زاده الخيال]

باذن الله ساكون في المملكة المتحدة -انقلترا-الاحد القادم لدورة تدريبية وهي ليست المرة الاولى التي ازور فيها لندن ولكنها المرة الاولى للعمل

اشعر ببعض القلق كون المحاضرات ستكون بلكنة الانقليز و لا اعلم كيف ستتم الامور لكن باذن الله سيكون الامر على ما يرام

و لا اعلم كيف اتمكن من اداء الصلوات في اوقاتها و معرفة القبلة وسيكون هذا تحديا امل ان ينجحني الله فيه

حقيقة كوني زرت لندن عدة مرات بصفتي سائحا اراها دوما مدينة مبهجة و فيها عراقة التاريخ وافضل مكان امارس فيه رياضة المشي وافضلها على باريس و روما -من وجهة نظر سائح قليل التكاليف-

ان شاء الله ساعود محملا بالفائدة القصوى من هذه الرحلة

أولا .. تسجيل متابعة للموضوع

ثانيا بالنسبة لمواعيد الصلوات .. برنامج بلال و أذان

http://www.4shared.c...0qrnp/Azan.html

http://www.bilal-prayer.com/

يمكنك تحميله على الجوال

شكرا جزيلا و بارك الله فيك

[King TUT]

مرفق مواعيد الصلوات بتوقيت لندن ، على فكره الشتاء السنه دى جاى برد جدا و من المتوقع نزول الثلج الأسبوع القادم فاعمل حسابك على هدوم ثقيله.

الأسعار كلها حتزيد من أول يناير نظرا لزياده ضريبه المبيعات على كل شئ

Prayer_Time_Table London 2010.pdf

[مسافر زاده الخيال]

بصراحة معايا بلوزه صوف و جاكيت تقيل شويه تبع السموكن سوت....ينفعوا ((بصراحة ما حبيت املا الشنطة ملابس كتير )) ولاسف ما اجد قياسي الا بصعوبة القميص عاده XXL او XXXXL

وهل في لندن محلات ملابس اسعارها مش غاليه؟؟؟؟؟؟

[Om Zayd]

بصراحة معايا بلوزه صوف و جاكيت تقيل شويه تبع السموكن سوت....ينفعوا ((بصراحة ما حبيت املا الشنطة ملابس كتير )) ولاسف ما اجد قياسي الا بصعوبة القميص عاده XXL او XXXXL

وهل في لندن محلات ملابس اسعارها مش غاليه؟؟؟؟؟؟

انت نازل في ايام التخفيضات

للأسف معرفش محلات لندن كويس .. هحاول أسأل اصحابي اللي لسة هناك

حاول يكون معاك جاكت مضاد للماء

waterproof

لأن الشمسية احيانا بتبقى مش كافية بالذات في الهوا الشديد

ركز في الفطار على الحاجات اللي تدي طاقة لو خارج برة الفندق .. لو جوا الفندق ما تقلقش .. التدفئة شغالة و هتلاقيهم لابسين خفيف كمان

منتظرين عودتك .. و وجبة دسمة

[Om Zayd]

السلام عليكم و رحمة الله و بركاته

........

مساااكي.....رحلة....و اكيد هتنتهي بينا في مصر....مهما طالت الغيبة

و عليكم السلام و رحمة الله و بركاته

ربنا يكرمك يا قمر

رحلتنا غير كل الناس .. ما ابتديناش بالانبهار زي ما وضحت بعد كده

أغلب اللي بيسافر برة يتعلم .. بيكون أغلب احتكاكه بالجامعة و ما حولها .. وسط البلد و المحلات و التسوق

بيحتك بالواجهة المشرقة و يقارنها بمصر بكل ما فيها فبيحس ان بيننا و بينهم "سنوات ضوئية

على جنب .. سعادتك سافرتِ كتير .. عايزين موضوع شفتِ إيه و نفسك نعمله في مصر

[se_ Elsyed]

يا فضيحتنا وسط الاجانب ....

ترى خليك في الديرة أحسن يا مسافر

لان لو روحت هناك وسمعوك بتقول " إنقليز "

أو

بلوزه ..

بلوزه .. بلوزه يا مسافر .. دي أخرتها برضوا ؟

إسمه بلوفر يا مسافر .. والبلوزه دي تُطلق على لبس الحريم بس .. لكن الراجل عُمره ما يقول بلوزه وإلا يتفهم غلط وكدهوت

ولو قلت لهم هناك : مرحباً بكم أيها الأنقليز الأوغاد ... ممكن ينزلوا فيك ضرب ...

[Om Zayd]

موضوع حضرتك ده يهمنى بشكل كبير .. لانى انا وبلاد الضباب بينا عشره طويله... واخذ وعطاء .. وحاجات ومحتاجات .. وخبرات وحكايات .. وانغماس ومعايشه ..وصلت لأوجهابشكل ممكن اتكلم عنه تفصيليا .. لاحقا.. لو اسعفنى وقتى الضيق والمملوء بالعمل

اسمحيلى بس فى الاول اتابع تجربتك وانطباعاتك .. ومن ثم تجارب وانطباعات الاخرين .. وبعد كده ممكن اتكلم لو لاقيت انى ممكن اضيف شئ فى نفس الصدد.. وبرده ممكن تلاقينى اعلق بعض التعليقات .. يعنى حضرتك اصبتى القول لحد كبير فر رايك حول الجيل الجديد من الانجليز وخصوصا الطبقه العامله ... والاستاذ محمد ايضا اصاب القول فى موضوع ان الجميع سواسيه والوزير زيه زى الغفير .. أمام القانون والمجتمع

على فكره انا كنت فى لندن الاتنين اللى فات ومطقتش اقعد فيها اكتر من يوم ..نفس شعورى وانا فى القاهره .. زحام .. صخب .. درجة نظافه الشوارع (نسبيا)) ليست على ما يرام ..درجة التلوث التلوث |((نسبيا ايضا))عاليه ..الظاهر انى اخدت على هدوء المدن الانجليزيه الصغيره اللى محلاتها بتقفل على الساعه سته مساء

بجد سعيدة جدا بمشاركة حضرتك

و منتظرة مشاركات أكثر و أكثر و أكثر

لندن رغم جمالها .. زحمة لدرجة تخنق .. استحالة تتفسح فيا بالعربية

لكن المشي فيها ممتع

بيحافظوا على تاريخهم و يسوقوه كويس أوي

فيها اماكن العرب اكتر من الانجليز بكتيير

[مسافر زاده الخيال]

يا فضيحتنا وسط الاجانب ....

ترى خليك في الديرة أحسن يا مسافر

لان لو روحت هناك وسمعوك بتقول " إنقليز "

أو

بلوزه ..

بلوزه .. بلوزه يا مسافر .. دي أخرتها برضوا ؟

إسمه بلوفر يا مسافر .. والبلوزه دي تُطلق على لبس الحريم بس .. لكن الراجل عُمره ما يقول بلوزه وإلا يتفهم غلط وكدهوت

ولو قلت لهم هناك : مرحباً بكم أيها الأنقليز الأوغاد ... ممكن ينزلوا فيك ضرب ...

يا دي الكسوف ....يعني البداوة لاحقاني لاحقاني..........

بصراحة من عيوبي ما اعرفش في الحاجات الحديثه والروشه خالص ممكن اعرفها بالشكل لكن الاسامي ميييح........طب ايش الفرق بين البلوزه والبلوفر!!!!!!!!!!!!!!!!

اما نطق الانقليز فما في مشاكل لان ال(ق) هنا الى بننطقها في كلمة (قال)في اللهجة السعودية وليست (ق) اللى بننطقها في كلمة (قم او القاهره)

بس ايش بتاع waterproof

هو الجاكيت الاصفر اللى بنشوفه في الافلام اليابانية ويكون شفاف؟؟ واللا حشوف في قوقل

[Om Zayd]

المصريين اللي راسلناهم كانوا جدعان جدا

استنونا في المحطة و وصلونا البيت اللي كنا مأجرينه من واحد منهم بصفة مؤقتة لأن زميله في السكن -مصري أيضا- مش هييجي قبل شهرين

طبعا الإيجار كده كثير عليه لوحده فقرر يسكن مع طلبة تانيين و يأجر لنا الشقة لمدة شهرين

في التلاجة لقينا عشا و افطار سايبينهم لنا

أثرت فينا الحكاية دي جدا.. و مهما اتضايقنا من اي تصرف منهم بعد كده كنا بنفتكر جدعنتهم اول ما وصلنا و ما نزعلش

أول ليلة كانت صعبة جدا

الموبيلات فصلت شحن و الفيش انجليزي ما تركبش عليها الشواحن وعايزين نطمنهم في مصر

البيت برد جدا .. شغلنا التدفئة و ما فيش فايدةلدرجة اننا نمنا بهدومنا في الأودة الصغيرة و الدفاية على آخرها و لسه برد

اكتشفنا تاني يوم ان شبابيك الشقة كلها كانت مفتوحة- عشان التهوية- و احنا ما خدناش بالنا لأن الستاير مقفولة

:closedeyes:

طبعا أول حاجة لفتت انتباهي .. ان الضقة رغم مساحتها الصغيرة مستغلة كويس اوي و ما تحسسكش بانها ضيقة

و ممكن تكفي زوجين لغاية ما يبقى معاهم طفلين صغيرين

طبعا صغر المساحة مهم لهم عشان تكلفة التدفئة

أودة واحدة4في 6 او 4 في 6 للأكل و الجلوس

living and dining

ممكن تستقبل فيها الضيوف كمان

السفرة .. ترابيزة و اربع كراسي

ما فيش النيش الذي يشغل في مصر حيزا رهيبا من المساحة و الاتفاقات و بصراحة هو منظر على الفاضي .. ممكن يبقوا يجيبوه بعدين .. لكن اتنين لسة متزوجين .. إيه لازمة كل العفش اللي بيجيبوه ده؟

حتى اسمه .. عفش.. يعني مالوش قيمة

كثر العفش ده مش بس تكاليف في اول الزواج .. كمان بيأثر على أي خطط مستقبلية للنقل أو تغيير ديكورات البيت

هما بسشهولة جدا ينقلوا .. و كل شوية تلاقيهم جايبين ورق حائط جديد او دهان و بيعيدوا ديكور الشقة

من غير ما يجيبوا عمال و لا يقلقوا على العفش

[se_ Elsyed]

طب ايش الفرق بين البلوزه والبلوفر!!!!!!!!!!!!!!!!

عندي تشكيلة بلوفرات صوف إنجليزي إنما تستاهل ذوقك ..

خد عندك

عندي كمان حاجه لسه واصله الجاليري - أو القاليري أو الغاليري - ههههه إنما ما بتطلعش إلا للحبايب

وأدي البوزات يا عم .. وده ما بنشتغلش فيه عشان ما عندناش قسم حريمي

شوفت الفرق يامسافر ؟

عاجبك كده تروح عند الاجانب بحاجه عامله زي زهور الربيع كده ؟