أيام و عشناها .. في بلاد الضباب

[مسافر زاده الخيال]

***************

وكنت بالبس الكرافته شبه الفراشه لاول مره ومن الغريب كنت اظن ان الراجل اللى استقبلنا وادخلنا القاعه سفرجي وبعد السلام والكلام والتقاط صور لي بالموبايل قام اعطاني البزنز كارد تبعه وانا كمان اذ افجاء انه سيلز مانجر بالشركه

فكرتني بنجيب الريحاني في غزل البنات .. و هو بيحترم كل الموظفين و الشغالين في القصر و ييجي عند الباشا و يتآلط عليه .... فاكره الجنايني

:closedeyes:

رجعت الساعة 12 في البرد ده ... مشي

:unsure:

:sad:

المهم انك بخير

غريبة ان حفلة عارفين ان فيها مسلمين و ما يبقاش فيها حاجات حلال او

vegetarian

بالنسبة للاكل الخالي من المحرمات فاعتقد انه موجود بس لبختي وتعرضي لهذه الاجواء اول مرة اضافة انني عندما البس افرنجي لا يظهر على انني مواطن سعودي ومن معي على الطاوله من بريطانيا وشخص مصري كلها اسباب لعدم توخي تقديم كافة الاكل بدون منكرات

[Mostafa Kasem]

بصراحة معايا بلوزه صوف و جاكيت تقيل شويه تبع السموكن سوت....ينفعوا ((بصراحة ما حبيت املا الشنطة ملابس كتير )) ولاسف ما اجد قياسي الا بصعوبة القميص عاده XXL او XXXXL

وهل في لندن محلات ملابس اسعارها مش غاليه؟؟؟؟؟؟

اسأل على محلات بريمارك - بها اوكازيونات طول السنة - دي ارخص محلات ملابس في بريطانيا Primark

بالنسبة للاكل - تسكو - سينسبريس و ليدل ايهم اقرب لمكان سكنك

Tesco - Sainsbury's - Lidl

[Mostafa Kasem]

في مرواحي و مجيي بالباس لفت انتباهي كتر الأمهات المراهقات – تحت 16 سنة- ومعاهم طفل و اتنين .. فهمت اكتر لما رحنا نسجل عند الدكتور "هبقى احكيلكم بعدين" .. كم نشرات و مطويات عن ممارسة الجنس الآمن و استخدام وسائل منع الحمل و أغلبها موجه للمراهقين .. اكتشفت ان عندهم أعلى نسبة حمل مراهقات في أوروبا .. أمهات عندهم 13 و14 سنة .. لأ و إيه ..عاملينلهم برناج ياخدوا من خلاله كوبونات يشتروا لبن و خضر و فاكهة ..عشان يحافظوا على صحتهم هما و أطفالهم

غالبا بيكونوا من طبفات فقيرة "طبعا الفقر بمقياس الانجليز" أو زي ما بيقولوا في مصر "بيئة" .. و شفتهم عنيفين جدا مع اولادهم و عادة بتبقى لوحدها او مع صاحب تاني غير أبوهم.. الناس في الباس بتبقى باصالهم بامتعاض بس ما حدش بيتكلم .. و هما و لا هاممهم

سبحان الله .. أمال مصدعينا ليه بان زواج القصر ضد حقوق المرأة و حقوق الطفل؟

يعني بالحلال لأ .. لكن في الحرام و عشان ما نحجرش على حريتهم براحتهم؟

أما الستات اللي مهتمين بدراستهم و شغلهم عادة ما بيفكروش في الانجاب قبل سن 35.. لأن رغم كل محاولاتهم فرصها أقل و لا تتساوى بالرجل إذا دخلت في قصص الحمل و الولادة و الأجازات

بس الجميل انهم بيدوا الأب أجازة 3 اسابيع لما يجيله بيبي .. بجد بيبقى وقت مهم ان الأب يتواجد مع الأم و المولود الجديد مهما كان حواليهم ناس و أهل

صدقت - و هي من اكثر المشاكل الاجتماعية تأريقا لحكوماتهم فعدد الامهات المراهقات حوالي 20000 كل عام و لك ان تحسبي مصاريف تلك الامهات و اطفالهن و التي تستمر لاكثر من 10 سنوات الى يكبر الولد و تبحث الام عن عمل - والعدد يزيد كل سنة بالرقم المذكور

الحقيقة انهم يلجأون لذلك الوضع للهروب من العائلة و حتى يكون لهم بيت مستقل و مرتب بعيد عن عائلاتهم - قامت الحكومة السابقة بتطبيق نظام اقل تكلفة بجمعهم في بيوت

جماعية كومباوند للامهات يعني

و لا اعتقد انهم سيستمرون بهذا الشكل لان تكلفة هذا الموضوع عالية للغاية و بدأو بالفعل لالقاء الضوء اكثر على المشكلة لحلها و انا اعتقد انهم لن يستطيعوا

[مسافر زاده الخيال]

ها قد رجعت الى ارض الوطن محفوفا برعاية الله و كرمه وقد كان الاسبوع الذي قضيته في بلاد الانقليز حافلا بالمفيد والمثير و تركت عاصمة الضباب وهي في ابهى حله محتفلة بالكرسماس وهذا غريب بالنسبة لي حيث انه تبقى شهر على المناسبه وكان شارعي اكسفورد و ريجينت مغلقين تماما و ملاى بالكورسات الغنائية والعروض البهلوانيه الخ وكانت العروض برعاية اميركان اكسبرس

المهم تبقت الذكريات الجميلة من هذه الرحلة واتمنى تكرار زيارة بلادهم

[Om Zayd]

ها قد رجعت الى ارض الوطن محفوفا برعاية الله و كرمه وقد كان الاسبوع الذي قضيته في بلاد الانقليز حافلا بالمفيد والمثير و تركت عاصمة الضباب وهي في ابهى حله محتفلة بالكرسماس وهذا غريب بالنسبة لي حيث انه تبقى شهر على المناسبه وكان شارعي اكسفورد و ريجينت مغلقين تماما و ملاى بالكورسات الغنائية والعروض البهلوانيه الخ وكانت العروض برعاية اميركان اكسبرس

المهم تبقت الذكريات الجميلة من هذه الرحلة واتمنى تكرار زيارة بلادهم

حمدا لله على السلامة

انت مستغرب انهم بيستعدوا قبل الهنا بسنة-قصدي بشهر

دول من أغسطس بيبتدوا يفكروا في الهدايا و محلات كبيرة كثيييير تبتدي تحط بضايع الكريسماس و زينته

لو قصدك على العروض و الزينات فدي بتبتدي من نوفمبر

بالمناسبة ... فين الصور؟ و باقي الحكايات

[Om Zayd]

السلام عليكم و رحمة الله و بركاته

وحشتونيييييييي

أول حاجة كنوا حريصين أعرفها قبل ما ابتدي دراسة و شغل

HEALTH AND SAFETY

أهم حاجة تعرف و تتدرب و تمارس قواعد السلامة

لا يستهينوا بها اطلاقا .. رغم ان كثير منهم مقتنع انها مبالغ فيها

أعتقد انها راجعة لسببين

اهتمامهم بالانسان و سلامته

القوانين اللي بتدي تعويضات كبيرة لمن يتعرض لأذى بسبب عدم تطبيق اجراءات السلامة او تعريفه بها

يعني مثلا .. لو دخلت محل و الارض كانت مبلولة و مفيش إشارة تنبيه و اتزحلقت ترفع عليهم قضية و تاخد تعويض

لو عازم ناس عندك في البيت و اتعرضوا لأذى بسبب فيشة بايظة مثللا .. حضرتك المسئول

و حكاية التعويضات دي هي اللي مخليهم مبالغين فيها اوي

لدرجة ان مدير مدرسة أصر ان التلامذة يلبسوا خوذة و هما في الجنينة عشان فيه شجر جوز ممكن يقع على دماغهم و الراجل مش عايز مشاكل

رغم انتقادهم الدائم للمبالغة فيها .. لكن بيلتزموا بيها.. يحضروا التدريب و يملوا النماذج

مرة عينيا تعبت بعد ما اشتغلت في معمل معين .. طبعا ما خدتش في بالي

لقيت زميلتي بتنبهني ان دي حاجة مش هينة و ان كان فيه واحدة قبل كدة عانت من الموضوع ده و اتضح ان عندها حساسية من حاجة في نظام تنقية الهواء

طبعا انا قلت .. دلوقت المشرف يفتكرني بتدلع

لقيته بيكلمني و بيقولي لغاية ما نعرف سبب اللي حصل لعينيك ما تهوبيش ناحية المعمل ده

و ما تنسيش انك ددلوقت أم و لازم تحافظي على نفسك أكثر من الأول

رغم انه كان مشرف غلس بس كان بيقدر حكاية ابني دي اوي

يمكن عشان مراته كانت حامل

:closedeyes:

[Om Zayd]

لكل جزء في الكلية .. متطوع مسئول عن التأكد من إخلاء هذا الجزء عند الحريق

كل شوية يدربونا على استخدام طفايات الحريق المختلفة و يعرضوا لنا أفلام عن حرايق ابتدت بسيطة و ازاي بسرعة تطورت و دمرت المباني

لازم ما تشتغلش في المعمل لوحدك بالذات بعد المواعيد الرسمية و في الاجازات

قارن هذا عزيزي المواطن بما نشر في المصري اليوم

خبراء دفاع مدنى يحذرون: مترو الأنفاق والسكك الحديدية ومبانى وسط القاهرة «قابلة للاشتعال»

فاروق الدسوقى 19/ 11/ 2010

خسائر بـ«الملايين» لا قيمة لها بالمقارنة بأعداد الضحايا والمصابين فى حرائق هزت الرأى العام، انطلقت فى مناطق عديدة بالقاهرة بـ«شرارة» أو «ماس كهربائى»، وبعد مرور ساعات، تحولت تلك المناطق إلى «أكوام رماد»، وتناثرت جثث الضحايا وسط النيران.

«الحرائق» التى اندلعت مؤخرا فى شارع الشواربى، وسوق «التونسى»، وقبلهما بسنوات عندما أتت النيران على مبنى مجلس الشورى، والمسرح القومى فى العتبة، جميعها حرائق أطلقت صيحات الإنذار المبكر عن حريق «القاهرة الجديد».

«المصرى اليوم» التقت خبراء فى مكافحة الحرائق، وسألتهم عن أسباب كثرة الحرائق فى القاهرة، وسبل مكافحتها، فى السطور التالية..

الخبراء حذروا من أن 90% من مبانى وسط القاهرة ومترو الأنفاق والسكك الحديدية، كلها أماكن «قابلة للاشتعال»، وقالوا إن هذه الأماكن وغيرها من المنشآت التاريخية والأثرية، وبعض مسارح القاهرة تخلو من وسائل الوقاية من الحريق.

فى البداية قال المهندس أحمد عبدالغنى مطاوع، رئيس الجمعية المصرية لمكافحة الحرائق، إن نشوب الحرائق وانتشارها بهذه السرعة فى الأحياء والمبانى القديمة فى القاهرة وغيرها مؤخرا يرجع إلى 3 عناصر، هى: المادة نفسها التى تشتعل، سواء كانت فى صورة أخشاب أو ورق أو قماش، أو شحوم وزيوت وبنزين وكحوليات، والحرارة التى تساعد على الاشتعال إذا وصلت إلى درجة معينة، بحيث تكون مصدرا للشرر أو اللهب وأخيرا الأكسجين، وهو يتوافر فى الهواء بشكل طبيعى، وهى عناصر جميعها ينتج عنها اشتعال النيران.. ويتوقف حجم الحريق على هذه العناصر وتجمعها سويا.

وأضاف: إن هناك وقتاً محدداً يجب التعامل مع الحرائق فى حدوده. فكثير من الإحصائيات تحدثت عن كثرة أعداد من لقوا مصرعهم اختناقا فى الحرائق، وأكد أن مكافحة الحرائق يجب أن تتم وفق منظومة الحريق وضوابطه العالمية، وأن يكون هناك مكان مؤمن بعيد عن الدخان الذى يتصاعد من الحرائق، ولكن عدم وجود هذه المنظومة فى مصر، يدفع برجال الإطفاء أنفسهم لأن يخشوا الصعود إلى أماكن الحرائق لإخمادها‏.

وأشار المهندس إبراهيم أحمد عشرة، الاستشارى الهندسى وعضو الجمعية المصرية لمكافحة الحرائق، إلى أن الإهمال لعب دورا أساسيا فى نشوب مثل هذه الحرائق، وكذلك سوء استخدام المخازن وتكديس البضائع، مما يؤدى إلى حدوثها عن طريق الإهمال فى الصيانة ودوائر الكهرباء والأنظمة التأمينية.

وأكد ضرورة إزالة مصادر الخطر الذى ينتج عنها كل أشكال الحرائق، وتأمين الأماكن المهمة بأشخاص مدربين على أجهزة إنذار الحرائق ووسائل الإطفاء الآلية وغيرها، وكذلك صيانتها بشكل مستمر، وعلى الجهات الحكومية أن تصدر قرارات أكثر صرامة وتعمل على تطبيقها بشكل عملى، وليس على الورق فقط، خاصة أن أماكن مهمة مهددة باندلاع الحرائق بها، مثل مجمع التحرير ودواوين الوزارات ومحطات المترو والسكك الحديدية.. وقد حدث هذا بالفعل فى بعض منها.

ويؤكد المهندس خليل عبدالكريم، الخبير الدولى فى مجال مكافحة الحرائق، أن استمرار إهمال تطبيق الكود المصرى للحرائق سيؤدى إلى استمرار اشتعال الحرائق فى المناطق المكدسة بالمواطنين، مشيرا إلى أن كل قطاع من قطاعات الدولة يجب أن يلتزم بالكود، كما يجب أن تتم مكافحة الحرائق باستخدام جميع النظم، سواء كانت يدوية أو أوتوماتيكية أو بالغاز أو بالماء.

[Om Zayd]

احنا كمان في بيوتنا نفتقد الثقافة دي

ما عندناش أجهزة إنذار لا ضد الحريق و لا السرقة

كان وصلني على الإيميل

هل قمت بتقييم للسلامة في منزلك؟

فهنا سوف تجد خطوات بسيطة وفعالة ستساعدك لرفع مستوى السلامة في منزلك. إتبع هذه القائمة آمرشد لإيجاد و إصلاح المخاطر

في منزلك.

----هل لديك حقيبة اسعافات اولية مع أدوات الحالات الطارئة؟

هل تتدرب على خطة إخلاء البيت في حالة الحريق مرتين في السنة من أجل أن تتعرف عائلتك على مخرجين على

____ الأقل من آل غرفة وأين تلتقون في الخارج في الحالات الطارئة؟

____ هل تختبر جهاز آشف الدخان مرة واحده في الشهر للتأآد من عملها, وتستبدل البطاريات آل سنة؟

____ هل وضعت جهاز آشف الدخان في آل دور في البيت وبالقرب من أماآن النوم؟

____ هل تأآدت من خلو الدرج من اي معوقات ووجود مقابض سلامة؟

____ هل تبقي جميع دورات المياة والممرات خالية من المعوقات؟

____ هل وضعت ماسكات وموانع الإنزلاقات في دورات المياة وأحواض السباحة؟

____ هل سجلت ارقام هواتف الطوارئ بالقرب من جميع الهواتف في منزلك؟

____ هل المواد الخطرة آمواد التنظيف والأدوية محكمة الإغلاق وبعيدة عن متناول الأطفال؟

____ هل الادوية محفوظة في علبها الأصلية مع الوصفات الطبية والتعليمات الخاصة بإستخدامها؟

____ هل تراقب الأطفال عند السباحة أو بالقرب من الماء؟

____ هل تبقي سخان الماء عند درجة حرارة 120 فهرنهايت أو أقل؟

____ هل تخرج السيارة من الكراج مباشرة بعد تشغيلها؟

____ هل أبعدت الأشياء مثل عجلات السيارة و عدة الزراعة وقطع الغيار اللتي تتكأ على الجدار؟

____ هل تخزن الأدوات, عدد الزراعة وقطع الغيار في مكان آمن أو مرتفع وبعيد عن الأطفال؟

____ هل جميع علب الكبريت والولاعات محفوظة في دولاب مقفل؟

____ هل وضعت أقفال سلامة على الدواليب التي بها مواد خطيرة أو أدوية؟

____ هل وضعت بوابة سلامة للأطفال في أعلى وأسفل الدرج؟

____ هل تتحتفظ بالمواد البلاستيكية مثل أآياس الزبالة بعيدا عن الأطفال؟

____ هل وضعت الأثاث بعيدا عن الشبابيك؟

____ هل وضعت حامي الشبابيك مع قفل السلامة لحماية الأطفال من الوقوع؟

____ هل مخارج الكهرباء مغطاة بغطاء سلامة؟

____ هل تحتفظ بالأشياء الصغيرة مثل المجوهرات والأزرار والبطاريات الصغيرة بعيدة عن الأطفال؟

[shiko]

تسجيل متابعة بمنتهى الشغف...

لا انكر اكى تمتلكين اسلوبا جذابا جدا فى الحديث

وذواقة لمجريات الاحداث ...

[Om Zayd]

لفت انتباهي و انا في الكلية ان مفيش عمال تبعتهم يجيبولك حاجة .. أو يعملك كباية زنجبيل -بما اني ما بشربش شاي- .. أو يشيل لك الحاجات التقيلة

صحيح فيه عمال نظافة .. ما تحسش بوجودهم .. بيعملوا في صمت

بس فيه "غرفة شاي" في مسئولين عنها و ممكن تنزل تاخد شاي أو عصير فيها.. و لما يبقى فيه سيمينار بيقدموا المشروبات فيها و تبقى فرصة الناس تتقابل و تتناقش و طبعا تحكي

بالمناسبة .. بيحبوا النميمة بشكل.. اللي هربت منه في مصر لقيته هنا

:closedeyes:

كانت فيه واحدة مسلمة من المسئولين عن الغرفة دي.. كل ما تشوفني احس انها فرحانة بيا بجد .. رغم اننا كنا تقريبا مش بنتكلم.. يا دوب السلام عليكم.. او حاسبي الشوكولا دي فيها كحول

هبقى احكيلكم على موضوع الاكل ده مرة تانية باذن الله

يرجع مرجوعنا .. طب الزنجبيل و الاكل مقدور عليهم.. الغلاية و الميكروويف موجودين في المكتب

بس انبوبة النيتروجين .. أغيرها ازاي؟؟؟؟؟

ده انا لو شلت 5 كيلو بحس اني و لا نهلة رمضان

و ايديا تورم و حالة

و كلهم بيغيروها بنفسهم

قلت ما بدهاش .. أجرب

حاولت في وجود واحدة من زمايلي -بقت صاحبتي بعد كده- لقيتها من نفسها بتقولي انا هبقى اغيرها معاكي

"بدل ما تجيبيلنا مصيبة"

شكرتها و حمدت ربنا .. عالم بالحال

سألتها هوا ليه مفيش عمال؟ طبعا ما فهمتش

شرحتلها.. قالت لي .. و لازمتهم إيه؟ .. الحاجات دي ممكن نعملها بنفسنا

افتكرت لما عم محمد كان يصعب عليا و اشيل معاه على أدي.. و الاقي بعدها اللي بيقولي "انت هتاخديهم علينا

ما علينا

[لونا]

موضوع جميل يا أم زيد

و أسلوبك سلس و مشوق

تلخيص لأهم النقاط

- الاعتماد على النفس في أماكن العمل مثل عمل المشروبات و حمل الأشياء الثقيلة و عدم الحاجة لوجود ( عامل البوفيه ).

- الاهتمام بثقافة تأمين السلامة في البيوت و أماكن التجمعات.

طبعًا هذه الثقافة لم نسمع عنها حتى .. دق إنذار الحريق في مدرسة إبني هنا في السعودية ..

و خرج الأولاد بدون نظام من الفصول و نزلوا على السلالم بتدافع .. و بعض الأولاد خبطوا في بعض ..

و لكن الحمد لله لم يصب احد بإصابات كبيرة... طبعًا لم يتدربوا على التصرف في حالات الطواريء..

- جميع الناس سواسية .. الوزير مثل الغفير.. و عدم الاستهانة بأي مهنة .

- الاهتمام بشكر الآخرين عند تقديم خدمات لنا و إن كانت خدمة بأجر.

أعتقد أن هذه الصفة ما زالت موجودة عندنا في مصر و بقوة .. يمكن ليست موجودة في دولة مثل السعودية

- التعاون بين أهل المنطقة و المشاركة الإيجابية .. و استجابة ( المحليات ) لهم.

موضوع التعاون نادر جدًا بين أهل المنطقة أو حتى بين سكان العمارة الواحدة

و تجد كثيرًا أن الذي يتزعم الناس لتصليح شيء في العمارة مثلًا ..

عادة ما يتم تدبيسه في دفع معظم أو بعض التكلفة

- المنازل غير مكدسة بالأثاث الذي لا حاجة له ..مما يسهل الانتقال من بيت إلى آخر .. و أيضًا يمكن تجديد دهانات البيت كل فترة.

- التوسع في استخدام الخدمات الإلكترونية.. مما يسهل على المواطنين و يقلل من أعداد الموظفين .. و زحام الطرقات.

[مسافر زاده الخيال]

ها قد رجعت الى ارض الوطن محفوفا برعاية الله و كرمه وقد كان الاسبوع الذي قضيته في بلاد الانقليز حافلا بالمفيد والمثير و تركت عاصمة الضباب وهي في ابهى حله محتفلة بالكرسماس وهذا غريب بالنسبة لي حيث انه تبقى شهر على المناسبه وكان شارعي اكسفورد و ريجينت مغلقين تماما و ملاى بالكورسات الغنائية والعروض البهلوانيه الخ وكانت العروض برعاية اميركان اكسبرس

المهم تبقت الذكريات الجميلة من هذه الرحلة واتمنى تكرار زيارة بلادهم

حمدا لله على السلامة

انت مستغرب انهم بيستعدوا قبل الهنا بسنة-قصدي بشهر

دول من أغسطس بيبتدوا يفكروا في الهدايا و محلات كبيرة كثيييير تبتدي تحط بضايع الكريسماس و زينته

لو قصدك على العروض و الزينات فدي بتبتدي من نوفمبر

بالمناسبة ... فين الصور؟ و باقي الحكايات

اهلا بكم مرة اخرى و اسف على الانقطاع..............

بخصوص الصور الحقيقة عندى بعض الصور (غير المهمة) كون اغلبها صور شخصية-و انا خايف على اعضاء المنتدى منها و الصور الاخرى (ليلية) كون التدريب بينتهى الساعة 1600 والدنيا تكون ليل...و اغلب ما التقطت كلبات فديو بالبي بي (وعلى فكرة الجهاز دا منتشر انتشار النار في الهشيم).......والمشكله اني نفسي اصور الناس (بس اخاف من موضوع الخصوصية والمشاكل اللى وراه)

من مشاهداتي ((الغريبة بالنسبة لي) وجود محل ملابس داخلية بين كورنز شارعي ريجنت و اكسفورد بوجود مودل رجال و نسائي -لا بسين ملابس داخلية!!!!! و في اديهم -بالالالين-و يترقصو ا و يبتسموا للناس و حاسس ان جواهم منكسرين والناس بتبص ليهم و تتفرج ولا كأنهم قرود.......

وفي نفس الشارع شباب اروبي صغير من اتباع (كرشنا) اظن ليهم علاقه بالبوذية او الهندوسيه-بيشحتوا بطريق غير مباشر يبيعوا كتيبات طبخ و يصيحوا (هاري كرشنا او ماري كرشنا مش متأكد بالضبط)

و مره بالليل وانا في ليستر اسكوير جنب سنيما امبيريال (كنت ناوي ادخل فيلم بس الوقت فات والافلام مش على مزاجي) الا بشوف شباب صغير معاهم لافتات (عن طريق الحق او الهدف من حياتك ال...خ)مكنتش عارف بيقصدوا ايه و ما همنيش....الا بسمع واحد فيهم بكلم بنتين -كده حوالي 16سنه وبيقولهم في ناس بتضحي بالحيوانات عشان يغفر الله ذنوبهم وما بيعرفوش انهم لو دبحوا كل حيوانات الارض مش حيتغفر لهم!!!!!! هنا شعرت بالغضب ورحت ليه وقلتله انت متأكد من الكلام ده...(طبعا حصل نقاش طويل يمكن اعود اليه لانه يحتاج روقان بال و ترتيب افكار) المهم طلع الراجل بيفتكرني يهودي!!!!و قلتله اني مسلم و حشرته في زوايا مقدرش يخرج منها..فجاء واحد تاني بيساعده و سألته كم سؤال مقدرش يجاوب علي وقالي اعطيني ايميلك وانا حجبلك الاجوبه-ومن ضمن الكلام قالولي انهم يتبعوا كنيسة -البابست-طبعا حرف ب يعني p- و قالولي ان الكثلويك والبروتستانت مش مسيحيين ال....خ المهم من ساعتها وانا بانتظر ايميله-والله ولا رد مجرد رد انه استقبل ايميلي........

ومن الملاحظات (الي مش عارف انها صحيحة ولا لا)افتكر لما رحت لندن 1997 و 1999 كنت بشوف التحاضن والقبلات بالشارع بشكل كبير جدا والمجلات الاباحية مالية الاماكن العامه.....اما 2010 فالنسبه قلت -هل لاني العين ما صارت تلاحظ زي الاول؟؟؟؟؟

ومره رحت في شارع ادجوار (شارع العرب) ودخلت محل تسجيلات واستغربت ان المحل يبيع سيديهات القران والاغاني والرقص الشرقي والافلام المصرية نسخ(مقلده وغير قانونية)!!!!!!!!!!!!!!!!!!!!بنفس المحل!!!!!!!!!!!!!

للمرة السادسة لزياراتي للندن التي لم اتشجع بالقيام برحلة نهرية!!!!!

اكلت شندونش طعمية من ناصية مصري في شارع اكسفورد (حوالي 2.5 باوند) وفرح جدا لما كلمته عربي

ما عتقدش اني ح اجازف واستاجر عربيه اسوقها هناك!!!!!

لا زلت ابص للجهه الغلط لما اعبر الشارع !!!! حتى لما جيت اركب الباص اتجهت للجنب الغلط و طبعا السواق كان ينظر لي بتوجس حتى انتبهت لحالي!!!!

و كثير من المواقف التي ساذكرها تباعا حال تذكري لها

[Om Zayd]

جه معاد الغدا .. لقيت كله ساب اللي في ايده و ابتدا يسخن الاكل في الميكروويف

و واحدة منهم خارجة .. لقيتها بتقول للكل .. حد عايز حاجة من المحل؟

طبعا انا مش متعودة اكل و انا بشتغل.. بحب اكل في البيت مع عيلتي

كانوا مستغربين جدا اني مش جايبة اكل معايا.. شوية نقانق بس

و كمان وشي في الكمبيوتر .. مش بشترك اوي في ساعة الغدا غير لما يبقى فيه موضوع شاددني

حسيت الحجاية دي مضايقاهم .. فقلتهالهم على بلاطة.. كل دقيقة بعيد عن ابني لازم استغلها .. انا وقتي مش ملكي لوحدي

من ساعتها حسيت ان كلهم مقدرين الحكاية دي و بيشجعوني جدا

و زيد اصبح اصغر عضو في مجموعتنا

كنت احيانا اخده معايا لما ما يكونش في الحضانة و محتاجة اروح المكتب او اجهز لشغل

لقيتهم في اكلهم بيحبوا يتعرفوا على الثقافات التانية .. و احنا المجموعة بتاعتنا كانت و لا الامم المتحدة

تايلاند- الهند- ايطاليا- انجلترا - اسبانيا - البرتغال- امريكا- روسيا- بولندا- المانيا

و طبعا محدثتكم .. ممثلة العالم العربي و الاسلامي و الافريقي

كمان لقيتهم بيهتموا بالخضار و الفاكهة في اكلهم

و انا في مصر كانوا بيحسسوني اني عجيبة من عجائب الزمن عشان باكل سلطة .. و التمر كان اساسي في شنطتي

و انا مروحة لمحت مصدر الخضار و الفاكهة في المنطقة

نصبة شيك خارج مركز الجامعة

اصغر كمية ممكن تشتريها من كل نوع .. لو ينفع تتباع بالواحدة .. تلاقي .. الفواكه الصغيرة زي البرقوق و المشمش و الفراولة و الكرز تلاقيهم في علب صغيرة .. تختار اللي عايزه و تقف في الطابور - مهمة دي .. لاني ما كنتش واخدةبالي من وجوده أصلا- و تدفع و تمشي

طبعا انا بقيت زبونة هناك

:happy:

مركز الجامعة فيه قاعات مؤتمرات و اجتماعات (بيستخدموها للتدريب) و فرع لسوبر ماركت و مطعم صغير و بعض الخدمات الخاصة بالسكن

نيجي بقى لموضوع الأكل

مرة تانية باذن الله

[Om Zayd]

ومره رحت في شارع ادجوار (شارع العرب) ودخلت محل تسجيلات واستغربت ان المحل يبيع سيديهات القران والاغاني والرقص الشرقي والافلام المصرية نسخ(مقلده وغير قانونية)!!!!!!!!!!!!!!!!!!!!بنفس المحل!!!!!!!!!!!!!

يا اهلا بالمسافر

حكاية الحاجات المقلدة فكرتني ببرنامج كانوا بيذيعوه هناك اسمه

FAKE BRITAIN

الحاجات المقلدة موجودة بس بياخدوا الموضوع ده بجدية جدا ,, دايما يوعوا الناس عنه

و بيصوروهم كانهم عصابات منظمة و بيتكلموا عن الحجم المهول لتجارتهم و المصير المظلم اللي آلوا اليه

"غالبا بتبقى غرامة تقطم الوسط" لان السجون ما فيهاش أماكن

في انتظار باقي الخواطر

[Om Zayd]

موضوع جميل يا أم زيد

و أسلوبك سلس و مشوق

تلخيص لأهم النقاط

**********************

ربنا يكرمك يا لونا

و جزاكم الله خيرا على التلخيص

فكرة حلوة

[MaYousof]

كمان لقيتهم بيهتموا بالخضار و الفاكهة في اكلهم

و انا في مصر كانوا بيحسسوني اني عجيبة من عجائب الزمن عشان باكل سلطة .. و التمر كان اساسي في شنطتي

و انا مروحة لمحت مصدر الخضار و الفاكهة في المنطقة

نصبة شيك خارج مركز الجامعة

اصغر كمية ممكن تشتريها من كل نوع .. لو ينفع تتباع بالواحدة .. تلاقي .. الفواكه الصغيرة زي البرقوق و المشمش و الفراولة و الكرز تلاقيهم في علب صغيرة .. تختار اللي عايزه و تقف في الطابور - مهمة دي .. لاني ما كنتش واخدةبالي من وجوده أصلا- و تدفع و تمشي

وحملة Five a Day بتاعت الخضار والفاكهة .. كلمينا عنها يا Om Zayd

خدي دول للتسخين:

http://www.nhs.uk/livewell/5aday/pages/5adayhome.aspx

http://www.nhs.uk/Livewell/5ADAY/Pages/Whatcounts.aspx

http://news.bbc.co.uk/2/hi/health/8605270.stm

ومادام بنتكلم عن الأكل .. كان فيه حملة ضد الملح!

شعار الحملة .. !Full of it .. وكانوا بيحاربوا زيادة ملح الطعام (كلوريد الصوديوم) في الأكل بشكل كبير جدا .. عشان بيعمل مشاكل للجهاز الدوري وكده .. وأي نوع من أنواع الأكل اللي ممكن يزود الملح كانوا يكرهونا فيه ويقولوا !Full of it ..

كملي يا Om Zayd .. كملي ..

ومتنسيش .. لازم زيد ياكل فايف أ داي ..

[Om Zayd]

مراحب .. مراحب

منور بجد يا محمد

رغم ان الخضار و الفاكهة -حتى المحلي منها- يعتبر غالي .. لكن حملة مكثفة عشان البريطانيين يغيروا عاداتهم الغذائيةو يزودوا ممارسة الرياضة

السوبرماركت بيتنافسوا في تخفيض سعرها عشان يشجعوا الناس تاكلها

حتى برامج الاكل .. كثير منها بيركز على ده

كان فيه برنامج اسمه

I CAN COOK YOU THIN

و في برامج الاطفال .. لازم يركزوا عليها.. و الوجبات اللي في المدارس

و وثائقيات عن تفشي البدانة في الاطفال و مخاطره

و برنامج

CHANGE 4 LIFE

تسجل معاهم على النت او بالبريد و يبعتولك كتيبات و افكار و استيكرز لتشجيع الاسرة كلها على ممارسة الرياضة و الاكل الصحي

في عز البرد الاقي ناس بتجري بلبس رياضة خفيف

لو عايز تاكل اكل صحي .. هتلاقي

و لو عايز JUNK FOOD

موجود كثييييير .. بس يتوقف على المجتمع اللي حواليك .. في الجامعة الجو لا يشجع على هذا اطلاقا.. يعني تلاقي اللي بتاكل شوكولاتاياية واحدة عايزة توزن نفسها و جري على الجيم عشان تحرقها

و يبصولي بحقد و انا ببلبعها ولا هاممني(كنت محتاجة سعرات كثييييييييييير) بس و لا همني

:closedeyes:

حاجات كثير ممكن نساعدك في تحضير اكل صحي بسرعة

الوجبات اللي يادوب تتحط في الميكروويف

بطاطس مهروسة فورية

BAKED BEANS

و القائمة تطول.. المهم تركز انها حلال او نباتي و ما فيهاش كحول

بمناسبة الكحول.. و احدة صاحبتي مصرية لقيتها باعتالي حاجات في علبة ايس كريم

RUM AND RAISIN!

الزبيب منقوع في الروم .. و الباشوات بياكلوها بقالهم 3 سنين

علبة شوكور لندت اكتشفت بعد ما جبناها انها بالشمبانيا

و حلويات كثير بيحطوا عليهاخمور

فكنا لازم نمقق عينينا عشان نتاكد من المكونات

توفر اللحوم الحلال يعتمد على المدينة اللي انت فيها

لكن موجودة

عندنا كانت موجودة بوفرة .. حتى في سينسبري و اسدا

و مع ذلك لقيت سعودية في حفل تعارف في الجامعة بتاكل من اصناف مش مكتوب عليها انها حلال او نباتية

بحسن نية نبهتها

بصتلي بعدم اهتمام و قالت لي .. عارفة

اسكت؟!... لا طبعا .. سألتها

قالت لي ان فيه فتوى ان ما داموا بيدبحوها بعد الصعق مباشرة يبقى ممكن نسمي و ناكلها .. قلت لها بس الصعق ده بيموتها .. يعني بتتدبح ميتة ..و ايه ضمنك ان كل الجازر بتدبحها بعد الصعق مباشرة؟

قالت ان ده عند الاضطرار

اضطرار ايه .. ده اللحوم و المطاعم الحلال حوالين الجامعة

و ده حفل تعارف و فيه اصناف تانية موجودة و اساسا مش هنموت لو ما كلناش لغاية ما روحنا بيوتنا

وعدتني تبعت رابط الفتوى.. بس ما بعتتهاش

بس خلتني افكر .. لو الكل عملوا زيها .. كانت تجارة الكل الحلال هتنشط هناك؟

ما علينا

[Om Zayd]

المساحات الخضراء

من أكثر الحاجات اللي حبيتها هناك

سهل الوصول لها و التنزه بها

عارفة ان الطبيعة عندهم غير عندنا .. و الغابات و المطر .. بس احنا محتاجين المساحات دي .. محتاجين نتنفس.. محتاجين نلعب

اكيد فيه نباتات مش محتاجة مية كثير

و لو مفيش .. ليه منحولش الاسطح لجناين؟

لعبتين صغيرين و احواض زرع

ليه ما نحرصش ناخد اولادنا في مكان براح ممكن ينطلقوا فيه و يحتكوا بالطبيعة و يتعلموا بطريقة ممتعة

بالمناسبة.. لغاية الان البجع و الاوز اللي في البحيرات ملك الملكة

و ممنوع صيده

البرامج اللي بتتكلم عن الطبيعة و الحيوانات اكثر من ان تعد

غير برامج الاطفال الللي بتزرع ده في الاطفال و تعرفهم اكثر على الطبيعة اللي حواليهم

الطبيعة هنا في مصر جميلة و متنوعة

بس نفتح عينينا و قلوبنا و ما نتلككش ان مفيش وقت

[MaYousof]

متابع باهتمام ..

وفكرتيني بالـ BAKED BEANS وسنينها ..

دا الواحد إتهرى :closedeyes:

أصل الـ BAKED BEANS هناك عاملة زي الفول المدمس عندنا كده :closedeyes:

على فكرة أنا مكنتش بحب ولا أسدا ولا سنسبيري ..

يا تيسكو يا مش شاري ..

و 90% من مشترواتي كانت تيسكو فاليو :blush2:

إستري عليَّ يا أم زيد ومتقوليش إيه التيسكو فاليو ده .. خليهم يفتكروه كافيار :blush:

[Om Zayd]

إستري عليَّ يا أم زيد ومتقوليش إيه التيسكو فاليو ده .. خليهم يفتكروه كافيار :blush:

حاضر .. بس تساهم في الموضوع مساهمة فعالة

مش متابعة بس

:closedeyes: