أيام و عشناها .. في بلاد الضباب

[مسافر زاده الخيال]

طب ايش الفرق بين البلوزه والبلوفر!!!!!!!!!!!!!!!!

عندي تشكيلة بلوفرات صوف إنجليزي إنما تستاهل ذوقك ..

خد عندك

عندي كمان حاجه لسه واصله الجاليري - أو القاليري أو الغاليري - ههههه إنما ما بتطلعش إلا للحبايب

وأدي البوزات يا عم .. وده ما بنشتغلش فيه عشان ما عندناش قسم حريمي

شوفت الفرق يامسافر ؟

عاجبك كده تروح عند الاجانب بحاجه عامله زي زهور الربيع كده ؟

مشكور للجهود التعليمية الجبار

بس في حاجه زي دوكهن للي وزنهم 130كيلو زي حالاتي

[King TUT]

بصراحة معايا بلوزه صوف و جاكيت تقيل شويه تبع السموكن سوت....ينفعوا ((بصراحة ما حبيت املا الشنطة ملابس كتير )) ولاسف ما اجد قياسي الا بصعوبة القميص عاده XXL او XXXXL

وهل في لندن محلات ملابس اسعارها مش غاليه؟؟؟؟؟؟

من أشهر محلات الملابس فى لندن هى محلات بريمارك نظرا لوجود تشكيله كبيره من الملابس والأحذيه بأسعار مناسبه جدا جدا وله فروع كثيره فى لندن وهو المحل المفضل للعرب المقيمين و السياح ـ ده اللينك بتاع المحلات

Primark

تم تعديل 20 نوفمبر 2010 بواسطة King TUT

[capitshino]

لى تجارب مماثلة فى هولندا .

احترام مواعيد غير عادى .. نظام فى كل شئ . احترام متبادل

قال لى احد الزملاء هناك ان الشعوب الاوروبية اخذت كل شئ جيد من الاسلام .. وللاسف اخذنا نحن كل شئ سئ من عندهم.

[التونسى]

بجد سعيدة جدا بمشاركة حضرتك

و منتظرة مشاركات أكثر و أكثر و أكثر

لندن رغم جمالها .. زحمة لدرجة تخنق .. استحالة تتفسح فيا بالعربية

لكن المشي فيها ممتع

بيحافظوا على تاريخهم و يسوقوه كويس أوي

فيها اماكن العرب اكتر من الانجليز بكتيير

متشكر على حفاوتك فى الترحيب اختى الفاضله.. ولان الشئ بالشئ يذكر .. وبمناسبة الزحام فى لندن .. هما لاقوا طريقه طريفه وغريبه وعمليه جدا عشان بساهموا ولو بشكل بسيط فى تخفيف أثار الازمه المروريه ولكن على الصعيد الفردى ..وبرعاية بنك باركليز .. عملوا دراجات للتأجير .. ولكن بشكل الكترونى طبعا .. الواحد ممكن يأجرها ويتنقل بيها .. وبعد كده يركنها فى اماكن مخصصه ومتوزعه على المحطات المختلفه.. خصوصا منطقة وسط البلد .. وده لينك فيه شرح لكيفية استخدام الخدمه دى لمن يحب الاستزاده

http://www.tfl.gov.uk/roadusers/cycling/14808.aspx

وكمان فيه كروت شحن تستخدم للاندرجراوند..انا مكنتش اعرفها شخصيا .. وعرفنى عليها احد زملائى فى العمل .. موفره جدا جدا وعمليه لو تم استخدامها بشكل صحيح ..شحنت الكارت ب5جنيه استرلين و60 بنس واستخدمته حوالى خمس مرات فى التنقل بين اكتر من محطه .. والخمسه جنيه دول تقريبا الحد الادنى لركوب تاكس على ما اعتقد.. الخلاصه يعنى .. الواحد عشان يروح لندن او حتى اى بلد بشكل عام لازم يقرا ويعرف ويستعد بشكل جيد وميروحش عميانى عشان ميواجهش متاعب تأثر على استمتاعه بزيارته او اقامته المؤقته

أما بقى عن تقديس الانجليز للتاريخ .. فحدث ولا حرج .. ممكن يتقال فى النقطه دى كلام كتير جدا .. كفايه بس احتفاظهم بالجنيه الاسترلينى وعدم تغييره لليورو كمثال لتمسكهم الشديد بالتقاليد والاعراف المتوارثه ..واحترامهم المريب لاى شئ قديم او لاكون دقيق(( أى شئ عتيق ))

انا زرت الجاليرى .. وبجد انبهرت .. انبهرت بشئ واحد .. غير اللوحات .. انبهرت انهم خصصوا مبنى ضخم يفوح منه بضراروه عبق التاريخ وفخم جدا جد وفى مكان من اهم اماكن لندن عشان يعرضوا فيه الابداع المرسوم ... وكمان الدخول مجانى .. على قد ما عندى تحفظات على الانجليز كسياسه وشعب .. الا ان فيه حاجات كده بتلاقى نفسك لازم تحترميهم جدا وترفعى ليهم القبعه .. و

و,, وكفايه هذا التعليق حاليا وفى انتظار تكملتك لتجريتك الشيقه

[Om Zayd]

أول مشوار لينا كان على الجامعة طبعا

كنا بالفعل مسجلين فيها بالانترنت و باعتينلهم الشهادات بتاعتنا و كان ممكن نستغنى عن المشوار ده لو عندنا انترنت

اكمال التسجيل مش محتاج ورق ممضي من 2 موظفين و وصل مش عارف إيه و موافقة إيه

الشروط تنطبق عليك؟ .. هتدفع؟

تمام .. هيصدقوا كل كلمة تكتبها إلى أن يثبت العكس

بس لو ثبت

عيييييييييييييش .. قضايا و غرامات

عقوبة رادعة ممشية الانجليز على العجين زي ما بيقولوا

كل يوم يعدي عليا ألاقي الانترنت بقى عصب دولتهم .. كله متوصل بكله

البيروقراطية اللي مشهورين بيها لغاية الان بيقللوها بانهم يصدقوك إلى ان يثبت العكس

عندنا ابتدوا في حكاية البوابة الالكترونية للحكومة بس خدماتها قاصرة

ليه ما نتوسعش فيها؟ .. هتحل زحمة المصالح و الطرق و هتقضي على الفساد

ما هو ما فيش احتكاك مباشر بموظفين.. هيا بيانات بتدخلها على النظام

حاجة تانية مهمة جدااااااااااااا

الرقم البريدي

post code

نظام بسيط جدا لتحديد العنوان بدقة

أثره .. رهيب

توصل لأي مكان بسهولة.. دخّل الرقم و دور عليه على النت يقولك تركب إيه و تمشي منين

أو في ال tom tom

كمان ده مخلي البريد كفء جدا .. بالتالي أغلب مصالحك تقضيها بيه

يبعتولك الرخصة عليه .. الباسبور.. حاجات شاريها .. فواتيرك -اللي ممكن تسددهاعلى النت- مجلة مشترك فيها .. تذاكر القطر ..ده مشجع التجارة الالكترونية جدا .. حتى البقالة ممكن تجيلك على البيت

مش يدور على العنوان و لم يستدل عليه

هيكلف قد إيه تطوير النظام ده في مصر؟؟؟؟؟

و هيفرق قد إيييييه؟؟؟

بالمناسبة في الجامعة خدت ابني معايا و دخلت بيه و لا حد فتح بقه و لا بصلي باستغراب

مداخل مخصوصة للمعاقين و عربيات الاطفال

و على فكرة مش مكلفة

فكروني بمطار القاهرة .. المصعد الخاص بالمعاقين و عربيات الاطفال كان مقفول بالمفتاح! .. مش عايزة أظلمهم .. يمكن صدفة

بإذن الله نكمل بعدين

[masraweya]

السلام عليكم

حاجة اتكعبلت فيها - كالعادة- و حسيت مكانها هنا

ما بين التعليم هناك.. وهنا

٢٠/ ١١/ ٢٠١٠

كان من حسن حظى أن التحقت بالتعليم الابتدائى فى إنجلترا بعد انتقالنا هناك لظروف دراسة الوالد، وكان ذلك فى النصف الثانى من سبعينيات القرن العشرين، وأود أن أشارك القارئ العزيز خبراتى، التى عشتها هناك فى المدرسة الابتدائية، ثم أنتقل بعد ذلك لطرح سؤال لعلى أجد إجابة لدى أحد السادة المسؤولين عن تربيتنا وتعليمنا!!.

أما عن الدراسة الابتدائية فى إنجلترا فبادئ ذى بدء لم تكن هناك حقيبة مدرسية، لأننا ببساطة لم نكن نتسلم كتباً دراسية فى أول العام الدراسى، بل كان هناك فى كل فصل مجموعة من الكتب الدراسية بعدد تلاميذ الفصل، الذين يستخدمونها طيلة العام الدراسى فى المدرسة ويحافظون عليها ويتركونها فى نهاية العام لتلاميذ العام التالى!!.

لم تكن هناك أى واجبات من أى نوع طيلة خمس سنوات دراسية قضيتها هناك، ولذلك لم نكن نذهب ونجىء بكراساتنا، التى كنا نحتفظ بها فى فصولنا، ولا تعرف إلى بيوتنا طريقاً!! لم تكن هناك امتحانات من أى نوع بل كنا ننتقل من سنة دراسية إلى أخرى تلقائياً!!

كانت مادة القراءة تعنى ببساطة أن «نقرأ»، حيث كان بكل فصل مكتبة بها ألوان وأشكال من الكتب المناسبة لأعمارنا، حيث نستعير كتباً داخل الفصل لنقرأها، ثم نسجل عنوان الكتاب فى قائمة نحتفظ بها.. أما عن التربية الرياضية فكان يتم اصطحابنا إلى ناد مجاور للمدرسة مرتين أسبوعياً، إحداهما لتعلم السباحة، وفى المرة الثانية كنا نقسّم فرقاً، لتعلم الرياضات الجماعية المختلفة بأصولها وقواعدها وقوانينها، وكنا نكون فرقاً مدرسية تنافس فرق المدارس الأخرى، ونضع خططاً تكتيكية، وندرس خطط المنافسين التكتيكية...إلخ!!

وعندما عدت إلى مصر التحقت بمدرسة من أعرق المدارس الأجنبية للبنات فى مصر ومع ذلك كنت أعرف أكثر بكثير مما تعرف زميلاتى!! والسؤال الذى أود طرحه الآن هو: ماذا سيحدث لو ألغينا الامتحانات بجميع أنواعها فى التعليم الابتدائى؟.. هل سيكون هناك مجال للدروس الخصوصية؟ هل سيقتل طفل برىء على يد معلمه، لأنه لم يقم بعمل واجباته المنزلية؟

هل ستشعر كل أسرة لديها أطفال فى التعليم الابتدائى بأنها ضائعة تائهة غارقة دون الكتب الخارجية؟ هل سيكره الأطفال وذووهم المدرسة واليوم الذى وردوا فيه على المدارس؟

هل سيتم تقييم التلميذ أم المعلم والإدارة والمدرسة على أساس انتهاجها أساليب إبداعية فى التربية والتعليم؟ هل.. وهل.. وهل؟

فيفيان فايز

vivianfn@aucegypt.edu

[masraweya]

السلام عليكم

لسة واصلني الايميل ده

تحديد القبلة

الخطوات:

1. أدخل على الموقع

http://www.qiblalocator.com

2.

هذا الموقع يحتاج نسخة متقدمة من برنامج إنترنت إكسبلورر أو برنامج موزيللا للتصفح.

3.

أختر

Satellite لكي ترى الأماكن الفعلية مثلما ترى برنامج Google Earth.

4. حدد موقع منزلك أو المكان الذي تتواجد فيه

ستجد علامة + في منتصف الصفحة ضع منزلك في منتصف العلامة..

ستجد خط أحمر بداية من العلامة + و نهايته عند الكعبة.

اتجاه هذا الخط هو اتجاه القبلة.

[arkan]

شكرا ام زيد على نقل خبرتك لان اكيد من سمع ليس كمن عاين

وان ماكانش في نصيب ان الواحد يسافر للدراسة بالخارج فلعلها تكون من نصيب اولادنا

الحلو اننا نقدر ننفذ الادبيات والاخلاق اللى هى اصلا في دينيا الاسلامي زى التعاون واننا نشكر الناس ونبدأ بانفسنا ونعلم ده لاولادنا

متابعة

[Om Zayd]

شكرا ام زيد على نقل خبرتك لان اكيد من سمع ليس كمن عاين

وان ماكانش في نسيب ان الواحد يسافر للدراسة بالخارج فلعلها تكون من نصيب اولادنا

الحلو اننا نقدر ننفذ الادبيات والاخلاق اللى هى اصلا في دينيا الاسلامي زى التعاون واننا نشكر الناس ونبدأ بانفسنا ونعلم ده لاولادنا

متابعة

جزاكم الله خيرا و ربنا يكرمنا و اولادنا جميعا و ينفع بهم

كتير من الحاجات الجميلة هناك راجعة للتربية بس أكثر منها راجع للقانون اللي بيتطبق على الكل سواسية

و احنا راجعين من الجامعة عدينا على السوبرماركت جنبها

صغير بس فيه أغلب احتياجاتك .. حتى نباتات الزينة

http://www.aldi.co.uk/

ممكن تبصوا عليه

بيعتمد على منتجات معمولة له مخصوص أو هو بس اللي بيبيعها

مش انه يوفر كل الماركات من نفس الحاجة .. عشان كده بيقدر يوفر منتجات كتير بجودة معقولة جدا في مساحة صغيرة

هل ما نقدرش نعمل ده في مصر؟

أعتقد سبينيز و كارفور بيعملوا حاجةزي كده بس بجانب النتجات التانية زي سانسبري ما كان بيعمل

الطابور الانجليزي العتيد عشان ندفع .. الكل واقف دون تبرم رغم ان كاشير واحد بس من الاربعة مفتوح

محدش بيحاول حتى يتخطى دوره .. او يحرجك "معلش أصل ورايا .... مستعجل ... إلخ" كبعا بعد كده عرفت انهم بيربوهم على ده من و هما عيال بيستنوا دورهم في الزحاليق و المراجيح

أول ما توصل عند الكاشير .. لازم يبتسم و يسألك كله تمام؟ و بعدين في ثواني يكون مخلص حاجتك .. و يبتسم و يقولك المبلغ و بعد ما تدفع يشكرك و يستنى تلم حاجتك من غير ما يفتح بقه انك معطل الناس يا استاذ ... طبعا بيديك الباقي حتى لو بنس "أساسا انجليز كتير ممكن يقعدوا يدوروا و يقارنوا الاسعار عشان يوفروا كام بنس ... يموتوا في التوفير و لو ينفع يفاصلوا ما يترددوش

عرفت بعد كده ان ده مش سلوك شخصي .. ده تدريب منظم .. و لو حد من العملاء اشتكى انه اتعامل بطريقة غير لائقة يباخدوا الموضوع جد .. شفت ده في تقريبا كل سلاسل السوبرماركت و شفتهم و واحد قديم بيشرف على واحد لسة متعين و يلقنه يقول ايه دلوقت و يعمل ايه

عارفة انهم بيعملوا ده في الهايبر ماركت في مصر .. بس ليه ما يبقاش في كل مكان؟ اللي بيشتغل و يتعامل مع ناس ليه الابتسامة ما تكونش اول حوارهم؟... هذا ديننا .. تبسمك في وجه أخيك صدفة.. و يا سلام لو يخلص النية .. مش تمثيل.. الشغل هيمشي أحسن و ثواب

أما رحلة العودة من الجامعة للشقة .... فدي حكاية لوحدها

[masraweya]

عندنا ابتدوا في حكاية البوابة الالكترونية للحكومة بس خدماتها قاصرة

ليه ما نتوسعش فيها؟ .. هتحل زحمة المصالح و الطرق و هتقضي على الفساد

ما هو ما فيش احتكاك مباشر بموظفين.. هيا بيانات بتدخلها على النظام

حاجة تانية مهمة جدااااااااااااا

الرقم البريدي

post code

**************

هيكلف قد إيه تطوير النظام ده في مصر؟؟؟؟؟

و هيفرق قد إيييييه؟؟؟

جزاكم الله خيرا

عجبتني الجملة دي

كتير من الحاجات الجميلة هناك راجعة للتربية بس أكثر منها راجع للقانون اللي بيتطبق على الكل سواسية

متابعة

[pink rose]

تسجيل متابعة و بشغف كمان يا ام زايد

[مسافر زاده الخيال]

و صلت البارحه الى لندن بعد يوم مرهق من جده الى الدوحه نظرا لان الرحلات من جده كامل العدد بسبب رجوع الحجاج ومن الرياض والدمام لوجوب الحجز قبلها بمده طويله انتظرت في مطار الدوحه ٨ ساعات واشتريت من السوق الحرة كتاب حكايات من سائقي التاكسي و قراته في جلسة واحدة و مضى الوقت بطيئا حتى موعد الرحلة و في الطائرة اخترت مشاهده فلم امير البحار وكان خير منوم لي في الطائرة و نسيت ان اذكر انه بسب فرحتي و عجلتي نسيت اخذ محفظة نقودي ولم انتبه الا قبل ٤٥ دقيقة من الاقلاع وفورا كلمت اخي الذي كان بالصدفة في جده وقام بالواجب عموما بعد وصولي المطار وما الى ذلك ووصولي الفندق ذو الخمسة نجوم لاول مره اذا افاجاء بما لا اعرفه فقد وضعوا مياة معدنيه او غازية لا اعرف ومعها سطل الثلج لا اعلم كان تسميتها صحيحة ام لا و ظننت انها مشروب مسكر وكدت اذهب للاستقبال غاضبا لاني ذكرت لهم بعدم احضارها لكنني قلت لاقرا ما على القنينة وجدت مكتوب عليها بلو وترالمهم وجدت امور غريبة علي فلاول مرة اشرب حليب صويا واكل اجبان لا اعرفها واكل البلاك بيري الفاكهة الخ واليوم الاثنين بدانا الدورة التدريبية في قاعات على الدور٢٧ وكنت اول الحاضرين وقبلي المحاضر و تحدثنا عن لندن وفرقة البيتلز وعصر الاتصالات الخ و تسائلت لماذا تاخر الباقين وقلت في نفسي هاهم الخواجات مثلنا في التاخير و التزويغ وبعد حوالي الساعة جاءوا واذ اكتشف ان جميهم من نفس الشركة التي اعمل بها فرع الرياض ومن الطرائف التي حدثت انطلاق صفارة انذار وهي بنعومة رنه الموبايل واضطررنا لنزول٢٧طابقا وكان اسبقنا المحاضر الذي يناهز ال٧٠ واخيرا لم تكن درجة الحرارة بالذي تصورت ولم تهطل الامطار ولله الحمد واسوا ما في الامر غروب الشمس في الرابعه مما يفوت علي الاستمتاع بلندن فلست من كائنات الليل و اخره

[Om Zayd]

جزاكم الله خيرا على كلماتكم الجميلة

حمدا لله على السلامة يا مسافر

قلتلك اليوم قصير قوي

يا رب تقضي وقت مفيد و ممتع

في انتظار باقي المشاركات و الخبرات

بالمناسبة يا ريت تشوفوا ده و تقولولي رأيكم .. بالذات اللي عنده دراية بالمناهج الدينية في السعودية

Panorama finds anti-Semitic texts in schools

تم تعديل 22 نوفمبر 2010 بواسطة Om Zayd

[Om Zayd]

نكمل حكايتنا

حوالين الجامعة فيه محلات أكل حلال كتير ..فرحنا طبعا و عرفنا ان أغلب اللي فيها أفغان و أكراد

استغربت .. ازاي فيه أفغان قادرين يعيشوا في البلد اللي بتقتل أهاليهم

بتكلم مع زوجي .. قالي ان العراقيين كمان ماليين البلد.. زاد استغرابي

عرفت ان فيه منهم موجود من قبل الحرب هربا من صدام و فيه اللي جم بعد الحرب

بجد ما قدرتش أستوعب .. و عايشين عادي و بيخدموا البلد اللي دمرت بلدهم بمنتهى التفاني

المهم

كنا عارفين هنركب الباس منين عشان نروح .. المسافة 35 دقيقة مشي .. بس طبعا مهما كنت بحب المشي و عاجبني النضافة و الرصيف اللي يشجع على

المشي

في الجو ده ... لالالالالالالالالالالالالالالالالالالالالالالا

اتلخبطنا ننزل في اي محطة لأنهم شبه بعض جدا..حسينا ان محطتنا عدت فنزلنا.. ندور على حد نسأله ............ مفيش

ابتدت تنقط .. أدور على غطاء المطر بتاع عربية زيد .........مش موجود

اتوترنا جدا و لسة مش معانا موبيلات -فاصل شحن في البيت عشان حكاية الفيش اللي قلتلكم عليها قبل كده- و قلقانين على الولد

طبعا المطرة الخفيفةدي بعتبرها دلوقت ما تستدعيش حتى افتح المطرية "الشمسية عندنا"قصدي المظلة

حوالينا بيوت بس مفيش بشر .. لقينا مدخل و عربية داخلة .. وراه .. سألناه .. طبعا هو مش حافظ اسامي الشوارع .. سالنا عن الرمز البريدي .. قلناهوله .. طلع خريطة و قعد يدور و بعدين قالنا اننا عدينا المحطة و لازم نرجع تاني

هما محطتين يتمشوا طبعا في 7 دقايق .. بس مين ده .. ده شكلها هتمطر .. لا .. نستنى الباس في المجطة.. الراجل يحلفلنا ان الباس اللي هيودينا نركبه من نفس الناحية اللي احنا فيها و احنا دماغنا راكبة شمال -زي سواقتنا-انها الناحية التانية

طبعا احنا كنا غلط و لقينا نفسنا بعدنا اكتر

السبب هو اختلاف اتجاهات السواقة و بالتالي اتجاهات الشوارع .. يعني الجاي عندنا رايح عندهم.. و رغم اننا عارفين ده تماما .. التعود يحكم

طبعا الدنيا ضلمت علينا و الساعة مجتش 4

استنينا الباس تاني -المرة دي الناحية الصح -

:closedeyes:

و رجعنا و نزلنا عند الشقة

تم تعديل 22 نوفمبر 2010 بواسطة Om Zayd

[مسافر زاده الخيال]

فعلا اول ما وصلت الفندق قالولي ايش الجريده اللى تبغى تقراها قولتلهم اسهل وحده في الاسلوب لان لغتي مش حمل جريده انقليزيه قالولي حنرسلك الديلي ميل وقد كان واول ما قريت قصة المناهج اللى تقول ان الشذوذ الجنسي عقابه الموت عموما شايف ان الغربي العادي مش عارف اي شي عننا ولا نهمه في قليل او كتير تقريبا مش باينين وقابلت صاحب مكتبه من اصل فرنسي وامه تعشق العرب وقالي انها بكت يوم اغتيال السادات ومبسوط من حكاية تحريم الخمر في الاسلام واول مره يعرف ان باكستان غيراوزبكستان و فاكر ان السعودية والكويت في افريقيا في الاخير دعوته لقراءة الاسلام و شكرني وزرت الليله محلات هارودز وشفق تماثيل الفايد في القاعة المصرية بس ما شعرت بفخامة المحل مقارنة بخيالي لكن حراس الامن اخر فخامه وتسكعت في البكاديللي و مافي فلم شجعني لدخوله كل الافلام الجامده على الكرس ماس و كان نفسي ارزو التلسكوب العملاق بس عرضه انتهى من خمس شهور والى مشاهدات قادمه

[Om Zayd]

السلام عليكم و رحمة الله و بركاته

واضح يا مسافر ان الدورة واخداك .. في انتظار حكاياتك و انطباعاتك

نكمل .. يا رب ما تكونوش زهقتوا

في الجامعة و احنا واقفين اتصورنا و عملنا

ID swipe cards

فيه تكنولوجيا أحدث

Contactless

ليه ما نستخدمهاش في مصر في الجامعة؟ بتتبرمج على الأماكن اللي مسموحلك دخولها و كده يقل احتياجنا للأمن

لفت انتباهي الانتشار الرهيب للطلبة الآسيويين في الجامعة .. بالذات الصينيين و الماليزيين

كل ما نلمح حد مسلم نلاقي نفسنا تلقائي بنبتسم و الشفاه تتمتم "السلام عليكم" .. الرد من الطرف الآخر "و عليكم السلام" مع إيماءة سريعة دون أن نتوقف و ابتسامة دافئة تنسينا الغربة و البرد

يااااااااااااه .. احنا ما كناش حاسين بالنعمة دي في مصر .. تحيتنا جميييييييييييلة بشكل

من لهجة الرد عادة بنقدر نعرف هما منين .. اللهجة المصرية و العراقية مميزين جدا

الطلبة ماشيين بسرعة .. كل واحد وراه حاجة.. محاضرة .. تدريب كريكيت.. المكتبة

صحيح لما الجو بيتحسن بتلاقيهم قاعدين على النجيلة بس برضه بيعملوا حاجة .. بيقروا او على الكمبيوتر

لبسهم من أصى اليمين لأبعد شمال .. من جميع النواحي .. ناس مش مهتمة بلبسها اطلاقا و تانيين على سنجة عشرة .. بنات بالنقاب و تانيين تقريبا مش لابسين "حتى و احنا في عز البرد"

تم تعديل 25 نوفمبر 2010 بواسطة Om Zayd

[Om Zayd]

في مرواحي و مجيي بالباس لفت انتباهي كتر الأمهات المراهقات – تحت 16 سنة- ومعاهم طفل و اتنين .. فهمت اكتر لما رحنا نسجل عند الدكتور "هبقى احكيلكم بعدين" .. كم نشرات و مطويات عن ممارسة الجنس الآمن و استخدام وسائل منع الحمل و أغلبها موجه للمراهقين .. اكتشفت ان عندهم أعلى نسبة حمل مراهقات في أوروبا .. أمهات عندهم 13 و14 سنة .. لأ و إيه ..عاملينلهم برناج ياخدوا من خلاله كوبونات يشتروا لبن و خضر و فاكهة ..عشان يحافظوا على صحتهم هما و أطفالهم

غالبا بيكونوا من طبفات فقيرة "طبعا الفقر بمقياس الانجليز" أو زي ما بيقولوا في مصر "بيئة" .. و شفتهم عنيفين جدا مع اولادهم و عادة بتبقى لوحدها او مع صاحب تاني غير أبوهم.. الناس في الباس بتبقى باصالهم بامتعاض بس ما حدش بيتكلم .. و هما و لا هاممهم

سبحان الله .. أمال مصدعينا ليه بان زواج القصر ضد حقوق المرأة و حقوق الطفل؟

يعني بالحلال لأ .. لكن في الحرام و عشان ما نحجرش على حريتهم براحتهم؟

أما الستات اللي مهتمين بدراستهم و شغلهم عادة ما بيفكروش في الانجاب قبل سن 35.. لأن رغم كل محاولاتهم فرصها أقل و لا تتساوى بالرجل إذا دخلت في قصص الحمل و الولادة و الأجازات

بس الجميل انهم بيدوا الأب أجازة 3 اسابيع لما يجيله بيبي .. بجد بيبقى وقت مهم ان الأب يتواجد مع الأم و المولود الجديد مهما كان حواليهم ناس و أهل

[Dreamwithme]

نكمل .. يا رب ما تكونوش زهقتوا

n2&(

متابعة مع حضرتك بمنتهي الشغف clp::

بس معنديش تجارب أو كلام مفيد أضيفه

استمري جزاكي الله خيرا

[مسافر زاده الخيال]

البارحه كان اول مره ادخل مسرح غير المدرسي وبيوت الشباب شعور غريب وعرض مبهر ٤ ممثلين فقط ثلاثه منهم قاموا بعده شخصيات وبيغروا ملابسهم واوضاعهم بالتو واللحظه وجربت الباص الاحمر الاقل كفاءه من المترو ورحت اتسكع في شارع ادجوار ذو غالبيه عربيه ودخلت محل تسجيلات فيه قران و اغاني وافلام رقص شرقي شغاله علمونيتور والليله السابقه كنت في حفل رسمي ل World Communication Award2010

وكنت بالبس الكرافته شبه الفراشه لاول مره ومن الغريب كنت اظن ان الراجل اللى استقبلنا وادخلنا القاعه سفرجي وبعد السلام والكلام والتقاط صور لي بالموبايل قام اعطاني البزنز كارد تبعه وانا كمان اذ افجاء انه سيلز مانجر بالشركه و تعرفت على شوية شباب انقليز و تكلمنا على العمل و لندن والسياحه ووقت العشاء المصيبة ان الشراب اغلبها كحول حتى الشكولاته ماكلتش الا سمك معمول بطريقه غريبه علي ملفوف بالخيار وموجود باند غربي وحركات خلصت الحفله ١٢ واضطريت ارجع الفندق مشي وقد كان

[Om Zayd]

***************

وكنت بالبس الكرافته شبه الفراشه لاول مره ومن الغريب كنت اظن ان الراجل اللى استقبلنا وادخلنا القاعه سفرجي وبعد السلام والكلام والتقاط صور لي بالموبايل قام اعطاني البزنز كارد تبعه وانا كمان اذ افجاء انه سيلز مانجر بالشركه

فكرتني بنجيب الريحاني في غزل البنات .. و هو بيحترم كل الموظفين و الشغالين في القصر و ييجي عند الباشا و يتآلط عليه .... فاكره الجنايني

:closedeyes:

رجعت الساعة 12 في البرد ده ... مشي

:unsure:

:sad:

المهم انك بخير

غريبة ان حفلة عارفين ان فيها مسلمين و ما يبقاش فيها حاجات حلال او

vegetarian

تم تعديل 26 نوفمبر 2010 بواسطة Om Zayd