مرة واقف فى حالى

[اسامة يس]

مرة واقف في حالي

عمال اغني ومش على بالي

بأزأز لب وفول سوداني

فجأة يا عيني طرقعت وداني

وعلى افايا ضربني التاني

ايد مخبر ووش شيطاني

كلم الباشا يابن الزاني

انا يا باشا راجل عصامي

يا روح امك انته حرامي

وكلمة تانيه تكون ارهابي

امضي يا مجرم .. انا مش ماضي

آه يا جسمي اه يا عضامي

انا غلبان وبربي عيالي

دار الضرب في جسمي من تاني

خدوه اروموه في الحجز السعادي

مرت ايام كتير وليالي

وتغير الباشا الي اذاني

وجه الجديد ونداني

انته بريء يا بو سامي

احنا خلاص مسكنا الحرامي

من فرحتي جريت مش داري

قرب البيت سمعت مراتي

بتلطم وتقول يلهوتي يا خرابي ...

[الأفوكاتو]

يبدوا يا عزيزى أسامة أن هناك ثأر بايت بينك و بين السلطة و زبانيتها.

نصيحة , إهرب بجلدك.

[ragab2]

موضوع جميل

يا أخى العزيز أسامة

ولكن

عفوا عدلنا العنوان بعد اذنك من .. يالهوتى ياخرابى

الى .. مرة واقف فى حالى .. حتى نرتقى بالعنوان ليناسب هذا الموضوع الجميل

وحتى لا نفاجأ بعضو يكتب عنوان .. يجيلك ويحط عليك .. وكنست عليك السيدة

تحياتى

[اسامة يس]

اخي الكريم ..

بالقطع احترم رأيك ولكني اختلف معك ..

فليس في الأدب ما ذهبت اليه ..

فالعنوان هنا حالة من حالات النص مقصود لذاته ..

مقصود لواقع اليم .

اليس هذا مايحدث بالواق ما لنا نتشدق بالعبارات ونترك واقعنا الاليم ...

شكرا على تعليقك .. وشكرا على اي حال على التنبيه ..

تم تعديل 7 يوليو 2004 بواسطة اسامة يس