حجيت .. لسة .. طب تعالى نعيش سوا... خواطر حاج

[mekkawy]

سلام عليكم

ازيكم يا إخواني الكرام و الأحباب يا أطيب إخوات

اسف إن ليا فترة مبتعد بس مكنتش عارف أدخل المحاورات .. المهم .. ندخل في الموضوع

موضوعنا الجميل البسيط ده للكل

للي حج و عنده خاطرة .. احساس .. فكرة .. مشاعر معينة .. حاجة نفسه يشارك بيها إخوانه

للي ما حجش و بردو عنده خاطرة .. احساس .. فكرة .. مشاعر معينة ..حاجة نفسه يقولها و يحس بيها

هنتكلم عن كل ما حول الحج و قبله و خلاله و بعده و كل أي حاجة تخطر على بال كل أي حد .. موضوع بسيط بس من القلب للقلب ..

اتفضلوا معانا .. في القلب الكبير

مكاوى

[mekkawy]

أبدأ بنفسي و أستعين بالله و أقول

قال سبحانه و تعالى في محكم التنزيل (و أذن في الناس بالحج يأتوك رجالاً و على كل ضامر يأتين من كل فج عميق)

فعلاً و الله سبحان ربي العظيم .. بلاد لم تسمع بها من قبل .. اشكال و ألوان لم و لن تراها الا في الحج .. أعمار لا تتخيل وجودها على الأرض .. شظهور منحنية .. كراسي متحركة .. عجائز طاعنين في السن .. مختلف الالوان و الاشكال من عباد الله الراغبين في رحمة الله!!!

تراهم فتبكي .. ليس لقلبك ولا لعقلك تصريف الا البكاء ..

ياااااااااه يا رب .. كل الناس دي جاية طمعانة في كرمك ..

يااااه يا رب .. هتغفر لكل دول من 1% من الرحمة المخلوقة ..

يااااه يا رب .. هتغفرلي معاهم ؟؟

يااااه يا رب .. كل دول هيتغسلوا و هتنزل على قلوبهم سكينة من عندك .. طب قد ايه يا رب و منين و ازاي؟

طب يا ناس جبتوا الفلوس منين ده انتوا شكلكوا غلابى أوي أوي .. طب قادرين تطلعوا زينا كدة للجمرات و احنا بصحتنا و بنشتكي؟؟

طب أقول ايه و أحس بايه ؟؟

شوية و نيجي

مكاوى

[لماضة مصرية جدا]

السلام عليكم و رحمة الله و بركاته

حمد لله ع السلامة يا حاج مكاوي....و ربنا يتقبل منك و حج مبرور باذن الله

طب ممكن قبل ما نتكلم عن الخواطر اسال سؤال اد النملة

هو انت حاطط التوبيك في استشارات طبية و نفسية ليه؟؟؟

يكونشي قصدك يا مكاوي عشان الحج رحلة انسانية عالية أوي بيلاقي فيها اجابة لكل الاستشارات و الحيرة اللي كان عايش قبلها

طب انا عايزة بس اتلامض عليك

و باذن الله هنرجع نكتب في الموضوع ده

بس حابة اسمع منك الاول

ايه اخبار رحلتك الايمانية يا مكاوي.....لقيتها زي ما وصفناها من قبل؟؟؟و لا لقيتها أحلي؟؟

حمد لله ع السلامة

صباحك ولادة جديدة

[Om Zayd]

جزاكم الله خيرا

و تقبل منكم

كل ما اشوف الحجاج في وقفة عرفات .. أبكي

و احس اني معاهم

نفسي ابقى معاهم

كل سنة حاجة تمنعني

الوم نفسي اني ما اخلصتش النية

يمكن ما اتمنتهاش يصدق

محتارة

اسألك يا رب زيارة بيتك و حجه حجا مبرورا

[se_ Elsyed]

سلامتك يا ميكو ... إنت حاطط الموضوع في باب إستشارات طبية ليه ؟ هههههههههه

أنا هانقله لباب أحوال شخصية ومدنية .....

يالا إحكي بقى

[mekkawy]

سلام عليكم

احساس حابب اشارككم فيه

قبل ما أجي السعودية كان حلم حياتي الحرم زي كل واحد ما جاش الحرم .. أشوف الكعبة و اقرب منها و ألمسها .. أو أطوف مع الناس اللي بتطوف دي.

لما جيت السعودية و جيت الحرم أول مرة ما كانش احساسي عالي زي ما كنت في مصر .. يمكن عشان كنت راكب من الرياض لمكة فتعبت .. أنا اشتكيت من الموضوع ده قبل كدة و تعددت الأسباب

المرة دي غير .. مختلفة تماماً .. اللي اتضحلي ان الفرق هو الفرق بين السنة و الفريضة .. احساسك بالفريضة حاجة تانية خالص

استني كدة اسمع دي ..

لبيك اللهم لبيك .. لبيك لا شريك لك لبيك .. ان الحمد .. و النعمة .. لك و الملك .. لا شريك لك

لبيك اللهم لبيك .. لبيك لا شريك لك لبيك .. ان الحمد .. و النعمة .. لك و الملك .. لا شريك لك

لبيك اللهم لبيك .. لبيك لا شريك لك لبيك .. ان الحمد .. و النعمة .. لك و الملك .. لا شريك لك

اسمع و متع أذنك -----> فضلاً اضغط هنـــــــــــا

مكاوى

[mekkawy]

السلام عليكم و رحمة الله و بركاته

صباحك ولادة جديدة

الله يسلمك يا حاجة لماضة يا رب و يجعله عامر .. هو سيكو ريليتد بردو بس ده كان خطأ مطبعي معلش .. نعيش بأة الولادة الجديدة مع بعض و نسمع منك

سلامتك يا ميكو ... إنت حاطط الموضوع في باب إستشارات طبية ليه ؟ هههههههههه

أنا هانقله لباب أحوال شخصية ومدنية .....

يالا إحكي بقى

اشتغل يا حبيبي اشتغل .. معلش يا ريس غلطة مطبعية و لو انها تنفع و الله بس شاكرين مهللين على النقل .. و أنا فكرته اتغلى كنت لسة هأضيع الحجة عليك :P

مكاوى

تم تعديل 20 نوفمبر 2010 بواسطة mekkawy

[الغريب]

أخي الفاضل مكاوي .. وحشني جدا وسألت عليك هنا

ربنا يتقبل منك ومن جميع الأخوة الحجاج

أما بخصوص موضوع الخواطر فأنا ناوي على الحج الموسم الجاي والله المستعان

بس ديما بييجي على خاطري أن يوم عرفة والحج بصفة عامة هو موسم الكرم، وكرم أكتر من رمضان كمان لأنه كرم ضيافة

وبفتكر كلمة الفضيل بن عياض لما رأى الناس يتضرعون ويبكون في يوم عرفة فقال لهم "أرأيتم لو أن هذا الجمع كان عند ملك من ملوك الدنيا يسألونه دانقا (نكلة) أكان مانعهم ؟؟ فقالوا لا ، فقال أن رحمة الله لعباده وضيوفه في هذا اليوم أهون من الدانق عند الله "

ربنا يتقبل من الجميع ويرزقنا الحج

تم تعديل 20 نوفمبر 2010 بواسطة الغريب

[لماضة مصرية جدا]

السلام عليكم و رحمة الله و بركاته

طب ممكن نرجع لورا حتة صغيرة

فاكرين ايام زمان لما كاونا بيقولوا ان فيه رحلة مدرسية لمدينة القاهرة او الاسكندرية و نبقي احنا من الفرحة كده مش قادرني ننام و عمالين نفكر هناخد معانا ساندوتشات ايه...و هنعمل ايه و هنفرح ازاي

طب

تعالوا نفتكر....اول ما نوينا الحج....يا رتي فكرنا فيه انه برضه رحلة إيمانية ذات مذاق خاص جدا

اذا كنا في رحلات الدنيا بنشيل المتاع علي قلبنا

فالحج كان رحلة بنتجرد منها من كل الشواغل....في ثياب ابسط ما تكون في الظاهر و في الجوهر...القلب مش عايز ينشغل غير بكلمة "لبيك"

عارف يا مكاوي

الكلمة دي لما كنت بسمعها في التلفزيون كنت بتاثر....لكن لما تسمعها و هي طالعة من قلبك في الحج...لازم تبكي

عارف احساس ان فيه حد انت مشتاق عليه اوي....و عايزة تجري عليه اوي...(و لله المثل الاعلي)

عارف احساس انك هتقابل حد و يرد عليك ز يقولك.."لبيك و سعديك"

الكلمة هي اربع حروف صحيح

لكن و انت بتقولها

بتقول....

انا جيت يا رب....

انا اسف يا رب.....

اغفرلي يا رب....

انا كنت تايه يا رب....

انا كنت مشغول عنك يا رب....

انا تعبت بعيد عن طاعتك يا رب....

انا راجع يا رب....

يا رب متردنيش خائب

"لبيك اللهم لبيك"

يااااااه يا مكاوي....هتردنا تاني لحنين...مالوش دوا غير العودة باذن الله

اللهم تقبل...و اكتبهالنامرات عديدة..و اكتبها لكل مشتاق

[لماضة مصرية جدا]

أخي الفاضل مكاوي .. وحشني جدا وسألت عليك هنا

ربنا يتقبل منك ومن جميع الأخوة الحجاج

أما بخصوص موضوع الخواطر فأنا ناوي على الحج الموسم الجاي والله المستعان

ربنا يتقبل من الجميع ويرزقنا الحج

السلام عليكم و رحمة الله و بركاته

استاذنا الغريب

كنت بستمع من فترة حوار مع الاستاذ محمد هداية

و كان بيتكلم ان الحج كمناسك بيبدأ بوقفة عرفة...لكن كرحلة إيمانية بيبدأ من لحظة النية نفسها

و الله اعلم

الشاهد من حوار استاذ هداية...هو الآية القرآنية "فمن فرض فيهن الحج فلا رفث و لا فسوق و لا جدال في الحج"

أي ان من ينوي الحج بيفرضه علي نفسه اي يلزم نفسه به....و لكي يبلغ اجله...عليه ان يتلمس كل طاعة تقربه من غايته...و عليه فهو في حال الحاج من وقت ما نوي و عزم و الزم نفسه بالفريضة...فهو في رحلة نفسية ايمانية تبدا من وقت النية...و يختمها بمناسك الحج في وقته المعلوم و علي الله القبول

و نسال الله ان يكتبها لحضرتك و لك مسلم

و نسالك صالح الدعاء

[عبد الله غريب]

سلام عليكم

احساس حابب اشارككم فيه

قبل ما أجي السعودية كان حلم حياتي الحرم زي كل واحد ما جاش الحرم .. أشوف الكعبة و اقرب منها و ألمسها .. أو أطوف مع الناس اللي بتطوف دي.

لما جيت السعودية و جيت الحرم أول مرة ما كانش احساسي عالي زي ما كنت في مصر .. يمكن عشان كنت راكب من الرياض لمكة فتعبت .. أنا اشتكيت من الموضوع ده قبل كدة و تعددت الأسباب

المرة دي غير .. مختلفة تماماً .. اللي اتضحلي ان الفرق هو الفرق بين السنة و الفريضة .. احساسك بالفريضة حاجة تانية خالص

استني كدة اسمع دي ..

لبيك اللهم لبيك .. لبيك لا شريك لك لبيك .. ان الحمد .. و النعمة .. لك و الملك .. لا شريك لك

لبيك اللهم لبيك .. لبيك لا شريك لك لبيك .. ان الحمد .. و النعمة .. لك و الملك .. لا شريك لك

لبيك اللهم لبيك .. لبيك لا شريك لك لبيك .. ان الحمد .. و النعمة .. لك و الملك .. لا شريك لك

اسمع و متع أذنك -----> فضلاً اضغط هنـــــــــــا

مكاوى

الله الله يا أستاذ مكاوي

ربنا يجعلها حجة مبرورة و تكون زي ما أختنا أستاذة لماضة قالت بداية عمر جديد

و صفحة بيضاء تملاها بالحسنات و الخير انت و كل الحجاج اللي رجعو بالسلامة بإذن الله

[shiko]

....تقبل الله منك يا حج مكاوى ...

وعقبالنا ان شاء الله .....

=====================

على جنب بقى افتكرت اختك شيكو فى الدعاء ولا نسيتنى ؟؟

[mekkawy]

السلام عليكم و رحمة الله و بركاته

من أجمل المعاني في الحج هي أن يوفقك الله لتذكر أحبائك .. فالموقف أعظم من أن يدركه عقل أو يحيط بكل جنباته .. و كل شخص يرسم لنفسه دعوات ثم من جمال الموقف و عظمته ينسى هذه الدعوات و يدعو لنفسه و لغيره بما شاء الله و بما فتح الله عليه من الخير .. و سبحان ربي .. لقد ذكرني ربي بأناس أدعو لهم و سخرني للدعاء لهم ... ناس و الله لو ذكرني أحد بهم ما ذكرتهم.

أصدقاء جامعة فرقتنا الدنيا لسنوات و سنوات .. اصدقاء قدامى .. معارف جدد .. أناس لم أكن لأتذكرهم بمفردي .. قريبون .. بعيدون.. خواص .. عوام .. كل شخص شاء الله أن تكون له دعوة في هذه البقاع الطاهرة.

ع جنب بأة .. جاوبتك يا شيكو؟ :)

مكاوى

تم تعديل 20 نوفمبر 2010 بواسطة mekkawy

[nightmare]

قبل ما اتكلم عن مشاعر الحج وخواطره لدي وهي كثيرة , فيه نقطتين بس احب اقولهم كبداية

أولاً: احاسيس الحاج وقت الحج صعب بل مستحيل على اى حاج مهما كانت بلاغته ان يصل الى درجة وصفها الوصف الأكمل أو الأمثل, والدي كان بيحكيلى كثير ويوصفلى كثير عن الحج, لكن لما حسيته ووضعت في الموقف نفسه, لقيت ان وصف والدي لا يمثل 10% مما شعرت به.

ثانياً: لكل اعضاء المحاورات وزوارها الذين لم يكتب الله لهم حج بيته الكريم الى الآن , اقول لهم لا تحزنوا واعقدوا النية والعزم على الحج في العام المقبل بإذن الله وأذكركم وأذكر نفسي ان اعمار امة محمد صلى الله عليه وسلم قصيرة , ولكن الله عز وجل فضلها بأعمال بسيطة وثوابها عظيم وهناك اعمال في الإسلام تعدل أجر الحج ومنها على سبيل المثال

أولاً: نيَّة الحج والعُمرة نيَّة خالصة صادقة لله تعالى فالمسلم عندما ينوي الحجَّ بنيَّة صادقة خالصة، ولم يذهبْ بعُذْرٍ، فإنَّ الله - تعالى - يكتب له أجْرَ الحَج.

فهذا رسول الله - صلى الله عليه وسلم - عندما رجَعَ من غزوة تبوك ودنا من المدينة قال: (إنَّ بالمدينة لرجالاً ما سِرْتُم مَسِيرًا، ولا قطعْتُم وادِيًا إلاَّ كانوا معكم؛ حَبَسَهُم المَرَضُ) وفي رواية : (حَبَسَهم العُذْرُ) وفي رواية: (إلاَّ شَرَكُوكم في الأجْرِ) رواه البخاري من رواية أنس، ورواه مسلم من رواية جابر، واللفظ له.

ووصفَهم الله - جل وعلا - بقوله: ﴿وَلَا عَلَى الَّذِينَ إِذَا مَا أَتَوْكَ لِتَحْمِلَهُمْ قُلْتَ لَا أَجِدُ مَا أَحْمِلُكُمْ عَلَيْهِ تَوَلَّوْا وَأَعْيُنُهُمْ تَفِيضُ مِنَ الدَّمْعِ حَزَنًا أَلَّا يَجِدُوا مَا يُنْفِقُونَ﴾ [التوبة: 92].

فهنيئًا لكلِّ مَن أخْلَص نيَّته لله - تعالى - وفاز بأجْر الحَج والعُمرة.

ثانيًا: المحافظة على صلاة الفجر في جماعة، واسمع إلى ما قاله النبي - صلَّى الله عليه وسلَّم - في الحديث الذي أخرجه الترمذي عن أبي أُمامة أنَّه قال: (مَن صلى الفجر في جماعة ثُمَّ جلَس يذكُر الله - عزَّ وجل - حتى تطلُع الشمسُ، ثم قامَ فصلى ركعتين، كُتب له أجْرُ حَجَّة وعُمرة تامَّة، تامَّة، تامَّة).

فأين المسلم المحبُّ المشتاق للحَج؟! هذا هو الطريق إلى ثواب الحج؛ فحافظ عليه.

ثالثًا: حضور مجالس العلم في المسجد؛ فقد أخرج الطبراني والحاكم عن أبي أُمامة عن النبي - صلَّى الله عليه وسلَّم - قال: (مَن غدا إلى المسجد لا يريد إلاَّ أن يتعلَّم خيرًا أو يعلمه، كان كأجْرِ حاجٍّ تامًّا حَجَّته).

رابعًا: أداء الصلاة المكتوبة في المسجد؛ فقد أخرَج الإمام أحمد بسندٍ حسن عن أبي أُمامة أنَّ النبي - صلَّى الله عليه وسلَّم - قال: (مَن مَشَى إلى صلاة مكتوبة في الجماعة، فهي كحَجَّة، ومَن مشى إلى صلاة تطوُّع - أي صلاة الضحى - فهي كعُمرة نافلة).

وقد أخرج أبو داود من حديث أبي أُمامة أيضًا أنَّ النبي - صلَّى الله عليه وسلَّم - قال: (مَن خرَجَ من بيته مُتطهِّرًا إلى صلاة مكتوبة، فأجْره كأجر الحاج الْمُحْرِم، ومَن خرَجَ إلى تسبيح الضحى لا يُنْصِبه إلاَّ إيَّاه، فأجْرُه كأجْرِ المعتمِر، وصلاةٌ على أَثَر صلاة لا لَغْو بينهما كتابٌ في عِلِّيين).

فلا تتعجَّب من هذا الأجْر، ولكنَّ العجب كل العجب ممن يتوانَى ويتكاسَل عن هذا الأمر، وانظر عندما يخرج المسلمون من بيوتهم مُتطهِّرين؛ لأداء الصلاة المكتوبة في جماعة في المسجد وفي وقت واحد، وهذا يُشبه خروجَ الحجيج من بيوتهم مُتوجِّهين بقلوبهم وأبدانهم إلى البيت المعظَّم لأداء مناسك الحج.

خامسًا: عُمرة في رمضان، إنْ عجزتَ عن الذهاب إلى الحَج فاجتهدْ أن تعتمرَ في رمضان؛ فإنَّ هذا فيه ما فيه من الأجر؛ فهو يَعدِل حَجَّة مع النبي - صلَّى الله عليه وسلَّم.

فقد أخرج البخاري ومسلم - واللفظ لمسلم - عن عبدالله بن عباس أنَّ النبي - صلَّى الله عليه وسلَّم - قال لامرأةٍ من الأنصار يقال لها: أُمُّ سِنَانٍ: (ما مَنَعَكِ أن تكوني حَجَجْتِ مَعَنا؟!) قالتْ: نَاضِحَان كانا لأَبِي فلانٍ - زوجِها - حَجَّ هو وابْنُه على أحدِهما، وكان الآخر يَسْقِي عليه غُلامُنا، قال: (فعُمْرةٌ في رمضانَ تَقْضِي حَجَّةً، أو حَجَّةً معي) وعن ابن عباس - رضي الله عنهما -: أنَّ النبيَّ - صلى الله عليه وسلم - قال: (عُمْرةٌ في رمضانَ تَعْدِلُ حَجَّةً، أو حَجَّةً مَعِي) متفقٌ عليه.

سادسًا: برُّ الوالدين:عند الطبراني في "الأوسط" والبيهقي في "الشُّعَب" من حديث أنس - رضي الله عنه - بلفظٍ آخر: أنَّه أتَى رجلٌ إلى رسول الله - صلَّى الله عليه وسلَّم - فقال: إني أشتهي الجهاد وإني لا أقدر عليه، فقال له الرسول - صلَّى الله عليه وسلَّم -: (هل بَقِي أحدٌ من والديك؟) قال: أُمِّي، فقال له رسول الله - صلَّى الله عليه وسلَّم -: (فاتَّقِ الله فيها، فإنْ فعلتَ فأنت حاجٌّ ومُعتمِر ومُجاهد)

يتبع مع المشاعر والخواطر بإذن الله

مع تحياتي

تم تعديل 20 نوفمبر 2010 بواسطة nightmare

[arkan]

تقبل الله من الحجيج حجهم وغفر ذنبهم وأخلف نفقتهم

وربنا يكتنبها وييسرها لنا ولكل مشتاق

سبحان الله الواحد قبل الحج بيقعد يرتب انه هيعمل عبادات كثيرة من قراءة قران ودعاء وصلاة ولكن والله الحج فيه عبادات تانية مهمة كأهمية العبادات الفردية

زى تحملك للاخرين

تحمل نوع الأكل وتأخره وعدم الخناق عليه

الصبر على وقفة العربيات اللى مبتتحركش بالساعات

عدم تحقير وازدراء غيرك من الحجاج لو شفتهم بيعملوا غلط

الخناق والزعيق على بعض الامور نتيجة لقلة الصبر

حرصك على ترك المكان نضيف قدر استطاعتك

ربنا من كرمه اختارك ومن كرمه وفقك للعبادة ومن كرمه بيرجعك صفحة بيضا ياترى هنعمل فيها ايه بعد الحج

ربنا يوفقنا ويثتنا على طاعته

اللهم اكتب لنا جميعا الحج والعمرة واجعلنا فيهما من المقبولين

[mekkawy]

أخي الفاضل مكاوي .. وحشني جدا وسألت عليك هنا

ربنا يتقبل منك ومن جميع الأخوة الحجاج

أما بخصوص موضوع الخواطر فأنا ناوي على الحج الموسم الجاي والله المستعان

بس ديما بييجي على خاطري أن يوم عرفة والحج بصفة عامة هو موسم الكرم، وكرم أكتر من رمضان كمان لأنه كرم ضيافة

وبفتكر كلمة الفضيل بن عياض لما رأى الناس يتضرعون ويبكون في يوم عرفة فقال لهم "أرأيتم لو أن هذا الجمع كان عند ملك من ملوك الدنيا يسألونه دانقا (نكلة) أكان مانعهم ؟؟ فقالوا لا ، فقال أن رحمة الله لعباده وضيوفه في هذا اليوم أهون من الدانق عند الله "

ربنا يتقبل من الجميع ويرزقنا الحج

أخويا الغريب

جزاك الله خيراً على المداخلة الجميل دي و اللي فعلاً بتذكرنا بكرم ربنا علينا و إن الله سبحانه و تعالى كريـــــــم لدرجات لا يدركها العقل البشري .. و يا رب يا رب يرزقك الحج و الطاعة و ييسر ليك كل العبادات الصالحة و يبارك بأهلك

مكاوى

[mekkawy]

السلام عليكم و رحمة الله و بركاته

طب ممكن نرجع لورا حتة صغيرة

لكن و انت بتقولها

بتقول....

انا جيت يا رب....

انا اسف يا رب.....

اغفرلي يا رب....

انا كنت تايه يا رب....

انا كنت مشغول عنك يا رب....

انا تعبت بعيد عن طاعتك يا رب....

انا راجع يا رب....

يا رب متردنيش خائب

"لبيك اللهم لبيك"

يااااااه يا مكاوي....هتردنا تاني لحنين...مالوش دوا غير العودة باذن الله

اللهم تقبل...و اكتبهالنامرات عديدة..و اكتبها لكل مشتاق

تصدقي يا مس لماضة انتي جبتي المفيد .. و مفيد المفيد كمان

فعلاً فعلاً و الله يا جماعة .. طول عمر الواحد يسمع التلبية في التلفزيون أو نغمة موبيل .. لكن لما بتقولها حاجة تانية خالص

اللي قالته لماضة كفى و وفى .. التلبية احساس قبل ما تكون مقولة .. احساس بقلبك و جسمك طالع لفووووووووق .. مش ماشي على الارض .. لا .. بتحس فعلاً انك بتطير في سماء العبادة و القرب إلى الله .. جتلك يا رب بكل ما فيا و لما تركز و تسمع المنادي و هو بيقولك لبيك و سعديك .. ياااااه .. احساس عالي أوي و بجد احساس مختلف

يا رب لا تحرمنا حج بيتك الحرام ولا تحرم أحد من المسلمين حج البيت.

مكاوى

[mekkawy]

قبل ما اتكلم عن مشاعر الحج وخواطره لدي وهي كثيرة , فيه نقطتين بس احب اقولهم كبداية

color]

يتبع مع المشاعر والخواطر بإذن الله

مع تحياتي

أخونا أحمد .. لا لا .. أخونا الحج أحمد .. جزاك الله خيراً على تنبيه إخواننا لفرص الحج و العمرة المتاحة لجميع المسلمين .. طبعاً لا تسقط الفريضة ولكنها تعادل الأجر بإذن الله و برحمته بعباده و أجمل ما قرأت في المداخلة هو بر الوالدين .. يااااه .. بلاش بس نتفرع ليه عشان ده موضوع كبير أوي. جزاك الله خيراً يابوحميد

تقبل الله من الحجيج حجهم وغفر ذنبهم وأخلف نفقتهم

وربنا يكتنبها وييسرها لنا ولكل مشتاق

سبحان الله الواحد قبل الحج بيقعد يرتب انه هيعمل عبادات كثيرة من قراءة قران ودعاء وصلاة ولكن والله الحج فيه عبادات تانية مهمة كأهمية العبادات الفردية

زى تحملك للاخرين

تحمل نوع الأكل وتأخره وعدم الخناق عليه

الصبر على وقفة العربيات اللى مبتتحركش بالساعات

عدم تحقير وازدراء غيرك من الحجاج لو شفتهم بيعملوا غلط

الخناق والزعيق على بعض الامور نتيجة لقلة الصبر

حرصك على ترك المكان نضيف قدر استطاعتك

أخويا أركان

جزاك الله خيراً على قائمة العبادات اللي خليني أستلف كلمة من أختنا لماضة و أقول (عبادات منسية) فعلاً الله يكرمك و يبارك فيك دي عبادات كبيرة أوي عند الله و عظيمة جداً و على رأسها الصبر و التراحم .. للأسف الناس بتعمل حاجة تانية و هي التزاحم .. شوف لو شلنا النقطة بس يمكن ندخل بيها الجنة يا رب.

جزاك الله خيراً يا أركان و رفع الله قدرك

مكاوى

[mekkawy]

بسم الله الرحمن الرحيم

خاطرة

ما اتى بك الا ليرحمك

سبحان ربنا العظيم .. أعطى كل واحد من الناس رزقاً مالاً و لم يكن يعلم هذا الشخص أن هذا المال هو مال الحج أو مال شئ آخر .. فمنهم من ادخره للحج و منهم من ادخره للأولاد و منهم من ادخره لرحلة أخرى .. ثم وفق الله الحجاج أن يدفعوا هذا المال في سبيل الله للحج .. و وفقهم و هداهم و أعلمهم أنه قد تحققت لديهم الاستطاعة و لو باليسير .. ثم أتى بهم من كل فج عميق ليشهدوا منافع لهم و يذكروا الله في أيام معلومات معدودات .. أتى بهم من أقصى الارض .. من مشارقها و مغاربها .. أتراه معذبهم؟؟!!

أتى بهم مئات الالاف من الكيلومترات و الله سبحانه لا ليعذبهم ولا ليطردهم .. إنما ليرحمهم .. اعلم ايها الحاج يقيناً أنه سبحانه ما أتى بك ليطردك .. فالله غني عنك و عن مالك .. إنما أتى بك ليرحمك .. و إن عدت في الذنوب فبابه مفتوح لك أينما و وقتما كنت .. أسرح بخيالي و أفكر و يهيئ لي الشيطان ان حجتي غير مقبولة فأعود و أقول ..

رزقني الله هذا المال و قد هيأ لي الاختيار .. كان لدي اختيار أجازة في بلدي مع عائلتي في العيد و فسحة جميلة و ايام و تنقضي و كان لي اختيار الحج .. كمان كان هذان الاختياران لكل شخص .. دائماً هناك اختيار .. و الله يوفقك للاختيار الذي فيه الخير لدينك و لدنياك .. فالحمد لله و كفى بها نعمة

فمن هنا تتضح لنا أنواع الهداية .. أنها هداية توفيق و هداية ارشاد .. فالله وفقك أولاً الى الاختيار الصحيح ثم أرشدك الى الطريق لهذا الاختيار .. أتعلمون أمراً

الحمد لله أن الله هو الله ربنا

مكاوى

[نوارة]

ha) حج مبرورورورورورور تقبل منكم الله صالح الاعمال

بس ليه....ملاحظة...هو لما ربنا بيفتح على قلب العبد ....متهيالى انه ملوش علاقة بفرض او نفل....بس الفتح بيكون فى الوقت الى بيريده هو انه يفتح على العبد ..نفسه...بالقرب منه ....

ورئية الكعبه لها.....وقع غريب على النفس......بيشعر فيها العبد انه عند الله فى بيته...وطول النظر ليها عبادة......المهم فعلا تقبل الله منك صالح العمل ونور ليكم الطريق بنوره وهديه ....تقبلوا منا..كل التحيات

دى مجرد تهنئه بالحج:D