انت بتاكل بسرعة ولا ببطيء ؟؟؟

[اغابي]

انت بتاكل بسرررررعة

ايوه

؟

ولا

؟؟

لاءة

؟؟

يبقى مش انا لوحدى بقى

لانى فى الاغلب باكل بسرعة اوى جدا - ودايما دماغى مشغولة

وورايا كذا حاجة عاوزة اعملها ومش بفتكر غير على الاكل علشان كدا

باستعجل فى الاكل واكل بسرعة اوى

الا لو يعنى - فى ضيووووف - باكل ببطيء شوية علشان ما اقومش قبلهم من على السفرة

الأكل بسرعة يضر المعدة ويسبب البدانة

أفادت دراسة حديثة نشرتها الدورية الأميركية للأشعة أن تناول الأطعمة بشكل سريع يؤدي إلى السمنة المفرطة.

وقد يؤدي أيضاً إلى شلل جزئي بالإضافة إلى الإصابة بالغثيان والقيء المتكرر كما انه قد يضطر المريض لاستئصال جزء من المعدة.

ووجه الباحثون نقداً لاذعاً للمشرفين على المسابقات المخصصة للأكل السريع والتي يتنافس المتسابقون فيها على أكل أكبر كمية من اللحوم في أقل وقت أو شرب العصائر أو ما شابه، مؤكدين ان لمثل هذه المنافسات أثراً سلبياً على الصحة.

وأكدت الدراسة: ان الأكل بشكل سريع والمنافسة في هذه المسابقات هو شكل من أشكال التدمير الذاتي الذي يقوم به الفرد دون علمه بعواقب ما يفعله وتأثيره في جسمه.

ويقول الدكتور مارك ليفين من جامعة بنسلفانيا: «إن ضعف قدرة المعدة على العمل بشكل صحيح هي حالة يمكن ملاحظتها عند أولئك الذين يأكلون بسرعة لفترات طويلة، فالمعدة تتوقف عن الانقباض كما تزداد عملية البلع صعوبة ما قد يتسبب بقرحة في المعدة أو ربما سرطان».

وتؤدي بعض المنافسات إلى حدوث جروح داخلية في الجهاز الهضمي لدى الشخص المنافس».

[رونا]

اية الحل فى الحالة دى

انا باكل بسرعة وبشرب بسرعة جدا

[Dreamwithme]

أعتقد إن الكلام اللي في الخبر ينطبق علي السرعة الشديدة في الأكل

زي ما بيقول الخبر اللي بتبقي في مسابقات الأكل

لكن مش السرعة العادية اللي بعضنا بيأكل بيها

أنا أعتبر بأكل بسرعة مش قوي بس بسرعة

والعكس باشرب ببطء شديد جدا

أعتقد إن المهم الواحد يأخد باله من كمية الأكل اللي بيأكلها وطبعا النوعية

ويأخد باله من أنه يمضغ كويس قبل البلع

وهو هيبقي زي الفل إن شاء الله

ع فكرة يا أغابي الأكل وذهنك مشغول بالتفكير في حاجات عايزة تعمليها خطر

وممكن يؤدي لعسر في الهضم أو قرحة أو قولون عصبي

حاولي تدي كل حاجة وقتها

الأكل له وقت والتفكير له وقت

[shiko]

باكل ....بسرررررررررررعة ....موش معقولة ....

واول واحدة اقوم من على السفرة ...

ويعزى بهذه السرعة إلى القوانين الوضعية التى اوجدتها جدتى رحمة الله عليها ....:closedeyes:

للى هايقوم اخر واحد هو اللى هايشيل كل الاطباق من على السفرة

تم تعديل 22 نوفمبر 2010 بواسطة shiko

[تامر مصطفى]

انا باكل ببطء

ومع ذلك لحقتني البدانه

[ذهبية]

باكل بسرعة جدااا لانى سريعة فى كل حاجة

الله يطمنك يا اغابى عرفت السر ليةمش باخس حتى لو عملت رجيم

طيب لو كلت ببطىء تفتكرى ممكن اخس لوحدى من غير رجيم ;)

[اغابي]

رونا

وتامر

Dreamwithme

وشيكو

وذهبية

شكرا لمروركم ومشاركتم

المفاجاة بقى انى مش تخينة ولا حاجة

ومع ذلك باكل بسرررررة جدا

فمش عارفة هو انا لو يعنى اكلت ببطء ممكن اخس

بس اللى انا متاكدة منه جدا ان اللاكل بطريقة سريعة ممكن يعمل عسر هضم ويتعب معدتى ودى فعلا بتحصلي - حقيقي

يبقى الافضل ومن هذا المكان ننطلق بحملة توعية اننا نشجع بعض وناكل ببطيء شوية

معا لمعدة افضل

اغابي