كوم تراب

[أشرف محمد شلقامي]

كوم تراب

لإنه كان من غير أساس

لإنه طوبه .. نصه نى ونصه شاب!

لأن البنّا كان غشيم

بقى كوم تراب

فمكنش لازم تيجى ريح

عشان فى يوم يصبح هدد

مش بالعدد ..

طوب الحيطان مش بالعدد

الحسبة ليها حسبة تانى

ومونة تانى .. وبنّا تانى

والأساس ..

كان فى الأساس عايز مدد

والمدد ..

حلم لسه مجاش أوانه

وهايجى يوم وهايتولد

ولاّ يمكن جه وفات

ولما ملقاش اللى يحلم

طق مات

****

ف الخلا..

أنا وأبويا والعيال والجيران

فارشين همومنا فى الخلا

وعلى الملا..

فاردين كفوفنا للسما

لحين تمطر بالحلول

لكن السما

بينها وبينا ألف ميل

والخطوة فينا مقيدة

لكن القمر

واقف فى وشه ألف ليل

وألف غيمة مسوّدة

وحلمنا وف عز طلقه

والعنين مفروشة للىّ ها يتولد

وتقول خلاص..

بيجى الكابوس فوق الخلاص

ويفطسوا

وبعدما يطلّع لسانه للملا

بيقولنا : قولوا ولاّ اخرسوا

مفيش ميلاد

ومفيش ولد

****

خيال مقاته أبويا كان

مزروع بخوفه ف قلب ليل

والعتمة حالفة ميت يمين

ما تسيب فى راسه شعرة سودا

الكابوس فارد وعارف

حجم حلمه اللى اتوأد

البيت يابويا خلاص وقع

أنا والعيال.....

ماسكين فى طرف هدوم أبويا

وأمى بتنفخ فى الرماد

على وهم نار

على وهم نار تخبز عليها للعشا

طبلية جوّا أربع حيطان

وحكاوى عن شاطر حسن

وكلام تقولو بشوق لابويا

ساعة صفا..

بعد ما تنام العيال

مسكين يابويا

الوجع جوانا اكبر من ضلوعنا

ومن العديد ومن دموعنا

****

مرهم كلام الصبر نار

وجروحنا لسه مفتحة

ومقيحة

ماتقولش فيه بكره الشفا

لازم يابويا..

تعجن فى طينة شكل تانى

مش ها ينفع صبر تانى

وكوم وعود ملوش حدود

سيبك إنت من الأمانى

لازم يابويا..

تعجن فى طينة من تراب

مادستش فوقه خيل تتر

تراب يكون..

تراب يكون متين واصلب من الحجر

واعجن بدمى المونة

برضة مش مهم

افرد ضلوعى وعضمى كله فى الأساس

خلّيه يُرّم

لكن المهم والأهم

البنّا مايكنش غشيم

البنّا

ما يكنش غشيم!!!!!!

[Howayda Ismail]

قصيدة تفاؤل وامل

اذا الشعب يوما اراد الحياة

فلا بد ان يستجيب القدر

ولابد لليل ان ينجلي

ولابد للقيد ان ينكسر

ومن لم يعانقه شوق الحياة

تبخر في جوها واندثر

كذلك قالت لي الكائنات

وحدثتني روحها المستتر

ودمدمت الريح بين الفجاج

وفوق الجبال وتحت الشجر

اذا ماطمحت الى غايه

ركبت المنى ونسيت الحذر

منقول

[أشرف محمد شلقامي]

Hend ali / السلام عليكم ورحمة الله

يحق لكل متلق أن يري النص بعينه هو ، لا كما يري كاتبه ، ولا يمتلك كاتبه إحتكار الحقيقة

وليس كل ما يقصده كاتب النص ، يصل إلي قارئه ، وليس كل فهم للقاريء كان الكاتب يقصده

ويبقي بين السطور ما هو أبلغ وأعمق

لك خالص ودي وتقديري واحترامي ومحبتي

تم تعديل 21 نوفمبر 2010 بواسطة أشرف محمد شلقامي

[Simba]

مرهم كلام الصبر نار

وجروحنا لسه مفتحة

ومقيحة

جميلة

تحياتي

[طه بدر]

الف اهلا يااستاذ اشرف بك فى المحاورات

فينك من زمان

وهدية متواضعة منى هذا الموضوع المنشور منذ مدة فى المحاورات

My link

تقبل تحياتى وفى انتظار المزيد والمزيد

تحياتى مرة اخرى

[أشرف محمد شلقامي]

الفاضل الكريم / سمبا

السلام عليكم ورحمة الله

شفا الله كل الجروح ، جروح الجسم وجروح الروح

تقبَّل خالص شكري وتقديري وودي ومحبتي

[أشرف محمد شلقامي]

استاذي الفاضل الكريم / السلام عليكم ورحمة الله وبركاته

.... أخبرني منذ عام مضي أحد الذين عندهم ( نت ) في قريتنا ، أخبرني بأن ( كوم تراب ) قصيدتي التي

سمعها مني ، قد شاهدها علي أحد المواقع أو المنتديات واسم هذا الموقع أو المنتدي ( محاورات المصريين )

وأن من تكرَّم وشرَّفني بنقلها إلي هذا الموقع هو الأستاذ ( بدر طه ) ، وأنه قال كلاماً طيبا في حق

القصيدة وكاتبها. ...

كنت ساعتها يا سيدي لا أمتلك جهاز كمبيوتر ، فاستعنت بالله وعملت ( جمعية مع موظفين زملاء !!!)

واشتريت كمبيوتر ، واشتركت بوصلة ( نت ) وحاولت كثيرا التسجيل في ( محاورات المصريين ) ولكني فشلت ،

لجهل مني ولأسباب قد لا أعرفها ، وأخيرا تمكنت من التسجيل ، لأرد لكم بعض الجميل .

نعم أستاذ / بدر ، كنتم أنتم السبب الأول في فكرة شراء الكمبيوتر والإشتراك بوصلة ( نت ).

مقدمة كان لابد منها ، وبقي أن أجتهد واقرأ كل قواميس الشكر والإمتنان لأستخلص جُملاً وعبارات

قد تفي بشكركم علي ما تفضلتم به قبل عام من كلامطيب ورائع وجميل ، ويبقي أن أراكم في معرض الكتاب

إن شاء الله .