الخوف ... من دعوة للأبتسام الي موضوعات جادة

[جويرية]

هذا الموضوع

بناويت زي العسل

اذا اتكلمنا عنه في موضوعات جادة

و بالأحصائيات النساء اللي بيعانين من الخوف المرضي او نوبات الهلع هما ضعف عدد الرجال

اما آن الأوان ان النساء يلاقوا معاملة تختلف عن الرجال ، معاملة يتفق مع طبيعتهم ، ابتداء من التربية ثم التعليم ثم العمل ، وفي كل مناحي الحياة

[جويرية]

النساء اللي حينجحوا في المقاعد اللي خدوها بوضع اليد ، قصدي كوتة المرأة

انا نفسي اطلب منهم شوية مطالب لما ربنا يكرمهم و ينجحوا

اول المطالب دي ان يبقي في لائحةعمل للموظفات تختلف عن الموظفين

يعني مثلا شرط ان عدد ساعات العمل 7 ساعات ده يبقي للأناث كفاية ساعتين اوي

و برضو مواعيد الأجازات تبقي مفتوحة ، اي يوم عايزة تغيب و مترحوش الشغل يبقي برضو من حقها ،

و برضو من حقها تاخد اولادها معاها الشغل ، عشان في الحضانة المشرفات بيضربوا العيال و بياكلوا منهم السندويتشات ، يبقي ممكن المرأة العاملة تقديرا لظروفها تاخد الولد معاها و مفيش مانع لو عندها ضغط شغل ولا حاجة العميل اللي بيتعامل مع البنك مثلا ممكن يشيل لها العيل لغاية ما تخلص له الأجراء المطلوب ، و اهو برضو الناس لبعضها

و انتظروني لغاية ما افكر في طلبات تانية عشان النوايب الجداد

[arkan]

لو عملوا الخير يبقى يساعدوا النساء المعيلات للحصول على وظائف او عمل مشاريع والنساء دول عندهم استعداد يشتغلوا اكتر من الرجال .. بس يشتغلوا

نحياتي

[Simba]

يعني مثلا شرط ان عدد ساعات العمل 7 ساعات ده يبقي للأناث كفاية ساعتين اوي

ده كتير والله

كفاية عليهم يبقوا يتصلوا كل يوم يطمنوا الرؤساء انهم لسه علي قيد الحياة

مش عايزين نتعبهم :closedeyes:

[pink rose]

النساء اللي حينجحوا في المقاعد اللي خدوها بوضع اليد ، قصدي كوتة المرأة

انا نفسي اطلب منهم شوية مطالب لما ربنا يكرمهم و ينجحوا

اول المطالب دي ان يبقي في لائحةعمل للموظفات تختلف عن الموظفين

يعني مثلا شرط ان عدد ساعات العمل 7 ساعات ده يبقي للأناث كفاية ساعتين اوي

و برضو مواعيد الأجازات تبقي مفتوحة ، اي يوم عايزة تغيب و مترحوش الشغل يبقي برضو من حقها ،

و برضو من حقها تاخد اولادها معاها الشغل ، عشان في الحضانة المشرفات بيضربوا العيال و بياكلوا منهم السندويتشات ، يبقي ممكن المرأة العاملة تقديرا لظروفها تاخد الولد معاها و مفيش مانع لو عندها ضغط شغل ولا حاجة العميل اللي بيتعامل مع البنك مثلا ممكن يشيل لها العيل لغاية ما تخلص له الأجراء المطلوب ، و اهو برضو الناس لبعضها

و انتظروني لغاية ما افكر في طلبات تانية عشان النوايب الجداد

اختي يا جويرية الله يرضى عليكي

هو كلامك دا جد و لا هزار ؟؟؟؟؟؟؟؟؟

بدل 7 او 8 ساعات تشتغل ساعتين؟

الاجازات مفتوحة؟

تاخد العيال الشغل؟

العميل يشيلها العيل لحد ما تخلص طلبه؟

و على ايه التعب دا يا بنتي ما ترتاح في بيتها احسن و الله بدل مرمطة المواصلات عشان ساعتين عمي رايحة ترضع فيهم عيالها في الشغل او تغيرلهم البامبرز

[لماضة مصرية جدا]

السلام عليكم و رحمة الله و بركاته

استاذتي جويرية....(مبروك انك طلعتي من بدلة الاعدام الحمرا.... )

عمالة اقرا عنوان التوبيك رايح جاي....و حاسة المشرفين مرة شايلينه من اوضة "أوضة للابتسام"....و مرة تاني..."بيجروا بيه علي "أوضة الموضوعات الجادة"

بس في كلام حضرتك عن المراة العاملة مش عارفة ليه افتكرت دي

ايون انعام سالوسة في فيلم الارهاب و الكباب....بس يا خسارة مش لقيت اللقطة اللي كانت بتتكلم فيها في التليفون و بتعمل بسلة في نفس الوقت....و بعدين حباية بسلة راحت نطت و اتشعلقت علي قمة القمطة الظريفة دي اللي هي ضارباها علي راسها

و حضرتك طالبتي ..."النوايب"...بمرونة في اتاحة المجال للمراة انها تزق كتف مع الراجل في الكفاح و العرق و كده يعني

و رصيتي مجموعة من المطالب اللي بتخلي المرأة العاملة تمسك بعجلة التنمية في ايد....و بكبشة الملوخية بالايد التانية

مختلفة و متفقة مع حضرتك

متفقة علي المبدا الجميل اللي حضرتك حطيتيه في اول مداخلة

اما آن الأوان ان النساء يلاقوا معاملة تختلف عن الرجال ، معاملة يتفق مع طبيعتهم ، ابتداء من التربية ثم التعليم ثم العمل ، وفي كل مناحي الحياة

متفقة مع حضرتك ان طبيعة المراة مختلفة تماما عن طبيعة الرجل...و بكره اي حد (اه عنصرية جدا...معلشي)....لا الست تنفع تعمل كل حاجة....لا فيه حاجات مش لينا بنقاوح ليه

متفقة ان فيه قوانين كتير ع فكرة موجودة تصب لمصلحة المراة العاملة لكنها للاسف غير مفعلة

متفقة مع حضرتك ان العمل في القطاع الخاص للمراة مجهد جدا و يتنافي مع اولويات اسرتها و لازم من ضغط مجتمعي عشان يبقي فيه تحجيم لنفوذ صاحب العمل...

متفقة مع حضرتك ان الضغط المجتمعي لازم يجي من الاصوات النسائية اللي المفروض عايشة التجربة...و تكون في اجندة الاصلاح لديها هذه الاولويات

متفقة مع حضرتك....ان هناك اعباء كتيرة جدا ع المراة العاملة (يعني انا بطولي...و حاسة اني جالي هس هس...اومال لو معايا عيل و وخداه معايا الشغل....تقريبا ممكن احط البامبرز في الفايل و الف التقل البري ء ب الدوكيومنت)

و متفقة جدا مع وجهة نظر تانت أركان.....البدء بالمرأة المعيلة....موضوع هام جدا...و منتشر جدا في مصر

ع الناحية التانية

مختلفة مع حضرتك

مختلفة مع حضرتك في كل المطالب اللي طالبتي بيها لل..."نوايب"

لانها ببساطة الرد بتاعها....لو انا صاحب عمل...."و انا ايه اللي يجبرني علي كده؟؟؟"

سوق العمل عرض و طلب....

و بعدين العلاقة كده اتلخبطت خالص....لما ميبقاش فيها اي جانب تنظيمي...غياب...او حضور....او اصطحاب الفاموليا للعمل؟؟؟؟

خليني اقول

ان المرأة لما بتوصل لمكانة معينة....تمكنها من طرح شروطها علي صاحب العمل...يبقي ساعتها حدثي و لا حرج و اعرف كثير من السيدات وصلوا للمرحلة دي....(اوعدنا يا رب)

الحل التاني من وجهة نظري....و بشوفه جدا في بلاد بره....ليه ميبقاش فيه مهنة منزلية....يعني تستطيع المرأة القيام بيها من البيت

علي سبيل المثال...اعرف صديقة بتشتغل في ترجمة النصوص و الاحاديث القرانية و تعاملها اونلاين

فيه بدايل كتير ع فكرة

بس المهم نحط ايدينا البداية فين

و دي وجهة نظري

شكرا لحضرتك

و تقبلي مروري

مسااااكي رضا...و من غير حباية البسلة

سؤال ع هامش حقوق المراة

حضرتك بتشتغلي....(اسفة و الله مش قصدي اتطفلو ليكي حرية عدم الرد)

تحياتي

[لماضة مصرية جدا]

النساء اللي حينجحوا في المقاعد اللي خدوها بوضع اليد ، قصدي كوتة المرأة

معلشي سؤال ع الهامش

هو يعني ايه الكلمة اللي فوق ديت....انا قريتها قوة المرأة....مش فهمتها....معلشي!!!

لماضة....(وش عيل بليد في النحو و البلاغة وكده يعني)

شكرا

[لماضة مصرية جدا]

ريمو لمت التعابين و قالت

و على ايه التعب دا يا بنتي ما ترتاح في بيتها احسن و الله بدل مرمطة المواصلات عشان ساعتين عمي رايحة ترضع فيهم عيالها في الشغل او تغيرلهم البامبرز

ايه ده يا ريموز

يعني لو بشتغل مثلا في موبينيل و لا اتصالات في خدمة العملاء

اقولهم ايه بقي و انا برد عليهم

عزيزي العميل

معاك خدمة

غيرلي شكرا

يا جدعان حدي ينيمني يا جدعان

طب طلعوني من هنا

ليه كده يا استاذة جويرية....دلوقتي كل السوالم يشيلوا الشوم و يجوا حدانا هنا و هاتك يا نأورة للصبح

اه يا معاميعي...يااااانا

اروح انا ازاي دلوقتي اجتماع جمعية المراة المتوحشة؟؟؟؟

اقول لحضرتك ايه

ربنا يسعد قلبك...

[مغتربة]

هو انت متاكده انك حاطه الموضوع فى موضوعات جاده

اصل انا شايفه ان احنا لسه مطلعناش من باب دعوه للابتسام

:closedeyes: :closedeyes:

[جويرية]

لو عملوا الخير يبقى يساعدوا النساء المعيلات للحصول على وظائف او عمل مشاريع والنساء دول عندهم استعداد يشتغلوا اكتر من الرجال .. بس يشتغلوا

نحياتي

ما هوه مفهوم المرأة المعيلة ده مفهوم جديد برضو ، ده المرأة في الأصل مش مكلفة تنفق علي نفسها

لكن مع نفقات ما يسمي بالتعليم اللي بياخد دخل الأسرة كلها ، اصبح الجد او العم غير قادرين علي الأنفاق علي الطفل اليتيم

[جويرية]

يعني مثلا شرط ان عدد ساعات العمل 7 ساعات ده يبقي للأناث كفاية ساعتين اوي

ده كتير والله

كفاية عليهم يبقوا يتصلوا كل يوم يطمنوا الرؤساء انهم لسه علي قيد الحياة

مش عايزين نتعبهم :closedeyes:

طيب و ايه ذنب الستات ان هما يصتبحوا بصوت المدير الصبح ، الأفضل ان يتبعت ليهم المرتب علي البيت اول كل شهر

كان فيه مشروع قانون ان النساء يطلعوا معاش في سن 50 تقريبا ، بصراحة قانون جميل لأن الستات صحيا مش بيتحملوا العمل لغاية 60 ، و بيضغطوا علي نفسهم عشان ياخدوا المعاش كامل

[جويرية]

اختي يا جويرية الله يرضى عليكي

هو كلامك دا جد و لا هزار ؟؟؟؟؟؟؟؟؟

بدل 7 او 8 ساعات تشتغل ساعتين؟

الاجازات مفتوحة؟

تاخد العيال الشغل؟

العميل يشيلها العيل لحد ما تخلص طلبه؟

و على ايه التعب دا يا بنتي ما ترتاح في بيتها احسن و الله بدل مرمطة المواصلات عشان ساعتين عمي رايحة ترضع فيهم عيالها في الشغل او تغيرلهم البامبرز

1

محدش بيقدر ياخد قرار انه يسيب شغله ، مهما كانت المساوئ ، صعب الواحد يتعود علي دخل معين و بعدين يتنازل عنه

العيب علي الحكومة اللي من الأول بتشغل الستات

[جويرية]

السلام عليكم و رحمة الله و بركاته

استاذتي جويرية....(مبروك انك طلعتي من بدلة الاعدام الحمرا.... )

عمالة اقرا عنوان التوبيك رايح جاي....و حاسة المشرفين مرة شايلينه من اوضة "أوضة للابتسام"....و مرة تاني..."بيجروا بيه علي "أوضة الموضوعات الجادة"

بس في كلام حضرتك عن المراة العاملة مش عارفة ليه افتكرت دي

و عليكم السلام و رحمة الله و بركاته

شكلي يا لماضة حرجع للبدلة الحمرا تاني هههههه

و برضو الموضوع ده شكله حائر زي موضوع الحمير ، ومش عارفة مكانه فين

ان حعمل مسابقة اللي يعرف يصنف مواضيعي تتحط فين

[جويرية]

رصيتي مجموعة من المطالب اللي بتخلي المرأة العاملة تمسك بعجلة التنمية في ايد....و بكبشة الملوخية بالايد التانية

ههههههههههه

وكمان لو مسكت كبشة الملوخية بالأيدين الأتنين و سابت عجلة التنمية ده حيكون احسن ، ده اذا كانت لسة موجودة عجلة التنمية

[جويرية]

المرأة لما بتوصل لمكانة معينة....تمكنها من طرح شروطها علي صاحب العمل...يبقي ساعتها حدثي و لا حرج و اعرف كثير من السيدات وصلوا للمرحلة دي....(اوعدنا يا رب)

الحل التاني من وجهة نظري....و بشوفه جدا في بلاد بره....ليه ميبقاش فيه مهنة منزلية....يعني تستطيع المرأة القيام بيها من البيت

تصوري رغم حركة تشغيل المرأة دي اللي بدأت من الخمسينات تقريبا ، مفيش اي مهارة حقيقة بيعلموها للستات ،

جميلة جدا المهن المنزلية ، بس اظن مش حيبقي ليهم قدرة علي التنافس ، يعني الحاجات اللي في السوبر ماركت اسعارها ارخص ، صحيح هيا مضروبة وكلها مواد حافظة ، بس اهي الناس عايزة تأكل العيال وخلاص

حضرتك بتشتغلي....(اسفة و الله مش قصدي اتطفلو ليكي حرية عدم الرد

كنت بشتغل و استقلت

تم تعديل 24 نوفمبر 2010 بواسطة جويرية

[Simba]

المفروض الادارة تعمل باب اسمه موضوعات هزلية :protest:

للمواضيع دي

[جويرية]

النساء اللي حينجحوا في المقاعد اللي خدوها بوضع اليد ، قصدي كوتة المرأة

معلشي سؤال ع الهامش

هو يعني ايه الكلمة اللي فوق ديت....انا قريتها قوة المرأة....مش فهمتها....معلشي!!!

لماضة....(وش عيل بليد في النحو و البلاغة وكده يعني)

شكرا

و انا لغاية دلوقتي مش فاهمة يعني ايه كوتة

هما بيستخدموا اللفظ ده علي الستات اللي حياخدوا مقاعد بوضع اليد في مجلس الأنس اللي هوه مجلس الشعب

هما بيحبوا يجيبوا ألفاظ غريبة كدة كل مدة ، الناس تخاف من اللفظ يقولوا ايه الحاجة دي اللي مش فاهمينها

[جويرية]

هو انت متاكده انك حاطه الموضوع فى موضوعات جاده

اصل انا شايفه ان احنا لسه مطلعناش من باب دعوه للابتسام

:closedeyes: :closedeyes:

الأستاذ سمبا بيقول يتعمل باب اسمه مواضيع هزلية ، ده للمواضيع اللي محدش عارف يصنفها هيا جادة ولا في دعوة للأبتسام

ده اللي بيقولوه عليه الكومديا السوداء

ههههههههه

[Howayda Ismail]

النساء اللي حينجحوا في المقاعد اللي خدوها بوضع اليد ، قصدي كوتة المرأة

انا نفسي اطلب منهم شوية مطالب لما ربنا يكرمهم و ينجحوا

اول المطالب دي ان يبقي في لائحةعمل للموظفات تختلف عن الموظفين

يعني مثلا شرط ان عدد ساعات العمل 7 ساعات ده يبقي للأناث كفاية ساعتين اوي

و برضو مواعيد الأجازات تبقي مفتوحة ، اي يوم عايزة تغيب و مترحوش الشغل يبقي برضو من حقها ،

و برضو من حقها تاخد اولادها معاها الشغل ، عشان في الحضانة المشرفات بيضربوا العيال و بياكلوا منهم السندويتشات ، يبقي ممكن المرأة العاملة تقديرا لظروفها تاخد الولد معاها و مفيش مانع لو عندها ضغط شغل ولا حاجة العميل اللي بيتعامل مع البنك مثلا ممكن يشيل لها العيل لغاية ما تخلص له الأجراء المطلوب ، و اهو برضو الناس لبعضها

و انتظروني لغاية ما افكر في طلبات تانية عشان النوايب الجداد

وعلى ايه ياجويرية ده كله ماتقعد فى بيتها افضل ويدوها اعانة كمان ماهو تشتغل عدل

ياتقعد فى بيتها احسن وتسيب فرصة للشباب العاطل اللى مش لاقى شغل

بصى هو فى نظام دلوقت مش بطال فى بعض الوظائف وخاصة الحكومية صديقتى مهندسة فى الحى

بتشتغل 3 ايام فى الاسبوع وبتقعد 3 ايام لان معاها بيبى صغير وطبعا بتقبض نصف الاجر لانها

مش عاوزة تعمل زى زميلاتهاالاسم انهم شاغلين وعلى نص اليوم يزوغوا او يتهربوا من الشغل

كمان فى بعض المدارس بتطبق نفس النظام المدرسة بتشتغل نصف حصصها بنصف الاجر

ماهو مش معقولة واحدة حتنزل ساعتين مواصلات عشان تشتغل ساعة تصفصف معاها على ربع ساعة انتاج

[Howayda Ismail]

النساء اللي حينجحوا في المقاعد اللي خدوها بوضع اليد ، قصدي كوتة المرأة

انا نفسي اطلب منهم شوية مطالب لما ربنا يكرمهم و ينجحوا

اول المطالب دي ان يبقي في لائحةعمل للموظفات تختلف عن الموظفين

يعني مثلا شرط ان عدد ساعات العمل 7 ساعات ده يبقي للأناث كفاية ساعتين اوي

و برضو مواعيد الأجازات تبقي مفتوحة ، اي يوم عايزة تغيب و مترحوش الشغل يبقي برضو من حقها ،

و برضو من حقها تاخد اولادها معاها الشغل ، عشان في الحضانة المشرفات بيضربوا العيال و بياكلوا منهم السندويتشات ، يبقي ممكن المرأة العاملة تقديرا لظروفها تاخد الولد معاها و مفيش مانع لو عندها ضغط شغل ولا حاجة العميل اللي بيتعامل مع البنك مثلا ممكن يشيل لها العيل لغاية ما تخلص له الأجراء المطلوب ، و اهو برضو الناس لبعضها

و انتظروني لغاية ما افكر في طلبات تانية عشان النوايب الجداد

اختي يا جويرية الله يرضى عليكي

هو كلامك دا جد و لا هزار ؟؟؟؟؟؟؟؟؟

بدل 7 او 8 ساعات تشتغل ساعتين؟

الاجازات مفتوحة؟

تاخد العيال الشغل؟

العميل يشيلها العيل لحد ما تخلص طلبه؟

و على ايه التعب دا يا بنتي ما ترتاح في بيتها احسن و الله بدل مرمطة المواصلات عشان ساعتين عمي رايحة ترضع فيهم عيالها في الشغل او تغيرلهم البامبرز

انا رديت ياريمو من قبل مااشوف مداخلتك والظاهر فى توارد خواطر والافكار واحدة