فيروز واللعب مع الكبار - خمسة وخميسة

[R.M.G.]

قصيده للتعبير عن فرحتنا

يا فيروز يافيروزة المكان

ياواخده في المنتدى دكان

يا فارسه اللي بالي بالك

اللي مش بيشجع الزمالك

وطالعة م الخمسه اللي فوق

يا أصيله ياكامله ياذوق

ياسفيرة الجنس الناعم

والكل جنبك براعم

إلهي ربنا مايجعللك زي

تشوفيلنا واسطه في الحي

حي البساتين ودار السلام

وحاكتب لك أحلى كلام

كلام منزه عن أي سبب

مش زي عمو سميررجب

وكلمة حق:غيرك مافيش

لا سي سيد ولا حشيش

مهما روحتو ولا جيتو

فيروزه معاها حق الفيتو

مع الأعتذار للأخ سي السيد والأخ حشيش اللي خلاني قعدت تلات ايام امسح له جوخ وانتضح انه لا حيمسك رئيس ولا دياولو

والأخ سي السيد كنت ماشي وراه على اعتبار انه مشرف أد الدنيا وممكن يخدمني في موضوع بطاقةالتومين لغاية ماانتضحلي انه موريونير وعنده ايشي فلل وايشي عربيات يعني م الآخر مايعرفش حاجة عن الكواحيل الغلابة

ربنا يوفقك ياست فريوز ويسدد خطاكي ويكفيك شر الحسد واكتبي في التوقيع بتاعك :العين صابتني ورب العرش نجاني

[MuslimaEgyptian]

مسلمة إيجيبشان اللي قالت " هانكتب لك مداخلات ونبعتهالك وإنتي تبوستيها " أهي الكلمة الأخرانية دي قعدت فيها ساعة عشان اعرف يعني إيه ..

ما حضرتك لو كنت لجأت لمعجم "وحيده" يا أخ سى السيد مكنش كل ده حصل

(مرفق بالمنتدى أحدث طبعه)

cr((:

انا ان شاء الله هاطلع اجازه الاسبوع اللى جاى .. مرسى مطروووووح

أما عن الأخت العزيزه فيروز، فأشارك الأخوات مشاعرهن تجاهها وأفتقدك وإنت غائبه عن المنتدى htr:: cr((: ولازم نفكر فى مخطط لكى نطمئن على إبقاء مكانك بالقائمه وإنت فى مرسى مطروح..لازم يعنى تسافرى، هناك أولويات وأديكى شايفه اللى عينهم على القائمه كتير

[se_ Elsyed]

يُغلق هذا الموضوع بالضبه والمفتاح بعد أن انقلب السحر على الساحر .. وبدل ما س س يكسب مؤيدين لقضيته حدث العكس وزاد التعاطف مع المدعوه فيروز الهمشري وأصبح لها شعراء يتغنون بإسمها ويكيلوا لها المديح فشر الشعر اللي قاله أبو نواس في سيف الدولة الحمداني.

وأنا بأحذر أي واحد في التوبيك وباذكركم إن فيروز مش هاتفنعكوا وإنه ليس بعدد المداخلات وحدها يحيا الإنسان .

أما أنت يا أر بي جي فهاوصي عليك بتوع حي البساتين توصية ماتوصهاش حد قبل كده fsh:: me0: ax: htr::

والمعنى في بطن الشاعر

رفعت الجلسة

[ابو يوسف]

معلش يا سى السيد .... قبل ما تنزل الستارة و تضرب كرسى فى الكلوب ....

ممكن أسأل الاخت فيروز سؤال ....

أنا عارف انك فتاة عاملة (حلوة فتاة عاملة دى ... )

بتلاقى وقت منين لكل المداخلات دى (ألله أكبر) ؟؟؟؟

ارجوكى دلينى و أنصحينى ...

و للامام دائما ...

رغم حقد الحاقدين و حسد الحاسدين :) B) mfb:

[se_ Elsyed]

بتلاقى وقت منين لكل المداخلات دى  (ألله أكبر) ؟؟؟؟

ارجوكى دلينى و أنصحينى ...

أديك قولتها ..

يا عم دي عالم فاضية وبيقعدوا في الشغل يفصصوا بسله أو تعمل بروفر عشان الشتا ... فده كان زمان أما دلوقت مع النت والروشنة بقعد تستف لنا مداخلات ومواضيع بمعدل موضوع كل دقيقة .

أدي يا سيدي حرية المرأة اللي بينادوا بيها .. وادي المساواة وصفية زغلول وصفية العمري وتلك الأسماء اللي واخدنها قدوة ...

أنا واخد راحتي عشان فيروز بتصيف ومش هاتقدر ترد

[ابو يوسف]

زمانها قاعدة على البحر بتحضر مواضيع جديدة ...

و بتحضر ردود و مداخلات على مواضيع لسة حتى ما قرتهاش ..

دى ناس ما بتضيعش وقت

يا استاذى العزيز ...

انه الغزو ..

زمن سى السيد رااااااااااااااااااااااااح ..

bk:

استأذنك ... أحسن الاكل ح يتحرق و الافندى بتاعى زمانوا جاى :) B) mfb:

[Lighthouse]

يخرب عقلك يا س س :)

كاتم كل ده في قلبك

حلوة قوي اتقلب السحر على الساحر

علشان تحرم تعمل فيها ساحر مرة تانية B)

انا رأيي بقى تروح على جنب وتاكل لك رغيفين حواوشي والسلطات من عندي ياعم علشان تخفف حالتك دي :)

وبعيد عن الهزار

بجد فعلا فيروز تستحق

ردودها جميلة ومتزنة حيث يتطلب الموضوع

وظريفة ومرحة في الموضوعات الخفيفة

وعندها صبر في النقاش وطول بال يحسدها عليها الكثيرين

وقد استطاعت الجمع بين كم المداخلات وكيف محتواها فلاتوجد لها مداخلات اثبات حضور او رد للرد وخلاص bk:

ربنا يزيد ويبارك يافيروز وتزيد مشاركاتك شاء من شاء وابى من ابى mfb:

وإلي الامام يافيروز rs:

[حشيش]

انا كمان لازم اشد حيلى شوية mfb: ...انا لسه مقفلتش باكو B) ...حاجة تكسف بصحيح :) ... اقترح على الادارة اضافة هذه المصطلحات

1000 مداخلة: باكو

2000 مداخلة: حزمة

3000 مداخلة: حمل ( بكسرالحاء)

[R.M.G.]

بقول يا س س

مش ممكن بصفتك مشرف تمسك مداخلات الأعضاء الغلابة -على طريقة انتخابتنا المصرية-وتروح مسجلها بإسمك أو تعمل تحالف مع واحد زي عمنا حشيش وتخلوا مداخلاتكم بإسم واحد وتقوموا تقلشوا فيروز وساعتها ليك عليا اتنكر لها واكتب لكم قصيدة انقح بس الواحد مش فاضي عمال أكتب قصيدة للباشمهندس السكرة أحمد نظيف يمكن يطلع ليه معرفه في حي البساتين ولا حاجه

[فــيــروز]

توضيح فى السريع :blink:

انا هاروح مرسى مطروح الاسبوع اللى جاى ان شاء الله mfb:

يعنى لسه عندى اسبوع اظبط الرصيد بتاعى ومش بعيد ابقى انط لكم من اى نت كافيه هناك taz::

نواصل نشر الردود تباعا stnd::

[se_ Elsyed]

توضيح فى السريع  :blink:

انا هاروح مرسى مطروح الاسبوع اللى جاى ان شاء الله  mfb:

يعنى لسه عندى اسبوع اظبط الرصيد بتاعى ومش بعيد ابقى انط لكم من اى نت كافيه هناك  taz::

نواصل نشر الردود تباعا  stnd::

حسبنا الله ونعم الوكيل

يارب واحد حرامي إبن حلال يسرق خطوط التليفون في مرسى مطروح ويبيعهم بالكيلو عشان لا يبقى فيه نت ولا تت ....

ماتنسيش يا فيروز تاخدي معاكي عيش وحلاوه لشعنونة وتروحي تزوريها في غربتها .. والعنوان هو

مرسى مطروح

السلوم

المستشفى الميري

عنبر ج

بجوار دوار العمده

إسألي إنتي بس هناك على الدكتورة شعنونة اللي لسه مخطوبة وألف مين هايدلك هناك .

[se_ Elsyed]

بقول يا س س

مش ممكن بصفتك مشرف تمسك مداخلات الأعضاء الغلابة -على طريقة انتخابتنا المصرية-وتروح مسجلها بإسمك أو تعمل تحالف مع واحد زي عمنا حشيش وتخلوا مداخلاتكم بإسم واحد وتقوموا تقلشوا فيروز

فكرة التحالفات دي كانت غايبة عني فين ..

طب أنا بأعلن من هنا بإن حزب الشعب السينسيني سيطوي تحت جناحه الحزب الإشتراكي الفلبيني بزعامة الرفيق حشيشوف ونوعد جماهير الشعب المتلهفة بإننا هانعمل أحلى شغل وهانكتسح جميع الاعداء وسنوقفهم عند حدهم .

يعيش تحالف الشعب مع الفلبين ..

الأسفلت بيضحك ليه عشان س س وحشيش ماشيين عليه .

[فــيــروز]

متشكرين يا استاذ محمد

مش مهم دورى ولا كأس الرك على التمثيل المشرف :P

اخويا R.M.G

يا خرابى "مش عاطفيه خرابى دى بس عديها عشان خاطرى" :Dعلى المواهب المتفونه "نفسى اعك شويه فى الكلمات من نفسى" ups: .. لا فعلا قصايدك مالهاش حل .. انا على فكره بامضى على الاوراق دلوقت باسم فريوز اللى اطلقته عليا .. بيفكرنى بالفريون بتاع التلاجه

مسلمه:

أما عن الأخت العزيزه فيروز، فأشارك الأخوات مشاعرهن تجاهها وأفتقدك وإنت غائبه عن المنتدى

وانا مفتقداكى من دلوقت والله :P .. يا بنتى ما تفكرى تنزلى ادازه ولو حتى تلات ايام

س.س.:

يُغلق هذا الموضوع بالضبه والمفتاح بعد أن انقلب السحر على الساحر

س.س. كوبر فيلد :o

ابو يوسف:

أنا عارف انك فتاة عاملة (حلوة فتاة عاملة دى ... )

فعلا .. ده فيلم ..

احم .. ايوه ايوه انا فتاه عامله من سنة 1998 عقبال عندك .. تحديدا من ديسمبر 1998 وبادفع الضرايب وماشيه قانونى :unsure:

بتلاقى وقت منين لكل المداخلات دى (ألله أكبر) ؟؟؟؟

مممم .. ده سؤال صعيب lo::

لكن للحق يعنى .. انا باكتب بسرعه بس ده بسبب الشغل و طبيعة العمل يعنى

والفضل فى هذا يعود للمواقع العربيه يعنى خاصة انى حين بدات الكتابه كنت باكتب بالانجليزى حتى العربى بحروف انجليزى وبعدين بقيت اتخنق من الطريقه دى فى الكتابه و بدات اكتب عربى و الحمد لله بقيت باكتب بسرعه ..

[فــيــروز]

س.س.:

يا عم دي عالم فاضية وبيقعدوا في الشغل يفصصوا بسله أو تعمل بروفر عشان الشتا

أدي يا سيدي حرية المرأة اللي بينادوا بيها .. وادي المساواة وصفية زغلول وصفية العمري وتلك الأسماء اللي واخدنها قدوة ...

لا لا لا مفروض ماتقولش حرية المرأه lo::

حيث ان العمليه فيها بسله تبقى اسمها حرية المرقه .. عربيه فصحى تحط القاف مكان الالف :o

أنا واخد راحتي عشان فيروز بتصيف ومش هاتقدر ترد

لا انا هاصيف الاسبوع اللى جاى ان شاء الله لو مجاليش سكته قلبيه قبلها من النق

لايت هاوس

بجد فعلا فيروز تستحق

ردودها جميلة ومتزنة حيث يتطلب الموضوع

وظريفة ومرحة في الموضوعات الخفيفة

الهى ينور لك طريقك يا لايت يا بنت هاوس قادر يا كريم

الهى يا رب يريح بالك و يكرمك

دعوات خالصه من القلب :P

حشيش:

1000 مداخلة: باكو

2000 مداخلة: حزمة

3000 مداخلة: حمل ( بكسرالحاء)

4000 : لبشه (بكسر اللام) tea))(:

5000 : كومه ( مش غيبوبه يعنى) :unsure:

6000 : طرناطه (مش دى بتاعة الحشيش باين؟) :P

سى السيد:

يارب واحد حرامي إبن حلال يسرق خطوط التليفون في مرسى مطروح ويبيعهم بالكيلو عشان لا يبقى فيه نت ولا تت ....

طيب وايه ذنب المطاريحيه !! يا ساتر يا رب .. ups:

[R.M.G.]

الأسفلت بيضحك ليه عشان س س وحشيش ماشيين عليه

الله أكبر

عدوى الشعر الحلامانتيشي انتقلت لأخويا سي السيد الحق نفسك وخد مجض حموي لحسن تلاقي نفسك زيي عندك تفتق ذهني شعري ومش قادر تقاوم نفسك ماهي ابتدت معايا كده وأهملت لغاية مابقيت زي ماانت شايف

[Cleo]

الأسفلت بيضحك ليه عشان س س وحشيش ماشيين عليه .

إقتباس (Cleo @ Jul 11 2004, 08:45 AM)

المنتدى اللى بيضم نخبة من أحسن شباب و شابات البلد و أفضلهم خلقا و علما...!!

ميرسي جداً يا كليو كنت عارف إن ده رأيك في س س .

الحقيقة منذ دخولى المنتدى لأول مرة منذ عامين.... و قد عرفت الأخ س س أخا عزيزا و خفة دم لا توصف و رجولة و جدعنة ولاد البلد اللى بجد...

و الحقيقة أكتر صفة أحترمها فيه هى صفة التواضع... mf-:

[Sherief AbdelWahab]

مبروووووووووك كبيرة و إن جاءت متأخرة لفيروزة المنتدى إحدى بطلات الأرقام القياسية في المحاورات..

mf-:

gt:

و كل سنة و أنت طيبة مقدماً بحكم أن عيد ميلادك القادم خلال أسبوع من الآن..

خلص الكلام

[فــيــروز]

مبروووووووووك كبيرة و إن جاءت متأخرة لفيروزة المنتدى إحدى بطلات الأرقام القياسية في المحاورات..

mf-:

rs:

تشكر يا شريف :D عقبال ما نبارك لك على الاحسن ان شاء الله :P

و كل سنة و أنت طيبة مقدماً بحكم أن عيد ميلادك القادم خلال أسبوع من الآن..

ايوه فعلا :P كويس هابقى فى مرسى مطروح ان شاء الله و ارحمكم من الهدايا :o وانت مش قلت زميل فى يوليو؟ يوم كام يا ترى gt:

[Sherief AbdelWahab]

يوم حدااااااااشر! rs:

خلص الكلام

[فــيــروز]

يوم حدااااااااشر! :)

خلص الكلام

خلص الكلام ايه :)

ده عيد الميلاد هو اللى خلص :)

على العموم ولا يهمك :P

كل سنه و انت طيب يا شريف

ويا رب السنه الجايه يكون عندك كلام تقوله مش كل الكلام مخلصه اول باول كده rs:

:) :) ;)