فيروز واللعب مع الكبار - خمسة وخميسة

[Modest]

تم استرداد المركز الخامس من فيروز بعملية فدائية قام بها د. مُحبَط في جُنَح الليل منتهزاً فرصة وجود فيروز في مرسى مطروح me0:

السؤال الآن : هل لدكتور محبط دور في إرسال فيروز إلى مرسى مطروح؟ clp:: و هل ستقدر فيروز على استعادة المركز الخامس؟ fsh:: و هل و هل و هل؟ h): كل هذه أسئلة ستظهِر إجاباتها خلال الأيام القليلة القادمة.

[se_ Elsyed]

الله أكبر ..

أيوه كده لا يصح إلا الصحيح وانا كنت متأكد إنها كانت بالونة وهاتفرقع ومحبط سيعود بقوة ليحتل مكانه في المربع الذهبي .

وبالمناسبة دي يا محبط عايزك خلال فترة النقاهة إللي بتقضيها فيروز تتحفنا بقد 100 إلى 200 موضوع .. وانا عن نفسي سأرسل لك بعض رؤوس الأقلام لمواضيع ساخنة تهم القاريء العربي .. خد عندك مثلاً عناوين لمواضيع اللي إنت بتحبها :

" تاريخ اليهود في أكل القرود "

" علاقة النازية بوداد الغازية "

" حرق هتلر لليهود ومعضلة اللطم على الخدود "

" يا شارون يا زبالة البشرية .. اللهي يبتليك برزية "

يالله بقى مالكش حجة .. عيش مع المواضيع دي وأهبدنا كام موضوع على مزاجك في غياب قائدة الهوسبتاليين فيروز عبد المعين .

[disappointed]

تم استرداد المركز الخامس من فيروز بعملية فدائية قام بها د. مُحبَط في جُنَح الليل منتهزاً فرصة وجود فيروز في مرسى مطروح  me0:

لا والله يا موديست.....

طب ده أنا حتى كنت عايز أتوقّف عن الكتابة لغاية ما فيروز ترجع من مرسى مطروح علشان ماتفتكرش إنى بأستغل غيابها ( حاجه كده زى الفرقة لمّا تخرّج الكورة فى الآوت علشان فيه لعيب مصاب من الفرقة الثانية ;) :lol: )

اللذيذ بقى فى الموضوع إنى ما أخذتش بالى أساسا إنى عدّت إلى قائمة الهدّافين :lol: إلاّ من خلال هذا الموضوع دلوقتى

السؤال الآن : هل لدكتور محبط دور في إرسال فيروز إلى مرسى مطروح؟    و هل ستقدر فيروز على استعادة المركز الخامس؟ fsh:: و هل و هل و هل؟  ty:) كل هذه أسئلة ستظهِر إجاباتها خلال الأيام القليلة القادمة.

هذا ما سنتعرّف عليه من خلال الأستوديو التحليلى لمباريات "تشامبيونز ليج المحاورات" مع محلّلى الأستوديو الكابتن موديست و الكابتن سى السيّد

:lol: lo::

[disappointed]

وانا كنت متأكد إنها كانت بالونة وهاتفرقع ومحبط سيعود بقوة ليحتل مكانه في المربع الذهبي .

طب ما تتمرعش قوى وتتغش فيّا كده و تقعد تنفخ فيّا لأنى أنا اللى حأفرقع من أول يومين ثلاثه ترجع فيهم فيروز من مرسى مطروح :lol:

ديّتها بس 48 ساعة يا معلّم بعد عودة فيروز من مرسى مطروح و حتلاقى العبد للّه بيتنطر من قائمة الهدّافين فى مشهد يشابه إنطلاق الطيّار من كابينة القيادة بالكرسى اللى قاعد عليه بعد ضغط زر الطوارئ )

أنا أعترف إنى مش قد فيروز بصراحة فى معدّل الكتابة..... يعنى مش ممكن تقارن عربيّة كاديلاك موديل "أعوا أعوا" من بتوع الثلاثينات :lol: مع عربيّة فيرارى موديل 2004 من بتوع الفورميولا وان bk:

وإنت بقى بالذات ياسى السيّد بأحذرك من إنك تقف قصاد قطار فيروز السريييييييع (انا عن نفسى مقاطع كل مزلقانات المنتدى :lol: )

وبعدين أنا أحب أشكر فيروز الحقيقه و أحب أشير إنى بألهج بالثناء و العرفان ليها على إتاحتها هذه الفرصة الفريدة النادرة التى لن تتكرّر للعبد للّه

;)

زمانها قاعدة تحت الشمسيّة و ماسكة الكوكتيل فى إيدها و مسترخية , بينما فريدة و لايت هاوس و كليو و باقى فرقة البنات عمّالين يبعثوا ليها رسائل على الموبايل من غرفة عمليّات قيادة المحور النسائى و....إلحقى محبط يا فيروز... ولكن فيروز الواثقة من إمكانيّاتها ty:) أكيد بتبتسم :) عند ورود هذه الرسائل إليها و تقول لهم : هاهاهاهاها.......سيبوه يا بنات يشوف له يومين قبل ما أرجع .. خلّوا الغلابة يفرحوا علشان ماحدّش يقول إنى حرمته من حاجه :P

وبعدين با عم سى السيّد أنا عن نفسى بجد حأكون مبسوط أول ما فيروز ترجع و تقلشنى من قائمة الهدّافين...ماهو لازم يكون فيه عنصر نسائى فى القائمة.... والاّ يعنى عايز القائمة تبقى كلّها خناشيرى كده؟؟؟ دى حتى تبقى قائمة ناشفه دى اللى مافيهاش لمسة نسائية تكون زى النسمة كده تطرّى كتمة ذكوريّة كل حاجه فى مجتمعنا

ثم...ما إسموش المربّع الذهبى.... إسمه المخمّس الذهبى..... و أول ما فيروز ترجع و تدّينى الــ"نوك آوت" lo:: و أبقى فى المركز السادس حنبقى نسمّيه المسدّس الذهبى....بس ساعتها إوعى تتهوّر وترفع المسدّس على فيروز يا عم سى السيّد

تم تعديل 19 يوليو 2004 بواسطة disappointed

[disappointed]

خد عندك مثلاً عناوين لمواضيع اللي إنت بتحبها :

" تاريخ اليهود في أكل القرود "

" علاقة النازية بوداد الغازية "

" حرق هتلر لليهود ومعضلة اللطم على الخدود "

:lol: ;)

أنا قرّرت إنك تكون مستشارى الخاص بالنسبة لتسمية المواضيع

ياريت تبعث لى الــ C.V بتاعك فى موضوع مخصوص بباب التعليم و العمل , ويكون عنوان الموضوع :

اللعلعة و التبديع.....فى تسمية المواضيع

[MuslimaEgyptian]

عقلى الباطن: يا ريت المحاوله دى توقف الأخ. محبط عن الكتابه  ;) الى ان تعود فيروز

برقيه عاجله وصلت بريد المنتدى حالا وتقرأ:

"د. محبط، إنزل مصر فورا، خبر سعيد فى إنتظارك"

أجازه سعيده يا أخ محبط، وأهه فرصه تصيف وهواء البحر سيشجعك على

كتابه هذه المواضيع الشيقه التى إقترحها الأخ س.س.

خد راحتك يعنى علشان تكون المواضيع على نفس الجوده التى عهدناك عليها...سنه، إتنين، كده يعنى..

:lol: ( :lol: )

تم تعديل 19 يوليو 2004 بواسطة MuslimaEgyptian

[فــيــروز]

ومن استاد المحاورات ارى فيروز الآن تجلس فى مقاعد المتفرجين و تبتسم ابتسامه عريضه تكاد تكون بلهاء :D ثم تنحنى قليلا تحت الكرسى لتظهر مره اخرى .. ايه ده اللى مع فيروز يا جماعه؟ :o ايه اللى انا شايفاه ده

كتاب !! :D

يبدو ان هذا هو الكتاب اللى فيروز بتغش منه المحاورات بتاعتها fr1:: .. دعونى ادقق قليلا فى عنوان الكتاب flrt: ما هذا الاسم .. عجبا .. الكتاب اعزائى المشاهدين اسمه "فيروز و قارورة الجلوكوز" :blink: قد يسالنى شخص لماذا لا تتعرف الجماهير على فيروز كى تعطيها هدايا عيد الميلاد؟ bsh:) السبب اعزائى المشاهدين ان فيروز متنكره ويبدو انها دهنت وشها بحيث يمكن ان يطلق عليها بكل جداره من الآن فصاعدا

ابنوسة المحاورات tot::

[فــيــروز]

السؤال الآن : هل لدكتور محبط دور في إرسال فيروز إلى مرسى مطروح؟  و هل ستقدر فيروز على استعادة المركز الخامس؟  و هل و هل و هل؟  كل هذه أسئلة ستظهِر إجاباتها خلال الأيام القليلة القادمة

أمودى ..

انت اشتغلت مشعللاتى قبل كده

وبالمناسبة دي يا محبط عايزك خلال فترة النقاهة إللي بتقضيها فيروز

أمانه عليك يا معلم س.س. تخليهم يبعتونى اتنقه تانى

انا ماكنتش عاوزه ارجع بس هما اللى رجعونى :D

طب ده أنا حتى كنت عايز أتوقّف عن الكتابة لغاية ما فيروز ترجع من مرسى مطروح علشان ماتفتكرش إنى بأستغل غيابها

طيب و المحاورات تبقى محاورات كيف من غير محبط !!

ديّتها بس 48 ساعة يا معلّم بعد عودة فيروز من مرسى مطروح و حتلاقى العبد للّه بيتنطر من قائمة الهدّافين فى مشهد يشابه إنطلاق الطيّار من كابينة القيادة بالكرسى اللى قاعد عليه بعد ضغط زر الطوارئ )

بصرف النظر عن موضوع انى انطرك :o "ما عاش اللى ينطرك يا محبط" بس الغريب ان نفس المشهد هو اللى جه فى مخى ساعة ما قريت موضوع النطره ده !! :D

أنا أعترف إنى مش قد فيروز بصراحة فى معدّل الكتابة..... يعنى مش ممكن تقارن عربيّة كاديلاك موديل "أعوا أعوا" من بتوع الثلاثينات  مع عربيّة فيرارى موديل 2004 من بتوع الفورميولا وان

فيرارى مره واحده !! طيب قول هيونداى صنع فى مصر يعنى الصاج بتاعها يشقق

من الهوا tot::

وبعدين أنا أحب أشكر فيروز الحقيقه و أحب أشير إنى بألهج بالثناء و العرفان ليها على إتاحتها هذه الفرصة الفريدة النادرة التى لن تتكرّر للعبد للّه

انا مش مرشحه نفسى فى اى انتخابات !! fr1::

زمانها قاعدة تحت الشمسيّة و ماسكة الكوكتيل فى إيدها و مسترخية , بينما فريدة و لايت هاوس و كليو و باقى فرقة البنات عمّالين يبعثوا ليها رسائل على الموبايل من غرفة عمليّات قيادة المحور النسائى و....إلحقى محبط يا فيروز... ولكن فيروز الواثقة من إمكانيّاتها  أكيد بتبتسم  عند ورود هذه الرسائل إليها و تقول لهم :

هاهاهاهاها.......سيبوه يا بنات يشوف له يومين قبل ما أرجع .. خلّوا الغلابة يفرحوا

علشان ماحدّش يقول إنى حرمته من حاجه 

بجد الصوره دى مخليانى كل ما اقراها افضل اضحك بشده flrt:

لأن فعلا رغم انى كنت رايحه المصيف و عاقده العزم انى انسى كل شئ باعمله فى

القاهره كل ما اروح بلاج الاقى كشك كبير مكتوب عليه "فيروز" اقول لها انا مش

سبتك فى مصر يا فريوز !! :blink:

يا سلااااااااامممم .. مفيش فعلا اجدع من الاسترخاء تحت الشمسيه والنظر الى البحر و التفكير فى لا شئ "وش واحده بتتمطع فعلا دلوقت" bsh:)

ثم...ما إسموش المربّع الذهبى.... إسمه المخمّس الذهبى

يعنى نخمس فيه مع بعض زى السجاير دى

عفوا يا جماعه على موضوع نخمس دى .. اصل باقرا حاليا قصه تدور كلها فى عالم القهاوى و الغرز اللهم احفظنا

و أبقى فى المركز السادس حنبقى نسمّيه المسدّس الذهبى

ايوه فعلا ليه مانخليش القائمه لاكثر ستة اعضاء مشاركين !! :D

تم تعديل 25 يوليو 2004 بواسطة فــيــروز

[se_ Elsyed]

[السبب اعزائى المشاهدين ان فيروز متنكره ويبدو انها دهنت وشها بحيث يمكن ان يطلق عليها بكل جداره من الآن فصاعدا

ابنوسة المحاورات  :blink:

هذا جزء من الخبر .. اما السبب الحقيقي وراء هذا التنكر فهو إن فيروز مقدمة الـ CV بتاعتها لنقابة البوابين وعشان كده راحت دهنت وشها عشان تبقى عثامنه fr1::

بالمناسبة يا فريوز فينو السوت هانوم ؟

[فــيــروز]

[السبب اعزائى المشاهدين ان فيروز متنكره ويبدو انها دهنت وشها بحيث يمكن ان يطلق عليها بكل جداره من الآن فصاعدا

ابنوسة المحاورات  :D

هذا جزء من الخبر .. اما السبب الحقيقي وراء هذا التنكر فهو إن فيروز مقدمة الـ CV بتاعتها لنقابة البوابين وعشان كده راحت دهنت وشها عشان تبقى عثامنه tot::

بالمناسبة يا فريوز فينو السوت هانوم ؟

انت بتقول فيها flrt: ده اول ما المديره شافتنى واقفه بافحص الجوابات المتلتله اللى على المكتب شهقت :o وقالت مين دى fr1:: مع ان يا جماعه المهم هو الروح مش اللون الخارجى وبعدين دى كلها حاجات زائله وكلها سبع اسابيع و ارجع زى ما كنت واحسن ان شاء الله cbyb: المشكله ان كل الناس فاكرين انى نزلت البحر رغم انى اكلحيت من الجلوس تحت الشمسيه بس bsh:) وحتى ايدى منظرها يخض .. الكف سوداااا وباقى الدراع "مش دارع بسطرمه" الحمد لله زى ما كان :blink: ده حتى امبارح كنت بافحص ايدى لقيت حاجه زعلتنى خالص .. عارفين الاماكن اللى بين الصوابع؟ اللى موجود زيها عند البطابيط "البط يعنى" و الوزاويز "الوز طبعا" دى .. عارفين الحتت دى !! تخيلوا ايدى سودا و الامكان دى بيضا ومنظرها عجايب انا انضحك عليا cbyb:

[Farah]

وعادت فيروز من مرسي مطروح :angry:

وعادت فيروز الي الخمسه الاوائل من جديد :D

عقبال المركز الاول يافيروز fsh:: :rolleyes: :)

[Modest]

إستدراك واجب :rolleyes:

من هنا أُعلن عن تسرُعي في الحكم :angry: و أُفصِح عن سعادتي الغامرة :) :P باستعادة فيروز المركز الخامس و لا عزاء للطامعين ;)

فيرووووز :D فيرووووز :)

معلش يا د. محبط ... قالوا لي يا موديست يابني امشي مع الرايجة :P

[فــيــروز]

شكرا يا فرح :P

انا بجد سعيده اوى باهتمامك الجميل ده .. بجد بجد يا رب يكرمك ;) :P

موديست :rolleyes:

الحقيقه انت ماتسرعتش ولا حاجه :)

مداخلات محبط ممكن نقيس الواحده منها بعشره مداخلات من مداخلاتى :)

وبالتالى يبقى هو يستحق المركز الخامس بجداره ان لم يكن مركز اعلى :angry:

معلش يا د. محبط ... قالوا لي يا موديست يابني امشي مع الرايجة

:D

لا انا مش رايجه ولا حاجه بس مسيرها تروج و تحلى :P

تم تعديل 27 يوليو 2004 بواسطة فــيــروز

[disappointed]

يا فرحه كانت ماليه عينيّا

تراراراراراااااااا

وإستكترتها الدنيا عليّا

ترارارارارا

:) :)

:rolleyes: :angry: :D

[Modest]

يا فرحه كانت ماليه عينيّا

تراراراراراااااااا

وإستكترتها الدنيا عليّا

ترارارارارا

:angry:  :D

عقلي الباطن:

شد حيلك انت بس و أنا أعمل لك استدراك تاني  :rolleyes:

[disappointed]

فقرة إعلانيّة

إييييريااااال إيييييرييييييااااال

أووووه أووووه

عزيزتى ربّة المنزل

إستعملى إيريال , فهو يزيل البقع بسرعة فائقة كما تزيل فيروز الطامعين فى المركز الخامس

عقلى الباطن بيقول لى :

:)  :)  :P  ياعينى عليك يا محبط...... ده إنت ما أخذتش فى إيدين فيروز غلوه :angry: ... همّه تكّتين منها على الكمبيوتر و هيّه بتفتح الشنط و.....و...... :rolleyes:  يالاّ....حتروح من ربّنا فين؟؟ cbyb:  cbyb:  cbyb:

:D ;)

[فــيــروز]

يا فرحه كانت ماليه عينيّا

تراراراراراااااااا

وإستكترتها الدنيا عليّا

ترارارارارا

cbyb:

أنا السبب :angry:

أنا السبب :D

شد حيلك انت بس و أنا أعمل لك استدراك تاني 

انا قلت .. موديست فى الاصل مشعللاتى وربنا كرمه :rolleyes:

[عادل أبوزيد]

ما هى آخر الأخبار

[فــيــروز]

استغربت جدّا حين وجدت هذا الموضوع "مبعوثا" من مرقده :blink:

لكن السؤال مدهش !!

ما هى آخر الأخبار ..

آخر الأخبار أنّى أحيانا أدخل المنتدى و أفتّش فى مداخلات قديمه لى مرّت سنين على كتابتها (منطقى جدّا مع استمرار وجود اسمى مع الخمسه الكبار كما يقول الموضوع) :wub:

أقرأها و أستغرب و أندهش .. هذا أنا من سنوات مقابل أنا الآن :blink:

تغيّرت كثيرا و ربّما أكون أكثر من يعرف هذا عن نفسى ..

لهذا من زمان أضفت لفائدة المنتديات فائده أخرى لا تتحقّق سوى بالعشره الطويله مع تلك المنتديات و هى رؤيتى لتطوّرى أو تأخّرى الإنسانى و هى رؤيه مفيده بشكل كبير جدّا :P

:wub: