زيناوي "أثيوبيا" وركلة جديدة لمصر الإفريقية

[الغريب]

تصريح متوقع من رئيس وزراء أثيوبيا ضد مصر، أقتبس منه أهم فقراته

وقال زيناوي لوكالة رويترز إن مصر لا يمكنها أن تكسب حربا مع إثيوبيا على مياه نهر النيل، وإنها تدعم جماعات متمردة في محاولة لزعزعة استقرار البلاد

أخشى أن يغزو المصريون إثيوبيا فجأة، فلم يعش أحد ممن حاولوا ذلك قبلا ليحكي نتيجة فعلته، ولا أعتقد أن المصريين سيختلفون عمن سبقهم وأعتقد أنهم يعلمون ذلك

وفي المقابل تجد رد وزير الخارجية من أبوظبي

ومن جانبه أبدى وزير الخارجية المصري أحمد أبو الغيط خلال زيارته لأبوظبي دهشته للغة التي استخدمها زيناوي، قائلا إن مصر لا تسعى لحرب، ولن تكون هناك حرب

صراحة سياسة خارجية مهينة :protest:

تم تعديل 24 نوفمبر 2010 بواسطة الغريب

[raouf]

تصريح متوقع من رئيس وزراء أثيوبيا ضد مصر، أقتبس منه أهم فقراته

صراحة سياسة خارجية مهينة :protest:

سياسة ؟

هى فين السياسة دى ؟

احمد ابو الغيط واللى معينينه فاهمين السياسة غلط

بالنسبة ليهم السياسة هى الخنوع والاستسلام او زى مابيقولوا يمشو ا بجوار الحيط

واى حد يضربك قوله الله يسامحك

لو عايزين يعرفوا يعنى ايه سياسة يشوفوا ايران بتعمل ايه

يشوفوا اسرائيل بتعمل ايه

يشوفوا امريكا بتعمل ايه

دى دول بتعرف تلعب سياسة مش بتاكل على قفاها وتسكت وتقول اضرب كمان انا مؤدب مش هارد عليك وربنا هياخد حقى منك

كان نفسى اعمل موضوع فى المنتدى وهو

يا ترى تقبل ان نطبق نظام الاحتراف للسياسيين فى مصر

بمعنى تقبل ان نجيب واحد زى بوتين مثلا

او عبد الله غول ونعمل ليه عقد احتراف لمدة خمس سنين ؟

تم تعديل 24 نوفمبر 2010 بواسطة raouf

[mustafagamiel]

كان نفسى اعمل موضوع فى المنتدى وهو

يا ترى تقبل ان نطبق نظام الاحتراف للسياسيين فى مصر

بمعنى تقبل ان نجيب واحد زى بوتين مثلا

او عبد الله غول ونعمل ليه عقد احتراف لمدة خمس سنين ؟

الاخوة الخليجين بيقولوا مايحك ظهرك إلا ظفرك

للاسف ياخ رؤؤف مش هينفع خالص

البلد عايزة رجالة وكمان رجالة مخلصين يتقون الله فينا ويحموا ثرواتنا المبعثرة والمسروقة

ومن هذه الثروة هم شباب المنتدى ده الاي مسافر في كل حتة وسايب بلده

للاسف الشديد نحن نمر بفترة لم تمر بها الامة من قبل

والحل الرجوع الى الله ونسأل الله أن يخفف عنا

ناقصة اثيوبيا دي كمان

تم تعديل 24 نوفمبر 2010 بواسطة mustafagamiel

[nightmare]

صراحة سياسة خارجية مهينة

اولا : كلام زيناوي ده كلام واحد غبي سياسياً وبيحاول يكسب بنط زي ما بنقول بالبلدي ليداري على مشاكله الداخلية, ويصبح مقبولاً لدي شعبه.

لكن

ده لا يمنع ابداً ان النظام المصري والسياسة الخارجية المصرية ظلت تتعامل مع هذا الموضوع بسطحية كبري طيلة سنوات مضت ولم تكن مدركة ان معايير القوي تتغير وان الصغير سيأتى يوم عليه ويكبر ولو قليلاً, النظام المصري والسياسة الخارجية المصرية فقدت ارضاً كبيرة في افريقيا بتجاهل هذه الدول طيلة العقود الماضية وخاصة بعد تعرض رأس النظام المصري لمحاولة اغتيال هناك في اثيوبيا

كان لابد على النظام المصري ان يكون متواجدا وبقوة في هذه الدول بتشجيع رجال الأعمال المصريين على إقامة مشروعات صناعية وزراعية وتجارية كبري هناك , ارسال القوافل الطبية المقيمة إقامة دائمة هناك وإمداد هذه الدول بالمعونات الطبية , ايفاد المعلمين المصريين لتعليم ابنائهم , وفتح الباب في الجامعات المصرية لطلاب تلك الدول , اشراك هذه الدول مع مصر في اتفاقيات لإقامة مشروعات كبري على ضفاف النيل للإستفادة منه الإستفادة القصوي , مساعدتهم في إقامة المشروعات التنموية في بلادهم والمشاركة معهم فيها بالخبرات والكفاءات المصرية وبالأيدى العاملة ان احتاج الأمر ذلك.

لكن للأسف لم يحدث كل هذا , وصحونا متأخرين كالعادة , لكن ما زال امامنا بعض الأمل وبعض الوقت ان نعوض ما فات بشرط ان نتحرك سريعا وسريعا جدا , على اعتبار ان معنا الشرعية الكاملة وكافت الإتفاقيات الموقعة والتى اقرتها دول حوض وادي النيل بأكملها تعطينا كل الحق في الإحتفاظ بحصتنا كما هي.السؤال بقي , هل النظام المصري قادر انه يتحرك او يعمل كده؟؟ ده مش عارف يعمل كده في الداخل ( يعني مش شايفين مشروعات عملاقة ولا خدمات طبية محترمة ولا تعليم جيد ولا اى حاجة ) , هيعمله ازاى في الخارج , فاقد الشئ لا يعطيه!!

جزئية تصريحات ابو الغيط او حسام ذكي , مش شايفها مهينة على الإطلاق , بالعكس ده كلام موزون لإن ما ينفعش واحد زي ده يجرجر دولة زي مصر ولا مسئولين مصريين للوقوع في الخطأ بالرد عليه بتصريحات مماثلة فهذا ما يريده ويجب الا نعطيه تلك الفرصة, اعترض بس على جزئية "لن تكون هناك حرب" , اه انا موافق ان خيار الحرب ده يكون مستبعد من اذهاننا ويقدم عليه خيار المناقشة والحوار والمصالح المشتركة وبعدها يأتى خيار القانون والتحكيم الدولى لكن يظل خيار الحرب مطروح وان كان اخر خيار تماما , لان مياه النيل "أمن قومي".

الموضوع كبير ومحتاج نظام مصري قوي وتحرك سريع, فأن تأتى متأخراً خيراً من الا تأتي ابداً.

مع تحياتي

تم تعديل 24 نوفمبر 2010 بواسطة nightmare

[Howayda Ismail]

ليه دايما الحكومة تتناسى يد اسرائيل الطولى فى افريقيا وخاصة اثيوبيا ودول حوض

المنبع و ما يصدر من تصريحات واستفزازات لمسئولى هذه الدول انما بتحريض من اسرائيل

والوااضح ان لها توقيتات معينة كرد فعل اتجاه اراء مصرية بشان قضايا دولية خاصة

اهتمامنا بالشان الفلسطينى وغيره من القضايا العربية

للاسف كما قال الاخ الفاضل نايت مير ان الحكومة تجاهلت دورها وعلاقتها بهذه الدول مما

اتاح فرصة للاخطبوط الصهيونى ان تمتد اذرعه لتطالنا من بعيد

سياستناالخارجية اصبحت ماشية بنظام طاطى للريح لما تعدى مافيش موقف ايجابى

اصبح يتخذ اتجاه قضايانا الخارجية ابتداءا بدورها حيال المغتربين المصريين

ومشاكلهم بالخارج وحقوقهم المهضومة فى بعض الدول وخاصة الخليج او حيال كرامتهم

الممسوسة فى كثير من الدول العربية شرقا وغربا نهايتا بمصالح الدولة نفسها مع

قضايا مصيرية كقضية مياه النيل وغيره

[الغريب]

صراحة سياسة خارجية مهينة

اولا : كلام زيناوي ده كلام واحد غبي سياسياً وبيحاول يكسب بنط زي ما بنقول بالبلدي ليداري على مشاكله الداخلية, ويصبح مقبولاً لدي شعبه.

لكن

ده لا يمنع ابداً ان النظام المصري والسياسة الخارجية المصرية ظلت تتعامل مع هذا الموضوع بسطحية كبري طيلة سنوات مضت

مع تحياتي

مش سنوات مضت وبس يا نايت، ولكن إلى الآن ولم تتدارك الموقف في الوقت الحالي ، والدليل على كلامي الزيارة الغبية الأخيرة لأحمد أبو الغيط وفايزة أبوالنجا لأثيوبيا

يشوفوا امريكا بتعمل ايه

دى دول بتعرف تلعب سياسة مش بتاكل على قفاها وتسكت وتقول اضرب كمان انا مؤدب مش هارد عليك وربنا هياخد حقى منك

كان نفسى اعمل موضوع فى المنتدى وهو

يا ترى تقبل ان نطبق نظام الاحتراف للسياسيين فى مصر

بمعنى تقبل ان نجيب واحد زى بوتين مثلا

او عبد الله غول ونعمل ليه عقد احتراف لمدة خمس سنين ؟

أ. رؤوف أهي المشكلة بقى أن كلمة "أنا مؤدب" دي مبتنفعش على طوول

أنما بالنسبة لموضوع الاحتراف فبعض الدول بدأت تأخذ بيه زي الإمارات ما أستعانت بمهاتير محمد وأحمد زويل، ولكن أعتقد أن مصر مليئة بأكفأمن هؤلاء، واللي هيوصل الإجانب بعقد إحتراف يوصل المصري أحسن :)

والحل الرجوع الى الله ونسأل الله أن يخفف عنا

خلاصة بصراااحة

[raouf]

صراحة سياسة خارجية مهينة

اولا : كلام زيناوي ده كلام واحد غبي سياسياً وبيحاول يكسب بنط زي ما بنقول بالبلدي ليداري على مشاكله الداخلية, ويصبح مقبولاً لدي شعبه.

لكن

ده لا يمنع ابداً ان النظام المصري والسياسة الخارجية المصرية ظلت تتعامل مع هذا الموضوع بسطحية كبري طيلة سنوات مضت ولم تكن مدركة ان معايير القوي تتغير وان الصغير سيأتى يوم عليه ويكبر ولو قليلاً, النظام المصري والسياسة الخارجية المصرية فقدت ارضاً كبيرة في افريقيا بتجاهل هذه الدول طيلة العقود الماضية وخاصة بعد تعرض رأس النظام المصري لمحاولة اغتيال هناك في اثيوبيا

كان لابد على النظام المصري ان يكون متواجدا وبقوة في هذه الدول بتشجيع رجال الأعمال المصريين على إقامة مشروعات صناعية وزراعية وتجارية كبري هناك , ارسال القوافل الطبية المقيمة إقامة دائمة هناك وإمداد هذه الدول بالمعونات الطبية , ايفاد المعلمين المصريين لتعليم ابنائهم , وفتح الباب في الجامعات المصرية لطلاب تلك الدول , اشراك هذه الدول مع مصر في اتفاقيات لإقامة مشروعات كبري على ضفاف النيل للإستفادة منه الإستفادة القصوي , مساعدتهم في إقامة المشروعات التنموية في بلادهم والمشاركة معهم فيها بالخبرات والكفاءات المصرية وبالأيدى العاملة ان احتاج الأمر ذلك.

لكن للأسف لم يحدث كل هذا , وصحونا متأخرين كالعادة , لكن ما زال امامنا بعض الأمل وبعض الوقت ان نعوض ما فات بشرط ان نتحرك سريعا وسريعا جدا , على اعتبار ان معنا الشرعية الكاملة وكافت الإتفاقيات الموقعة والتى اقرتها دول حوض وادي النيل بأكملها تعطينا كل الحق في الإحتفاظ بحصتنا كما هي.السؤال بقي , هل النظام المصري قادر انه يتحرك او يعمل كده؟؟ ده مش عارف يعمل كده في الداخل ( يعني مش شايفين مشروعات عملاقة ولا خدمات طبية محترمة ولا تعليم جيد ولا اى حاجة ) , هيعمله ازاى في الخارج , فاقد الشئ لا يعطيه!!

جزئية تصريحات ابو الغيط او حسام ذكي , مش شايفها مهينة على الإطلاق , بالعكس ده كلام موزون لإن ما ينفعش واحد زي ده يجرجر دولة زي مصر ولا مسئولين مصريين للوقوع في الخطأ بالرد عليه بتصريحات مماثلة فهذا ما يريده ويجب الا نعطيه تلك الفرصة, اعترض بس على جزئية "لن تكون هناك حرب" , اه انا موافق ان خيار الحرب ده يكون مستبعد من اذهاننا ويقدم عليه خيار المناقشة والحوار والمصالح المشتركة وبعدها يأتى خيار القانون والتحكيم الدولى لكن يظل خيار الحرب مطروح وان كان اخر خيار تماما , لان مياه النيل "أمن قومي".

الموضوع كبير ومحتاج نظام مصري قوي وتحرك سريع, فأن تأتى متأخراً خيراً من الا تأتي ابداً.

مع تحياتي

لأ طبعا ياعم نايت

زيناوى يكسب بونط على عينا وراسنا لكن يدينا على قفانا يبقى لأ طبعا

انا اوافقك فى واقول كلامك مظبوط فى حالة واحدة عارف ايه ؟

اذا كان الراجل ده بيتكلم فقط ولكنه يتكلم وبيعمل وبمساندة دول معروفة

يعنى الامر جدى وليس فقط كلام وقد بدأنا نشعر بعملهم والسدود اللى بيبنوها

عارف ايه اللى هيحصل بعد 10 سنين ؟

هتلاقى السدود خلصت واصبحت امر واقع وماعدش عندك ميه واضرب راسك فى الحيط ومطرح ما طر راسك حط رجليك فهمت ؟

يجب معالجة الامور من بدرى

وبصراحة احسن ناس بتعمل الموضوع ده ربنا ياخدهم الاسرائيليين

عرفوا العراق هيعمل مفاعل نووى ما استانوش لما يتبنى ويطلع قنبلة ويضربوه

من اولها اول ما بنوا القواعد مسحوه

علشان كده انا متاكد مثلا ان ايران ماعندهاش اى اسلحة نووية ولا فى قدرتها عارف تتاكد امتى ؟ لما دول يكون عندها وبيحكمها ناس بتفهم زى اسرائيل تضربها قبل ما تكبر

طبعا انا اسف للتشبيه مع اسرائيل ولكننا نناقش موضوع عن السياسة وليس الوطنية

تم تعديل 24 نوفمبر 2010 بواسطة raouf

[samehmagdy]

ومن امتى واحنا عندنا حاجه كويسه فى مصر

.....لا سياسه خارجيه ولا داخليه ولا تعليم ولا صحه ولا ولا خدمات ولا اسعار ولا ولا ولا ولا

لو افترضنا ان كلام زيناوي ده كلام واحد غبي سياسياً

فحتى الغبى بيخاف لو حس بقوه اللى قصاده

انما للاسف هما عارفين ايه اللى بيحصل فى مصر

وعارفين ايه هى اهتمامات السلطه والحكومه فى مصر

معندناش هم غير ارضاء اسرائيل وامريكا من اجل الحفاظ على الكرسى للوريث الوحيد للسلطه

معندناش هم غير ان كل وزير ومسئول فى البلد يسرق من دم الشعب على اد ما يقدر

احنا عارفين ان اسرائيل هى اللى بتحركهم وبتزقهم علينا علشان عاوزه تاخد من ميه النيل زى ما اخدت الغاز ببلاش

واثيوبيا عارفين اننامش هنقدر نتحرك نص خطوه من غير موافقه امريكا واسرائيل والا الاتفاق يبوظ ونشوف وريث تانى للحكم يبقى ليه زيناوي ميهددش ويتنطط على مصر واللى جابو مصر كمان

وطول ما تمن المواطن المصرى خمسين جنيه كل اربع سنين ودى تمن الصوت فى الانتخابات دلوقتى

وهو بيرضى بالتمن دى يبقى المفروض منفتحش بقنا تانى ونقول كرامتنا وحقنا

[samehmagdy]

شوفو الخبر دى كمان

جريدةالقدس العربي : حمى الرقص الشرقي تنتاب الوزراء مرشحو الحزب الحاكم للانتخابات النيابية

بدون سابق إنذار انتابت عددا من وزراء الحكومة المصرية المرشحين لخوض الانتخابات البرلمانية المقبلة حمى الرقص الشرقي، على مدار الأيام الماضية، وبينما اختار وزير الإنتاج الحربي الرقص بالعصا، اكتفى وزير المالية بطرس غالي العائد مؤخراً من الولايات المتحدة الأمريكية، حيث أجرى جراحة دقيقة في عينيه كللت بالنجاح، بالرقص على أنغام الطبل والمزمار، بينما حرص وزير الزراعة امين أباظة على الرقص بالحصان والضرب على الدفوف في مسقط رأسه بمحافظة الشرقية."

يا ترى فرحتهم ورقصهم دى كله بسبب ايه؟

[شريف مان]

يا جماعة متقلقوش خاااالص

مصر هتنظم دورة حوض النيل فى يناير القادم

منتخب مصر لكرة القدم هيلاعب منتخبات دول حوض النيل .. والامور هتبقى تمام

:)

[mustafagamiel]

انا متاكد مثلا ان ايران ماعندهاش اى اسلحة نووية ولا فى قدرتها عارف تتاكد امتى ؟ لما دول يكون عندها وبيحكمها ناس بتفهم زى اسرائيل تضربها قبل ما تكبر

بكره هايجي اليوم لتعرفوا ان اسرائيل وايران زي السمن ع العسل دول حبايب ياعمونا واحنا هنطلع اكبر .... ولابلاش

سلام

[ريمون]

صراحة سياسة خارجية مهينة

اولا : كلام زيناوي ده كلام واحد غبي سياسياً وبيحاول يكسب بنط زي ما بنقول بالبلدي ليداري على مشاكله الداخلية, ويصبح مقبولاً لدي شعبه.

جزئية تصريحات ابو الغيط او حسام ذكي , مش شايفها مهينة على الإطلاق , بالعكس ده كلام موزون لإن ما ينفعش واحد زي ده يجرجر دولة زي مصر ولا مسئولين مصريين للوقوع في الخطأ بالرد عليه بتصريحات مماثلة فهذا ما يريده ويجب الا نعطيه تلك الفرصة,

مع تحياتي

الله ينور عليك يا نايتمير

انا عادتا بتخنق من ابو الغيط لمن ده تصريح موزون جدا

زيناوى قال ان مصر هتهاجمنا

فردينا و قلنا لا مش هنهاجم اخواتنا و حباينا

لو كنا قلنا اه هنهاجم كان هيؤل مش قلتلكم اهم بيكرهونا و احنا نعمل اللى عاوزينه

و بعدين هل احنا فعلا عوازين نهاجم اثيوبا؟

و اللا حنا قد مخاطر الحرب ضد الدوله اللى بتدينا 80% من النيل؟

الاتزان مطلوب