اذهب إلى المحتوى
محاورات المصريين

حكومة الظل .. أم خيال الظل ؟

se_ Elsyed

بواسطة se_ Elsyed
في سياسة داخلية

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

حكومة الظل .. وعارفينها ... ده نظام سياسي مُتبع في الدول المحترمة ... بيكون عبارة عن تشكيل حكومة بديلة من المعارضة أو تحديداً من أكبر أحزاب معارضة .. وبيكون مهمته مراقبة أداء الحكومة الرسمية .. وبيكون كمان عامل ضغط على الحكومة على اساس إن الناس دي فاهمه مش أي كلام ويقدروا يحاسبوهم ...

خيال الظل ... حاجه كده زمان كانت زي عروض الأراجوز

وخيال الظل هو اللي بيعمله الدكتور السيد البدوي رئيس حزب الوفد

فمنذ تقلده لرئاسة حزب الوفد وهو يلعب دور المطبلاتي أو المكياج اللي بيداري وجه الحكومة القبيح وبيعمل فيها إن هناك معارضة شرسة .. وهو في الأخر أول عن أخر مش هايفوز بأكثر من 5 مقاعد ...

يبقى حكومة إيه اللي بيشكلها وهو اساساً مش ضامن ولا كرسي في الإنتخابات البرلمانية القادمة ؟

وحكومة إيه دي اللي الناس ما سمعتش عن أكثر من 90 % من أعضاءها ولا في طبق اليوم حتى ؟

بُصوا معايا كده الأسماء :

وتضم الحكومة الدكتور على السلمى رئيساً للوزراء ( وكتاب الله ما أعرفه ولا أعرف هو دكتور نسا وولاده ولا أنف وأذن وحونجره ؟ )

والمستشار مصطفى الطويل وزيراً للعدل ( مجهول )

ومنير فخرى عبد النور وزيراً للاقتصاد ( عارفه .. اصله مرشح نفسه في البرلمان ولسه موزع إتنين كيلو لحمه على الناس بتوع الديارة وإتمنيت إني أبقى معاهم .. أوعدنا يارب )

والدكتور بهاء أبو شقة وزيراً للشئون القانونية والتشريعية ( عارفه طبعاً ... محامي هشام طلعت .. وأكبر متلاعب بالقانون وثغراته )

والدكتور محمد كامل وزيراً للخارجية ( مجهول )

والدكتور إبراهيم عبد المجيد صالح وزيراً للتضامن الاجتماعى ( مجهول )

وأمين القصاص وزيراً لشئون سيناء ( مجهول )

والنائب طاهر حزيم وزيراً للنقل ( مجهول )

والدكتورة كاميليا شكرى وزيرة للتنمية الزراعية واستصلاح الأراضى ( مجهول )

والنائب علاء عبد المنعم وزيراً لحقوق الإنسان ( عارفه كويس ... الراجل ده من النواب المحترمين واللي واقفين للحكومة زي العقلة في الزور )

والنائب مصطفى الجندى وزيراً للسودان ودول حوض النيل ( مجهول )

والدكتور حسن أبو سعدة وزيراً للمالية ( مجهول )

والدكتور إبراهيم سلامة حجازى وزيراً للاستثمار ( مجهول )

وسعيد إسماعيل على وزيراً للتعليم والدكتور رياض بهى الدين شلش وزيراً للصحة والدكتور يحيى محمد سلامة شاش وزيراًَ للإسكان والتنمية العمرانية والدكتور حسام عصمت علام وزيراً للتنمية الخضراء والتغير المناخى واللواء محمد محمد الحسينى وزيراً للعمل والتأمينات والدكتور أحمد عبد الخالق الشناوى وزيراً للرى والدكتور سلامة عبد الهادى وزيرا للكهرباء والطاقة المتجددة والدكتور فتحى النادى وزيراً للتنمية البشرية والمهندس سالم مشهور وزيراً للتجارة والتنمية الصناعية والدكتور على حسن وزيراً للآثار والتراث القومى واللواء محمد فولى وزيراً للشباب والدكتورة عبلة عاطف خليل وزيرة للأسرة وحقوق الطفل والمهندس عمرو حسن على وزيراً للاتصالات وتكنولوجيا المعلومات

واللواء حافظ فكرى وزيراً للتنمية المحلية والدكتور عبد السلام حسن رجب وزيراً للتعاون الدولى والمصريين بالخارج.

أنا زهقت ... الكبشة اللي فوق دول ما أعرفش ولا واحد فيهم

وطاهر أبو زيد وزيراً للرياضة ( أول ما قريت إسمه ضحكت .. وفكرت أجيب إبن خالتي .. واد معاه دبلون صنايع .. أمسكة وزارة الصناعة ...)

والدكتور لميس جابر وزيرة للثقافة والتنمية الحضارية ( عارفها .. دي مرات يحي الفخراني بتاع الشيخ همام .. يبقى كده إبن خالتي قرب قوي من الوزارة )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
nightmare عضو جديد

nightmare

بتاريخ:
بتاريخ: (معدل)

وأمين القصاص وزيراً لشئون سيناء ( مجهول )

والنائب مصطفى الجندى وزيراً للسودان ودول حوض النيل ( مجهول )

mfb::unsure:

الكلام ده بجد والا تهريج يا سين سين , هو فيه حاجة اسمها وزير شئون سيناء , والا حلوة حتة وزير السودان ودول حوض النيل دي كمان هو فيه وزرات في مصر كده والا هيستحدثها سعادته

معروف ان كل احزاب المعارضة , احزاب ضعيفة واتباع النظام وينتظرون منه الفتات , كام كرسي , ربع مليون والا حاجة دعم انتخابات , كام فيلا في الساحل او مارينا

مفيش عندك احزاب في مصر للاسف الشديد.

كلهم بيفكروني بإوبريت الليلة الكبيرة , عرائس يمسكها النظام بيديه ويحركها على مسرح مصر كيفما يشاء ووقتما يشاء.

كان معكم مراسلكم نايتى وزير القاهرة الكبري وضواحيها مستقبلاً ووزير السعودية ودول الخليج العربي حالياً.

مع تحياتي:roseop:

تم تعديل بواسطة nightmare

فداك أبي وأمي ونفسي ومالي يا رسول الله

http://www.youtube.com/watch?v=yOblBbK5FqI&feature=related

رابط هذا التعليق
شارك
شريف مان عضو جديد

شريف مان

بتاريخ:
بتاريخ:

دول حاجة من ثلاثة :

1- تبع الاستاذ حمدى الكنيسى

2- بتوع مسابقة المسحوق

3- بتوع الكاميرا المستخبية

http://www.youtube.com/watch?v=wFuKVvwXktI

اللهم يــامن أجــاب نوحــــــــــــا حين ناداه

ويامن كشف الضر عن أيوب في بلــــــواه

ويامن سمع يعقوب في شكــــــــــــــــــــواه

ورد إليه يوسف وأخـــــــــــــــــــــــــــــــــاه

وبرحمته أرتد بصيرا وعادت النور عيناه

اللهم آتنا في الدنيا حسنة وفي الآخرة حسنة وقنا عذاب النار

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

حكومة الظل .. وعارفينها ... ده نظام سياسي مُتبع في الدول المحترمة ... بيكون عبارة عن تشكيل حكومة بديلة من المعارضة أو تحديداً من أكبر أحزاب معارضة .. وبيكون مهمته مراقبة أداء الحكومة الرسمية .. وبيكون كمان عامل ضغط على الحكومة على اساس إن الناس دي فاهمه مش أي كلام ويقدروا يحاسبوهم ...

خيال الظل ... حاجه كده زمان كانت زي عروض الأراجوز

وخيال الظل هو اللي بيعمله الدكتور السيد البدوي رئيس حزب الوفد

أنت حيرتنى معاك يا سى السيد

مش تعرفنا الأول يطلع مين " الدكتور سيد البدوى " وبعدين نبقى نتعرف على وزارته

انا كنت أسمع البسطاء يقولون " شالله يابدوى " أو " مدد ياسيد يابدوى " لكن عمرى ماسمعت حد بيقول " مدد يادكتور سيد يابدوى ".

أنا كل اللى سمعته عن الدكترة إنه تحايل على القانون ودخل شريك فى شراء جريدة الدستور لصالح رضا إدوارد ولعب لعبته المفضوحة لفصل قلم حر " إبراهيم عيسى " وبعد كده خد السبوبة بتاعته واتنازل عن نصيبه الوهمى لرضا إدوارد.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
pink rose عضو جديد

pink rose

بتاريخ:
بتاريخ:

وأمين القصاص وزيراً لشئون سيناء ( مجهول )

والنائب مصطفى الجندى وزيراً للسودان ودول حوض النيل ( مجهول )

mfb::unsure:

الكلام ده بجد والا تهريج يا سين سين , هو فيه حاجة اسمها وزير شئون سيناء , والا حلوة حتة وزير السودان ودول حوض النيل دي كمان هو فيه وزرات في مصر كده والا هيستحدثها سعادته

مع تحياتي:roseop:

نفس السؤال ايه الوزارات دي موجوة فعلا و لا لسا هايفتكسها سعادة الدكتور؟

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

وأمين القصاص وزيراً لشئون سيناء ( مجهول )

والنائب مصطفى الجندى وزيراً للسودان ودول حوض النيل ( مجهول )

mfb::unsure:

الكلام ده بجد والا تهريج يا سين سين , هو فيه حاجة اسمها وزير شئون سيناء , والا حلوة حتة وزير السودان ودول حوض النيل دي كمان هو فيه وزرات في مصر كده والا هيستحدثها سعادته

مع تحياتي:roseop:

نفس السؤال ايه الوزارات دي موجوة فعلا و لا لسا هايفتكسها سعادة الدكتور؟

إفتكاسة طبعاً وأي حاجه في رغيف

وزير سينا ووزير مرسى مطروح ...

أنا نفسي أتعين وزير شرم الشيخ ... يااااااااااااه ... ده أنا اخلي البكيني يبقى للرُكب .. والشعب كله مش هايبلك بلبطه .... وأخلي النشيد الوطني يبقى " دقوا الشماسي .. دقوا الشماسي " وكدهوت ... وهاعمل كمان وزارة للفريسكا والجندوفلي ...

ريمو .. إنتي مش أسكندرانيه ؟

خلاص ... من دلوقت هاعينك وزيرة إسكندرية ومحرم بيك وسيدي عبد الرحمن .... وعاوزك تاخدي بالك من البوري والسُبيط .. وكل يوم عالغداء تطبخي للشعب صيادية وسمك مشوي ... ماليش تُقل انا عالمقلي إلا لما اتإكد إنك بتسخدمي زيت كريستال ..

وبُصي ... خلي المكتب بتاعك قريب من خالد بن الوليد .. باحب أنزل هناك عشان أغطس في الزحمة ...

وأجتماعات الوزارة كلها خليها عند قدورة ... وما تسنيش الحلو بقى من عند احمد حسانين - هو أسمه كده ؟ أنا باتلخبط في أسمه إكمني ما باحبش الحلويات .. لكن المدام بتروح تعبي عربيتين هريسة وبسبوسه من عنده كل زيارة - إبقي خلي بالك من المدام في وزارتك الجديد الله يخليكي

بُصي .. كمان هاعين مريم وزيرة لمنطقة المنتزة .... أنا عارف مريم صاحبة مزاج وبتحب الهدوء والجناين . وممكن لو شدت حيلها أديها قصر راس التين هديه ..

-------------------------

واللي غضبان عليه .. أوديه وزير حلايب وشلاليت .. او أوديه توشكى ...

مش تعرفنا الأول يطلع مين " الدكتور سيد البدوى " وبعدين نبقى نتعرف على وزارته

ما أنت مش واخد بالك يا عم محمد

السيد البدوي - شي الله يا سيد - راسم على الكرسي المتنجد الكبير يا باشا . وعمال يوزع في وزارات وكإنه بيوزع فنضام

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

طب أضحككم أكتر ؟

بُصوا معايا على حملة حزب الوفد الإعلانية

حاجه كده أشبة بإعلانات زبادي نستله أو مرقة دجاج أم عبده

http://www.youtube.com/watch?v=wZkuigPaMW8&NR=1

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

نتكلم جد بقى بعيداً عن الفريسكة والجندوفلي عشان الريحه بس

-----------

يا سيد بيه ما تبقاش عامل زي الحق اللي أُريد به باطل

يا سيد بيه لو عاوز حزب الوفد يبقى حزب بحق وحقيقي ويرجع زي ما كان أيام سعد زغلول والنحاس ومكرم عبيد .. يبقى أنزل الشارع

هاتقول لي قانون الطواريء ؟

هاقول لسيادتك .. no gain >>> without pain

يا سيد بيه الاخوان لا هما حزب ولا يحزنون ولا يملكوا ربع اللي معاك إنت لوحدك من اموال .. لكن مع ذلك بيسحقوا الحكومة في إي إنتخابات برلمانية أو نقابية بدليل إنتخابات 2005 الماضية وفوزهم بـ 88 مقعد بالرغم من السحل اللي إتسحلوه .. عشان هما من الناس وحاسين بهم وبيشاركوهم بعض همومهم

مش هاحاسب حضرتك عن تلك الفترة . لكن هاحاسبك الأسبوع القادم بعد الإنتخابات .. ولو فزت بـ 5 % من المقاعد اللي إنت هاتنافس عليها يعني بنتكلم في 10 مقاعد ولا حاجه . يبقى أنا محتاج أدخل فصول محو الأمية السياسية من تاني

يا سيد بيه بدل ما تعمل في قنوات مسلسلات وافلام وهلس .... إصرف الفلوس دي على مشروعات خدمية تحقق لك ربح ... بس تخدم الناس في نفس الوقت

يا سيد بيه قول لجيش الدكاترة اللي معاك واللي بعترت عليهم الوزارات إنتو فين من الناس ؟

إنتو فين من العشوائيات ؟

إنتو فين من الريف اللي أخر حاجه سمعها عن حزب الوفد كانت معاهدة 1936 ؟

يا سيدي بيه عيب .. عيب عليك تلعب دور الكومبارس وتشارك في مسرحية هزلية

يا سيد بيه ما سمعناش دكتور من بتوع الأقتصاد دول رد على هرتلة جمال ابن مبارك وهو يتحدث لبرنامج صباح الخير يا مصر الأسبوع الماضي وأنا شخصياً سكتت عشان أتعلم وأشوف حد يرد وأتعلم منه وهو بيقول له " إنت بتخرف إنت وأبوك "

بلاش كده ... يقولها له بأي طريقة تانية حاكم أنا لساني زالف

يا سيد بيه إنتو سيبتوا لهم الساحة .. سيبتوها لهم لحد ما وصل بهم الفُجر إنهم يقولوا على لسان جمال مبارك :

- في الخمس سنين اللي فاتت نجح الحزب إنه يزود حجم التبادل التجاري بين مصر وبين الدول العربية إلى 100 % .. وبيننا وبين الدول الأوروبية إلى 40 % .. وبيننا وبين الصين إلى 100 % ... وفي الخمس سنين الجايين هانزود الصادرات من 100 مليار جنيه إلى 200 مليار وهانخفض نسبة البطالة إلى 19% .. وفي الخمس سنين اللي فاتوا زودنا المعاشات 300 %

يا سيد بيه لو سيادتك عرفت ترد على الهرتله دي اللي بتتكلم عن معدلات سويسرا بالإضافة إلى جميع دول الأتحاد الأوربي ..

يبقى ساعتها أنا هانضم لحزب الوفد وهاخرج بصدري إلى تتار الشرطة والحزب الوطني أدافع عن حزب عنده رد مقنع وعنده بدائل وعنده حلول للمشاكل وعنده طريقة للتواصل مع بسطاء الشعب اللي بينتخبوا الحزب الوطني من 30 سنة مقابل كيلو لحمه أو قزازة زيت .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
pink rose عضو جديد

pink rose

بتاريخ:
بتاريخ: (معدل)

ريمو .. إنتي مش أسكندرانيه ؟

خلاص ... من دلوقت هاعينك وزيرة إسكندرية ومحرم بيك وسيدي عبد الرحمن .... وعاوزك تاخدي بالك من البوري والسُبيط .. وكل يوم عالغداء تطبخي للشعب صيادية وسمك مشوي ... ماليش تُقل انا عالمقلي إلا لما اتإكد إنك بتسخدمي زيت كريستال ..

وبُصي ... خلي المكتب بتاعك قريب من خالد بن الوليد .. باحب أنزل هناك عشان أغطس في الزحمة ...

وأجتماعات الوزارة كلها خليها عند قدورة ... وما تسنيش الحلو بقى من عند احمد حسانين - هو أسمه كده ؟ أنا باتلخبط في أسمه إكمني ما باحبش الحلويات .. لكن المدام بتروح تعبي عربيتين هريسة وبسبوسه من عنده كل زيارة - إبقي خلي بالك من المدام في وزارتك الجديد الله يخليكي

بُصي .. كمان هاعين مريم وزيرة لمنطقة المنتزة .... أنا عارف مريم صاحبة مزاج وبتحب الهدوء والجناين . وممكن لو شدت حيلها أديها قصر راس التين هديه ..

-------------------------

ايه دا يا س س كده انت محسسني اننا هانبقى وزرا مش هاي ستايل و هانحس بالغلابة و كده

محرم بك ايه و خالد بن الوليد ايه و قدورة ايه

اسمع المفيد يا باشا

انا عاوزة ابقى وزيرة اسكندرية و الساحل الشمالي ( اقل من كده مش هاقبل على فكرة)

مقر الوزارة بقى في مارينا

هاهريكم بيكني يا ولاد

اجتماعات الوزارة في seagull

لما نحب ناخد بريك من الاجتماعات نطلع على بورتو مارينا نركب ياخت و ناخد جولة كده نهدي اعصابنا

اما بالنسبة لمريم انا موافقة على حوار المنتزة دا لان بنتي فعلا بتحب الاماكن المفتوحة

فا المنتزة هاتمشي معاها

و ممكن ناخد انطونيادس بالمرة

بس معلش مش عشان هي صغيرة هاتاكلنا و تقولنا قصر التين و كده

لاااااااا انسى يا عمرو

قصر المنتزة و راس التين و فوقهم كمان قصر المجوهرات كادو فوق البيعة

هي دي اي حد دي مريم هانم

تم تعديل بواسطة remo
رابط هذا التعليق
شارك
سكر عضو جديد

سكر

بتاريخ:
بتاريخ:

دة بقى على اساس ان السيد البدوى هو رئيس الجمهوريه حكومة الظل

بلا خيبه

كلمه واحدة هرد بيها عليك يابدوى

ايه هو المحتوى الثقافى الذى تقدمه فى قنواتك لرفع مستوى الثقافه والاخلاق والقيم من اربع قنوات يا محترم

ليس فيها غير ثقافه التسليه و تضيع الوقت entertainment

ياراجل طب خلى واحدة منهم ليها اتجاة حتى ولو اخبارى

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...