شغب ومصادمات بين الأمن ومسيحيين احتجاجاً على وقف إنشاءات بكنيسة العمرانية

[ComingSoon]

النقاط التي اعتقد فيها تتركز حول امر واحد

الزوق

ومش برمي عليك والله انه مش عندك

انا بتكلم عن مفتاح شخصي يحدد نقطة انطلاق للانسان مع كل من يختلف معه ,,

يعني كمثال

لي زملائي سوريين ولبنايين معي في الشركه وبتجمعنا جلسة حوار كل يوم

تخيل لو عملت زيك يا سوون

وبقى حوار اليومي معهم مرتكز فقط في نقطة ان بعضهم مثلا غير مواظب على الصلاه او يتاخر في موعد حضوره او يتقاعس عن تقديم المشاريع التي اكلفهم بها

حيكون ايه رد الفعل ,,

انت عارف طبعا من غير ما اقول ,,

قصدي انت قلت بنفسك انه منتدى حوراي سياسي بلا بلا بلا

لكن نا شايفك ماشاء الله محدد هدفك من ابدايه وهو الحديث فقط عن سيئات المسحيين عبر الزمان والمكان

مش حقول لك فيه منتديات متخصصه للجدال البيور بين المسلميين والمسيحيين زي ماحضرتك تفضلت وقلت اللي زهق من الموضوع يتمشى افرنجي

تاني حقول

مش اسلوب حياه اني اروح لجماعه وحشين من وجهة نظري اقول لهم انتوا غلط انتوا غلط انتوا غلط انتوا غلط

ودي ناس والله انا شايفها رايقين وهاديين وعاملين خاطر لنا كمسلمين زمايلهم مش عاوزين يجيبوا زيك حوادث تاريخيه وفتاوى ذبحيه - جايه من الذبح - ومقاتل كثير انا شايفها بكل و عارفها بس نا مسلم وبحبك مش معقول اضرب في نفسي يعني

القصد يا سوون ان تهدئة النفوس وعدم صب البنزين على النار غايه نبيله وساميه

ولا انا كلامي غلط ؟

يا architect

انا في شغلي نفس الحكاية والدين والسياسة شئ والشغل شئ تاني اخر

ويجب ان تفصل بين الاثنين تماماً لأن الاختلاف الديني والسياسي لو انتقل للعمل يفسده

صحيح ان 90% من الشركات المسيحية المصرية لاتعين مسلمين ماعدا شركات ساويرس لكن ده غلط ومش لازم نعمل زيهم

والزوق ده لازم يكون موجود ممكن اكون مختلف معاك 100% ويحتد الكلام لكن بحدود محسوبة اضعها وفي الاخر هي اختلاف اراء

بالنسبة للمسيحيين لااعرف لماذا ان تضيع وقتك في الدفاع عنك كأنهم اطفال يحتاجون من يتكلم بالنيابه عنهم

اتركهم يااخي يتكلمون ويعبرون عن ارائهم بحرية

لماذا تضعهم تحت وصايتك ؟!!!

انت ماشاء الله عليك عندك مشروع تجديدي هايقلب الدنيا المفروض تخلي وقت الثمين لهذا المشروع واترك هذا الجدل

انا عندي اجازه اليوم وماعنديش مشروعات تجديديه الحمد لله وعاجبني الاسلام كده تقدر تقول هو في DNA

لكن انت عندك مشروع تجديدي وامثالك من المجددين هو فلته نادره في بحر المقلدين امثالنا

لاتضيع وقت معنا

بالنسبة لفتاوي الذبح

يسأل عنها من افتاها فنحن ليس عندنا رجال دين وكل مسلم مكلف بنفسة ومن يعول

والعالم يفتي بحسب رؤيته هو للدين اذا اقتنعت فمرحباً لم تقتنع لايستطيع طردك من الكنيسة حيث لايوجد كنيسة من الاصل

بالنسبة لكلامك غلط ولا صح

فهو من وجه نظري غلط تماماً وهذا لايقلل من احترامك لأنك الصراحة شخص حسن النية وطيب ونقي

[م تيمور المراغي]

ماهو يا سوون من ضمن اجندتي كمجدد التعريف بجوهر الدين السمح الذي يسع كل البشر حتى المختلفين معانا في العقيده ,,

مثلا رسول الله صلى الله عليه وسلم وعيادته للكافر الذي كان يضع القاذورات في طريقه كل يوم

او يلقي عليه امعاء شاه وهو ساجد ( انا معتممد على علمكم بالقصه ممكن اجيبها بالتفصيل لو حد طلب )

طيب ده كافر و كان بيؤذي الرسول ,,

ورغم كده ذهب اليه في مرضه ,,

هل فكرت يا سوون - وكلامي والله مش لك تحديدا انا بخاطب من يشاركونك في الفكر ,,

هل فكرت بالقيام بزيارة احد المصابين في احداث العمرانية

تخيل لو الشيخ ابو اسحاق الحويني وهو من هو ويعلم الجميع حبي له

تخيل لو قام من الغد

وذهب الى المستشفى لزيارة المصابين

ودعى الله لهم بالهدايه والشفاء

منظرنا بالله عليك كمسلمين حيكون ازاي ؟؟

طيب بالله هذا المصاب واخوته ووالدته

كيف سيتلقون هذذه الزياره من الشيخ ابو اسحاق ؟

اترك الاجابه لضميرك ,, واكيد حضرتك والكل وصله ما اعنيه ,,

[اغابي]

الاستاذه المحترمه اغابي

علي الرغم من تقيمك السالب لي فلم اقل لكي لماذا تقيميني بالسالب

هذه في النهاية وجهه نظرك وتقييمك للامور

وارجو ان تتعلمي احترام الاخر قبل ان تطالبينه باحترامك

شكرا لرك يا كمنج سون

انا حارد فى كل جزئية اذ سمحت لى يا اخى الفاضل - لما انت قيمتنى احمر كتيررررررر انا زعلت ولا بكيت ولا اشتكيت حتى

عموما انا قبلت الاحمر اللى انت اديتهونى ومقبول منك وانا اسفة لو ضايقك تقييمي المحمر و ما تزعلش وعد منى حاخضرك وحاخليك فسفور المحاورات

لكن من حقى عليك كمواطنة مصرية وكعضوة فى مجلس المحاورات المحترم - انك ما تقولشي تتعلمى الاحترام

كدا عيب انت راجل مؤدب ومتدين وجينتل - فى حد يتكلم كدا

اهى الكلمة دى وحدها فيها انذار من الادارة لحضرتك بالمستريح

مش قولنا نتكلم وبلاش غلط انا متاكدة اننا هنا كلنا اكبر منك سننا - اختار الاسلوب اللى تتكلم بيه -

بالنسبة للكتب والمراجع

احنا كمسلمين اتعلمنا من علم الحديث ان الكلام المرسل لاقيمه له

لذلك قولي لي اي نقطه بالتحديد غريبة او تريدي لها مرجع

وانا سأتي لكي بالمرجع ورقم الصفحة كمان

لاتقولي لي كلامك كله خطأ بل قولي هذه النقطه خطأ ليتسني لي تصحيحها او احضار المراجع التي وردت فيها

زميل لكي قال ذلك

جئت له بالمرجع ورقم الصفحة والمقطع كله

ثانى نقطة

المراجع كثير وما اكثرها لكن هل هى مراجع صحيحة وايه اللى يخليني اصدق انها مراجع موثوق فيها

انا من وجهة نظرى لا اعترف بالكثير من الكتب التى تزيف الحقائق

يبقى وصلناك لنقطة ان مراجعك تلزمك لوحدك لكن انا ما التزمش فيها والا كنا وصلنا مع بعض لتسوية الحلول بطريقة افضل من هذه

اختلاف الراى لا يفسد للود قضية

لكن المشكلة الكلمات الغير لائقة فى الحوار والصوت العالى

قد يكون التاريخ الذي تعلمتيه في الكنيسة مختلف لكن يظل كلام الكنيسة وجهه نظر لايلزم غيرها

والموضوع في اوله كله اساءه للمسلمين وللاسلام

مع ان البلطجه والشغب والاعتداء اصلاً من المسيحيين

غلط يا كمنج سون - غلط

حد يتكلم فى حوار هادىء وعاقل ومتزن بالاسلوب داه

لالالا انا مضطرة اشتكيك للادارة حسب قوانين المنتدى

ولا اقولك تعالى نتكلم بششششششششويش بالنسبة للنقطة اللى حضرتك بتقول فيها الموضوع كله اساءة للاسلام

احب اقولك ان الموضوع من اوله ومن اول جملة فيه - خطها بيده الاستاذ الفاضل س س

وهى جملة اهانة موجهة الى المسيحيين ووصفهم بالبلطجة

يبقى مين يا ابنى جاب سيرة المسلمين باى كلام سيء

الله يسامحك يا كومنج سون - مصمم تعكر مزاجى ليه بس

عموما المسامح كريم - انا مسمحاك يا اخى وابن بلادى

انا شخصيا باحترم كل الاديان وكل الاراء وكل الثقافات

حاول ما تفرضش رايك على الباقيين لا باللعصا ولا الصوت العالى

خالص التحية

خد وردة

تم تعديل 15 ديسمبر 2010 بواسطة اغابي

[ComingSoon]

ماهو يا سوون من ضمن اجندتي كمجدد التعريف بجوهر الدين السمح الذي يسع كل البشر حتى المختلفين معانا في العقيده ,,

طيب يا architect

ليه مفترض ان رأيك صح 100% مايمكن السماحة انت فهمها بشكل غلط

اللي انت شايفة سماحة ممكن انا اراه جريمه في حق البلد

هاديلك موقف تقريبي لااكثر

شخص عمل جريمه انت شايف من السماحة تركه ومسامحتة وعدم عقابة

لكن الشخص ده فسر سماحتك بأنها ضعف وراح قتل شخص اخر

انت كده سماحتك اتحولت إلي جريمه مثلك مثل الذي قتل تماماً

يعني ليس كل شئ ينفع فيه السماحة ولا كل شئ ينفع فيه الشده

لكن انت وتيار في المجتمع فاتحين حنفية السماحة علي الأخر لدرجة انها هاتغرقنا لذلك يجب الاخذ علي ايديكم حتي ننجو معنا كما قال الرسول صلي الله عليه وسلم

لأن حسن نيتك يجعلك تري الامور علي غير حقيقتها

وذي مابيقولو في الخليج (الكلام اللين يكسب الحق البين) وانت بقي ماشي مع الكلام اللين ومش واخد بالك من الحق البين

دول مجموعة ارتكبت فعل اجرامي المفروض يبقوا في السجن

ده اللي بتعمله الدول المحترمه

ثانياً الاولي زياره المسلمين اللي مرمين في السجون وااللي مرمين في البحر في سفن الموت لأنهم غلابه مابيجلهمش تبرعات 3 مليار كل سنه من امريكا

[م تيمور المراغي]

طيب عندك دليل يا سون .؟

ان الكنيسه المصريه بيجيلها تبرعات من الحكومة الامريكيه سنويا ب 3 مليارات دولار ؟

اصلها بصراحه تهمه مش هينه

[ComingSoon]

طيب عندك دليل يا سون .؟

ان الكنيسه المصريه بيجيلها تبرعات من الحكومة الامريكيه سنويا ب 3 مليارات دولار ؟

اصلها بصراحه تهمه مش هينه

هل انا قلت ان الحكومه الامريكية تعطي للكنيسة 3 مليارات دولار ؟

انا قلت امريكا ولم احدد هل هي جهات شعبية ام جهات حومية ام جهات وسط بين الاهلية والحكومية مثل مجلس الكنائس العالمي

ثانياً انا ماجبتش سيره الكنيسة تصريحاً ولاتلميحاً

بالنسبة للوثائق

هل عندك وثائق ان الانتخابات المصرية مزوره ؟

مع ان الكل يعرف انها مزوره

مافيش دخان من غير نار

ومافيش كنائس عملاقة بتتبني من غير فلوس

وبالمناسبة طالما جبت سيره النقطه ديه

المفروض اصلاً الجهاز المركزي للمحاسبات يراجع جميع حسابات الكنيسة وكل مليم بيدخل ويخرج مها

لأن ده القانون اللي ماشي علي الجميع في الدوله المصرية اما دولة الكنيسة القبطية لانعرف قوانينها في هذا الشأن

نستني لما يحصل مفاوضات بين الدولتين يمكن يتفقوا وساعتها هايكون فيه وثائق

[م تيمور المراغي]

انا ماكنتش بتهمك على فككره انت نفسك

هو ليه في موقف المدافع طول الوقت انا بسال بجد

الرقم 3000 مليون دولار كمان ده وليس جنيه مصري مثلا

يعني ما قيمته

18000 مليون جنيه مصري

ويكتب هكذا

18000000000

وكمان سنويا

للمسيحين يا سيدي بلاش الكنيسه

سؤالي بجد مش تريقه

انت مش شايف انه رقم كبير جدا؟

[م تيمور المراغي]

قبل مالسهره تاخذنا

اذكر نفسي واياكم بصوم الغد الخميس ان شاء الله بنماسبة يوم عاشوراء

اعاده الله على الجميع مسلمين ومسيحين بالرحمات والهدايه والمغفره

[اغابي]

قبل مالسهره تاخذنا

اذكر نفسي واياكم بصوم الغد الخميس ان شاء الله بنماسبة يوم عاشوراء

اعاده الله على الجميع مسلمين ومسيحين بالرحمات والهدايه والمغفره

كل سنة وانتم طيبين بمناسبة يوم عاشوراء

والواحد محتاج الدعوات الحلوة دى يا بشمهندس

وياريت تفتحولنا موضوع بمناسبة يوم عاشوراء هنا على المنتدى

لزيادة الفهم - والثقافة والمعرفة

خالص امنياتى

بيوم مبارك وصوما مقبولا انشالله

تم تعديل 15 ديسمبر 2010 بواسطة اغابي

[ComingSoon]

انا ماكنتش بتهمك على فككره انت نفسك

هو ليه في موقف المدافع طول الوقت انا بسال بجد

الرقم 3000 مليون دولار كمان ده وليس جنيه مصري مثلا

يعني ما قيمته

18000 مليون جنيه مصري

ويكتب هكذا

18000000000

وكمان سنويا

للمسيحين يا سيدي بلاش الكنيسه

سؤالي بجد مش تريقه

انت مش شايف انه رقم كبير جدا؟

مش كتير علي امريكا

ده الرقم ده كان بيدفع للحكومة المصرية كمعونه عشان تبقي علي علاقات جيده مع اسرائيل بعد معاهده السلام

شوف انت بقي اسرائيل اللي تحتل بلد صغير تدفع امريكا لها كم مليار كل سنه اضافة الي (معونات) تدفع لمصر والاردن للحفاظ علي السلام

مابالك اللي هايجيب مصر (بيسموها الجايزه الكبري) راكعه للغرب

يعني شوف السودان مسيحيين الجنوب بكام مليون هايقسموا السودان

لكن ديه مصر

يعني لما تقع كل الدول اللي حواليها تقع يعني دمار تام للدول العربية

شوف ده يسوي كام

ولاتنسي ان مجلس الكنائس العالمي الذي دخلت فيه الكنيسة القبطية بامر من البابا شنوده

عند افتتاحة قاله دالاس: "أن نبشر بالمسيحية فهذا معناه أن نبشر بالحضارة الغربية"

وهذا مقتطف من كلام محمد حسنين هيكل

في خريف الغضب: "إن مجلس الكنائس العالمي يعكس دون أدنى شك رغبة جهات أمريكية معينة في أن يقوم الدين بدور رئيس في الصراع، وإن التحقيقات التي جرت في الكونجرس أثبتت أن مجلس الكنائس العالمي كان من الجهات التي حصلت على مساعدات ضخمة من وكالة المخابرات المركزية الأمريكية"

"وفوق منصة الرئاسة يوم الافتتاح كان جلوس وزير الخارجية الأمريكي جون فوستر دالاس شقيق رئيس إدارة المخابرات المركزية الأمريكية آلان دالاس إلى جانب رئيس مجلس الكنائس العالمي، وكان مما قاله دالاس: "أن نبشر بالمسيحية فهذا معناه أن نبشر بالحضارة الغربية".

[م تيمور المراغي]

قبل مالسهره تاخذنا

اذكر نفسي واياكم بصوم الغد الخميس ان شاء الله بنماسبة يوم عاشوراء

اعاده الله على الجميع مسلمين ومسيحين بالرحمات والهدايه والمغفره

كل سنة وانتم طيبين بمناسبة يوم عاشوراء

والواحد محتاج الدعوات الحلوة دى يا بشمهندس

وياريت تفتحولنا موضوع بمناسبة يوم عاشوراء هنا على المنتدى

لزيادة الفهم - والثقافة والمعرفة

خالص امنياتى

بيوم مبارك وصوما مقبولا انشالله

ميرسي اغابي على تهنئتك الرقيقه

وده زوق غير مستغرب منك

وبصراحه مافيش حد زي سوون يفتح لنا موضوع عن عاشوراء قصتها وفضل صوم يومها ,,

ونبقى نكمل مناكفه هنا سوا بعد الموضوع يا سووون :happy:

[ComingSoon]

خد كمان وصف هيئة مفوضي الدولة للبابا شنوده

وهي هيئة قضائية تتبع الدوله ولاتتبع لي

إن البابا خيَّب الآمال وتنكَّب عن الطريق المستقيم الذي تُمْلِيه عليه قوانين البلاد، واتخذ الدين ستارًا يخفي أطماعًا سياسية- كل أقباط مصر منها براء- وإنه يجاهر بتلك الأطماع واضعًا بديلاً له، بحرًا من الدماء تغرق فيها البلاد من أقصاها إلى أقصاها، باذلاً قصارى جهده في دفع عجلة الفتنة بأقصى سرعة وعلى غير هدى في أرجاء البلاد، غير عابئ بوطن يؤويه ودولة تحميه، وبذلك يكون قد خرج من ردائه الذي خلعه عليه أقباط مصر.

[MZohairy]

قبل مالسهره تاخذنا

اذكر نفسي واياكم بصوم الغد الخميس ان شاء الله بنماسبة يوم عاشوراء

اعاده الله على الجميع مسلمين ومسيحين بالرحمات والهدايه والمغفره

كل سنة وانتم طيبين بمناسبة يوم عاشوراء

والواحد محتاج الدعوات الحلوة دى يا بشمهندس

وياريت تفتحولنا موضوع بمناسبة يوم عاشوراء هنا على المنتدى

لزيادة الفهم - والثقافة والمعرفة

خالص امنياتى

بيوم مبارك وصوما مقبولا انشالله

سيبك انتي ولاد الناس بيفضلوا ولاد ناس مهما شافوا العجب

كل سنه و كل المصريين طيبين يا أغابي

[م تيمور المراغي]

طيب عزمت عليك يا سوون انك تفتح توبيك عن عاشوراء ,,

ومش بشتتك والله يعلم

بس نستفيد من معلوماتك في الحديث عن عاشوراء ,,

وحنرجع نكمل هنا تاني ان شاء الله

[م تيمور المراغي]

الحيده تخليني ي ازوهيري اناشدك ماتتهكمش على اي مخالف لينا في الرأي

حتى لو كان هو اخطأ قبل كده

احنا طبعنا نقابل السيئه بالحسنه

وهما كمان والله ده طبعهم بس مش عارف ايه اللي حصل في التوبيك ده بالذات

[ComingSoon]

طيب عزمت عليك يا سوون انك تفتح توبيك عن عاشوراء ,,

ومش بشتتك والله يعلم

بس نستفيد من معلوماتك في الحديث عن عاشوراء ,,

وحنرجع نكمل هنا تاني ان شاء الله

انا مهما اتكلمت مش هاتكلم زي علمائنا ماتكلموا

اصل انا مش بتاع تجديدات انا من المقلدين للعلماء

لكن انت اكيد عندك نظره تجديديه ليوم عاشوراء

ويمكن يكون كمان عندك نظره جديده لطريقة الاحتفال يعني بدل العشورا ممكن نعمل كيك بالشوكلاته او بالفرواله

ووعد اني مش هاعارض خالص في هذا الموضوع

[م تيمور المراغي]

معقول يا سوون تكون بتتريق عليا

رغم اني لم اسيئ لك ولا مره

وكل كلامي معاك كنت بقول فيه كلمة حضرتك ,,

وكلمة مجددين اللي بتسخر منها

وردت في حديث النبي صلى الله عليه وسلم

عندما قال :

(‏ ‏إن الله يبعث لهذه الأمة على رأس كل مائة سنة من يجدد لها دينها )

أخرجه أبوداود في السنن رقم4291

والحاكم في المستدرك 4/522

والطبراني في المعجم الأوسط 6/323-324/6527

ممكن تكزن حضرتك المجدد

او انا

او دكتور عمرو خالد او الشيخ الحويني الله اعلم

لكن المهم ,, انك تكون في نيتك الاصلاح والدعوه الى الله ,,

وبدل ماكنت تسخر مني ,, كنت اخذت ثواب كل من يقرأ موضوعك وينوي من بعده الصوم ,,

استعيذ بالله ولا تكابر في الخير وافتح التوبيك يرحمك الله ,,

[MZohairy]

الحيده تخليني ي ازوهيري اناشدك ماتتهكمش على اي مخالف لينا في الرأي

حتى لو كان هو اخطأ قبل كده

احنا طبعنا نقابل السيئه بالحسنه

وهما كمان والله ده طبعهم بس مش عارف ايه اللي حصل في التوبيك ده بالذات

ليه هو انا سخرت من مين و فين يا ارشيتيكت؟

[م تيمور المراغي]

خلاص يا زهيري فوتها شكلي انا اللي فهمتك غلط

[م تيمور المراغي]

حستاذنكم يا شباب ساعه نازل اتعشى واجيب سحوري ونرجع نكمل السهره سوا

يارب يكون بس بفايده في الاخر :happy: