شغب ومصادمات بين الأمن ومسيحيين احتجاجاً على وقف إنشاءات بكنيسة العمرانية

[eslam elmasre]

يا اخ سون

الاخ تيمور بالفعل اخ فاضل ومعتدل وكل غرضة في الحقيقة ان يضع لبنة في درأ الفتنة والمساعدة في نشر التسامح بين قطبي الامة ولا ينحاز لجهة امام جهة ويقول مثل ما يقول الكثيرون ان الفتنة اصحابها من الطرفين فلا تلومه علي هدفة النبيل ولا تتهمه بتهم مثل حبه للمسيحيين فلا اعتقد ان الحب اصحب في هذه الايام تهمة

اثنيت عليك في ثبات حجتك واختلفت معك في بعض ما تطرحة لكن يبقي الاحترام بين الجميع

لو كان حب عادي كان ماشي

ده بيتهم كل من يخالف رأية بانه يعمل لحساب احد اخر

يعني بيتهمنا بالعماله والخيانة يعني تهمه فيها اعدام

انا حاسس من كلامه انه مستعد يموت اخر ضيف (مسلم) من مصر عشان يستريحوا (اصحاب البلد)

حماستة اكثر من حماسة المسيحيين انفسهم

عايز واحد بلطجي كسر ممتلكات عامه يخرج منها زي الشعره من العجينه

وكأن هذه الاقليه فوق كل القوانيين وكان المسلمين دول ولاد البطه السودا

اما المسيحيين فدول اولاد البطه البيضا

ليه عشان احنا خايفين من امريكا

عشان المسيحي بيهتف في المظاهره بيقول : ياامريكا فينك فينك امن الدوله بينه وبينك

احب اعرفك ان مصر فيها رجال وماترضاه انت لايرضاه غيرك

لأن في رجاله عندهم شئ اسمه نخوه وغيره علي عرضة ودينه

لا لا يا سون

بالحق ولا اشهد الا بالحق

تيمور ليس كما تقول

لا اود ان يسير الحوار بينكما الي الشخصنة المذمومة فكلاكما احترم فكره وحواره وكنت مستمتع بسجالكما لكن يا فرحه ماتمت

اتمني ان تعيدا حساباتكما فانتما اخان فاضلان يحتوي كلاكما علي عقول وثقافة عالية اتمني الا تهدراها في الشخصنة الغير محمودة

[Simba]

يا استاذ كمنج سوون

انا احترمت جدا ثبات موقفك وثفافتك واسلوبك في الحوار وقوة حجتك لدرجة كنت حاسس اني بستمتع بمناظرة وصدقني كان كفتك اكثر ميل عندي من اي كفة تانية

لكن ما كنت متوقع ابدا ان اسلوبك هيتنقل لاسلوب الصراخ والبط البيضة والسودا :protest:

ارجع لهدوئك وانا برضه لسه متابع

[ComingSoon]

محدش بيدفع لي عشان اوضح صورة الاسلام الحقيقيه اللي بيشوهها المتزمتين كل لحظه

ولو كان عليا ان اختار نموذج مشرف في ليلتنا تلك

فاني اختار نموذج اخين مسيحيين قاموا بكل زوق بتهنئة اخوانهم المسلمين بعاشوراء ,,

و ابتعد عن نموذج اخر مهمته الوحيده هي اثارة الحزازيات في النفوس وايقاظ الفتنه التي لعن النبي من ايقظها ,,

وبالنسبه لنموذج الشاب من المدينه الجامعيه ,, فهو كان من نفس العينه التي تكره كل ما حولها بدون اي سبب

واللي ماقولتهوش انه سقط سنتين وتم فصله من الكليه نهائيا ,,

ماهي ديه الشماعة بتاعة كل واحد

شيخ الازهر لما سلم علي قاتل الاطفال شيمون بريز

برر ده بصوره الاسلام

يعني انت تنسف الاسلام بتصرفاتك وخايف علي الصوره

امسك فالاصل وسيب الصوره

والاصيل هو اللي بيمسك في الاصل ويسيب الصوره

لكن اللي ماسك في الصوره وسايب الاصل فده معروف

وعشان مسيحي هناني اغير موقفي

يعني زكريا بطرس والاف المواقع القبطية التي تشتم الاسلام والرسول ليل نهار وتدار من داخل الكنيسة

يعني بيشوي وتشكيكه في القرأن

يعني خطف المسلمات مثل وفاء قسطنطين وكامليا شحاته انساه

كله ده يتبخر

طيب افرض اليهود هننوني

بنفس المنطق المفروض انسي شهداء غزه وحروبنا الاربعه معهم وقتل الاسري

ماهو حسب نفس هذا التفسير الاعوج

ماهم جنحول للسلم

يبقي المفروض اجنح له انا كمان

لكن ده تفسير خطأ ولعب بكتاب الله

[ComingSoon]

يا استاذ كمنج سوون

انا احترمت جدا ثبات موقفك وثفافتك واسلوبك في الحوار وقوة حجتك لدرجة كنت حاسس اني بستمتع بمناظرة وصدقني كان كفتك اكثر ميل عندي من اي كفة تانية

لكن ما كنت متوقع ابدا ان اسلوبك هيتنقل لاسلوب الصراخ والبط البيضة والسودا :protest:

ارجع لهدوئك وانا برضه لسه متابع

احياناً بيكون اللي قدامك مش عايز يسمع

هو متبرمج علي فكر اخر لايفهمه لكن لسان بيردد كلام

لازم تصرخ في وشه يمكن يسمع ويفوق

انا مش عايزه يقطنع انا عايزه يناقش مثل اي شخص مثقف

المشكله تتكلم معه في نقطه (س) يحس ان منطقة ضعيف للغاية فيقفز للنقطة (ص) بردوه ولأن منطقة بيزداد ضعف يهرب لنقطه (ع)

لن تصل معه لنتيجة

هو عقلة واقف ومستريح في مكان امين لايريد ان يتركه ليفكر في شئ جديد

كأنك بتكلم نفسك

[eslam elmasre]

محدش بيدفع لي عشان اوضح صورة الاسلام الحقيقيه اللي بيشوهها المتزمتين كل لحظه

ولو كان عليا ان اختار نموذج مشرف في ليلتنا تلك

فاني اختار نموذج اخين مسيحيين قاموا بكل زوق بتهنئة اخوانهم المسلمين بعاشوراء ,,

و ابتعد عن نموذج اخر مهمته الوحيده هي اثارة الحزازيات في النفوس وايقاظ الفتنه التي لعن النبي من ايقظها ,,

وبالنسبه لنموذج الشاب من المدينه الجامعيه ,, فهو كان من نفس العينه التي تكره كل ما حولها بدون اي سبب

واللي ماقولتهوش انه سقط سنتين وتم فصله من الكليه نهائيا ,,

ماهي ديه الشماعة بتاعة كل واحد

شيخ الازهر لما سلم علي قاتل الاطفال شيمون بريز

برر ده بصوره الاسلام

يعني انت تنسف الاسلام بتصرفاتك وخايف علي الصوره

امسك فالاصل وسيب الصوره

والاصيل هو اللي بيمسك في الاصل ويسيب الصوره

لكن اللي ماسك في الصوره وسايب الاصل فده معروف

وعشان مسيحي هناني اغير موقفي

يعني زكريا بطرس والاف المواقع القبطية التي تشتم الاسلام والرسول ليل نهار وتدار من داخل الكنيسة

يعني بيشوي وتشكيكه في القرأن

يعني خطف المسلمات مثل وفاء قسطنطين وكامليا شحاته انساه

كله ده يتبخر

طيب افرض اليهود هننوني

بنفس المنطق المفروض انسي شهداء غزه وحروبنا الاربعه معهم وقتل الاسري

ماهو حسب نفس هذا التفسير الاعوج

ماهم جنحول للسلم

يبقي المفروض اجنح له انا كمان

لكن ده تفسير خطأ ولعب بكتاب الله

ماينفعش يا كمنج تشبه المسيحيين في مصر باليهود

ما ينفعش خالص

كده مش طريقة حوار يا كمنج

لا لا اسمحلي كده فيه جور وظلم وانا بكره الظلم

ماينفعش

يعني زكريا بطرس قلنا لا يمثل المسيحيين والا يبقي اللي فجروا الكنائس في مصر في السبعينات يبقوا بيمثلوا المسلمين

ده كلام لا يستقيم ابدا

تم تعديل 15 ديسمبر 2010 بواسطة eslam elmasre

[م تيمور المراغي]

لو تم استدعائي لتحرير الاقصى يا سوون صدقني حتلاقيني اسرع انسان في تلبية النداء ,,

لكن امسك المسدس واضرب في المليان اتنين مسيحين غلابه نفسهم يبنوا كنيسه يبقى قتل نفس بغير حق ,,

هل لو طالب مسيحي امام النبي انه يبني كنيسه كان النبي ضربه بالسيف ؟

مش حينفع تقتل واحد مسيحي بذنب بيشوي ويكون هو ده العدل ,, اللي بتنادي بيه

وعلى فكره ,,

لو كانت وفاء اعلنت اسلامها و تم اختطافها من قبل الكنيسه فاني اقول حسبي الله ونعم الوكيل ,,

مادامت هيا اختارت الاسلام فلا يحق ان يتم تسليمها الى الكنيسه مره تانيه

اما قولك اني بدافع ليل نهار عن المسيحيين مهما كان موقفهم ,,

فاني ولله الحمد ساتي لك بمداخله تنفي كل اللي قلته ده دلوقتي تماما ,,

اوافقك عادل بك على انه يجب على المعتدلين من الجانبين ان يعيدوا بناء جسور الثقه التي للاسف ضعفت في السنوات الاخيره نتيجة ظروف اقتصاديه وسياسيه سمحت لاطراف اخرى الدخول للساحه ليس المجال هنا لذكر تفاصيلها ,,

انا تحدثت صباح اليوم مع اعز اصدقائي جورج انور وهو انسان مثقف له اتصالات قويه المهم انه اثنى على الموقف الحكيم لقداسة البابا شنوده وعندما سالته عن رأيه في تصريحات الانبا بيشوي عبر لي انها كانت احاديث داخليه وان نيافة الانبا معروف عنه الشده والمواقف المثيره للجدل والتي تحفظ عليها البعض قبل ذلك حتى داخل المجتمع الكنسي نفسه ,,

الطبيعه المصريه من الوف السنين ليس بها تلك العنصريه والتزمت ,, ولكن للاسف بعد السبعينات وردت علينا ثقافات اخرى من دول مجاوره نتيجة سفر ملايين المصريين والعوده بما اعتادوا عليه من بيئة وثقافة تلك الدول الوافده علينا ,,

والتعميم الذي تحدث به الدكتور العوا لما يقول الكنايس مخازن للسلاح انا اتحفظ عليه لانه اولا تصريح يثير الفتنه وثانيا لو معاه دليل يخاطب الجهات المختصه من غير شوشره لكن ارجع اقول ان الفرق بين الانبا بيشوي والدكتور العوا ان الاول في موقع مسئول ويمثل ثاني مرتبه في الكنيسه المصريه ,,

لك كل الاحترام والتحيه واشكرك عادل بك على مساعدتك الكريمه ,,,

[م تيمور المراغي]

يا استاذ كمنج سوون

انا احترمت جدا ثبات موقفك وثفافتك واسلوبك في الحوار وقوة حجتك لدرجة كنت حاسس اني بستمتع بمناظرة وصدقني كان كفتك اكثر ميل عندي من اي كفة تانية

لكن ما كنت متوقع ابدا ان اسلوبك هيتنقل لاسلوب الصراخ والبط البيضة والسودا :protest:

ارجع لهدوئك وانا برضه لسه متابع

احياناً بيكون اللي قدامك مش عايز يسمع

هو متبرمج علي فكر اخر لايفهمه لكن لسان بيردد كلام

لازم تصرخ في وشه يمكن يسمع ويفوق

انا مش عايزه يقطنع انا عايزه يناقش مثل اي شخص مثقف

المشكله تتكلم معه في نقطه (س) يحس ان منطقة ضعيف للغاية فيقفز للنقطة (ص) بردوه ولأن منطقة بيزداد ضعف يهرب لنقطه (ع)

لن تصل معه لنتيجة

هو عقلة واقف ومستريح في مكان امين لايريد ان يتركه ليفكر في شئ جديد

كأنك بتكلم نفسك

هههههههه

بصراحه سبحان الله لو انا اخترت كلمات توصف شعوري ناحيتك مش حلاقي احسن من ده وصف

لا ارجع بقى لمشاركاتي هنا من شهرين وانت تشوف ان اكثر واحد اتهاجم عشان عاوز يستخدم عقله هو العبد الله ,,

فلتت منك دي يا سون :happy:

[ComingSoon]

اهو انت كده ركبك الغلط ادام كل اللي هنا ,,

زي مانت شايف

كل مشكلتة انه يركبك الغلط

هو عنده وجهه نظر لايمكن هيفكر فغيرها

لاحظ مقلتش لايمكن يغيرها

قلت لايمكن حتي يفكر في اي وجهه نظر اخري

لو جئت له بأقوي الادلة والبراهين من اوثق الكتب لن يفكر فيها

مجرد النقاش عنده مرفوض فأنا حسب رأية شخص يعمل لصالح جهات وجاي افسد علية المنتدي ولايمكن بأي نقاش ان تجعلة يتفهم وجهه نظرك

http://ar.wikipedia.org/wiki/%D8%AF%D9%88%D8%BA%D9%85%D8%A7%D8%AA%D9%8A%D8%A9

[م تيمور المراغي]

يا نايت فينك لك وحشه

ماتدخل يا جميل وتشارك معانا بقى

تم تعديل 16 ديسمبر 2010 بواسطة architect

[م تيمور المراغي]

اهو انت كده ركبك الغلط ادام كل اللي هنا ,,

زي مانت شايف

كل مشكلتة انه يركبك الغلط

هو عنده وجهه نظر لايمكن هيفكر فغيرها

لاحظ مقلتش لايمكن يغيرها

قلت لايمكن حتي يفكر في اي وجهه نظر اخري

لو جئت له بأقوي الادلة والبراهين من اوثق الكتب لن يفكر فيها

مجرد النقاش عنده مرفوض فأنا حسب رأية شخص يعمل لصالح جهات وجاي افسد علية المنتدي ولايمكن بأي نقاش ان تجعلة يتفهم وجهه نظرك

http://ar.wikipedia.org/wiki/%D8%AF%D9%88%D8%BA%D9%85%D8%A7%D8%AA%D9%8A%D8%A9

هههههههه

لا كده بقى شكلها وحش اوي

فين باقي المداخله بتاعتي ؟؟

بتقص كلامي وترد عليه ؟؟؟؟

لو تكرمت رد على مشاركتي بالكامل

انا قلت ركبك الغلط لانك اخطأت في الاستدلال

انا جبتلك موقف صريح فعله النبي

وطلبت منك ان تفعله قلت يبقى ده الهوان

رغم ان النبي فعله والاسلام مستضعف

وانا بطالب بيه والاسلام في عز وقوه وغلبه

يبقى من الاولى ؟؟

ما تتركش النقطه دي لو تكرمت

[psychologyteacher]

الى الاخ سوون

الشباب اللى هجموا على مبنى المحافظة مدانين من ساسهم لراسهم والمفروض يحصلهم اكتر من اللى حصل

ويارب الدولة تفرج عن كل المعتقلين المظلومين واولهم المعتقلين المصريين المسلمين

والانبا بيشوى غلط فى كل حرف قاله

واقباط المهجر غلطانين من ساسهم لراسهم واحنا مطلبناش منهم كدة ولا هنطلب انشاء الله

ومصر دولة ذات اغلبية عددية مسلمة تسكنها اقلية عددية مسيحية ( تسمحلنا نسكن معاك ولا نمشى ؟؟؟ )

وانا صدقنى ويشهد الله لو امريكا حبت تعتدى على بلدى مش هقلها اهلا بيكى .. هاقف فى نفس الصف اللى انت واقف فيه واشيل سلاحى واحط راسى على كفى عشان بلدى زى ما هيعمل اخويا سوون بالظبط

ومش عارف ليه يا سوون كل ما بيتفتح موضوع زى ده بفتكر موضوعين بعينهم وملهمش تالت ...

الموضوع الاول ...

لما الشيخ الشعراوى الله يرحمه ( على ما اذكر ) كان بيتعالج فى اوروبا ولما رجع وراحله البابا يزوره ويسأل عليه قله الشيخ الشعراوى أولادك هناك طوقوا رقبتى (القصة دى يا سون سمعتها من بعض (المصطبجية) بس مخبيش عليك مبسوط بيها جدا حتى لو كانت محصلتش اصلا

والموضوع التانى

لما البابا تعرض للتفتيش فى احد مطارات انجلترا والدنيا قامت فى مصر .. المسلمين قبل المسيحيين كانوا قربوا يعلنوا الحرب على بريطانيا العظمى عشان خاطر البابا

ايه رايك تنسى موضوع كلام الانبا بيشوى وموضوع العمرانية وكل المواضيع اللى سبقتهم وخليك كول كدة وفكر فى اصحابك وجيرانك اللى ياما لعبت معاهم كورة زمان وياما بدلت معاهم الشندوشتات ف المدرسة

الدين للديان جل جلاله ... لو شاء ربك وحد الأقواما

تحياتى

وخد وردة من اخوك الصغير

[eslam elmasre]

الى الاخ سوون

الشباب اللى هجموا على مبنى المحافظة مدانين من ساسهم لراسهم والمفروض يحصلهم اكتر من اللى حصل

ويارب الدولة تفرج عن كل المعتقلين المظلومين واولهم المعتقلين المصريين المسلمين

والانبا بيشوى غلط فى كل حرف قاله

واقباط المهجر غلطانين من ساسهم لراسهم واحنا مطلبناش منهم كدة ولا هنطلب انشاء الله

ومصر دولة ذات اغلبية عددية مسلمة تسكنها اقلية عددية مسيحية ( تسمحلنا نسكن معاك ولا نمشى ؟؟؟ )

وانا صدقنى ويشهد الله لو امريكا حبت تعتدى على بلدى مش هقلها اهلا بيكى .. هاقف فى نفس الصف اللى انت واقف فيه واشيل سلاحى واحط راسى على كفى عشان بلدى زى ما هيعمل اخويا سوون بالظبط

ومش عارف ليه يا سوون كل ما بيتفتح موضوع زى ده بفتكر موضوعين بعينهم وملهمش تالت ...

الموضوع الاول ...

لما الشيخ الشعراوى الله يرحمه ( على ما اذكر ) كان بيتعالج فى اوروبا ولما رجع وراحله البابا يزوره ويسأل عليه قله الشيخ الشعراوى أولادك هناك طوقوا رقبتى (القصة دى يا سون سمعتها من بعض (المصطبجية) بس مخبيش عليك مبسوط بيها جدا حتى لو كانت محصلتش اصلا

والموضوع التانى

لما البابا تعرض للتفتيش فى احد مطارات انجلترا والدنيا قامت فى مصر .. المسلمين قبل المسيحيين كانوا قربوا يعلنوا الحرب على بريطانيا العظمى عشان خاطر البابا

ايه رايك تنسى موضوع كلام الانبا بيشوى وموضوع العمرانية وكل المواضيع اللى سبقتهم وخليك كول كدة وفكر فى اصحابك وجيرانك اللى ياما لعبت معاهم كورة زمان وياما بدلت معاهم الشندوشتات ف المدرسة

الدين للديان جل جلاله ... لو شاء ربك وحد الأقواما

تحياتى

وخد وردة من اخوك الصغير

اسجل اعجابي الشديد بهذه المداخلة الرائعة

انت وامثالك من المواطنين الشرفاء خير من يمثل المسيحيون

اشد علي يديك

[م تيمور المراغي]

طيب يا سوون ايه رايك نطور في مسار الموضوع

الى نقاط مشتركه يتفق عليها الجانبين ,,

ونطرحها الى الجميع نشوف ارائهم ايه ؟

انا خايف اننا نلاقي نفسنا بندور في دايره مفرغه ؟؟

[ComingSoon]

الحمد لله وصلنا للنقطة التي كان المفروض نوصل اليها من الاول

وهو ادانة البلطجة علي الدولة لأخذ مطالب طائفية

بالنسبة لي انتهي النقاش ووصل لنقطة النهاية

تحياتي

[eslam elmasre]

اعتقد ان المداخلة الاخيرة للزميل سيكولجي هي خير ختام لهذا الموضوع الممتد والذي انعطف مؤخرا الي منعطف يشوبة الشخصنة والجدل العقيم الذي لا طائل منه

وان كان ليس من حقي ان اطالب باغلاق الموضوع لانه ليس بموضوعي

الا انني اري ان الموضوع استنفذ الغرض منه

لذلك اعلن انسحابي منه مع دعوة خالصة لباقي الحضور بالبعد عن الشخصنة وادخار تلك الاوقات بما يعود بالنفع علي منتدانا ومصرنا العزيزة

طاب صباحكم

[م تيمور المراغي]

طيب يعني وصلنا لايه بعد كل الكلام ده ؟ :happy:

مش لازم اي اجتماع ينتهي بتوصيات ولا ايه ؟

عموما

ايه رايكم نقوم نصلي ركعتين قيام الليل

ونتسحر بنية صوم عاشوراء ماحدش ينسى النيه ,,

استودعكم الله ونكمل كره على خير ان شاء الله

[MZohairy]

انا مش عايزه يقطنع انا عايزه يناقش مثل اي شخص مثقف

يقتنع بالتاء مش بالطاء يا أخ كمنج سوون

المثقفين بيكتبوها كده

و ماتقوليش غلطة كيبورد عشان الحرفين بعيد عن بعض

تحياتي

[MZohairy]

استودعكم الله ونكمل كره على خير ان شاء الله

انا عارف انك مش قاصدها يا ارشيتيكت و كان قصدك تكتب بكره

بس الكلمه الغير مقصوده جت معبره جدا عن مشاعر الناس في الموضوع ده :)

[MZohairy]

خلينا نعيد توضيح وجهة النظر الأخرى للتوضيح

ثقافة الأولويات هي ما تقودنا في التفكير دائما

بمعنى ان مفيش انسان عاقل يقدر يقول ان ما قام به الأقباط هو سلوك مقبول

ابدا

لكن فكر الأولويات أو القاعده الإسلامية الخاصة بدرء المفاسد المقدم على جلب المنافع يقتضي ان يكون القرار حكيما في ظل الظروف الحالية و الخاصة بعلاقة اربعة اخماس الشعب بخمسه

العلاقة السيئة جدا بين الطرفين تدعونا دائما الى الحرص لبتر الفتن قبل وقوعها و استخدام العقل و الحكمة لعلاج المشاكل

إخواننا المسيحيين المعتدلين عندهم مطالب ببناء كنائس

قد يكون معهم الحق و قد لا يكون

الحل الوحيد هو عمل حصر من جهة محايدة لعدد المسيحيين في مصر و تجمعاتهم السكنية و دراسة عدد و توزيع الكنائس عليهم من حيث العدد العام و الكثافات الموجوده في مكان دون الآخر

و بعد ذلك يتم بشفافية اطلاع الشعب على هذه الدراسه و اعلان القرار إما ببناء كنائس جديدة او الإكتفاء بما هو موجود حاليا

الحق مش حيزعل حد لو كان حق فعلا

و بكده نقضي على المواضيع الصداعيه اللي قرفانا بقالها عشرات السنين و نشوف مواضيع جديده

تحياتي

[م تيمور المراغي]

استودعكم الله ونكمل كره على خير ان شاء الله

انا عارف انك مش قاصدها يا ارشيتيكت و كان قصدك تكتب بكره

بس الكلمه الغير مقصوده جت معبره جدا عن مشاعر الناس في الموضوع ده :)

ههههههههه

قفشات جامده دي يا زوهيري :happy:

اللي بنعمله في الشغل اهو طلع علينا ,,

انا بكتب من غير مابص للكيبورد لما بكون مستعجل والايقاع امبارح كان سريع ومتلاحق ,,

بس يجمعنا الحب والخير كلنا

وربنا ما يخللي فيه كره بحق اليوم المبارك ده ,,