شغب ومصادمات بين الأمن ومسيحيين احتجاجاً على وقف إنشاءات بكنيسة العمرانية

[Om Zayd]

الحكومة بتستخدمنا ورقة بتلعب بيها - فى سر انا مش قادرة افهمه

ليه فى الاوقات دى الشد بيزيد

حد يفهمنى - الموضوع سياسي مغطي بويفر ديني

بجد

تمام

بس ليه احنا عموما عقولنا في ودانا؟

ليه ما بنقفش لحظة و بنستجيب للتسخين في الحاجات دي في لحظة؟

بينما كل الفساد اللي محاوطنا ما بيحركش حد؟

[pink rose]

وليه ياريمو

تقولى ان شاء الله ما يتحولش بقدرة قادر انه يا حرام يا حرام اضطهاد للاقباط في مصر

ما هو فعلا اضطهاد اضطهاد اضطهاد وواضح زى الشمس ولو اللجنة لمسلمين ما كنش داه حصل

عشان دا مش اضطهاد يا اغابي

لانهم بالفعل ادوهم تصريح بالبناء

كان يبقى اضطهاد لو امتنعوا عن اعطاءهم التصريح من الاول

الكلام واضح زي الشمس للي عاوز يشوف صح يا اغابي

بيقولوا فيه مخالفة في التصميمات عن الي اتبنى في الواقع

ايه بقى المشكلة؟؟؟

المشكلة في اللي ما التزمش بالتصميمات يا اغابي مش المشكلة في اللي وقف البناء

و المشكلة الاكبر في اللي راح عمل مظاهرات و تكسر و بهدلة في الشوارع

و ما اتخذش الاسلوب السليم في حل الموضوع

وفد من الكنسية للحي يحلوا الخلاف

شوفتي بسيطة ازاي

لالالالا - المشكلة مش مبنى لا تصميمات

ولا الكلام داه

الحكومة بتستخدمنا ورقة بتلعب بيها - فى سر انا مش قادرة افهمه

ليه فى الاوقات دى الشد بيزيد

حد يفهمنى - الموضوع سياسي مغطي بويفر ديني

بجد

ضحكتيني و الله

يا بنتي بالعقل كده ليه يعني

عشان الانتخابات؟

طب و ايه دخل دا في دا

المسلمين هايقولوا احسن ايوة كده ادوهم فوق دماغهم

كنسية ايه و مجمع خدمات ايه اللي بيبنوه

و الله و لا فارقة معانا

مش هاتضايق المسلمين في حاجه يعني

بالعكس انا شايفه ان المجمعات دي فايدة كبيرة جدا للبلد و للناس الغلابة

بلاش تاخدي الموضوع بالحساسية دي

و اقري مداخلة س س

تم تعديل 24 نوفمبر 2010 بواسطة remo

[اغابي]

ضحكتيني و الله

يا بنتي بالعقل كده ليه يعني

عشان الانتخابات؟

طب و ايه دخل دا في دا

المسلمين هايقولوا احسن ايوة كده ادوهم فوق دماغهم

كنسية ايه و مجمع خدمات ايه اللي بيبنوه

و الله و لا فارقة معانا

مش هاتضايق المسلمين في حاجه يعني

بالعكس انا شايفه ان المجمعات دي فايدة كبيرة جدا للبلد و للناس الغلابة

بلاش تاخدي الموضوع بالحساسية دي

و اقري مداخلة س س

صدقيني انا مش متضايقة ولا واخداه بحساسية

انا الخبر نفسه ضايقنى من الجرايد من قبل حتى ما يتكلم فيه س س وهو ايه ذنبه يعنى

هو كان ألفه من دماغه ما هو كل الجرايد والمواقع بتتكلم فى الخبر

انا متضايقة من كل اللى بيحصل فى مصر - يمكن اختى اللى جوة مصر مش متضايقة زيي انا كدا

يظهر ان اللى متغربين بيعيشوا الالم اكتر من الناس اللى جوة البلد نفسهم

صدقونى انا زعلانة ان داه اصلا يحصل

مش زعلانة من حد معين ولا الكلام داه خالص

انا بس بعيش اللحظة معاكم وبفكر بصوت عالى

لا اكثر ولا اقل

تم تعديل 24 نوفمبر 2010 بواسطة اغابي

[se_ Elsyed]

الحكومة بتستخدمنا ورقة بتلعب بيها - فى سر انا مش قادرة افهمه

ليه فى الاوقات دى الشد بيزيد

حد يفهمنى - الموضوع سياسي مغطي بويفر ديني

بجد

تمام

بس ليه احنا عموما عقولنا في ودانا؟

ليه ما بنقفش لحظة و بنستجيب للتسخين في الحاجات دي في لحظة؟

بينما كل الفساد اللي محاوطنا ما بيحركش حد؟

ما هي دي مصيبتنا

الله أكبر إلى الجهههههههههههههههههاد ... وتسأل رايح فين يا عم ؟

أصل سمعت إن واحد سواق توك توك مسيحي تحرش بفتاة مسلمة ....

وتووووولع الدنيا

طب ماشي الدفاع عن الشرف والعرض والكرامة مطلوب

لكن يا أخي ده البلد كلها بتغتصب وتتنهب كل يوم من حواليك وإنت نفسك بتقول أنا مالي خليني ماشي جنب الحيط

نفس الشيء

بسم الصليب وكلنا فدا المسيح ... وووووولعها يا معلم

ليه يا سيدي ؟

أصل مهندس الحي المسلم وقف بنا الكنسية عشان سلم الطواريء

طب ما هي نفس الطواري دي موجودة وبتشووينا كل يوم من 30 سنة .. إنت كنت مسافر ولا إيه ؟

عشان كده

إنتخابات بتنطبخ

ودستور بيتقيف ويتفصل على مقاسهم

وبلد بتتباع برخص التراب

يالله يا جدعان مين يتشري 23 مليوت متر مربع في أرقى حته في مصر المتر بنص جنيه ؟

مين قال هات ؟

وأنا ضامن لك هاتبيع المتر بـ 8 الاف جنيه وهو رمله صفرا

غوغائية وعشوائية في التفكير ... وسوري بنتحرك عشان تفاهات ....

أما المصايب الكبيرة فلا تحرك فينا شعره واحده .. وبنطنش ونصهين ونعمل نفسنا مش واخدين بالنا

[مغتربة]

بصراحه مش حابه اعلق غير لما افهم الموضوع لانه لغايه دلوقتى ضبابى ليا

لكن و نقلا عن اليوم السابع

أسفرت أحداث الشغب، التى وقعت أمام محافظة الجيزة وكنيسة العمرانية، بسبب أزمة استكمال أعمال البناء بكنيسة العذراء والملاك ميخائيل، والتى لم تحصل على ترخيص نهائى لاستكمالها بسبب مخالفات هندسية فضلا عن بناء قباب تمهيدا إلى تحويله لمبنى كنسى لممارسة الشعائر الدينية به، أسفرت عن إصابة بعض القيادات الأمنية.

وكان على رأس المصابين اللواء محمد مصطفى عبد العال حكمدار الجيزة نائب مدير أمن الجيزة، واللواء ماهر كامل محمود مدير إدارة الأمن المركزى بالجيزة، واللواء شعيب صيام بالأمن المركزى، واللواء هشام يوسف بالدفاع المدنى، واللواء محمد الطوخى بمرور الجيزة.

كما أصيب الرائد علاء عبد الوهاب بإصابات وكدمات، بالإضافة إلى 15 مجندا آخرين كان من بينهم: نبيل حسين مجدى، وأحمد ثابت محمد، وعبد الرحمن محمد عبد الرحمن، وتم نقلهم إلى مستشفيى أم المصريين والعمرانية لتلقى العلاج، فيما تم إسعاف القيادات الأمنية داخل سيارات الإسعاف أعلى القوس الغربى.

مش فاهمه الى مظلل باللون الاحمر كمان اتضح ان فيه مصابين من قوات الامن بعد ما كان البيانات الاوليه بتتكلم عن ان كل المصابين من جانب واحد

[se_ Elsyed]

إنتي عارفه يا أغابي إن الحزب الوطني أساتذه تزوير وقلة أدب ..

تعرفي بقى أن هما نفسم عملوا أراجوزات عشان ينجحوا مرشحين مسيحيين في مجلس الشعب الدورة الماضية .. وما قدروش ينجحوا يمكن غير يوسف بطرس غالي في شبرا .. وإتنين تلاته ولا حاجه على مستوى الجمهورية كلها

بالرغم من إن في مرشحين مسيحيين كتير ...

وبالرغم إنك تعرفي إن في مناطق في أسيوط والفيوم والمنيا فيها اكتر من 90 % مسيحيين

ومع ذلك ما فيش حماسه سياسية أو مطالبة بالحقوق عند الناس ...

والمسيحي اللي عاوز يعبر عن مطالبهم ورغباتهم .. بيسيبوه يغرق لوحده وإن شالله يولع ... ويكبروا دماغهم ويقولوا انا مالي يا عم

وبعدين نفس الناس دي ترجع تتكلم عن الإضطهاد وهضم الحقوق

طب يا عم ما هو ما نيل المطالب بالتمني ....

ده ربنا بيخاطب نبي من أنبياءه ويعتبر قريب منا جميعاً نحن المسلمين والمسيحيين

هو نبي الله يحي .. على فكره هو إبن خالة سيدنا عيسى ..

وربنا بيقول له في القرآن " يا يحى خُذ الكتاب بقوة "

طب ما هو ربنا كان ممكن نزل عليه الرسالة بمنتهى السهولة ومن غير تعب ...

لكن ربنا عارف إن الحق يلزمه قوة .. للحصول عليه .. ثم للمحافظة عليه ....

لإن ربنا عارف ايه اللي هايحصل بعد كده .. وكلنا عارفين سيدنا يحى وأهو نبي مُرسل حصل فيه إيه .... قُتل وقطعت رقبته عشان هو شخص عنده رسالة لازم يوصلها مهما كانت النتيجة

يعني أقصد من كلامي لازم تضحيات ولازم قوة في المطالبة بالحق

القوة مش البلطجة والصوت العالي والغوغائية والأنقياد ورا الشائعات

لكن القوة إن مثلاً لو أن مسئول في كنيسة .. يبقى زي ما باتكلم في الدين ... يبقى أتكلم مع الناس عن حقوقهم السياسية ... وأتكلم معاهم عن إستخدام العقل قبل العضلات .. أتكلم معاهم واقول لهم إن دي بلدنا كلنا ... وإن قلة الأدب اللي بتحصل حوالينا من ديكتاتورية نظام مستبد دي بتأثر علينا كلنا ولا تستثني أحد

[raouf]

لالالالا - المشكلة مش مبنى لا تصميمات

ولا الكلام داه

الحكومة بتستخدمنا ورقة بتلعب بيها - فى سر انا مش قادرة افهمه

ليه فى الاوقات دى الشد بيزيد

حد يفهمنى - الموضوع سياسي مغطي بويفر ديني

بجد

افهمك انا يا غابى ايه السر

السر ان امرdكا كل ما تضغط على الحكومة عندنا علشان الديموقراطية والانتخابات

تروح الحكومة ضاغطة بورقة اخونا الاقباط ويطلعوا عفريت العلبة بتاع امريكا وهو حكم الاسلاميين لمصر

وبالتالى امريكا تسكت وتحط فى بقها جزمة قديمة

كل شهرين ثلاثة الحكومة تعمل حاجة تكشش بيها امريكا وتقول لها لو عملنا انتخابات الاخوان المسلمين هييجوا وهيعملوا كده وطبعا ده مش مظبوط وناتج من رعب امريكا من وصول الاسلاميين للحكم فى اى دولة

يعنى بصراحة لا استبعد ان يكون الامر تم بمزاج الحكومة ومعرفتهم وقد يكون اللى بدأوا بتهييج الشباب دول عن طريق بعض العناصر المندسة من امن الدولة

افتكرت مشهد من فيلم طيور الظلام لما عادل امام امر مدير شركة اللى بيشتغل فيها احمد راتب انه يتلكك ليه علشان يسيب الشغل ويرجع ينفذ كلام عادل امام بالظبط

وهو ده اللى بيحصل بالظبط امريكا عايزة تضغط تروح الحكومة مطلعة ورقة الاقباط ومسخنة الاحداث شوية ومافيش عندهم مشكلة كام واحد يموت من هنا وكام واحد من هناك وشوية عربيات تنكسر

تم تعديل 24 نوفمبر 2010 بواسطة raouf

[شريف مان]

دى اسمها بلطجة ويجب تطبيق قانون الارهاب على هؤلاء أيا كانت ديانتهم مسلمين .مسيحيين . يهود

يعنى ايه ناس تكسر سيارات ويعتدوا عل المجندين هوا مش فيه قانون بردوا وللا دلوقتى أتلغى

حاجة مخالفة يبقى متتبنيش سواء كنيسة وللا معبد حتى

تم تعديل 24 نوفمبر 2010 بواسطة شريف مان

[شريف مان]

ضبط 93 من مثيرى الشغب بالعمرانية.. وبدء سماع أقوال المصابين

تمكنت قوات الأمن من إلقاء القبض على 93 من مثيرى الشغب فى أحداث كنيسة العمرانية التى وقعت صباح اليوم الأربعاء، فى الوقت الذى وصل فيه عدد من وكلاء النيابة إلى مستشفى أم المصريين لسماع أقوال المصابين البالغ عددهم 23 قبطياً، إضافة إلى 11 آخرين من أفراد الأمن المركزى والشرطة.

كان مئات من المتظاهرين الأقباط، قد اقتحموا صباح اليوم مبنى محافظة الجيزة بشارع الهرم وحطموا سور المحافظة، وذلك فى السابعة والنصف صباحا، كما تجمع العشرات أمام مبنى حى العمرانية، وألقوا الطوب واحتجزوا عدداً من العاملين احتجاجاً على قيام رئيس الحى اللواء محمد حسن حمودة بوقف بناء كنيسة العذراء والملاك بالعمرانية.

وأكد مصدر طبى من داخل المستشفى أن جميع المصابين حالتهم مستقرة، وتتراوح الإصابات فى المجمل بين الكسور والكدمات، والإصابة بخرطوش طلق نارى، مشيراً إلى بدء الطب الشرعى فى إصدار التقرير الطبى الخاص بالمتوفى، والذى لقى مصرعه صباح اليوم قبل الوصول إلى المستشفى، حيث وصل جثة هامدة، على حد وصف المصدر الطبى، مؤكداً أن الطب الشرعى هو الذى سيصرح بدفن الجثة لا المستشفى.

[اغابي]

لالالالا - المشكلة مش مبنى لا تصميمات

ولا الكلام داه

الحكومة بتستخدمنا ورقة بتلعب بيها - فى سر انا مش قادرة افهمه

ليه فى الاوقات دى الشد بيزيد

حد يفهمنى - الموضوع سياسي مغطي بويفر ديني

بجد

افهمك انا يا غابى ايه السر

السر ان امرdكا كل ما تضغط على الحكومة عندنا علشان الديموقراطية والانتخابات

تروح الحكومة ضاغطة بورقة اخونا الاقباط ويطلعوا عفريت العلبة بتاع امريكا وهو حكم الاسلاميين لمصر

وبالتالى امريكا تسكت وتحط فى بقها جزمة قديمة

كل شهرين ثلاثة الحكومة تعمل حاجة تكشش بيها امريكا وتقول لها لو عملنا انتخابات الاخوان المسلمين هييجوا وهيعملوا كده وطبعا ده مش مظبوط وناتج من رعب امريكا من وصول الاسلاميين للحكم فى اى دولة

يعنى بصراحة لا استبعد ان يكون الامر تم بمزاج الحكومة ومعرفتهم وقد يكون اللى بدأوا بتهييج الشباب دول عن طريق بعض العناصر المندسة من امن الدولة

افتكرت مشهد من فيلم طيور الظلام لما عادل امام امر مدير شركة اللى بيشتغل فيها احمد راتب انه يتلكك ليه علشان يسيب الشغل ويرجع ينفذ كلام عادل امام بالظبط

وهو ده اللى بيحصل بالظبط امريكا عايزة تضغط تروح الحكومة مطلعة ورقة الاقباط ومسخنة الاحداث شوية ومافيش عندهم مشكلة كام واحد يموت من هنا وكام واحد من هناك وشوية عربيات تنكسر

اه - ماشي - بس مش عاوزة حد الله يخليكم - يقولى ان المسيحيين يهموا امريكا فى حاجة

ولا نهمها فى اى حاجة دى بلد ليها مصالح - احنا بس لعبة فى ايدهم سواء هنا او هنا وانا مصدقة الكلام داه كويس ومتاكدة منه

وكل مسيحي عارف ومتاكد اننا لا نهم امريكا ولا نهم الحكومة

كل الحكاية اننا صدقونى سواء مسيحيين او مسلمين

بقينا كورة البينج بونج اللي بيتلعب بيها بين الطرفين

والشاطر اللى يكسب الماتش

[اغابي]

إنتي عارفه يا أغابي إن الحزب الوطني أساتذه تزوير وقلة أدب ..

يعني أقصد من كلامي لازم تضحيات ولازم قوة في المطالبة بالحق

القوة مش البلطجة والصوت العالي والغوغائية والأنقياد ورا الشائعات

لكن القوة إن مثلاً لو أن مسئول في كنيسة .. يبقى زي ما باتكلم في الدين ... يبقى أتكلم مع الناس عن حقوقهم السياسية ... وأتكلم معاهم عن إستخدام العقل قبل العضلات .. أتكلم معاهم واقول لهم إن دي بلدنا كلنا ... وإن قلة الأدب اللي بتحصل حوالينا من ديكتاتورية نظام مستبد دي بتأثر علينا كلنا ولا تستثني أحد

انا عارفة ان القوة مش فى البلطجة

وانه لازم نستخدم العقل وكل القصة دى - لكن انت شايف الوضع فى مصر دلوقتى فى ذرة عقل ولا حكمة

الناس من الضغوط اللى هما فيها بسبب الحكومة اقرا حوادث كل يوم بيقتلوا اولادهم

الناس خلاص بقت مضغوطة والله يعينهم فعلا داه حتى المستريح ماديا تعبان فى حاجات تانية

مفيش رفاهية فى مصر كل الضغوط دى نعمل حسابها

انا بس كنت بسال ليه فى الوقت داه بتزيد الاخبار اللى من النوع داه

كل يومين خبر جديد - ما هو حاجة بقت ملحوظة اوى

وشكرا ليكم انا فعلا ابتديت الاقى اجابة لسؤالى

تحياتى

[raouf]

لالالالا - المشكلة مش مبنى لا تصميمات

ولا الكلام داه

الحكومة بتستخدمنا ورقة بتلعب بيها - فى سر انا مش قادرة افهمه

ليه فى الاوقات دى الشد بيزيد

حد يفهمنى - الموضوع سياسي مغطي بويفر ديني

بجد

افهمك انا يا غابى ايه السر

السر ان امرdكا كل ما تضغط على الحكومة عندنا علشان الديموقراطية والانتخابات

تروح الحكومة ضاغطة بورقة اخونا الاقباط ويطلعوا عفريت العلبة بتاع امريكا وهو حكم الاسلاميين لمصر

وبالتالى امريكا تسكت وتحط فى بقها جزمة قديمة

كل شهرين ثلاثة الحكومة تعمل حاجة تكشش بيها امريكا وتقول لها لو عملنا انتخابات الاخوان المسلمين هييجوا وهيعملوا كده وطبعا ده مش مظبوط وناتج من رعب امريكا من وصول الاسلاميين للحكم فى اى دولة

يعنى بصراحة لا استبعد ان يكون الامر تم بمزاج الحكومة ومعرفتهم وقد يكون اللى بدأوا بتهييج الشباب دول عن طريق بعض العناصر المندسة من امن الدولة

افتكرت مشهد من فيلم طيور الظلام لما عادل امام امر مدير شركة اللى بيشتغل فيها احمد راتب انه يتلكك ليه علشان يسيب الشغل ويرجع ينفذ كلام عادل امام بالظبط

وهو ده اللى بيحصل بالظبط امريكا عايزة تضغط تروح الحكومة مطلعة ورقة الاقباط ومسخنة الاحداث شوية ومافيش عندهم مشكلة كام واحد يموت من هنا وكام واحد من هناك وشوية عربيات تنكسر

اه - ماشي - بس مش عاوزة حد الله يخليكم - يقولى ان المسيحيين يهموا امريكا فى حاجة

ولا نهمها فى اى حاجة دى بلد ليها مصالح - احنا بس لعبة فى ايدهم سواء هنا او هنا وانا مصدقة الكلام داه كويس ومتاكدة منه

وكل مسيحي عارف ومتاكد اننا لا نهم امريكا ولا نهم الحكومة

كل الحكاية اننا صدقونى سواء مسيحيين او مسلمين

بقينا كورة البينج بونج اللي بيتلعب بيها بين الطرفين

والشاطر اللى يكسب الماتش

انا موافقك جدا يا اغابى

عارفة هم امريكا من مسيحيى مصر ايه ؟

امريكا طبعا اكبر دولة فى العالم وقائدة العالم الان عايزة تسند القيادة دى بدعم دينى

يعنى تكون زعيمة مسيحييى العالم

وبما ان اكبر حلفاءها وسكانها مسيحيين فلازم تبين انها هتراعى مصالحهم وبتخاف عليهم

يعنى تخيلى كده معايا منظر امريكا امام حلافاءها اذا شاركت فى مذبحة للمسيحين فى اى مكان ؟

او اذا ساندت اى ديانة اخرى امام المسيحية فى اى مكان اكيد موقفها ها يضعف ويتركها بعض حلفاءها

وده بالزبط عايزة تبقى زى السعودية عندنا تكون هى قلعة المسيحين وحاميتهم وده طبعا فى العلن فقط لكنها دولة اليهود واليهود من يديرها

العملية كلها مصلح

ممكن تتخيلى ايه كان يبقى موقع مصر وحالتها لو كانت مكة والمدينة بمصر ؟

[Alshiekh]

قريبا سنرى مظاهرات لأسباب أخرى

مثلا:

مسيحى يعطس فى عين شمس ، مظاهرات يقوم بها شباب مسيحيين تتهم الحكومة بإنتاج أنواع جديدة من الفيروسات تصيب المسيحيين فقط وتطالب المنظمات الدولية والأمم المتحدة بالتدخل لإنقاذ المسيحيين فى مصر.

مسيحى بالاسكندرية يكسر إشارة المرور المقابلة لتمثال سعد زغلول ( اللى قال مافيش فايدة ) ويقوم ضابط المرور بمطاردته وتوقيفه وتحرير مخالفة مرورية وتغريمه 15 جنيها ، يسرع المسيحى الى مقر البطريركية الواقع على بعد أمتار قليلة من موقع المخالفة مستنجدا بالكنيسة وبالبابا فتخرج المظاهرات منددة بإضطهاد الحكومة الدائم للمسيحيين وتطالب بعدم بعدم تحرير أى مخالفات مرورية للمسيحيين حفاظا على الوحدة الوظنية.

نظم الشباب المسيحى مظاهرات حاشدة فى حى المنتزة بالأسكندرية تضامنا مع الطالب كامل بشرى نجيب حيث يعتقد المتظاهرون أن الطالب المذكور تعرض للإضطهاد من ادارة مدرسته الإعدادية حيث رسب فى مادتى الرياضيات واللغة العربية بسبب إضطهاد مدرسى المدرسة له كونه مسيحى ، هذا وقد تصدت قوات الأمن للمتظاهرين واستخدمت قنابل الغاز والطلقات المطاطية لتفريق المتظاهرين.

المفاجأة انه بعد قيام نيابة الأسكندرية بالتحقيق فى الحادث تبين أن الطالب كامل بشرى نجيب مسلما وليس مسيحيا ، وعندما طلب منه وكيل النيابة قراءة لوحة معلقة على الحائط تقول " العدل أساس الملك " قال الطالب بكل ثقة " دى ماخدناهاش فى المدرسة "

==========================================

قرار إدارى اتخذته الجهة الإدارية المختصة بناء على توصية المهندس المختص

ايه حشر الحكومة فى الموضوع؟ وايه جاب الإضطهاد والعبارات الممجوجة التى مللنا سماعها؟

أنا عن نفسى حدث معى موضع الهدم وليس الوقف فقط ، حيث تم إزالة 8 أدوار كاملة من المبنى الذى اشتريت فيه شقة ومعى 31 متضرر آخرين ، لم نتهم الحكومة بإضطهادنا ، بل لمنا انفسنا اننا لم نتأكد من الترخيص الصادر للمقاول وأكتفينا بتأكيده أنه فى السليم.

وكما هو واضح من الخبر على لسان مسئول مسيحى ، ان هناك مخالفة للترخيص حدث على أثرها وقف للأعمال وهو أمر وإجراء إدارى طبيعى له خطوات للطعن عليه لو لم يكن صحيحا ، او تعديل الاعمال لتطابق الترخيص ،

من المسئول عن تأجيج الموضوع وجمع المتظاهرين للتظاهر ، بل والتصادم مع قوات الأمن؟

أنا لا أقول هذا لأن الموضوع متعلق بمبنى او كنيسة تخص المسيحيين ، ولكننى قلت ذلك لأن استخدام العنف وبالذات ضد قوات الأمن هو أمر مرفوض حتى ولو كان هناك ظلم ، ورأيى قلته فى موضوع " إذا كانت الإنتخابات بالشكل ده ، فبلاها إنتخابات "

يومكم مبارك

[شريف مان]

من المسئول عن تأجيج الموضوع وجمع المتظاهرين للتظاهر ، بل والتصادم مع قوات الأمن؟

هى دى أهم نقطة يا سيد محمد

مين اللى جمع العدد دا الساعة 7.30 صباحا

هو دا اللى لازم يبقى عبرة لغيرة

[أسد]

يجب أن تكون الدولة المصرية قوية وحازمة ..

ضد كل من يمارس أعمال شغب وتخريب وعنف ..

أياً كان .. وأياً كان دينه .. وأياً كان السبب ..

لا يمكن أن تقف موقف متخاذل أو ضعيف أو متردد ..

يجب أن يصدر قانون - بأسرع وقت ممكن - يحظر التظاهر لأسباب دينية .. وعلى أساس أي خلفية دينية ..

سواء كانوا مسلمين أو مسيحيين ..

يجب أن يكون هناك قانون صارم يواجه مثل تلك الإشكاليات ..

التي طالما كذبنا على أنفسنا وقلنا أنها مسكلات وظواهر عارضة ..

لا ..

هي ليست كذلك ..

بل تحدث كل يوم .. وتحدث باستمرار ..

وقف الدولة المصرية متخاذل أمام تلك الظواهر .. ويغضون النظر عن كثير منها .. ولم يتعاملوا معها بالحكمة اللازمة ..

يجب أن يكون في مصر قائد قوي يسيطر على تلك المشكلات ..

لا أعتقد أن السلطة تعجز عن السيطرة على تلك الأمور ..

يجب التحرك بسرعة ..

كما تقوم الدولة المصرية بمحاكمة أقطاب الإخوان المسلمين .. والجماعات الإسلامية في مصر عندما يقومون بأعمال تهدد وتعكر صفو الأمن العام ..

يجب أن تقوم بعمل نفس الشئ تلك المرة أيضاً .. وبمنتهى الحزم والحسم ..

ولا هم على راسهم بطحة وخايفين عليها ؟؟؟؟!!!!!!!

ده اسمه كلام فارغ ..

[ريمون]

شيئ سيئ جدا اللى حصل ده!

انا متابع الموضوع ده بقالى كام يوم

و للاسف مسؤولى المحافظه و مسؤولى الكنيسه لم يستطيعوا احتواء الموقف !

متهيألى ان اللى حصل ان الكنيسه حصلت على تصريح ببناء مجمع خدمات قبطى

فراحوا بدؤا يبنوا كنيسه

المحافظه شمت خبر راحت قررت وقف البناء

الناس اتجمهرت و تظاهرت لمده كام يوم

المسيحيين حاولوا يكملوا البنا رغم القرار بوقف البنا

راح الامن تدخل و ضرب

واحد مات و ناس تانيه اتصابت

راحوا المسيحيين سابوا الكنيسه و هاجموا مبنى الحى

شيئ سيئ سيئ سيئ

فى اعتقادى هذه الاسباب هى اصل المشكله

1- عدم اصدار قانون بناء دور العباده الموحد رغم تقديمه للمجلس منذ سنوات بعيده

فلو كانت الناس دى تقدر تبنى كنيسه بالقانون مكانوش لجئوا لأصدار قرار بمبنى خدمى و حولوه لكنيسه

2- التدخل العنيف من الامن. بدل ما يحدوا حل ادارى لجئوا للحل الامنى

3- فشل مسئولى الكنيسه فى السيطره على الناس. كان لازم مسئولى الكنيسه يهدوا الناس بدل البهدله اللى حصلت دى

4- الناس المتظاهرين اللى استخدموا العنف.

العنف و الفوضى ضد تعاليم المسيحيه

و لو هنفقد مبادئنا و تعاليم ديننا علشان نبنى كنيسه فبلاها الكنيسه

اتمنى من مجلس الشعب الحديد انه يصدق على قانون دور العباده الموحد بدل ما كل كام شهر نسمع عن حادثه زى دى بسبب عدم الموافقه على بناء كنيسه

و الحمد لله ان الحادث ده مش فتنه طائفيه بين المسيحيين و المسلميين لكن بين المسيحيين و الحكومه

فالموضوع مش ناقص فتن طائفيه!

[رضوي]

السلام عليكم ورحمة الله وبركاته

سواء المسحيين أو المسلمين في مصر يتم معاملتهم كمواطنين ....... ليس علي اساس الديانة

مشكلة في الترخيص ............. أي انها مشكلة فنية .............. تقوم تتحول لاضطهاد وفتنة طائفية ؟؟؟؟؟؟؟؟؟؟؟؟؟؟؟؟ وتبدأ كل المشاكل في الظهور

طيب لو حصل دة مع جمعية اسلامية او حتى مسجد ؟؟؟؟؟؟؟؟ ياتري هنعمل نفس المشكلة ؟؟؟؟ ( ودة بيحصل كل يوم بالفعل مع الجمعيات الاسلامية )

أعتقد ان الموضوع لاعلاقة له بالاضطهاد ....... ولا علاقة له بالانتخابات

يعني مافيش اي نية في الاضطهاد ( ماهو لو فيه اضطهاد يبقي ليه وافقوا م الاول ......... لو فيه اضطهاد يبقي مافيش كنيسة هتتبني من الاساس ... مش عدم استكمال لمجمع قبطي نظراً للمخالفات )

وحادثة اليوم

هي أقل ماتوصف به بأنها نوع من الهمجية من مواطنين مصريين غير واعيين (بصرف النظر عن ديانتهم )

واي حادثة فردية تفسر علي انها اضطهاد ضد المسيحين في مصر ....... هي اما ترف غوغائي غير مسئول أو اسلوب لنشر الفتنة في البلاد بهدف خفي

ديننا كمسلمين بيأمرنا بحسن معاملة الديانات الاخري خااااااااااااصة المسيحين وطبعاً كلنا عارفين كدة

ولو سألت اي مسيحي واعي هيقولك انه بيتعامل كمواطن عادي في بلده .............. مش بس كدة المسيحين في مصر بتم معاملتهم افضل معاملة بالنسبة لأي أقلية في اي بلد تاني

لو سأللت اي مسيحي في مصر ياتري بيلاقي اي تعسف او تمييز ضده او عنف في تلقي اي خدمة حكومية ؟؟؟؟؟؟؟؟؟ هيرد بأننا كلنا متبهدلين مسلمين ومسحيين كلنا في الهوا سوا

أغابي قالت كلمة مهمة جداً

قالت ان اقرب اصدقائها مسلمين

ومش هنتكلم هنا حتى عن المناسبات والاعياد وازاي الود والتقارب بيكونوا موجودين بينا

بس كل مسيحي عنده صديق مسلم قريب منه قوي ........... وبرده المسلمين بيعتزوا جداً بصداقة المسيحيين

انا عن نفسي عندي صديقة مسيحية جدعة جداً بحبها وبتعتز جداً بصداقتها

كل اللي عايزة اقوله

ان هؤلاء المتخلفين الهمجيين الذين يتحدثون باسم الدين ويخفون أفعالهم المشينة وراء الدين ............ هم أبعد مايكون عن تعاليم الدين ( سواء مسلمين او مسيحين )

وبلاش نحول اي حادثة فردية او قرار عادي حتى لو كان بيوقراطي (فرضاً ) لفتنة طائفية

[م تيمور المراغي]

عودة الهدوء لكنيسة العمرانية.. والمسيحيون يهتفون: ''عاش الهلال مع الصليب''

تمكنت قوات الأمن بمحافظة الجيزة من تفريق المتجمهرين في الأحداث التي اندلعت بالقرب من كنيسة بالعمرانية، بهدوء، وتم التحفظ على 150 متظاهر بينهم 24 مصاب، جراء أحداث شغب نشبت بين مسيحيين وقوات الأمن بسبب توقف أعمال إنشاءات بكنيسة بمنطقة العمرانية بالجيزة.

من جانبه، تمكن مرور الجيزة من تيسير حركة المرور وعودتها بشكل منتظم من جديد بشارع الهرم والطريق الدائري، بعد توقفها بسبب الشغب الذي أسفر عن تحطيم عدد من السيارات السائرة و المتوقفة بالشارع.

وانتقلت النيابة برئاسة المستشار مجاهد على مجاهد المحامي العام لنيابات الجيزة، لمعاينة المناطق التي شهدت أحداث العنف وهي، أمام مبنى محافظة الجيزة، وأمام مقر حي العمرانية، وبالقرب من كنيسة العذراء والملاك.

وقامت النيابة بتحريز بعض المضبوطات من زجاجات المولوتوف، وقامت وزارة الداخلية بتدعيم قواتها بالعشرات من سيارات الأمن المركزي، بالإضافة إلى العديد من سيارات الأسعاف.

الجدير بالذكر، أن بعض العقلاء من المتظاهرين، قادوا دفة الهتاف نحو " عاش الهلال مع الصليب"، وذلك لمنع تجدد الاشتباكات وبث الهدوء في نفوس المتظاهرين، الذي يتجمعون حتى الآن في شارع عثمان محرم بالطالبية.

وقام مرشحون لمجلس الشعب، بدائرة العمرانية والهرم، باستغلال الأحداث التي وقعت في الترويج لأنفسهم، بزيارة الكنيسة، من أجل كسب الأصوات المسيحية في دائرتهم الانتخابية.

يشار إلى ان المسيحيين قاموا بتعليق لافتة كبيرة على مبنى ملحق بالكنيسة، للرئيس مبارك مكتوب عليها:"شعب كنيسة السيدة العذراء - شارع الإخلاص بالعمرانية - يؤيدون خطوات سيادة الرئيس محمد حسني مبارك، أبو كل المصريين، بنحبك يا ريس، شعب الكنيسة".

كانت اشتباكات عنيفة قد تجددت بين قوات الأمن ومتظاهرين مسيحيين تسبب فى مصرع شاب مسيحي وإصابة العشرات من الطرفين.

[ozoozo]

اخر ما وصلني من شهود عيان

ان هؤلاء الرعاع اقتحموا مدرسه السادات الاعداديه بنات ومدرسه حسام الخاصه في الهرم بالسنج والسيوف لكي يختفوا من الامن

وطبعا روعوا الاطفال -طبعا اطفال مسلمين ومسيحيين-وتوجد كذا اصابه من جراء تدافع الاطفال وفزعهم

اظن لازم يكون في رد حاسم علي هؤلاء الرعاع والا يقفل الموضوع بدافع الحفاظ علي الوحده الوطنيه

تم تعديل 24 نوفمبر 2010 بواسطة ozoozo

[pink rose]

عودة الهدوء لكنيسة العمرانية.. والمسيحيون يهتفون: ''عاش الهلال مع الصليب''

وقامت النيابة بتحريز بعض المضبوطات من زجاجات المولوتوف، وقامت وزارة الداخلية بتدعيم قواتها بالعشرات من سيارات الأمن المركزي، بالإضافة إلى العديد من سيارات الأسعاف.

يشار إلى ان المسيحيين قاموا بتعليق لافتة كبيرة على مبنى ملحق بالكنيسة، للرئيس مبارك مكتوب عليها:"شعب كنيسة السيدة العذراء - شارع الإخلاص بالعمرانية - يؤيدون خطوات سيادة الرئيس محمد حسني مبارك، أبو كل المصريين، بنحبك يا ريس، شعب الكنيسة".

يا سلام على النفاق

سؤال معلش

هي زجاجات المولوتوف دي متداولة بسهولة؟